الأخبار
أخبار إقليمية
شركات الطيران الأجنبية تهدد بالتوقف عن الهبوط بمطار الخرطوم
شركات الطيران الأجنبية تهدد بالتوقف عن الهبوط بمطار الخرطوم
شركات الطيران الأجنبية تهدد بالتوقف عن الهبوط بمطار الخرطوم


02-26-2015 10:37 AM
الخرطوم: نعمان غزالي
هددت شركات الطيران الأجنبية العاملة في السودان بالتوقف عن الهبوط بمطار الخرطوم بعد أن هددتها شركات المناولة الأرضية بزيادة تعرفة رسوم المناولة الأرضية بنسبة (100%) اعتباراً من الأول من مارس المقبل.
وكشفت مصادر مطلعة لـ(الجريدة) أن اجتماع شركات الطيران العاملة في السودان الذي انعقد أمس أسفر عن قرار التوقف حال تنفيذ شركات المناولة الأرضية زيادة تعرفة الخدمات.
وأفادت ذات المصادر أن شركات الطيران أعلنت رفضها لمقترح زيادة الأسعار بحجة أن لديها عقد مسبق مع شركات المناولة الأرضية لذلك لا يحق لها زيادة تعرفة الخدمات إلا بعد الرجوع للعقود المسبقة.
يذكر أن سلطة الطيران المدني كانت قد زادت إيجارات المكاتب ورسوم التراخيص والمعدات بالنسبة للشركات الأجنبية.


الجريدة


تعليقات 19 | إهداء 0 | زيارات 15932

التعليقات
#1217438 [khalid]
0.00/5 (0 صوت)

02-28-2015 04:00 PM
هذا كلام جميل من هذه الشركات بس عليكم الله اصبروا شويه كدا نلم حق التذاكر ونمرق مره واحده كدا ونطفى النور

[khalid]

#1216750 [aboo]
0.00/5 (0 صوت)

02-27-2015 06:18 AM
Inspiring the picture of Sudan Airways craft attempting the land with “single main-landing gear extended” This might have summaries the whole dilemma. Poorly reported, as we ever acquainted with our crummiest reporters, who simply lack knowledge and skills on this profession, plus the ailing languages capabilities. Anxious would like to see how the foreign carriers would deal with the ground-handling agents. Sure, we are going to witness another silly joke from all parties (carriers, handling agents, and the lousy CAA)

[aboo]

#1216717 [حسن النور]
5.00/5 (1 صوت)

02-27-2015 03:28 AM
وبطريقة اخري ارتفاع الاسعار علي المواطن....لان اسعار السلع المنقولة جوا سترتفع...

[حسن النور]

#1216639 [bluenile]
5.00/5 (1 صوت)

02-26-2015 10:12 PM
لا حوله ولا قوة الا بالله سمعه السودان صارت فى الهاويه بعد ما كان السودان قمه وكرامه وشخصيه تلعب بل لعبت اروع البطولات الافريقيه والعربيه والعالميه كان السودان دعامه اساسيه بموجبها نهضت الدول العربيه كان السودان مؤتمر اللاءات الثلاثه وكان الصلحبين الملك فيصل وجمال عبد الناصر كان الصلح بين الفلسطينين كان نميرى الشجاع دخل داخل الحرب للنقذ ياسر عرفات من الموت كان نميرى يتحدث بكل قوة عندما طلبت السعوديه ان ترحل جميع الافارقه من السعوديه فقال نميرى من له جواز او جنسيه سودانيه الف مليون مرحب به
السودان كان ثله غذاء العالم عندما اسس مشروع الجزيره كان مؤسسه بريطانيه كتب كتاب الحلم الاعظم كان مشروع الجزيره بها محالج واستراحات وترع للرى شى خرافى لا يصدق كانت السكه حديد اعظم واعرق سكك حديد فى العالم العربى والافريقى وتتفوق على جميع دول اسياء وافريقيا والعرب عموما كانت الخطوط السودانيه تجوب االعالم شرقا وغربا وجنوبا وشمالا كانت عملاقه تهبط فى اعظم مطارات العالم مطار هيثروا حيث منحت الملكه فكتوريا خط الخرطوم هيثروا هديه الى الشعب السودانى ولكن باعته حكومه الانقاذ كانت سودانير تهبط فى سويسرا وبر لين وفرانكفورت وباريس كانت تهبط فى جميع دول اسياء وافريقيا ومعظم الدول الكبرى روسيا واوربا
الان سودانير لا تهبط حتى فى نيالا سبحان الله هل من يحكمون البلد اصحاء ام لهم امراض وجنون اسمه ضياع البلد والوطن والمواطن
مطار الخرطوم كان يعج باروع واجمل خطوط الطيران العالميه وكانت كل دول الجوار تسافر عن طريق الخرطوم وكمان بالخطوط السودانيه من نجيريا والكميرون وتشاد واثيوبيا واريتريا وجيبوتى والصومال كانت سودانير حلم كل دول الجوار عندما يسافروا بسودانير ينتعشون من عظمه الخطوط السودانيه ورحلاتها الدوليه انظر ماذا حدث خلال حكومه الانقاذ ضاعت جميع خطوط ومحطات الطيران التى كانت تسافر اليها سودانير ومن الصعب ان تعود لانو هنالك شركات اخذت حظوظها عندما فقدت سودانير بسبب الجهل المتفشى من صناع القرار بحكومه الانقاذ وكمان عبد الرحيم حمدى يريد ان يعمل شركه طيران اسمها شركه طيران الرواد سبحان الله يخصص ويدمر وياتى لتاسيس شركات وخطوط طيران يعنى كل الشقلانيه عملها من اجل الطمع وانها لم تكن من اجل البلد
الان اين هذه الطائرات التى كانت تهبط بمطار الخرطوم فى الاسبوع مرتين واحيانا ثلاثه مراتKuwait and Tunisia German , Swiss Air and British Air as a problem of a whole generation lost generation reputation and dignity
لا اله الا الله محمدا رسول الله ماذا يحدث للسودان البلد الكبير هل هولائى من يحكمون بشر وهل من يعارضون بشر وهل من يسمون نفسهم سياسين عقلاء كلا والله فكل سياسى حاضر الانقاذ عليه ان يحتضر وكل حزب سياسى معارض عليه ان يترك السياسه ويعمل جمعيه خيريه للمناسبات
البلد تضيع وحكومه الانقاذ مازالت تحكم وتبيع وتقتل والحصار العالمى على السودان اصبح يزداد زاصبح يدمر جيل باكمله بالضياع حتى الدول العربيه تقوم بالحصار لكنه خفى غير معلن لانو عندما تجلب دول الخليج الماشيه من استراليا ودول اخرى وتترك ماشيه السودان التى ظلت تستودرها من ميئات السنين انه حصار اقتصادى
اللهم دمر من دمر السودان ودمر من قتل ونهب واغتصب وسلب الغلابه
اللهم شتت شملهم اللهم قل حدهم اللهم احرقهم بطائراتهم اللهم اغرقهم فى باطن البحار وقطعهم اشلاء اشلاء مثل ما قطعوا ونهبوا خيرات البلد كان يسكنون فى بيوتهم الشعبيه الان يسكنون فى قصورهم وفللهم ومزارعهم ويمتلكون المدخرات العظمى كانو ا لا يمتلكون حتى سياره الان يمتلكون الابراج ويمتلكون الارصده بماليزيا
نعم ان الله يمهل ولا يهمل وان ساعه الحساب قادمه لا محال
اللهم انا جعلناك فى نحورهم ونعوذ بك من شرورهم

[bluenile]

ردود على bluenile
United States [aboo] 02-27-2015 05:41 PM
Reprehensible in every meaning what this mob has done. Unfortunately, the damage caused by those thugs are evident to the level that we cannot see it! Thanks for speaking out on behalf of us all and reminding the masses.


#1216620 [ملتوف يزيل الكيزان]
0.00/5 (0 صوت)

02-26-2015 09:31 PM
قربت يا شباب الانقاذ في حالة انهيار بعد ان اصبحت دولة الرجل الواحد !
الحل : حرب عصابات المدن.

[ملتوف يزيل الكيزان]

#1216377 [adil a omer]
5.00/5 (4 صوت)

02-26-2015 01:43 PM
ده مخطط علمانى ما عليكم الركشات راقده هبطرش

[adil a omer]

ردود على adil a omer
[adil a omer] 02-27-2015 03:13 PM
الجماعه طوروا ركشات هيليكوبتر لافشال المخطط العلمانى

[ود يوسف] 02-27-2015 09:22 AM
انت ساطل ولا شنو ، الناس بتكلموا عن شركات طيران أجنبية ورحلات دولية تقول ركشات ؟؟؟


#1216374 [ابومحمد]
4.99/5 (10 صوت)

02-26-2015 01:39 PM
هو وينه المطار هو نحن عندنا مطار

[ابومحمد]

#1216372 [الشبلي]
3.00/5 (1 صوت)

02-26-2015 01:35 PM
برضو علي الطيران /محن وبلاوي /من سعر عضا ومن عضا0000000000000000000

[الشبلي]

#1216369 [احمد ابو القاسم]
4.37/5 (9 صوت)

02-26-2015 01:30 PM
ومهددين مالكم ياشركات الطيران الأجنبيه ؟

ماتوقفوها لو دايرين توقفوها وياريت كمان بعد توقفوها ماتجو مارين ساى باجواء السودان
وبصراحه كده نحن المطار محتاجنو ..دايرين ناجروا مفروش أفيد لينا والله منكم ومن نقتكم وتلويثكم للهوا
والمؤجرين هايدفعوا لينا ايجار 5 سنه مقدما وكمان هايتحملوا الكهربا والمويه وشفط البلاعات

كفايه علينا طيارة بشه !!!!!
بشه سافر الدوحه يستلم المعلوم
بشه سافر اديس
بشه سافر اريتريا
بشه سافر مصر
بشه سافر السعوديه
بشه سافر الامارت
بشه سافر لنسايبنا في انجمينا
وبس خلاس .!!! دا بس البيقدر عليهو

....وبشه ذاتو ممنوع من السفر كتير عشان صحته وركبينو وبروستاتو الدكاتره
مانعنوا من الفرفره الكتير والمرا الأسما فاتوبنسودا مستحلفاله تلقاهو بره الا تقبضو

آل بيهددونا آل

[احمد ابو القاسم]

#1216365 [ابو مروان]
4.00/5 (2 صوت)

02-26-2015 01:20 PM
فكرة خاطئة . هذا الاجراء لا يساعد سوداتير في شيء. كم طائرة تملكها سودانير ؟ وهل هي بمستوى الانضباط والتميز مقارنة بالطيران الأجنبي ؟ كفى بلطجة .

[ابو مروان]

#1216330 [Kudu]
4.75/5 (4 صوت)

02-26-2015 12:38 PM
طبعا الحثالة يكون حسبوها بسعر الدولار في السوق الأسود..
هيا الي إنجاح حملة مقاطعة الانتخابات خملة أرحل بعدها الانتفاضة الشعبية العارمة يوم 10 ابريل

[Kudu]

#1216318 [Kudu]
5.00/5 (3 صوت)

02-26-2015 12:31 PM
هيا ننجح حملة مقاطعة الانتخابات (أرحل) .. هيا نعمل مع نداء السودان وكل الأحزاب والمنظمات حملة أرحل عبر وسائل الاتصال فيس بوك واتس اب هيا انشروها منذ الآن تعقبها الثورة الشعبية الكاسحة التي تكون ساعتها جمعة أرحل يوم 10 ابريل وما يليها من أيام حتى يتم لنا النصر باذن الله.

[Kudu]

#1216314 [الحقيقة]
5.00/5 (3 صوت)

02-26-2015 12:27 PM
ما فى شركة طيران أوروبية بتعمل الآن فى الخرطوم والسودانيين بقوا يسافروا لأوروبا عن طريق القطرية أو الأماراتية أو المصرية أما الخطرط الأخرى التى تنزل الخرطوم فهى الأثيوبية والكينية يعنى عذذ أجمالى الشركات العربية والأفريقية التى تتعامل من الخرطوم لا تزيد عن العشرة ولا نذكر سودانطير فى أم افضايح.

[الحقيقة]

ردود على الحقيقة
[مواطن] 02-27-2015 10:38 AM
ياالحقيقة الخطوط القطرية والاماراتية والمصرية خطوط شنو ؟ ما خطوط أجنبية .


#1216309 [Tarik]
5.00/5 (3 صوت)

02-26-2015 12:21 PM
They are worst than the Mafia, they sign contracts and change them as their greed is endless.

[Tarik]

#1216307 [محمد دفع الله]
5.00/5 (2 صوت)

02-26-2015 12:19 PM
يا هو دا السودان ......... كرهوا الشعب السوداني المغلوب على امره ،،، واعتقدوا غباءً ان ما يفعلونه ينطلي على الشركات الاجنبية ولكن هيهات ... واصلوا وغدا آآآآآآآآآآآتي

[محمد دفع الله]

#1216298 [ود الكوتش]
4.88/5 (4 صوت)

02-26-2015 12:07 PM
خير وبركه أصلوا كده حبل الرجعه يكون اتقطع ، تاني الواحد لو والدته قالت ليهو تعال وماعافيه منك يقول ليها مافي طيران بجي لا حقنا لا حق غيرنا
نتلاقى في أديس يا حجه

[ود الكوتش]

#1216292 [مشروووط من الغيظ]
4.00/5 (2 صوت)

02-26-2015 11:57 AM
المأسونين حتي حتي زياره اهلنا بقو شايفينها علينا كتيره يا كافي البلا
انا غايتو في سودانم دهه باقيه لي أمي بس الله يطول عمره
و اكان الكيزان ديل كترو بسوقه معا
و خليهم السودان دهه يشبعو بي براهم

[مشروووط من الغيظ]

#1216239 [المتجهجه بسبب الانفصال]
5.00/5 (12 صوت)

02-26-2015 10:51 AM
دي شركات عالمية انتو قايلنو ده محمد أحمد كل يوم جاينو بزيادة جديدة اتمنى تبقو رجال وتزيدوا اجر المناولة طيارات ماعندكم عشان تكاوشوا سوق الطيران الاقليمي ،،، على المغتربين أن يجو السودان عن طريق اثيوبيا ويتمواالباقي باللواري ولا ما كدة يا الطيران المدني القائم سداري ،،،

[المتجهجه بسبب الانفصال]

ردود على المتجهجه بسبب الانفصال
[nagatabuzaid] 02-26-2015 07:03 PM
قبل كم سنة كانوا فى سودانيين برجعوا من السعودية للسودان عن طريق اديس قالو الاثيوبية ارخص وهم اسر كبيرة ما عارفة لا زالوا ولا بطلوا لكن المشكلة بعد زيادة الرسوم وممكن الى القاهرة ومن هناك بالطريق البرى


#1216231 [سعيد لورد]
5.00/5 (13 صوت)

02-26-2015 10:46 AM
يا أيها الذين آمنوا أوفوا بالعقود

هل الكيزان مؤمنين حقا؟!
أشك في ذلك

[سعيد لورد]

ردود على سعيد لورد
[عمك] 02-26-2015 11:47 AM
هذا دليل قاطع أخ / سعيد لورد بانهم كيزان فاضية
تخبط وعنجهية ولامبالاة وعدم فهم حتى ابسط ابجديات القوانين
لم يحترموا العقود الموقعة مع شركات عالمية ...
هم مفتكرين المكاتب دي اكشاك في سوق ليبيا مثلا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة