الأخبار
أخبار إقليمية
السفارة السودانية تقيم مهرجاناً غنائياً ساهراً وتوتو كورة في لاهاي، هولندا
السفارة السودانية تقيم مهرجاناً غنائياً ساهراً وتوتو كورة في لاهاي، هولندا
السفارة السودانية تقيم مهرجاناً غنائياً ساهراً وتوتو كورة في لاهاي، هولندا


تحضيراً للانتخابات الرئاسية وتحت رعاية وحدة الأمن الخارجي
02-18-2015 10:44 PM
اقامت المنظمة السودانية الخيرية التابعة للسفارة السودانية في لاهاي سفارة نظام الإبادة الجماعية حفل غنائي ساهر يوم السبت الماضي. جمعت الحفلة 300 نفر نصفهم من خارج هولندا وخصوصا بلجيكا والمانيا وفرنسا.

وحسب مصادر من شباب التغيير ودعم الثورة بهولندا تمت دعوتهم بواسطة السفارة السودانية مباشرة. والسؤال لماذا تحشر السفارة نفسها في مناسبات إجتماعية ولماذا تعمل تحت غطاء منظمات أهلية ولا تقيم مناشطها بشكل علني؟.
والإجابة حسب ذات المصادر، السفارة غير مرضى عنها بواسطة السواد الاعظم من السودانيين بهولندا بسبب كونهم لاجئين سياسيين في الاساس ومتضامنين مع قضايا الشعب السوداني عدا قلة انتهازية قليلة لكنها نشطة وفاعلة وتأكل من موائد اموال الشعب السوداني المخصصة للتجسس بالخارج وتبييض وجه النظام.

وسبب حضور هذا الكم الهائل من عملاء النظام من عدة دول أوروبية (السر) التحضير للإنتخابات الرئاسية القادمة في أبريل. تصويت أكبر عدد من اعضاء الجاليات الأوروبية للبشير مهم لاعلام النظام حتى يظهر أن البشير يجد تأييداً حتى من اللاجئين في هولندا وأوروبا، فتزييف الوعي من عادات نظام الحركة الإسلامية.

في الصورة المرفقة رئيس وعدد من اعضاء لجنة منظمة السفارة السودانية بلاهاي المسماة: الجمعية السودانية الخيرية في ذات يوم الحفلة وهي صورة عامة. وأقيم النشاط المشبوه بحجة دعم الصم والبكم في السودان وظنهم ان الشعب كله أصم وأبكم وأعمى كمان. وكان هناك سحب يا نصيب اشبه بتوتو كورة في عهد نميري. وقد سبق أن قامت الحكومة الهولندية بطرد القنصل السابق (عبد الدائم) من بلادها بعد أن ثبت تجسسه على أعضاء الجالية السودانية في هولندا وعدة دول أوروبية لمصلحة النظام السوداني وهو أمر تحرمه المعاهدات الدبلوماسية الدولية.

الجدير بالذكر ان المنظمة المعنية يقودها في العلن رجل مسيحي قبطي من قدماء السودانيين بهولند وتديرها من الخلف وحدة الأمن الخارجي بالسفارة السودانية بلاهاي.

أحمد حسين، أمستردام، عضو لجنة دعم الثورة السودانية في هولندا


تعليقات 12 | إهداء 0 | زيارات 4873

التعليقات
#1212457 [احمد اوترخت]
5.00/5 (1 صوت)

02-20-2015 08:17 PM
الاستاذ احمد حسين لقد سمعنا انه هناك كميات كبيرة من الصور في الحفلة المشبوهة ومعها تسجيلات
نحن نريد منك ان تنشر كل ما تمتلك لان هؤلاء الخنازير يجب فضحهم ليعرف الناس حقيقتهم ونريد ان يعرف ناس فرنسا وبلجيكا والمانيا العملاء بينهم من الارزقية .

معا من اجل حملة
ارحل
ارحل
ارحل

[احمد اوترخت]

#1212307 [Waleed]
5.00/5 (1 صوت)

02-20-2015 01:07 PM
يا جماعت الخير الزول القبطى دة سمعنا قالوا اسلم فما فى داعى تكرهوه. اتقوا الله فوقه

[Waleed]

ردود على Waleed
European Union [صلاح المليح] 02-20-2015 08:57 PM
مبروك عليه الإسلام ومرحب بيه في دين السلام لو صح الخبر بس المشكلة يبقى دين كيزان ودقن شيطان!.


#1212185 [rashid]
5.00/5 (1 صوت)

02-20-2015 03:37 AM
المؤتمر الوطنى إستطاع سرطنة الجاليات فى غرب اوربا خاصة هونندا وبلجيكا .. بالإغرآت المالية .. والأراضى .. وللتسهيلات .. فى أوروبا كتير من كوادر المؤتمر الوطنى المندسة والمتدثرة بثوب اللجؤ .. هذه العناصر تغلغلت وسط الجاليات واستطاعت السيطرة على معظمها فى بلجيكا وألمانيا وهولندا ..مثلا كون المؤتمر الوطنى مايعرف بمجلس تنسيق الجاليات بقيادة دكتور كبار من بلجيكا .. وفكرى سرور من هولندا واخرين من أتباعهم .. الا ان مخططهم قلل فى مهده بمقاومة الجالييات لهم حينها .. الان تفتقت عبقريتهم فكنناا مايعرف بمجالس الصداقة الاووبية السودانية فى كل هذه الدول كغطاء لانشطتهم المجمرمة .. لم تنمو هذه السرطانات الا لغياب تنظيمات جادة تقود الجاليات وتفضح هذه المجموعات التى تروج لسياسة نظام البشير .

[rashid]

#1212060 [ابوالذيك]
4.00/5 (1 صوت)

02-19-2015 08:14 PM
يظهر فى الصورة الخامس من اليمين فى الصف الواقف وسط الصورة الموسيقار الشاب وعازف الكي بورد الشهير ناجى تاج السر ابن بيت المال وشقيق الموسيقار الشهير المقيم فى امريكا وعازف الكى بورد ايضا ماهر تاج السر وفى الحقيقة ان ناجى موسيقار وعازف لا علاقة له بالسياسة فليس كل هؤلاء المشاركين داعميين للنظام

[ابوالذيك]

ردود على ابوالذيك
European Union [صاحب حق] 02-19-2015 10:40 PM
(في الصورة المرفقة رئيس وعدد من اعضاء لجنة منظمة السفارة السودانية بلاهاي المسماة: الجمعية السودانية الخيرية في ذات يوم الحفلة وهي صورة عامة).

الكلام واضح


#1212035 [ابومرام]
0.00/5 (0 صوت)

02-19-2015 07:15 PM
سؤال محيرني هل من اجابة هل الرئيس قبل الانتخابات تنتهي فترته بمعنى ما يظهر لينا في اجهزة الاعلام على انه رئيس جمهورية السودان؟ يعني يطلع خارج القصر؟ وكيف تدار البلد في هذه الفترة؟ بعدها تعلن نتائج الانتخابات ويؤدي الرئيس الجديد اليمين الدستورية.

[ابومرام]

#1211844 [كيجاب]
4.75/5 (3 صوت)

02-19-2015 12:13 PM
الزول الاسمه فايز ولا فوزى الفى النص بكرافته حمرا دة شغال شنو دايما بكون شايل كاميرا ويصور اى لمة للسودانيين

[كيجاب]

ردود على كيجاب
European Union [صاحب حق] 02-19-2015 10:41 PM
توثيق رسمي :)

[12548] 02-19-2015 04:57 PM
فوزي ( الدنقلاوي ) ... ده زول قديم في هولندا ...


#1211714 [ادم ولد دارفور]
0.00/5 (0 صوت)

02-19-2015 09:19 AM
في الصورة تبين لي أنهم أصحاب الخبرة في تضليل والدجل،فهم مازالوا يمارسون و يباركون دّجلهم، هؤلاء همهم فقط تجميل وجهة ابو الملعون الرباني بشة في قصره الجديد ،فالمهرجانات الغنائية، لا تعنينا في شيئ نحن معشر المظلومين، و لن نضحي بدقيقة واحدة من عمرنا في سبيل الظلمة الحاكمة من السقوط و كيف نجرؤ على العمل ضد رغبة أهلنا المقهورين بزوال وترحال الفئة الضارة للوطن والمواطن في ملتقي النيلين إلى أبد الآبدين فبدلا من مهرجاناًت غنائية وتمديد عمر الكيزان عليكم لانضمام في حملة مقاطعة الانتخابات ( أرحل....أرحل) بتكون أرحم لكم...

[ادم ولد دارفور]

#1211617 [المتجهجه بسبب الانفصال]
0.00/5 (0 صوت)

02-19-2015 07:44 AM
عدا قلة انتهازية قليلة لكنها نشطة وفاعلة وتأكل من موائد اموال الشعب السوداني المخصصة للتجسس بالخارج وتبييض وجه النظام.

__________________________________________


المال المال المال،،، المؤتمر الوطني حزب قائم على شراء الذمم وتأسيس الشركات الذمية المحدودة في أماكن كثيرة ،،، لكن نحن السبب ،، هل جماعة المؤتمر الوطني ومتسلقيهم أكثر من بقية السودانيين الاخرين في هذه الدول،، لا طبعا ،، والاجابة على هذا السؤال توضح لماذا يحكمون 25 سنة وسيحكمون 5 سنوات اخرى ،،،

[المتجهجه بسبب الانفصال]

#1211595 [الكنزي]
5.00/5 (1 صوت)

02-19-2015 06:53 AM
الزول ابو نضارات البارك و خاتي يدينو في نصو دا و لابس فلنة مكتوب فيها شنو ما عارف سودان بالانجليزي ... خشو اليو تيوب و اكتبو حفلة طه سليمان بفرنسا ... و شوفو قاعد يحتو و يكشف كيف !!! و الله لامن تامنو .... تقول لي مؤتمر وثني ... والله يالكيزان حقيقتكم اتكشفت و و مشروعكم الحضاري بلوهو و اشربو مويتو

[الكنزي]

#1211560 [Khalid Abdalla Ragab]
0.00/5 (0 صوت)

02-19-2015 01:43 AM
In sha Allah, they invited Omer Hassan ElBashir? They want to prove something especially the coming Election, let them do that if they could!

[Khalid Abdalla Ragab]

#1211547 [سيزر]
0.00/5 (0 صوت)

02-19-2015 12:43 AM
( الجدير بالذكر ان المنظمة المعنية يقودها في العلن رجل مسيحي قبطي من قدماء السودانيين بهولندا )



ليس مهماً ان يكون مسيحي و لا كجور !!! المهم انه بيعمل ضد الشعب السوداني.... قول ليه ليك يوم ... و لاهاي مابعيده ........................................................

[سيزر]

#1211538 [هندوية]
5.00/5 (1 صوت)

02-18-2015 11:41 PM
المسيحي القبطي المسكين دا ما شاف مذابح الاقباط في ليبيا وما سمع من حفتر والسيسي والعالم كلو انو الاخوان المسلمين حكام السودان بقوة العين مشتركين في مجزرة الأقباط في طرابلس!. والله دا زول دلاهة.

خلينا من ناس كشا مشا ناس عازف الكيبورد المسكين والود سواق السفارة من العهد الكوشي وداك بتاع وكالة السفر الفاشلة معروف

[هندوية]

ردود على هندوية
European Union [Waleed] 02-20-2015 01:07 PM
يا جماعت الخير الزول القبطى دة سمعنا قالوا اسلم فما فى داعى تكرهوه. اتقوا الله فوقه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة