الأخبار
أخبار إقليمية
فجوة في اختصاصيي البصريات بسبب الهجرة إلى الخارج
فجوة في اختصاصيي البصريات بسبب الهجرة إلى الخارج
فجوة في اختصاصيي البصريات بسبب الهجرة إلى الخارج


03-01-2015 11:18 PM
الخرطوم – خضر مسعود

كشف اتحاد اختصاصيي البصريات عن هجرة ثلثي اختصاصيي البصريات البالغ عددهم (1500) اختصاصي ما أحدث فجوة في انتشار اختصاصي البصريات، في وقت أعلن فيه مأمون حميدة وزير الصحة بولاية الخرطوم عن انطلاق مسح التراكوما بست محليات عدا محلية الخرطوم الذي يستمر لمدة (15) يوما، لمعرفة حجم المرض والقضاء عليه. وأكد دكتور خباب محمد سعيد، مدير إدارة صحة العين بوزارة الصحة ونائب رئيس الاتحاد في تصريحات صحفية أمس (السبت) على هامش الاحتفال بالسنة الدولية للضوء وتكنلوجيا البصريات وتكريم العالم الحسن بن الهيثم (أبو البصريات) بمناسبة مرور ألف عام على تأسيس البصريات، أكد وجود تحديات تواجه مجال البصريات أبرزها الحاجة لزيادة مراكز البصريات التي لا يزيد عددها عن (180) مركزاً بالولاية، لافتاً إلى أن الحاجة تقدر بحوالي (200) مركز إضافي مع التركيز على نشرها بالأطراف لضمان عدالة توزيع الخدمات، وأشار خباب إلى تراجع الأخطاء الانكسارية في مسببات العمى إلى المرتبة الرابعة، وأرجع ذلك للوعي والتطور في مجال البصريات بالخرطوم وتوافر الخدمات، مشدداً على ضرورة الزيادة التخصصية على مستوى الرعاية الأولية والثانوية وزيادة التدريب التخصصي في مجال البصريات، بجانب زيادة أعداد الخريجين البالغ عددهم (150) سنوياً، داعياً إلى إنشاء كليات بصريات في عدد من الجامعالت، كاشفاً عن اتجاه لافتتاح (100) عيادة بالخرطوم بهدف زيادة نسبة التغطية والمساعدة في اكتشاف مسببات العمى. من جانبها قالت دكتورة منال الشريف رئيس الاتحاد إن الاختصاصيين الموجودين أغلبهم من النساء، داعية إلى تحسين ظروف العمل للاستبقاء على الكوادر، لافتة إلى أهمية دور اختصاصي البصريات في مجال طب العيون، معلنة إطلاق مبادرة نظارة لكل محتاج وإنشاء صندوق لدعم المحتاجين بتوفير (10) آلاف نظارة
اليوم التالي


تعليقات 2 | إهداء 0 | زيارات 1745

التعليقات
#1218475 [زول]
0.00/5 (0 صوت)

03-02-2015 07:36 AM
السودانيين شعب اناني ما بيفكر الا في نفسه عشان كده بقينا مشردين بره البلد وحرامية جوه البلد
الواحد البلد تدفع ليهو قروش ويتخرج من جامعاتها ويشرد يمشي الخليج والا اروبا والا امريكا يقول ليك عايز احسن وضعي، طيب يا وسخ يا حرامي ما تدفع القروش الدرستة بيها دي للناس الماسكين الدفعوها ليك، ادفعة شغل ومساعدة ليهم، يقول ليك لا انا مالي.
وعايزين يحكمكم منو غير الخريان البشير ده، ما هو منكم وفيكم. كلكم لصوص.

[زول]

ردود على زول
European Union [السودانى الاصيل] 03-02-2015 10:28 AM
يا زول عشان ما تتكلم ساكت تخرجنا فى جامعة الخرطوم لمن كانت جامعة يفاخر بها بين جامعات العالم المتقدم وعندما جاء الكيزان كل من لم يكن معهم تم احالته للصالح العام ومن لم يتوظف وقتها عندما اتوا حرموه من الوظيفة بغرض التمكين افصبحنا عطالة ولنا اسر نعيلها وقد بحثنا فى كل بقاع السودان للحصول على وظيفة ولكن للاسف لم نجد على الرغم من تخرجنا من كلية علمية مرموقة ولكن حرمنا ان نخدم وطننا بما قدمه لنا . ولذلك بحثنا فى ارض الله الواسعة حتى نجد ما نتكفل به اسرنا حتى لايموتون من الجوع فهاجرنا ووجدنا كل الترحاب و الوظائف المرموقة والتى لم نجدها فى وطننافكيف البقاء مع حكومة غرضها ان تقضى عليك جوعا . عليه هذا هو السبب فى هجة العقول ولكن ليس كرها فى السودان ولكن مضطرين يا الاخو.

[ود مجذوب] 03-02-2015 09:37 AM
يازول ماتتكلم ساي الدفعوا ليهو منو عشان يقروا الناس دي قرت من حر مالها خلي الناس تتفكفك ولو عندك كلام قولو لحكومتك البتصرف للعسكري الامي اكتر من الدكتور الراسو صلع بلعلم .


#1218367 [عميد(م). طبيب سيد عبد القادر قنات استشاري التخدير]
5.00/5 (1 صوت)

03-02-2015 12:05 AM
سلام خضر كنت اتمني ان يحددوا كم الموجود فعليا في الصحة وفي الجامعات ومن ثم كم النقص لكل السودان
الهجرة غير مزعجة ولا تقلق البلدوزر الخط الاحمر وخليهم يمشوا بجو غيرم بس متين ومن وين ولمن يجو غيرم اها المريض يقبل علي وين اللهم استر فقرنا بعافيتنا

[عميد(م). طبيب سيد عبد القادر قنات استشاري التخدير]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة