الأخبار
أخبار إقليمية
كرسي اليونسكو يحذر من تلاشي جزيرة توتي ويدفع بدراسة لحمايتها
كرسي اليونسكو يحذر من تلاشي جزيرة توتي ويدفع بدراسة لحمايتها
كرسي اليونسكو يحذر من تلاشي جزيرة توتي ويدفع بدراسة لحمايتها


الأهالي يفقدون (100) فدان و (500) شجرة ليمون
03-03-2015 10:40 AM
الخرطوم: لبنى عبد الله
كشفت جولة لـ (الجريدة) داخل جزيرة توتي عن تراجع مساحات مقدرة لمزارع الليمون، وفقدان ما يزيد عن (500) شجرة ليمون في مساحات مختلفة بسبب الهدام، وفقدان (100) فدان وتضرر أكثر من (35) مزارعاً، بالإضافة إلى تهديد محطة مياه توتي ونادي توتي وبعض المنازل نتيجة للآثار المترتبة عن اندفاع النيل.
وكشف مدير عام كرسي اليونسكو للمياه بروفيسور عبد الله عبد السلام عن دراسة أعدوها ودفعوا بها لوزارة التخطيط العمراني بولاية الخرطوم منذ أكثر من عام، من أجل حماية جزيرة توتي، وأوضح أن الدراسة تضمنت شواطئ النيل، وإقامة وتصميم منشآت خاصة بالحماية.
وقال عبد السلام إنهم أعدوا تلك الدراسة بناء على طلب حكومة الولاية، وحول تنفيذ الدراسة ذكر مدير عام كرسي اليونسكو (ما عندنا علاقة بالتنفيذ، ومتى ما رغبت الولاية في التنفيذ نحن على استعداد للإشراف).
وأضاف أن الدراسة اعدت بغرض الحماية لكل الجزيرة وما حولها، حيث تم تقسيم توتي إلى (3) قطاعات، وتحديد القطاع الأكثر تهديداً وهو الذي يقع في مواجهة بحري، وأبان أن كل المنشآت القائمة على النيل لها تأثير على توتي، وشدد على أهمية عدم التدخل في مجرى النيل إلا بعد دراسة علمية تستوفي كل الجوانب لمعرفة الآثار البيئية والاقتصادية والاجتماعية، ورأى أن التدخل بدون دراسة يؤدي لنتائج سلبية يمكن أن تتعدى المنطقة المحلية للمناطق الأخرى، وزاد: (نتمنى أن يكون هناك وعي من قبل كافة المسؤولين).
وحذر بروفيسور عبد السلام من مخاطر التدخل عبر الأبنية الأسمنتية على مجرى النيل، وشدد على أن التدخل في حرم النيل ممنوع طبقاً للقانون للآثار التي يمكن أن يحدثها، ونبه الى أن عدم الالتفات للدراسات العلمية يمكن أن يؤدي إلى وضع وصفه بالكارثي، وتوقع أن يمتد إلى تلاشي جزيرة توتي، وطالب حكومة الولاية بالإسراع في تنفيذ مشروع الحماية.

الجريدة


تعليقات 8 | إهداء 0 | زيارات 5427

التعليقات
#1220239 [zumba]
0.00/5 (0 صوت)

03-04-2015 03:42 PM
ياااااااااا الله والله ناس توتي اكتر ناس عنصريين في السودان وبحبوا العنصرية ... وكده الله يقدرك امشي اركب الفلوكة دي وقول داير امشي توتي اي واحد يعاين للتاني ... ده ماشي وين ده ماشي وين .. انا بتزكر حضرت مشكلة في معدية توتي في واحد نوباوي عاوز يركب المعدية يقطع البحر باتجاه توتي الله اعلم ماهو غرضوا وناسك رافضين ليه يدخل جزيرة توتي والمشكلة دورت قاموا نادوا ليه بتاع شرطة ساق المسكين... ههههه والله انتو ياناس توتي اخر ناس تتحدثون عن الوطنية - جززيرتكم دي عليكم الله قدمت للسودان ده شنو بالله عليكم .. ثروتها شنو القدمتها للسودان عليكم الله ماتتكلمو سايت ... خلونا نحن ناس الجزيرة نكرم الضيف ولو كان عدونا وظللنا نستورد العملة الصعبة للسودان ظللنا نحتوي كل السودان ونكرم الضيوف - ديل السودانيين الماخمج

[zumba]

#1220113 [توتو بن حميده آل حميده]
0.00/5 (0 صوت)

03-04-2015 01:27 PM
أهالي توتي الطيبين - تحيط بهم ام درمان من الغرب وتحيط بهم بحري من الشرق والشمال وتحيط بهم الخرطوم من الجنوب - ويحيط بهم النيل من جميع الاتجاهات ثم بعد ذلك تحيط بهم المزارع من جميع الاتجاهات وهذه احاطه اخرى - وهذه الظروف الصعبه جعلت انسان توتي يختلف عن انسان السودان حيث ان تفكيرهم غير وعاداتهم غير وطريقة كلامهم غير وكله شي عندهم غير في غير - سبحان الله....

[توتو بن حميده آل حميده]

#1220053 [Dolphine]
4.00/5 (1 صوت)

03-04-2015 12:18 PM
Tuti island is one of the most wonderfull places in Sudan.not just for its natural attractive site but it is wonderfull people.
it the land of generosity , culture, education & the collective spirit of all its people & their everlasting trditions.The Sudan is general is presented in Tuti.All people in Tuti are living as one family. The support any person in need regardless his ethnic group nor his relationship to peopleliving there. Tuti is a model & example for other parts in .Sudan to follow.
Let Tuti with its trditions & its men women & youth speak by themselves let them tell you bout the Nile paradise

[Dolphine]

ردود على Dolphine
[محجوب عبد المنعم حسن معني] 03-04-2015 07:01 PM
يا سلام عليك يادولفين
كلامك رائع وهم بالجد كل الكلام القلتو عنهم حقيقة
مع مودتي


#1219957 [الدكتور]
0.00/5 (0 صوت)

03-04-2015 10:53 AM
يظهر انة الجقور حولت نشاطها الى توتى !!!

[الدكتور]

#1219841 [wd tuti]
0.00/5 (0 صوت)

03-04-2015 08:28 AM
يا صاحب الاسمzool- و bardan من انتم ؟؟ حتي تتكلمون عن توتي بهذه الوقاجة ؟؟

وما دخلك انت لو جلسنا او رحلنا ؟؟؟؟؟؟؟

ومن عرفك انهم لا يجبون الناس؟؟؟ ولعلمك توتي بها معظم القبائل السودانية وتصاهرو معهم حتي ماتوا بتوتي من شدة حبهم لها

ويا بردان يا حيران الثقالة الحقيقية هي كلام امثالك فقط فانت تتكلم عن توتي اعز منظقة بالسودان ولعلمك الخرطوم التي تتباهون بها كان اسمها خرطوم توتي ولكن امثالك لا يعرفون مثل هذا التاريخ

[wd tuti]

ردود على wd tuti
[محجوب عبد المنعم حسن معني] 03-04-2015 07:05 PM
اثني على كلامك اخي ود توتي
عيب ان يتحدث الناس بهذه الطريقة الغير لائقة وخاصة عن اهل توتي
اهل الكرم والتعاضد والالفة
مع مودتي


#1219550 [quickly]
5.00/5 (4 صوت)

03-03-2015 05:02 PM
اشاعة والكيزان طلعوا الاشاعة دي عشان تفرتكو منها
شكلهم قبلوا عليكم خلاس ياناس توتي
بصراحة جزيرتكم تسييل لعاب اكبر كوز في البلد وتخليهو يريل في دقنوا
يبول في سروالو كمان

[quickly]

ردود على quickly
[جنو منو] 03-04-2015 09:01 AM
فهمتها وهى طايرة ياأبو السريع.


#1219445 [جربندي]
0.00/5 (0 صوت)

03-03-2015 02:02 PM
حملت الانقاذ الجزيرة اكثر مما تحتمل.. كباري وشاحنات .. عمارات اسمنتية.
سد النهضة ربما ينقذها من الغرقان. لحين ذلك:-
__ يجب تحديد العربات التي يسمح لها بالعبور بالكبري علي ان يسمح فقط للسكان بذلك.
__ منع العمارات الاسمنتية
__ تسيير المسيرات الشعبية الاحتجاجية

[جربندي]

#1219356 [zool]
4.50/5 (4 صوت)

03-03-2015 12:02 PM
بعدين ناس توتي ديل يودوهم وين .. مع انهم لايحبون الناس ولايتداخلون معهم .. بعدين الحكومة مبيته النية وعاوزة تشتريها لمستثمر اجنبي .. بعدين ياناس توتي اطلعوا من عزلتكم وقوقعتكم الانتم فيها دي .. سيبوا الوهم الانتوا فيه ده السودان ده كلوا جميل وفي مناطق تفوق جمال توتي بلاف المرات لكن هؤلاء الاوقاد حولوها لصحراري مثل جبل مرة النيل الازرق ج كردفان .. حولوا ياناس توتي اتحدوا مع الناس عشان الناس تضامن معكم لكن الواحد فيكم عايش ليه في وهم كده عجيب ناس صفوة ووووو والله بكرة تلقوا نفسكم في اخر ام درمان قريب لكردفان

[zool]

ردود على zool
European Union [zumba] 03-04-2015 03:41 PM
ياااااااااا الله والله ناس توتي اكتر ناس عنصريين في السودان وبحبوا العنصرية ... وكده الله يقدرك امشي اركب الفلوكة دي وقول داير امشي توتي اي واحد يعاين للتاني ... ده ماشي وين ده ماشي وين .. انا بتزكر حضرت مشكلة في معدية توتي في واحد نوباوي عاوز يركب المعدية يقطع البحر باتجاه توتي الله اعلم ماهو غرضوا وناسك رافضين ليه يدخل جزيرة توتي والمشكلة دورت قاموا نادوا ليه بتاع شرطة ساق المسكين... ههههه والله انتو ياناس توتي اخر ناس تتحدثون عن الوطنية - جززيرتكم دي عليكم الله قدمت للسودان ده شنو بالله عليكم .. ثروتها شنو القدمتها للسودان عليكم الله ماتتكلمو سايت ... خلونا نحن ناس الجزيرة نكرم الضيف ولو كان عدونا وظللنا نستورد العملة الصعبة للسودان ظللنا نحتوي كل السودان ونكرم الضيوف - ديل السودانيين الماخمج.

United States [أريج الوطن] 03-04-2015 09:40 AM
أبناء توتي من أكرم أهل السودان وتاريخهم ناصع ، ويكفيهم أن الأستاذ الدكتور / داود مصطفى خالد رحمه الله وأحسن إليه وجعل قبره روضة من رياض الجنة جزاء ما قدم للسودان وأهله ، إنه كان من الرعيل الأول الذي لا يعوض ، لم يستلم قرشاً واحداً على علاج مريض خلال (60) عاماً خدم خلالها السودان بكل تجرد ونكران ذات ، أسأل الله أن يتجاوز عنه ويجعل البركة في ذريته ، وياليت أن تسمى إحدى كليات الطب باسمه أو مستشفى أو حتى في أضعف الإيمان شارع باسمه ، وأنا والله ليس من توتي ولا تربطني بها أي صلة ولم أزرها إلا مرة واحدة عام 1982 أو 1983 لعزاء زميل من آل الأحمر في وفاة والده ، والحق أحق أن يقال ، والتعميم فيه ظلم كثير ، وربما هناك من أهل توتي من قدم خدمات جليلة للسودان ولكن لا نعرفه ، وآمل من الأخوان عدم الكتابة بهذه الصورة عن أي إنسان أو جهة فما لا نرضاه لأنفسنا لا نرضاه للآخرين .

[Bardan sagat Lagat] 03-04-2015 03:42 AM
يذكر ان احد الظرفاء تخصص في الكتابة عن الثقلاء في البلاد، فما كان يسمع عن ثقيل دم في اي بلد الا سافر اليه ويعود ليسجل ويوثق ثقالة ذلك الثقيل، واستطاع جمع حكاوى عديدة فى كتاب شمل عددا مقدرا من الثقلاء من جميع مدن السودان. وختم كتابه بلافادة التالية ;
اما اهل جزيرة توتي فجميعهم ثقلاء !!!!!!
هذه الجزيرة يمكن ان تكون موقع سياحي وترفيهي عالمي لو خرج منه هؤلاء الثقلاء .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة