الأخبار
أخبار إقليمية
دون أن يتمكن من مقابلة رئيسها..البشير يعود الي البلاد بعد زيارة لدولة الامارات العربية
دون أن يتمكن من مقابلة رئيسها..البشير يعود الي البلاد بعد زيارة لدولة الامارات العربية
دون أن يتمكن من مقابلة رئيسها..البشير يعود الي البلاد بعد زيارة لدولة الامارات العربية


استغرقت خمسة ايام
02-25-2015 06:36 PM
الخرطوم (سونا)

عاد الي البلاد مساء اليوم المشير عمر البشير رئيس الجمهورية والوفد المرافق له بعد زيارة رسمية الي دولة الامارات العربية استغرقت خمسة ايام أجري خلالها عدد من المباحثات مع المسئولين الاماراتيين ، وكان في استقباله بمطار الخرطوم نائب رئيس الجمهورية حسبو محمد عبد الرحمن وعدد من الوزراء والمسئولين بالدولة .
وأوضح وزير الخارجية علي كرتي في تصريحات صحفية ان الزيارة جاءت بعد مرحلة من الجمود بسبب خلاف في المواقف السياسية التي تحتاج الي مزيد من الحوار مشيرا الي ان الحوار الذي تم قبل الزيارة والنقاشات واللقاءات في السودان والامارات أدت الي تقارب وجهات نظر البلدين في عدد من القضايا الاقليمية والأمنية ونتج عنها الفهم المشترك الذي تمت فيه الزيارة .
وقال كرتي "ان الزيارة كان لها وجه اقتصادي تمثل في مرافقة عدد من الوزراء والمسئولين ومدراء المؤسسات الاقتصادية بالبلاد واتيحت خلالها فرصة واسعة للحوار في مجالات الاستثمار والمصالح الاقتصادية المشتركة بين البلدين مما يؤكد ان الزيارة تجاوزت المسائل الامنية الي المصالح المشتركة . واضاف ان نقاشا مطولا دار حول قانون الاستثمار والفرصة الاستثمارية المتاحة لرجال الاعمال الاماراتيين سواء كان علي الصعيد الرسمي اوالقطاع الخاص .
وابان كرتي ان لقاء رئيس الجمهورية مع الجالية السودانية في الامارات حدث فيه تفاعل وتمت فيه اجابات واضحة حول العديد من القضايا التي تهم المغتربين والتعرف علي الاوضاع السياسية والاقتصادية بالبلاد .
وحول التعاون والتنسيق بين السودان والامارات حول الملف الليبي أكد كرتي ان الملف لم يطرح خلال الزيارة لانه كان واحدا من الملفات التي كانت في حاجة الي المعالجة قبل الزيارة مبينا ان معالجة الملف قبل الزيارة هو واحد من الاسباب التي ساعدت في أن تكون الزيارة ناجحة .


تعليقات 59 | إهداء 0 | زيارات 25593

التعليقات
#1216834 [SESE]
0.00/5 (0 صوت)

02-27-2015 09:58 AM
لا ندري كيف يقوم البشير بزيارة رؤساء الدول الخارجية ويقف بينهم وهو يعلم تماما اننا مواطنيه لسنا فخورين به بسبب تفكيك بلدنا وتحطيمه كما يعلم جيدا حتى مضيفه يفكر في نفس الموضوع وإن لم يقل له ذلك ضراحة فعيونه تقول اكثر مما تقوله الشفاه.......

مســــــــــــــــــــــــــــــــــــخرة باسم السودان.....!!!!

[SESE]

#1216722 [حسن النور]
0.00/5 (0 صوت)

02-27-2015 03:49 AM
كضااااااااااب

[حسن النور]

#1216646 [yagoub]
0.00/5 (0 صوت)

02-26-2015 10:40 PM
ملك لاكبن يا نميري عوج رقبتك عوج كوراك مش زي الشجادده المدعو عمر البشكير المجرم

[yagoub]

#1216589 [المستغرب]
0.00/5 (0 صوت)

02-26-2015 08:32 PM
أغرب ما في الموضوع انو زول واحد علق على صورة نميري وعوجة رقبتو دي ما في . رحمه الله بي عوجة رقبتو أحسن من غيرو.

[المستغرب]

#1216578 [ود ام در]
0.00/5 (0 صوت)

02-26-2015 07:57 PM
ايها الناس الراجل مشسي عشان المعرض العسكرى ما يخمووكم ساكت والبرتكول بيفرض علي ناس البلد استقبالو يعملو شنو مجبورين لكن ما مجبورين اقابلو بمستوى رئيس الدولة عشان كدا اب ركب كتر الكلام عشان ما يقولو رجع ساكت (اسكاى نيوز وجرايد وجالية) ذى كرتى رجع من امريكا وحاول يحول السلبيات اجابيات ....انها النهاية لكن يختم علي القلوب المريضة بالغشاوة

[ود ام در]

#1216577 [الأزهري]
0.00/5 (0 صوت)

02-26-2015 07:53 PM
انظروا ما ذا كتب اسحق فضل الله اليوم في عموده الراتب بالانتباهة اليوم الخميس 26 فبراير 2015 عن الانتخابات وزيارة البشير للإمارات:

.. نعم.. مفهوم
> لكن الرجل ينسى أنه بهذا يشهد أن الإنقاذ يوم جاءت في يونيو 1989 كانت فاقدة الشرعية.
بريد
استاذ اسحق.. تكرموا بتقديم خالص الشكر للاذاعة والتلفزيون
تصور.. نشرة الانباء تكشف عن ان البشير في الخليج يجتمع مع الرؤساء هناك لبحث العلاقات بين البلدين
نشكر الاذاعة التي ترفع جهلنا.. فقد كنا نعتقد ان البشير في اسبانيا لمشاهدة مصارعة الثيران..
وان البشير يلقى الرؤساء لتبادل لعب الورق.
حتى جاءت اذاعاتنا لرفع جهلنا.. الغبي.. الغبي..هذا>>

[الأزهري]

#1216559 [sudan]
0.00/5 (0 صوت)

02-26-2015 07:12 PM
سمعنا كلام قالو استلم كاش . داير زول من الناس الخبرات يشرح لى لما البشير يكون داير يطلب قروش بكون مدخل الكلام كيف ؟؟؟؟ يعنى مثلا هل حايمد قرعتو ويقول ( طبعا يا شيخ فلان انت عارف انفصال الجنوب وووو وحسى احنا دايرين دعم وانتو اهل الكرم من زمن شيخ زايد . او بكتب الكلام ده فى ورقه ويسلمو اللطخ كرتى لى مدير مكتب الشيخ ؟ ارجو لو فى شخص عارف ايشرح لى ومشكورين

[sudan]

#1216520 [esameldin bakheet]
0.00/5 (0 صوت)

02-26-2015 05:40 PM
اكتر شي مستقرب لو انو ناس المؤتمر الوطني اصبحوا يتحدثون عن الانتخابات وانو الداير يحكم السودان لا بد من ان يجي عن طريق الانتخابات والقريبه انهم نسوا انهم كيف حصلوا علي الحكم.

[esameldin bakheet]

#1216489 [الامين على]
3.50/5 (4 صوت)

02-26-2015 04:47 PM
ان هذا المسلك الغريب من جماعة المؤتمر الوطنى والجرى وراء دول كانت بالامس تجرى هى وراء السودان هو اهانة مابعدها للشعب السودانى الذى عرف طوال تاريخه المجيد لا ينحنى لاحد مهما كان ولكن اذا كانت النفوس ذليلة لاتأتى بالا بالذهل والمهانة شعبها فهذا فهؤلاء لايمهم من الامر شئيا مادام سوف تصب فى جيوبهم حفنة من الدراهم الامارتيه

[الامين على]

ردود على الامين على
[الزلال بت الشمال] 02-26-2015 05:54 PM
انت مابتعرف الامارات


#1216476 [شاهد اثبات]
3.50/5 (3 صوت)

02-26-2015 04:14 PM
ماذا يفيد الطاغية اذا ربح العالم وخسر شعبه

image

موت المواطن الجندي صلاح كافي دون مقابلة امير المؤمنين البشير
قال ابن المقري:
سبحان من قسم الحظوظ *** فلا عتاب ولا ملامة
أعمى وأعشى ثم ذو *** بصر وزرقاء اليمامة
ومسدد أو جائر *** أو حائر يشكو ظلامه
فالعيش في الدنيا الدنيـ *** ـة غير مرجو الإدامة
من أرضعته ثٌدَيَّها *** في سرعة تبدأ فطامه
ومن الذي وهبته وصـ *** ـلاً ثم لم يخش انصرامه
ومن الذي مدت له *** حبلاً فلم يخف انفصامه
أين الذين تفيأوا *** ظل السيادة والزعامة
بل أين أرباب العلوم *** أولو التصدر والإمامة
وذوو الوزارة والحجابة *** والكتابة والعلامة
والعمر مثل الضيف أو *** كالطيف ليس له إقامة
والموت حتم ثم بعد *** الموت أهوال القيامة
من قصيدة رائعة للمقري التلمساني في مقدمة كتابه: نفح الطيب

[شاهد اثبات]

#1216470 [احمد البقاري]
3.00/5 (2 صوت)

02-26-2015 03:58 PM
"دون أن يتمكن من مقابلة رئيسها..البشير يعود الي البلاد بعد زيارة لدولة الامارات العربية"

أفتكر خلاصة الخبر، هو عنوانه أعلاه ... حقيقة أبداع يا صحفي ومحرري الراكوبة ... أبداع

[احمد البقاري]

#1216453 [ابومحمد]
5.00/5 (1 صوت)

02-26-2015 03:18 PM
طيب اين الخبر الذي يوضح انه لم يقاب رئيس الدولة

[ابومحمد]

#1216435 [Ageeb]
0.00/5 (0 صوت)

02-26-2015 02:52 PM
"وحول التعاون والتنسيق بين السودان والامارات حول الملف الليبي أكد كرتي ان الملف لم يطرح خلال الزيارة لانه كان واحدا من الملفات التي كانت في حاجة الي المعالجة قبل الزيارة مبينا ان معالجة الملف قبل الزيارة هو واحد من الاسباب التي ساعدت في أن تكون الزيارة ناجحة."

انتهى كلام كرتي... وما يلي كلام البشير:

"البشير: تنسيق سوداني إمارتي لاحتواء الوضع في ليبيا

كشف رئيس الجمهورية المشير عمر البشير عن تنسيق سوداني إماراتي لاحتواء الأوضاع المتفجرة في ليبيا إلي جانب المساعي مع كل دول الجوار حتى لا يتمدد الصراع."

انتهى كلام البشير وهو عكس كلام كرتي!!!

الحكاية شنو؟ وبعدين نحن نعتمد كلام منو؟

[Ageeb]

ردود على Ageeb
European Union [ملتوف يزيل الكيزان] 02-26-2015 07:32 PM
اعتمد كلام العنبه الرامية فوق بينا !!!!!!


#1216389 [مدحت عروة]
5.00/5 (1 صوت)

02-26-2015 01:59 PM
البيجرى وراء الدول الخارجية ويكوس رضاها وما يجرى وراء شعبه الذى هو ولى نعمته ويكوس رضاه ويعطيه حريته حصاده بيكون صفر القوة والعزة والمنعة والكرامة هم هنا فى الداخل ومع الاهل والشعب لمن البلد تكون محكومة بالديمقراطية والحرية وسيادة الدستور والقانون وفصل السلطات والمؤسسات والشفافية ويكون الشعب هو السيد من خلال مؤسساته السياسية وتكون مصلحة البلد هى السياسة الدائمة والتعاون مع الدول والشعوب بما يخدم مصلحة البلد والشعب وتبادل المصالح مع بقية الدول والشعوب الدول الخارجية هى البتجرى وراءك لمصلحتها ومصلحتك والعز زى ما بيقولوا اهل ومافى عز او كرامة بدون الاهل !!!
كوسوا رضاء شعبكم يا ناس الانقاذ قبل ما تكوسوا رضاء الآخرين ودى ABC السياسة يا الفالحين ولا حول ولا قوة الا بالله العلى العظيم بالله عليكم الله شوفوا جنس الناس الحاكمننا اذا كان انا الزول الما قيادى ولا شخصية سياسية فذة ولا افهم زول فى السودان بل زول عادى جدا وفى ملايين احسن منى فى السياسة والاقتصاد عارف الكلام ده معقول ناس الانقاذ ما عارفنه والله مصيبتنا كبيرة خلاص!!!!!!!!!!!!!
كسرة:مما السودان لم يصبر على نظام وستمنستر وبنكهة سودانية وتابعنا انطمة الضباط الاحرار والعقائديين الفشلة اقسم بالله بقينا زبالة وحثالة والله على ما اقول شهيد والبيقول غير كده انسان جاهل ومخه فيه فردة جزمة قديمة ومعفنة وطظ فيه وفى الخلفوه كمان كلام عربى واضح ولا داير ليه ترجمة؟؟؟؟؟؟؟؟؟اقسم بالله العسكر والعقائديين ما خلوا فينا عقل ذاته الجهلة الفشلة!!!!!

[مدحت عروة]

#1216383 [جلباق]
5.00/5 (3 صوت)

02-26-2015 01:51 PM
يا جماعة البشير مشى الامارات عشان افتتاح جناح السودان في المعرض العسكري . الزيارة الرسمية معروف بتكون كيف عشان كده ما هببوه. زي الحصل في السعودية استغل العمرة عشان يتقرب للسعوديين و فقد ماء وجهه . حاجة تكسف و انبراش ما يليق برئيس دولة

[جلباق]

#1216346 [hesham]
2.00/5 (1 صوت)

02-26-2015 12:53 PM
انا مافاهم انتو زعلانين ولا شمتانين في الحالتين محلولة لو زعلانين لما يجي رئيس دولة الامارت السودان بشة يعمل نايم ولا نقول لة بشة مافي ولا شمتانيين دة يدل علي انو في خلل في الوطنية عندكم لازمم نوديكم الدفاع الشعبي

[hesham]

ردود على hesham
[ود المك] 02-26-2015 01:39 PM
لو جاء الطفل الاماراتي السودان حايقابلوا البشير شخصيا ,, هي الدعوة كانت لوزير الدفاع وعزومة مراكبية وجماعتنا ما صدقوا اتدفقوا كلهم

[الــســيــف الــبــتــار] 02-26-2015 01:36 PM
اللهم لا شماته و لا تجعلنا من الشامتين ؟
اصل الحكاية يا هشام باشا من ترك داره قلا مقداره ؟
الدعوه موجهه الى اللمبى كوزير للدفاع و فضحنا الله افضحه دنيا و أخره ؟
قرر القشير من تلقاء نفسه حضور معرض ايدكس و عامل فيها رجل ذكى و اخربه ما عنده من الذكاء الحبه و لا من الشعب و لا الخليج محبه ؟
أذا كانت الزيارة بدعوه رسميه هناك برتوكولات و الزاما على الدوله المضيفه تعميد المراسيم الاميريه بأجراء ترتيبات و جدول للمقابلات و دعوة لتناول غداء او عشاء عمل و يكون فيه بيان مشترك و بحضور الوزراء و رئيسا الدولتين ؟
عمك زار البلد و لم يقابل رئيس الدولة نسميها شنو دى ؟
كدى يا فهيم أشرح لينا الموقف دا ؟
بعدين يا شاطر لو رئيس دولة الامارات حضر الى السودان صدقنى القشير ما بنوم يومين أستعدادا لمقابلته و احضر القرعه بتاعته فهمته ...


#1216311 [محمد دفع الله]
5.00/5 (1 صوت)

02-26-2015 12:24 PM
تأكدوا ان وراء هذه الزيارة عملية فساد في الخفاء ،، سوف تتكشف قريبا

[محمد دفع الله]

#1216293 [محمد الحسن سهلة القاضي]
4.50/5 (2 صوت)

02-26-2015 12:02 PM
رئيس دولة يذهب في زيارة خمسة أيام والله هذه من الغرائب في هذا الزمان . ولكن عند المؤتمر اللاوطني شيء عادي . هذا المؤتمر المتبلد الأحاسيس , الميت القلب , الفاقد الوعي , المتكبر المتجبر , لا يهمه العيب , ولا سوء السمعة . قلت لكم هؤلاء المؤتمرجية أ صبحوا كالحجارة . يفعلون المنكر ويحولون إقناع الآخرين بأنه معرفاً . انقلبت ىعندهم الموازين . سممتهم السلطة . ولكن الله يعلم أنها ستزول عنهم كما زالت عن كثير من الجبابرة والطغاة . والمشتكى إلى الله . يبقى خمسة أيام في الأمارات , ويتلقى هو وزمرته العلاج في أرقى المستشفيات خارج السودان ,وشعبه فيه من لايجد لقمة تحفظله حياته . ويخرج البعض ليدشن حملة ما يسمى بالانتخابات , لاأدري هل هؤلاء طبيعيون أم تم تدجينهم , أم أجزل لهم العطاء أم .........؟

[محمد الحسن سهلة القاضي]

ردود على محمد الحسن سهلة القاضي
European Union [Mohamed] 02-26-2015 04:32 PM
الكارب
///////////

السلام عليكم
ياسيد محمد الحسن الأسئلة التي تقدمت بها مش حيرتك إنت بس دي حيرت العالم كلو يا حليل السودانيون وحليل ثوراتهم ولكن على الرغم من كل ذلك الأمل موجود في التغيير والشعب مازال حي على الرغم من كل محاولات وءده وتغييبه فتحت الرماد تبقى النار التي سرعان مايتطاير شررها لتولد الثورة التي ستمحي كل كوز من أرض الوطن الحبيب إن شاء الله سبحانه وتعالى ( الثورة قادمة بعون الله ) .


#1216284 [رانيا]
5.00/5 (2 صوت)

02-26-2015 11:46 AM
إذا ذهب عنك الحياء فاصنع ما تشاء وهاهو ريسنا يفعل ما يشاء !

[رانيا]

ردود على رانيا
[رانيا] 02-27-2015 03:43 PM
شكرا لك عزيزي أبو ريشة وجمعة سعيدة إن شاءالله .

European Union [AburishA] 02-26-2015 05:13 PM
لك التحية الفاضلة دكتورة رانيا..وايضا ليس بعد الكفر ذنب.. هؤلاء اراقوا ماء الوجه السوداني العزيز الشهم.. جتى اصبح السوداني في القبل الاربعة متهم وهو برئ..بالله اعيدي النظر في الكاريزما القياديةالرئاسية التي يتمتع بها جعفر نميري في زمانه..وأنا شاهد على ذلك العصر..صراحة كان شخصية يعتز بها السوداني..كان شخصية أقلها في لبسه لو بلدي او افرنجي.. كان يتلب من العربية وهي ماشة ويعانق الجماهير.. ان هؤلاء الكيزان الانجاس وبعد ان وثق فيهم دسوا له السم في العسل بقوانين سبتمبر الشريعة المزورة لتتم الاطاحة به.. وقبيل سقوطه شن عليهم حملة وسماهم اخوان الشياطين.. وحقا هم اخوان الشياطين..بالله العوقة ده ومعاه الجوقةخمسة ايام لم يقابلهم امير البلاد.. بالله في زيارة لرئيس دولة خمسة ايام.. ديل ماشين يتسوقوا ويتفسحوا وعجبني ليهم .. خالص احترامي


#1216282 [Abu sami]
4.41/5 (6 صوت)

02-26-2015 11:43 AM
أبو عاج و الله شخصية. وسامة و قوة عكس رئيس الغفله القبيح الشين الضعيف الشخصيه.

[Abu sami]

#1216278 [Negro]
4.88/5 (4 صوت)

02-26-2015 11:37 AM
التعليق على زيارة الرئيس الكارثة لا يستاهل كل هذه الضجة لأن البشير شخص غير مؤاخذ وللأسف السودان بلد مبتلى بكثير من الرؤساء أقل ما يمكن أن يوصفوا بأنهم أغبى أنواع السودانيين ولكن بقدرة قادر يتحولوا إلى رؤساء ويحكمون بلد بحجم القارة وللأسف هم لا يصلحوا أن يحكموا حتى مجرد كتيبة من العسكر وهنا تكمن المشكلة !!! أتساءل أين العباقرة والأفذاذ من المثقفين (والتكنوقراط)السودانيين وما أكثرهم ؟ لماذا دائما يحكمونا العسكر وشذاذ الآفاق والسفلة .....حتى نميري على الرغم من أنه كان نظيف اليد إلا أنه لا يملك العقل الذي يتيح له حكم بلد المليون ميل التي تناقص الآن في عهد الكيزان بعد إنفصال الجنوب ولا زلنا نتوقع مزيد من الإنفصال !!!!صورة الرئيس نميري مع الشيخ زايد صورة فيها الكثير من التذلل لحكام الخليج والدول العربية خاصة .....كان لاينبغي للرئيس نميري أن يجلس بهذه الوداعة أمام الشيخ زايد وهو رئيس دولة ونحن السودانيون ساهمنا من حيث ندري أو لا ندري في تعليم عرب وبدو الخليج وهذه حقيقة يعرفها الداني والقاص ولكن لأن دوام الحال من المحال صرنا الآن شعب يتلقى الدعم والهبات وحتى النصح ممن هم أقل منا دراية وفهم ويا سبحان الله.

[Negro]

#1216210 [هاني احمد]
5.00/5 (1 صوت)

02-26-2015 10:23 AM
يا جماعة وينو نائب الأول للرئيس مالو ماظاهر في الشاشات لعل المانع خير

[هاني احمد]

#1216154 [mahmoud]
4.79/5 (6 صوت)

02-26-2015 09:03 AM
الخمسة ايام كتيرة، بعدين نميري دا مالو تعبان ولا نعسان ولا سكران!!!

[mahmoud]

ردود على mahmoud
[SESE] 02-26-2015 08:49 PM
النميري هنا لا نعسان ولا تعبان ولا سكران الراجل ولكن كان الود بينه وبين الشيخ زايد لدرجة انه يمكنه الاتكاء على كتف الشيخ زايد دون ان يقلل ذلك من شخصيته بل يزيده فخرا وزهوا وبهاء كما هو بادي في الصورة والما عاجبه يشرب من البحر وللعلم فالسودان بعد ابو عاج قد عقر ولم يعد ينجب رجال في قامة ابو عاج......

[جرى] 02-26-2015 10:15 AM
اذكروا محاسن موتاكم، وكفوا عن مساويهم ( الحديث )............... رحم الله نميرى


#1216140 [النذير]
5.00/5 (1 صوت)

02-26-2015 08:50 AM
الشيخ خليفة مريض منذ فترةولايظهر في وسائل الاعلام .. الرئيس اصبح محمد بن زايد

[النذير]

ردود على النذير
European Union [M. Ayyoub] 02-26-2015 12:06 PM
ويعني البشير نصيح
ههههههههههههههههه

European Union [DAKTRA] 02-26-2015 11:00 AM
YES, YOU ARE RIGHT. SHEKCH KHALIFA BN ZAYED IS VERY ILL FOR LONG TIME. SHEKH MBZ IS THE ACTING.


#1216138 [ود السودان]
4.75/5 (3 صوت)

02-26-2015 08:48 AM
الرئيس السوداني البشير لم يقابل رئيس دولة الأمارات طيلة 5 أيام زيارة = = = = = فشل الزيارة مع العدد الكبير من المرافقين وتجار الاستثمار والنفعيين من المؤتمر اللاوطني . اللهم لا شماته

[ود السودان]

ردود على ود السودان
[Hhanabeeroo] 02-26-2015 03:07 PM
What is wrong about " Is the acting" It is completely right!!!!!!!!!!!!!!!!!!!!!!!!!!!!!

[بلادي] 02-26-2015 01:44 PM
دكترا والفلهمة شنو انجليزي علب اللبن ده ولا العربي ضعيف برضو ياجيل الانقاذ !! IS THE ACTING دي اديكم ليها وين ؟؟


#1216132 [سوداني بحب بلده]
5.00/5 (2 صوت)

02-26-2015 08:44 AM
ها ها ها من اجل استكمال النهبة

[سوداني بحب بلده]

#1216126 [ابوماجد]
4.75/5 (3 صوت)

02-26-2015 08:38 AM
ضيف دمه ثقيل اصبح العوبة الرؤساء ..السعودية رفضت استقباله فى الامارات رئيسها ما فاضى عشان يقابله .

[ابوماجد]

#1216113 [ابو امل]
3.72/5 (6 صوت)

02-26-2015 08:18 AM
شكرا لقراء الراكوبة الاوفياء الواعين المثقفين الذين خبروا هذا النظام الفاسد وترهاته ومراوغته الان كل الاكاذيب صارت مكشوفة ولااحد في هذه الدنيا يمكن ان يستحمر حتي الاطفال الصغار لاتستطيع ان تستحمرهم يابشة..وللتوضبح رئيس الامارات الشيخ خليفة بن زايد..متوعك شوية اسالوا الله له العافية والشفاء العاجل.فالبشكير هذا لايستحق ان يقابله احد لانه قاتل وشرير.والقابلوه ديل زاتهم كتارعليه والله..ربنا يصلح حال بلادنا ويبعد عنها هولاء الاوقاد..

[ابو امل]

#1216105 [الزعلان]
5.00/5 (1 صوت)

02-26-2015 08:07 AM
اعتقد ان الشيخ خليفة بن زايد مريض ولم يظهر فى اى وسيلة اعلان منذ اكثر من 6 اشهر وحتى الاحداث الهامة فى منطقة الخليج كان نائبه ممثلا للدولة ده مش المهم المهم حيكون فى تعاون بين البلدين

[الزعلان]

ردود على الزعلان
European Union [الأزهري] 02-26-2015 08:07 PM
طيب ما كان يعودو في مرضو ولا مرقدنو في بلد تاني؟ معقولة تجي للزول في بيتو وتلقاه راقد مريض ما تكفر ليهو؟


#1216094 [المشتهي الكمونية]
5.00/5 (8 صوت)

02-26-2015 07:50 AM
يخص عليك وعلي دمك ، كسفتنا وأحرجتناوأرقت ماء وجهنا ،، دمك تقيل وما بتستحي ،، خمسة يوم إنت والقطيع التابعنك في ضيافة دولة غير راغبة في وجودكم ولكنها قبلت باستضافتكم استجابة للبروتوكولات والمراسم الدولية التي تفرض احترام وتوقير الضيوف حتى ولو كانوا على شاكلتكم ، أحرجتونا يا غجر يا بهايم ،، داهية تاخدك إنت وقطيعك وتوديكم في ستين ألف داهية

[المشتهي الكمونية]

ردود على المشتهي الكمونية
[tom] 02-26-2015 09:52 AM
كلامك صاح يا المشتهي الكمونية ... على فكرة الكمونية فيها كثير من الامراض هي اسوأ من الانقاذ ,,, والشعوب المحترمة لا تاكل الكمونية ... لو كان ظاهرة الكمونية واكلها جاء بعد الانقاذ كنا رايحين نشتهيها زيك ...
اما بخصوص زيارة بلوتنا ... كيف قبلت الدولة المضيفه ان يدخل بلدها ... اذا الامر فيه تعسف انما الامر يا حبيبي اكبر منهم الاثنين .. برجع لك


#1216066 [الكنزي]
5.00/5 (1 صوت)

02-26-2015 07:11 AM
اب عاج اخوي يا درّاج المحن ... الهم ارحم ابعاج و اجعل قبره روضة من رياض الجنة ... الهم لا تحاسبنا بما فعل السفهاء من ناس الانغاذ(والله انتم لستم منا و نحن لسنا منكم ... من اين جئتم !!)

[الكنزي]

#1216049 [العمرابي]
3.05/5 (9 صوت)

02-26-2015 06:40 AM
غايتو يا المعلقين على زيارة رئيسكم للإمارات اقول ليكم بصراحة وامانة وشفافية تعليقاتكم
قبيحة جدا ورديئة لأبعد الحدود بالإضافة الى إنها ركيكة الإسلوب وفيها الكثير الذي يمكن ان يوصف بالفحش . سبق ان قلنا ولازلنا نقول أن هذه الصحيفة يقرأها الجميع وليست خاصة بنا فقط. وجهوا إنتقاداتكم ولكن بإسلوب سوداني

[العمرابي]

ردود على العمرابي
United States [عجوبة] 02-26-2015 12:01 PM
وانت خايف على صوره البلد ولا الحكومة؟

المعلقين هنا بيقول حقائق
اما العالم فيعرف اكتر منك ومن الحكومه زاتها

[jafal] 02-26-2015 10:58 AM
الرئيس هو قدوتنا لذلك ساءت الفاظنا وأخلاقنا ياخى وإنت لو ما عزموك الجيران بتمشى ليهم ؟؟؟؟؟


#1216047 [هباش]
0.00/5 (0 صوت)

02-26-2015 06:35 AM
كان انكسر المرق بشتت الرصاص الله يحميك

[هباش]

#1216030 [zozo]
0.00/5 (0 صوت)

02-26-2015 05:35 AM
لا حول ولا قوة الا بالله

[zozo]

#1216024 [ابو الزفت]
4.88/5 (4 صوت)

02-26-2015 04:12 AM
ده رئيس انتو مجانين ده زول عرة ساكت انحنا العساكر بنعرفوا كويس حتى رقشة السلطة ما خالاهو بنى ادم بى هيبة و اللة رقشة السلطة دى لو ادوها لشحات تظهر فيهو

[ابو الزفت]

#1216016 [fatmon]
5.00/5 (1 صوت)

02-26-2015 03:27 AM
https://www.youtube.com/watch?v=DiZkp1ktXB0

القصيدة دي عايزين الناس تسمعها لو كل واحد سمعها وسمعها لعشرة بس حيسمعوها عشرة مليون ودي ورقة رابحة مية المية وزعوها في تلفوناتكم وأسمعوها ولو حصل وإتعدوا عليها لأي سبب حنزلها تاني وتاني أسمعوها وشوفها تأثيرها على كل واحد يسمعها

[fatmon]

#1216014 [الشايب]
3.17/5 (10 صوت)

02-26-2015 03:14 AM
مهما كان هو رئيس البلد
فلا داعي لشتم الرجل لأن من يشتمه في بلد اجنبي يشتم نفسه ودولته وانتماءه
كان خطابه المرتجل في القنصلية بدبي من قلبه والحق يقال رقم وضوح الترتيب المسبق للنقاط التي تحدث عنها . رجع الرجل عن التشنج ورفع العصا والتحدي واقنع مستمعيه بعقل. قال لو أنه ترك الرئاسة سيصيح البلد مثل اليمن وحال اليمن لا يحتاج إلى تحليل. تحدث بدبلوماسية عن الحرب والتنمية والاقتصاد والمستقبل . ولو أن شخصية البشير كانت بهذه العقلانية منذ البداية لفرض نفسه على الشعب السوداني باللين والمواقف السودانية المعروفة بتقدير الرجال دون حاجة إلى علي عثمان والترابي ونافع وغيرهم من الصقور. ولكن للأسف اثبت افتقاره الى كاريزما الزعامة واتخاذ القرار السياسي ببصمة واضحة تثبت احقيته بريادةالفكر والإدارة والسياسة والثقافة وغيرها. لأن غالب قراء الراكوبة لا يحبون ولايطيقون أي أي كائن يكتب أي شيئ ايجابي في هؤلاء الناس رأيت أن اختصر. ولكنها الحقيقة الرجل كان معقولاً وصادقاً. قربما هو التغيير والله اعلك

[الشايب]

ردود على الشايب
European Union [ربوع السودان] 02-26-2015 09:27 AM
25سنة فقر وجهل وانحطاط وانفصال وحروب ليس للشعب السوداني له فيها ناقة ولا جمل ناس مادايرنه ايه السعوبية دي والانكراشة

[جنو منو] 02-26-2015 08:22 AM
أين الصدق الذى ذكرة حبيبك فى لقاء الجالية.. كدى اذكر لينا حاجة واحدة كان صادقا فيها هؤلاء الناس قد ادمنو الكذب منذ 89 وترعرع ونما ورضع من شيخهم الكبير حتى اصبح هو ديدنهم ودينهم.. اين الايجابيات التى فعلتها هذة العصابة .. قال ايجابيات .. قال ..

[القريش] 02-26-2015 08:18 AM
اقتباس(قال لو أنه ترك الرئاسة سيصيح البلد مثل اليمن وحال اليمن لا يحتاج إلى تحليل) طيب يالشايب لو ربنا الان اخذ روح عمر البشير ومات الحل شنو؟البلدان تبنى بالمؤسسات وليس على حياه الافراد!اما انك شايب ومانلت اى خبره طوال حياتك حتى بلغت مرحله المشيب!!! احترم شيبك!لو نحن وقفنا عند طور اليمن يكون ممتاز نحن فايتين اليمين بمراحل بس ماوصلت الخرطوم راس الحيه لسع؟

[zoal Saket] 02-26-2015 07:55 AM
أن غالب قراء الراكوبة لا يحبون ولايطيقون أي أي كائن يكتب أي شيئ ايجابي في هؤلاء الناس


طيب المشكلة وين يا الشايب ... ما كمان نظام البشير لا يطيق الشعب السوداني كله .. ما عدا القلة المستفيدة التي تقول مثل قولك هذا .... يا رجل اختشي هل تتوقع تغيير بعد 25 سنة حكم؟ في زماننا هذا حتى الملوك الذين يرثون الحكم لا يحكمون 25 سنة.... لله في خلقه شؤون !!

[هامة] 02-26-2015 07:40 AM
اولا: الرجل يستحق الشتم واكثر فهو و حزبه السبب الرئيسى لكل مشاكل السودان و معاناة السودانيين والوف السودانيين الذين ماتوا من الجوع او الحروب او المرض هم نتيجة مباشرة لسؤ ادارته للبلاد، البلاد التى اغتصب الحكم فيها بليل و على حين غفلة من اهلها.

ثانيا: ذكرت ان الرجل عقلانى (اضحتكنى كمدا و الله) والله لا يقول بمثل هذا الا ضعيف عقل جاهل او مجٍهل مغرض او مندس. فالرجل من الخبث و المكر بمكان يعلمه القاصى و الدانى.

ثالثا: لا تلقى بالائمة على اعضاءالحزب ممن زكرت انهم صقور الحزب فهم منه وهو منهم وهو من كون ورعى هذا النبت الشيطانى الذى يسمى المؤتمر الوطنى بادى الامر من انتهاذيى و لصوص الحركة الاسلامية سابقا.

رابعا: "قال لو أنه ترك الرئاسة سيصيح البلد مثل اليمن "
هذى هى حجة جميع الدكتاتوريين يضع البلد فى المحك الصعب وويضعف جميعاالمنافسين باللعب القذر و يجعل البلد كنتونات متناحرة ليصفوا له الجو ويحكم من فوق الجماجم... هذا قول المنافقين الكذبة... ليسأل نفسه فهو المسؤل وهو من اوصل البلد الى هذا الحال؟؟؟ وفى هذا القول اعتراف ضمنى منه بانه سبب تفتيت ولحمة السودانيين ... و الله ثم و الله ثم و الله لو تنازل عن الحكم لحكومة انتقالية ليس فيها احد من لصوص الموتمر الوطني وليس فيها اقصاء لاحدوصلحت النواياوتم محاسبة كل من علمل على تدمير السودان من جماعته ... و الله لصلح حال البلد ب عشية او ضحاها... لكنه لن يفعل فهو واخوته و ال بيته وزوجه وخاصته متورطون فى الفسادو الاجرام الى النخاع.

[محمد بن عبد الوهاب] 02-26-2015 07:37 AM
يبدو لي أنك إنسان مهذّب وعف اللسان وتحاول أن ترى الخير (ولو انطوى في الشر) وهذا يحسب لك إيجاباً.. بس هذا الرئيس سمعناه في أبودليق شخصاً مستفزاً، "حقّار" لدرجة عبيطة، يحمل اسلاح ليتحدى من لا سلاح له.. والأمثلة لو أردت فعلاً استحضارها لما عانيت.. كل خطبه أمام المساكين توضح من هو!! في دبي كان لا بدّ له من الاعتدال، ولكن هيهات.. كيف له أن يتخيل أن بلدنا من دونه ستصير خراباً وتلحق اليمن والصومال (فيما اليمن والصومال حاضران في أقاليم البلاد منذ قدومه للسلطة مع 200 لص سرقوا معه سلطة شرعية انتخبها الشعب)؟؟ ولك ان تتخيل أن رحيله وغروب وحهه عنّا، سينعكس على ميزانية البلاد= ميزانية اللاحرب، صرف على التعليم، علاقات جدية وجيدة مع الجوار،صرف على الصحة بدل الصرف على عشرات الآلاف من الجواسيس المنتشرين في كل شارع ودار، صرف على حميدتي وعصاباته.. أثرياء الغفلة واحتمكار السوق وطرد كل الراسماليين التقليديين، توزيع المزارع على المحاسيب الاسلامسسن والأقارب والنسابة، المليارات التي عند أهله والتبجح السخيف والمخيف ولحس الكيعان والزرعنا غير الله يجي يقلعنا وكل ما هو مقرف ومقرف ومقرف.. وين انتا ياخي من ده كلو.. ما شايفو؟؟

[ابيي] 02-26-2015 07:24 AM
ههههههههههههههههههه والله ياشايب شكلك من مغتربين الإمارات القدام , كلامك ده كلام زول ضارب الرطبة والكنداشة وماجايب خبر للحاله الزي الطين الحاصله علينا هنا ,, شكلك كنت في الصف الأول لحظة خطاب البشير ولا شنو ؟؟؟ انت عارف ياها دي البرمجة التي اشتهر بها الكيزان منذ امد طويل الكلام حسب الموقف يعني لو الموقف استدعى انو ينتقد التنظيم الدولي او حتى حكومتو زاتها ماعندو اي مشكلة اهو في النهاية كلام والسلام ,,, بالله عليك ياشايب بعد اكتر من 26 سنه لسه مستعد تصدق الزول ده .... الزول ده اثبت بما لايدع مجال للشك أنو ممكن يقتلك انت زاتك ياشايب ويقتل السودان كلو مقابل استمرارو في السلطه وبالعكس ابدا لا يقبل ولاحتى اقتسام بعض الصلاحيات مع غيره ... قال يمن قال والله المواطن اليمني حالو أفضل من الدوساني مليار مره,, أمشي شوف الميزات سواء في القطاع الصحي او التعليمي في اليمن الليله وبعد اكتر من ثلاث سنوات من الحرب... نحن معانا طلبه يمنيين هنا في السودان لحدي هسي قاعده توصلهم مصاريفهم من الحكومة اليمنية وبالدولار وما انقطعت عنهم ولا مره طوال فترة الحرب مش زينا دخل البلد كلو لاهطينو كم واحد والبقية لافين ساي

[rabigh] 02-26-2015 07:16 AM
من هو الذي يعلم بالغيب ان البشير اذا ترك الرئاسه سيصبح السودان كاليمن ومصر وغيره؟؟؟ هذه هي نفس المقوله التي التي يرددها الكيزان وخدروا بها الشغب (نحن أفضل السيئيين ولو مشينا البجي غيرنا منو)
هذه ال 25 عاما كفيله جدا باحداث تغيرات جذريه علي مستويات التنميه. ماوصل اليه السودان اليوم وضع لايمكن وصفه.
وان كان هناك من يشتم البشير فهذا تعبيره الشخصي وله ان يتكلم كيفما يشاء لانك لست رقيب لافكار البشر.
خلي الزول يقول الفي راسو وانت ما مسؤول من سلوك أحد

[fatmon] 02-26-2015 06:47 AM
شكلك ما سمعت القصيدة بتاعت الإنتخابات

[بلدى ياحبوب] 02-26-2015 06:21 AM
الاخ الشايب سلام وتحية اولاً ليس صحيح أن الرئيس قابل الجالية السودانية فأنا من الذين انعم الله عليهم الإقامة فى هذه البلاد الجميلة وها أنا رغم أنى بعيد عن ديارى واهلى أقول أنعم الله على ولا اكذب فى هذا فلقد صار الخروج من السودان نعمة فى عهد هولاء المهم دا ما موضوعنا موضوعنا ياسيدى أن الدعوة جاءت فى إطار ضيق جداً وللذين لديهم أنتماء لحزب السيد البشير فأنا والعياذ بالله من كلمة أنا اشترك فى مجموعة من خيرة شباب السودان المستنير فى الامارات وهم القانونيين ولدين قروب فى الواتساب يضم اكثر من 250 من محامى لمستشار قانونى لم يذكر او يعرف احد من هولاء عن هذا اللغاء ولو قلت مخاطبة البشير للمؤتمر الوطنى بدبى لكان افضل اما بالنسبة للمنطقية فيبدو أنك لاتعلم السياسة وحيلها فهذا فى إطار الحملة الانتخابية يا سيدى وحتى لو افترضنا هذا فما نفع هذه المنطقية الان فلقد غابت عنا 25 عام .أتمنى أن لا يكون فى حديثى كلام يخدشك فى شخصك فأنا لا أختلف مع الناس شخصياً وانما فى افكارهم ولا يعجبنى العنف وشخصنة الافكار اللهم عافى السودان وولى عليه من يخافك ويرحمنا يا الله .


#1216002 [الكوتش]
5.00/5 (6 صوت)

02-26-2015 02:08 AM
5 أيام؟؟ وداد كانت معاهو ولا إنسترت في بيتها؟ أصلها بتحب الإمارات خاصة سوق دهب دبى.

[الكوتش]

#1215987 [ود البقعة]
5.00/5 (5 صوت)

02-26-2015 12:08 AM
زيارة خمسة ايام؟ ياخ دا لو ماشي لنسابتو مايقعد خمسة ايام . مهانة فارغة.

[ود البقعة]

#1215984 [موسى الفكى]
4.94/5 (9 صوت)

02-25-2015 11:45 PM
يقابلو ليهو شنو ؟ واحد كذاب اشر وحرامى وقاتل ومغتصب . يعنى باختصار عفن ووسخان. .زول زى دا انا ما عايز اقابلو خليهو رئيس اﻻمارات . دا زول ما عندو حياء ، زول عاهر . والله كمان العاهرة اشرف منو . على اﻻقل عندها اسباب ممكن تكون وجيهة . وممكن تعذرها . ديل ناس انا ما عارف مخلوقين من شنو ؟ اعوذ بالله . اعوذ بالله . اعوذ بالله . ربنا سلط علينا ناس عجيبين . استغفر الله

[موسى الفكى]

#1215981 [ابيي]
5.00/5 (2 صوت)

02-25-2015 11:28 PM
خمسة أيام بلياليها !!!!!

احتمال لقى ليهو ( فلبيني ) من القاعدين في دبي بتاع مساج ( وحاجات تانيه حامياني ) فقال

داير يكمل سلطتو هههههههههههههههههه

[ابيي]

#1215977 [منصور]
5.00/5 (3 صوت)

02-25-2015 11:15 PM
وانتو قايلين الناس شايفينو رئيس دولة الزول دا رئيس ملجا ﻻنو اغلب السودانيين ﻻجئين او مغتربين اوبهما معا خلاص الخليجيين عرفو انو الزول دا ما عندو اى سالفة عشان كدا خلو واحد مسؤول صغير يستقبلو ويديهو المقسوم ومعروف لديهم انو البشير ما يجي الامارات اﻻ لو مزنوق وداير قروش غشان كدا ما يضيعو وقتهم معاه يدوه زايد ناقص ويقوم يفلفل وانتو عارفين خلوه 5 ايام ليه ﻻنو يزلوه والمرة الجايية يخلوه اسبوعين ،،،،،،

[منصور]

#1215972 [محمد فضل علي..ادمنتون كندا]
4.94/5 (7 صوت)

02-25-2015 11:03 PM
رحم الله ابوعاج الحميمية والالفة ابن البلد البسيط الذي كان يعرف كيف يكون الدخول الي قلوب الناس والعالمين ورحم الله الشيخ زايد الذي احب السودان واهله بحسه وتربيته التي جعلته ينزل الناس منازلهم خلال سنين طويلة تجول فيها في بادية السودان وشاهد اهلها الذين احتفوا به بطبولهم ونحاسهم واعذب الاشعار والكلام.. ورحم السودان القديم الذي كان قبلة لكرام الناس وقادة الامم والشعوب..ورحم الله الازهري والفريق عبود..وغفر الله للكيزان مافعلوه بالسودان واهله واخر القول انا لله وانا اليه راجعون.

[محمد فضل علي..ادمنتون كندا]

#1215961 [::: بـيكـو :::]
5.00/5 (5 صوت)

02-25-2015 10:22 PM
خمسة يوم ماشفت الشيخ خليفة؟ولا حتى برج خليفة؟!!

ينخلفوا فيك يايابا إن شاء الله ضرب

[::: بـيكـو :::]

#1215960 [محمد مصطفى]
5.00/5 (3 صوت)

02-25-2015 10:15 PM
إقتباس:
((حول الملف الليبي أكد كرتي ان الملف لم يطرح خلال الزيارة لانه كان واحدا من الملفات التي كانت في حاجة الي المعالجة قبل الزيارة مبينا ان معالجة الملف قبل الزيارة هو واحد من الاسباب التي ساعدت في أن تكون الزيارة ناجحة .)) .

هل فى زول فهم حاجة من الكلام الفوق دة ؟؟
طبعاً لازم يلفو و يدورو ويعملو من الفسيخ شربات فى كلام خارم بارم لا معنى له و ليس به أى جُملة مفيدة ..

وعندما لم يستطيعو ان يقنعو أى مسئول كبير لمقابلة البشير (لم نري غير صور استقباله من منصور وابنه الصغير) وعندما فشلو قلبوها سياحة لخمس ايام و تسّوق وملئ شنط ..

لكن أثبتت الزيارة بأن البشير رخيص رخصة بصل رُفاعة .. هل فى زول عاقل يفرض نفسه ويزور الآخرين غصباً عنهم ؟؟ أين ذهبت الكرامة و النخوة والشهامة ؟؟!!
و زى ماقال عادل إمام "عالم تخاف ماتختشيش" .

[محمد مصطفى]

ردود على محمد مصطفى
[nagatabuzaid] 02-26-2015 06:03 PM
نعم شخصيا فهمت ان الامارات اشترطت عليهم قبل ان يضعوا قدمهم فى ارضها ان يوقفو دعمهم لدولة الاسلام ويبتعدوا عن ليبيا وينسوها خااااالص ويختموا ويبصموا بالعشرة وفعلا ركعوا وانحنوا من اجل الدراهم بدليل ان ليبيا الغت قرار منع السودانيين من دخول ليبيا والله اعلم


#1215940 [AburishA]
4.88/5 (4 صوت)

02-25-2015 09:30 PM
انتو عارفين الزول ده ما بكون وجهوا ليهو دعوة.. بس شحن الطيارة ولامن واحدين واقفين شماعة.. وختا ناس الامارات في الامر الواقع.. معقول خمسة يوم وما يقابلك امير البلاد.. طيب اتباحثوا مع ولد الامير "الصغيرون" داك الشفناهو بهظر وبقرقر مع الطفل المعجزة...ولا كيف ياجماعة !!

** بالله يا اخوة عاينو الصورة..الرئيس جعفر نميري..اتفقنا معه او اختلفنا..الا انه يحمل الكاريزما الرئاسية..ولا رايكم شنو !!

[AburishA]

ردود على AburishA
[رانيا] 02-27-2015 03:41 PM
جمعتكم مباركة يا غاليين .
الله يرحمه ويغفر له ويجزاه عنا كل خير ويتجاوز عن أخطاؤه والحمدلله أن جعل من شعبه أناس يذكرونه بالخير ويترحمون عليه .

[nagatabuzaid] 02-26-2015 05:59 PM
لك التحية يا ابو ريشا فعلا ذكرى نميرى خالدة حتى فى اخر ايامه فى الحياة كان رجلا يكفى انه ما حرامى وزوجته كانت محترمة

رانيا سلام عارفة انه نميرى فى الاردن نزل وسط الضرب والمعركة كانت على اشدها واوقف العراك بين الفصائل الفلسطينية ؟؟ وهل تعلمين ان النيم الذى يستظل به الحجاج فى طريقهم من منى الى عرفات غرسه نميرى واختار النيم لانه يحتمل البيئة الصحراوية وهل تعرفين ان اكبر مصنع نسيج فى افريقيا باستثناء المحلة الكبرى فى مصر ابو ريشة ورانيا وسننتصر على الكيزان كان مصنع الحصاحيصا انشاه نميرى نميرى مهما اختلفنا او اتفقنا معاه فقد كان رئيسا وزعبما وحافظ على تراب الوطن
التحية لكم الاعزاء ابوريشا ورانيا وسننتصر على الكيزان

European Union [AburishA] 02-26-2015 05:24 PM
لك التحية دكتورة نحن بخير..هل تصدقي نميري مات وما عندو بيت !!! آآه ذلك زمن المرتب جنيهات معدودة والناس بتاكل تلاتة وجبات وبتوفر.. والشغال زول واحد فقط هو رب الاسرة!! زمن كل الرؤساء بطاقشوا لزيارة السودان..والله رؤساء كنا بنشوف صورهم في الجرايد شفناهم عيانا..رغم ما يقال عن نميري الا ان ذلك هو الزمن الجميل..السينما شغالة دورين.. والسوق الافرنجي لما بعد منتصف الليل..والتاكسي للصباح..وكل يوم المسرح القومي وقاعة الصداقة شغالة وصالة غردون GMH وفعلا الحياة كانت حلوة...اما مع هؤلاء الانجاس..شئ نيقرز وشي حرامية..نايم في بيتك ويدك في قلبك.. الحمد لله الذي اخرجنا منها..خالص احترامي..

European Union [AburishA] 02-26-2015 04:59 PM
لك التحية اخ [سننتصر علي الكيزان الخونة اكلة قوت الغلابة] وسننتصر باذن الله.. اتفق معك..وان الكيزان هم من دبر المؤامرة بالشريعة وقوانين سبتمبر للاطاحة بجعفر نميري.. عندما كشفهم في ايامه الاخيرة سماهم اخوان الشياطين...

[رانيا] 02-26-2015 12:01 PM
كيفك عزيزي وكيف الأحوال .
والله إحنا من كلام الناس حبينا نميري وأهم مافيه بساطته وشهامة الرجل السوداني فشخصيته كشخصية معظم السودانيين الأصيلين وعهده كان عهد تمكين المرأة وكما قال رسولنا الكريم (ص):
ما أكرمهن إلّا كريم وما أهانهن إلّا لئيم .
وين حسه النساء بيفجخوا راسم ويفقعوا عيونم على عينك يا تاجر ده غير البلاوي التانية .
عهده كان عهد فرحة الأهل لأنه ما زالت أعينهم تبرق حينما يسترجعون ذكرياتهم الجميلة مع الأب القائد كما يحلو لهم تسميته .
أنا أطلق عليه عهد "الكرامة" وده الإحساس البتمنى أعيشه أنا ويعيشوهوا أبنائي ...
نقول يارب .

[سننتصر علي الكيزان الخونة اكلة قوت الغلابة] 02-26-2015 07:42 AM
لمم يكن هنالك رئيس تربع علي كرس الرئاسة في السودان آفضل من نميري - رغم مآ خذ البعض عليه من اخطاء التفرد في اتخاذ القرار فقد كان رجلا نزيها ومتواضعا وصلبا . حاول ان يجمع كل العارفين حوله ولقد تبوآ الكثير من مثقفي السودان والنخبة الممتعلمة لدينا وقتها المناصب في عهده من غير جهوية او حزبية - ولكن الخونة من حوله من بطانته هم من ساعدوا فيما آلت اليه الامور في عام 85. اما الكاريزما والهندام فلم يكن هناك من هو افضل منه في زيه السوداني او الافرنجي . اما العسكري فالكل يعلم . والله لست مايويا ولكنها الحقيقة . رحمة الله عليه .


#1215931 [التلب]
5.00/5 (1 صوت)

02-25-2015 09:10 PM
والله هذا نظام خبيث جدا وغير مامون واذا تصرف اى تصرف او قام باى عمل ربما يكون يهدف الى شئ نقيض تماما من عمله او تصرفه ذاك !! هذه الزياره قد يكون الغرض منها خداع دول الخليج بان البحر اﻻحمر مؤمن من النفوذ اﻻيرانى خاصة ان اﻻيرانيين اﻻن موجودون فى اليمن وفى الصومال وان ايران فى هذه اﻻيام تهدد عﻻنية باحتﻻل الخليج العربى !! وفى القريب سوف تاتى البوارج اﻻيرانيه فى
( زياره عادية الى المياه السودانيه ) فطالما البشير هاجم الشيعه فى اﻻمارات اذن تهيئوا ﻻستقبال ايران فى مياهنا اﻻقليميه !! وطالما ان البشير مكث كل تلك المده ولم يقابله مسئول اماراتى فهذا يعنى ان اﻻماراتيين قد فهموا اللعبه !!

[التلب]

ردود على التلب
[رانيا] 02-26-2015 12:04 PM
مافي زول في الدنيا دي ما بيفهم والعرب بالذات عندهم الفراسة يعني من شكل الواحد بيعرفوا يقّيموه كويس فما بالك باللي شتم وصرّخ وجعّر ورقص وأهان وقتل !!
دي تتفهم على الطاير .


#1215928 [ابوعديلة المندهش]
5.00/5 (1 صوت)

02-25-2015 09:04 PM
من يهن يسهل الهوان عليه ما لجرح بميت إيلام .

[ابوعديلة المندهش]

#1215927 [التكي تاكا]
5.00/5 (1 صوت)

02-25-2015 08:52 PM
شوف اب عاج الله يرجمه كان رئيس له شخصية في الداعل والخارج ومحبوب داخليا وخارجيا

[التكي تاكا]

ردود على التكي تاكا
[رانيا] 02-26-2015 12:08 PM
على الأقل عمل حاجة والناس بتتناقش في حكمه وفترة رئاسته ، ماله وما عليه ، لكن ده قضى على الأخضر واليابس وما ترك شئ يتناقشوا فيه غير الإجماع على إجرامه ورعونته .

[ود البلل] 02-26-2015 03:06 AM
أجمل ما في تعليقك أخطاءك الطباعية
ياخي أكتب كتير وبسرعة كمان

[Floors] 02-25-2015 09:53 PM
يا اخوي رغم أب عاج كان أيضاً ديكتاتورياً ولكن مات شريفاً لم يكنز المليارات ولم يسرق الأموال وتهريبهامات فقيراً لايملك راكوبة في الفانية وأيضاً وزراءه كانو يتمتعون بتاهيل أكاديمي عال وهم أيضاًلم يمسوا المال العام أما الشاويش جعلي الخيران جاء جائعاً من حوش بانقاوأراد أن يعوض عوزه وفقره بإلتهام كل خيرات العباد والبلاد!!! هذا هو الفرق !!!


#1215926 [شهنور]
4.85/5 (8 صوت)

02-25-2015 08:51 PM
خمسة ايام ده رئيس دوله ولا معسكر فريق كوره .

[شهنور]

ردود على شهنور
[جركان فاضى] 02-25-2015 09:52 PM
قاعد يبيع فى الاراضى بأى تمن...وكان لقى البيع كان رجع سريع


#1215925 [عاصم عبدالرحمن]
4.00/5 (3 صوت)

02-25-2015 08:50 PM
وحول التعاون والتنسيق بين السودان والامارات حول الملف الليبي أكد كرتي ان الملف لم يطرح خلال الزيارة لانه كان واحدا من الملفات التي كانت في حاجة الي المعالجة قبل الزيارة مبينا ان معالجة الملف قبل الزيارة هو واحد من الاسباب التي ساعدت في أن تكون الزيارة ناجحة .

الكلام ده قلوتية ؟

[عاصم عبدالرحمن]

ردود على عاصم عبدالرحمن
[nagatabuzaid] 02-26-2015 05:45 PM
يا عاصم عبد الرحيم انا وقفت عند السطرين مسافة وفهمت من خلال الكلمات الكرتية الغبية التى كشف بها رخصتهم وهملتهم ان الامارات مسكت لهم العصا وهم فى الخرطوم قد يكون عن طريق سفيرها او مبعوثين لم يعلن عنهم وعند دعوة وزير الدفاع لحضور المعرض اتشعبط رئيس روحوا وفرض نفسه فرضا بحجة التفاهم وازالة الجفوة والكلام الكتير البلغلغ به واتفقت الدول المتفقة ومتحالفة على القضاء على الارهابيون ان ينتهزوا فرصة دناءة رئيس روحوا وما رئيسنا واشترطوا عليه ان اراد وضع قدمه فى الامارات ان يترك دعم دولة الاسلام فى ليبيا ويبتعد نهائى عن اللعب الحشرى المتطفل المدمر وان لا يكون السودان مصدر ازعاج ورعب وتدخل فى شؤون الاخرين وان يترك الرعونة وادعاء البطولات وتصدير الموت خاصة ان من رعونته اعترف سابقا بانه ساهم فى اسقاط نظام القذافى قالوا له : سمعت ولا ما سمعت قال سمعت وقلت الروووب وحرمت وندمان وسافى التراب وكتب وبصم ولحس كوعه وسمحوا له بزيارة الامارات برحلة ام دفسوا وهم عارفنوا كضاب
ويا ملتوف اها الزول البزل الرجال الله زلاه وبرك تحت اقدام العرب وحيزلوه كمان فى اجتماع جامعة الدول العربية وحيلبى دعوة السيسى وسيرجع مهزوم ايضا المخلوق ده رئيس روحوا وما رئيس السودان (عفوا عاصم فقد خاطبت ملتوف من مكان تعليقك لانى شايفاه بيغلى )


#1215907 [عصمتووف]
3.97/5 (6 صوت)

02-25-2015 07:57 PM
ي رفاق ي رفاق من المعلوم ب ان رئيس اي دولة يحترم الوظيفة الرئاسية وشخص بل يتدربون عليها مع الكورسات المراسمية ف الخطوات والكلام ف المناسبات الرسمية والشعبية وطريقة الاكل واللبس كما شاهدناها ف رءساء الدول المحترمة والمحترمين
نرجع لولي امرنا المفروض علينا فرضا ب الحديد والنار والسوط االذي يحي ويميت ياسر ويطلق يجعلك امير وخفير و من تكوين شخصيتة وطريقة كلامة الدائري ومشيتة وهندامة يدل علي جلافتة وخماقتة وفرض نفسة علي الاخرين يدعي الرشاقة وخفة الدم وهي بعيده عنه تماما وهو يدري ب انه يقوم ب اعتماد السفراء الجدد الدائمون المقيمون وغير الدائمون بزريبتة الهاملة يرصدون كل هفوانة ويحصون له انفاسه وخطوات مشيتة ب ماذا فطر وتغدي وتعشي وهل يصوم ويتزكي بل عدد شعيرات صلعتة محسوبة يعلمون ب انه يهين شعبة ومعارضية ويالف خطبة الشعبية والرسمية الموجة لنا ف مرحاضة ويخرجها علينا وتعرفون رائحتها ونكهتا ** ف القاده الخلجيون من الطفل الامير والشيخ يتدرب ف جميعهم السنتهم عفيفة رطبة اياديهم ندية تجاه شعوبهم يصادقون ويزورون المهذبون ف ولي امرنا ليس ب مهذب ولا تقي ولا ورع ويدعي ب انه اخ مسلم وراثة ف الاسلام لم يحسن تربيته هو و ازلامة كيف شيخ الامارات الكبير الحكيم يصافخ ويستقبل صعلوك تربية معسكرات وحروب فلا تغضبوا بل افرحوا حين يعزل الاجرب من الاصحاء ف هذا المعتوة مرمط نفسة واذنابة وليس نحن انه متهافت ويعاني من نقص الدونية

[عصمتووف]

#1215901 [مرتضي]
4.38/5 (7 صوت)

02-25-2015 07:38 PM
خليت الجرابيع العمرهم وعمر بلادهم كدوله ينحسب بعدد الاصابع يمسحو بيك الارض.....والمشكله والطامه الكبرا انك بتتحسب علينا ريس ويمسل شعبا شعب كوش وابنا بعنخي وترهاقا وابنا الكنداكه وابنا النجاشي وابنا المحجوب والمهدي ومحمود محمد طه وجون قرنق والماظ وعلي دينار وعبد القاد ودحبوبه وغيرهم من العظما من ابنا شعبي

[مرتضي]

#1215898 [حضرس]
5.00/5 (2 صوت)

02-25-2015 07:35 PM
دا ماشي لي شنو وقابل منو بالله ياجماعة خلونا

[حضرس]

#1215885 [عبر الأسير]
4.49/5 (10 صوت)

02-25-2015 07:25 PM
خمسة ايام .. اول مرة اسمع بزيارة لرئيس تستغرق خمسة ايام.. دي هيافة و عدم مسئولية تجاه الحكم ...
سياساتكم المشتورة العرجاء هي السبب الرئيسي في عدم تمتعكم بشعبية اذا على الصعيد المحلي او الدولي ..
و اخيراً الإمارات تحظى بديموقراطية و خدمة تجاه المواطن رغما عن نظام الحكم الوراثي .. اين انتم من المواطن و الديمقراطية ..
( صحيح الأختشوا ماتوا)

[عبر الأسير]

ردود على عبر الأسير
[nagatabuzaid] 02-26-2015 05:26 PM
( عدم مسؤولية تجاه الحكم ) هم يا عبر الاثير متين كانت عندهم مسؤولية ؟؟ مسؤوليتهم هى حشو الخزن بالكاش من كل العملات حتى التدفق


#1215875 [nagatabuzaid]
3.75/5 (12 صوت)

02-25-2015 07:17 PM
كضب السواد اكد كل من نعرفهم فى الامارات وبعض اهل الراكوبة ان السودانيين القابلوا الرئيس هم الكيزان وبس لم بهتم سودانى حر فى الامارات به ويا كرتى الدعوة كانت للمعرض وامر دفاعى ما صدقتوا خميتوا اللميم والرميم للشحدة بلادة السواد ودناءة السجم
لاحظوا يا جماعة السطور اعلاه كلها تدور حول الاستثمار والاقتصاد والشحدة باسمنا نحن مارسلناكم يا جحمانين يا شرهانين . اها كل واحد من ناس سوق ام دفسوا رجع بكم شنطة ؟؟ يا كرتى الحرمة الثالثة اصلها قاعدة فى بلاد الفرنجة وتكون لحقتك فى الامارات ما كل شىء ملح والحرمة نمر واحد فسحتها فى فلوريدا والحرمة الوسطية بقروش الامارات حتوديها وين ؟؟؟؟
بلاء يخمكم وداهية تلمكم جقور تسببوا الطاعون ولا انتم الطاعون بذاتوا وصفاته

[nagatabuzaid]

ردود على nagatabuzaid
[nagatabuzaid] 02-26-2015 05:23 PM
حيطرشوها دم يا جركان ان شاء الله

[جركان فاضى] 02-25-2015 09:48 PM
الشنط مليانة مستندات ميادين واراضى ...ويعرضوا فيها لكل مشترى...اراضى السودان يشحدوا بيها فى المزاد العلنى الدولى...هذه الارض الطيبة اصبحت عند الكيزان ارخص من القمامة


#1215867 [حسن صالح]
5.00/5 (7 صوت)

02-25-2015 07:04 PM
رئيس ملطشة

[حسن صالح]

#1215864 [نيض التعب]
4.25/5 (11 صوت)

02-25-2015 07:02 PM
عليك الله يا سفاح ما بتخجل .. معسكر لحمسة أيام وما قابلتو مسؤول أماراتي بيهو قيمة .. يا أحي أشرف الكاردينال رئيس الهلال إساقبلو حاكم الفجيرة في قصره!! .. أخجل يا قُرادة .. أحرجتنا وأقرفتنا .. يا زول يا أخطل حِسْ وهلّي عندك دم وكرامة!!.

[نيض التعب]

ردود على نيض التعب
[رانيا] 02-26-2015 12:12 PM
لو بيخجل ده ما كان حاله ولا حالنا .
ده مدمن ذل .

[جركان فاضى] 02-25-2015 09:50 PM
كان المفروض يستعين بى شيخ الامين عشان يقدر يقابل شيخ الامارات


#1215858 [خالد حسن]
4.75/5 (13 صوت)

02-25-2015 06:54 PM
دي رئيس ولازول مجرب الناس كلها هاربه منه
ربنا يزل، كمان وكمان ياعره

[خالد حسن]

ردود على خالد حسن
[رانيا] 02-26-2015 12:13 PM
اللهم آمين .
الله ياخده .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة