الأخبار
أخبار إقليمية
تحويلات المغتربين تتراجع من 3 مليارات دولار لـ 400 مليون فقط
تحويلات المغتربين تتراجع من 3 مليارات دولار لـ 400 مليون فقط
تحويلات المغتربين تتراجع من 3 مليارات دولار لـ 400 مليون فقط


02-26-2015 03:32 AM
تراجعت تحويلات المغتربين السودانيين إلى 400 مليون دولار، مقارنة بثلاثة مليارات دولار خلال عام 2011، مما تسبب في انخفاض كبير في النقد الأجنبي في البلاد أخيرا، خاصة بعد إيقاف بنوك خليجية تعاملها مع نظيراتها السودانية.

وطالب اقتصاديون سودانيون، خلال ورشة حول تحويلات المغتربين، الثلاثاء، البنك المركزي، بـ"التدخل الفوري لمعالجة أزمة تراجع تحويلات المغتربين"، عازين ذلك إلى إيقاف التحويلات المصرفية إلى السودان من بعض دول الخليج.

وقال الخبير الاقتصادي خالد حسين: "بينما تقفز تحويلات المغتربين في مصر والمغرب ولبنان، يشهد السودان تراجعا بشكل مخيف في تحويلات المغتربين"، مشيرا إلى أن الحكومة السودانية "تفتقر لدراسة هذه الأزمة التي أطلت برأسها على الاقتصاد الوطني".

ولفت حسين إلى أن "أكثر من 90% من تحويلات المغتربين تأتي من الدول العربية، تنفق على الصحة والتعليم والاستهلاك عوضا عن الإنتاج".

وأوضح أن "نسبة مساهمة تحويلات المغتربين في الدخل القومي تراجعت من 6% في 2003 إلى 1% عام 2014 "، داعيا إلى تشكيل جهاز يضم الحكومة والبنوك والمصارف وقطاع المغتربين لإيجاد مخرج للمشكلة.

وفي السياق نفسه، أشار الخبير الاقتصادي، عز الدين إبراهيم، إلى مغادرة رؤوس الأموال السودانية إلى الخارج للاستثمار، مطالبا الحكومة بجذبها إلى الداخل من خلال إجراءات سريعة وضمانات كافية.

وأقر مدير إدارة القنصليات في الخارجية السودانية، والأمين العام السابق لجهاز المغتربين، بأن العلاقة بين الحكومة والمغتربين "ضعيفة، وتحكمها الجبايات والضرائب".

وأوضح في الورشة ذاتها أن "أسباب تدني تحويلات المغتربين تكمن في فجوة سعر الصرف الرسمي والسوق الموازي إلى جانب ضعف العلاقة بين المغتربين والمؤسسات الحكومية".

وشهدت الأعوام التي أعقبت انفصال جنوب السودان، هجرة واسعة للسودانيين بحثا عن العمل في الخارج، بعد تدهور اقتصاد البلاد لفقدانه ثلثي إنتاجه النفطي. وطبقا لتقارير حكومية، شملت الهجرة جميع الفئات، وتركزت على بلدان الخليج وليبيا.

وقال جهاز تنظيم شؤون السودانيين العاملين في الخارج، إنه "أصدر حوالي مليون تأشيرة خروج من السودان خلال العام الماضي فقط، بجانب 9#1 ألف عقد عمل لمهاجرين جدد".

وتوقع الجهاز ، في مايو الماضي، أن تصل تحويلات المغتربين خلال العامين المقبلين إلى عشرة مليارات دولار، نظرا لتزايد أعداد المهاجرين، وشكا من التكلفة العالية لتلك التحويلات.
اسكاي نيوز


تعليقات 23 | إهداء 0 | زيارات 7037

التعليقات
#1216669 [قمر الزمان]
5.00/5 (1 صوت)

02-27-2015 12:21 AM
تحويل وين تاني لحسة كوع تاني قبل يويمين السفارة جات الدمام العشوائية وعدم التنظيم ولامبالا وحدث ولاحرج الجواز 530 ريال وصفوف والله انا شخصيا مشيت اعمل رقم وطني قالو لي الرقم الوطني خلص مافي والاستمارة بي ريال دا السودان وسفارتو في الخارج واتمنيت اكون في اعلام حاضر بس للاسف مافي عشان اعكس مدى التخلف الموجود نحن في عهد تكنلوجيا كل شي متاح على الانترنت لاكن بعيد علينا علينا بالدعاء والتضرع بالفرج العاجل

[قمر الزمان]

ردود على قمر الزمان
[nagatabuzaid] 02-27-2015 10:26 PM
اللهم عجل بالفرج


#1216595 [ملتوف يزيل الكيزان]
4.50/5 (2 صوت)

02-26-2015 08:46 PM
برنامج الانقاذ تسفير كل العمالة القادرة لخارج السودان . بعد داك يفضلوا الانقاذيين و النساء ، ارامل و مطلقات و مهجورات لتلقي تحويلات الغتربين ، الانقاذيين يبنوا بها العمارات و كل واحد يعرس اربعة و في كل سنة يطلق 12 و يعرس 12 لانوا العرس ببقى متاح لمن في يدة المال. الاغتصاب لنساء السودان بابالجنجويد او بالمال الحرام.
الكل : حرب عصابات المدن.

[ملتوف يزيل الكيزان]

#1216567 [ALIIIIIIIIIIIIIIIIIIIIIIIIIIIIIIIIII]
4.75/5 (3 صوت)

02-26-2015 07:23 PM
والله العظيم كن سعر الدولار الحكومي بقي اضعاف سعر السوق الاسود تحويل بصلكم مافي ياعصابة التدمير اللاوطني

[ALIIIIIIIIIIIIIIIIIIIIIIIIIIIIIIIIII]

ردود على ALIIIIIIIIIIIIIIIIIIIIIIIIIIIIIIIIII
[salih] 02-27-2015 08:11 AM
اخي نعم مافي زول بحول قروش للبلد لدعم الفوضي الكيزاني..انا دارفور بسيط اعيش في شمال امريكا احول سنويا ٤٠ الف دولار عن طريق السوق الموازي كما يحلو لهم تسميتها.
هنالك اكثر من ٦٠٠ دارفوري يسافرون شهريا الي امريكا و اوروبا وهاولا يحولون دولارات ضخمة هذا بالاضافة الي ملوك الاغتراب اخوانا السودانيين في الخليج.
انظر الي ساحل العاجل هنالك بنك المغتربين يدروها المغتربين بالريموت كنترول..تورد وتسحب عبر النت في اي زمان ومكان..تشتري خروف العيد لاهلك عبر النت


#1216548 [nagatabuzaid]
5.00/5 (1 صوت)

02-26-2015 06:52 PM
تعظيمات سلام للمغتربين العظام وده النضال وللناس المطولين لسانهم فى المغتربين قاعدين بره وما جيبين خبر والايدوا فى الموية مازى الايدوا فى النار وكلام وهجوم اقول لكم ان المغتربين ضربو الحكومة بالكفوف بعدم التحويل الرسمى والمغترب ان كان متاكد انه تحويله يستخدم فى نهضة السودان وانسان السودان والله لن يبخل ولكنه يعرف اين تذهب الاموال واين يختفى شقاهم وتعبهم وعرقهم المغترب والحمدلله لم ولن يسهم بماله فى شراء الاسلحة وادوات ووسائل القمع لقتل اهل السودان الابرياء. والله عجبتونى يا المغتربين وسريتوا تراجعت التحويلات من 3 مليار الى 400 مليون والله دى اعنف من ضربة هاشم بدر الدين للترابى ال 400 مليون دى كيزانية خلوها عليقة لجدادكم الاكترونى حتاكلوه من وين ؟؟؟

[nagatabuzaid]

#1216538 [quickly]
4.50/5 (2 صوت)

02-26-2015 06:34 PM
لازم نحول بالسوق الاسود او عن (طريق السوق الموازي) كما سم ها البشير الملعون في لقاء الجالية بالامارات اول قبل يومين اكييد
اما نخليلها ليكم هاملة ياهملة يالصوص واي شئ يضعف حكمكم نحن بنسويه

[quickly]

#1216488 [ودهباك]
5.00/5 (5 صوت)

02-26-2015 04:43 PM
ايووووووي اشان كدة بشبش سافر الامارات
واجتمع مع الجالية
منعول ابواهلكم ياظالمين
قال تراجعت وانتو شفتو شي
كان مارحلتو مافي تحويل
ارحل ارحل يارقاص

[ودهباك]

ردود على ودهباك
[nagatabuzaid] 02-26-2015 06:32 PM
ما اجتمع مع الجالية الجالية كان موقفها مشرف وشجاع لانهم شرفاء اجتماعه كان مع الكيزان وبس ,÷, لإ‘لأأ ٍألإ{ شايل القرعة


#1216415 [بشمية]
5.00/5 (5 صوت)

02-26-2015 02:31 PM
اكيد لازم تتراجع واساسا مفروض تكون صفر
علي اساس احول عبر القنوات الرسمية؟؟؟
سعر الصرف الحقيقي يفةق الحكومي مرتين اولي بيها اهلي من كروشكم الاستمرات الحرام دي
هل يعلم المغتربون بان الضرائب رجعت من جديد ؟؟؟
وباثر رجعي كمان
من 2013
تخيلوا باثر رجعي
الجواز الالكتروني قبل اسبوع كانت رسومه للاطفال ب95 ريا
الان الطفل ب215
الطالب 340
المراة 430
والرجال 580
تخيلوا
ندفع 3 اضعاف قيمة استخراجه من السودان لاننا المغتربون
وندفع الضرائب والزكاة والجبايات لاننا المغتربون
في مقابل مذا


NOTHING
لا اعفاءات جمركية
ولا استثمارية
ولا خطط اسكانية

انظروا لحال السفارة السودانية بالرياض
حالة يرثي لها
كراسي الصالة محطمة
تكدس في الصالة
وعشوائية ولا تنظيم والفوضي تضرب باطنابها وواسطات تتخطي المنتظرين في الصفوف
وتسهل لهم الاجراءات حتي بدون رسوم
اي نعم والله تجدد الجوازات للبعض دون رسوم
حمامات متسخة ولا عمال نظافة
لا حتي مبرد مياه
صالة النساء عبارة عن صندوق قمامة ولا يوجد ختي مكان للصلاة
مصاحف متسخة ويعلوها التراب
مكتب عميد الجوازات عبارة عن مخزن ملفات قديم تلقي علي الارض دون تنظيم ويقوم العميد المغلوب علي امره بالبحث بنفسه عن الملفات
كل سفارات الدنيا منظمة ومحترمة والاجراءات سهلة وفي غاية البساطة
بعض السفارات لها قنصليات داخل المدينة لتسهل القدوم لمراجعيها
سفارات الهند وباكستان بنقلاديش والفلبين ومصر صاحبة العامل الاكبر في المملكة تقدم خدمات اقضل بمليون مرة وباسعار رمزية
وسفارتنا اكبر مركز ابتزاز لعمالة وافدة في المملكة ودخله مئات الالاف يوميا ودون خدمات
قرفنا

[بشمية]

#1216408 [ود الحاجة]
5.00/5 (2 صوت)

02-26-2015 02:25 PM
(( وقال الخبير الاقتصادي خالد حسين: "بينما تقفز تحويلات المغتربين في مصر والمغرب ولبنان، يشهد السودان تراجعا بشكل مخيف في تحويلات المغتربين"، مشيرا إلى أن الحكومة السودانية "تفتقر لدراسة هذه الأزمة التي أطلت برأسها على الاقتصاد الوطني". ))

تعليق : تقفز التحويلات في الدول المذكروة و غيرها بسبب التعامل السليم من تلك الدول مع مواطنيها و الامر واضح و لا يحتاج الى دراسة

الدراسة اللازمة هي دراسة اخطاء الحكومة المتراكمة و الجبايات الباهظة

[ود الحاجة]

ردود على ود الحاجة
[nagatabuzaid] 02-26-2015 06:34 PM
تمام يا ود الحاجة


#1216403 [ود الخضر]
5.00/5 (3 صوت)

02-26-2015 02:20 PM
مرة حولت عن طريق بنك الراجحى وقالوا لى ممكن تستلم دولارات ولامن ذهبت للسودان لاستلامها اعطونى اياه بالسودانى اعترضت ولكن لا حياة لمن تنادى وقالوا لى دى سياسة بنك السودان ومن يومها لا اصدق اى كلام من الحكومة
والله السياسة الاقتصادية للحكومة دى ما فيها اى علمية ولا منهجية بالبعكس تماما فوض عارمة دلالة على البلادة والغباء المركب

[ود الخضر]

#1216371 [بروسلي]
4.75/5 (4 صوت)

02-26-2015 01:34 PM
للعلم فقط: حتى مصروفات السفارات السودانية بالخارج ورواتب موظفيها تأتي من السودان عن طريق اليد، وكل الدبلوماسيين يحولون نقودهم عن طريق السوق الموازي، مافي زول مجنون بحول الدولار بي خمسة جنية وهو في السوق بي تسعة ونص... غايتو جنس عبط وهبل على المسؤليين ديل.. والله لو جابو حماااار يفهم أمتر من ناس الحكومة ديل...كسرة ... من أين أتى هؤلاء فعلاً؟؟؟؟؟؟؟؟؟؟؟؟؟؟؟

[بروسلي]

#1216305 [محمد الحسن سهلة القاضي]
5.00/5 (3 صوت)

02-26-2015 12:17 PM
أكلتو البلد بمافيها حتى المشوا الخارج لاحقنهم؟ نسأل الله السلامة . سعرانين رسمي مسكين في يدهم وبالهم في الفي يد المسكين هذه طغمة جائرة . والله السلطات الذلة والإهانة البتقابل بيها المغتربين حقو تدفع ليهم لأنهم تركوا لها البلد وخرجوا مجبرين . الله ينتقم منكم في الدنيا والآخرة ياأيها المؤتمر اللاوطني والموالين له . اللهم نسألك أن تزيحهم وأن تأتينا بمن هو خير منهم . المغترب يشقى ويدفع دم قلبو يجو ناسالمؤتمر يشيلوها ضرائب وجمارك . بلاضافة للمقابلة البائسة من السلطاتفي المطارات والموانيء . حكومة مذلة , تهين ىشعبها لا بارك الله فيها . اللهم نشكو إليك ظلمهم .

[محمد الحسن سهلة القاضي]

#1216295 [عبير حسام الغالى]
5.00/5 (7 صوت)

02-26-2015 12:04 PM
انا لى خمسة سنوات اغتراب والله ما حولت قرش عبر القنوات الرسمية حتى الان... وان شاء الله سوف لن احول حتى لو فاق السعر الرسمى سعر السوق الموازى ما دام بنى كوز او حكومة الفجار على سدة الحكم.

[عبير حسام الغالى]

ردود على عبير حسام الغالى
[nagatabuzaid] 02-26-2015 06:36 PM
مليون تعظيم سلام يا عبير

[الولايات المتحدة السودانية] 02-26-2015 04:44 PM
تحية وتجلة وإكبار


#1216277 [مشروووط من الغيظ]
4.38/5 (8 صوت)

02-26-2015 11:35 AM
ولمه ترجعو يا كيزان بالسلامه لي قواعدكم القديمه و ترجع ايامنا الجميله

والله ما بتشوفو مني ولا نفاخ النار

حريقه تحرق ابو اهلكم

[مشروووط من الغيظ]

#1216271 [المتابع المقهور]
4.75/5 (4 صوت)

02-26-2015 11:25 AM
كل دول العالم مستفيدين من تحويلات مغتربي الخليج بالذات إلا السودان بسبب سياسات الحكومة القائمة على التعالي والجبايات والضرائب ومعاناة ابنائهم في التعليم العالي وسوء الخدمة والإذلال والإمتنان عند تقديم الخدمات الضرورية وهي من صميم حقوقه كمواطن ، بالإضافة فارق سعر العملة مع عدم تقديم أي حوافز أو برامج للعودة والإستقرار في وطنه فضلا عن معاناة ذويهم في السودان من الغلاء وسوء الخدمات التعليمية والصحية والبيئية.كل هذه العوامل دفعت المغتربين المقتدرين يوجهون أبناءهم وإستثماراتهم نحو دول أخري أكثر استقراراواجود تعليما.

[المتابع المقهور]

#1216240 [سامي - الجمالاب]
5.00/5 (5 صوت)

02-26-2015 10:52 AM
في اعتقادي ان هنالك اسباب اخرى منها أن جزء كبير من المغتربين يصرف كل ما يدخله في البلد الذي يعمل به ، وبعض دول الاغتراب المعيشه فيها غالية جدا لا يبقى شي للمغترب ليدخره ، كذلك هنالك فئات من المغتربين مرتابتهم ضعيفة لا يستطع ان يدخر منها جزء ليحوله ، كذلك يوجد بعض المغتربين لديهم مدخرات ويتركوها في حساباتهم في بلد الاغتراب بسبب عدم وجود ضمانات لاستثمارها في السودان .

[سامي - الجمالاب]

ردود على سامي - الجمالاب
United States [المنجس] 02-26-2015 08:58 PM
نبشرك الاخ سامى والحمد لله الكاش موجود لكن ما بنحوله لهم على البنك حتى لو وصل السعر الرسمى مع السعر الموازى وزارة التعليم العالى قال الفرص فى الجامعات اولا بيها اولدهم اولاد المغتربين ما اولادهم كل شى نحن ما محسبين معاهم الا فى الجبايات


#1216233 [المتجهجه بسبب الانفصال]
5.00/5 (7 صوت)

02-26-2015 10:48 AM
الحل في حل جهاز المغتربين ومنح التأشيرة في المطار ،، والزام المغترب بتحويل الف دولار سنوياً ،، عبر بنك جديد يؤسس لتحويلات المغتربين يشرف عليه نزهاء من البنك المركزي،،، شوفو الفرق بكون كيف ،، انتو عايزين المغترب يدفع كل رسومكم الكتيرة دي وبعد ده كلو كمان بتبكي انو تحويلاتهم عبر القنوات الرسمية قلت يقل نومكم ياحرامية،، المغترب يدفع عشرات السنين في الفاضي ما يلقى غير الاسلوب القبيح وصرة الوجوه الاصلها ضهرا يلعن قفاها بدون صر ،،،

[المتجهجه بسبب الانفصال]

ردود على المتجهجه بسبب الانفصال
[محمود] 03-04-2015 02:31 PM
المتجهجهة بسبب الانفصال ... كثيرين يعتقدون أن في حل جهاز المغتربين حل لوقف الرسوم وهو فهم غير صحيح لان جهاز المغتربين مهامه تنسيقية ليس لديه سلطة على مؤسسات مثل الضرائب والزكاة والجوازات .. فهو جهاز لتنظيم شؤون السودانيين بالخارج .. أنشأ هذا المجمع لتسهيل الاجراءات ..

[nagatabuzaid] 02-26-2015 06:38 PM
الحل فى ذهاب حكومة الكيزان

[ود الحاجة] 02-26-2015 02:22 PM
لماذا الزام المغترب بتحويل الف دولار سنوياً .
لو اصبح التعامل جيدا لحول الناس من دون الزام , بل لانهى البعض اغترابهم و عادوا للوطن


#1216221 [حنفي]
4.75/5 (6 صوت)

02-26-2015 10:32 AM
لماذا تتحصل الصرافات في السودان 2 % من المبلغ المحولة . ما بن حول اي دولار للسودان ماذا نحن مستفيدون من السودان ..

[حنفي]

#1216186 [Kudu]
5.00/5 (1 صوت)

02-26-2015 09:59 AM
ما في غير الوثبة الشعبية الكاسحة لإزالة عصابة الكيزان... هيا ننجح حملة مقاطعة الانتخابات (أرحل) أرحل لتعود لنا حياتنا.. هيا نعمل مع نداء السودان وكل الأحزاب والمنظمات حملة أرحل عبر وسائل الاتصال فيس بوك واتس اب هيا انشروها منذ الآن تعقبها الثورة الشعبية التي تكون ساعتها جمعة أرحل يوم 10 ابريل وما يليها من أيام حتى يتم لنا النصر باذن الله.

[Kudu]

#1216151 [الجقرم]
4.41/5 (7 صوت)

02-26-2015 09:01 AM
المغترب ممنوع حتى من ابسط الحقوق
سيارة استعمال شخصى ممنوع يدخلها وبرضو عايزينو يحول

[الجقرم]

#1216090 [سوداني زهجان من العملوه الكيزان بالبلد]
4.75/5 (7 صوت)

02-26-2015 07:46 AM
انتو مطلعين أبو زيت المغتربين وعايزنهم بعد ده كلو يحولوا قروشهم عبر قنواتكم الرسمية
ألحسو كوعكم،

[سوداني زهجان من العملوه الكيزان بالبلد]

#1216087 [ahmed]
4.71/5 (8 صوت)

02-26-2015 07:37 AM
إذا لم يتساوى سعر الصرف في السوق الأسود مع سعر البنك وأكد لكم سنة 2015 سوف تصل تحويلات المغتربين
الى الصفر .......

[ahmed]

ردود على ahmed
[amohd] 02-26-2015 09:08 AM
yes it is.


#1216085 [barracuda]
4.50/5 (9 صوت)

02-26-2015 07:37 AM
داعيا إلى تشكيل جهاز يضم الحكومة والبنوك والمصارف وقطاع المغتربين لإيجاد مخرج للمشكلة"

امر غريب ، يا خي المغتربين يحولوها بالطريقة التي تعجبهم،هم شاربين المر في الغربة والمهانة ومعيشيين اهلهم في السودان ، وانتو جاريين وراهم ، ما تفكروا بطرق جدية لتنمية السودان وحل مشكلاتهم ، بدل الاتكالية والكسل واكل اموال الناس بالباطل.عالم ما بتختشي.

[barracuda]

ردود على barracuda
European Union [سوداني زهجان من العملوه الكيزان بالبلد] 02-26-2015 08:41 AM
ياخي على الأقل تحويلات المغتربين والضرائب لو بتمشي عشان صالح البلد والمواطن السوداني ولو بستفيد منها محمد أحمد الإنسان البسيط صدقني كل المغتربين كان مشو براهم يدفعوا ويحولوا بطيب نفس، لكن للأسف المستفيد منها طبقة لا تتعدى 1% من الشعب السوداني


#1216045 [ibrahim awad]
4.94/5 (13 صوت)

02-26-2015 06:32 AM
ابيييييييييييييييييييييييييييييييت ما بحول

[ibrahim awad]

ردود على ibrahim awad
[غربة وفراق اهل] 02-26-2015 10:53 AM
وانا برضو ابييييييييييييييييت لن احول



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة