الأخبار
أخبار إقليمية
تكرار حوادث السرقة بمطار الخرطوم (مهزلة)
تكرار حوادث السرقة بمطار الخرطوم (مهزلة)
 تكرار حوادث السرقة بمطار الخرطوم (مهزلة)


02-18-2015 10:19 AM
الخرطوم: ندى رمضان
طالبت جمعية حماية المستهلك السلطات المختصة بمطار الخرطوم بإرجاع مسروقات عدد من القادمين بالخطوط الخليجية في الرحلة رقم903 بتاريخ 16 فبراير الجاري، وشددت الجمعية على ضرورة معاقبة المتسببين فيما وصفته بالمهزلة المشينة.
وكشفت الجمعية في تعميم صحفي أمس عن تلقيها شكاوى من عدد من القادمين بالخطوط الخليجية بتاريخ 16 فبراير تفيد بتعرض حقائبهم لسرقة بمطار الخرطوم.
واستنكرت الجمعية ما وصفته بعدم المبالاة من السلطات المعنية عقب متابعة (3) أشخاص لعملية السرقة وإخطارهم لإدارة الصالة والجمارك في نفس اللحظة دون ان يجدوا التعامل اللائق مع الحالة.
ونوهت الجمعية الى ان مثل هذه الحادثة تكررت كثيراً واتهمت في الوقت ذاته الجهات المختصة بعدم التعامل مع تلك السرقات بالحزم المطلوب، وطالبت بإبعاد المتسببين في السرقات وإرجاع المسروقات.

الجريدة


تعليقات 64 | إهداء 0 | زيارات 17301

صفحة 1 من 212>
التعليقات
#1212115 [المهاجر الاول]
0.00/5 (0 صوت)

02-19-2015 09:58 PM
اصلا حاميها حراميها :
اصلا الحرامية رقم 1 ورقم 100 ::
* ضباط الجمارك حيث انهم اي شنطة صاحبها كان بعيد منها بسروقوها(حسبنا الله عليهم حيث انهم ياكلون في بطونهم نارا)
* الامن والنظام في السودان ديل قول فيهم اي حاجة...........

[المهاجر الاول]

#1212014 [كوش]
0.00/5 (0 صوت)

02-19-2015 05:58 PM
غايتو الشي البشوفو إنو السودان دا تقفلوهو وتبيعوهو في الدلالة وكل مواطن ياخد نصيبه ويتطلب الله ..!!

[كوش]

#1211991 [زيكو]
5.00/5 (1 صوت)

02-19-2015 04:49 PM
السرقات تتم بين مرحلة تحميل الامتعة من الطائرة ومرحلة تفريغها في السير الذي يعبر بها الي الصالة

[زيكو]

#1211925 [حزين جداً]
5.00/5 (3 صوت)

02-19-2015 02:17 PM
شكر أخي : آن الأوان على مداخلتك ومرورك الرائع ....

أسأل الله أن تتعالج هذه الظاهرة والتى تسيئ كثيراً للسودان وسمعة وشعب السودان الحبيب .

في رأي الشباب بدل أن يتكلموا في المصائب التي حلت بهم أن يتبادلوا الرأي في الحلول ومنها

على سبيل المثال لا الحصر :

1- توزيع كاميرات في جميع زوايا المطار ... ومراقبة لصيقة لما يدور داخل هذه الكاميرات .

2- أن يتم عزل كل من يثبت أنهم معتادوا سرقات وكانت لهم سوابق . أكيد الناس بتعرف بعض .

3- بكل أسف بعض من يمثل القانون قد نجده شريك في مثل هذه المشاكل .

4- يجب من إدارة المطار أن تعمل إجتماع شهري لتوعية الموظفين والعاملين بالمطار والمنتسبين

للأمن أو للحكومة وترشيدهم .

5- تغيير المواقع في كل أسبوع .

6- تحفيذ كل قسم لا تأتي منه شكاوي .

7- تكريم العامل المثالي . في الأمانة والتعامل الراقي والإنضباط في الحضور و الإنصراف

والذي يعامل جميع المسافرين بأدب وخلق حسن .

وهكذا .... شكراً لكاتب المقال ...

[حزين جداً]

ردود على حزين جداً
European Union [محلل تعليقات] 02-19-2015 10:49 PM
اخي الحزين ركزت على الكثير وتركت الاهم والخطير وهو محاربة الفقر فالناس تعيش دون مستوى الكفاف ومن يعيش فوق مستوى الكفاف تجده يكافح من اجل هدا الكفاف وطمعه وليس طموحه يرنو لما هو فوق مستوى الكفاف فالحياة مغرياتها كثيرة وأيادى هؤلاء لم تعد فقط قصيرة بل اصبحت شبه مقطوعة

[ابوعديلة المندهش] 02-19-2015 07:23 PM
انا ايضا مثلك حزين جدا لكن لى رأى حول النقطة رقم (6) حول تحفيز العاملين لأنهم يتلقون مرتبا من الدولة نظير العمل والواجب الذى يجب أن يؤدونه بكل صدق وأمانة وكفاءة ولا يجب ولا يجوز ان يحفزوا على شيئ هو من صميم عملهم .

[كوش] 02-19-2015 05:10 PM
شكراً لك أيها الأخ الكريم على هذا التعليق الذي كفى ووفى

United States [ود اللحوين] 02-19-2015 04:52 PM
اذا كان رب البيت بالدف ضارب فشيمت اهل البيت الرقص والطرب


#1211893 [دوشكا]
5.00/5 (1 صوت)

02-19-2015 01:25 PM
السودان بلد معفنة طالماً النظام موجود في الحكم تسبعد اي حاجة تحصل سرقة وفساد ونهب واحتيال الجهات البتيسرق حقائب المواطنيين في المطار هم ضباط الشرطة وجهاز الامن وناس الاستخبارات كلهم حرامية واولاد حرام اي واحد اتفقدت منو حاجة من الحقيبة أتاكد هم ضباط الجمارك وجهاز الامن هم البسرقواالحقائب نداء للمواطنيين التجمع في ميدان ابو جنزير للإزالة النظام من أجل تطهير ارض الوطن من هؤلاء الذين نهبوا وسرقوا ممتلكات وثروات الدولة حاشاك ياسودان ان تسقط بيننا فليسقط الخونة والماجورين .

[دوشكا]

#1211884 [Siddig Hussein]
1.00/5 (1 صوت)

02-19-2015 01:17 PM
كلنا اتسرقنا في المطار او سرقه البيوت ولكن نرجع و نقول ان نحن كسودانيين فخوريين جدا بما وهبه الله لنا الا هو العاطفه و الحنيه و الاخلاق - والله لو سرق 99% 9 من السودانيين فالدنيا لسه بخيرا- كدي امشي براك و شوف اللي بحصل في مصر او في سوريا لحمدنا ربنا مليارات المرات

[Siddig Hussein]

ردود على Siddig Hussein
[ابو نوف] 02-19-2015 09:26 PM
ياراااااجل انت قايل في اسوأ من السرقه وكمان ضباط الجمارك ..وانت قايل السرقه في الشوارع من جانب العنقاله البتتكلم عنهم ديل في الخرطوم مافي ؟انت نايم في اضنيك ؟في اسوأ من يجي راجل بي شنباتو راكب موتر يخطف شنط البنات وموبايلاتهن ...في اسوأ من كدا عليك الله ..


#1211831 [نوم العافية]
1.00/5 (1 صوت)

02-19-2015 11:59 AM
ده تسيب امني يعني ممكن تدخل اي شي وتمرق اي شي من الباب الوراء

الله اكبر .................هى ل............

[نوم العافية]

#1211809 [الحالم]
1.00/5 (1 صوت)

02-19-2015 11:33 AM
اليس كل الظن اثم ولكن بعض الظن اثم السرقات تتم بمباركة المسئولين الكبار لانة لهم نصيب من تلك السرقات ولا لماذا لم يكون لهم كاميرات مراقبة لكل المطار والله حصلت منذ فترة سرقات في احدى مطارات الخليج وتحرو مع وردية الليل التي كانت تعمل وتم اكتشاف السرقة بواسطة كاميرات المراقبة وفنشو جميع الوردية المشتركة في السرقة من غير حقوق هكذا ليتعظ الاخرون بدل ما تشوه سمعت بلد باكمله

[الحالم]

#1211806 [أبو ميعاد]
5.00/5 (2 صوت)

02-19-2015 11:28 AM
أنا من مؤدي تثبيت كاميرات في جميع أنحاء الصالات حتى يمكن رصد أي متوقع مستقبلا حتى في الحالات الأمنية الحرجة وكثير منكم شاهد كيفية متابعة شخص دخل الامارات العربية وارتكب جريمة قتل وتمكنت السلطات من التعرف عليه من خلال مراجعة فيديو الكاميرات الامنية ، والله بكل أسف كثير من الشنط تتعرض للفتح بالعنف واخذ بعض الاشياء من ضعاف النفوس ، ويجب على ادارة المطار التعامل مع هذه الحادثة بكل جدية

[أبو ميعاد]

#1211775 [غسان بابكر]
0.00/5 (0 صوت)

02-19-2015 10:46 AM
الكلام دا ما كان في زمان زمن الناس النضاف الكانوا شغالين؟

الجماعه دخلوا شركاتهم بعد ما فلسنا دايرين يعوضوا التلفون والكاميرا أدوها ليهم لكن برضو عيب كمان منهم يقوموا يكبروا الشنط.

[غسان بابكر]

#1211740 [ارتري زوول نصيحة]
5.00/5 (1 صوت)

02-19-2015 09:51 AM
حصلت لي نفس الحكاية والله ..سنة 2011 جيت السودان جية عريس زي مايقولو ولما طلعتا من المطار اكتشفتا ان شنطتي طبلتا مفلسة ولبعوني كاميرة فيديو حديثة وموبايلين فيما تبلغ قيمتم الاجمالية اكثر من 1500دولار اشتكيت وقالو لي افتح بلاغ وخلي تلفونك واذا في شي نتصل عليك ..و رجعتا كندا ولي 4 سنين وياهو قنعتا منها واحتسبتها ههههه بس احرجوني لانو كانت هدايا وعدتا بيها ناس فاضطريت انو اشتري ليهم موبايلات من السودان ..بس حقيقة الكلام اذ دا لسة بيحصل فالشغل بقي مقنن وبلاغ ضد مجهول شغالة جد شكلها..والبلد اذا راسو بقو حرامية عينك عينك نتوقع شنو يعني.. ربنا يسهل ويعدل الحال المايل .ولولا اني ولدتا في السودان واعرف اخلاقو كان حاظن انو البلد كلها كدا لانو المطار هو واجهة البلد وهكذا ممارسات هي حقيقة بتطفش الناس من انو تجي السودان - دا اصلا اذا في ناس غير المجبورين زينا بجو السودان الايام .

[ارتري زوول نصيحة]

#1211737 [حزين جداً]
0.00/5 (0 صوت)

02-19-2015 09:46 AM
يا جماعة الخير . يجب أن لا نظلم بعض الموظفين والعمال وكذلك الموظفات والعاملات .

هنالك ناس بالمطار يخافون الله وأبرياء تماماً يجب أن لا نعمم ونظلمهم ...

ونقول للشرفاء الأتقياء الله يحفظكم ويمتعكم بالصحة والعافية .

وواجب إدارة المطار أن تنشر كاميرات مراقبة في كل ركن وتتابع للحد من هذه الظاهرة السيئة

والتي تسيئ للسودان وشعب السودان الطيب الكريم ...

يا جماعة الخير لا زالت فينا النخوة والشهامه والمروءة ..وصدقوني لا زال السودان بخير

ولا زال شعب السودان بخير ... بل هنالك إدارات سيئة جداً جداً وتعمل عكس التيار وضد شعبنا

العفيف ...

أسأل الله أن يستبدل الحال بأحسن حال والوضع العام متردي جداً وهذا هو سبب بعض الإخوة

في إنتهاج السرقة لتحسين أوضاعهم ولو لفترة مؤقته . ونسأل الله أن يهديم ولو صبر اللص

للحظه لأتاه رزقه ...ولكن العجلة من الحديد ...

من داخل الأعماق نتمني للسودان وشعب السودان التقدم والإزدهار ....

بس حزين للوضع البائس جداً والذي يدعو للسرقة ...اللهم أهدينا جميعاً...

[حزين جداً]

ردود على حزين جداً
United States [آن الأوان] 02-19-2015 01:26 PM
المشكلة ليست في الناس الأبرياء أو الذين إضطرتهم الظروف للسرقة .. المشكلة في المسئولين اين هم ولماذا تمر هذه السرقات هكذا حتى تصبح شبه ظاهرة ... الخوف كما قال البعض أن هناك بعض المسئولين شركاء في ذلك .. وهذا ما يؤدي إلى إستشراء السرقة وأن يقوم بها مجرمين محترفين وليس ضعفاء وأبرياء ...المطلوب تغيير المسئولين عن أمن المطار والأمن الجمركي بالمطار ... حتى ينصلح الحال .


#1211683 [murtada eltom]
5.00/5 (1 صوت)

02-19-2015 08:50 AM
STRONG AND SHARP CAMERAS TO DETECT THE THIVES , IS THE ONLY SOLUTION...OR DISMISS THE WHOLE STAFF WORKING AT LUGGAGE DEPARTMENT

[murtada eltom]

#1211681 [تينا]
5.00/5 (1 صوت)

02-19-2015 08:49 AM
حتى الحجااااج ما سلموا من السرقة ... قبل سنتين خالتى جات تحج و بعد ما وصلت مطار جدة اتفاجأت بانو شنطتها ما موجودة ... ناس مطار جدة طبعا ما عندهم لعب وحركات ذى دى قالوا ليها الشنطة أصلا ما اتحركت من مطار الخرطوم ... وناس البعثة كل يوم يوعدوا فيها ويقولوا ليها بنتصل بيمطار الخرطوم ... والمشكلة حتى احرامها فيها وبقت كل يوم تشترى حاجة تلبسها لما تمت حوالى اسبوع (((قنعت))) منها وناس البعثة وناس المطار تانى ما جابوا ليها سيرة وكأن شيئا لم يكن !

[تينا]

#1211673 [مجا هد]
0.00/5 (0 صوت)

02-19-2015 08:47 AM
اقسم با اللة حقيبة كا ملة فقتها فى طيران السودانى من جدة الخرطوم لان فيها جوالات ولو قا بلت مدير العفش بمطار الخرطوم ستة كل اسبوع مدة ستة شهور قا لية جوالاتك دى هى الجا بت ليك السرقة ازن هو عندو معرفة با الحرامية

[مجا هد]

#1211666 [زول نصيجة]
0.00/5 (0 صوت)

02-19-2015 08:42 AM
من خلال المرور على التعليقات لاحظت إن معظم أصحابها سرقت منهم موبايلات وكاميرات وده خطأ منهم أن تضع مثل هذه الأجهزة فى الحقائب التى تشحن مما يعرضها للسرقة ، أجهزة مثل هذه لابد من حملها فى الحقيبة التى تحملها معك داخل الطائرة، ويجب على الأخوة المسافرين وحفاظا على ممتلكاتهم أن يتم عمل تغليف بلاستيك لكل الحقائب حتى يعجز من يريد السرقة بسرعة ولمعرفة السرقة فى نفس لحظة مرورها على سير الحقائب بدلا من المعرفة بعد الوصول للمنزل حتى يمكنك إتخاذ إجراء سريع، هذا ليس حل جذرى للمشكلة ولكن حتى تصيبك أخف الأضرار ، وربنا يحفظ الجميع.

[زول نصيجة]

#1211654 [ibrahim]
0.00/5 (0 صوت)

02-19-2015 08:28 AM
نفس الشي حصل كنت ذاهب الي جدة يوم ٢٣ يناير علي الخطوط السعودية تم اخذ الشنطة عند سلم الطائرة ونسيت ان اخذ المحفظة من داخل الشنطة وبداخله الف ومائة دولار وخمسمائة ريال سعودي وثلاثمائة درهم اماراتي وبعض النقود السودانية وعند وصولي مطار جدة اول حاجة تفقت المحفظة تم اخذ جميع المبلغ وترك المحفظة خاليه داخل الشنطة عملت بلاغ في مطار جده وانا خجلان تخيل لو المبلغ كانمع زول ماشي عمره او علاج كان يعمل شنو انا كويس صاحبي انقذني واداني الف ريال اشكره من هنا

[ibrahim]

#1211639 [المقهورة]
5.00/5 (1 صوت)

02-19-2015 08:12 AM
يا أخوانا لازم نرجع لشنط الحديد المصفحة ونقفلا بطبل زمان القدر كفة اليد.
مع اقتراح وضع ديناميت في كل ركن، ونشوف يا نحن يا هم.

[المقهورة]

#1211629 [محمد الفاتح]
5.00/5 (1 صوت)

02-19-2015 07:56 AM
والسرقة الكبيرة في ميزان المغادرة من الخرطوم تدفع دم قلبك في وزن عفش كله ويكة وحلوا مر ودكوة وبنقليس ولالوب ودوم وفول مدمس وباقي هدومك القيمة

[محمد الفاتح]

#1211627 [ود يوسف]
0.00/5 (0 صوت)

02-19-2015 07:55 AM
لو كان هناك مسئولون مخلصون ، فحسم مسألة السرقة ليس بعسير ، كلها ثلاث كاميرات ومونيتور . لكن إذا كان ( على ذمة صاحب التلعيق رقم 1211508 ) الضابط صايع وعايز يتحرش بالمسافرات والضابطة الله يكرمكم قوادة ، فماذا ترجون من أمثال هؤلاء ... مع الإعتذار للشرفاء منهم ...
حسبنا الله ونعم الوكيل ...

[ود يوسف]

#1211621 [بركل بدر]
3.00/5 (2 صوت)

02-19-2015 07:48 AM
عليكم بالشنطة الصفيح ومكتوب عليها بالبوهية الخضراء


دي محوَّطـة البدخل يدو بجيهو حبس بول؛

شوف واحد تاني يسرقكم.

[بركل بدر]

#1211613 [bashir]
0.00/5 (0 صوت)

02-19-2015 07:36 AM
في المطارات والموانئ يجب التعامل بحسم مع الركاب والعاملين حتى لا تضر بالبلد اذكر ان احد العاملين بميناء جبل علي هندي الجنسية وكان يعمل لاكثر من عشرين سنة قام بفتح حاوية بها مانجو واخذ حبة واحدة فتم فصله من العمل لذلك فالذي يسرق حبة يسرق طن

[bashir]

#1211605 [زول ساي]
5.00/5 (2 صوت)

02-19-2015 07:14 AM
ههههههههه والله حكاية عجيبة اخوي برضو حصل معاه نفس الموقف اتسرق منو بعض الاغراض مع العلم انو الشنطة مطبولة ولما وصل البيت لقي الشنطة مفتوحة في احدى الزوايا؟
تباً للسودان

[زول ساي]

#1211525 [بت حبوبتها]
4.93/5 (7 صوت)

02-18-2015 10:39 PM
نصيحة لكل زول مسافر من وإلى مطاراتنا :-

رجااااااء ما تستخدموا الشنطة البتتقفل بي سوستة حتى لو فيها طبلة لأنهم بيفتحوها بطريقة معينة لقيتا في اليوتيوب على الرابط دة https://www.youtube.com/watch?v=YtuJi5w8Y8U

رجاء استخدام الشنط البتتقفل بي حاجة كدة بتعمل صوت طقة لما تقفلا زي شنط السامسونايت الزمان, دي ما بيقدروا يفلسوها إلا يشيلوها كلها ويريحونا

[بت حبوبتها]

#1211522 [AburishA]
4.94/5 (6 صوت)

02-18-2015 10:34 PM
انتو غلطانين...ليه جايين بمطار الخرطوم...واصلا جايين الخرطوم لشنو !!

[AburishA]

#1211508 [amin]
4.50/5 (3 صوت)

02-18-2015 09:27 PM
حكت لي احدي الشابات الاريتريات بوهي مغادرة للسودان ان احد الظباط طلب منها ان يتم تفتيشها تفتيش شخصي وادخلتها احدي الظابطات غرفة مغطاة بستاير وانتظرت ودخل عليها نفس الظابط وصار يتحرش بها ويشير لها بان لا تصرخ ولكنها كانت شجاعة وحاولت الخروج ولكنه امسك بها ولكنها اصرت ويبدو انه خاف وتركها تذهب لتلحق بطيارتها
مع العلم بان الطايرة كانت بالليل

[amin]

ردود على amin
[كتاحة امريكا] 02-19-2015 09:09 AM
هذا زمانك ي انقاذ وانجلي


#1211503 [alnewairy]
4.50/5 (3 صوت)

02-18-2015 09:05 PM
الناس بتسرق في وضح النهار وناس مصادروا منهم الكشتينة ها ها ها ها ها هاها ها هاها ها ها

[alnewairy]

#1211497 [متعوداديمن]
4.63/5 (4 صوت)

02-18-2015 08:44 PM
ي اخوانا الطيران المدني اتسرق ..... سودانير اتسرقت ..... خط هيثرو اتسرق .... بقت علي الموبيلات ؟؟؟ نصيحة استخدموا براميل البلاستيك ابو طبلة كبييييييرة زي ناس الباخرة !!!! و ما تخجلوا في الميزان في المطارات المحترمة

[متعوداديمن]

#1211478 [aboo]
5.00/5 (1 صوت)

02-18-2015 08:02 PM
الراعي السوداني،
What happened to this long tedious story? Had the impression that we all are resembling this man??

[aboo]

#1211448 [tarig]
4.50/5 (5 صوت)

02-18-2015 07:03 PM
يا سودانيين من اعمالكم سلط عليكم , اصبح غالب الشعب السوداني لا يهمه الحلال او الحرام وناسي عقاب الاخرة وناسي ان ودعوة المظلوم ليس بينها وبين الله حجاب وناسي ان ما نبت من سحت فالنار اولي به و ناسي عذاب الاخرة يوم لا ينفع مال ولا بنون الا من اتي الله بقلب سليم

[tarig]

ردود على tarig
[جرى] 02-19-2015 10:02 AM
كلام صاح المواطن الفاسد وللبرهان انزل ليك بسيارة من الخليج عبر سواكن سوف تظل تدفع رشاوى اجبارية لمن تصل بيتك مهما كانت اوراقك سليمة

European Union [ود يوسف] 02-19-2015 07:16 AM
الشعب السوداني ما زال بخير ويهمه الحلال والحرام ، وإن كانت هناك فئة انحرفت بسبب الجشع أو الضغط الاقتصادي فلا يجوز تعميم ذلك على غالب الشعب ، وكل إناء بما فيه ينضح .
لماذا لا تذكر الذين يقنطرون الدولارات ويسكنون القصور ويعلمون أولادهم ويتعالجون في أوروبا وماليزيا ، هؤلاء هم الذين لا يهمهم الحلال والحرام وهم من تسبب في الأزمة الاقتصادية ، وسوء إدارتهم وعدم محاسبتهم لسارقي قوت الشعب دفع بعض ضعاف النفوس ممن والاهم لأن يسرقوا ... هل هؤلاء هم غالب الشعب ... ما لكم كيف تحكمون ...
حسبنا الله ونعم الوكيل ...


#1211420 [West Yorkshire]
4.99/5 (9 صوت)

02-18-2015 06:07 PM
وعثاء السفر(مطار الخرطوم).كئابه المنظر(سودانير)سؤ المنقلب (السودان بشكله الحالي).بس

[West Yorkshire]

ردود على West Yorkshire
[Khwajaa Sudani] 02-19-2015 08:29 AM
ههههههههههههههههههههههههه الله يديك العافيه

European Union [المشروع] 02-19-2015 07:50 AM
ههههههههه الله يجازي محنك يا ويست يوركشير


#1211384 [انا الموجوع من حكومة الكيزان]
1.00/5 (1 صوت)

02-18-2015 05:11 PM
والله يااا عالم الكلام دااااا ششششين في حق السودانيين احناااا ياخ خارج الوطن مشهورين بي الامانة معقووول بس الجوع وووصل بينااا لدرجة نأخذ اشياء ليس من حقناااا والله اخجلوووو يااا سلطات المطار ااحسن تقدمو اسقالات وتخلو غيركم من الجيل القادر علي تلك المهة والله بجد انااا زاتي بقيت ما قاغدر اعبر اكتر من كدااا حقيقي الكلام يوجع بس بتمناااا من الحكومة ان تهتم بي تلك المسألة لي اسباب كثيرة ولديناااا مجموعة من المهاجرين خارج الوطن ياريت بس تختشو علي السرقة احنا خارج الوطن معروفين بي الامانة الامانة الاملانة الامانة ارجوووكم كفايااااا بجد خليتووو وشنااا صغيررر قداام العالم كفاياااا فضايح الله يستر عليكم بس ما قادر اوااااصل الكتابة ....................بس اتمنااا ان يكون لي الحكومة اهتماام بي تلك القضية المهمة وووشكراااا

[انا الموجوع من حكومة الكيزان]

ردود على انا الموجوع من حكومة الكيزان
United States [امير] 02-19-2015 06:26 AM
ليس السبب الجوع انما دناءة النفس وعدم المسائلة والانضباط الوظيفي ( من أمن العقوبة أساء الأدب ) بدليل ان غالبية العاملين في المطار يمتلكون السيارات والمنازل وتجدهم في المطاعم فاخرة ثمن الوجبة فيها الشيء الفلاني والرواتب غنية عن التعريف .


#1211379 [آن الأوان]
0.00/5 (0 صوت)

02-18-2015 04:59 PM
طيب المفروض عند خروج العاملين من المطار ( من المنطقة الجمركية ) يتم تفتيشهم ..وإلا يمكن أن تنتشر السرقة لأمتعة الركاب .. وكذلك التهريب للسلع الغالية ..يبدو أن الأمن الجمركي سايب ..

[آن الأوان]

#1211352 [محمد الامام على]
4.25/5 (3 صوت)

02-18-2015 03:55 PM
بتسرق ملايه وغيرك بيسرق ولايه عجبى مسكين النحيله الوحيد الذى تمت محاكمته بالسرقه مع انو من البدريين

[محمد الامام على]

#1211348 [عبدالله الحلاوي]
5.00/5 (9 صوت)

02-18-2015 03:46 PM
عندما جاءت حقيبتي بالسير و كانت خالية من علامة الصليب (العلامة تعني ان صاحب هذه الحقيبة ملزم بالمرور بالتفتيش الجمركي) ايقنت ان امرا ما غير سار صار بالشنطة. لحسن الحظ مندوب القطرية كان موجود. قلت له ان بهذه الشنطة جوال بلاك بيري جديد و كاميرا سوني رقمية جديدة. لما فتحنا الشنطة وجدنا الصناديق و لكن بدون جوال و بدون كاميرا. فتحنا بلاغ خارج الممطار لانه لابد من وكيل النيابة. و مدير المباحث بالمطار قال لي بالحرف الواحد(بلاغك دا البلاغ رقم 25 على القطرية). بلغت القطرية بالمفقودات و وعدوني بالتعويض. و الآن مرت خمسة سنوات و لا شي. و نفس الشي بالخطوط العربية. تبلغ و يعطوك نموذج لتوضح المفقودات و لكن كالعادة لا تجد حتى الاستقبال الحسن. العربية و القطرية اسوأ الخطوط.

[عبدالله الحلاوي]

ردود على عبدالله الحلاوي
European Union [امير] 02-19-2015 06:38 AM
المشكلة ليست بشركة الطيران المشكلة بالعاملين في مطار الخرطوم بدليل ان هذه الشركات لا تعاني من هذه المشكلة في مطارات اخرى والبلدان التي تتبع لها هذه الشركات تتعامل بحزم شديد في مثل هذه الحالات .كما ان العفش يصل الى صالة الوصول في اقل من عشرين دقيقة من هبوط الطائرة لجميع المسافرين على الشركات المختلفة وأعدادها الكبيرة أما في مطار الخرطوم يصل العفش بعد ساعتين على أقل تقدير مما يتيح زمن كافي للعاملين من فتح وتفتيش الشنط واختيار ماغلا ثمنه وخف ثمنه .

United States [Omda] 02-19-2015 12:20 AM
عارف يا اخ عبد الله من عشرة سنة تقريبا اخوي جاي من امريكا واحد من الشباب رسل معاه تلفون لأهله ونفس السيناريو شالو التلفون في مطار الخرطوم وخلو الصندوق فاضي وما تقول هم منو هم عصابة مدربة وكلهم بدارو لبعض حتي الشاحن شالو من الصندوق يعني السارق عنده وقت كبير يفتش ويعزل كمان والله تلفون قيمته 400دولار في الزمن داك.الله المستعان


#1211344 [عبيد الله]
4.25/5 (6 صوت)

02-18-2015 03:37 PM
من زمان وليس جديد عليهم ناس مطار الخرطوم الحرامية إن شاءالله بالساحق والماحق والبلاء المتلاحق لكل من يأخذ حاجة ماملكو يارب . لانهم سرقوا مني جوال غالي وانا راجع من السودان والمشكلة انا عارف السرقني لابس افرهول ازرق وبيقيف جنب الطيارة ساعة الناس بركبوا عامل فيها شغال ومشرف وهو حرامي لان شال مني الشنطة في سلم الطائرة وقال يختها مع العفش وهو فعلا ختاه مع العفش بس بعد ماسرق الموبايل ( لانو شافو في الجهاز عند التفتيش ) تصوروا . وقلت للمسئول في مطار جدة قال عادي عندكم كتير ناس بجوا يقولو كدا .

[عبيد الله]

#1211336 [ود الكدرو]
4.99/5 (12 صوت)

02-18-2015 03:22 PM
المطار فيهو جهاز الامن - الاستخبارات --- امن المطار __ المباحث __ شرطة المطار___ شرطة الجمارك___ شرطة الجوازات__ الشرطة الامنية __-- معقولة

كلهم حرامية........دي تكون مصيبة كبيرة.... ويا حليلك يا ابو عاج.....

[ود الكدرو]

ردود على ود الكدرو
[الهادي] 02-19-2015 09:30 AM
في عالم الحيوان الود مفقود بين الاسد و المرفعين ،بعد جمع الحيوانين في حظيرة واحدة حدث تآلف و تطبع ملك الغابة بسؤ سلوك المرفعين،رغم اهمية هذه الاجهزة في هذا المنفذ الا ان سلوكهم الاجرامي صار واضحا بالتواطؤ مع رؤساءهم من الضباط الفاسدين الذين يرون هذه المهازل تحدث امام اعينهم و خانوا الرتب التي يحملونها امام مغريات الفساد

European Union [quickly] 02-18-2015 05:16 PM
ديل كلهم شغالين فطور فول وعدس وكباية شاي وراها كباية جبنة والساعة اتنين يمشوا بيوتهم وآخر الشهر يقبضوا مرتباتهم ,,, من اين اتى هؤلاء؟؟!!


#1211335 [ابو شربيك]
5.00/5 (4 صوت)

02-18-2015 03:19 PM
كان السرقة فى الخطوط الإثيوبية كثر الشكاوى أدرك
المسؤولين وتم المعالجة منذ 2012
الان الإثيوبية اصبح خط أمين للممتلكات
شخصيا كنت قادم بالاماراتية
اشتريت اجمل الثياب لبناتي من الصين
تم سرقتها فى مطار الخرطوم ولم أدرك الا بعد وصولى
المنزل رفعت شكوتى ل الله بس!!

[ابو شربيك]

#1211330 [وحيد]
5.00/5 (2 صوت)

02-18-2015 03:12 PM
يمكن جماعة السلطات المعنية ذاااتهم بيقسمو مع الحرامية

[وحيد]

#1211325 [محمد الامام على]
5.00/5 (1 صوت)

02-18-2015 03:06 PM
فى ميناء سواكن طبعا شنطك معاك صعب اسرقوا منها لكن فى سماسرة منشرين داخل فناء الميناء اول ماتنزل من الباخرة طوالى بمسكوا جوازك وخاصة لو كنت جاى بسياره افراج مؤقت بدون ماتعرف من هم وماهو عملهم بعد داك يقول ليك تعال وراى يخشوا جوه المكاتب يجيبوا ليك ورقك جاهز ويقولوا ليك روح استلم عربيتك تدخل الجماعه جوه عارفين اسمك انت فلان ايوه انت فلان ايوه تمر كل الحطوات كلمح البصر تطلع بعربيتك باقل وقت بعد ماتكون دفعت المعلوم وتستلم ورق السياره مختم وجوازك وكلو تمام وده دليل انو الجماعه شبكة كاملة مع الناس الجوه وكذلك عند العوده وحسبنا الله ونعم الوكيل

[محمد الامام على]

ردود على محمد الامام على
European Union [ود يوسف] 02-19-2015 07:50 AM
يا أخ محمد الإمام ، السماسرة ديل موظفين في شركة المهاجر والمفروض يقدموا الخدمة مجاناً للمغترب حسب تعليمات شركة المهاجر المعلنة ، والشركة طبعاً بتعرف كيف تتطلع حقها من المغترب ، دفتر تربتك ، تأمين ، خدمات وخلافة من أمور النصب والاحتيال ... لكن موظفي شركة المهاجر لا يلتزمون بذلك ويطلبون أجراً ويجادلون في ذلك كثيراً ... لكن ( تمر كل الخطوات كلمح البصر ) فهذه غير موجودة ، لأن الإجراءات مع نصابي شركة المهاجر تكون بين ثلاثة إلى أربعة ساعات ...
مع خالص تقديري ...


#1211319 [المستعرب الخلوى]
3.50/5 (7 صوت)

02-18-2015 02:49 PM
نعم هنالك سرقات عديدة فى مطار الخرطوم ( الدولى) وأنا شخصباً تعرضت لسرقة موبايل (لإبنتى) من حقيبتى ..ولا حياة لمن تنادى ..
عيب والله عيب اللى بيحصل دا ..

[المستعرب الخلوى]

#1211315 [250250]
5.00/5 (3 صوت)

02-18-2015 02:33 PM
بصراحة مثل هذا الاحداث عادية في مطار الخرطوم الدولي مع اولئك الحرمية والسراقين من المسؤولين والعاملين في المطار بصراحة لانني اتذكر مواقف كثيرة مثل تعامل الجمارك وضباط الشرطة العاملين مع الحمالين والعمال داخل المطار بالتعامل مع القادمين من خارج السودان في تمرير اقراضهم بدون تفتيش ومثل هذه الامور معروف لدى جميع القادمين حتى مشاع في الخارج بصراحة الوضع في السودان كلها بنفس الوتيرة لتخليص امورك يجب التعامل مع العمال في كل الدوائر الرسمية حتى تسلك امورك بطريقة سلسة والله يكون في عون الشعب السوداني

[250250]

#1211305 [WA7ID ZOOL]
5.00/5 (9 صوت)

02-18-2015 02:23 PM
مرفق استراتيجي زي المطار مفروض يكون في اي متر فيهو كاميرة مراقبة .. اذا مافيهو تبقي مصيبة واذا فيهو دي كمان تبقي مصيبة اكبر !!

[WA7ID ZOOL]

#1211294 [بت حبوبتها]
5.00/5 (8 صوت)

02-18-2015 02:05 PM
تعرضنا أكثر من مرة للسرقة في مطار الخرطوم, وعادة نستلم الشنط كاملة العدد, وما إن نفتحها في البيت حتى نتفاجأ باختفاء ما خف حمله وغلا ثمنه..المصيبة لما نكون شايلين أمانة لي زول والأمانة تتلحس مع ملحوساتنا..موقف الله لا أعاده عليكم !

يا حماية المستهلك, نظرة بالله لمطار بورتسودان, نفس الحكاية حاصلة بي هناك, واحدة جات بفلاي دبي ولقت شنطتها شبه فاضية ولما اشتكت لمسؤل ما في المطارأو الخطوط لا أذكر قال ليها "والله الناس ديل خجلونا, نحن زاتو ما عارفين معاهم نعمل شنو" !

[بت حبوبتها]

ردود على بت حبوبتها
European Union [بت حبوبتها] 02-18-2015 10:38 PM
نصيحة لكل زول مسافر من وإلى مطاراتنا :-

رجااااااء ما تستخدموا الشنطة البتتقفل بي سوستة حتى لو فيها طبلة لأنهم بيفتحوها بطريقة معينة لقيتا في اليوتيوب على الرابط دة https://www.youtube.com/watch?v=YtuJi5w8Y8U

رجاء استخدام الشنط البتتقفل بي حاجة كدة بتعمل صوت طقة لما تقفلا زي شنط السامسونايت الزمان, دي ما بيقدروا يفلسوها إلا يشيلوها كلها ويريحونا


#1211289 [ليدو]
5.00/5 (2 صوت)

02-18-2015 01:59 PM
شعب فضيحـــــــــة !!!!!!

[ليدو]

#1211287 [بيكانتو]
5.00/5 (4 صوت)

02-18-2015 01:56 PM
هسع ده مطار ولآ نفق


الملاحظ عمال خدمات المطار كبار فى السن

[بيكانتو]

#1211270 [كاسـتـرو عبدالحــمـيـد]
4.82/5 (6 صوت)

02-18-2015 01:36 PM
الأجراء المتبع فى هذه الحالة هو : (!) اقالة مـدير المطار (2) اقالة مسؤول الأمن .

[كاسـتـرو عبدالحــمـيـد]

#1211252 [badr]
5.00/5 (3 صوت)

02-18-2015 01:18 PM
من المؤسف ومن العيب ان نصل لتلك النقطقه من الخباثة وعدم الضمير وانحطاط الاخلاق بمثل هذه التصرفات التى تضر بسمعه السودان وشعبه وهذه الظاهرة لا تسمع بيها الا فى مطار الخرطوم حتى اصبحنا نشك فى ان من يمارس السرقات يقوم بتقسيمها على كل من يعمل بالوردية وياخد المدير النصيب الاكبر مع العلم بانها تكررت كثيرا وقد تعرضت لها عدة مرات حتى قررت عدم حمل اى حقبه للسودان نهائى ومن ذاق الالم كثير فنرجو من السلطان عدم اكرر عدم اتخاذ اللازم حفاظا لى نصيبهم من الغنايم
سودانى مغترب للابد

[badr]

#1211243 [ابوانوار]
5.00/5 (2 صوت)

02-18-2015 01:08 PM
أي مجتمع حينما تنعدم فيه الثقة قل عليه السلام . اصبح الواحد لايثق في اي شخص سواء كان بعيد أو قريب و معظم الضرر يأتي من القريب . انتشر النفاق وخيانة الامانة والكذب وجابت ليها كمان جبن وخوف .

[ابوانوار]

#1211240 [صلاح]
5.00/5 (3 صوت)

02-18-2015 01:06 PM
هذه نتائج وافرازات الحكومة اسرق واصمت وان كشفوك فتحلل ان الله غفور رحيم كما انه ضعف الاجور وغلاء المعيشة وغياب الرقابة والقانون محفزات قوية لضعاف النفوس

[صلاح]

#1211232 [ملتوف يزيل الكيزان]
4.91/5 (9 صوت)

02-18-2015 12:58 PM
اذا كانت الحكومة بتسرق و تنهب بالمليارات فكيف تتحرك و تحرم السرقة على الاخرين. السرقة هي فخر عصابة الانقاذ ، حكومة الاخوان المخنثين و ديوث الامن.
خلايا المقاومة + عنصر الحركات المسربة للعاصمة + دعم المغتربين = حرب عصابات المدن لجعل البلد غير امن لكلاب الامن والكيزان و اسرهم.

[ملتوف يزيل الكيزان]

#1211231 [محمد خليل]
5.00/5 (4 صوت)

02-18-2015 12:57 PM
أنا متأكد أن حكومة الكيزان لن تفعل شيئاً لوقف هذه السرقات التى تشوه سمعة البلد، لأنهم ببساطة كلهم حرامية و السرقة عندهم أكثر من عادية.

[محمد خليل]

#1211216 [سراجا الدين الفكى]
5.00/5 (3 صوت)

02-18-2015 12:49 PM
معلوم تماما فى كل دول العالم ان المطارات هى واجهة البلد المقصود, ماعدا هنا فى السودان, فان المطار صار مرتع خصب لممارسة جريمة السرقات, الشئ الذى يخرجه من دائرة "واجهة البلد المقصود", وفى اعتقاد ما يحدث فى مطار الخرطوم من سرقات ليس بالامر الغريب, بل هو مستمد تماما من السياسة العامة للحكومة وهى "السرقة" بكل ماتحملة هذه الكلمة من معانى, وتعتبر السرقة بالمطار جزء من كل والاطار العام السائد بالبلد. هنا يمكننى ان اقول: هذه الحكومة الفاسدة الفسقة المجرمة والمكونة من عصابة لصوص وحرامية وعلى اعلى مستوى من كبير القوم وحتى صغيرهم, يمكننى ان اقول: لاضير فى ان عمال الشحن والتفريغ بالمطار والذين يفتحون الحقائب وياخذون منها ما ارادوا, هذا العمل يتفق ويتسق تماما مع السياسة العامة للحكومة, هذا افراز نظام متعفن خرب وتربية اجتماعية "زى الزفت", انه جزء من كل والكل هذا النظام المنهار.

[سراجا الدين الفكى]

#1211201 [sayedelmuiz]
5.00/5 (3 صوت)

02-18-2015 12:34 PM
ليس هذه المرة الاولى، بل السرقات متكررة ، والقادمون لم يكتشفوا السرقة الا بعد وصولهم المنزل

[sayedelmuiz]

#1211190 [عطبراوي]
4.99/5 (11 صوت)

02-18-2015 12:20 PM
والله انا كفرت بالسودانين شعب بقي كذاب وانتهازي ومنافق وعايش علي الحرام شعب وسخ وقذر واناني والاقرب ما في الامر دافنين رؤوسهم في الرمال وهسي يطلع لي واحد يقول كلامي ده افتراء فرجل المرور مرتشي والموظف كذلك ومتكاسل كمان والمسؤولين ديل كمان مشغولين بالبذنس غايتو دوله الحكومه باطشه والشعب بقي بتاع حرام عشان كده يا سودانين ربنا مسلط عليكم الكيزان ديل وان شاء الله عمر البشير ده يسلمه لسيدنا عيسي عليه السلام

[عطبراوي]

ردود على عطبراوي
[ابوالبكور] 02-19-2015 10:02 AM
والله ماقلت إلا الحق يا عطبرواى ,, معظم الشغب السودانى صار إنتهازى ولايخاف من الله يأكل الحرام ويفتخر ويعتبرها فهلوه ,, والله العظيم أنا ضحك على محامى كذاب لايخاف من الله أكل مالى بدون وجه حق ,, شكيته لله وماعافى ليه مالى الاكلو بالكذبوالضحك والاستغلال ,, ومعه ناس كنت أفتكرهم بيخافوا من الله وجدتهم باعونى للمحامى كأنى صيده أو بضاعه منهم لله

[ابو ساري] 02-19-2015 09:35 AM
انتو يا سجم البتسبو في الشعب السوداني انتو من وين يعني عليك الله في حثالة اكتر من الواحد يسب نفسو.انتو و الزيكم السبب في اللي نحنا فيهو دا. الله يقطعكم، تثبطو في الهمم و تزيدو في الخزلان

European Union [ود يوسف] 02-19-2015 08:26 AM
يا عطبراوي والمتداخلين معك ( jafar و البروس ) ... هل أنتم من هذا الشعب أم أنكم آتون من المريخ ؟؟؟

[jafar] 02-18-2015 10:20 PM
والله يا عطبراوى كلامك دا مظبوط الواحد لما يصل مطار الخرطوم يتلفت على حاجاتو زي المجنون كأنك جوه الغابة خايف ينشلوك فى أي لحظة وعيونهم بترمق فيك زي عيون الأسود فى الغابة على الصيد الثمين

United States [البروس] 02-18-2015 02:27 PM
عطـــــــــبراوي عفيـــــــيت منــــــــك .
أسوأ شعب على الأرض هو ( الشعب السوداني ) وعاوزين نوصل هذه المعلومة لكل العالم . ولا الناس تنصلح وتنعدل وتتبع كلام الله وطبقوا .

ملحوظة : زول ساكت زول مع نفسوا وموجعني البمل فيه الشعب


#1211182 [داوودي]
4.63/5 (4 صوت)

02-18-2015 12:14 PM
البلد كلها مسروقة .

[داوودي]

#1211171 [MUTASIM]
5.00/5 (6 صوت)

02-18-2015 12:04 PM
نفس الشى حدث معى قبل شهر قادم من جده على الخطوط السعوديه تمت سرقت بعض الاغراض من ضمنها موبايل. يا اداره مطار الخرطوم اخجلو من نفسكم فانتم واجه البلد

[MUTASIM]

#1211159 [ود قلبا]
5.00/5 (6 صوت)

02-18-2015 11:55 AM
الحكاية شنوا ارسرتنا تعرضت لسرقة شنطة وكرتونة في شهر 2 برضوا بس الحمدلله اتصلوا ناس الخطوط وجابوها راجعا كيف الله اعلم ...لي السرقة والرشوة البتاخدوها من الأجانب وبالأخص من اخوتنا الإريتريين كما اشتكوا لنا أصدقائنا ليه ياناس المطار سوء المعاملة والهزج في وش القادمين انتو ماسافرتوا وشفتوا كيف الاستقبال بيكون ؟؟؟؟؟؟؟؟ ر

[ود قلبا]

ردود على ود قلبا
United States [Omda] 02-19-2015 12:28 AM
عارف ياود قلبا بس ماقدرو يفتحو الكرتونه بس ده النجاك من السرقة او قايلنها كرتونية زواده والناي ديل دائرين الحاجة الفيها كاس سريع


#1211154 [ابو مروان]
5.00/5 (3 صوت)

02-18-2015 11:48 AM
مش معقوووووووووووووووووووووووووووووووووووووووووووووووووول!!!!!!!!!!!

[ابو مروان]

#1211138 [Kudu]
5.00/5 (10 صوت)

02-18-2015 11:28 AM
تعرضت لسرقة جزء من امتعتي الشخصية أربعة مرات بمطار الخرطوم..
بلد ليس لها كرامة.. يديرها مجموعة من الجهلة والمجرمين

[Kudu]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة