الأخبار
أخبار إقليمية
جمعية الجراحين السودانيين: الاخطاء الطبية لاتتجاوز ۱۲ ٪ .. ( لو مات زول واحد يعني شنو؟)
جمعية الجراحين السودانيين: الاخطاء الطبية لاتتجاوز ۱۲ ٪ .. ( لو مات زول واحد يعني شنو؟)



02-20-2015 12:47 PM

الخرطوم : ندى رمضان
اشتكت جمعية الجراحين السودانيين من شح التمويل وعدم التنسيق بين الجمعيات الاخرى بالبلاد، وكشفت عن قيام مؤتمرها بتمويل مجموعة من شركات الادوية، ولفتت الى قيام مؤتمرها بالتنسيق مع جمعية جراحي العظام لتفادي حرج الميزانية، وقللت في الوقت ذاته من نسبة الاخطاء الطبية التي اكدت انها لاتتجاوز ال ۱۲ ٪. واعلن سكرتير الجمعية د. عامر عبدلله انعقاد مؤتمر الجمعية السبت القادم بقاعة الصداقة بالخرطوم، على ان يستمر حتى الثالث والعشرين من الشهر الجاري. واشار سكرتير الجمعية لوجود ۳۰۰ اختصاصي في مجال الجراحة العامة بجانب۱۷ جراحاً في مجال جراحة التجميل والترميم، وكشف عن وجود ۲۸٥ نائب اختصاصي تحت التدريب في جراحة الاطفال والعظام والمخ والاعصاب . واشتكي عامر من عدم وجود دار للجمعية، ولفت الى انهم طيلة السنوات الماضية يستضافون بمجلس التخصصات الطبية ومستوصف دار الجراحة مما اثر سلباً على مناشط وفعاليات الجمعية. من جهته قلل مقرر الجمعية ادريس علي من ارتفاع معدلات الاخطاء الطبية بالبلاد بقوله ان الاخطاء الطبية ليست مختلفة عن المستويات العالمية، ونوه الى ضرورة تطبيق نظام مطلوبات الجراحة الآمنة لتقليل مضاعفات العملية، واتهم وسائل الاعلام بتضخيم الاخطاء الطبية، واشار الى ان د. كمال ابوسن اجرى مئات العمليات الناجحة فيما عدا حادثة مريضة الزيتونة التي قال ان الصحف تناولتها بشئ من التهويل، وأردف قائلاً ( لو مات زول واحد يعني شنو؟)، وارجع تضخيم الاخطاء لعدم وجود تأمين طبي شامل من شركات التأمين.

الجريدة


تعليقات 12 | إهداء 0 | زيارات 3359

التعليقات
#1212921 [سوداني محموق]
0.00/5 (0 صوت)

02-21-2015 05:16 PM
سبحان الله جمعية الجراحين السودانين التي ترأسها اساتذة وجراحين اصحاب مبادئ واخلاق كالمرحوم البروفيسور عمر بليل والبروفيسور موسي عبدالله حامد اطال الله عمره ، لما كان الجراحين ينتخبوا جمعيتهم ومكتبها التنفيذي بالاقتراع الحر والبلد فيها نقابات وفيها ناس عندهم ذمة.
تغيير الحال في زمن الكيزان وبقي سكرتير الجمعية زاتها يصرح باستهتار عن الأخطاء الطبية وارواح الناس ، بالله دا بشر دا ؟

حقيقة النار تلد الرماد ، نوعك دا ياهو شبه حال البلد الليلة يا دكتور عبدالله عامر

[سوداني محموق]

#1212918 [TITI]
0.00/5 (0 صوت)

02-21-2015 05:04 PM
نتيجة للخطأ الطبى الذى تسبب فيه الجراح كمال ابوسن بانجلترا،
تم تعويض المريض مبلغ ٧ مليون جنيه استرلينى (١٠ مليون دولار)
اذا كانت نسبة الاخطاء الطبية بانجلترا ١٢% لاعللنت الحكومة الانجليزية
افلاسها.

[TITI]

#1212884 [صبري فخري]
0.00/5 (0 صوت)

02-21-2015 03:46 PM
قلنا الديناصورات لو ماتوا يمكن يجي زول أحسن ولكن خاب ظننا ... كلامك صاح لو مات واحد في شنوا .. ما البشير كل يوم بيقتل بالمئآت. ... و من قتل نفسا بغير نفس كأنما قتل الناس جميعا .. يقرؤن القرآن لا يتجاوز تراقيهم .. انهم خوارج هذا العصر ... مستشفيات القائمون بأمرها أطباء امتياز ... كيف لا يكثر فيها اﻷخطاء الطبية ... 23 عام اعمل بوزارة الصحة .. منح التدريب الداخلية او الخارجية فقط للموالين وللاسف اغلبهم فاشلين ... 0123652351

[صبري فخري]

#1212817 [حلفانكيل]
0.00/5 (0 صوت)

02-21-2015 01:52 PM
انشاء الله الزول الواحد القاصدو دا يكون انا عشان افدى بيهو باقى الشعب السوداني

[حلفانكيل]

#1212748 [سوداني]
0.00/5 (0 صوت)

02-21-2015 11:47 AM
ليس كلام مستغرب من دكتور عامر عبدالله حمزة الكوز المتسلق المصلحجي

[سوداني]

#1212709 [عميد معاش د. سيد عبد القادر قنات]
0.00/5 (0 صوت)

02-21-2015 10:50 AM
كلام غير مسئول يا دكتور عامر بس معقول |أنت |أمس كنت عميد طب جوبا يطلع منك تصريح بهذا الشكل
انها روح بشر |أنه بني |آدم يموت ساكت سمبلا

ما معقول يا بروف عامر |ألحق نفسك فكلامك دا خطير تب وغير مقبول مهما كانت المعاذير والتفاسير وانت رسول وملاك رحمة لتشفي وتعالج وتعيد البسمة وتزيل الالم وتقول لو ما زول واحد يعني شنو يعني الناس جميعا

[عميد معاش د. سيد عبد القادر قنات]

ردود على عميد معاش د. سيد عبد القادر قنات
European Union [الحكيم] 02-21-2015 02:10 PM
يازول افرا كويس ده ما كلام بروف عامر


#1212701 [محمد خليل]
5.00/5 (1 صوت)

02-21-2015 10:43 AM
الأخطاء الطبية كوم و عدم المحاسبة عليها دا كوم تانى، فى الدول المتقدمة الجراحين يحرصوا تمام الحرص على عدم وقوع اخطاء طبية من جانبهم لأن المستشفى المعنى قد يتعرض لدفع آلاف أو ملايين الدولارات كتعويض للمريض أو لذويه اذا حدث خطأ طبى أما عندنا فالطبيب لا احد يحاسبه بسبب المجاملة من زملائه الذين يكونون فى لجنة المحاسبة و بالتالى فهو آمن تماما من المسائلة و لا يحرص على إجراء العملية بالشكل الصحيح و لا يبالى ان حدث خطأ أو لا ولا يتعامل مع المرضى بالاحترام اللائق.

[محمد خليل]

#1212487 [ادروب]
5.00/5 (2 صوت)

02-20-2015 09:54 PM
بالله ده كلام طبيب مسؤول ,, إن شاء الله تموت إنت يا فاشل

[ادروب]

#1212446 [كاتم السر]
5.00/5 (2 صوت)

02-20-2015 07:45 PM
الواحدة دة انشاء الله اقرب زول لقلبك دة لو انت عندك قلب

[كاتم السر]

#1212357 [hassan]
5.00/5 (2 صوت)

02-20-2015 03:18 PM
انشاالله الزول الواحد دة تكون انت

[hassan]

#1212334 [ام بادر]
5.00/5 (1 صوت)

02-20-2015 02:33 PM
ولااااااااا شي مايموت شنو يعني؟؟؟؟؟؟؟؟حسبي الله عليكم كلكم،،..

[ام بادر]

#1212333 [الدكتور]
5.00/5 (3 صوت)

02-20-2015 02:30 PM
هذه نسبة عالية جدا مقارنة مع النسبة القياسية العالمية

[الدكتور]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة