الأخبار
أخبار إقليمية
أسرة المهدي: نفخر بإنتماء «أوباما» لنا
أسرة المهدي: نفخر بإنتماء «أوباما» لنا
 أسرة المهدي: نفخر بإنتماء «أوباما» لنا


03-10-2015 05:30 PM
اخر لحظة - الخرطوم: ناهد :

قالت أسرة المهدي إنها لا تستبعد وجود صلة قرابة بينها والرئيس الأمريكي باراك أوباما، واستدلت بأن السودان بلد متعدد الأجناس، واعتبرت ذلك ميزة فريدة، ووعدت بالتحقق من ما أوردته «آخر لحظة» بشأن انتساب أوباما للأسرة عبر أسرة الرئيس الأمريكي ومعارفه.ووصف الإمام أحمد المهدي في تصريح لـ«آخر لحظة»أمس، أن الأمر واجب ويستحق كل التقدير والاحترام. وقال : « نحن اصحاب دعوة ونرحب بكل من يريد الانتساب إلينا « وزاد «سنتابع الموضوع حتى نتحقق من الأمر ونتوصل للحقائق اللازمة». وكان المؤرخ والباحث أحمد إبراهيم دياب أبلغ آخر لحظة عن إنتماء أوباما لأسرتي المهدي وعلي دينار. في يلي نص بيان

إن المعلومات التي وردت بصحيفة آخر لحظة بتاريخ 8/3/5102م بشأن انتساب أسرة الرئيس أوباما بآل المهدي جديدة علينا ولم نسمع بها من قبل، ومعلوم أن السودان بلد متعدد الأجناس وهذه ميزة فريدة لهذا الوطن الكبير، ولا نستبعد مسيرة أسرة سودانية وفقاً لما جاءت به بحوث الأستاذ الكبير أحمد إبراهيم دياب. وسوف نسعى للتحقق من ذلك الأمر عن طريق أسرة الرئيس أوباما ومعارفه، لأن الأمر واجب ويستحق كل التقدير والاهتمام. ونحن أصحاب دعوة، ولذا نرحب بكل من يريد الانتساب إلينا، ومن مقاصد ديننا الحنيف جمع شمل بني الإنسان قاطبه تحت مظلة كتاب الله وسنة رسوله صلى الله عليه وسلم، وقديماً قال الإمام المهدي عليه السلام «آل بيتي كسفينة نوح وكل من هو عامل بالكتاب والسنة فهو من آل بيتي». والخلق كلهم عيال الله وأبوهم آدم وأمهم حواء عليهما السلام. بهذا المفهوم، إننا نستقبل ما نشرته جريدة آخر لحظة تحت عنوان «أوباما ينتمي لعائلة المهدي وعلي دينار». وسوف نتابع هذا الموضوع حتى نتوصل للحقائق اللازمة بإذن الله تعالى، كيما يقف على الحقيقة أهلنا وذوونا ومواطنونا.

والسلام عليكم ورحمة الله وبركاته

الإمام أحمد عبد الرحمن المهدي

image


تعليقات 78 | إهداء 0 | زيارات 17981

صفحة 1 من 212>
التعليقات
#1226498 [Sudani]
0.00/5 (0 صوت)

03-13-2015 06:05 PM
البنقو جارى التفعيل.......الرجاء الانتظار ...شكلو الجاي اكتر

[Sudani]

#1225622 [ahmed]
0.00/5 (0 صوت)

03-12-2015 01:25 AM
الحمدلله.اخيرا اعترفتم انكم زنوج ولا قايلين اوباما دا خواجه ابيض. هههههه

[ahmed]

ردود على ahmed
European Union [Mohammed Ahmed] 04-09-2015 11:46 AM
و انت حر و ﻻ عبد معقد يا ابو عقد النقص


#1225604 [I hab hammour]
0.00/5 (0 صوت)

03-12-2015 12:19 AM
ما دام طلعتوا ناس واصلين، ادخلوا واسطه خير بين أمريكا و السودان، خلوا أوباما يخفف شويه العقوبات الامريكيه على السودان

[I hab hammour]

#1225569 [الساخر]
1.00/5 (1 صوت)

03-11-2015 10:34 PM
والله لو خليتو العبط البتعملو فيهو دا بيكون احسن غير كدا اوباما ذاتو ما فاضى شغال حرب مع ناس داعش و عندو مشلكة شخصية مع مرتو ممكن يطلقا بعد ما يسيب البيت الابيض يا ناس و الله حيرتونا هسع البنقو ذاتو بقى مافى فى البلد دى.

[الساخر]

#1225539 [I hab hammour]
3.50/5 (2 صوت)

03-11-2015 09:24 PM
ما دام طلعتوا قرايب الحقوا أوباما في أمريكا تحت قانون لم الشمل للعائلات

[I hab hammour]

#1225507 [سليل المتصلبتين الامميين]
3.00/5 (1 صوت)

03-11-2015 07:57 PM
ازيدكم علما ان رجب طيب اردوغان رئيس تركيا سوداني مية مية و هو محسي من قرية أردوان و حصل قلب في حرف الدال الى واو و الواو الى غين ( اردوغان على وزن اردوان) كما ان نيكولاي رئيس رومانيا السابق هو ابن عم المطرب كمال كيلا .

بالله شوف الفراغ و العقد وصلت وين حتي يصرح المدعو احمد المهدي ان انتساب اوباما لهم فيه نوع من المصداقية والصحة. يا عالم يا لبط يا متمسحين .
خلاص كملتوا لك التمسح العربي و سلالة بني هاشم و قبلتو على الغرب.
اتنو عيانين و محتاجين علاج نفسي و الله

[سليل المتصلبتين الامميين]

#1225453 [آمال]
4.00/5 (1 صوت)

03-11-2015 06:26 PM
هههههههههه تمام يا اسرة المهدي لقيتوا ليكم قريب امريكي

[آمال]

ردود على آمال
European Union [آمال] 04-09-2015 11:40 AM
و هو سوى شنو اﻻمام ده اصلا حتى نفخر به هم زوروا التاريخ و مجدوا انفسهم و أدوا انفسهم اكتر مما يستحقون

[الطريفي] 04-09-2015 10:29 AM
ولماذا اختار الكاتب اسرة المهدي ولم يختر استك انت مثلا اواسرتي اواسرة اي من المعلقين؟ لانها اسرة مشهورة وهي اسرةالامام المجاهد المهدي ويشرف اي منا الانتماء لهذا الامام المجاهد وكفاكم سخرية مما انتم دونه.


#1225443 [آمال]
5.00/5 (1 صوت)

03-11-2015 06:17 PM
هههههههههه حاجة غريبة بالجد

[آمال]

#1225432 [ملتوف يزيل الكيزان]
0.00/5 (0 صوت)

03-11-2015 06:08 PM
حرب عصابات المدن بحاضنة جماهيرية امينة او انتفاضة شعبية محمية بالسلاح.

[ملتوف يزيل الكيزان]

#1225393 [Adam Siam]
0.00/5 (0 صوت)

03-11-2015 05:21 PM
التعليقات أقوى من فزورة الخبر
أضخك الله سنكم بذهاب النخاس

(الله يرحم القذافي سماه ابو عمامة . هل دياب يدخن نفس النوع؟)

[Adam Siam]

#1225385 [سودانى بوكالة ناسا الفضائية]
0.00/5 (0 صوت)

03-11-2015 05:03 PM
والمشكلة وين فى الموضوع دا ... وكمان ماننسى الهجرات والحراك السكانى لأسباب عديدة (الحروبات ، تجارة الرقيق وسن الفيل والمعادن ، الامراض .... وغيرها وعادة ما تكون من الشمال للجنوب فى الفترات من الحكم التركى والدولة المهدية ومابعدها ....

طيب عايز منكم بس تقرو بسيط عن تاريخ دولة كينيا وهى بلد والد أوباما الأصل من ناحية والده حسين أوباما كانت ؟؟

كيف كانت ماقبل أستقلالها فى ديسمبر 1963 ومالذى يمثله السودان فى حقبة الستينيات؟؟؟ ... أكيد كان بيشرف اى شخص شرف الانتماء اليه.

خليك من أفريقيا حتى دول الخليج لحدى السنوات القريبة دى كانت طموحاتهم تكون زى السودان ومواطنيها زى السودانيين علم وامانة وادب وتهذيب (يا أخونا البلد بمن فيها من ناس وفالوا بمن فيها من تراب وسماء وشجر ) .


يا أخى مافى شى مستبعد فى العلم .... وحاجة مهمة قبال زمنا الفينا دا والبلاوى الحاقت بسودان العزة دا... كان أى أنسان فى أفريقيا بيتمنى انو يكون سودانى أو يعمل معاهو سودانى ... والمفروض نخلى الأحساس بالدونية وما فى زول بغلى علينا لو حقنا حقنا والماحقنا ودايرنا برضو حقنا ... والمابينا فليطير.

والكلام عن ما جاء به بروفيسور دياب والهجوم عليه فيهو نوع من الظلم للرجل وللعلم العندو وأيه فائدة انو نكبر قيمة انتماء اوباما للسودان من عدم انتماءه أصلا بس عشان هو الرئيس الأمريكى .... ومالو لو البروف جاب سيرة أى مواطن عادى آخر فى أى دولة وقال انو أصولو سودانية.... هل سيواجه بنفس الدرجة من الهجوم؟؟؟

طيب لو فى بروفيسور أمريكى قال انو أوباما سودانى من بيت المهدى ودينار برضو حنهاجم ؟؟

أرجو ان تتواصل البحوث عن اى شئ يضيف للمكتبة السودانية.

[سودانى بوكالة ناسا الفضائية]

ردود على سودانى بوكالة ناسا الفضائية
United States [سليل المتصلبتين الامميين] 03-11-2015 10:21 PM
ناسا بتاهت شنو البتعمل فيها انت حقوا تكون حطاب في الباسا بشمال السودان
بلا هجرات با بتاع يا عالم يا عقد يا فاقدين هوية بالرغم ان هويتكم عريقة و لكن لا تعرفون قدركم و الكلب يحب خناقو


#1225346 [بانقا جاهوري]
5.00/5 (1 صوت)

03-11-2015 03:41 PM
بقينا ما بنستبعد أي حاجة ما دام قالو الملكة اليزابيث قد تنتمي الى بني هاشم في دراسة جادة

[بانقا جاهوري]

#1225332 [حفيد تور شين]
0.00/5 (0 صوت)

03-11-2015 03:17 PM
عجبا ايها الاحباب ...الفلاتة بعضم جاء لمناصرة المهدى المنتظر كما جاء فى كتب التاريخ الدرسناهافى المدارس الذى يبدأ دخول العرب السودان علما بان العرب دخلوا من كل مكان ..استنكروهم الناس كجسم غريب ..وهم صامتيين ..اذا اراد الواحد يصف احدهم فى الصلاة يقول انا فى الصلاة فلاتى..وقديما اذا غطت المرأة رأسها قالو ملك تلبسى زى الفلاتية ..ايام المنى جوب..وجكسة فى خط ستة..الان اوباما عشان رئيس امريكا بقينا نتمسح في اصله..اربأوا بانفسكم...رحم الناس من عرف من اين جاء اسلافه جغرافيا

[حفيد تور شين]

#1225311 [kitir]
0.00/5 (0 صوت)

03-11-2015 02:44 PM
أنها الماسونيه ليس إلا
منتظرين نحنا
شكلو البيدعي انو مؤرخ ده فلس

[kitir]

#1225289 [الرمدان كر]
0.00/5 (0 صوت)

03-11-2015 02:22 PM
ر

[الرمدان كر]

#1225270 [awadat]
0.00/5 (0 صوت)

03-11-2015 01:57 PM
أنا المهدي المنتظر و من لم يؤمن فقد كفر
أنتهى دور المهدي من وقت عبدالله التعايشي و لكن الإنجليز عزلوا الولد الصغير ليجعل منه أداة

[awadat]

#1225256 [انين الصمت]
5.00/5 (2 صوت)

03-11-2015 01:46 PM
ما حصل شفته لي دوله بتتمسح في الناس ذي السودانييين يا نااااااااااااس انتو سودانييين افرقة الاصل وما سمي السودان بالسودان الا نسبة لكلمة السواد الذي يميذنا ...اختلاف سحناتنا واختلاف الواننا لا ينفي اصلنا ابدا........ارحموناااااااااا

[انين الصمت]

ردود على انين الصمت
[سودانى بوكالة ناسا الفضائية] 03-11-2015 05:00 PM
والمشكلة وين فى الموضوع دا ... وكمان ماننسى الهجرات والحراك السكانى لأسباب عديدة (الحروبات ، تجارة الرقيق وسن الفيل والمعادن ، الامراض .... وغيرها وعادة ما تكون من الشمال للجنوب فى الفترات من الحكم التركى والدولة المهدية ومابعدها ....

طيب عايز منكم بس تقرو بسيط عن تاريخ دولة كينيا وهى بلد والد أوباما الأصل من ناحية والده حسين أوباما كانت ؟؟

كيف كانت ماقبل أستقلالها فى ديسمبر 1963 ومالذى يمثله السودان فى حقبة الستينيات؟؟؟ ... أكيد كان بيشرف اى شخص شرف الانتماء اليه.

خليك من أفريقيا حتى دول الخليج لحدى السنوات القريبة دى كانت طموحاتهم تكون زى السودان ومواطنيها زى السودانيين علم وامانة وادب وتهذيب (يا أخونا البلد بمن فيها من ناس وفالوا بمن فيها من تراب وسماء وشجر ) .


يا أخى مافى شى مستبعد فى العلم .... وحاجة مهمة قبال زمنا الفينا دا والبلاوى الحاقت بسودان العزة دا... كان أى أنسان فى أفريقيا بيتمنى انو يكون سودانى أو يعمل معاهو سودانى ... والمفروض نخلى الأحساس بالدونية وما فى زول بغلى علينا لو حقنا حقنا والماحقنا ودايرنا برضو حقنا ... والمابينا فليطير.

والكلام عن ما جاء به بروفيسور دياب والهجوم عليه فيهو نوع من الظلم للرجل وللعلم العندو وأيه فائدة انو نكبر قيمة انتماء اوباما للسودان من عدم انتماءه أصلا بس عشان هو الرئيس الأمريكى .... ومالو لو البروف جاب سيرة أى مواطن عادى آخر فى أى دولة وقال انو أصولو سودانية.... هل سيواجه بنفس الدرجة من الهجوم؟؟؟

طيب لو فى بروفيسور أمريكى قال انو أوباما سودانى من بيت المهدى ودينار برضو حنهاجم ؟؟

أرجو ان تتواصل البحوث عن اى شئ يضيف للمكتبة السودانية.


#1225244 [الخنجر]
1.00/5 (1 صوت)

03-11-2015 01:35 PM
ياناس قول مبارك حسين ابو امنة حامد المهدي علي دينار دا مولود في الدايات دي ودفنوا صرتوا دي في بيت عيال المدي دا ونشأ وترعرع مع الحبيبة مريم دي اها حيعمل لينا شنو يعني؟ والشعب السوداني الباعوضة حايمه فيهو في فصل الصيف دا قبل الخريف غايتو جنس تسكع الناس في شنو وحبوبة اوباما في شنو؟

[الخنجر]

#1225230 [المندهش]
3.50/5 (3 صوت)

03-11-2015 01:21 PM
الرؤساء السودانيين -نتنياهو شايقى - اوباما دنقلاوى - ماوسى تونق جعلى منقولى - ادريس دبى زغاوى -رئس جيبوتى بديرى دهمشى -رئيس اريتريا بنى عمراوى - رئيس اثيوبيا هدندوى - تونى بلير محسى - العالم يحكم من هنا ......شعب غارق فى المثلوجيا حتى اذنيه ويعانى من كل اعراض الادمان

[المندهش]

#1225204 [جني]
0.00/5 (0 صوت)

03-11-2015 12:44 PM
واوباما طعمو شنو عشان تفخرو بيه ؟؟

[جني]

#1225189 [الناهة]
3.00/5 (5 صوت)

03-11-2015 12:22 PM
اوباما من امه هي خواجيه عديل لافيها شق ولا طق
لكن من ناحية ابوهو فهو سوداني عديل ما فيهو شق ولا طق
هنالك من يدعي بانه من ال المهدي
وهنالك من يدعي بانه من دارفور
وفي رواية اخري بانه من الجعليين
ورواية اخرى بانه شايقي
وثالثة انه من دارحمر
واخرى بانه رباطابي
المسالة تحتاج دراسة
ولكن يبقى شئ في القلب تجاه اوباما ونحن اهله وشايفنا زيتنا طالع ومهانين وجيعانين ومرضانين ما ساعدنا ابدا والعملية ما بتحتاج منه الا عملية كوماندوز سريعة ومحدودة وينقذ اهله مما هم فيه
اها اوباما طلع سوداني يعني مافي تدخل اجنبي ولا حاجة
بقى و\زيتنا في دقيقنا

[الناهة]

#1225152 [ابن الابنوس]
4.50/5 (4 صوت)

03-11-2015 11:45 AM
والله يا خوانا حيرتونا معاكم!!!!!!!!!!!!! اوباما من اسرة المهدي!!!?
ومن قبل تنبا احدهم وهو ايضا سوداني قبل انفصال الجنوب ان اوباما ينحدر اصوله من السودان وبالتحديد جنوب السودان ومن قبيلة الدينكا وان ملامح وشه وشكله المستطيل والذي يشبه وجوه النيلين وخصوصا الدينكا يدل على ذلك .
حولتو الان الى اسرة المهدي طيب افرض ان اوباما من اسرة المهدي!!?so what

كلام فارغ

[ابن الابنوس]

ردود على ابن الابنوس
European Union [Aby Shereen] 03-11-2015 12:59 PM
يا ابن ابنوس بطل الحقد. يا ريتك تناسب ناس المهدي عشان تبقي سيد. ول اتكتم وخليك مواطن تحكم ولا تحكم. احيطك علما حتي بعانخي و تحتمس من ال المهدي


#1225129 [المقتول كمد وبطنه فايره]
5.00/5 (1 صوت)

03-11-2015 11:28 AM
بختكم. هههههههههههههههههههههههه
ما صدقتم.. طيب أتحروا وربنا يسهل ليكم.

[المقتول كمد وبطنه فايره]

ردود على المقتول كمد وبطنه فايره
[جنرال زمان] 03-11-2015 03:17 PM
والله الخوف يتحروا ويقوموا يجيبوا لينا رمضان قبال يومه


#1225074 [ابوبشير]
4.50/5 (2 صوت)

03-11-2015 10:40 AM
يعنى بعد شوية نسمع بحزب الامة جناح اوباما ...

[ابوبشير]

ردود على ابوبشير
[ابولاكومة] 03-11-2015 11:00 AM
هههههههههههههههههههههههههههههههههههههههههه
ما خلاص الجماعة سلموا ليسلموا - وكمان من حق الامريكان بعد كدا يقولوا "البلد بلدنا ونحن اسيادا"


#1225073 [Aby Shereen]
5.00/5 (1 صوت)

03-11-2015 10:38 AM
يا سلام حزب الامه يحكم اقوي دوله في العالم. والله شرف لينا انه يحكمنا ثاني و الدليل علي ذلك ان افكار الامام متقدمه كثير عن تفكير اوباما و البيت الابيض ككل.

[Aby Shereen]

#1225072 [سوداني جدا]
3.00/5 (1 صوت)

03-11-2015 10:37 AM
ههههههههههه مساكين اتصلطبو و صدقو...زي ماقالو ترهاقا هو جد نوبة الشمال فقط ولا علاقه له باهالي جبال النوبه مع ان صوره وتماثيله اقرب لاهل الجنوب وغرب السودان وحتى الملبس والزي...فقط في السودان يصدق الكذاب كذبته....زمان قالو مارايا كيري سودانيه واسمها مريم خيري ههههههههه....دوووول

[سوداني جدا]

#1225052 [SHACKLE]
0.00/5 (0 صوت)

03-11-2015 10:17 AM
كان سيدنا سلمان الفارسي قوي الاسلام غيور على دينه محب لرسول الله (ص) وكان النسب للاسلام والدين هو الاساس في الاسلام وليس النسب للعرق والدم لذا نسب الرسول (ص) سيدنا سلمان لال البيت فقال :(سلمان منا ال البيت) نسب سيدنا سلمان الفارسي الصحابي الجليل مع نسب خير البرية فالقرين بالمقارن ينسب . والمؤمن يحشر مع من احب . لذا فمنطقياً يدعي ال المهدي نسبهم لاوباما فالقرين بالمقارن ينسب . ولا اقول المؤمن فامرء يحشر مع من احب . قولوا امين او كما قال

[SHACKLE]

#1225036 [اولقا جنية النهر]
5.00/5 (1 صوت)

03-11-2015 10:04 AM
من خلال هذه الدراسة ( وعلي فرض صحتها).

الا يعني ذلك ان جد اوباما وزوجة الامام المهدي ينتميان الي قبيلة التنجر وبالتالي الاصح ان يقال ان آل المهدي غرابة وكذالك اوباما ؟؟؟؟؟؟

لماذ حتي في الدراسات ( الضاربة ) يرفض الناس الحقائق التي تسد الشمس

كنت اتمني ان يقول احمد المهدي نحن نتشرف ان ننتمي نحن واوباما لغرب السودان

[اولقا جنية النهر]

#1225023 [ميدو]
0.00/5 (0 صوت)

03-11-2015 10:00 AM
هههههههههههههههه اوباما رمز الحمامة

[ميدو]

#1224985 [A.Obayda]
0.00/5 (0 صوت)

03-11-2015 09:27 AM
يعني الانصار امريكا طلعت بلدهم و هم اسيادا

[A.Obayda]

#1224983 [ابو عرب]
0.00/5 (0 صوت)

03-11-2015 09:26 AM
عجيب بالعمة

[ابو عرب]

#1224967 [ام بادر]
4.75/5 (5 صوت)

03-11-2015 09:11 AM
وميشيل اوباما اسمها الحقيقي ام سرين وهي من قبيله البقاره المشهوره..........وبما انهم رحل فرحلوا لامريكا .....

[ام بادر]

#1224954 [Ema]
5.00/5 (1 صوت)

03-11-2015 09:02 AM
احمد دياب ده من زمان راسو ما ياهو

[Ema]

ردود على Ema
European Union [سودانية] 03-13-2015 01:23 AM
كان رضيتي وكان ابيتي اسمه البروفسير ورأسه ال ما ياهو بساوي مليون رأس زي راسك الفاضي .. من اخد الدكتوراة انتي ما كنتي اتولدتي. . ما عاجبك كلامه يكون الرد باحترام ما قلة ادب


#1224920 [الحجاج]
4.00/5 (3 صوت)

03-11-2015 08:41 AM
هو انت مين حتى ينتسب لكم هل انتم قرشيين أم آل العباس أم من آل البيت ياخي ، افرض انك اخو اوباما ماذا يعني لنا انت وهو في جهنم ، قال نسعد بكل من ينتمي لنا هل انت قرشي

نحن جميعا افارقة والمهدي نفسه افريقي وكل من انتسب له افريقي بدون شك يعني عبد ومافيها حاجة كلنا عبيد الله شكل المهدي وبنيه كلهم واصافهم تبين انهم افارقة بدون شك نوبة .


قال اوباما ينتمي للمهدي رحم الله المهدي ، قبل اليوم قالوا نتنياهو سوداني ، يعني شنو يهودي كلب ، ليس إلا .

شوفوا شغلكم وانسوا ونحن سودانيين فقط من امهات افريقيات بدون شك.

[الحجاج]

#1224913 [الزعلان]
5.00/5 (2 صوت)

03-11-2015 08:37 AM
ههههههههههههههههههههههههههههعههه قال نحن نتشرف بالنسب ده ههههههه انت قايل نفسك نسبوك للرسول ياخ ماتمشي تزح جنكم وجن لبط ومصالح مني ومن اوباما انكركم عما عشان ماتكرهوني الدنيا دي كان عليكم الله كدي شوفو ليكم نسب مع اريل شارون احتمال يكون ودعم اوباما ويكون قريبكم

[الزعلان]

#1224905 [آدم حامدين]
5.00/5 (5 صوت)

03-11-2015 08:30 AM
اسم الحركة الجاية (تتسلبطون)

[آدم حامدين]

#1224895 [K. S. Khalid]
0.00/5 (0 صوت)

03-11-2015 08:22 AM
عبناه لمان فتر ماوصلكم ولاشنو ولا ماعجبكم

[K. S. Khalid]

#1224879 [bullet ant]
4.00/5 (3 صوت)

03-11-2015 08:06 AM
موضوع انصرافى
وبعدين الفرد يجب ان يحب الانضمام الى العائلة مش العائلة تتلبط فى من نجحوا فى اقاصى الارض
واخيرا الخروف ود المهدى عاوز يعمل شوية اعلام وهم فى وهم
المضى الى الامام لا ياتى بالكلام ولو لاوصلنا الصادق الى كواكب الاحلام
الارقام هى مفتاح النجاح والعمل الدؤب لتحقيق الاهداف

[bullet ant]

#1224860 [زول]
5.00/5 (5 صوت)

03-11-2015 07:56 AM
المهدي ده يا اريتو لو كان قعد في جزيرة لبب ديك وشرب مريسة وهرهر في النيل
عمله فيها حريقة فيكم وفي المهدي والميرغني والترابي والبشير

[زول]

ردود على زول
[سامي] 03-11-2015 09:11 AM
استغفر الله العظيم


#1224802 [محمد]
5.00/5 (3 صوت)

03-11-2015 07:01 AM
الانصار يعملوها - الظاهر دايرين يزعلو امريكا مننا عشان تغزو السودان - قبل كدا الخليفة عبدالله قال للملكة فكتوريا كان اسلمتى بعرسك لى ود دكين - زعلت من الحافز المهبب دا رسلت لينا كتشنر بشتن جماعتنا بشتنة شديدة لازلنا نعانى منها

[محمد]

ردود على محمد
United States [150150] 03-11-2015 10:43 AM
لا لا قال ليها بعرس لي النور عنقرة هههههههههههه جاءت كشحت السودان من جماعة الهوس


#1224755 [ابو الخير]
0.00/5 (0 صوت)

03-11-2015 04:25 AM
بعد انضمام عبدالرحمن وبشرى المهدي للانقاذ والمشاركة في قتل الشعب السوداني
نحن لا نعتقد باولاد المهدي العظيم والعظمة لله
بالمناسبة احمد ابراهيم دياب دا كان تمرجي قبل ما يعمل بتاع تاريخ لذلك يقوم يمشي يلف
وبعدبن حتى لو فرضنا اوباما من بيت المهدي أو البشير او ياسر عرمان
ماذا يستفيد الشعب السوداني من ذلك
دكتور دياب دا يبدو إنه بدا يظههر عليه الخرف والزهايمر
الراجل قال شغال ليهم سنين عشان بثبت ان اوباما سوداني
الراجل من جنوب السودان حسب قوله وليس من السودان
وبالمناسبة لولا امه بيضاء من اصول ايرلندية ما كان بيشمها

[ابو الخير]

#1224734 [عثمان التلب]
5.00/5 (2 صوت)

03-11-2015 02:35 AM
الله يرحم القذافي سماه ابو عمامة . هل دياب يدخن نفس النوع؟

[عثمان التلب]

#1224722 [كفايه هبل]
5.00/5 (1 صوت)

03-11-2015 01:56 AM
و توني بلير قريب البشير و الدقير ! و كمان بوتن قريب الترابي المشوطن !

[كفايه هبل]

#1224710 [ودكركوج]
5.00/5 (3 صوت)

03-11-2015 01:11 AM
هههههههههههههههه. صورة اوباما التحت دي عبرت عن الرد.

[ودكركوج]

#1224708 [د احمد هاشم]
0.00/5 (0 صوت)

03-11-2015 01:08 AM
باراك حسين اوباما من قبيلة لوا التى تعيش فى جنوب السودان وغرب كينيا وهى من القبائل النيلية التى تنتمى لقبائل الشلك والانواك والاجولى. ورد ذلك فى كتابه، احلام من والدى، الصادر فى عام 1995 ويمكن الحصول على الكتاب من موقع امازون
Dreams From My Father. Barak Obama, published by Times Books in USA

[د احمد هاشم]

ردود على د احمد هاشم
European Union [إسماعيل آدم محمد زين] 03-11-2015 06:36 PM
أثناء عملي في منظمة أوكسفام البريطانية علقت علي إستراحة كتبها محامي من جبال النوبة في جريدة الرأي العام 2009 تقريباً و يحمل إسم باما و قد فسر الإسم و تكلم عن أمين باشا حاكم الإستوائية أثناء الحكم التركي و قد جند عدداً من النوبة في جيشه و منهم من ذهب في فترات لاحقة إلي شرق إفريقيا (يوغندا و كينيا..) و قد برزوا خلال حكم عيدي أمين و قد أطلق اليوغنديون علي حكومته بحكومة السودانيين ! أخبرني الكيني و كان يعمل في أوكسفام بأن أوباما من قبيلة اللوا و هي مشتركة بين كينيا و السودان -معروف بأن حبوبته تعيش في كينيا و قد زارها أوباما و لديه أخوان في كينيا.
وعلي كل حال أوباما في الحالتين نصف سوداني و هو أمرٌ واضح في تقاطيع وجهه و في اطلالته (Posture).و طيبته أو مسكنته و راجعوا موقفه من زيارة نتنياهو ! كان سلوك أوباما أشبه بسلوك السودانيين...الموضوع مهم و يستحق البحث !!


#1224701 [ود احمد]
0.00/5 (0 صوت)

03-11-2015 12:41 AM
وحن في هذا القرن وهؤلاء يفكرون بهذه الطريقة العقيمة ايه يعني لو كان او ما كان وهل النسب يشفع لاحد ومن ابطأ به عمله لم يسرع به نسبه ولذلك خلونا من الكلام الميت نحن ابناء اليوم فالنشمر عن ساعد الجد لبناء السودان بالعمل المثمر الجاد وليس بالادعاءات الكاذبة والله ابوما لو لم يكن امريكيا لما وصل الي وصل اليه لان تلك البلاد تقدر الانسان وامكاناته بعيدا عن الانساب التي عفا واكل عليها الدهر وشرب وحكمة الله في خلقه ان تتلاشى هذه العصبيات عن طريق الانصهار ويبقى الفارق الوحيد هو قيمة الانسان وليس نسبه ارتقوا الى مستوى الحدث

[ود احمد]

#1224700 [waleed]
1.00/5 (1 صوت)

03-11-2015 12:37 AM
والله الناس ديل زكروني زواج يونس ود الدكين من فكتوريا ان رضي هو

[waleed]

#1224697 [alas adeen]
0.00/5 (0 صوت)

03-11-2015 12:35 AM
اي زول عاوز يمشي حاجاتو وفي ناس ما فاهمين أي حاجة بردو من أجل الكلام فقط اما الباحث يريد أن يعمل لنفسة فرقة إعلامية وشهرة عالمية أو انة يريد تنفيذ أجندة خفية باشغال الشعب عن قضايا الانتخابات ومقاطعتها وعمل ستار لضعف حملات الوطني الانتخابية الضعيفة التي أصبحت علي لسان العامة نقطة سطر جديد
أسرة المهدي بها من هم أفهم من أوباما مثل الإمام الهادي وعبدالرحمن المهدي والمفكر الصادق المهدي والما واثق من نفسو يفتش لي نفسو ثقة وسلام

[alas adeen]

#1224695 [النور عزالدين]
0.00/5 (0 صوت)

03-11-2015 12:26 AM
اسواء مع ما في البيان هو الكلام البيقول « نحن اصحاب دعوة ونرحب بكل من يريد الانتساب إلينا «
هو كداالمهدي دا زاتو من وين؟ عيالهم الكان درسو معنا بيقولو هم اشراف ال رسول محمد (ص), والان واحد من ال المهدي بيقول اوباما ذاتو منهم. بعدين اوباما دا مسلم ولا مسيحي؟ طيب الان ال المهدي ديل لازم كانوا مسيحيين ومع ذلك اوباما ليس منهم ... او هم ليسو اشراف ولا عندهم علاقة بالرسول وهذا مؤكد.

[النور عزالدين]

#1224685 [ود البقعة]
0.00/5 (0 صوت)

03-10-2015 11:53 PM
* قال احمد المهدي عن جده (المهدي عليه السلام) و (عيال الله ) .
* وقال الله تعالى (ولئن سألتهم ليقولن إنما كنا نخوض ونلعب قل أبالله وآياته ورسوله كنتم تستهزئون 65) وقال تعالى (قل هو الله احد ، الله الصمد ، لم يلد ولم يولد ، ولم يكن له كفوا احد ).
كفاية جهل واستغباء للشعب ، ولى زمن الكذب والخداع

[ود البقعة]

#1224680 [أبوقنبور]
4.88/5 (5 صوت)

03-10-2015 11:39 PM
يا أحمد المهدي انتهى زمن الجهل والأمية والتبعية العمياء.
لا يوجد في جيل اليوم من يتشرف بالانتساب إلى آل المهدي.
صحيح الإمام محمد أحمد المهدي كان له دور كبير في بلادنا وكان أحد القادة العظماء في تاريخ السودان، وهذا مجد شخصي سطره لنفسه وذهب معه عندما انطوت صفحته بموته كما انطوت صفحات العديد من عظماء الأمة. أما الذين يريدون مننا أن نعظمهم ونجلهم فقط لأنهم من نسله نقول لهم إن النار تلد الرماد.
أما ما ذكره من قوله: وقديماً قال الإمام المهدي عليه السلام «آل بيتي كسفينة نوح وكل من هو عامل بالكتاب والسنة فهو من آل بيتي»، وماذا ينفعنا بيتك يوم القيامة؟ وقد ابتدعتم في الدين طريقة خاصة بكم وسميتم أتباعكم أنصار المهدي؟ وماذا ينفعنا بيتك والرسول صلى الله عليه وسلم جمع بني هاشم فأجلسهم على الباب وجمع نساءه وأهله فأجلسهم في البيت ثم اطلع عليهم فقال : يا بني هاشم اشتروا أنفسكم من النار واسعوا في فكاك رقابكم وافتكوا أنفسكم من الله فإني لا أملك لكم من الله شيئا ثم أقبل على أهل بيته فقال يا عائشة بنت أبي بكر ويا حفصة بنت عمر ويا أم سلمة ويا فاطمة بنت محمد ويا أم الزبير عمة رسول الله صلى الله عليه وسلم اشتروا أنفسكم من النار واسعوا في فكاك رقابكم فإني لا أطلب لكم من الله شيئا ولا أغني. فما هو بيت المهدي وهل يملك المهدي ما لا يملكه خاتم الأنبياء والمرسلين؟؟؟؟ كيف ذلك يا قوم، أليس فيكم رجل رشيد؟؟؟؟ ما هذه الجاهلية العمياء وما هذا التوهان والضلال والإضلال؟؟؟؟؟
إذا كان آل المهدي لا يزالون يدعون نقاءً عرقياً وشرفاً وعلواً فوق خلق الله فهم واهمون وجاهلون بل ومغرورون، ذلك أن الرسول الكريم صلى الله عليه وسلم وبنص القرآن الكريم: (قل إنما أنا بشر مثلكم يوحى إلي انما إلهكم إله واحد)، فهل أنتم أهل وحي يا أولاد المهدي؟

[أبوقنبور]

#1224679 [المرايا]
0.00/5 (0 صوت)

03-10-2015 11:39 PM
وعليكم السلام ورحمة الله وبركاته يا احمد المهدي!!

[المرايا]

#1224664 [مالك الحزين]
5.00/5 (1 صوت)

03-10-2015 11:00 PM
من عائلة المهدي وحزب امة كمان... كلموه يرجع الصادق طييب...سذاجة عججيبة... قال مفتخر قال.. ومال الكينية القالو حبوبتو ديك برضو من عائلة المهدي ...كدي فتشوا لينا نسبه .

[مالك الحزين]

#1224659 [وميض بن عوف]
0.00/5 (0 صوت)

03-10-2015 10:49 PM
خخخخخخخخ شكرا شكرا ع الصورة ياناس الراكوبة،موغابي برضو من اسرة الميرغني

[وميض بن عوف]

#1224658 [shawgi badri]
0.00/5 (0 صوت)

03-10-2015 10:41 PM
نرحب بي كل زول ..... اولاد الانصار الحموكم وخدموكموماتوا وضحوا ليكم بي حياتم ومالهم وعيالهم , ابيتوا تخلوهم يندفنوا في القبة . . قلتوا يندفنوا في الشعب , اللوج لي ناس معينين . لكن كان اوباما قلب الشهادة حتدفنوه في القبة .

[shawgi badri]

#1224655 [بت امدرمان]
4.00/5 (3 صوت)

03-10-2015 10:39 PM
أجمل ما فى الموضوع هو الإختيار الذكى للصور من قبل الراكوبة و خاصة الصورة التحت

[بت امدرمان]

#1224638 [نور الدين]
0.00/5 (0 صوت)

03-10-2015 10:09 PM
كلكم عبيد .......الله ؟؟

[نور الدين]

ردود على نور الدين
[تبا للعنصريين] 03-11-2015 09:11 AM
يا جاهل .. يا جاهلي. نوعك ده هو الخرب السودان.
أعوذ بالله.


#1224636 [kabashor]
5.00/5 (1 صوت)

03-10-2015 10:06 PM
يا جماعة المهدي رجل من قبيلة الكنوز من شمال السودان . وتزوج من غرب السودان . يعني حسب قولكم اوباما يعني ينتمي لزوجة المهدي او علي دينار لانو اصلا مافي علاقة بين قبيلة الكنوز وقبائل غرب السودان .

[kabashor]

ردود على kabashor
United States [adil mohyeddin] 03-11-2015 06:50 PM
كلام اولقا صصحيح :زوجة امين مال السلطان على دينار كنزية ويمكن مشاهدة صورة ذريتها فى كتاب كنوز السودان للدكتور عبد العظيم ميرغنى الذى شرفنا فى قرية الكنوز بشندى ابان اعداده للكتاب

European Union [اولقا جنية النهر] 03-11-2015 10:16 AM
والله حقيقة الفهم قسم يا كبشور!!!!!!

هو انت بنفسك بتقول المهدي تزوج من غرب السودان ونتقض نفسك وتقول مافي علاقة بين الكنوز وقبائل غرب السودان.

بعداك يا صاحب هل تعلم أن غرب السودان بها كل قبائل السودان يعني من الخطأ تقول ( قبائل غرب السودان ) , لان الفاشر علي سبيل المثال كانت مدينة وعاصمة للسلطنة قبل 500 سنة وفي ذلك الوقت كانت معظم مدن السودان وتحديدا الخرطوم عبارة عن اكواخ صيادين حتي 1825م.
مما جعل معظم قبائل السودان تشد الرحال وتسكن فيها وتتزاوج ومن ثم اصبحوا غرابة ويحسبوا من ضمن ( قبائل غرب السودان).
وهل تعلم ان هنالك حي يسمي حي الكنوز في الفاشر وان اعلام مينة الفاشر هم من الدناقلة والشوايقة والجعليين.؟؟؟؟؟؟؟؟

يا كبشور اقرا التاريخ قبل ان تعلق رجائي.

[السفير] 03-11-2015 09:38 AM
قبائل غرب السودان كثيرة اى قبيلة تقصد يا جهلول.؟ ومين القال ليك مافى علاقة ....تمازج السودانيون وتصاهروا على مر القرون ...شكلك موغل فى الجهل والعنصرية.


#1224635 [ودالبله]
4.75/5 (5 صوت)

03-10-2015 10:06 PM
الوهم ديل اصولهم من نيجريا واوباما اصوله من كينيا .. لانهم بتوعين لبط فرحوا بكلام الساذج الموهوم دياب ..وبعدين منو الداير ينتسب ليكم الماعندو اهل ده ..اكبر واعقل يازول وقول لينا كلام نجيض ..وكدي قول لينا ستة من اجدادك قبل اسم محمد احمد حتي نعرف اصلكم وناس الميرغني اصلهم هنود وبنغالة كما هو معلوم..

[ودالبله]

ردود على ودالبله
[دوشكا] 03-11-2015 02:31 PM
كلام في الصميم اخي ودالبله


#1224628 [هشام حسين]
0.00/5 (0 صوت)

03-10-2015 09:47 PM
اصبحنا فى غاية الحيره والارتباك والجهل لان الجميع يدعى انتماء مستر كاو بوى ( اوباما امريكا ) له فهل اوباما كينى او غانى او سودانى او اخوانى بصراحه احمد الله انه ما طلعش تايوانى او صينى لان تايوان او الصين ما كانوا ها يقبلوا انتماؤه لبلاده لانهم ببساطه احرار .

[هشام حسين]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة