الأخبار
أخبار إقليمية
مرشح يطلب مناظرة البشير.. والمحكمة تعيد "الأرباب" للسباق الرئاسي
مرشح يطلب مناظرة البشير.. والمحكمة تعيد "الأرباب" للسباق الرئاسي
مرشح يطلب مناظرة البشير.. والمحكمة تعيد


المحكمة ترفض طعنا ضد البشير "لعدم الاختصاص"
02-16-2015 11:58 PM
الراكوبة - الخرطوم دفع المرشح الرئاسي المستقل أسد النيل الصافي بطلب الى مفوضية الانتخابات لاجراء مناظرة بينه ومرشح المؤتمر الوطني عمر حسن احمد البشير، لمناقشة الموضوعات والقضايا التي تهم الناخب السوداني.

ودفع أسد النيل الصافي بطلب مماثل الى مرشح المؤتمر الوطني عمر حسن احمد البشير، وتعهد فيه بالالتزام بميثاق شرف لعدم تجاوز في المناظرة، وان تقوم على عرض ونقد البرامج الانتخابية.

وخيّر أسد النيل مرشح المؤتمر الوطني بتحديد مكان وزمان وكيفية المناظرة، مشيرا الى انه ملتزم بما يحدده مرشح المؤتمر الوطني.

وفي الاثناء قبلت المحكمة العليا الطعن المقدم من المرشح محمد أحمد عبد القادر الأرباب، ضد قرار المفوضية بإبعادة من الترشح لمنصب رئيس الجمهورية، وإعادته لسباق التنافس على مقعد رئيس الجمهورية ليبلغ عدد مرشحي الرئاسة (16) مرشحاً.

بينما رفضت المحكمة الطعن المقدم من مرشح الرئاسي أحمد الرضي، ضد ترشح المشير عمر البشير، ودكتور محمد عوض البارودي، ومحمد الحسن الصوفي، لعدم الاختصاص، وقالت إن المادة (46) من قانون الانتخابات حصرت اختصاص المحكمة في فحص الطعن الخاص برفض المفوضية لطلب الترشح فقط".

كما رفضت المحكمة الطعن المقدم من مندوب حزب المؤتمر الوطني محمد المختار الذي طعن في قرار المفوضية، باعتماد (النخلة) رمزاً لحزب الرباط الوطني، بحجة أن الرمز يتشابه مع رمز المؤتمر الوطني (الشجرة)، كما رفضت المحكمة الطعن المقدم من حسن أبوسبيب في مشاركة الحزب الاتحادي الديمقراطي في الانتخابات.

وانحصر السباق الرئاسي على (16) مرشحاً، هم: عمر البشير المؤتمر الوطني، فضل السيد شعيب الحقيقة الفدرالي، عبد المحمود عبد الجبار قوى الأمة، محمد الحسن الصوفي الإصلاح الوطني، ياسر يحيى صالح العدالة، فاطمة عبد المحمود الإشتراكي. بجانب (10) من المرشحين المستقلين هم: خيري بخيت خيري، أسد النيل عادل، عصام علي الغالي، أحمد الرضي جادالله، عادل دفع الله، عمر عوض الكريم، علم الهدى أحمد عثمان، محمد عوض البارودي، حمدي حسن أحمد، ومحمد أحمد الأرباب


تعليقات 21 | إهداء 0 | زيارات 8092

التعليقات
#1211382 [مغبووون]
0.00/5 (0 صوت)

02-18-2015 05:04 PM
يا جماعة معقولة يكون ناس المؤتمر الوطني ديل جادين في موضوع الانتخابات دي وعاملين ليها مفوضية وهيلمانة كمان .الناس دي جنت ولا شنو .. ومعقولة يكون في سوداني عاقل يمشي بحر ارادته ويصوت للبشير تاني فهموني الحاصل ولا احتمال يكون الكيزان عايشين في زمان غير زماننا وما دارين بالحاصل للسودان وشعبه الا من رحم ربي . انهم فتية عصوا ربهم وذادهم ربهم ضلالا حتى لا يجدوا لهم مخرج يوم الحساب وما يوم الحساب ببعيد ومن كان في ضلال فاليمدد له الرحمن مدا.

[مغبووون]

#1211028 [الزعلان]
0.00/5 (0 صوت)

02-18-2015 09:35 AM
ههههههه دي رائسه ول فريق كورة قدم 16 نفر ياجماعه ماتبالغو وفي النهايه كلهم كيزان وحراميه وهمهم بس يملو كورشهم دي من اموال الشعب نحن مقاطعين الانتخابات سوا نزلتو مسيسين او مستغلين ماعندناليكم حاجه

[الزعلان]

#1210793 [omer]
0.00/5 (0 صوت)

02-18-2015 12:17 AM
اتمنى ان يتناظروا مع بعض ويورنا برامجم وتتذاع فى القنوات ومتاكد حتستفيد منها القنوا ت ماديا بالمشاهده والناس ايضا

[omer]

#1210787 [الناهة]
0.00/5 (0 صوت)

02-17-2015 11:49 PM
ورطة حقيقية للرئيس البشير لو تمت هذه المناظرة
الرئيس البشير ليس امامه الا ان ينيب احد مكانه لهذه المناظرة
اما لو تمت المناظرة سيكتشف الشعب حقيقة مذهلة جدا
نتشوق ونتمنى ان تتم هذه المنظرة على الهواء الطلق ومباشرة
حتى نختار الرنامج الفائز
وارجو ان يقبل الرئيس البشير التحدي
احتمال يفوز بالمناظرة

[الناهة]

#1210703 [مسطول مريخابي]
0.00/5 (0 صوت)

02-17-2015 08:42 PM
والمحكمة تعيد "الأرباب" للسباق الرئاسي

طيب لو المحكمة دايرة تعيد "الارباب" للسباق الرئاسي نحن نطالب المحكمة ان تعطي فرصة ايضا لجمال الوالي

[مسطول مريخابي]

#1210644 [ربوع السودان]
0.00/5 (0 صوت)

02-17-2015 06:10 PM
اها الانتخابات متين

[ربوع السودان]

#1210479 [Floors]
5.00/5 (1 صوت)

02-17-2015 01:56 PM
كلام يسم البدن ياأخي يا أهبل ياعديم المعرفة والله العظيم أنت من دي الوقت تعتبر فاشل سيبك من المناظرة والكلام الفارغ ، الإنتخابات المزعومة نتيجتها حتمية للشاويش بالمال والسلطة والشعب الكسلان ومجرد قبولك الترشح ضد المحنط لربع قرن من الزمان هذه ليست منافسة شريفة ضد سفاح وديكتاتور مطلوب جنائياً وقبوللك للترشيح يعتبر تيساً محللاً لأمرأة طلقت ثلاث وترغب في محللاً يمكنها من العودة لزوجها السفاح المجرم .. هل ترضى لنفسك ذلك ياعديم البصيرة!!!!

[Floors]

#1210455 [صديق الشيخ حمد النيل]
5.00/5 (1 صوت)

02-17-2015 01:34 PM
ها ناس الحاصل شنو ؟

[صديق الشيخ حمد النيل]

ردود على صديق الشيخ حمد النيل
United States [nubian] 02-18-2015 03:12 AM
مافي حاجه حصلت لسه خليك نايم


#1210390 [الكردفاني العدييييييييييييييييييييييييييييييييييييييل]
5.00/5 (1 صوت)

02-17-2015 12:28 PM
معارك بلا معترك .... بدلا من مناطحة وحرب طواحين الهواء ..... الاحسن تنسحبوا جملة واحدة .... لان فرص الفوز مثل .... امل ابليس في الجنة .... البعض عاملها .... سمعة ... المرشح السابق ..... والبعض الاخر من صناعة الارجاس ..... انها .... افعال سبقتكم ....بها الاحزاب الشمولية .... اليسارية..... وما عادت ... تخدع احدا..... الا الواهمون....

اللهم عليك ... بعصابات الارجاس ..... اقطعهم .... تك .....
اللهم عليك ... بعصابات الارجاس ..... اقطعهم .... تك .....
اللهم عليك ... بعصابات الارجاس ..... اقطعهم .... تك .....
اللهم عليك ... بعصابات الارجاس ..... اقطعهم .... تك .....
اللهم عليك ... بعصابات الارجاس ..... اقطعهم .... تك .....
اللهم عليك ... بعصابات الارجاس ..... اقطعهم .... تك .....
اللهم عليك ... بعصابات الارجاس ..... اقطعهم .... تك .....
للهم عليك ... بعصابات الارجاس ..... اقطعهم .... تك .....

[الكردفاني العدييييييييييييييييييييييييييييييييييييييل]

#1210371 [الشفيع]
5.00/5 (1 صوت)

02-17-2015 12:00 PM
مهزلة والله من هم هؤلاء المرشحين حتي يحق لاي مواطن انتخابهم ، انشروا لنا سيرة ذاتيه لكل منهم ما عدا المذكور اعلاه الفائز مسبقاً ، دي ديمقراطية ولا لعب ساكت

[الشفيع]

#1210334 [أحمد الرضي]
5.00/5 (1 صوت)

02-17-2015 11:39 AM
المحكمة العليا دائرة الإنتخابات التي شطبت الطعن الذي تقدمت به ضد هؤلاء المرشحين يجب أن تحاكم بجريمة إنكار العدالة، وأطالب رئيس القضاء الآن وفورا أن يشكل محكمة مستعجلة لمحاكمة هؤلاء القضاة، فهم إستناداً للمادة 46 مختصين بنظر الطعن الذي يتقدم به المرشح الذي يرفض طلب ترشحه،،، ولكنهم بموجب المادة 59 من قانون الإنتخابات مختصين بنظر الطعون ضد قرارات المفوضيه سواء بالقبول أو بالرفض،،، وبالتالي رفضهم إعمال سلطاتهم بموجب الماده 59 يجعلهم تحت طآلة إنكار العدالة،

[أحمد الرضي]

#1210312 [yahia kamal]
5.00/5 (1 صوت)

02-17-2015 11:20 AM
ماذا قدم راجل وداد للشعب طول فترة توليه الحكم والله قدم لينا الوعود الكاذبة نهب ثرواتنا وسلمها وداد بابكر اتحدى يقبل بالمناظرة عشان تطلع الفضائح كم سنة ونحن عايشين فى وهم وكذب ونفاق ودجل ياعمر تعرف مقولة عمر ابن الخطاب عندما ذهب ليستلم مفاتيح القدس وعندما ساله كسرا اتمشى يامير المؤنين وغلامك راكب لان عندما دخل المقدس كان الغلام راكبا وعمر رضى الله عنه يقود الدابة وماكان عنده غيرها يتبادلون عليها الركوب من المدينة للقدس تعرف عندما ساله ماذا قال
قال رضى الله عنه لقد كنا ازلاء فاعزنا الله بالاسلام وان لم نبتقى العزة فى غير ازلنا الله
فانت ياماعارف اسميك شنو لان اسم عمر كثير عليك اقوليك السفاح اين انت من ذلك

[yahia kamal]

#1210265 [باب المندب]
5.00/5 (1 صوت)

02-17-2015 10:39 AM
والله العظيم الناس القالوا دايرين يبقوا رؤساء على البلد والناس ديل ... ما عرفت فيهم الا عمر البشير كلص سطا على الحكم وتمسك به هو وزمرته لما يزيد عن الربع قرن دون أى فعل ايجابى تجاه الوطن والناس ( بوظوا اخلاق الناي ) وفاطمة عبدالمحمود التى راهقت مؤخرا نصير العسكرتاريا
اما البقية ديل فيصلحوا كهتيفة لأحد مصارعى مصارعة الحاج يوسف

[باب المندب]

#1210243 [منقه]
5.00/5 (1 صوت)

02-17-2015 10:16 AM
البشير ينافس عامل مساج للرجال
1- ياسر يحيى صالح عبد القادر عن حزب العدالة
ده شهاده ابتدائبه ما عندو ولد حلتنا من الخرطوم 3
سبحان الله البلد دي مافيها امن .... عمل ليهو شهادة مهندس ؟
ههههههههههههههههههههههههه
اسئلو اي زول في نمره 3 < طبلية الصعود ؟؟؟؟؟؟

2- ودجال من السعوديه

3- واحد عميل للمساد

[منقه]

#1210182 [A. Rahman]
5.00/5 (2 صوت)

02-17-2015 09:12 AM
ان شاء الله الناخبين يكونوا اقل من المرشحين

[A. Rahman]

#1210156 [جهيمان وليد السناني]
5.00/5 (1 صوت)

02-17-2015 08:50 AM
عزيزي المواطن..عزيزتي المواطنة..فلننتصر لشهداء سبتمبر2013..فلننتصر للسنهوري وسارة عبدالباقي..بتلقين العلوج درسا لن ينسوه..مشاركتك في مهزلة الانتخابات خيانة لدماء شهداء سبتمبر..فلننتصر لهم..فهم اكرم منا جميعا..يجب الا نسمح بتزوير ارادتنا..مشاعرنا تجاههم ومرشحيهم هي احتقار صناديق الاقتراع..اتركوها فارغة يملؤها الضجر..فلنصوت ضد الجوع..ضد الظلم..ضد القهر..ضد الفقر..ضد الحرب..ضداللصوص..ضد الفاسدين وتجار الدين واصحابهم المعممين من الطايغية المشاركة..بقاؤك بعيدا عن الصندوق هي...ارحل...ارحل...

[جهيمان وليد السناني]

#1210065 [ابو مهند]
5.00/5 (2 صوت)

02-17-2015 07:26 AM
معظم الأحزاب السياسية المشاركة في الانتخابات ما معروفة اصلا و الأشخاص الذين تقدموا لمقاعد رئاسة الجمهورية أيضا غير معروفين كلهم يريدون مساعدة المؤتمر الوطني فقط لا أكثر

[ابو مهند]

#1210029 [بدر السماء]
5.00/5 (1 صوت)

02-17-2015 06:38 AM
محمد احمد الارباب دا ماعارف روحو شايت وين ؟

[بدر السماء]

#1210019 [سوداني جدا]
5.00/5 (2 صوت)

02-17-2015 06:26 AM
****مقتبس من اسد****




ايها الشعب السوداني

با شباب السودان المقهور المظلوم

يا من ذاق الذل و الفقر والمرض والشح والهوان

يا من ترك دياره و نسى ان له حقا في داره

يامن هاجر ونسى ان له حقا في العوده

يامن تخرج و تسول و كدح و مرض و هاجر و دفن

اصحو صحوة رجلا واحد و هجمة أسدا واحد

لقد قتلنا الف مره ولمدة ثلاثين عاما

لقد ارسلنا الي سكرات الفقر عنوه

لقد سرقت ابسط حقوقنا و انتهكت اعراضنا و حلالنا و اموالنا

لقد تشردنا و تفككنا و دمرنا و تشتتنا.....لقد متنا

لنعش ولو شهرا او اسبوع او حتى يوما واحد

الحل هو جوابا يعرفه الاسد جيدا امام الضباع

الحل هو خلع الجزء المسرطن

الحل هو قتل العقرب

الحل هو قنص رؤس الافاعي او الذل والموت لسنين عداد كالارنب

[سوداني جدا]

#1210014 [سوداني ود بلد]
5.00/5 (1 صوت)

02-17-2015 06:12 AM
جاء في الخبر أعلاه "بينما رفضت المحكمة الطعن المقدم من مرشح الرئاسي أحمد الرضي، ضد ترشح المشير عمر البشير، ودكتور محمد عوض البارودي، ومحمد الحسن الصوفي، لعدم الاختصاص، وقالت إن المادة (46) من قانون الانتخابات حصرت اختصاص المحكمة في فحص الطعن الخاص برفض المفوضية لطلب الترشح فقط""

وأين المادة التي في القانون التي تتحدث عن أنه لايجوز أن يشغل منصب رئيس الجمهورية شخص لأكثر من فترتين رئاسيتين؟

[سوداني ود بلد]

#1210000 [الجن الكلكي]
5.00/5 (2 صوت)

02-17-2015 05:49 AM
علينا جاي كيلو الطماطم بجنهين قرع ود العباس واحده بقرش 10 بلاش هههههههههههههههههههههههه
وانحصر السباق الرئاسي على (16) مرشحاً، هم: عمر البشير المؤتمر الوطني، فضل السيد شعيب الحقيقة الفدرالي، عبد المحمود عبد الجبار قوى الأمة، محمد الحسن الصوفي الإصلاح الوطني، ياسر يحيى صالح العدالة، فاطمة عبد المحمود الإشتراكي. بجانب (10) من المرشحين المستقلين هم: خيري بخيت خيري، أسد النيل عادل، عصام علي الغالي، أحمد الرضي جادالله، عادل دفع الله، عمر عوض الكريم، علم الهدى أحمد عثمان، محمد عوض البارودي، حمدي حسن أحمد، ومحمد أحمد الأرباب كيلو الليمون ب 2 جنيه قفة العجور ب 5 قروش قايتو فاطمة عبد المحمود كانت مع نميري ام الباقين ديل كانو بلعبوا في فرق الاقاليم ناس دبروسه وكاب الدجاج ولا في المورد والنيل كرهتونا السودان اسع كلكم بتجيبوا 1000 صوت بس البشير عنده الخج انتم عندكم شنو ماتقومو تلفو الله يلفكم قطر يهرسكم

[الجن الكلكي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة