الأخبار
أخبار إقليمية
وزير المالية: السودان يحناج لمضاعفة سكانه خمسة أضعاف لتتمية موارده
وزير المالية: السودان يحناج لمضاعفة سكانه خمسة أضعاف لتتمية موارده
وزير المالية: السودان يحناج لمضاعفة سكانه خمسة أضعاف لتتمية موارده


02-16-2015 11:02 PM
الخرطوم (سونا) -
أكد وزير الماليه واالاقتصاد الوطني بدر الدين محمود ان السودان بموارده الكثيرة والمتنوعة يحناج مضاعفة سكانه خمسة أضعاف لتتمية موارده.
وقال الوزير خلال احتفال الزواج الجماعي الذي نظمته الوزارة ووحدة المرأة والنوع اليوم بوزارة المالية، بحضور وزراء الدولة بالمالية ونائب محافظ بنك السودان ووكيلي وزارتي الصناعة والزراعة والري وعدد من المسؤولين، إن المناسبة تأتي من أجل بناء النسيج الاجتماعي للعاملين وبداية لتكوين الاسرة وخلق الاستقرار الاجتماعي لأجل مجتمع صالح ومستقر يقوم علي قيم الدين والطهر للاستقرار الاجتماعي الذي يعتبر مدخلا للاستقرار الاقتصادي وبناء أمة ناهضة من العاملين بالوزاره، مثمنا جهود لجنة الزواج الجماعي في تنظيم 50 زيجة للعاملين.
وأوضح وزير المالية إن الزواج يعمل علي المناخ المواتي لخلق الاستقرار وتعاظم الاداء والانتاج، مؤكدا علي دعم مشروعات العاملين من اجل تقوية النسيج الاجتماعي وخلق البيئه الصالحه، مشيدا بجهود المرأة العامله في بناء الاسر والدورالذى ظلت تقوم به في بناء الوطن واقتصاده، وحيا جهود اتحاد العمال والهيئات النقابية في دعم زيادة الإنتاج كل في موقع عمله.
من جانبه اشار وكيل وزارة المالية بالانابة عبد الله ابراهيم الي إن الزواج الجماعي يعتبر اللبنة الاساسيه لبناء مجتمع الطهر والعفاف ، وقال إن وزارة المالية درجت علي تسهيل زيجات العرس الجماعي للعاملين بالوزارة، مشيدا بوحدة النوع الاجتماعي ولجنة الزواج الجماعي.
وابان رئيس الهيئة النقابية للعاملين محمد سر الختم الباهي إنه تم عقد قران 50 زيجة من العاملين بمبادرة من وحدة المرأة والنوع لتسهيل الزواج لمنسوبيها بالوزارة، وكشف عن قيام زواج ذو النورين للعاملين بالوزارة في الفترة المقبلة.
وفالت مدير وحدة المرأة والنوع بالوزارة سناء محمد صلاح إلى إن الاحتفال يزف كوكبة من الشباب العاملين بالوزارة، مشيرة إلى إن الزواج الجماعي لعمارة الارض بالتكاثر، وفالت نفذنا 4 مشاريع من اجندة المرأة منها الزواج الجماعي وتشجيع العاملين الشباب على الزواج، وأعلنت عن قيام الزواج الجماعي بالوزارة سنويا في شهر فبراير، مبينة انه احد المشروعات الفاعلة، كاشفة عن قيام ورشة (زيد دخلك) للعاملين للتنوير عن كيفية زيادة العامل لدخله .


تعليقات 19 | إهداء 0 | زيارات 2785

التعليقات
#1210799 [متحير]
4.00/5 (1 صوت)

02-18-2015 12:37 AM
(كاشفة عن قيام ورشة (زيد دخلك) للعاملين للتنوير عن كيفية زيادة العامل لدخله .)
الرشاوي وهم عارفيناها يعنى ح تعلموهم شنو تانى؟؟؟؟

[متحير]

#1210654 [سلطان]
5.00/5 (1 صوت)

02-17-2015 06:35 PM
الكلب لصاحبه : رأيك شنو في كلام الزول البليد ده ؟؟؟؟؟؟؟؟؟

[سلطان]

#1210565 [همت]
4.50/5 (2 صوت)

02-17-2015 03:56 PM
إذا كان البشير وكيزانه عاجزين عن إطعام العدد الحالي من السكان ... أي خمس عدد السكان الذي يقترحه وزير الغفلة بدر الدين محمود، فماذا سيفعل نظام البشير مع خمسة أضعاف هذا العدد؟ السودان يحتاج إلى التخلص من البشير وكيزانه حتى يستطيع تنمية موارده وإستغلالها استغلالاً جيداً

[همت]

#1210498 [الحلومر]
5.00/5 (2 صوت)

02-17-2015 02:21 PM
شبعنا إستهبال وغش وكذب ونفاق بلاش زواج جماعي بلا نيل انتو بتضحكوا عل نفسكم ولا شنو؟؟ القروش دي مش كان احسن تدوها ل 500 شرطي المعتصمين امام بوابة القصر الرئاسي اول امس ادوا الناس حقوقه أولا ولا عشان العرس الجماعي فيه لحس ومأكلة (كروشكم الكبيرة ما بتشبع ) الأموال الدخلت السودان من دهب وبترول وثروة حيوانية وتبرعات المغتربين وقروض من دول العالم المختلفة كان ممكن تخلي السودان جنة الله في الأرض
بس حلوا عن سمانا والرجال المخلصين الغيورين علي الوطن موجدين وجاهزين لبناء الوطن من جديد عمار منكم ما دايرين؟؟ ارحلوا وسلموها لمن هو اقدر واكفأ منكم وهم قادرين ان يوضع علي قمة الثريا

[الحلومر]

#1210462 [zool]
5.00/5 (2 صوت)

02-17-2015 01:39 PM
وحدة المرأة والنوع
وحدة المرأة عرفناهاالنوع دا شنو كمان؟

[zool]

#1210295 [ودعمر]
5.00/5 (1 صوت)

02-17-2015 11:06 AM
هههههههه والله الكيزان ديل قلبم اليقولوهو الناس ديل بالجد اغبياء وماعندهم مخ وقايلين الناس دي في رؤسه في قنابير!!! قبال ايام المره الوزيره الاسمها مشاعر الدولب ديك بتقول الهجرة حاجه كويسه نحنا نريد تصدر عماله للخارج من اجل تطوير البلد!!! وده يقول ليك انحنا عايزين سكان زياده!!!
رداُ علي الاتنين اديهم مثال بسيط. الفلبين من اكثر دول العالم تصديراُ للعماله الماهره(مهندسين وعمال كهربا ومكانيكا لامثيل لهم)هل تطورت الفلبين وانصلح حالها بسبب تصدير العماله!!!!؟ الفلبين الان دولة متواضعه جداُ ومواطنيها غلبانين ويعملون خدم في كثير من دول العالم. بنغلاديش ايضاُ وضعها قريب من الفبين حيث تجد عدد كبير من الاطباء في السعودية بنغلاديش هل هذا دليل علي ان بنغلاديش متطوره او ستتطور!!!!؟ وبالنسبة للرد علي هذا الوزير نفس هذه الدول بها كثافة سكانية كبيره وكذلك اندونسيا بها 200 مليون نسمة هل تطورت اندونسيا بسبب عدد سكانها الكبير!!!؟ من اتي هؤلا الكيزان!!!!!!!!!!!!!!!!!!؟

اقول ليكم بصورة اكثر وضوحاُ
هل امريكا وبريطانيا تصدر اطباء واساتذه لدول العالم!!!!؟
هل هولندا(10 مليون نسمة) وماليزيا(حوالي 32 مليون نسمة) وسنقافورة التي حجمها قدر ولاية الخرطوم بها عدد سكان كبير!!!!!!!!!!!؟

[ودعمر]

#1210247 [مجنون]
0.00/5 (0 صوت)

02-17-2015 10:23 AM
هي وينها مواردو الكتثير الشعب ما شاف منها اى حاجة بس فالحين السودان غني وموارده كتيرة والناش جيعانة ما لاقية تاكل انتو ام الفشل ما قتدرتو تستغلوا ولا مورد صاح دلالة على فشلكم

[مجنون]

#1210223 [noon]
5.00/5 (2 صوت)

02-17-2015 09:47 AM
نزلوا أسعار الطلح !

[noon]

ردود على noon
[احمد] 02-17-2015 12:37 PM
الطلح والشاف

[freedomfighter] 02-17-2015 11:33 AM
والله ندبل ليكم ونكملن اربعة اها اكان ما حصلت التنمية بتكونوا مقلبتونا.


#1210196 [A. Rahman]
5.00/5 (2 صوت)

02-17-2015 09:23 AM
استراليا محتاجة لمضاعفة سكانها مائة مرة، فهل منعها ذلك من تنمية مواردها؟ يا جماعة الملاوي دي بتتحدف على السودان دا من وين؟ طيب و لحد ما نتضاعف خمس مرات نعمل شنو في الوقت دا؟

[A. Rahman]

#1210153 [الحجاج]
5.00/5 (1 صوت)

02-17-2015 08:49 AM
ايها الوزير الجاهل : كل الازمنة السابقة قبل مجيء الانقاذ كانت حال البلد الاقتصادية على افضل حالا من الآن : ولكن بجهل الحكومة والعنصرية البغيضة التي استقرت في عقلكم هي التي دمرت السودان ومواطنيه لم يكن يوما نقص السكان سببا في تنميته الاقتصادية قبل انفصال السودان المشؤوم الذي احدث شرخا والصرف البذخي من قبل الحكومة وترهلها الاداري هو السبب الحقيقي الذي ادى لتدهور الاقتصاد السوداني وذهاب بترول الجنوب دون ان ياخذ السودان نصيبه منه حسب اتفاقية نيفاشا ، كلامك دا خطأ وهناك اسباب لا تستطيع انت وحكومتك معالجتها لنقص الكوادر بوزارة المالية ولو الحكومة بتضع الرجل المناسب في المكان المناسب لما وصلت حال البلد للتدهور الحاصل الآن لانو هناك ايادي تخرب عن قصد هذا البلد وتعمل ضده وهم ضمن طاقمه الحكومي للاسف الشديد فهل منكم رجل رشيد يا وزير المالية يصحح الأخطاء المفتعلة في وزارة انتقوا المخلصين من ابناء البلد لكي يتطور اخلصوا لله يخلص لكم ،

[الحجاج]

#1210135 [[ابو فارس]
4.50/5 (2 صوت)

02-17-2015 08:38 AM
خمسة اضعاف يا نصابين حا تاكل ديل من وين ! هو انتو قادرين على الموجودين يا لصوص؟

[[ابو فارس]

#1210081 [البهبهانى]
5.00/5 (2 صوت)

02-17-2015 07:46 AM
لو فى ضمير عند الحكام ....حيرجعو المغتربين والمهجرين وكفايه.

[البهبهانى]

#1210042 [ود احمد]
4.00/5 (1 صوت)

02-17-2015 07:04 AM
انتو الموجودين هل سهلتم لهم سبل العيش الكريم حتى تنادوا بزيادة عدد السكان الان الهجرة الداخلية والخارجية هي نتاج طبيعي اعدم وجود تنمية للموارد مما افقر البلاد والعباد وجعلهم هائمون على وجوههم

[ود احمد]

#1210040 [المقهورة]
5.00/5 (1 صوت)

02-17-2015 06:57 AM
"وكشف عن قيام زواج ذو النورين..."!!!!!!
يعني تدبيل (مثنى)

[المقهورة]

#1210030 [aboo]
5.00/5 (1 صوت)

02-17-2015 06:39 AM
It will be definitely belligerent to comment on this poor article. Pathetic the time wasted in reading this garbage. Unfortunately, I cannot see an immediate end of this predicament we perceive from this mob. Reprehensible squalor hogwash we have to keep up with !!!

[aboo]

#1209996 [افلاطون]
5.00/5 (1 صوت)

02-17-2015 05:13 AM
دي زي الواحد يكون عندو اربعة اطفال ما قادر يعولهم يقوم يتزوج زوجة تانية ويجيب اطفال زيادة
,,غباء قاتل

[افلاطون]

#1209989 [خالد القاضى]
4.00/5 (1 صوت)

02-17-2015 04:46 AM
كدى استفيدوا من سكان السودان الفضلوا ولا منتظرين اولاد الزواج الجماعى لبدء التنمية

[خالد القاضى]

#1209979 [سودانى شديد]
4.50/5 (4 صوت)

02-17-2015 03:44 AM
رأيك شنو يا بدرة تقولوا إنكم حتدوا أى زول يصوت فى الإنتخابات حبتين فياقرا!!

و شعارك يكون: مع بدر الدين محمود حتكون دايما (مشدود)

ما عارف لييه إتذكرت صاحبكم دومينيك كاسيانو لمن قال: يا جماءة نهن جينا شان ننخ.....م!!!!!

[سودانى شديد]

#1209958 [shamy]
5.00/5 (1 صوت)

02-17-2015 01:17 AM
وفالت نفذنا 4 مشاريع من اجندة المرأة
1-منها الزواج الجماعي
2-وتشجيع العاملين الشباب على الزواج،
3-وأعلنت عن قيام الزواج الجماعي بالوزارة سنويا
4-عن قيام ورشة (زيد دخلك) للعاملين للتنوير عن كيفية زيادة العامل لدخله .
I'm old school not genius but smart.you say these shits to me I will slap your face.

[shamy]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة