الأخبار
أخبار إقليمية
زعيم الجنجويد : قوات مناوي ونور انتهت ولم تتبقَّ إلا العدل والمساواة
زعيم الجنجويد : قوات مناوي ونور انتهت ولم تتبقَّ إلا العدل والمساواة
زعيم الجنجويد : قوات مناوي ونور انتهت ولم تتبقَّ إلا العدل والمساواة


03-05-2015 10:44 AM
نيالا: الفاضل إبراهيم
اعتبر والي جنوب دارفور اللواء آدم محمود جار النبي أن الولاية حسمت وجود الحركات المسلحة منذ الصيف الماضي في مناطق جنوب السكة حديد، وفي العام الحالي بشرق جبل مرة بفنقا.
وقال الوالي بنيالا أمس في احتفال قوات الدعم السريع بانتصارها على الحركات المسلحة بمناطق شرق الجبل قبل أسبوعين، إن الحسم سيطال المتفلتين ومن أسماهم بالمرجفين والمخذلين بالداخل، ووصف المراهنين على الحركات المسلحة بالواهمين والحالمين، وتابع: (الزول الداير يجربنا يعبر الحدود). وأضاف أن الدعم السريع تمكنت منذ دخولها الولاية من حسم الاختلال الأمني وحسم الصراعات القبلية وإخمادها في حينها.
وأعلن الوالي أن الحكومة تمد الأيادي بيضاء من أجل الحوار الذي اعتبر أنه أنجع وسيلة لتحقيق السلام.
من جانبه أشار مساعد الأمين العام للتوجيه اللواء دخري الزمان عمر إلى أن دعوات الحوار للحركات المسلحة لم تنقطع وقال: (أما أن يأتوا للحوار أو ستلاحقهم قواتنا)، وكشف عن أسر (20) فرداً من المسلحين والاستيلاء على (6) عربات بكامل معداتها.
فيما اعتبر قائد الدعم السريع العميد محمد حمدان دقلو (حميدتي) أن الحركتين بقيادة مناوي وعبد الواحد نور انتهتا، وأبان أنه لم تتبق إلا حركة العدل والمساواة التي قال إنهم لها بالمرصاد.

الجريدة


تعليقات 17 | إهداء 0 | زيارات 10517

التعليقات
#1221848 [ابو السمح]
0.00/5 (0 صوت)

03-07-2015 09:31 AM
يا (بطل) منتظرين بالعدل و المساواة شنو ؟ خلصوا عليهم سريع و وراكم مهمات كبيرة و حروب كتيرة
بين الرزيقات و المعاليا و الرزيقات و بني عامر و الرزيقات و المسيرية و الرزيقات و التعايشة و الرزيقات و الحمر
و بعدين تسلموا دارفور نضيفة لسيدك البشير يا (مهمش)

[ابو السمح]

#1221276 [محمد طيب]
0.00/5 (0 صوت)

03-06-2015 04:40 AM
للناس البتشجعو فى حميرتى ... وهب انو نها كل الحركات ... فاكرنو حياخد معاش يا غافلين ... حيضع يدو مع هلال ويجينا فى الخرطوم دى ماذا انتم فاعلون حينها ... وناس الغرب فهمو وشغاليين باستراتيجية....نهايتها سيف فى عنق الحكومة .... والافضل لنا الف مرة اتفاق الحكومة مع المعارضة السلمية والمسلحة... من انتصار حميدتى عليهم لانها حينها لن يكن بينه وبين الخرطوم حاجز...اللهم انى بلغت فاشهد...

[محمد طيب]

#1221234 [Jamal Logma]
0.00/5 (0 صوت)

03-05-2015 11:27 PM
زمانك يا مهازل غني وافرحي تربا
حليلك يا السودانا.
مرتزخه وماجورين يتحدثون في اعلام بدون خجل لملاحقه السودانين داخل بطنهم ،
.لابد من النصر ولو طال بنا الظلام.
انها الثوره حتي النصر . كل القوة الخرطوم جوااااااا

[Jamal Logma]

#1221231 [الأزهري]
0.00/5 (0 صوت)

03-05-2015 11:25 PM
والله عاد حميدتي كمان اتعلم يتعاطى السياسة كان يبقى أحسن من نافع. ياخ خليك في البلف والمجمجة ونهب الموبايلات واغتصاب المهمشات مالك ومال كضب السياسة والحرب النفسية دي - القال ليك منو ناس مناوي ومحمد نور انتهوا ولا بلفهم عندك انت كمان- صحيح ما في غيرك يقول الكلام دا ما سمعنا ناس الجيش ولا الصوارمي وحتى اللمبي بقولوا كلام زي دا. أها تعال جهات كادقلي انتهي من ديل كمان

[الأزهري]

#1221055 [أقلام رصاص]
2.00/5 (1 صوت)

03-05-2015 06:05 PM
كذاااااب بتاع الدعم السريع دا.لانو في حركة جديدة مسلحة أفرادها أكثر من كل الحركات الأخرى. وهي حركة موسى هلال المسلحة

[أقلام رصاص]

#1221020 [ali]
0.00/5 (0 صوت)

03-05-2015 05:06 PM
انت و اسيادك ستذهبون فى القريب ان شاء الله ايها المجرم لاهله وجيرانه.انت و جلابه لا يجمعكم شئ غير انهم ساده وانت عبد؛ اما الابطال الشرفاء سينتصرون باذن الله.المجرون امثالك سيموتون اما قضية الشعوب لاتموت ايها الخائن.

[ali]

ردود على ali
European Union [مكسر فى] 03-05-2015 08:00 PM
اي ابطال انا لا انتمي الي اي حزب لكن كلامك غير واقعي اصحي من نومك وعن اي قضية تتحدث رجاء اشرح لنا


#1221019 [عادل السناري]
0.00/5 (0 صوت)

03-05-2015 05:05 PM
الكل يعلم تماما ان الجنجويد ( الدعم السريع ) لم تقاتل الحركات المسلحة في يوم من الايام و كانت تتحاشى اماكن تواجدهم --- و لكنها تهاجم المدنيين العزل و تحرق قراهم ( حرق 3450 قرية في عاميين احصاءات اللامم المتحدة ) و تم نهب كل المواشي و الممتلكات الخاصة بالمواطنيين من الاثنيات المستهدفة و بمباركة من حكومة البشير التي قامت بتصدير جزء كبير من المواشي المنهوبة ---
هذا العار تم لرتكابه امام القوات المسلحة السودانية -- و التاريخ سيسجل لها صفحات سوداء من التخاذل و الانكسار امام عصابات الجنجويد لانها كانت شاهد عيان علي كل الجرائم الابادة و جرائم الحرب التي ارتكبت ضد مواطنيين سودانيين عزل و لم تحرك ساكنا --- حتى تحدى علنا قائد عصابات الجنجويد ( حميدتي )و قال بالحرف الواحد ( الحكومة لما تعمل جيش تكلمنا )--- هذه الاهانة و الازدراء و التحقير مر مرور الكرام و بضوء اخضر من حكومة الانقاذ -- لانها لا ترغب في ان يكون للسودان جيش محترم --- و هل فهمتم الدرس يا ناس الجيش الفضل ؟

[عادل السناري]

#1221010 [Durang]
0.00/5 (0 صوت)

03-05-2015 04:30 PM
حميرتي ما جيتنا جبال النوبة ووليت مدبراً تاركاً وراءك كمية من القتلي تقول التمرد انتهي المرة دي جايينكم في الخرطوم يا حثالة يا ابناء الشوارع والفاقد التربوي كمان عاوز تصرح امشي يا ابوعفين

[Durang]

#1220992 [ابو عمر]
0.00/5 (0 صوت)

03-05-2015 03:42 PM
حسم امني بتاع ×××× اول امبارح القريب ده ما شالو عربية المفوض جمال يوسف

[ابو عمر]

#1220977 [ابراهيم]
5.00/5 (2 صوت)

03-05-2015 03:04 PM
يخس عليك عليك الله ما بتخجل

لواء فى الجيش السودانى و تقول
قوات الدعم السريع حسمت التمرد

قوات الدعم السريع يا ملكى يا دلقون يارمة

و الله انت رمة و رتبة لواء دى ما بتستاهل شريط منها
الله لا جاب باقيككم ياخ

ياخ انتو بتجيبو حبوب منع الخجل دى من وين


يا حليل العسكرية
الله يرحم الجيش السودانى

[ابراهيم]

ردود على ابراهيم
[ابو المر] 03-05-2015 04:37 PM
انت ياابراهيم اخوى ناس حميدتى ديل من فرنسا ولا سودانيين : مالك مقوم نفسك كدا مايحسموا التمرد ويعنى شنو لو قاتلوا مع القوات المسلحة ما الدفاع الشعبى بقاتل مع القوات المسلحة من سنة 1993 . فى زول قال للجيش يخسى عليكم وجيبوا حبوب خجل . قوات الدعم السريع من صلب الشعب السودانى


#1220960 [مبارك]
0.00/5 (0 صوت)

03-05-2015 02:45 PM
حميدتى .. سبحان الله من هو هذا الدعى نحن ضد قتل وتشريد اﻻبرياء ولكن ان يتمشدق هذا النكرة بلسان القوات النظامية فهذا دليل على خوارها وهوانها ولم تهن القوات المسلحة السودانية طيلة عمرها إﻻ فى هذا الزمن العحيب حسبنا الله

[مبارك]

#1220913 [wweww]
0.00/5 (0 صوت)

03-05-2015 01:12 PM
انت واهم ياحميرتي.

[wweww]

#1220898 [كونج اوري بدنق]
0.00/5 (0 صوت)

03-05-2015 12:40 PM
عملتو شنو في جبال النوبة . عردتو ليه ما كان برضو تطبقوا فيهم نفس النظريات .

[كونج اوري بدنق]

#1220888 [حسن جوكر]
2.75/5 (3 صوت)

03-05-2015 12:28 PM
ربنا ينصركم علي المرتزقة وقطاعي الطرق والنهب والسلب

[حسن جوكر]

#1220872 [الناهة]
0.00/5 (0 صوت)

03-05-2015 12:06 PM
القذافي انتهى
وبقي حفتر
مني اركو وعبدالواحد انتهوا
وبقي ما تبقى من العدل والمساواة
ونبتت من تحت الارض مجلس الصحوة
مرسي انتهي
وجاء السيسي
الا يعي هؤلاء
دخلت نملة وخرجت ودخلت نملة
هل هكذا تساس الشعوب والدول
قبلكم كان اشطر منكم بالف مليون مرة
ماذا لو اكتشف الشعب مؤخرا انو الجماعة ديل (بو )ساكت

[الناهة]

#1220840 [زول]
0.00/5 (0 صوت)

03-05-2015 11:43 AM
ربو في الكلاب لحدي ما تجي وتعضعض فيكم يا وسخانين يا معفنين

[زول]

ردود على زول
United States [جرتلى] 03-05-2015 08:15 PM
انت جيت من الاخر


#1220810 [المكشر]
4.00/5 (2 صوت)

03-05-2015 11:22 AM
العدل والسماواة كمان طبقوا فيهم نفس النظرية ولقطوهم حبة حبة ولحد اخر خروف والمساكين رجعوهم للنشل فى مواقف البصات

[المكشر]

ردود على المكشر
[الجنجويد] 03-05-2015 12:59 PM
هههههههههههههههههههههههههههههههههههههههههههههههههههههههههههههههه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة