الأخبار
أخبار إقليمية
فاطمة عبد المحمود : لن اضع اساور الجنائية في يد البشير
فاطمة عبد المحمود : لن اضع اساور الجنائية في يد البشير
فاطمة عبد المحمود : لن اضع اساور الجنائية في يد البشير


النيل الساجد : لن ننتخب البشير وسنصوّت للسودان
03-08-2015 11:59 PM
الراكوبة – الخرطوم على نحو يؤكد ان الانتخابات التي تجري حاليا، ما هي الا لعبة مكشوفة يسعى من خلالها حزب البشير الى شراء شرعية زائفة، تعهدت البروفيسور "فاطمة عبد المحمود" مرشحة الاتحاد الاشتراكي السوداني المحسوب على نظام مايو، بعدم تسليم البشير الى المحكمة الجنائية، اذا فازت في الانتخابات المقبلة.

وكانت "فاطمة عبد المحمود" قد التقت وفدا من طلاب حزب البشير بمنزلها بالخرطوم، بقيادة رئيس الاتحاد "النيّل الفاضل" الذي سبق ان رمى نفسه ساجدا امام عربة الرئيس البشير بمطار الخرطوم، عقب عودة البشير من رحلة استشفاء خارجية.

وقالت "فاطمة عبد المحمود" ان المحكمة الجنائية الدولية لا تتمتع بالحيادية وانها سيف مسلط على رقاب القادة الافارقة دونا عن رصفائهم في الدول الاخرى، مشيرة الى ان السودانيين قادرين على حلحلة ازماتهم دون الحاجة الى تسليم البشير الى الجنائية.

وسخرت "عبد المحمود" من المحكمة الجنائية وقالت انها تكيل باكثر من مكيال، وقالت لماذا لا تقوم المحكمة الجنائية بالتحقيق في جرائم الحرب والجرائم ضد الانسانية التي تحدث خارج قارة افريقيا.

وفي الاثناء اكد رئيس طلاب حزب البشير"النيّل الفاضل" انهم لن ينتخبوا مرشحا محددا، او مرشحا بعينه، وان مرشحهم سيكون السودان".


تعليقات 26 | إهداء 0 | زيارات 6176

التعليقات
#1224227 [الفكي]
0.00/5 (0 صوت)

03-10-2015 10:34 AM
اخديه بالاحضان احسن

[الفكي]

#1223937 [ود النيل تمساح]
0.00/5 (0 صوت)

03-09-2015 11:02 PM
انا ماعارف لكن بحاول اقول لكل الاخوه المعلقين بعد ازنكم
حبوبه دي خلاص الباقي ليها كم يوم وحتموت
فكرت بس فكره غزره جدا انها لمن تموت عايزه ليها موكب وهيلمانه ودي مابتلقاها والا تتملق للعصابه الحاكمه
عشان كده اسمحوا لي وانا متبرع اني اجمع ليها قريشات من هسه لحدي يومها يجي وبلم ليها كل الوطنيين ونعمل ليها
موكب الشرفاء بس في حد يساعدني يوصل ليها الكلام ده
انا جااااااد ياشباب .

[ود النيل تمساح]

#1223776 [طمبل حارن]
0.00/5 (0 صوت)

03-09-2015 05:27 PM
لهذه الدرجة تؤيدين عمر البشير . ألا تحسين بالخجل وأنت تتلفظي بهذه الكلمات النابئة في حق الشعب السوداني. فجأة تغيرت افكارك الشيوعية والتي كانت تعادي شيطان السودان الكبير الترابي وكل التنظيمات السودانية.
هكذا يفكر البروفسورات في السودان .

[طمبل حارن]

#1223759 [علوية أحمد الفكي]
0.00/5 (0 صوت)

03-09-2015 05:11 PM
قالت ما حتخت "أساور الجنائية" في يدين البشير يمكن حتختها ليهو في مؤخرتو؟ زي ما عملوا للمرحوم القذافي؟؟

[علوية أحمد الفكي]

#1223734 [Ema]
0.00/5 (0 صوت)

03-09-2015 04:17 PM
تنكرت لى نميرى بعد الانتفاضة جرت ورى ناس المهدى قابلتها فى بيت شريف التهامى وهى تنتقد فى النميرى نست انو ضارى على سرقتا وحراميتا
ناس انتهائه شافت السرقة بقت على عينك يا تاجر وبالمليارات قالت أحسن تتلهف ليها شى اكيد قروش مايو كملت
كرار فى مدنى كراع فى الخرطوم دى ما هى دى التانية ديك

[Ema]

#1223726 [بهاء الدين]
1.00/5 (1 صوت)

03-09-2015 04:01 PM
ياناس المسامح كريم مالو لو قالت الكلام ده ؟؟ هي اذا فازت نحن تاني الشير مابهمنا وبدل ماتقولو الكلام ده شوفو اقتراحات لتنمية البلد والوقوف معها وبعدين نميري كان يمشي في الشارع بعد ما انقلبوا عليه ومافي واحد كان بيسالو لان الناس ماعاوزة تضيع زمن معاهو ونحن نؤيدها في هذا الكلام واذا كان عندنا وقت فالمشاكل اكبر من ان نضيع وقت في حاجة راحت ومانرجع للوراء تاني

[بهاء الدين]

ردود على بهاء الدين
United States [كاتم السر] 03-09-2015 05:35 PM
باللللللللللللللللللللللللللللللللللللله؟؟؟ عشم ابليس في الجنة


#1223645 [ahmed suliaman]
0.00/5 (0 صوت)

03-09-2015 02:31 PM
اكان كده سقطي يابت عبد المحمود.

[ahmed suliaman]

#1223561 [الناهة]
1.00/5 (1 صوت)

03-09-2015 01:04 PM
اؤيد الدكتورة فاطمة عبدالمحمود فلن نضع اساور المحكمة الجنائية في ايدي البشير لماذا؟
لانه لو وضعنا اساور المحكمة الجنائية في يده سيحاكم على جرائم دارفور فقط لاغيرها
لذلك فان الانسب ان تضع الدكتورة اساور العدالة السودانية على ايدي البشير حتى تكون المحاكمة على كل الجرائم ويتمكن الشعب السوداني من توجيه اتهاماته واسترداد امواله كما ان اولياء دم شهداء سبتمبر يتوقون شوقا لمعرفة قتلة ابنئهم الذين قتلوهم بدم بارد ويتطلعون للقصاص و

بالتاي لو ارادت المحكمة الجنائية ان ترسل من يمثلها في المحاكمات فالعدالة هي ضالة السودانيين فلا مانع من ذلك ولكن ان تستاثر المحكمة الجنائية بوضع اساورها على ايدي البشير لوحدها فهذا فيه قمط لحقوق الكثيرين واسقاط لحقوقهم
قطعا هذا ما تعنيه الدكتورة فاطمة عبدالمحمود لانها لاتملك حماية اي من كان في وجه العدالة وهي دكتورة وتدرك الواجب والمستحيل
هذا من اجل التوضيح حتى لا يحسب التصريح في غير هدفه ومعناه فالدكتورة لا تستطيع ان تحول بين اي شخص كائن من كان والعدالة والعدل اساس الملك

[الناهة]

ردود على الناهة
[ابولاكومة] 03-10-2015 07:59 AM
صدق إبن خلدون ولكن - أي ملك ؟؟

كل واحد يتحدث عن الملك من ابوهاشم لحدي أبوالقاسم - والسوان ليس السعودية ولا الأردن - بل يملكه كل الشعب السوداني بالتساوي - (رفعت الأقلام وجفت الصحف) - واستعمال مقولة إبن خلدون هذه - رغم صدقيتها - تغري البعض بالملك كأنما السودان كان ضيعة لأحدهم مما يوجب علينا التخلص من مثل هذه المفاهيم مما يوجب يجب أن نتوقف عن استخدامها في السودان لأن ذلك يشجع امثال ابو هاشم وأحفاد المهدي وولض البشير على احلام يقظتهم ومنامهم بملك السودان في يوم من الايام - (رفعت الأقلام وجفت الصحف).

كل ما نخلص من واحد يتعكلت فينا واحد؟!؟!

European Union [سودانى شديد] 03-10-2015 02:00 AM
رغم فكرتك الرائعة و بصيرتك الثاقبة فيما يتعلق بمحاكمة عمر البشير داخل السودان و محاسبته هو و جماعته على كل جرائمهم، إلا أنى لا أعتقد أن السيدة فاطمة عبد المحمود تقصد ذلك للأسباب التالية:
أولا: جلوس هذا الشئ المسمى بالنيل بجانبها و هو شيئا فريا لم يحدث و لن يحدث فى مكان آخر
ثانيا: الإتفاق التام من كل السودانيين على هزلية إنتخابات الإنقاذ الموسمية
ثالثا: مداومة السيدة فاطمة عبد المحمود على المشاركة فى كل إنتخابات و هى لا تملك ثقلا سياسيا قد مسح تاريخها السياسى و الذى هو أصلا مثير للشكوك

عفوا عزيزتى .. يؤسفنى القول بأننا لا نملك (حاليا) كيانات سياسية حقيقية بل مجموعات من جيل معين تربت تربية فاسدة جدا فأعطت لنا هذا التشويه الكبير.


#1223541 [young.sudanese.party]
1.00/5 (1 صوت)

03-09-2015 12:42 PM
بروفيسور؟؟ عايز اعرف البروفيه ده شالتها فى شنو. لأنك عارفة ما بتفوزى بطلى تكسير تلج.. وأنتم يا الراكوبه شنو حزب طلاب البشير؟ هو أي واحد بقيف مع الحق بتنسبوه انه تابع البشير؟
البشير رئيسنا و ما حنسلمه للجنائيه سواء فاز أو خسر و البفكر انه حيخسر بقول ليه "الحس... ".. معارضة مرض و خسيسه

[young.sudanese.party]

#1223364 [انين الصمت]
0.00/5 (0 صوت)

03-09-2015 10:10 AM
اولا يا دكتور ما اسمها اساور السوار تلبسة النساء للزينة انما يسمي قيود اعتقال ما يعرف بالكلبشات .........خلاص من ما قلتي اساور وما بسلمو للجنائية وماعارف شنو؟؟؟انت من ضمن ممثلي المسرحية الهزلية التي تسمي انتخابات...حرااااااااااااام تختمي اااااخر ايامك بالضلال والوقوف مع الباطل وتصبحي جزء من المنظومة المدمرة للوطن حرااااااااااااام اتقي اللهواحفظي مكانك

[انين الصمت]

ردود على انين الصمت
[ود البلد] 03-09-2015 10:52 AM
فاطمة عبد المحمود متين كان عندها ايام ,, وماغريبة على امثال هؤلاء اذيال الديكتاتورية ,, مجرد ممثلة عجوز ,, ماعندها نسخة من مفاتيح الجنة ؟


#1223358 [كوكاب]
5.00/5 (4 صوت)

03-09-2015 10:03 AM
فاطمة عبد المحمود مثال حي للسياسي السوداني الانتهازي المنحط الذي يلعق احذية العسكر والذي يعلف من فتات ما تجود به موائد المجرمين. تاريخك كل زيف اول امراة واول امراة فعلت وتركت وتولت ودرست وووووووووو. ليس بغريب هذ الكلام على العجوز الشمطاء لانها رضعت من ثدي الديكتاتورية ولانها ارتوت من دماء شهداء الانصار في الجزيرة ابا وود نوباوي ومذبحة قصر الضيافة. ذاكرتنا حية ومتقدة لن ننسى لكم مشاركتكم للعساكر والديكتاتوريين الذين اذلو الشعب السوداني وما يزالون. ماذا تقولين لضحايا الاغتصاب في دارفور والنيل الازرق وجبال النوبة وفي الخرطوم؟ ماذا تقولين لاسر شهداء سبتمبر الذيت روت دمائهم الطاهرة تراب الخرطوم وامدرمان وبحري؟ كان ممكن تكوني انسانة محترمة لو قلتي ان من اولوياتي الاقتصاص لضحايا الاغتصاب والابادة الجماعية وشهداء سبتمبر وتسليم البشير وزمرته للمحكمة الجنائية الدولية لكن للاسف انتي والبشير سواء.بالله الم تشعري بالخجل من من الجلوس بجانب هذا التيس النتن الذي سجد للبشير؟ يخسي عليكي وعلى تعيمك وعلى كل تاريخك.

[كوكاب]

ردود على كوكاب
European Union [sasa] 03-09-2015 12:20 PM
باركك الله اخى كوكاب فقد اثلجت صدرى


#1223357 [ﺗﻤﺨﻀﺖ ﻓﺎ]
0.00/5 (0 صوت)

03-09-2015 10:03 AM
ﺗﺴﻠﻴﻤﻚ ﺍﻟﺒﺸﻴﺮ ﺍﻭ ﻋﺪﻣﻮ ﺩﻱ ﺣﺎﺟﺔ ﺗﺨﺼﻚ .. ﻛﺎﻥ ﺻﻮﺗﻲ ﻣﺪﺧﺮ ﻟﻴﻜﻲ ﺑﺪﻝ ﺍﻟﺒﺸﻴﺮ.. ﻟﻜﻦ ﺍﻻﻥ ﺷﺎﻳﻒ ﻧﻔﺴﻲ ﻛﻨﺖ ﺣﺎﺩﻱ ﺻﻮﺕ ﻟﻲ ﺯﻭﻝ ﻣﺎ ﺑﻴﻌﺮﻑ ﺍﻟﻌﻤﻠﺘﻮ ﺍﻟﺠﻨﺎﺋﻴﺔ ﺧﺎﺭﺝ ﺍﻓﺮﻳﻘﻴﺎ.. ﻭﻳﺰﺭ ﻭﺍﺯﺭﺓ ﻭﺯﺭ ﺍﺧﺮﻯ.. ﻳﻌﻨﻲ ﻋﺸﺎﻥ ﻓﻲ ﻣﺠﺮﻣﻴﻦ ﺧﺎﺭﺝ ﺍﻓﺮﻳﻘﻴﺎ ﻻﺯﻡ ﻳﻜﻮﻥ ﻓﻲ ﻣﺠﺮﻣﻴﻦ ﺩﺍﺧﻞ ﺍﻓﺮﻳﻘﻴﺎ؟؟؟ ﻳﺎ ﻟﺒﺆﺱ ﺍﻟﻤﻨﻄﻖ ﻣﻨﻄﻖ ﻳﺎ ﺟﻨﺎﺑﻮ ﺩﺓ ﻛﻤﺎﻥ ﻣﻌﺎﻧﺎ .. ﻭﻣﻨﻄﻖ ﻣﺎ ﻛﻞ ﺍﻟﻨﺎﺱ ﻋﻤﻠﺖ ﻛﺪﺓ ﺑﻘﺖ ﻋﻠﻲ ﺍﻧﺎ ﺑﺲ؟؟؟ ﺍﺩﺧﺮ ﺻﻮﺗﻲ ﺍﻭ ﺍﻧﻀﻢ ﺍﻟﻲ ﺍﺭﺍﺫﻝ ﺍﻟﻘﻮﻡ...

[ﺗﻤﺨﻀﺖ ﻓﺎ]

ردود على ﺗﻤﺨﻀﺖ ﻓﺎ
[ابولاكومة] 03-10-2015 08:22 AM
وإنتي أصلو دخلك شنو في الموضوع ؟؟ إنتي بوليس شايل كلبشات- وبعدين هو لو سقط وفزتي إنتي - وده أول االمستحيلات - هو حينتظرك عشان تسلميهو وللا تلبسيهو أساور ولا جرتق؟؟ والله جنس سذاجةوعوارة- وعايزة ترأسينا؟!؟! ما نخلص من عكليت تظهر لينا عكليتة؟؟ الله يرحمك يا د/سعيد محمد احمد المهدي - يا ما وراك حصلت مصايب غير الإنت حضرتها!! وبالمناسبة الباروكة تاني دور قصقصوها والآن تستعمل مقشاشة.


#1223351 [قبضت الريح]
2.00/5 (1 صوت)

03-09-2015 09:59 AM
هذه الحرفانه عارفه نفسها هي الطيش زي المره الفاتت بس تكون اخدت حقها وترشحت عشان تدي زخم للانتخابات والتي ستجري بالقوه يعني اجباريه وبعدين يقولو الشعب جابنا يعني شرعيه زائفه لان معظم الشعب السوداني مقاطع لهذه المهزله ولايهمه ذلك لان النتيجه معروفه وستعود نفس الوجوه البائسه

[قبضت الريح]

#1223346 [الأزهري]
0.00/5 (0 صوت)

03-09-2015 09:53 AM
طيب وكتين ما بتضعي (أساور) الجنائية في ايديه ما تخليه اليفوز بالرئاسة ويستمر رئيس إلى أن ينقضي أجله منافساهو على الرئاسة ليه - هو فهمو كدة ما بثق في أيتها واحدة وأن الشئء الوحيد البنجيهو هو بقاؤه رئيس ولو على جمهورية السليت

[الأزهري]

#1223341 [Awad]
0.00/5 (0 صوت)

03-09-2015 09:49 AM
أختى الكريمة/ الدكتورة فاطمة عبد المحمود دعينى أختلف معك فى حكاية (أنك لن تضعى الأساور فى يد عمر البشير) لأن المسألة تكون مسألة شخصية فقط منك وهذا ليس حقا لمرشح أصبح رئيس لدولة فبالتالى الحق هو حق الضحايا الذين تطالب أرواحهم بالقصاص من قاتلهم الحق أختى فاطمة حق الملايين الذين أزهقت أرواحهم وحق شعب كامل ضاق الويلات من عمر البشير وزبانيته.لا يادكتورة أن كنتى تنوين فعل هذا الشىء فأنجى بنفسك من غضب الملايين ومن الأفضل أن لا تلوثى سمعتك بأنتخابات بطلها مجرم حرب وسفاك دماء وناشر للفساد.يادكتورة أنا أكثر الناس معرفة بخلقك الكريم وبرجاحة عقلك وتمسكك بعفتك وكل تلك المعرفة كانت عن قرب وأنتى أدرى بذلك فلا تلوثى تاريخك الناصع بالدخول فى معقل الذئاب ولا التنافس معهم فالغدر شيمتهم والخيانة ديدنهم والخبث زادهم.

[Awad]

ردود على Awad
European Union [الأزهري] 03-09-2015 02:26 PM
عشان تعرف يا عوض فهم المخلوقات دي لمنصب رئاسة الجمهورية - إذا بقيت رئيس سأفعل وسأفعل وآخر شخصنة للبرنامج - رئيس الجمهورية هو الآمر الناهي وبقية مؤسسات الحكم للديكور والبصم لا مؤسسات محلية ولا ولائية ولا مركزية تقرر السياسات وكأنهم سيأتون لرئاسة الجمهورية بنظام الحزب الواحد الأوحد كالاتحاد الاشتراكي أو المؤتمر البطني - إنهم لا يمارسون الديمقراطية بأي فهم ديمقراطي إنهم يعتبرونها فقط وسيلة للوصول لكرسي الحكم ويجهلون استحقاقاتها تماماً؟ من قال لك إذا بقيتي رئيس جمهورية تقدري ترفضي أو تمنعي تسليم المجرمين الدوليين للعدالة الدولية ليس بمنظور ضغط المجتمع الدولي ولكن بقرار مؤسسات الحكم الديمقراطي الوطني التي ستؤسس لنظام الحكم الذي تكونين على رأسه كشكلية من شكليات الديمقراطية ورموزها ليس إلا.


#1223308 [خاطره]
5.00/5 (1 صوت)

03-09-2015 09:17 AM
خلاص يا فاطنه قومي اشربي الشاي .شكلك كنت بتهلوسي الليل كله .

[خاطره]

#1223297 [عفارم شعبا مسالم]
5.00/5 (1 صوت)

03-09-2015 09:09 AM
ياخ انت مقرف يا النيل الفاضل و فاطمه دي عجوز شمطاء طاير ليها

[عفارم شعبا مسالم]

#1223283 [أبوقرجة]
0.00/5 (0 صوت)

03-09-2015 08:58 AM
ما بستغرب كلام زي دا من واحده زي فاطمه عبدالمحمود... هي تربت وعاشت في وسط نظام دكتاتوري حكم السودان السودان ستة عشر عاماً 1969 إلى أبريل 1985 .. ونكل بالشعب وكان له جهاز أمن أزل الشعب وأذاقه الويل ..... الاتحاد الاشتراكي دا الشعب السوداني في أنتفاضة مارس أبريل 1985 الشعب انتهى منه ورماه في مزبلة التاريخ ... جو الزبالة الهسه ديل أعادوه لأنهم زباله زي بعض...


فاطمه عبدالمحمود أتذكرك في مؤتمر الاتحاد الاشتراكي الأخير .. والذي تم ترشيح نميري فيه لولاية ثالثة .... تتذكر أول ما النميري رشحوه باسم الاتحاد الاشتراكي هو طبعاً كان الوحيد .. وعزفت أغنية تقول (خطوه عديله يا جعفر على الأعداء ا لله أكبر ) تتذكري لما قمتي ورقصتي فيها .. والله لليوم أتذكرك لابسه توب لونه أبيض ..

[أبوقرجة]

#1223211 [ali murtey]
4.50/5 (2 صوت)

03-09-2015 07:45 AM
ايام زمان انا يوم فى مدنى يوم فى الخرطوم يا بخت ناس الحصاحيصا

[ali murtey]

ردود على ali murtey
European Union [ملتوف يزيل الكيزان] 03-09-2015 03:20 PM
فاضل ليها : ان تشتري تيسا و عنزا.........

[كرم الله زعوط] 03-09-2015 01:11 PM
الصحيح انا كراع في مدني وكراع في الخرطوم وليس يوم

[أبوقرجة] 03-09-2015 08:53 AM
لسع متذكرها هههههههههههههه

[عبدو] 03-09-2015 08:31 AM
اموت انا في الكاملين


#1223210 [dodo]
0.00/5 (0 صوت)

03-09-2015 07:43 AM
اتقي الله ياحبوبة فاطمة انا بقول ليك حبوبة ماستخفاف انت فعلا في عمر حبوبتي .. الجنائية البحل منها البشير عفو الضحايا الضحايا هم الذين يعفو او يرضو بالقصاص .. نصيحة مني لك بعد هذا العمر شوفي مصلايتك وصلاتك شوفي كلام آخرتك ...

[dodo]

#1223208 [أسامة عبدالرحيم]
5.00/5 (1 صوت)

03-09-2015 07:41 AM
أقسم بالله العظيم لو أن النيل الفاضل قد رمي نفسه ساجداً أمام البشير (كما تقولون) لطرده البشير من إتحاد الطلاب ومن الحزب أيضاً. مالكم كيف تحكمون؟ البشير رجل متواضع وبسيط ولا يوجد أحد يتعامل معه كملك أو أمبراطور.

من شدة بساطة وتواضع البشير أنه يقود سيارته بنفسه ويتجول في الشوارع لوحده وسط المواطنين.

https://www.youtube.com/watch?v=7sJ9Yw44j5k

[أسامة عبدالرحيم]

ردود على أسامة عبدالرحيم
European Union [khalid] 03-09-2015 01:39 PM
الاخ اسامه

امانه فى ذمتك اسه عمر البشير دا ماشى ويتجول لوحده وسط المواطنين (الحوله دىل كلهم ناس الحكومه حتى الماشين وشايلين اكياس)

والله يا ريت اقابل عمر البشير وجهه لوجهه

[امير] 03-09-2015 12:43 PM
أنت أعمى وأصم حتما

[انين الصمت] 03-09-2015 10:13 AM
اتكلمي ساي ما تحلفي يا جدادة

[EzzSudan] 03-09-2015 09:04 AM
YOU'RE JUST A HYPOCRITE.

[الــســيــف الــبــتــار] 03-09-2015 08:40 AM
غشامه ما زال ينجر وراء الضلال و ينفى ما تناقلته القنوات الفضائيه و يعتقد أن القشير رجل متواضع و يتجول بسيارته دون حرس فى العاصمه ؟
السيارة التى يتجول بيها البعير من أملاك الدولة و لم يخرج من داره الا بعد أن ضاقت عليه و عمت المظاهرات ربوع الوطن من أجل اسقاط النظام و راح ضحيتها خيرة شباب السودان مقدمين الغالى و النفيس من أجل الحرية و لكن غدر بهم النيل و كتائبه من الشواطين و بتوجيهات من رئيسك المفلس و المتجبر المتكبر فرعون زمانه ؟
اصحا يا لنفسك و ضع الوطن فى حدقات العيون لترى المأسى و المعاناة التى يعيشها المواطنون ويكفينا الذى نحن فيه من أنهيار اقتصادى و تردى فى الخدمات و تشريد للخبرات و انعدام الغذاء و الدواء و انتشار الامراض المزمنه و بشيرك يا غشيم يا ضال يتنقل من ولاية الى محليه مستعرضا عضلاته و مهاراته و قدراته لانتشال الوطن و المواطن من الجب الذى حملنا اليه مكرهين ؟؟؟؟
اما الجنائيه والوعود للمرشحه البروف فاطمه ؟
هذا خيار الشعب و مطلب من مطالبه المشروعه بتقديم اخوان الشواطين الى محاكمات عادله ونزيهه و شفافه من أجل القصاص لكل من ارتكب جرم فى حق هذا الوطن و المواطن ؟؟؟؟


#1223202 [saad mohd]
0.00/5 (0 صوت)

03-09-2015 07:35 AM
فاطمة عبد المحمود دي هبلة أساساً ولا بتستهبل؟!

[saad mohd]

ردود على saad mohd
European Union [abuleila] 03-09-2015 09:46 AM
بتستهبل....


#1223189 [الشفت]
0.00/5 (0 صوت)

03-09-2015 07:10 AM
ياجماعة المرا دي خرفانه ساااااااااااااااااااااي

[الشفت]

#1223166 [Almisahira fi izallail]
0.00/5 (0 صوت)

03-09-2015 06:18 AM
*بدل اللف والدوران دا يا فاطنة يختى نقترح عليك انك تتنازلى عن الترشيح دا وتطلبى من مؤيدينك يدّو اصواتهم للبشير وتفضيها السيره كل يوم هاوسانا بالكلام!
* موش سوار الدهب وزير دفاع مايو الظافره شغال دعايه للبشير! أتيّب!
* النيّل .. يا ولدى شنو اللف والدوران انت كمان!
*هوّا بالله السودان اتاريهو مترشح والناس ما عارفه!
*انت بتقرا فى ياتو مدرسه؟
* و طلاّب السودان منو فيهم الانتخبك رئيس لأتحادهم؟
*هل كنت متوضىء لما سجدت؟ وباى نية كان سجودك؟

[Almisahira fi izallail]

#1223157 [الدرب الطويل]
0.00/5 (0 صوت)

03-09-2015 05:46 AM
أيها الشعب السوداني.. كل يوم وأنتم ترزلون.. وتصبحون على وطن جريح..

[الدرب الطويل]

#1223154 [شاهد اثبات]
0.00/5 (0 صوت)

03-09-2015 05:38 AM
هذا العبث السياسي سيقود الى انهيار السودان قبل الانتخابات "الكوسة" ...وبعد داك ام كواكية حتجي المركز واليتفرج ما يشتريش ...وسيكون الرحلةالى لاهاي ترف يتمناه البشير والانقاذيين...
من الافضل ان نتواضع ونتعامل بمسؤلية والتزام حقيقي بي نيفاشا ودستور 2005 وعدم دستورية ترشيح البشير لولاية ثالثة وفقا لمادة 57 وينسحب كل مرشحين الوطني ...ويقعدوا في دكة الاحتياط موسمين 10 سنة نخلي الناس ترتاح من وجوهنا الشائهة دي شوية كما فعلت الاحزب الشيوعية بعد سقوط جدار برلين مباشرتا وكما يخطط الترابي باعادة تدوير الاخوان المسلمين ديموقرطيا او بمعنى ادق الحركة الاسلامية السودانية ...بعد 50 عاما من ادمان الفشل 1964-2015

[شاهد اثبات]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة