الأخبار
أخبار إقليمية
أحزاب تتهم حزب البشير بالتنصل عن موقفه بعدم المنافسة في 30% من الدوائر
أحزاب تتهم حزب البشير بالتنصل عن موقفه بعدم المنافسة في 30% من الدوائر
أحزاب تتهم حزب البشير بالتنصل عن موقفه بعدم المنافسة في 30% من الدوائر


02-22-2015 11:24 PM
الخرطوم . حسن محمد علي

اتهمت الأحزاب السياسية المشاركة في الانتخابات بولاية القضارف المؤتمر الوطني بالتنصل من اتفاقه المعلن مع الأحزاب في عدم المنافسة في 30% من الدوائر الانتخابية الولائية والقومية، فيما أشار المؤتمر الوطني في تقرير حول موقفه الراهن في الانتخابات إلى ترشحه في (19) دائرة بدلا عن (17) دائرة ، وقال أمين عام حزب مشارك في الانتخابات طلب حجب اسمه إن "الوطني" تنصل من اتفاقه وإعلانه بعدم منافسة الأحزاب، تأكيدا على روح التنافس، واتاحة الفرصة للآخرين. وذكرت مصادر أن الحزب الحاكم لم يسحب مرشحه من دائرة الرهد الشرقية (14) على الرغم من اتفاقه بعدم المنافسة فيها مع الحزب الاتحادي الديمقراطي بزعامة الدقير، وهددت أحزاب بالانسحاب من الانتخابات، وقالت قيادات سياسية إنها ستنتظر حتى موعد الانسحابات الذي تبقت منه أربع وعشرون ساعة.

اليوم التالي


تعليقات 12 | إهداء 0 | زيارات 2517

التعليقات
#1214343 [esameldin bakheet]
0.00/5 (0 صوت)

02-23-2015 05:32 PM
انتو الاحزاب دي وكت ما عندها القدرة علي المنافسة خاشين لي شنو ؟

[esameldin bakheet]

#1214333 [الفكي]
0.00/5 (0 صوت)

02-23-2015 05:06 PM
داير اقرا الخبر بمزاااج ، لقيت صورة ابعفين، جليتو !

[الفكي]

#1214149 [من نوع ابوكديس]
0.00/5 (0 صوت)

02-23-2015 11:47 AM
دناءه وشحده ياحكومة القاعده العريضة البقت اعرض من الشعب نفسه

[من نوع ابوكديس]

#1214100 [البطريق الساحر]
0.00/5 (0 صوت)

02-23-2015 10:50 AM
لازم يعملوا كدة خلاص شموا اباطاتهم
امريكا فكت ليهم حظر تقنية المعلومات
والامارات وجهت ليهم دعوة لزيارتها
فعشان دة رجعوا في كلامهم معاكم

[البطريق الساحر]

#1214099 [الجعلي المثنى]
0.00/5 (0 صوت)

02-23-2015 10:49 AM
انشاء الله ما يدوكم ولا دايرة انتو وجودكم وعدمه واحد

[الجعلي المثنى]

#1214063 [مسكين انا]
0.00/5 (0 صوت)

02-23-2015 10:10 AM
شحادين وقليلين ادب !!

[مسكين انا]

#1214052 [سراجا الدين الفكى]
0.00/5 (0 صوت)

02-23-2015 09:56 AM
التقرير ليس بالغريب لان دائما الحزب الحاكم "المؤتمر المضل" دائما من شيمة الافك والنفاق والكذب وعدم المصداقية والخداع والتنكرللسودان والسودانين, فلا غرابة فى حنثهم وعدم وفائهم بالعهود والعقود لان اصلهم وتركيبتهم هكذا.
ثم ثانيا بالاشارة الى الصورة المصاحبة التقرير: لى تعليق منطقى فى اصطحاب صاحب الصورة بالتقرير
( هذا الرجل دائما نجدة فى مستنقع الرزيلة السياسية, ودائما مصاحبا للافك والخداع والشر والكذب, وعدم المصداقية, فبهذه الصفات لهو فعلا "مؤتمر مضلى" كادر مؤهل للغاية وبكل ماتحملة كلمة هؤهل من معنى وكونه من الحزب الحاكم, لان هذه هى صفاتهم وشيمهم واصلهم وفصلهم,فصاحب الصورة دائما ماتجدة فى موطن الفساد والمفسدين فهو خير مرأءة للمؤتمر المضل, هذا (الضال - المضل - الضليل برجائى ان تعزرونى فى الكلمات القادمات من حيث اللجوء الى القبلية ), نحن والمعبود بالحق نربأ ان يكون جعلى, لان هذه الخصال لا يمكن ان تتوفر فى جعلى بالسودان لكن يظهر عليهو (.......جعلين), انت يامضل تكفى صورتك عن التقرير والكل يفهم الباقى.

[سراجا الدين الفكى]

ردود على سراجا الدين الفكى
[صديق ضرار] 02-23-2015 01:35 PM
أخوى سراجا : ما إنت براكا . شوق أنا ماغسنى كيف
وبعدين فاروق دا دكتور فاروق محمد زميلى فى الحزب وصديق لى .

الزول دا قَدُرْ ما أختاهُ تجيبوأ لى ؛ ما عارف لى شنو ؟!
أها الياخد :


مسدار أبو العفين


القلم في إيد الكريم عمار ووجاهة
وف إيد اللئيم مرضاً بزيده سفاهة
دحِّين سكاتنا عليك وعفونا ومانا دلاهة
خلاك يا العفن بى سبابنا جد تتباهى
** *
أقعد يا السجم للحَرْبِ شعلل نارا
وجَيِّشْ في الجيوش آلآف، بجينا خبارا
فى باكر بجوك ناس كاودا أو ناس بارة
بتلبد يا الجخس وسط الحريم تتضارى
* * *
ناكرك عديل و أقولها ماك سودانى
و شيتا يجمعنى بيك في الدنيا ما لمَّانى
أهلك مو قليل لو قالوا زول برَّانى
دخل الفريق غلطان وابوه جِدُّو يمانى
* * *
زَىْ ودَّ الحرام الأمُّ زاغت مِنُّو
مسحُوب من لسانو ، ولسانو يبعد عنُّو
جابوه مع اللقاط لو يقدروا يلمنُّه
خلَّوه اللقاط الزين في الملجا فزُّوا وجنُّوا
* * *
شلاَّخك عليك وما بتقدر تغالط بكرة
وما بتقدر تقول أنا ما يانى داك النكرة
* * *
في قبضة يدين المولى عزَّ وجلَّ
داير تنملص من الذنوب ، تتحلَّ
حضروا الضحايا من كل قبيلة وملَّة
وإنت بتكورك يا الله لَحِّقنى البلَّة
* * *
بالشهر المنوِّر أشوف عمايلك فيكَ
واشوف من قهر كيف يدمعن عينيك
شيتاً ، من غرف أشباح عمايا يجوكا
وشيتاً من عذابهم الدم مغتى يديكا
* * *
كَرْبِتْ يا الحمار شَدِّينا فوقك بَردَعْ
خليك يا الحمار مسئول وطايع واسمع
مع النميرى حمار من فصيلتك برطِع
وريناه النجوم فى نهارها كيفن تلمع
* * *
ما تعمل عنيف بى نفخة كاذبة، وسيبها
خليك قدر قدرتك واحسب حساب محسوبها
متلك كم جعيص دارُوهُ ساعة الحوبة
فرتق من ابوجا ، أب شردة قَلَبْ الهُوبَة
* * *
الشعب انكَرَب فوق التلال الصعبة
والسيل لو كسر تَحْلَوْ تمام اللعبة
بنخاف يا فصيح تهرب عديل وتكب . .
الزوغة ، ومن ويلات الحراب تتخبى
* * *
دسدسوا في جنياتكم وحافظوا عليهم
وأولادنا الصغار لى نار الحرب زِفُّوهم
شلتوهم زغب وقعدتوا تزرعوا فيهم
حقدكم الدفين على أهلهم و ذويهم
* * *
جات السيول ، صاحبنا فرَّ بجِلْدُو
هدت الأمُور ، دايرنا نمشى نِقِلْدو
قال الخريف برَّد علينا بتلجو
البَهَمْ اِنسَرَح ، وحتى الحريم راح يَلْدُوا
* * *
ديل إبَّان كروش مخلوقة واسعة وصلبة
تطحن في الظلط ، قد عدَّمُونا الحبة
نحنا في هَزَال ، حالتنا خالص صعبة
وهم بغال الغال بوجوه ندية ورطبة
* * *
مناشير كهرباء نازلين بياكلوا وطالع
تجنيب شديد للمال والكل بقابض و طامع
الكل بمد الإيد ما بين بسفَ أو بالع
* * *
الناس الحياء خلاها صبرت ومدَّتْ
عشرين من شوية وأربعاً قد عَدَّتْ
لمتين في العفان ، رئتينا منه اِنْسَدَّت
يا الله الخلاص لو نسمة هبَّت وندَّت
* * *
وَلَداً قبيح أُستاذُه لم يحترمو
أَمَرْ المجرمين ليَضُرْبُوا فيهُ و إذمُّوا
يسألو في المناهج وبروف بينزف دمُّو
تلميذاً خبيث ، جَايِبلُو الطعام بى سِمُّو
* * *
من بين إيديكم حَىْ ، قد إنسرق فاروق
واتْلَبَّسْ تَمامْ العافية من عند الإله الفوق
أب فهَماً كبير ، راساً ملان طايُووقْ
وإِتْ أب دِقِن مُنْتَفْشة ، تيس معتوق
* * *
كعب الفَقُرْ خلاك مُحب للمال
وتمُد يا دنيىء إيديك ذليل مسئال
تبيع في الأراضى وأبوكَ كان تربال
وتآكل في الحرام بى فتْوَةْ فجور وضلال
* * *
في ماليزيا قايم برجاً تطاول عَيْنَة
من عدة طوابق ، تَكْلِفْتُهُ ما هِىِ الهينة
وقت لى رفيقك عايزين نشوف البينة
نشوف إله محمد أحمد ربّ السماء الدنيا
* * *
لو قالوا يفتحوا نادى ألقاك جريت تَدَّبى
لو قالوا مدرسة صغرى شفخانة واللا طلمبة
لو خور يوَسِّعوا فيهُ أوْ يَطْلُوا جِير القُبَّة
تسرع تقول الخطبة
ودايماً خطابك يِصُبَّ :
في إنه المعارضة كعبة
شِبِعنا يآخ ما تِغيِّر
لو مرَّة تقلِب قلْبَة
لوْ بس تجدِّد حبة
* * *
كسرة يا الفاتح جبرة :
تطلع على لاهاى ومعاك سوابقك برضو
والمجرمين – حيَهُمْ والمن زمان إنقرضوا
وتخطب في الجهاد وعن شروطو وفرضو
وعن الذين جنوا وعلى الشريعة اعترضوا


#1213975 [A. Rahman]
5.00/5 (1 صوت)

02-23-2015 08:31 AM
بالله دي مش حاجة تضحك النملة؟ أحزاب بلغ بها استجداء ان تحتج على صاحب "الصدقة" كيف يسحب الصدقة بتاعته؟ انتو المذلة براها ما مكفياكم؟

[A. Rahman]

#1213930 [معاويـــــــــــــــــــــــــــــــة]
0.00/5 (0 صوت)

02-23-2015 07:37 AM
دى اسمها ام المهازل وبس

[معاويـــــــــــــــــــــــــــــــة]

#1213869 [Mat too]
0.00/5 (0 صوت)

02-23-2015 02:00 AM
في ولاية البحر الاحمر كان حزب البشير اكثر حرفنه وخداع واليكم اخبار الدائره هيا وهي كما عرفنا من مصادرنا الموثوق منها ان هذه الدائره قد أخليت لمرشح الاتحادي الديمقراطي الاصل السيد عيسي كباشي عيسي وهو من قيادات العمل السياسي والاجتماعي المعروفين في تلك الولايه،والذي كان في حكومة الوحدة الوطنيه نائبا للوالي ووزيرا للتربيه والتعليم وقد فاز فيها باعلي عددية أصوات في السودان (كيف ما عارفين)..
وفي الاستعداد لهذه الانتخابات حدد الموتمر الوطني تلك الدائره ايضا للحزب الاتحادي الديمقراطي الاصل ولكن المفاجاه الغريبه كان التحديد مشروط بان لا يكون المرشح السيد عيسي كباشي المغضوب عليه من مالك وملك الولايه (ليه والله ماعارفين، سره في بطنه ).اشترط الوالي ان لا يرشح الاتحادي مرشحه السابق في نفس الدائره ، ولكن الاتحادي رفض الامر وأصر علي ترشيح كباشي وعليه قام الأذكياء في الموتمر بترشيح عضو من أعضاء الموتمر الوطني كمستقل وأعطيت التعليمات المشددة ان يصوت أعضاء الموتمر الوطني لمرشحهم المستقل ،وليشرب من البحرالحزب الاتحادي الديمقراطي الاصل .. وده مصير كل من لا يسمع الكلام اويستجيب للشروط ،والعاجبه عاجبه والماعاجبه يركب اعلي غنمايته.(ماع!باع! ماع! باع! )
وهذا قليل من كثير ومهزلة من المهازل التي سوف ترونها في هذه الانتخابات البايخة المؤامرات والخطط الشيطانيه

[Mat too]

#1213838 [شاعر الناها]
0.00/5 (0 صوت)

02-23-2015 12:08 AM
هو دي إنتخابات شنو دي؟ يعني مافي طريقة تفوزوا الا إذا تنازل لكم عن تزويرها لصالحه ..انتو العاصركم لدا كل شنو ؟

[شاعر الناها]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة