الأخبار
أخبار إقليمية
البشير يستجدي المواطنين للتصويب في انتخاباته البائرة (شاهد الرسالة)
البشير يستجدي المواطنين للتصويب في انتخاباته البائرة (شاهد الرسالة)
البشير يستجدي المواطنين للتصويب في انتخاباته البائرة (شاهد الرسالة)


في رسالة نقلها اتحاد طلاب حزب البشير
02-18-2015 02:51 AM
الراكوبة - الخرطوم تاكيدا لبوار الانتخابات، وانصراف المواطنين عنها، طالب المشير عمر البشير المواطنين بالمشاركة في الانتخابات، في حالة تحدث للمرة الاولى منذ اغتصابه للسلطة في ليلة الثلاثين من يوليو 1989م على صهوة مدرعات الجيش.

وفيما يُشبه التأكيد على ان النظام يرتجف من حملة (ارحل) التي دشنتها احزاب (نداء السودان)، قال البشير للمواطنين "احدثكم من القلب إلي القلب" من منطلق أن البلاد تشهد تحولات كبيره في كافة المجالات، ومن واقع ان الانتخابات استحقاق دستوري، وانها "تمثل حوارا مجتمعيا وسياسيا وحضاريا متقدما".

ونقل الاتحاد العام لطلاب حزب البشير عن المشير عمر البشير قوله "أود ان ينال كل مواطن حقه في الانتخابات، بكل حرية وشفافية تجسد حب الوطن وترابه الغالي". اردف قائلا: "اشكركم مواطني الاعزاء على عميق روحكم الوطنية والتي ظهرت جلية في احتفالات البلاد بإعياد الاستقلال المجيد في الذكري ".59".

وختم البشير رسالته المنقولة الى المواطنين من خلال بيان صادر عن الاتحاد العام لطلاب حزب البشير، بقوله "خالص تحياتي لكم بدوام الصحة والعافية.. اخوكم/ عمر حسن احمد البسير/ رئيس الجمهورية".

وكان الاتحاد العام لطلاب حزب البشير قد دشّن حملة اطلق عليها اسم (شارك) لجلب الناخبين الى الانتخابات التي تعاني من كساد كبير وبوار واضح يظهر في انصراف الشارع عنها الى امور اخرى، مثل مكابدة الضائقة المعيشية الضاربة التي انتجتها سياسات المشير البشير، الذي يبحث عن اصوات الناخبين للاستمرار في تجويع الشعب وقصف المدنيين وحرق القرى وقتل المتظاهرين، واعادة انتاج سياسة الفصل للصالح العام، وغيرها من مآسي النظام.

وتاتي حملة (شارك) التي اطلقها الاتحاد العام لطلاب حزب البشير في توقيت متزامن مع حملة (ارحل) التي دشنتها المعارضة. ويرمي اتحاد طلاب حزب البشير الى حث المواطنين على المشاركة الفاعلة في الانتخابات العامة، تحت شعار( فلنصوت للوطن). ودعا اتحاد طلاب حزب البشير "النيل الفاضل" الذي رمى نفسه ساجدا امام عربة المشير البشير عقب عودته من رحلة استشفاء خارجية، كل فئات وقطاعات المجتمع لممارسة حقوقهم الدستورية عبر المشاركة الواسعة في الانتخابات القادمة. وقال إنها واجب وطني واستكمال لمسيرة البناء والتحول الديمقراطي.


تعليقات 48 | إهداء 0 | زيارات 13154

التعليقات
#1211710 [yahiakamal]
0.00/5 (0 صوت)

02-19-2015 09:17 AM
تيس المؤتمر ماكفاك وكفانا عايز نوصلنا وين تانى نحن شعرة ونقع فى الهاوية ولا اقوليك وقعنا خلاص فكونا سيبو الشباب ياخذو فرصتهم كفايه كذب كفاية وعود كفايه نفاق ياتيس المؤتمر انت بعد كدة تجيب ليك استيريو بسماعات كبيرة وتجيب فلانة وتلحق فلان انت عارفو بتاع ماليزيا ولندن بتاع البزنس ياابو التيوس عرفتو لحقوه ابراهيم شمس الدين بى كده يخلو لك الجو وتنفرد بالصيدة بس اوعك تفكها ساكت ماانت بتكون متفرغ موسيق ورقيص شديد مابتقدر تزوق يمين ولا شمال وخليك تيس حمش ماتبق تيس ديوس طول عمرك ارحلوا بلا رجعة لا بارك الله فيكم

[yahiakamal]

#1211557 [الدابى]
0.00/5 (0 صوت)

02-19-2015 01:39 AM
اين انت يااخرق من عمر لو تعثرت واين انت يااحمق من عمر كفى آل عمر ان يسال عمر رضى الله عنك يا حبيبى يابن الخطاب ولعنك الله اينما حللت.

[الدابى]

#1211537 [ربيع حار جدا]
0.00/5 (0 صوت)

02-18-2015 11:36 PM
قلنا أرحل .. أرحل يعني أرحل .. أرحل يعني إتخارج ..أرحل يعني فارقنا .. أرحل خلاص قرفنا منك .. إرحل إلي لاهاي .. إرحل إلي مقابر البكري .. أرحل إلي الجحيم .. بس انت إرحل ..!!

[ربيع حار جدا]

ردود على ربيع حار جدا
[nagatabuzaid] 02-21-2015 11:30 PM
كل شىء الا مقابر البكرى واحمد شرفى وحمد النيل شوفوا لكم خور ادفنوه فيه ولا خلوه لكلاب لهب يخطفوه


#1211515 [سعد عوض]
4.00/5 (1 صوت)

02-18-2015 10:02 PM
لو كان لديك ذَرّة من كرامة أو عزة نفس لِما إستجديت مواطنين سبق ان نعتهم بأقذع الأوصاف و شتمتهم فى كل خطاب تخرج لإلقائه و أسئت إليهم فى كل مؤتمراتك التى يعقدها نظامك المستبد الفاسد , لو ملكت ذرة حياء لما جئت إليهم اليوم صاغراً ذليلاً تستجديهم لكى يخرجو ليصوتو لك فى إنتخابات معروف فيها قائمة اسماء الفائزين فيها منذ فترة بعيدة ..

لو كنت تملك ذَرّة من كرامة أو عزة نفس لما إستجديت آباء و أمهات شهداء سبتمبر 2013 الذين قتلتهم بدم بارد عندما خرج أبنائهم و بناتهم فى تظاهرات سلمية تطالب بالتغيير و بتحسين المعيشة ..

لو كنت تملك ذَرّة كرامة و عزة نفس لتركت منصبك منذ وقت بعيد و لوضعت نفسك للمحاسبة و للمحاكمة بسبب الجرائم الكثيرة التى إغترفها نظامك بحق الوطن و مواطنيه طوال ربع قرن من الزمان , و ل وفرت لشعبك مايعانيه بسبك من حصار إقتصادى و عقوبات و عُزلة دولية .

[سعد عوض]

#1211512 [عبدالجليل نورالدين كونا]
0.00/5 (0 صوت)

02-18-2015 09:49 PM
لا خلاص حننتنا و بكيتنا!!! خطابك ده بلو و اشرب مويتو و ارحل ارحل نحنا خلاص مليناك و زهجنا منك و شميناك . ارحل قور تروح ان شاء الله في ستين .

[عبدالجليل نورالدين كونا]

#1211467 [الحقيقة مرة]
5.00/5 (2 صوت)

02-18-2015 07:33 PM
اخوكم/ بشة
_____

خوة كلب احسن وافيد واضمن واسلم من خوة الخونة القتلة اللصوص

[الحقيقة مرة]

#1211438 [بت البلد]
5.00/5 (2 صوت)

02-18-2015 06:45 PM
نحن ليس معنيون بهذه الرسالة وسوف لا نغير مواقفنا ...ارحل

[بت البلد]

#1211436 [Awad Sidahmd]
5.00/5 (2 صوت)

02-18-2015 06:41 PM
الأخوة الأعزاء , الرئيس والراعى الأول للأمة يطالب فى هذه الرسالة باعادة ترشيحة لدورة آخرى كى يكمل (3) عقود كاملة فى الحكم , فهنا يجب علينا كمسلمين أن نعلم , وندرك أن عمليىة اعطاء ( الصوط) هى فى حد ذاتها أمانة , ومسئولية أمام الله سبحانه وتعالى , فيجب شرعا على كل فرد أن ينظر بعين فاحصة ويجرى تقييم تام و شامل , لكامل فترة حكمة السابقة (25) سنة , ويزن أعماله كلها خلال هذه الفترة بميذان الشرع , ولا شىء آخر , فاذا تطابق مع تعاليم ديننا الحنيف , وكان يعمل فى اطار الأمانة التى أوكلت اليه ولم يخنها , فهنا يجب شرعا اعادة انتخابه , أما اذا ثبت , وتأكد بصورة قاطعة لا مجال للطعن فيها عكس ذلك , أى( خان الأمانة ولم يوف بالعهود التى قطعها , وتحول من راعى جاء أصلا لخدمة الرعية الى ظلمها والاستبداد عليها ) فهنا يحرم علينا شرعا اعادته مرة أخرى , فالاعادة هنا مع تأكد الاخلال بالأمانة , فيه اثم كبير ومسئولية أمام رب العزة , اذا أمر التصويت محكوم شرعا بهذا المعيار ولا شىء آخر .

[Awad Sidahmd]

#1211386 [جركان فاضى]
0.00/5 (0 صوت)

02-18-2015 05:13 PM
الاخوة المعلقين الكرام...اتكلموا ساكت...بس اول مايجى الصمت الانتخابى اسكتوا

[جركان فاضى]

ردود على جركان فاضى
[nagatabuzaid] 02-21-2015 11:26 PM
حاضر


#1211366 [Rebel]
4.75/5 (5 صوت)

02-18-2015 04:20 PM
* إنتخابات!!!؟.."إنتخابات" إيه, وسط رائحة الدم و الموت, و البطش و الظلم و الأستبداد و الفساد و الفقر و المرض!!!
* هل هذا الرجل معتوه؟! هل هو فعلا يتوقع ان ينتخبه الشعب السودانى رئيسا للمره الالف, بعد ان ظل فى ذات منصب "الرئيس" 26 سنه!!!, لتستمر ذات الحروب و القتل ,و الظلم و الفساد و الإستبداد و المرض و الفقر و الإستعلاء و "الشتائم"!!!
* اشهد الله الذى لا إله غيره, ان عمر البشير ما هو فى حقيقة امره إلآ شخص وضيع و حقير و رخيص و انانى و عديم الإحساس, هو و جميع الذين من حوله.. و اشهد الله انه خائن للدين و للوطن.. و اشهد الله انه لص و كاذب و منافق و ظالم و مستبد..و اشهد الله ان لا علاقة لهذا "المخلوق الغريب", باى "دين سماوى", و لا قيم و لا مثل و لا اخلاق إنسانيه, على الإطلاق.
* و انا لا املك إلا ان العنه..فعليه و على جميع عضوية "مؤتمر اللصوص و الخونه", عليهم لعنة الله و الملائكة و الناس اجمعين, صباح مساء, و إلى يوم الدين..آمين

[Rebel]

#1211343 [زهايمر]
4.97/5 (8 صوت)

02-18-2015 03:37 PM
يا جماعة ما تفهموا الريس غلط .. أصلو كديسة الزهايمر هاجت عليه و راح عايش دور رئيس اتحاد الطلبة .. بعد أن تخلي عن رئاسة الدولة طواعية ...

[زهايمر]

ردود على زهايمر
[مسطول] 02-18-2015 08:25 PM
طيب يا شيخ وكت كديسة الزهايمر هايجة عليه كان يمشي يرابط لينا جنب كبري المنشية ويحرسو لينا من الجقور !!!!!!!!!!!!


#1211321 [moiez]
3.00/5 (2 صوت)

02-18-2015 02:54 PM
3 ملوك في السعودية و3 رؤسا في مصر و5 في امريكا ووووو داير تعمل شنو تاني ي خلف الله شوف ليك موضوع غيرنا عليك اللة

[moiez]

#1211286 [ALIIIIIIIIIIIIIIIIIIIIIIIIIIIIIIIIII]
4.63/5 (4 صوت)

02-18-2015 01:56 PM
مواطني الاعزاء دي حلوة خالص خالص ياعمر البشير ابدعت بالجد يعني يدوبك اتذكرت انو في ناس عايشين في السودان وعندهم حق المواطنة واووووووووووو ياخي ارحل وريحنا دايرين نشوف خلق تانية غيرك والله العظيم عامل ذي اللبانة بني ادم لكيع بصورة غريبة خالص خالص امشي وارحل وريحنا ماعايزينك عايزين غيرك عايزين غيرك

[ALIIIIIIIIIIIIIIIIIIIIIIIIIIIIIIIIII]

ردود على ALIIIIIIIIIIIIIIIIIIIIIIIIIIIIIIIIII
European Union [سم زعاف] 02-18-2015 06:34 PM
وكمان قال "أخوكم" خوخة تقلع سنونك ما تخلي ليك ضرس. تفو تفو وكمان تفو عليك وعلى الخلفوك


#1211228 [علكوت]
4.25/5 (3 صوت)

02-18-2015 12:56 PM
الزول داء من توقيعوا علكوت

[علكوت]

ردود على علكوت
European Union [AburishA] 02-18-2015 04:07 PM
هيع هيع هاااع انت بتاع علم نفس جدا يا علكوت.. تحياتي


#1211222 [dghd]
3.50/5 (2 صوت)

02-18-2015 12:52 PM
الله ياخدو قبل الانتخابات يارب

[dghd]

#1211208 [محمد المصطفى]
4.38/5 (5 صوت)

02-18-2015 12:40 PM
يادوب إتذكرت بأن لهذه البلد شعب و مواطنين يا عديم الإحساس يا منافق !!
االشعب دة ماقاعد تنبذ فيهو ليل نهار طوال ربع قرن و مهمشو و ماجايب خبرو جاى هسع تتمسح فيهو و تستجديهو يصوت ليك يا كذاب يا منافق !!

كُلو عرفنا , حتى حياء أو إختشاء ماعندك يا كافى البلا ؟؟
و فى كل يوم يمر تثبتو لنا يا كيزان الشيطان يا صعاليق إنكم أحقر و أنذل و أوطى من مشى على الارض لعنكم الله فى قبلاته الاربعة يا ملاقيط يا عديمى الاخلاق و الضمير ..

شعب السودان الصابر سوف يبقى بمنازله و سيقاطع إنتخاباتك المسرحية الهزيلة و سيقوم بتدشين حملته أرحل و سيعلن على تفعيل الاعتصام المدنى لإزالتك ومن معك من العصابة و سيأتى بكم فرداً فرداً للقصاص و للمسآئلة على جرائمكم التى فعلتوها بهذا الوطن و بمواطنيه , و إن غداً لناظره قريب .

[محمد المصطفى]

#1211195 [AburishA]
4.25/5 (4 صوت)

02-18-2015 12:27 PM
** بكرة يجينا بمناشدة في ورق مروس بتاع "الجبهة الثورية".. عشان المعارضة تصوّت ليهو...

**** وما تنسي يا سيادة الرئيس الورق المروس بتاع..."هيئة كبار علماء السودان" هيع هيع هاااع محن..

[AburishA]

ردود على AburishA
United States [محجوب عبد المنعم حسن معني] 02-18-2015 09:47 PM
حبيبنا ابو ريشة
تحياتي يا ملك
والله مشتاقين
تعرف صراحة موضوع الورق المروس ده مزعلني شديد
مع مودتي

European Union [عصمتووف] 02-18-2015 08:34 PM
ي ابوريشة ي بت ابوزيد اخوي ده بتاع ملح يكفن الميتة او فانوس يبقبق ف مصطلحنا الزول العاوز تحشي ليه كرشوا الفانوس لمن جازة يخلص يبقيق اقرب مثال ديل ملحوا النادي الكاثوليكي ما بالك ب ورق مروس من اي جهاز حاسوب ممكن تصمم لكن شن علم الحمير التعليم شن علم الحمير اكل الجنزبيل

United States [aboo] 02-18-2015 07:10 PM
Hahahaaaaa


#1211186 [ملتوف يزيل الكيزان]
4.50/5 (4 صوت)

02-18-2015 12:16 PM
هذه الانتخابات تخص الاخوان المخنثين ، تربية الترابي صاحب السفلي و اللصوص البنهبوا البلد بالمليارات و القتلة و مغتصبي نساء مسلمي دارفور و جبال النوبة و النيل الازرق و الشواذ الذين يعملون في جهاز الامن و اتحدى جهاز الامن اذا كان فيهو راجل واحد. طبعا قضاة اخر الزمن لا تأهيل و لا اخلاق و أئمة الجوامع المخنثين و علماء السودان معقل الديوث.
خلايا المقاومة السرية بالاحياء لانشاء قاعدة بيانات بكل منسوبي الانقاذ و كلاب الامن و رصد تحركاتهم و سكناتهم و محل سكنهم و محل عملهم. هذه معلومات اساسية تساعد على التحرك الفعال لتصفيتهم فردا فردا و جعل البلد غير آمن لهم ولاسرهم.
تسريب عناصر الحركات المسلحة لداخل العاصمة المكان الواقعي لمحاربة النظام المجرم . و بمساعدة شباب الغربة ، يمكن شن حرب عصابات المدن و تخفيف الضغط الواقع على اهلنا بالاقاليم.
كل منسوبي الانقاذ اهداف مشروعة.

[ملتوف يزيل الكيزان]

#1211164 [الناهة]
4.25/5 (3 صوت)

02-18-2015 12:00 PM
السيد الرئيس عمر البشير
لم يعد يخفى عليك ان الثقة قد انعدمت تماما فيما بين الشعب السوداني ونظام الانقاذ وعلى راسه سيادتكم نسبة للعديد من الاسباب ونوجز منها الاتي :
- لقد اقسمت امامنا العمل على وحدة التراب السوداني والعمل بالدستور والاحتكام اليه ولم يتم ذلك حيث تم انفصال الجنوب ومزقت وحدة البلاد الجغرافية والاجتماعية واضاعة اكثر من 75% من الثروة البترولية التى بذلت حكومة مايو بقيادة المرحوم الرئيس نميري الغالي والنفيس من اجل اكتشافها
- قمتم بتدمير مشروع الجزيرة وسودانير وسودان لاين والسكة حديد بسبب سياسة التمكين البغيضة التى دمرت هي الاخرى الخدمة المدنية حيث تولى المناصب الحكومية تابعين لكم غير مؤهلين علميا ولا دينيا ولا اخلاقيا فانتجوا الفساد في الارض وسنوا القوانين التى تحمي الفساد والافساد حيث دابت منظمة الشفافية العالمية على تصنيف السودان على مدى اكثر من 11 عام من اكثر بلاد الدنيا فسادا مؤسسيا ودائما ما تغالطون انتم وبطانتكم هذه الحقائق والشعب يعلم انهم صادقون لانه يرى الفساد بعينيه
- ترهلت الحكومة في عهدكم حتى بلغت اكثر من 60 وزير و18 ولاية عبارة عن كميونات محاصصة قبلية وجهوية وارضاءات ومساومات سياسية على نحو مقزز ومقرف جدا حيث صار النفاق والانتهازية والوصولية سمة من سمات الحكومة البارزة وتسبب ذلك في توليد الظلم والغبن والتهميش مما ادى الى اندلاع ثلاثة حروب اهلية بجانب قيامكم بسياسة المكر والدهاء حيث مزقتم الاحزاب السياسية بالاغراءات بالمال والسلطة حتى اصبح بالسودان ما يقارب المائة حزب ومازلتم تمزقون الاحزاب وتدمرون نقابات المجتمع السوداني حتى لا تجدوا من يعارضكم
- اعتمادكم على القبضة الامنية كالية لحكم البلاد وترويع الشعب وكبت الحريات والتمييز بين ابناء الشعب السوداني حتى اتخذتم منابر للحوار في عواصم الدنيا واضعتم سمعة البلاد التاريخية وعلاقاته الازلية مع مصر والسعودية ودول الخليج وامريكا والدول الاوربية وقصدتم ايران التى دربتكم امنيا لتوطيد حكمكم على نحو بغيض حتى صارت المساجد بؤر امنية تتصيد المعارضين بالاحياء والجامعات والمدارس حتى تبقوا على راس الحكم رغما عن كل الشعب السوداني
- قمعكم لثورة سبتمبر المجيده في سبتمبر اكتوبر 2013م وقتل ابناء الشعب السوداني الاعزل بسبب مسيرات سلمية مطلبية بدم بارد بجانب الاتهامات بالاغتصاب في منطقة تابت ومن قبلها مطاردات مجلس الامن برتل من القرارات والمحكمة الجنائية حتى انكم لم تعودوا قادرين على الوفاء بمهام رئيس الجمهورية حيث تلطخت صحيفتكم الجنائية بتهم خطيرة من قبيل الابادة الجماعية والاغتصابات وجرائم الحرب وبقي السودان مرتعا للحركات الارهابية من قبيل القاعدة وبوكوحرام وداعش وفجر ليبيا والاخوان المسلمين وجيش الرب وغيرها وغيرها حتى ان هنالك تهما وتسريبات حول وقوفكم داعما لداعش

اخيرا لم يبق الا ان نقول لكم ...ارحل ... ارحل ... ارحلوا

[الناهة]

ردود على الناهة
European Union [jafal] 02-18-2015 01:34 PM
يرتجى من شذاذ الافاق الكثير


#1211128 [غيور على البلد]
3.50/5 (2 صوت)

02-18-2015 11:18 AM
العيب فينا لانوا حولنا بلدنا لعبيد و حلبة من دون أن نعي المؤامرة ، وبقينا نقتل في بعضنا البعض والدول والشعوب تضحك علينا و تستخدمنا وسيلة للترفيه في نشرات الاخبار ، في حين أنوا نحنا ما حاسين أنوا السوداني بحكموا عليه من جواز السفر مش من لونوا، وكلنا بقينا عبيد في نظر الدول،
لا كرامة ولا عزة بعد ما كانوا بيضربوا بينا المثل في الرفعة والشموخ.
لذلك ما بستغرب الرسالة ده لانوا الطالب بقى بقتل أخوه الطالب علشان موقف سياسي ونسينا حديث الرسول كل المسلم على المسلم حرام دمه وماله وعرضة و الخوف نلحق العراق وسوريا وبعدين نستجدي الدول المساعدة ........... والله يرحمنا برحمته .

[غيور على البلد]

#1211103 [sari]
3.50/5 (2 صوت)

02-18-2015 10:54 AM
يااخي بس عايز افهم كيف الر يس بكتب في ورق الطلبة
وتاني شي مش مفروض اتحاد الطلبة السجم دا كيان قومي
الناس دي لابتخجل ولا بتعرف تزور كويس

[sari]

ردود على sari
[nagatabuzaid] 02-18-2015 03:58 PM
كيان قومى دى حلوة انت من زمن كيان قومى ؟؟؟؟؟ يا حليلنا منها الفانية الكيان القومى مات زمااااان الله يرحمه


#1211098 [ابومحمد]
3.00/5 (2 صوت)

02-18-2015 10:50 AM
ولان تراب الوطن غالي علينا لن نصوت لك او لاي من العصابة الضالة عصابة المؤتمر اللاوطني وليس الوطني هذه الكلمة التي سرقتوها وسرقتوا بها هذا الوطن الغالي علينا فلتسقط عصابة من تدعي الانقاذ والى جهنم انت وزمرتك والعزة والشموغ لهذا الوطن الغالي والزلة والهوان لك ولمن تبعك من السدنة

[ابومحمد]

#1211096 [الليل]
4.00/5 (2 صوت)

02-18-2015 10:48 AM
الحاجه المحيرة ترويسة الورقة(الاتحاد العام للطلاب السودانيين) والتوقيع (رئيس الجمهورية)
والمخاطب (الشعب السوداني) .دي يفكوها كيف؟ اللهم الا ان تكن سياسة المرحلة القادمة. (وانا متاكد هو ماعارف عملها كدا كيف)

[الليل]

#1211088 [باكاش]
1.00/5 (1 صوت)

02-18-2015 10:39 AM
بشير يها ..امك تدرب ليه!!!!!!

[باكاش]

#1211083 [جنوبي]
3.50/5 (2 صوت)

02-18-2015 10:30 AM
الاتحاد العام للطلاب السودانيين ده علاقته بعمر البشير شنو !!؟
المؤتمر الوطني ما عنده ورق مروّس ولا شنو ؟
بالله في استغلال للسلطة اكتر من كده !!!!!!!!!!!!!؟

[جنوبي]

ردود على جنوبي
[nagatabuzaid] 02-18-2015 03:55 PM
انهم اولاده و هم الجداد والرباطة منهم ما شفت قالوا ان الاسمو النيل سجد امام سيارة عمر البشير لما رحع من العلاج


#1211063 [nagatabuzaid]
4.75/5 (3 صوت)

02-18-2015 10:04 AM
بسم الله اصبحنا واصبح الملك لله رد على الما اخونا المشير عمر احمد البشير رئيسنا العادل الذى يعدنا بمستقبل زاهر لان ال25 سنة الماضية كانت هى ازهر فترة على السودان تحت حكم فضيلته ذكرت ياسيادة روحك واتباعك فى خطابك : بلادنا تشهد تحولات كبيرة فى كافة المجالات نعم صدقت المواطن بفضل حكم فضيلتكم سعادتك اصبح السودان سكنا فاخرا للمرض والجهل والاوبئة المختلفة من السرطان والفشل الكلوى الى كل الادواء واصبحت ماوى وسكن افخر من فاخر للارهابيين من داعش لبوكو حرام لشباب صومال لدولة الاسلام ما بعرف وين الى كل الحركات الذين ينزلون امنين فى ضيافة وتحت رعاية الكيزان الله ينتقم منهم الذىن قدموك رئيسا لهم يطول عمرك مع اقسى الشقاء ان شاء الله تحت حماية ورعاية الجنجويد الذين لن يعصموك من امر الله كلها مساحة زمن وسترى ونرى مستقبل زاهر لمن ؟؟ لمن قضيت عليهم ؟انت لم تبقى من الشعب من يستمتع بالمستقبل الزاهر الذى وعدت به مبروك عليك انت وجدادك وغنماياتك ونعجاتك وسخلاتك وبقراتك وابل نافع استمتعوا وسيكون مستقبل زاهر جدا لكم . ولماذا فضيلتكم لم تقدم مشيئة الله فى خطابك التاريخى للتسول واستجداء الاصوات ؟؟ ولا انت مكشوف عنك الغيب بواسطة بلة الغائب وارادتك فوق المشيئة الالهية ام انك معجب بفرعون الذ طغى وقال انا ربكم الاعلى ؟؟الا تعرف مصير فرعون ؟؟ نعم سيكون مستقبلا زاهرا لكم بعد تفريغكم لدارفور وكردفان والنيل الازرق وكل السودان من سكانه وختزلتم عمر ابنائنا الذين هم كانوا املنا فى مستقبل زاهر
مخاطبتك لنا من القلب للقلب هى نفاق فلا قلبك علينا ولانحن قلبنا عليك هل تستطيع ارجاع هزاع وسنهور ى وكل الشهداء ممن قطفت زهرة شبابهم لم ترحموا شابة او شاب كيف نكون معك بالقلب وكيف يكون قلبك معانا وقد اخرجت من قتل عوضية عجبنا ولحماية الشرطة اصدرت توجيهات او قرارات بعدم المساس بهم اين قلبك وانت تصدر اوامر رئاسية بالافراج عن شيوخك المغتصبين لاطفال السودان اين قلبك وانت تدخل المواد المشعة للسودان اين قلبك وانت ترعى اهلاك شبابنا بالمخدرات ؟؟ اين قلبك وانت ترعى العهر بكل انواعه وكثير مما يطول ذكره لا تنافق فقلبك تحت ارجلك ونحن قلبنا ما معاك نقولها صراحة لاننا غير منافقين والاسلام نهى عن النفاق ونحن مسلمين اصلا وشتان بين اسلامنا واسلامكم
قلت ان ينال المواطن حقه : حقنما فى كلمتان لا ثالث لهما ( ان ترحل ) واكيد هذه بالنسبة لك بعد السماء للارض ولكن (انما امره اذا اراد شيئا ان يقول له كن فيكون ) ( فسبحان الذى بيده ملكوت كل شىء واليه ترجعون ) هل بعيد او قاسى على الله ان يرميك وراء الشمس ؟؟؟
تراب الوطن الغالى : اى وطن هذا الذى ترابه غالى بالنسبة لك ؟ اهو السودان الذى قسمته وبعته ومن يدافع من اهله عن ارضه يضرب بالرصاص المطاطى والحى ؟اي وطن هذا الذى شوهت سمعته بين دول العالم ؟؟ اى وطن هذا الذى مكنت الداعشيون منه فمسحوه من الخارطة وبدلوه باسم الحبشة يا فضيلة امبراطور الحبشة عن اى تراب غالى وعن اى وطن ؟ اهو الذى خلطت تربته بالاشعاع ؟ ان الوطن غالى لنا نحن فترابه مسقى ورويان بدماء ابنائنا وترابه يغطى اجساد شهدائنا من الضباط ويحوى فى حناياه رفات مجدى واخوته انت لا تعرف قيمة تراب الوطن او ترابه الغالى كل بقعة فى دارفور وكردفان والشرق والشمال بها رفات عزيزه لمن اغتلتوهم من كجبار حتى الرصيرص لا تتحدث عن تراب الوطن واقسم بالله سياتى يوم تبحثون عن وطن لن تجدوه ولا حتى فى ايران فخطواتكم تدنيس وجثامينكم تدنيس لاى ارض من اراضى الله الواسعة ولن يجدوا لجثامينكم مكان ولا حتى فى البحار فالسمك والحيتان ستنفق
الى جماعة شعار شارك : لن نشارك عهدا لشهداء الوطن لن نشارك وصونا لتراب الوطن الغالى لن نشارك واستعادة لاستقلال الوطن المستلب لن نشارك
فلنصوت للوطن : فلنمتنع عن التصويت من اجل الوطن
نحن احتفلنا باستقلال السودان فى دواخلنا ومن شاهدتهم وانت اعلم بهم مننا هم حاشيتك من قتلة وفجرة ومرتزقة وجداد وغنم ودحيشات وجنود البسوهم ملابس مدنية ان ذكرى الاستقلال كانت حزينة تحت ظل استعماركم اللا اخلاقى للسودان مهما اكتب لن افرغ مافى دواخلى ودواخل الشعب
ويا عصام البشير تكرم بتعليم المخلوقات دى تقديم مشيئة الله وكفاية فرعنة على الخالق فقد يسخطهم الى مخلوقات اسواء مما هم كما عليك تخصيص مساحة فى خطبة الجمعة تعلمهم ان الكضب حرام والقبر قدام او كلف درمة بمهمة درس القبر قدام

[nagatabuzaid]

ردود على nagatabuzaid
European Union [عصمتووف] 02-18-2015 08:35 PM
مكرر الي
ي ابوريشة ي بت ابوزيد اخوي ده بتاع ملح يكفن الميتة او فانوس يبقبق ف مصطلحنا الزول العاوز تحشي ليه كرشوا الفانوس لمن جازة يخلص يبقيق اقرب مثال ديل ملحوا النادي الكاثوليكي ما بالك ب ورق مروس من اي جهاز حاسوب ممكن تصمم لكن شن علم الحمير التعليم شن علم الحمير اكل الجنزبيل

[جركان فاضى] 02-18-2015 05:00 PM
اكيد انه سيأتى يوم تنظف فيه الارض من عصابة الانقاذ...الانقاذ يسير فى نفس طريق موسيلينى والقذافى ...كم سنة قضاها موسيلينى فى الحكم؟ وكم سنة قضاها القذافى؟ ..42 سنة؟ وماهى النتيجة؟...ابادة مئات الالاف من اتباع القذافى وموسيلينى

[nagatabuzaid] 02-18-2015 03:51 PM
السلام للكرام (ابو ريشة) و(الفطقى ) وخالص التحايا . المخلوق جن جن من المقاطعة اصبح يستجدى الاصوات واخر معلومة عرفتها الان من شخص قريب منى ان الاجاويد تقوم وتقع لاقناع د فاطمة غبد المحمود بالانسحاب وعدم منافسة فرعون ورفضت رفض بات حتى جماعة الاتحاد الاشتراكى من ذهبوا لها للتوسط صدتهم وقالت لهم لن انسحب والعايز يقيف معاى يقيف والماعيز حر فى نفسه تمام يا بت ود المسيد لكن المقاطعة كانت اجدى رغم الخج

European Union [AburishA] 02-18-2015 12:03 PM
لك تعظيم سلام.. أيتها الجسورة بت ابزيد..لم تتركي لنا نفاجاً لنخترق بتعليق.. فقد كفيت ووفيت وزدتِ .. خالص الاحترام..

[الفطقي] 02-18-2015 10:52 AM
صباح الخير الأخت نجاة ..
لا فض فوك .. دائما تلقمينهم حجرا .. فحديثك يثلج صدورنا
متعك الله بالصحة والعافية .. وان شاءالله ربنا يحقق أمنياتنا ويتقبل دعائنا بزوال الغمة وعتق الأمة من هذا الكابوس الجاثم علي صدورنا


#1211058 [الجـزيــــــــــرة ابا]
4.63/5 (4 صوت)

02-18-2015 10:00 AM
ايها المواطن .. صوتك هو سوطك ليجلدوك بيهو ويسرقوا حقوقك

البشير صوته مبحوح من اﻻساءة اليك .. 26 سنة نبز ولسان زفر .. فكيف لك ان تشارك فى جريمة اعدامك بنفسك ؟!!! كيييييييف !!!

ﻻ تشارك فى انتخابات الدم .. مسئول امام الله يوم القيامة فى دعمك لفاسد ومجرم ومنعدم الضمير
من الممكن ان يأخذ الله حقه فيك فى الدنيا قبل اﻻخرة .. ممكن تجى فى اوﻻدك او بناتك او والديك .. ممكن تجى فيك انت ذاتك المصائب - ﻻ تراهن على الزيف
اما الزبد فيذهب جفاء .. والبشير زبد وايامه تطوى كطى السجل للكتب .. ومافى ديكتاتور عاش مدى الحياة

احسب بعقلانية وشوف حساباتك - الربح والخسارة قدر شنو

[الجـزيــــــــــرة ابا]

ردود على الجـزيــــــــــرة ابا
[المقاطعة واجب والشعار ارحل] 02-18-2015 10:33 AM
بداية النهاية


#1211049 [مبارك]
3.50/5 (2 صوت)

02-18-2015 09:54 AM
لماذا البوار حتى فى التعليقات على هذا الخبر انه لعمرى استفتاء غير مسبوق مقدما على اﻻنتباخات المقبلة كما يقول اﻻمام الهارب !!!
فضوها سيرة وتفرغوا لهموم الوطن الجسام وما معنى وقيمة انتخابات تاتى تحت وطأة الجوع والفقر والمسغبة ؟?

[مبارك]

#1211044 [Awad]
0.00/5 (0 صوت)

02-18-2015 09:48 AM
والله كان بكيت وزرفت الدموع أنهارا وهنقت وكوركت وقلت (ووووب حى) مافى زولا شغال بيك ولا عاوز يعرف خلقتك والشعب الآن عرفته كرهك وكره اليوم الشوم الذى سرقت فيه البلد ويسخط فيك ويدعى عليك ليل ونهار ياقاتل الشباب والشفع فى كل شبر فى هذا الوطن والشعب بقول ليك ياعمر البشير وللأسف أن لست بشيرا بل نذير شؤم وشر وأكرر وأرجو أن تعى تكرارى لهذه الكلمة القنبلة(أرحل..أ{حل..أرحل..أرحل).

[Awad]

ردود على Awad
[جركان فاضى] 02-18-2015 05:04 PM
وهو يعلم علم اليقين كل ما تقول يا awad..بس دمه تقيل ولاينفعل بالاساءات...وبالتزوير والتدجيل حيكون رئيس حيكون رئيس....دا كان ماقلعوه قلع مابترك الحكم


#1211017 [ابو النون]
0.00/5 (0 صوت)

02-18-2015 09:23 AM
لكل السودانيين الغيورين على هذا الوطن العمل على تدشين حملة خلال الانتخابات القادمة كل حسب الاستطاعة عنوانها (ارحلو عناولن نشارك) حمله ضد كل السياسين الفاشلين السابقيين منهم والحاليين فاليرحلوا عن هذا الوطن الجميل الى الجحيم
وبعدها نبنى وطن يسع الجميع اساسه المواطنة وعمادة الاخلاص والتفانى ونكران الذات فى خدمته يتقدم فيه اهل العلم والكفاءة والخبرة

[ابو النون]

ردود على ابو النون
[جركان فاضى] 02-18-2015 05:09 PM
وانا مشاركتى فى حملتى يا ابو النون يا حبيبى حتكون كالاتى: ...ليك على فى رقبة كل غنماية ونعجة وحمار وبقرة..وكلب وكديس ...اعلق لافتة ارحل عليها...وما اخلى شجرة او عمود كهرباء ..او شنطة طالب وطالبة الا لزقت عليها لافتة ارحل...والزق كمان فى كل عربية وكارو وضنب حصان لافتة ارحل...وكان جيت مار بقريتى فى الجزيرة طريق مدنى الخرطوم فى يوم الانتخابات تلقى كل شئ مكتوب عليه ارحل...كل شئ متحرك او ساكن


#1211008 [ابواسامه]
5.00/5 (1 صوت)

02-18-2015 09:14 AM
لم افهم عمر البشبر هل هو رئيس جمهورية ام رئيس انحاد طلاب

[ابواسامه]

#1211004 [سراجا الدين الفكى]
5.00/5 (2 صوت)

02-18-2015 09:11 AM
والله يالبشير "تحنن" روح بلى يخمك ويلى ياخدك يامنعول, انت اهبل ولا بتمثل دولر الهبالة, انت موهوم قايل فى زول بسمع ليك ياحرامى يامجرم يادجال ياسفيق يامعفن, انت ايامك انتهت, وحتشوف ايام زى الليل, واعلم ان "لكل اجل كتاب" لكن نهايتك لارأها احد ولاسمع بها احد ولا حتى خطرت على قلب بشر, وستكون عظة وعبرة لكل رؤساء العالم ان يعملوا الف حساب وحساب من تجربتك اذا ارادوا ان يقدموا على شعوبهم او بمجرة التفكير فى ينحوا ما قمت انت بة لشعب السودان, واخيرا اقول (ياويلك وسود سليلك) واعلم الطريقة التى قتل بها معمر القذافى بشعبة الثائر المنتفض ضدة, ستكون اهون الف الف مرة من نهايتك العصيبة, هذا فى الدنيا, اما فى الاخرة لانك وارد الله بكل الخزى والعار والندامة, وحسابك عند الله بقدر عملك, علما ان لله ميزان للمثقالة ذزة والتى لاترى بالعين المجردة. وياويلك وسواد ليلك.وباكر بيجى الخريف و.............................................................

[سراجا الدين الفكى]

#1211000 [ككو حليمة]
4.00/5 (3 صوت)

02-18-2015 09:09 AM
....إرحل ياخي

[ككو حليمة]

ردود على ككو حليمة
European Union [AburishA] 02-18-2015 04:26 PM
آها لو قال ليك ما برحل!!! تحياتي ككو حليمة ليك مدة ما بنتا..


#1210992 [مبارك]
5.00/5 (1 صوت)

02-18-2015 09:04 AM
البشير يقول للشعب السوداني " خالص تحياتي لكم بدوام الصحة والعافية " حقيقة لم اتمالك نفسي من الضحك المتواصل ، تأملوا معي لغويا لهذه العبارة ، هل هذه العبارة لغويا صحيحة ؟ ام الاصح القول " خالص امنياتي لكم بدوام الصحة والعافية " او " خالص دعائي لكم بدوام الصحة والعافية " . اكيد البشير ده معتوه عقليا ولا يدري ما يقول ، وكلامه زي ما بقول كثير من الناس دراب ، هذا من الناحية اللغوية والتي سقط فيها رئيس جمهورية السودان غصبا عن الشعب السوداني سقوطا يدل على صفاته التي ليس فيها اي شئ من النجاح . اما من ناحية المعنى فأين هي الصحة والعافية التي يتمناها للبشير للشعب السوداني وهؤلاء اطباء مستشفي ود مدني يضربون عن العمل لان حقوقهم لم تعطى لهم بل ودوها لتصرف في الانتخابات التمثيلية ، اين الصحة العافية ومياه المجاري ختلط بمياه الشرب ؟، اين الصحة والعافية والسلع المسرطنة تملأ الاسواق بواسطة اقطاب النظام ؟ اين الصحة والعافية والمرضى كبار السن امثال فاروق ابوعيسى وامين مكي مدني مودعون بالسجون ؟ اين الصحة والعافية والشعب السوداني نفسه في سجن كبير ؟ اين الصحة والعافية والصحف السودانية تصادر بقرار اوحد من مدير جهاز الامن ، وكما تعلمون جميعا اذا قرر مدير جهاز الامن شيئا ينفذ دون اي اعتراض والبعترض من ضباط جهاز الامن مصيره سيكون مصير ال 28 ضابط وهو الدروة بجبال المرخيات ؟
سوف لن يتذوق الشعب السوداني الصحة والعافية اذا لم يتحرر من الاستعمار الداخلي ، اذا لم يتحرر من حكم الفرد .
يجب ان تنتشر الحريات وتكون الصحافة سلطة رابعة بحق وحقيقة تمارس دورها الذي يخدم مصلحة كل الشعب السوداني ، كما يجب على الحكومة ان تعمل مليون حساب للصحافة وما يقال فيها ، هذه هي الحياة التي نريدها ونعمل لها حتى ننعم بالصحة والعافية .

[مبارك]

#1210979 [اسماعيل عبداللة الشيخ]
5.00/5 (1 صوت)

02-18-2015 08:58 AM
واللة انتو عايشين فى احلام وهم الانتخابات ستجرى وسوف ترون تدافع الشعب عليها والسبب انكم قاعدين تتفلسفوا فى الراكوبة وما عندكم غير الكلام اين القواعد الداخلية اين الحراك الداخلى قلت لكم كثيرا من غير الرجوع للقواعد حنظل نحرث فى الهواء

[اسماعيل عبداللة الشيخ]

#1210949 [حافظ فتح الرحمن]
5.00/5 (1 صوت)

02-18-2015 08:40 AM
الشعب عندو عقل وبتخاطب بالعقل
وليست من القلب للقلب ؛ده كلام ملاطفه عواطف اتجاه محبوبه وليس اتجاه بلد

[حافظ فتح الرحمن]

#1210946 [محجوب عبد المنعم حسن معني]
5.00/5 (4 صوت)

02-18-2015 08:38 AM
شنو الحكاية يا ريس ما عندك ورق مروس عشان تكتب عليه، معقولة حاجة زي ده تفوت عليك ولا على وزير شؤون الرئاسة ، نفرض جابو ليك الورقة وقالو ليك وقع سيادتك، معقولة ما تعاين فوق وتدي الزول الكتب الكلام ده كف صاموتي، اقل حاجة كان نسمع اقالته في نشرة 3
بعدين يا ريس لاذم تكتب اعزائي الطلاب، مش عبارة مواطني الاعزاء( شنو علاقة اتحاد الطلاب مع المواطنين)
وبعدين لاذم تختم بعبارة ابنائي الطلاب مش اخوكم
ما تزعل مني يا ريس لكن والله صعب حاجة زي ده تتبلع
في حالة انك رئيس الطلاب الفخري اعزرني على اول 3 سطور
مع مودتي

[محجوب عبد المنعم حسن معني]

ردود على محجوب عبد المنعم حسن معني
European Union [AburishA] 02-18-2015 04:25 PM
اخ محجوب معنى ارجو ان تكون بخير.. ياخي الرئيس حر ان شاء الله يكتب في ورق التوت...البلد واتحاد الطلبة والورق المروس كلو تابع ليهو... ومال ايه العوين ال في الصورة ديل لامن ماتن من الضحك في شنو...خليك تتيحة ياخي ما تحرجنا...هع هع هااااع..خالص حبي وتقديري محجوب معنى..


#1210940 [محمد على أحمد]
5.00/5 (1 صوت)

02-18-2015 08:33 AM
إضافة إلى ما تضمنه المقال من حقائق هناك بعض الملاحيظ:
اوللاً: النداء موجه من خلال ورقة (مروسة) للاتحادالعام للطلاب السودانيين: فهل اصبح البشير طالباً؟
ثانياً: مهر اسمه بصفته رئيس الجمهورية، فيما المفترض أن يناشد خلق الله بصفته مواطناً يخوض انتخابات (مخجوجة)!
ثالثاً: هناك أخطاء نحوية في النداءفي الفقرة الاولى: (وهي بلا شك تمثل مستقل زاهر، ومثمر.....)!!
رابعاً: ختم نداءه بـ(امنياتي لكم بدوام الصحة والعافية).. وهنا كذب صراح لايمانه بانه لم يولي صحة الانسان ايةاهتمام ودونك وحال المستشفيات يغني عن السؤال.. فأنى له بالصحة والعافية؟

[محمد على أحمد]

#1210916 [عبود حيدوب]
5.00/5 (3 صوت)

02-18-2015 08:11 AM
يعني نويت تترشح تاااني
و برضك ناوي تزيد وجعتنا
يكفي سنين و الشعب يعاني
مما نهبت البلد اللتنا
ياخي حرام تسلبنا أماني
و بيك طوالي تسيل دمعتنا
يا القطططعته لحم أوطاني
و أرض العزة الكم لمتنا
و دسته علي الشعب السوداني
زي ما كلابك ما داستنا
و حتي نظامك كان صبياني
و هو الاتسبب في محنتنا
لا انقاذ .. لا شفنا تفاني
طول ما أفكارك هي الحكمتنا
و كنتوا عصابة ..
تسرقوا تنهبوا ليل و نهار
عرق الناس العاشوا غلابة
كنتوا نظام زي المنشار
و حالكم ياااخ كان حال التابه
زول لي بلدو يكون سمسار
و منها باع خلاها خرابة
و ساب العيشة تولع نار
و تصبح زيها زي الغابة
القوي فيها العندو قروش
كم عربية و حوش في حوش
و الفقران زي البرطوش
زول مسكين ما لاقي اجابة
عاش مليان بالخوف و الحسرة
و همو الأكبر طرقة كسرة
لي أطفال ما قدرت تقرأ
و للتعليم قعدت تتشابا
في الوطن الما بستر حاله
و الاتعلموا لفوا عطاله
في سوداننا و مافي غرابة
ياااخ إستغفر !!
كيف تترشح تاااني ..
و نحن معاك بنعاني سنين !!
دار تترشح شان تتعبنا
نحن الأصصصلنا تعبانين
ياااخي حرام يكفيك الشلتو
و جهز نفسك لي بعدين
يوم حا تقيف قدام الخلقك
و السواك من نطفة و طين
يوم حا تسأل عن أموالنا
و حق الفقرا الغلبانين
و حق الناس الكانوا بعانوا
و عاشوا حياتم دين فوق دين
و ما ظنيتك انت تجاوب
لو سألوك وديتم وين !!
حقوقنا الشلتها مما جيتنا
و سبتنا فقرا و عدمانين
راجع نفسك و ما تترشح
و تبقي كمان صاحب وشين
لأنك قلت خلاض حا تبعد
و قولك كان قبال سنتين
يوم جابوك في الرادي تكضب
و فاكر الأمة دي سكرانين
كفاااية .. و فوووت
سيبنا نعيش نتهنا شوية
فوت فارقنا و صحي ضميرك
ياخي زمااان قالولك أمشي
فك الدفة و أدها غيرك
و خلي الشعب يعيش في حالو
و لي هنا .. شكككرآ
و كتر خيرك
و زي ما ولدت عازة الزيك
قادرة تجيب من تاني بديلك
و نحن ترانا الجوع كاتلنا
و شبعانين من مر بهديلك
لا تعليم نافع .. لا صحة
و انت تجقلب راكب خيلك
و شايف الفقرا بيملو الشارع
و التايهين به هناك بيديك
و شكككرآ .. ليك
و الفيك اتعرفت يا ريس
و كانت واضحة وضوح الشمس
ما البيعفن ما بندسه !!
و أكيد في يوم يمرق و ينشم
أمشي خلاص و كفاية مواجع
و عندك خلي شوية دددم
و أدي الفرصة دي للحايقدر ما يفرقنا
و كللللنا كم !!!
نحن حبايب و راح نتعايش
زي ما بعيشوا ولاد العم
روح في حالك و سيبنا نغني
و نملأ حياتنا وداد و نغم
و سيب الناس هناك في حاله
يمكن بكرة تروح تنجم

[عبود حيدوب]

#1210905 [السودان الوطن الواحد .]
0.00/5 (0 صوت)

02-18-2015 07:42 AM
البشير طالب فى الإتحاد !!!؟

[السودان الوطن الواحد .]

#1210903 [Abo alkalas]
5.00/5 (1 صوت)

02-18-2015 07:34 AM
يا جماعة البشكير طلع طالب

بس ما وريتونا بقرا وين !!!

[Abo alkalas]

#1210899 [ابو محمد]
5.00/5 (2 صوت)

02-18-2015 07:28 AM
في جو سادته الطمانينة والهدو واستتباب للامن ملحوظ اقدم الشعب السوداني بكل طوائفه وانتمائاته الحزبية في استكمال استحقاقاته الانتخابية باقبال منقطع النظير لم تخطئه العين اشادت به بعثة الاتحاد الاوربي ومركز كارتر للانتخابات ومنظمات المجتمع المدني والجامعة العربية ومنظمة المؤتمر الاسلامي والاتحاد الافريقي ومندوبي روسيا الاتحادية وقطعت كل القنوات العربية والدولية بثها التلفزيوني لنقل المؤتمر الصحفي لمفوضية الانتخابات حيث اعلنت فوز الرئيس عمر البشير بنسبة فاقت ال99 وكذلك حقق حزب المؤتمر الوطني فوزا كاسحا في كل الدوائر الانتخابية وكان فوزا مستحقا وفي خطوة تعتبر الاولي من نوعها قام كل من الرئيس الامريكي اوباما ورئيس الوزرا البريطاني والرئيس الفرنسي والمستشارة الالمانية وبقية دول الاتحاد الاوربي ومجلس التعاون الخليجي والصادق المهدي وكل الفصائل المسلحة بتهنئية الرئيس والشعب السوداني بالتجربة السودانية الفريدة والمتميزة وفي خبر عاجل البيت الابيض يرفع اسم السودان من قائمة الدول الراعية للارهاب ولم يعد الرئيس مطلوبا لدي المحكمة الجنائية وكذلك....يا زول قوم انت النايملها شنو.. يا خي ده وقتو
اعوذ بالله من الشيطان الرجيم ده كلو كان حلم وكابوس انتو الحلم جن.

[ابو محمد]

ردود على ابو محمد
European Union [AburishA] 02-18-2015 12:18 PM
هيع هيع هاع..لقد كشفت نفسك بنفسك يا ابو محمد ياطابور خامس في الراكوبة..وما كنا نعرف بأنك من يقوم بصياغة خطابات النظام..

*وأقول للسادة القراء خلوا بالكم من الخطاب "المسرب" ده.. لو ما بعد الانتخابات جابوه بضبانته والشولة والفل استوب...أمعط ريشتي..

لك حبي وتقديري ايها المبدع ابو محمد...لقد أجدت الدور في فيلم "اعتبار ما سيكون"...

European Union [حضرس] 02-18-2015 11:21 AM
والله يا أبو محمد في بداية تعليقك بطني طمت وكل سطرين تطم زيادة لو ما انتهي بي حلم أكنت طرشتة


#1210898 [ابومرام]
4.50/5 (2 صوت)

02-18-2015 07:26 AM
يازول ماتمشي تشوف ليك شغلة مستقبل شنو الزاهر انت تعوس ربع قرن ماشفنا حاجة فكنا منك والله انت تقعد رشيس خمسة سنين تاني الا السودان يبقى الخرطوم بس اتناوبوا على حكمها انت والخضر تحلل

[ابومرام]

ردود على ابومرام
European Union [AburishA] 02-18-2015 12:20 PM
كيفك ابو مرام...والخرطوم زاتها كافوري وبس....تحياتي..


#1210894 [Abo Abda]
5.00/5 (1 صوت)

02-18-2015 07:21 AM
كفاية 26 سنة حكم وتعتبر من اسوأ الحكومات التى حكمت السودان لتفشى الفساد والتستر عليه واعلاء القبلية والمحسوبية والغلاء الطاحن والحروب والعطالة وانهيار التعليم والصخة

[Abo Abda]

#1210875 [نيض التعب]
5.00/5 (6 صوت)

02-18-2015 06:54 AM
يا إتحاد (النيل الفاصب) الممتلئ بالنفاق والباطل ..الشعي يقول لكم:
(النيل فاض وإنحنى) .. لا لإنتخاباتكم المخجوجة والمهزوزة .. أفعلوا ما شئتمو .. وزوّروا لمن أردتمو .. فقك أفهموا ألا وثيقة أو نفاق .. ولا حقيقة ولا وقاق ,, تُخفي عن الأطفال هورة كمنْ دفنتم من رجال .. يا بحر قُمْ حرِّكْ تحرّكْ أو فعُد نحو إبتدايتك ، فالنهايات القديمة لا تُحد .. ألفظ جحيمك أو فغادر ساحليك للأيد.

[نيض التعب]

ردود على نيض التعب
European Union [ابو ابى] 02-18-2015 09:05 AM
انت يا بتاع الشعبى شنو انحنى وانتنى ولا دى على وزن زميل شيخك حاجات مانعه تانيانى والله صحى الاختشو ماتو هو البشير منو لوما انتو روح الله يحنى ضهرك


#1210871 [ابو الطماير]
5.00/5 (6 صوت)

02-18-2015 06:44 AM
القلب للقلب يا اخوي انت عندك قلب؟!

[ابو الطماير]

ردود على ابو الطماير
European Union [مسطول] 02-18-2015 08:24 AM
اخوكم عمر البشير رئيس الجمهورية طيب داير شنو؟؟؟ ما ليك 25 سنة فى زول سالك مافى داعى لانتخابات و ماكل جديدة انت الظاهر عليك خايف من الكفار الامريكان يا نمس الشعب ما سالك


#1210865 [الفاروق]
0.00/5 (0 صوت)

02-18-2015 06:35 AM
المصالح تفرض الواقع اذا كان الانسان جاهل بسوء العاقبة . طلاب جامعيين ! كلاب شطرنج . فى رحلة المليون مع جورج قرداحى الضيف مهندس واول واسهل سوال من الاسئلة الاربع الاولى التى تمنحك مائة الف ريال حافز كان السوال ماهى اخر سورة فى القران ؟ مهندس ولم يعلم بالاجابة فاستعان بصديق كذلك لم يعلم بالاجابة واعطوه الاختيارات وقد فشل فشلا زريعا وخرج من اول سوال واسهل سوال . هل تنطبق الايات عليهم مثل قول الله تعالى (صم بكم عمى فهم لا يرجعون) ؟.

[الفاروق]

#1210844 [Almisahir fi izallail]
5.00/5 (6 صوت)

02-18-2015 04:17 AM
وليه المناشده دى على ورق اتحاد الطلاب السودانيين؟ بس ما فهمناش يعنى!
هو طالب اصوات اهل السودان ليكون رئيس جمهوريه ولآ رئيس اتحاد طلاب!
وهل ناس السودان محتاجين مناشده او تذكير؟ وين ملايين المؤتمر الوطنى !
لجنة النتخابات ليها مده طويله عمّال تكّلم وتطلع فى المنشورات .. و السوار الذهب مترئس لجنة الدعايه على طين ايه ! اذا دا كوووللو ما عرّف الناس بالاستحقاق الدستورى ! ومحتاجين تذكير وتانيس!
* عشان يدوّ ااصواتهم لمن حيخاف الله فيهم! كل سودانى عارف منو اللى(1) خاف الله فيهو زمان! او(2) بيخاف الله فيهو دا الحين! و(3) اللى هيخاف الله فيهو مستقبلا ! وطبعن التجربه خير برهان!!

[Almisahir fi izallail]

ردود على Almisahir fi izallail
European Union [يحيي العدل] 02-18-2015 08:52 AM
وليه المناشده دى على ورق اتحاد الطلاب السودانيين؟
وليه المناشده دى على ورق اتحاد الطلاب السودانيين؟
وليه المناشده دى على ورق اتحاد الطلاب السودانيين؟
وليه المناشده دى على ورق اتحاد الطلاب السودانيين؟
وليه المناشده دى على ورق اتحاد الطلاب السودانيين؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة