الأخبار
أخبار إقليمية
الطفل المعجزة يحمّل البشير مسؤولية الدمار ويطالبه بالانسحاب من الانتخابات فوراً .. وحده الأدنى للأجور (600) دولار في الشهر.
الطفل المعجزة يحمّل البشير مسؤولية الدمار ويطالبه بالانسحاب من الانتخابات فوراً .. وحده الأدنى للأجور (600) دولار في الشهر.
الطفل المعجزة يحمّل البشير مسؤولية الدمار ويطالبه بالانسحاب من الانتخابات فوراً .. وحده الأدنى للأجور (600) دولار في الشهر.


تعهّد بإلغاء "الضرائب" ..والعمل على توطين كل سكان السودان بالخرطوم ..
03-11-2015 04:11 AM
الراكوبة - الخرطوم -



قال : حزب البشير يعتبر السبب الوحيد في ما يمر به السودان من أزمات،

الطفل المعجزة يحمّل البشير مسؤولية الدمار ويطالبه بالانسحاب من الانتخابات فوراً .. وحده الأدنى للأجور (600) دولار في الشهر.


حمّل مرشح رئاسة الجمهورية المستقل حمدي حسن أحمد، حزب البشير مسؤولية الخراب والدمار الذي حلّ بالبلاد، وطالب مرشح حزب الموتمر الوطني لرئاسة الجمهورية عمر البشير، بإيقاف ترشحه والانسحاب من الإنتخابات المقبلة فورا.

وقال حمدي فى منبر وكالة انباء "سونا"، إن حزب البشير يعتبر السبب الوحيد في ما يمر به السودان من أزمات، وطلب حمدي من البشير الإستجابه لطلب والانسحاب فورا من الانتخابات، لان ذلك مطلب عدد كبير من الشعب السوداني.

وقال المرشح حمدي إنه يجب أن يطلق عليه اسم "الطفل المعجزة"،باعتباره أصغر مرشح لأنه مولود عام 1972م . وأكدا أن السودان سيكون في أيدي أمينة حال عدم ترشح عمر البشير، وفي حال فوز مرشح آخر، وأضاف "يجب على كل مرشحي الأحزاب لرئاسة الجمهورية أن يتنازلوا من الترشح، لأن المرحلة المقبلة لا تتطلب أن يكون رئيس الجمهورية منتمي لأي حزب".

وطالب حمدي مفوضية الإنتخابات، بإلغاء إنتخابات المجلس الوطني والمجالس التشريعية الولائية، وأن يكون الإقتراع يوم واحد، بدلاً عن الأيام الثلاثة التي حددتها المفوضية. مشيرا الى أن برنامجه يتضمن انشاء المدينة العالمية واقامة بنيات تحتية شاملة و متكاملة حديثة و متقدمة وجعل الحد الادنى للأجور لا يقل عن 600 دولار في الشهر ومجانية التعليم وايجاد أكثر من عشرين مليون فرصة عمل. وعمل عملة وطنية منافسة عالمياً. وعودة جميع المهاجرين إلى أرض الأهل و الوطن. وايجاد حلول جذرية للمشاكل القبلية و الجهوية.

وكشف حمدي عن برنامجة الإنتخابي، الذي يعتمد على إعادة تخطيط السودان، وتوطين كل سكان السودان في "الخرطوم وبحري وأمدرمان"، ليتم نقل جميع السكان لهذه المدن الثلاث و تكون هذه المدن بمساحة 50 كيلومتر في 50 كيلومتر أي بمساحة 2,500 كيلومتر مربع لكل مدينة و يتم تقسيم وتخطيط كل السودان الى مربعات، على ان تُستغل باقي المساحة في المشاريع الزراعية، فضلاً عن نزع كل الاراضي من المواطنين، لتكون ملكيتها للدولة. مشيرا الى أن برنامجه يتضمن قيام حكومة انتقالية وإتاحة فرص التعبير وإطلاق الحريات للممارسة السياسية الرشيدة خدمة للبلاد والعباد ووضع الدستور لحكم البلاد و إدارة الدولة.

وقال حمدي إن برنامجه في مجال العلاقات الخارجية يرتكز على احترام خصوصية الآخر و عدم التدخل في شؤون الآخرين وتبادل المصالح بين الدول، بجانب السعى لاعفاء ديون السودان الخارجية، لافتا الى انه في حال فوزة بالرئاسة سيكون حافزاً و دافعاً للدول الدائنة لإعفاء ديونها كما سيتم إيجاد حلول أخرى مثل منح أراضي زراعية لفترات محددة و بقيمة إئجارية محددة تغطي هذه الديون و غيرها.

وأتهم حمدي وسائل الإعلام الحكومية بعدم إلتزامها بمبدأ تكافؤ الفرص للمرشحين لعرض برامجهم الإنتخابية. قائلا إن هدف ترشحه للانتخابات هو دعم المواطن السوداني وتقديم كافة الخدمات الضرورية له من خلال رؤية عملية لكل القضايا المطروحة بالساحة و كل ما يهم المواطن السوداني".

واشار الى انه ستتم مراجعة الاستثمارات الحالية و النظر في كيفية تطويرها و فق خطة إستراتيجية وإنشاء مؤسسة وطنية حكومية للعمل في مجال البترول وتشجيع رؤوس الأموال الوطنية للاستثمار الزراعي منفردين أو عن طريق تكوين شركات المساهمة العامة وإعادة تخطيط السودان إلى مربعات زراعية وزاد قائلا" ديوان الضرائب واحد من المؤسسات التي سوف يتم إلغاؤها فوراً".

image
حمدي حسن أحمد،


تعليقات 87 | إهداء 0 | زيارات 33612

صفحة 1 من 212>
التعليقات
#1235004 [Zakir]
0.00/5 (0 صوت)

03-26-2015 11:24 AM
ﺻﺪﻳﻖ ﻣﺤﻤﺪﻋﺜﻤﺎﻥ ( الكادر الاسلامي المعروف) كتب ﺑﺼﻔﺤﺔ ﺳﺎﺋﺤﻮﻥ ﻭﺍﻟﺘﻲ ﺗﻀﻢ ﺍﻟﻌﺪﻳﺪ ﻣﻦ ﺍﻻﻧﻘﺎﺫﻳﻴﻦ .. ﻛﺘﺐ ﻳﻘﻮﻝ :
ﺍﻟﺬﻳﻦ ﻳﺤﺪﺛﻮﻧﻨﺎ ﻋﻦ ﻭﺣﺪﺓ ﺍﻟﺤﺮﻛﺔ ﺍﻻﺳﻼﻣﻴﺔ ﻟﻤﻮﺍﺟﻬﺔ ﺍﻟﻌﻠﻤﺎﻧﻴﻴﻦ ﻭﺍﻟﺠﺒﻬﺔ
ﺍﻟﺜﻮﺭﻳﺔ.. ﻧﺤﺪﺛﻬﻢ ﻋﻦ ﻣﻌﻨﻰ ﺍﻻﺳﻼﻡ ﺍﻭﻻ..
ﺍﻟﺮﺟﻞ ﺍﻟﺬﻱ ﻳﺤﻤﻞ ﻣﻄﺮﻗﺘﻪ ﻭﻣﺴﻤﺎﺭﻩ ﻟﻴﻐﺮﺳﻪ ﻋﻤﻴﻘﺎ ﻓﻰ ﺭﺍﺱ ﻧﻘﻴﺐ ﺍﻻﻃﺒﺎﺀ ﻳﻮﻣﻬﺎ ﻭﻳﺘﺮﻛﻪ ﺟﺜﺔ ﻫﺎﻣﺪﺓ.. ﻟﻢ ﻳﻜﻦ ﻳﻘﺮﺃ ﺭﺃﺱ ﺍﻟﻤﺎﻝ ﻟﻜﺎﺭﻝ ﻣﺎﺭﻛﺲ,ﻭﺍﻧﻤﺎ ﻛﺎﻥ ﻳﺘﻠﻮ ﺍﻟﻘﺮﺀﺍﻥ ﻭﻳﺒﻜﻰ ﻓﻲ ﺻﻼﺗﻪ..
ﻭﺍﻟﺮﺟﺎﻝ ﺍﻟﺬﻳﻦ ﻗﺘﻠﻮ ﺍﻟﻤﻬﻴﺐ ﻭﺷﻤﺲ ﺍﻟﺪﻳﻦ ﻭﺍﺑﻮ ﺍﻟﺮﻳﺶ ﻟﻢ ﻳﻜﻮﻧﻮﺍ ﻳﻘﺮﺃﻭﻥ ﻛﺮﺍﺳﺎﺕ ﺍﻟﺴﺠﻦ ﻟﻐﺮﺍﻣﺸﻰ.. ﻭﺍﻧﻤﺎ ﻛﺎﻧﻮﺍ ﻳﻘﺮﺃﻭﻥ ﻇﻼﻝ ﺍﻟﻘﺮﺀﺍﻥ ﻭﻣﻌﺎﻟﻢ ﻓﻰ ﺍﻟﻄﺮﻳﻖ ﻭﻳﺼﻮﻣﻮﻥ ﺍﻻﺛﻨﻴﻦ ﻭﺍﻟﺨﻤﻴﺲ..
ﻭﺍﻟﺮﺟﺎﻝ ﺍﻟﺬﻳﻦ ﺍﻃﻠﻘﻮﺍ ﺍﻟﺮﺻﺎﺹ ﻋﻠﻰ ﻋﻠﻰ ﺃﺣﻤﺪ ﺍﻟﺒﺸﻴﺮ ﺍﻣﺎﻡ ﺯﻭﺟﺘﻪ ﻭﺍﻃﻔﺎﻟﻪ ﻭﺍﺭﺩﻭﻩ ﻗﺘﻴﻼ.. ﻟﻢ ﻳﻜﻮﻧﻮﺍ ﻳﺘﺮﻧﺤﻮﻥ ﻣﻦ ﺍﻟﺨﻤﺮ ﻭﺍﻧﻤﺎ ﻛﺎﻧﺖ ﻓﻰ ﺟﺒﺎﻫﻬﻢ ﻏﺮﺓ ﺍﻟﺼﻼﺓ ﻭﻣﺤﺠﻠﻴﻦ ﻣﻦ ﺍﻟﻮﺿﻮﺀ..
ﻭﺍﻟﺮﺟﺎﻝ ﺍﻟﺬﻳﻦ ﻋﺬﺑﻮﺍ ﺍﺑﻮ ﺫﺭ ﻋﻠﻰ ﺍﻻﻣﻴﻦ ﺣﺘﻰ ﺗﻤﺰﻗﺖ ﻛﻠﻴﺘﻪ ﻟﻢ ﻳﻜﻮﻧﻮﺍ ﺭﺟﺎﻝ ﺍﻟﺴﺎﻓﺎﻙ ﻭﻻ ﺍﻟﻤﻮﺳﺎﺩ.. ﻭﺍﻧﻤﺎ ﻛﺎﻧﻮﺍ ﺭﺟﺎﻝ ﺍﻣﻦ ﺩﻭﻟﺔ ﺍﻟﻤﺸﺮﻭﻉ ﺍﻟﺤﻀﺎﺭﻯ.
ﻭﺍﻟﺮﺟﺎﻝ ﺍﻟﺬﻳﻦ ﺍﻃﻠﻘﻮﺍ ﺍﻟﻨﺎﺭ ﻋﻠﻰ ﺍﻟﺒﺴﻄﺎﺀ ﻓﻰ ﺑﻮﺭﺗﺴﻮﺩﺍﻥ ﻭﻗﺘﻠﻮﺍ 29 ﺷﻬﻴﺪﺍ ﺍﻋﺰﻝ ﻟﻢ ﻳﻜﻮﻧﻮﺍ ﻋﻨﺎﺻﺮ ﺍﻟﺤﺰﺏ ﺍﻟﺸﻴﻮﻋﻰ ﺍﻟﺮﻭﺳﻲ ﻭﻻ ﺍﻝ ( ....... ) ﻭﺍﻧﻤﺎ ﻛﺎﻧﻮﺍ ﺭﺟﺎﻝ ﺍﻟﻤﺆﺗﻤﺮ ﺍﻟﻮﻃﻨﻰ..
ﻭﺍﻟﺬﻳﻦ ﻗﺘﻠﻮﺍ ﺷﻬﺪﺍﺀ ﻛﺠﺒﺎﺭ ﻟﻢ ﻳﻜﻮﻧﻮﺍ ﺭﺟﺎﻝ ﻛﺎﺳﺘﺮﻭ ﻓﻰ ﻛﻮﺑﺎ.. ﻭﻟﻜﻦ ﻛﺎﻧﻮﺍ ﺭﺟﺎﻝ ﻋﻤﺮ ﺍﻟﺒﺸﻴﺮ ﺍﻻﺳﻼﻣﻰ..
ﻭﻣﻦ ﺍﻃﻠﻖ ﺍﻟﺮﺻﺎﺹ ﻋﻠﻰ ﻃﻼﺏ ﺍﻟﻔﺎﺷﺮ ﻭﻧﻴﺎﻻ ﻟﻢ ﻳﻜﻮﻧﻮﺍ ﻗﺎﺩﻣﻴﻦ ﻣﻦ ﺣﺰﺏ ﺍﻟﻠﻴﻜﻮﺩ ﺍﻻﺳﺮﺍﺋﻴﻠﻰ.. ﻭﺍﻧﻤﺎ ﻛﺎﻧﻮﺍ ﺭﺟﺎﻝ ﺣﺰﺏ ﻧﺎﻓﻊ ﻭﻋﻠﻰ ﻋﺜﻤﺎﻥ ﺍﻻﺳﻼﻣﻴﻴﻦ..
ﻭﺍﻟﺒﺮﻟﻤﺎﻥ ﺍﻟﺬﻯ أﺣﻞ ﺍﻟﺮﺑﺎ.. ﻟﻢ ﻳﻜﻦ ﺑﺮﻟﻤﺎﻥ ﺍﻟﺠﺒﻬﺔ ﺍﻟﺜﻮﺭﻳﺔ..ﻭﺍﻧﻤﺎ ﺑﺮﻟﻤﺎﻥ ﺍﻟﺤﺮﻛﺔ ﺍﻻﺳﻼﻣﻴﺔ ﺟﻨﺎﺡ ﺍﻟﻤﺆﺗﻤﺮ ﺍﻟﻮﻃﻨﻰ.
ﻭﻛﻞ ﺍﻟﻤﺨﺘﻠﺴﻴﻦ ﻟﻠﺰﻛﺎﺓ ﻭﺍﻻﻭﻗﺎﻑ ﻭﺷﺮﻛﺔ ﺍﻻﻗﻄﺎﻥ ﻭﺧﻂ ﻫﻴﺜﺮﻭﺍ ﻭﻓﺎﺳﺪﻯ ﺍﻟﺘﻘﺎﻭﻯ ﻭﻭﻭﻭ .. ﻟﻢ ﻳﻜﻮﻧﻮﺍ ﻋﻠﻤﺎﻧﻴﻴﻦ ﻭﺍﻋﻀﺎﺀ ﺍﻟﺤﺰﺏ ﺍﻟﺸﻴﻮﻋﻰ ﺍﻭ ﺑﻌﺜﻴﻴﻦ ﻭﺍﻧﻤﺎ ﺭﺟﺎﻝ ﺍﻟﻤﺆﺗﻤﺮ ﺍﻟﻮﻃﻨﻰ..
ﻭﺍﻟﻄﻴﺮﺍﻥ ﺍﻟﺬﻯ ﻟﻢ ﻳﺴﺘﺜﻨﻰ ﺍﻣﺮﺃﺓ ﺍﻭ ﻃﻔﻼ ﺍﻭﺷﻴﺨﺎ ﺍﻭﺷﺠﺮﺓ ﻓﻰ ﺩﺍﺭﻓﻮﺭ ﻟﻢ ﻳﻜﻦ ﻃﻴﺮﺍﻥ ﺩﻭﻟﺔ ﻋﻠﻤﺎﻧﻴﺔ.. ﻭﺍﻧﻤﺎ ﻛﺎﻥ ﻃﻴﺮﺍﻥ ﺣﻜﻮﻣﺔ ﺍﻟﺴﻮﺩﺍﻥ ﺍﻻﺳﻼﻣﻴﺔ
ﻭ(ﺍﻟﺬﻳﻦ ﻳﻜﻨﺰﻭﻥ ﺍﻟﺬﻫﺐ ﻭﺍﻟﻔﻀﻪ).. ﻟﻢ ﻳﻜﻮﻧﻮﺍ ﻓﺎﺭﻭﻕ ﺍﺑﻮﻋﻴﺴﻰ ﻭﻧﻘﺪ ﻭﻓﺎﻃﻤﻪ ﺍﺣﻤﺪ ﺍﺑﺮﺍﻫﻴﻢ .. ﻭﺍﻧﻤﺎ ﺍﻟﺒﺸﻴﺮ ﻭﺍﺧﻮﺍﻧﻪ ﻭﺍﻟﻤﺘﻌﺎﻓﻰ ﻭﻋﺒﺪﺍﻟﺒﺎﺳﻂ ﺣﻤﺰﻩ ﻭﺟﻤﺎﻝ ﺯﻣﻘﺎﻥ ﻭﻛﺮﺗﻰ ﻭﻭﻭﻭﻭ ﻛﺒﺎﺭ ﺍﻻﺳﻼﻣﻴﻴﻦ.

ﺍﻻﺳﻼﻡ ﺍﻟﺬﻯ ﻧﻌﺮﻓﻪ ﻭﻧﺆﻣﻦ ﺑﻪ ﻳﻜﻠﻤﻨﺎ ﻋﻦ ﺍﻣﺮﺃﺓ ﺩﺧﻠﺖ ﺍﻟﻨﺎﺭ ﻓﻰ ﻫﺮﻩ.. ﻓﻘﻂ ( ﻫﺮﻩ).
ﻭﺭﺟﺎﻝ ﺍﻣﻦ ﺍﻟﺒﺸﻴﺮ ﻳﺘﻌﺎﻣﻠﻮﻥ ﻣﻊ ﺍﻛﺒﺎﺩ ﺍﻟﻨﺎﺱ ﻭﺍﻃﻔﺎﻟﻬﻢ ﻛﺎﻧﻬﻢ ﺍﻗﻞ ﻣﻦ ﺍﻟﻘﻄﻂ..
ﻭﺍﻋﻼﻣﻬﻢ ﻳﺤﺪﺛﻨﺎ ﻋﻦ (ﺍﺣﺘﻤﺎﻝ) ﺗﺴﻠﻞ ﺍﻟﺠﺒﻬﺔ ﺍﻟﺜﻮﺭﻳﺔ ﻭﻧﺤﺪﺛﻬﻢ (ﻳﻘﻴﻨﺎ) ﻋﻦ ﻗﺘﻠﻬﻢ ﻻﺧﻮﺍﻧﻬﻢ ﻣﻦ ﻗﺒﻞ..ﻭﺑﻄﺸﻬﻢ ﻭﺳﺤﻠﻬﻢ ﻟﻠﻨﺎﺱ ﺑﺮﺻﺎﺹ ﺍﻻﻣﻦ ﻭﺍﻟﺸﺮﻃﺔ..
ﻭﺍﻻﺳﻼﻡ ﺍﻟﺬﻯ ﻧﻌﺮﻓﻪ ﻟﻴﺲ ﺍﺳﻼﻡ ﺍﻟﻤﺆﺗﻤﺮ ﺍﻟﻮﻃﻨﻰ.. ﺍﻻﺳﻼﻡ ﺍﻟﺬﻱ ﻳﺴﺘﺤﻞ ﺍﻟﺮﺑﺎ ﻭﺍﻟﺪﻡ ﺍﻟﺤﺮﺍﻡ..
ﻓﺎﺳﻼﻣﻨﺎ ﻳﻌﻠﻦ ﺍﻥ ﻣﻦ ﻟﻢ ﺗﻨﻬﻪ ﺻﻼﺗﻪ ﻋﻦ ﺍﻟﻔﺤﺸﺎﺀ ﻭﺍﻟﻤﻨﻜﺮ ﻓﻼ ﺻﻼﺓ ﻟﻪ..
ﻭﻳﺤﺪﺛﻮﻧﻨﺎ ﻋﻦ ﺍﺳﻼﻣﻬﻢ ﻭﻧﺤﺪﺛﻬﻢ ﻋﻦ ﻋﺠﻞ ﺍﻟﺴﺎﻣﺮﻯ.. ﻭﻋﻦ ﻛﺬﺏ ﺍﻟﺴﺎﻣﺮﻯ ﻭﻫﻮ ﻳﻘﻮﻝ ( ﻫﺬﺍ ﺍﻟﻬﻜﻢ ﻭﺍﻟﻪ ﻣﻮﺳﻰ)..

ﻓﻌﻦ ﺍﻯ ﻭﺣﺪﺓ ﺻﻒ ﺗﻜﻠﻤﻮﻧﻨﺎ .. ﻭﻋﻦ ﺍﻯ ﻣﻮﺍﺟﻬﺔ ﺑﺎﻃﻞ ﻭﻋﻦ ﺍﻯ ﺣﺮﻛﺔ
ﺍﺳﻼﻡ !!
ﺍﻻﺳﻼﻡ ﺍﻟﺬﻯ ﻧﻌﺮﻓﻪ ﻳﺒﻜﻰ ﻋﻠﻰ ﺟﺜﺔ ﻳﻬﻮﺩﻯ ﺗﺘﻔﻠﺖ ﺍﻟﻰ ﺍﻟﻨﺎﺭ..
ﺍﻻﺳﻼﻡ ﺍﻟﺬﻯ ﻧﻌﺮﻓﻪ ﻳﻤﺸﻲ ﺑﻴﻦ ﺍﻟﻨﺎﺱ ﻳﻌﺪﻝ ﻭﻳﻘﺴﻢ ﺑﺎﻟﺴﻮﻳﺔ.. ﻭﻳﺘﺤﻤﻞ ﺍﻻﺫﻯ.. ﻭﻳﻨﺸﺮ ﺍﻟﻘﺴﻂ.. ﻭﻳﻘﺘﺺ ﻣﻦ ﺍﻟﺮﺳﻮﻝ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ ﻓﻰ ﻃﻌﻨﺔ ﻣﺴﻮﺍﻙ..
ﺍﺳﻼﻡ ﻳﻘﻀﻰ ﺑﺎﻟﺪﺭﻉ ﻟﻴﻬﻮﺩﻯ ﻣﻦ ﺧﺼﻤﻪ ﺍﻣﻴﺮ ﺍﻟﻤﺆﻣﻨﻴﻦ ﻋﻠﻰ ﺍﺑﻦ ﺍﺑﻰ ﻃﺎﻟﺐ..
ﺍﺳﻼﻡ ﻳﻘﺎﺳﻢ ﺍﺑﻦ ﺍﻣﻴﺮ ﺍﻟﻤﺆﻣﻨﻴﻦ ﻋﻤﺮ ﺍﺑﻦ ﺍﻟﺨﻄﺎﺏ ﻣﺎﻟﻪ ﻟﺸﺒﻬﺔ ﻓﻘﻂ.. ﺷﺒﻬﺔ ﻭﻟﻴﺲ ﺟﺮﻳﻤة..
ﺍﺳﻼﻡ ﻳﺴﺘﺸﻌﺮ ﺍﻟﻤﺴﺌﻮﻟﻴﺔ ﻋﻦ ﺑﻐﻠﺔ ﺗﻌﺜﺮ ﻓﻰ ﺍﻟﻌﺮﺍﻕ..
ﺍﺳﻼﻡ ﻳﺪﻋﻮ ﻋﻠﻰ ﺍﻟﻈﺎﻟﻢ ( ﺍﻟﻠﻬﻢ ﻣﻦ ﺷﻖ ﻋﻠﻰ ﺍﻣﺘﻰ ﻓﺄﺷﻘﻖ ﻋﻠﻴﻪ )..
ﺍﺳﻼﻡ ﻳﻘﻮﻡ ﻓﻴﻪ ﻋﻮﺍﻡ ﺍﻟﻨﺎﺱ ﺍﻋﻮﺟﺎﺝ ﺍﻣﻴﺮﻫﻢ ﺑﺤﺪ ﺳﻴﻮﻓﻬﻢ..
ﺍﺳﻼﻡ ﻳﺤﺲ ﺑﺎﻟﻨﺎﺱ ( ﻟﻴﺲ ﻣﻨﺎ ﻣﻦ ﺑﺎﺕ ﺷﺒﻌﺎﻥ ﻭﺟﺎﺭﻩ ﺟﺎﺋﻊ ﺍﻟﻰ ﺟﻮﺍﺭﻩ)..
ﺍﺳﻼﻡ ﺟﺎﺀ ﺍﻧﺤﻴﺎﺯﺍ ﻟﻠﻔﻘﺮﺍﺀ ﻭﺍﻟﻤﺤﺮﻭﻣﻴﻦ ﻭﺍﻟﻤﺴﺘﻀﻌﻔﻴﻦ ﻭﺍﻟﻤﺴﺘﻌﺒﺪﻳﻦ ﺗﺤﺮﻳﺮﺍ ﻭﺍﺭﺗﻘﺎﺀ..

ﺫﻟﻚ ﺍﻻﺳﻼﻡ ﺍﻟﺬﻯ ﻧﺮﺍﻩ ﻭﺳﻂ ﺍﻟﻨﺎﺱ ﻓﻰ ﻣﺎﻳﻮ ﻭﺍﻟﺼﺤﺎﻓﺎﺕ ﻭﺍﻟﻜﻼﻛﻼﺕ ﻭﺍﻟﺜﻮﺭﺓ ﻭﺍﻣﺒﺪﺍﺕ ﻭﺍﻟﺤﺎﺝ ﻳﻮﺳﻒ ﻭﻓﻰ ﻛﻞ ﻗﺮﻯ ﺍﻟﺴﻮﺩﺍﻥ ﻭﻋﻨﺪ ﻋﻮﺍﻡ ﺍﻟﻨﺎﺱ..
ﺍﺳﻼﻡ ﻫﺆﻻﺀ ﻫﻮ ﺍﺳﻼﻣﻨﺎ ﻭﺍﺣﺐ ﺍﻟﻴﻨﺎ ﻣﻦ ﺍﺳﻼﻡ ﺍﻟﻤﺆﺗﻤﺮ ﺍﻟﻮﻃﻨﻰ..

ﻓﻘﻂ ﺳﻨﺴﻤﻊ ﻧﺼﻴﺤﺘﻜﻢ ﻓﻰ ﺩﻋﻮﺗﻨﺎ ﻟﻠﻮﻗﻮﻑ ﻓﻰ ﻭﺟﻪ ﺍﻟﻔﺎﺳﺪﻳﻦ ﻭﺍﻟﻤﺨﺮﺑﻴﻦ ﻭﺍﻟﻠﺼﻮﺹ..
ﻭﻻ ﻟﺼﻮﺹ ﻭﻻﻓﺎﺳﺪﻳﻦ ﻭﻻ ﻣﺨﺮﺑﻴﻦ ﺍﻛﺜﺮ ﻣن ......

ﺍﻳﻬﺎ ﺍﻟﻨﺎﺱ ﺷﺪﻭﺍ ﺑﻘﻮﺓ ﻋﻠﻰ ﻫﺬﺍ ﺍﻻﺳﻼﻡ ﺍﻟﻤﺰﻭﺭ ..
ﻫﻢ ﻟﻢ ﻳﻘﺘﻠﻮﻛﻢ ﻓﻘﻂ .. ﻭﺍﻧﻤﺎ ﻳﺤﺎﻭﻟﻮﻥ ﺍﻳﻀﺎ ﻗﺘﻞ ﻗﻴﻢ ﻭﻣﻌﺎﻧﻰ ﺍﻟﺪﻳﻦ.
ﺷﺪﻭﺍ ﺑﻘﻮﺓ ﻋﻠﻰ ﻫﺬﻩ ﺍﻟﺤﺮﻛﺔ ﺍﻟﺘﻰ ﺗﺪﻋﻰ ﺍﻧﻬﺎ ﺍﺳﻼﻣﻴﺔ..
ﺩﻣﺮﻭﺍ ﻫﺬﺍ ﺍﻟﻌﺠﻞ ﻭﺍﻧﺴﻔﻮﻩ ﻧﺴﻔﺎ..
ﻻﻭﺣﺪﺓ ﺣﺮﻛﺔ ﺍﺳﻼﻣﻴﺔ ﺍﻟﻴﻮﻡ ﺍﻻ ﻣﻊ ﻫﺬﻩ ﺍﻟﺠﻤﺎﻫﻴﺮ ﺍﻟﻤﺴﻠمة..

[Zakir]

#1226129 [ارحل]
3.50/5 (2 صوت)

03-12-2015 05:01 PM
حمدي حسن دا يا جماعه موتمر شعبي وكان دباب بس سافر الإمارات طول وحسي جاي يترشح معناهو الترابي بي وراهو وكان في الجنوب بعرفه كويس ومن أولاد الحصاحيصا

[ارحل]

#1226025 [jas]
0.00/5 (0 صوت)

03-12-2015 01:36 PM
خلو يا جماعة محاولتو جيدة بصراحة لكن هو خريج شنو اولا

[jas]

#1225989 [حيرتونا]
5.00/5 (2 صوت)

03-12-2015 12:46 PM
كان الترشيح للإنتخابات بالجعجعة والكلام الفارغ المبيصدقوه الصغار خلي الكبار ...كان كده كل الشعب يمشي يرشح نفسه للرئاسة ما هو كلام ابن عم حديث على قولة المصريين..

[حيرتونا]

ردود على حيرتونا
United States [زول فنان] 03-12-2015 04:52 PM
ودايره يعمل ليك شنو يعني قبل الإنتخابات؟؟؟ ماهو اي زول عايز ينتخب بجعجع..

European Union [هرمنا] 03-12-2015 03:42 PM
السودان ما محتاج اي اانتخابات لاصلاح الوضع الاقتصادي وووو
السودان في حاجة ماسة لاصلاح النوس واذالة الغبن والضغائين بين اهل السودان عشان كل واحد يرضى بالاخر ويحترم وطنيته ويعترف حق الغير وبعدها نفكر في من يحكمنا ولكن بهذه الحالة لن نفك من كثييييييير من المعضلات واولها الجهويات والقبليات التي لن نستطيع التخلص منها حتى في اعلي المستويات


#1225882 [سودانى بحب بلده]
0.00/5 (0 صوت)

03-12-2015 10:49 AM
صدق كارل ماركس حينما قال قولته المفتاحية فى تفسيره للتاريخ والتى قال فيها ان (التاريخ يعيد نفسه ولكن الاعادة تكون فى صورة ملهاة)
اذا اردنا ان نسحب هذا القول على ما يدور حولنا فى هذا الزمان الشرم برم ما اكثر المضحكات المبكيات بالله عليكم فى سخرية ولعب على العقول اكثر من ذلك؟ ما هذه الكوميديا السوداء التى تحيط بنا احاطة السوار بالمعصم حقيقة هذا المؤتمر الاوطنى لا يحترم عقولنا.. قال طفل معجزة قال

[سودانى بحب بلده]

#1225742 [بلادي وإن جارت علي عزيزة]
5.00/5 (1 صوت)

03-12-2015 08:32 AM
نحن معك بالتوفيق ايها البطل وفي كل الحالات انت أفضل من بني كوز

[بلادي وإن جارت علي عزيزة]

#1225643 [بت السودان]
5.00/5 (3 صوت)

03-12-2015 03:32 AM
"وايجاد أكثر من عشرين مليون فرصة عمل" عشرون مليون مرة واحدة كان يقول مليونا وظيفة كل عام وهو السودان فيهو كم علشان يقول كدا محن والله

[بت السودان]

ردود على بت السودان
[nagatabuzaid] 03-12-2015 01:27 PM
علشان تعرفوه من فصيلة ( عبطنا ) دى فصيلة مؤتمرجية تشمل مجموعة العبطاءوالدلاهات وانهم كثر


#1225620 [أفكار الشاشه و الدقن مقشاشه]
5.00/5 (1 صوت)

03-12-2015 01:17 AM
دي لافيها بي كم كرت يا حمودي ؟

[أفكار الشاشه و الدقن مقشاشه]

#1225580 [nagatabuzaid]
4.88/5 (4 صوت)

03-11-2015 11:00 PM
الايام دى اكتشفنا ان المؤتمر السجمى به اعداد مهولة من المخلوقات الهبل والعبط بالله عليكم فى مرشح الفة لفصل يقول عن نفسه يجب ان يطلق على الطفل المعجزة لانى صغنتوووووت انت وياسر ابكر ومصطفى عثمان من فصيلة واااااااحدة يا طفل يا معجزة كمان جاتنا رئاسة الاطفال ؟؟ روح شوف لك حضانة اتحشر فيها وابقى رئيس عليها

[nagatabuzaid]

ردود على nagatabuzaid
[Captain Silver] 03-12-2015 03:23 AM
Long live nagatabuzaid


#1225561 [صلاح إبراهيم]
5.00/5 (2 صوت)

03-11-2015 10:14 PM
الطفل المعجزة ده واحد موهوم. ههههههههههههههه

[صلاح إبراهيم]

#1225551 [عطا]
5.00/5 (4 صوت)

03-11-2015 09:43 PM
أسأت للأطفال يا أخي .... مبروك مقدماً بالرئاسة .... ألف مبروك ...... بالله أعطوك كم ناس النظام عشان تكون واحد من الكومبارس بتاعين انتخابات رئاسة الجمهورية....إذاتريد أن تحول لقب ( الطفل المعجزة) من صاحبه الأصلي فقد خاب سعيك يا سيادة الرئيس الجديد

[عطا]

#1225544 [Rebel]
4.00/5 (2 صوت)

03-11-2015 09:32 PM
* و الله يا كيزان الهوس و الدجل و الشعوذه, حيرتونا فى امركم عديل..تتلونوا زى "الحربويه"!!
* انتو قايلين العب ده اهبل!!
* لعنة الله عليكم و على إنتخاباتكم..آمين

[Rebel]

#1225533 [حلفانكيل]
4.50/5 (4 صوت)

03-11-2015 09:04 PM
رشحونى وانا سوف الغى اللغة العربية واعيد السودان لسابقه مملكة نوبية لاعلاقة لها بالعرب ولا الانجليز .. اللغة النوبية تدرس فى المدارس واسحب السودان من الجامعة العربية ولو السودان ما بقى زي ماليزيا فى عشرة سنين بسلم نفسى للشعب يحكموا على بما يرونه مناسباً ..

جربونى عشرة سنين بس وشوفو .. انتو جربتو البشير 26 سنه وطلعكم بقد القفة

تنازلى عن العربية لايعنى التنازل عن الاسلام فالاسلام ديننا الى يوم الدين .. ولكننى اريد ارجاع كل شى الى مصدره ويمكن الصورة المقلوبة نعدلها ..

[حلفانكيل]

ردود على حلفانكيل
[حلفانكيل] 03-12-2015 05:43 PM
abbood

هدى من روعك وما تزعل واختلاف الراى لا يفسدفى الود قضية ..

انا اخترت النوبية عشان هى الحضارة الوحيدة التاريخها بضر 7 الف سنة فى جزو السودان ولو عندك حضارة قبلها بالسودان قدم طلبك لندرسه ..
ثانيا اذا تحدث النوبية حتكون بعيد من العرب سبب الازية والانجليز العلوج وكدا حيهابونا زي ايران

وفعلاً مشاكل السودان كله فى اللغة العربية والدليل فصل الجنوب بسبب العربية والان فصل دارفور وبصفوننا بالجلابة ...
عبود ما تقولنى شى انا ماقلتو انا ماقلت حنطرد الماناطقين بالنوبية واذا شخصيا لغتى النوبية ضعيفة لكن انا قصدى تدرس وتقرا وتكتب ونتعلمها وبعد داك ننسحب الجامعة العربية ..
ونبدا بتعمير السودان بدون ما زول يصرف عربي كتير ..

عبود قبل دخول اللغة العربية السودان قبل 300 عام كيف كان يتفاهمون السكان وباي لغة ؟؟

[Abbood] 03-12-2015 02:58 PM
يعني كل المشكلة اللغة ؟؟ ياخي اتكلم إنت لغتك أولاً بعدين أفرضها على الناس .. ثم ثانياً ليه اللغة النوبية ؟؟ ليه ما نتعلم فوراوية و لا زغاوية ؟؟ ما عاجبينك ... و الا أقول لك الدناقلة ديل ما أولاد عمك و جيرانك فايت بعيد ليشنو ؟؟
ياخي بدل تقول الحمد لله أنك اتعلمت عربي و هادا إنت تكتب بالعربي و تقدر تتكلم مع كل السودانيين بمختلف لغاتهم بلغة واحدة دايرنا نرجع كل سوداني يرطن برطانتو ... بعدين نحن الماعندنا رطانة و متحكرين وسط البلد نقطع ألسنتنا ؟؟ لكن أحسن من كدا إذا شايف في بلد تاني بيقبلنا اتوسط لينا ليهو و خلينا نرحل و نسيب ليك السودان دا مرة واحدة ... يا ريت ..


#1225530 [Adam]
5.00/5 (1 صوت)

03-11-2015 08:59 PM
أحلام زلوظ

[Adam]

#1225515 [العجب]
5.00/5 (3 صوت)

03-11-2015 08:20 PM
الكيزان ديل بمختلف أشكالهم بألنسبة ليهم السودان ده زى مختبر للفئران والارانب للتجارب يسوطوا وينهبوا فيهو زى ما عاوزين, أها ده واحد فيهم عاوز يجرب حظو.

[العجب]

#1225510 [الخبير]
5.00/5 (2 صوت)

03-11-2015 08:01 PM
وما قال لينا حيحكم بشريعة البشير ولا نسخة جديدة تانية, على كل حال شكلو ما مريح!

[الخبير]

#1225503 [عبد الرحيم خلف]
0.00/5 (0 صوت)

03-11-2015 07:47 PM
"وكشف حمدي عن برنامجة الإنتخابي، الذي يعتمد على إعادة تخطيط السودان، وتوطين كل سكان السودان في "الخرطوم وبحري وأمدرمان"، ليتم نقل جميع السكان لهذه المدن الثلاث"
تطور ملحوظ في برامج منافسي البشير ...فالرجل لم يقل أن برنامجه الأنتخابي يقوم على جمهورية السودان العائمة كما قال سادج آخر من قبل...الله يكون في عون السودان مع مثل هؤلاء.

[عبد الرحيم خلف]

#1225497 [سعيد لورد]
5.00/5 (1 صوت)

03-11-2015 07:38 PM
لو كان هدفك هو دعم المواطن السوداني لما قررت الترشح فيما يسمى بانتخابات يعرف القاصي والداني أنهاعبثية.
فأنت و أمثالك من المرشحين أياً كانت انتماءاتهم يعتبرون ضمن أحزاب الفكة.

لما تسأل نفسك يا هذ
ا لماذا سمح لك المؤتمر الوطني عبر منابره بالتغريد خارج أسرابها بقولك:
أن حزب البشير يتحمل مسؤولية الخراب والدمار الذي حلّ بالبلاد،
و بطلبك من عمر البشير بإيقاف ترشحه والإنسحاب من الانتخابات ؟
بينما يقبع المناضلين الشريفين ( فاروق أبو عيسى ) و ( أمين مكي مدني) في سجون النظام.
و هما في سن جدك لا لجرم اقترفته الأيادي بل لكلمة حق صدحوا بها و لتوقيعهم على اتفاقية مبنية على قناعة بأن المؤتمر الوطني يتحمل الخراب والدمار الذي حل بالوطن؟

[سعيد لورد]

#1225482 [عطوى32]
5.00/5 (3 صوت)

03-11-2015 07:08 PM
...... هههههههه سبحان الله حتى اشكالهم واحده معالمها الغباء والبلاهة والشراهة فى السرقة والاكل واحده من خطط الكيزان بسبب بوار مشروعية انتخاباتهم وكذبهم فلا احد مهتم بانتخباباتهم فى الاصل ... عشاان كدا فكو ليكم هذا الكوز الاكول لممارسة الرشاقة والالهاء حتى يخدع البعض بان هناك انتخابات وان هناك فعلا من ينافس البشير ومن ينتقده وينتقد حزبة الوحيد الذى ماسك بتلابيب الشعب السودانى منذ 26 سنة ...

قال حمدى غواصة الكيزان بان المؤتمر سبب الخراب وان ات للاصلاح ووو ؟؟؟؟!!

.. لو كنت فعلا معارض او فعلا يهمك امر السودان كان اختصرت كل الرغى هذا وطالبت بحكومة انتقالية ومحاسبة المفسدين حينها يمكننا ان نصدقك ... اما نوعية كلام هذة يرددها الصادق المهدى وغيرة من اشباة المعارضيين ناهيك انت والامس القريب كان كمال عمر يشتم عصابة المؤتمر وقتل فيكم مالم يقلة مالك فى الخمر وفى النهاية طلع بيقووم فى دور محدد وهو شغل الناس او ان يحال ان يجمل وجة الاخوان القبيح بان هناك مخلصون ووطنيين وهكذا يخدع البسطاء ... وحتى الطريقة التى ظهر بها هذا المدعو حمدى وتاريخة وفتح كل هذة المساحة وفى وكالة السودان للامباءهو ما يفضح مخطط هذا الشخص بالاتفاق مع عمر البشير ونافع وغيرهم من مجرلامى الكيزان .....

....... فقط لدينا سؤال واحد وطالب واحد لاى كوز متشدق او مدعى الوطنية او واثقف فى بشيره هذا ..

عليكم ياكيزان ان كنتم مؤمنيين بان حزبكم هو الاكبر والاكثر تنظيما .. والاكثر عضوية طالما هذا هو حالكم فلماذا تخشون المنافسة الحقيقة ؟؟؟؟ والعادلة ؟؟

على عمر البشير ان يستقيل ويقوم بحل الحكومة ويسلم الحكومة لحكومة تكنقراط تقوم بعد 6 شهور بالاشراف على انتخابات ... وهذا (اقل مايمكن ) يعنى طلبنا هذا قبولنا بالحد الاقل الاقل والفير مبنى على العدالة الحقيقة كاملة ولكنة نعتبرة قبول بالاقل .. عايزين ناكد بانة حتى لو قبل الكيزان بهذا وهو قبولنا بنسبة 20% من الحد الادنى لشروط المنافسة الشريفة فسيخسر الكيزان 3 صفر ... اما لو طالبنا بحقنا الشرعى والقانونى والمبدئى فى الانتخابات وهو حل كل الحكومة وحل (كل القيادات العسكرية السرية والمشبوهة) فىالجيش وحل الاجهزة الامنية كلها ببساطة عوده الوضع الى ما قبل 89 وهو الوضع الذى سرق فية الاسلامويين السلطة الديمقراطية التى انتخبها الشعب وقامو بتمكيين لصوصهم عابرى القارات فى جسد السودان .. بل المنطق يقول بان يتم تضميين مواد فى الدستور بان يحظر على افراد الجيش والشرطة الانتساب لاى من الاجزاب وتكون مهمتهم بعيده عن السياسة تماما .. لو حصل هذا الوضع ارهن بان الكزان لن يتجرا واحد منهم فى مجرد التفكير فى الترشح ببساطة الشعب عرف وفهم وعجن هؤلاء الكيزان وفهم باهم عبارة عن تنظيم مشبوه مهمتة تفكيك السودان بعد ان نشرت وما ذالت تنشر فى الكراهية والحقد والعنصريات والرشاوى من اجل ان تبقى الفوضى حتى يتشسنى لهم ان يقسمو المزيد من الوطن بحجة عدم الانسجام البدعة الكيزانية العجيبة ... اذا تم هذا ستكون النتيجة 10 صفر فى مرمى الكيزان ... اما لو تمنينا اكثر وتم وضع دستور يفصل بين السياسة والدين + منع وحظر استخدام دور العبباده وتحديدا المساجد لبتقى اماكن عباده خالصة لله وامر بالمعروف ونهى عن المنكر ووعظ الناس وحثهم فقط على الخلق والتخلق بالاخلاق كما امر الله فتلقائا ستتبخر اكذوبة وخدعة تجار الدين الى الابد ... وستتكون احزاب بمفاهيم راقية مهمتها التنافس لتقديم البرامج والحلول والمقترحات من خلال احزابهم ... بدل الوضع الحالى الذى فرضة الكيزان الذى حرف العمل السياسى من وضعة الطبيعى الى وعظ ونفاق وغيبيات وامور اسرية بختة تم تحويلها ثوابت امة وجعل كل الاحزاب فى حالة دفاع عن شبهه وهمية اخترعها الكزيان تلك الكلمة الغامضة المجرمة الخبيثة وهى مقولة الاسلام هو الحل ؟؟؟؟؟؟؟ هذة المفرده هى التى يدخل منها الالحاديين وتجعل الكثيرين يكرهون الاسلام لان الناريخ يتكرر ويبث كل يوم بان كل من رفع راية الاسلام فى الساسة وعلن دولة اسلامية كانت النتيحة فضيحة فقر موت وجهل ورشاوى ومحسوبية وافساد مالى واخلاقى وانحلال كما نشاهد فى كل الدول التى تنتهج منهج الاسلام هو الحل .. وبكل حربائية ياتى كوز يدعى بانة ناغم على عشريرتة لانها انحرفت عن الدين ؟؟؟ والدين بريىء مما يفعلون ؟؟؟؟؟ انظرو لهذة الغلوطية الخبيثة وعندما تقول له هذا هو مجرى التاريخ وحتى الان ماهو الحل ؟؟ لان كل النمازج الاسلاموية متاحة للجميع فيمكنك مقارنة اى منها فهى تتشابة شكلا وتختلف فى مضاميين الفساد والظلم من دولة الى اخرى تدعى الحاكمية ....

[عطوى32]

#1225462 [زول بس]
0.00/5 (0 صوت)

03-11-2015 06:33 PM
لو كلامو دا ظابط .. أنا أرشحه إن شاء الله .. يعني ما حيكون أسوأ من جماعة بني كوز ..

[زول بس]

#1225459 [ظلال النخيل]
5.00/5 (3 صوت)

03-11-2015 06:30 PM
الدقينة دقينة كيزان وسخين

علامة السجود علامة كيزان حاقدين

حركة الايدين حركات كيزان منافقين

اسدال الجفون غمزات كيزان صعاليك

والكلام اكيد كله ( حقيقة وحقيقة وبالحقيقة وحقو وحق ........الخ

والله يا ناس الراكوبة عملتو للزول مكانة من مافي ...خاصة بعنوان الخبر ( الطفل المعجزة )

خدعتونا افتكرناه الطفل المعجزة سيد الاسم دكتور الاسنان

[ظلال النخيل]

#1225419 [ملتوف يزيل الكيزان]
5.00/5 (2 صوت)

03-11-2015 06:02 PM
هذا الشخص اهبل والدليل انه اختار لنفسه لقب "الطفل المعجزة" وهو لا يدري معنى هذا اللقب الملوث.

[ملتوف يزيل الكيزان]

#1225403 [حلفانكيل]
0.00/5 (0 صوت)

03-11-2015 05:36 PM
يا قبيان نحنا حلفا دغيم ما شفناها بعينا وغرقت قبل 50 سنه ولحد الان ممقوصين لى فقدها تجى تقول لى الناس تسيب بلدها بالسهولة دي .

[حلفانكيل]

#1225399 [حلفانكيل]
5.00/5 (2 صوت)

03-11-2015 05:31 PM
والله الطفل دا بى كلامو العوير دا اطفال الروضة ما يصوتو ليهو ههههههههههههههههه




انا بخترح ليك يا مرشحنا حمدي حسن ان يكون رمزك فى الانتخابات البامبرز لانو حيتماشا مع لقب الطفل الهاري ( اقصد المعجزة ) ..

[حلفانكيل]

#1225357 [مرشح مسطول]
0.00/5 (0 صوت)

03-11-2015 03:56 PM
يا راكوباب

بالله عليكم ان تصبروا علينا شوية نحن المرشحين فى الأنتخابات الرئاسية وما ما تضغطوا ععلينا شديد كدة زى ما حصل لولدنا الطفل المعجزة أبودقينا دا ...

أنا عارف كويس انو فى عالم من الراكوباب محبط .... مدمر ..... محطم ...... حتى بتحقدو وبتدمروا أحلام الطفولة والبراءة لولدنا دا وكمان للعبد لله ماتفكوا السطلة بتاعتنا.... ووو هلم جرا من الترجيات والتوسلات والبكاءات والووووبات بس عشان خاطر هذه التمنيات والطموحات الرئاسية ....

عشان كدا الأحلام الزى دى عندنا نحنأ من زمااااان وما جديدة بس ما جربتو عالمنا يا حلوين ويا حلم يصبح حقيقة لماتلف البتاع دا ونجر نفثين تلاتة واربع ....

وبعد شويتين يجيك العرض فى الشاشة القدام وشك طوالى مافى حاجة الا الحلم الجميل الحددتو انت ( يعنى ممكن تتخيل نفسك رئيس دولة وعندك برنامج يومى محدد تحت اشراف ناس متخصصين ... ما هردبيس...

كل حاجة عندها وزن وقياس .....انجازات وافتتاحات لمشروعات كبيرة عندها مردود اقتصادى ومنفعة مباشرة.وشئ زيارات دولية ذات مغزى محدد تحقق اقصى فائدة ممكنة ... الشكليات والبروتوكولات فى عالمك شئ عادى و تلقى نفسك يتهافتو عليك الؤساء والملوك فى الاستقبال...

اجتماعات الجمعية العمومية للامم المتحدة والجمعيات الاقليمية بعدم وجودك ما عندها طعم .... وكمان لقاءات جانبية مع الأمين العام ومرات توجه زولك الهناك باستخدام حق النقض الفيتو ... ما انت الرئيس القدرت تنتزع هذا الحق لأفريقيا والدولة السودانية الحديثة .....

وكمان ليك كلمتك وسطوتك فى دول افريقيا وماتبقى من الدول العربية .... وكمان أول دولة فى انظمة التكنولوجيا والمعلوماتية والدفاع بال( ) وانتو عارفين قدرنا بعون الله والأصدقاء والمصالح المشتركة أن نؤمن حدودنا مع الدول عن طريق التكنولوجيا (يعنى مافى عسكرى خالص) كل هذه الآليات تدار آليا من غرف تحكم ....
معظم الناس شغالين أو بيقروا تعليم متطور (لو قلت طب كل 200 الى 400 أسرة عدد 5 طبيب بكامل الطاقم الطبى ... شفت كيف ! ما فى زول قاعد ساى وحتى المعاشيين عندهم برنامج يعنى ممكن نغربل منهم ناس مفيدين يعنى بالأنجليزى recycling وحتى ناس حبوبة السرة وجدى محمد احمد عندهم برنامج محو الأمية التقنية (يعنى شغالين واتساب وفيس بوك وقوقل + تشات).....

فى الأقتصاد الميزانية أعلاها فى الرفاهية والخدمات الأجتماعية (( يعنى ميزانية الدولة من كل البنود تطرح منها 10% احتياطى وال40% للقطاعات وال 50% دى تقسمها على عدد السكان فى الدولة تمشى لأى مواطن فى حسابو الشخصى فى البنك المعنى (يعنى شغال ما شغال عندك حاجة فى جيبك ) يبقى عندك الشغل ضرورة أجتماعية عشان لما يسألوك انت شغال؟؟ تقول أيوا شغال.

دا فقط بأختصار عن برنامج أخوكم المسطول لهذه الأنتخابات .... والكتبناهو دا منتمناهو والبتمنا البيابا ليهو منو ؟؟؟؟

[مرشح مسطول]

#1225352 [عمر عبد الله عمر]
0.00/5 (0 صوت)

03-11-2015 03:49 PM
كأننا ناقصين تهريج و قلة أدب!
قال الطفل المعجزة قال!

[عمر عبد الله عمر]

ردود على عمر عبد الله عمر
European Union [ashshafo khallo] 03-11-2015 10:10 PM
دورك دور المحلل يا طفل يا معجزه


#1225345 [مواطن]
0.00/5 (0 صوت)

03-11-2015 03:40 PM
جميل حمتي

لو عاوز تسقط الرئيس مرشح نفسك لشنو يا ( حمتي )

ادوك كم يا حمتي

حا تعمل دا كلو من وين يا حمتي

انت امور يا حمتي

كومبارس عدييل يا حمتي

غواص خطير ياحمتي

[مواطن]

#1225295 [محمد حسن عبدالله]
5.00/5 (2 صوت)

03-11-2015 02:25 PM
يا جماعة الخير وقعوها لينا الكلام دا !!!!
إن حزب البشير يعتبر السبب الوحيد في ما يمر به السودان من أزمات !!!...كلام جميل اول مره اسمعوا يكون صاح ولا انا محموم .
وأكدا أن السودان سيكون في أيدي أمينة حال عدم ترشح عمر البشير !!!... وده كيف يعني
فضلاً عن نزع كل الاراضي من المواطنين، لتكون ملكيتها للدولة !!!... تغريبا يقصد به التأميم عند من يؤمنون بالفكر الاشتراكي واظنه يتبني افكار كافرة وداعرة وكلو بي دقن وغرة صلاة مصحوبة بوجه العابد المتبتل ظاهريا وشيطان يسكن في احشائه يعلمه فن اللصوية والتدمير الذي لا يبرع فية الا جماعة حسن البنا .
حسب فهمي المتواضع في علم الوراثه الراجل دا راسو ما حلو يعني بالواضح كوز والكوز له آلهه يأتمر بامرها فقد امرته ان ينصر الطاغية بشرعيه خماسيه تزيد عناء الناس وشلهته الوطن فاستجاب فما عليكم الا الاستماع لانين الوطن ونصرته بمقاطعة كل فاسد والخروج عليه وطرده خارج اسوار الوطن فهم لايشبهون طباعنا وليسوا اعزاء علي قلوبنا .
دمتم سالمين

[محمد حسن عبدالله]

#1225292 [محمد خير]
5.00/5 (2 صوت)

03-11-2015 02:24 PM
حمدي حسن دفعتنا جامعه السودان. كان بيدرس سكرتاريه (تصدقوا)

كوز انتهازي درجه اولي .

كان عامل فيها ود رشيق ولطيف وود حبيب بتاع جكس سنه البرلمه (وكان منتشر كده في الغربي )

مع الانتخابات طلع كوز انتهازي متسلق عواليق.

معاهو مجموعه من الانتهازيين اصبحوا فجاءه بعد التخرج من الميليارديرات (سبحان الله)

[محمد خير]

#1225284 [adil a omer]
5.00/5 (1 صوت)

03-11-2015 02:17 PM
الجيل الجديد من تيوس الضلال ليواكب العصر

وحابنى ليكم جامع حديث فيهو ديسكو وبار ومول

هذا كله لا يهمنا الان ما يهمنا استعادة كل الاموال المنهوبه ثم الحساب والقصاص من كل الانجاس وبعد ذلك لكل حادث حديث

[adil a omer]

#1225281 [زول]
0.00/5 (0 صوت)

03-11-2015 02:09 PM
دا اهبل ؟؟؟؟؟!!!!!!!

[زول]

#1225279 [أبو أمجد]
3.00/5 (1 صوت)

03-11-2015 02:08 PM
والله فعلاًَ طفل .. ولكن ما معجزة .. وراسو الكبير مليانة مخاتة مش مخ ..قال معجزة فال .. روح بلا لمة معاك .. ونحن ناقصين .

[أبو أمجد]

#1225257 [همت]
0.00/5 (0 صوت)

03-11-2015 01:47 PM
الطفل المعجزة هو السيسي السوداني وأغلب المرشحين "غواصات" من الكيزان ولن تجد فيهم من يقول لك بأنه سيحاكم البشير وزمرته على ما ارتكبوه من جرائم في حق الوطن والمواطن ويستعيد منهم كل ما سرقوه من أموال وغيرها مع أن أكثر الأصوات ستذهب لمن يعد الشعب بذلك ولن يقبل الشعب بأقل من ذلك ولو أنه قد يقبل بمعاقبة البشير وزمرته دون محاكمات

[همت]

#1225241 [الدرب الطويل]
4.75/5 (3 صوت)

03-11-2015 01:34 PM
هل تعتقد انو فى مواطن عاقل يرشح كوز جبهجي؟..

الفائدة الوحيدة التى جنيناها من حكم الكيزان هي كشف زيف هذه الجماعة.. رافعين شعارات رنانة وبيعزفوا على أوتار الدين.. اما صدورهم فهى ممتلئة بالكذب والخداع والجشع والحقد وكل الصفات الخبيثة..

[الدرب الطويل]

#1225239 [كمال الفكي]
0.00/5 (0 صوت)

03-11-2015 01:26 PM
طيب رئيس وزراء اليونان المولود سنة 1974 و رئيس وزراء ايطاليا المولود سنة 1975 و رئيس مونتينيغرو المولود سنة 1976 ديل ما مؤهلين بسبب اعمارهم؟!!!

[كمال الفكي]

ردود على كمال الفكي
European Union [إسماعيل آدم محمد زين] 03-11-2015 07:21 PM
وأهم من ده الصادق لما صار رئيس وزراء كان عمر 28 سنة!! وكينيدي كان عمره 36 سنة


#1225227 [hameed abdallah]
4.50/5 (2 صوت)

03-11-2015 01:15 PM
بس تخيلوا واحد بالدقينه زي بتاعه الحوسي دي يكون رييس السودان مع محاربه دول العالم للاشكال دي

[hameed abdallah]

#1225226 [ود المبارك]
2.00/5 (1 صوت)

03-11-2015 01:12 PM
يعني الواحد يسكن في كافوري وحواشتة في مشروع الجزيرة... معناها اي مزارع يكون بي عربيته والبنزين رخيييييييييييييييييييييص ..... فهم برضو (الحواشة للذين لايعلمونها تعني المزرعة)

[ود المبارك]

#1225201 [SESE]
5.00/5 (1 صوت)

03-11-2015 12:40 PM
الرجل عبقري زمانة بحق وحقيقة حيث احتوى برنامجة الانتخابي ما لم يحتوية اي برنامج آخر لأي مرشح آخر في كل البلاد الدنيا بما في ذلك مرشحي الرئاسة الامريكية نفسها فالرجل يريد توسيع العاصمة القومية (ليكب) فيها كل اهل السودان ليفرغ باقي الاراضي للزراعة لأن معظم الاراضي الآن مستخدمة كسكن للناس.....!! بس العبقري ما ورانا مين سيقوم بالعمليات الزراعة في الاراضي المفرغة ولكن ربما يفكر في الاستعانة بالملائكة كما كانوا يستعينون بها في حربهم في الجنوب.....

السودان في خطر حقيقي يا ناس فمن ينقذه من هذه الدقون الصدئة......!!!

[SESE]

#1225200 [الـــســــيـــف الــبـــتــــــــار]
0.00/5 (0 صوت)

03-11-2015 12:39 PM
برنامجك يحمل الكثير من المفارقات و يحتاج الى معجزة او تمتلك الفانوس السحرى لتخرج الوطن و المواطن من هذه الحفرة العميقه التى ابتلعت امالنا و احلامنا و سلمنا أمرهم لمن لا يخاف الله و لا يرحم و لا يترك رحمة ربنا تتنزل على عباده الصابرين المكلومين المغلوبين و الضايعين و المشردين و اللاجئين و الذين يعيشون على الكفاف ؟
موارد الدولة تم تقسيمها بين أخوان الشواطين و أسرهم و اقرب الاقربون وهم اولى بالمعروف ؟
الديون الخارجية المتراكمه و يستحق السداد فى صعود مما يؤثر على اسعار الصرف للعمله الحره و يرفع نسبة التضخم التراكميه ؟
من أين لك المال لبناء مدن حول العاصمه المثلثة و ايواء كل الشعب فيها ؟
صادراتنا لا تفى بتغطية احتباجتنا من غذاء و دواء منقذ للحياة ناهيك عن متطلبات الصناعه و الزراعه و تطوير الناقل الجوى و السكك الحديدية و المواد الخام الضرورية لتدوير المكن الذى اصابه الصدأ و انعدام قطع الغيار ؟
دع عنك الطرق و البنيه التحتيه و الكبارى القائمه تحتاج الى اعادة النظر فيها و ترقيعها و اضافة مواد سامه لحمايتها من الجرذان القوارض كما صرح مسؤول رفيع من قبل ؟
البلد فى حاجة الى رجل يحمل بين حناياه قلب يغشى الله فى السرو العلن و ينظر الى لوطن و المواطن و ما أل اليه بعين الرأفة و الرحمه و يعمل جاهدا ليل نهار من أجل أن يكسب رضا الله و الشعب .
كل المرشحين و حتى الدعول يتحدث فى أمور و يتوعد و يبشرنا بالاتى و المستقبل الزاهر و لم نرى الا المذيد من التمكين و الشقاء و البؤس و الضياع اللانهاية له و عليه يا مرشحى الرئاسه كفوا عن الوعود و البرامج اللاعقلانيه و اللاواقعيه و بشرونا بالخبز و العلاج و الماء النقى و الامن و بعدها ننتظر أمر الله فى مضاجعنا ....

[الـــســــيـــف الــبـــتــــــــار]

#1225192 [متأمل]
5.00/5 (1 صوت)

03-11-2015 12:26 PM
وكمان عارفيين الحاجات السمحه المفروض تتعمل
والله فعلا نطام الحكم الاسلامي في هذا السودان هو عقوبه للسودانيين لكي يتاملوا ويتفكروا في تناقضات ما تحويه عقولهم من تناقضات قاتله ومدمره دمرت هذه البلاد

[متأمل]

#1225161 [ابو محمد]
0.00/5 (0 صوت)

03-11-2015 11:51 AM
اقتباس:
(1) الخدعة:
(حمّل مرشح رئاسة الجمهورية المستقل حمدي حسن أحمد، حزب البشير مسؤولية الخراب والدمار الذي حلّ بالبلاد، وطالب مرشح حزب الموتمر الوطني لرئاسة الجمهورية عمر البشير، بإيقاف ترشحه والانسحاب من الإنتخابات المقبلة فورا.)
(2) التبرير:
(وقال حمدي فى منبر وكالة انباء "سونا"، إن حزب البشير يعتبر السبب الوحيد في ما يمر به السودان من أزمات، وطلب حمدي من البشير الإستجابه لطلب والانسحاب فورا من الانتخابات، لان ذلك مطلب عدد كبير من الشعب السوداني) !!!
انتهى
التعليق:
قال الإمام ابن القيم في مدارج السالكين:
(1) علم اليقين :هو أن تسمع بالشيء ولا تراه فهذا علم، ولكنك إذا تيقنت منه فهذا علم اليقين؛ فإذا علمت بشيء فتيقنت منه كان لديك علم اليقين.
(2) وحق اليقين : هو أن يخبرك الثقاة بأمور تواترية تبلغ درجة حد التواتر، فتتيقن دوماً أن هذا الأمر صحيح، فيكون عندك درجة حق اليقين
(3) وعين اليقين:هو أن ترى الشيء بنفسك
مما لا شك فيه ان الجماعة الارهابية المستعمرة تعدت مرحلتي علم اليقين وحق اليقين وهي تختبر الان مرحلة عين اليقين !!
وهي المرحلة التي نبهت لها قرون استشعار الروابض والغواصات او (السوس المدسوس ) بين الشعب السوداني صاحب الفطرة القويمة والقلوب السليمة والظن الحسن وهذا لا يتأتى الا لمؤمن !! ولا يزال كبيرهم الذي علمهم السحر سادر في ضلاله القديم ويتبعه تلاميذه على استحياء مصطنع مغلف بالشراسة المزعومة والكراهية الموهومة بين وجهي العملة ومعهم ركب علماء الغفلة والتطبيل والمسميات الدينية من الجماعات الموهومة الاخرى !! وهي لا تخفى على احد يتصدر روابضهم حليقو الذقون منابر الاعلام المقروء والمرئي والمسموع ويتصدر اصحاب الذقون منهم منابر الافتاء يعاونهم اخرون !! وان ناوش بعضهم بعضا ورمى بعضهم بعضا بما يتداوله الناس عنهم بمبدأ (الفيك بدر به !!) ليصبح ما يحس به الشعب من لهيب القهر متواترا منفسا عنه بتصريح العدو به !! وبكلمات يكاد ان يتفوه بها فيسبقونه الى الافصاح عنها حتى ينقسم الشعب السوداني بين مؤيد لهذا ومعارض لهذا لحجب القضية الجوهرية وهي (ارحلوا لا مكان للكيزان في السودان ) استنادا على الحقيقة المتوهمة التي يراهنون عليها ان الشعب السوداني متسامح كريم او (عبيط) او (ساذج) يمكن تمرير اي اجندة عليه مهما كانت !! وحلحلة بوادر اي صدام برقصة او بعرضة على انغام دخلوها وصقيرها حام !! والاغنية تعني ما فعلته العصابة الاجرامية الارهابية المستعمرة بالسودان تحقيقا لمعنى الاغنية لما فعله صاحب الحق المنافح عنه بالعدو الظالم ومن هو العدو في نظر الجماعة الارهابية والاجابة لا تحتاج الى كبير عناء!! واستبعادا لما ترمي اليه من مضامين يجاهدون لوأدها واذابتها وتفريغها من مضمونها حيث انهم لا يملكونها ولا يعملون على ترسيخها بين الناس لانها سترتد اليهم وبالتالي ستحوم صقورها عليهم وهذا ما وصلوا اليه في المرحلة الاولى من علم اليقين بعد اختبارات عديدة في سنين عجاف مديدة وبيوت اشباح عديدة !! ومنها المفاصلة الشهيرة التي كان اولها اذهب الى القصر رئيسا واذهب الى السجن حبيسا ليظهر بعدها رئيسا لبرلمان من اودعه السجن كيف يستقيم عقلا !! وذلك مع النفي من قادة ثورة (الانقاذ) انهم لا يتبعون للجماعة الارهابية ولا على علاقة لهم بما يسمى بالاخوان المسلمين!! واخرها انقسام الفولة الى قسمين يشهر بعضها ببعض في سذاجة جهولة (اللا شعبي واللا وطني) وكل قسم منها يدعي حمل اللواء !! انتهاء بتصريح مهندس الجهاد وبيوت الاشباح وعرس الشهيد بعد استنفاذ فرية قتلانا في الجنة وقتلاهم في النار !! اذا به يصرح ان من مات منهم شهيدا بزعم الجماعة التي يعني بها القسم المنشق تكتيكيا عنه انما هو في حقيقته (فطيس) مات ميتة جاهلية !!!! فاي القسمين الذي يقول الحق الفولة بكاملها ام قسماها المنفصلان عنها ام هي لحاجة في نفس يعقوب ؟؟
واستمرت الروابض والغواصات المبثوثة تحت كل حجر ومدر ووراء ستار وجدار ووراء كل غواصة صاروخ يتتبع مسارها وصدق توجهها وعندما تيقنت الجماعة الارهابية المستعمرة من صدق اتباع روابضها لها بغير احسان !! وصلت الى علم اليقين !! ولهذا تم زيادة تضييق الخناق بشراسة غير مسبوقة في التاريخ على الشعب عملا بالمثل (جوع كلبك يتبعك !!) وتاسيسا عليه تم استكمال جريمتي الصالح العام والتمكين للمفسدين في الارض !! لتعلو الروابض وفاقدي الرجولة والاهلية وهم يفعلون اي شئ ليقنعوا انفسهم الا عيب ولا نقيصة فيهم !! ومن هذا المنفذ تسهل قيادتهم حيث تمسك الجماعة الارهابية الاستعمارية بهم من يدهم التي توجعهم !! ولا مفر لهم من تجرع ما تقدمه كيزان السوء اليهم من جرعات مكافات مادية وعينية غير مستحقة من احلال للغير مناسب في مكان الرجل المناسب !! واموال لم يكسبوها من مال مظاليم الشعب الذي اوردوه موارد الهلاك لتعيش روابضهم المتعفنة التي يتاكئون عليها تهليلا وتكبيرا كأن الله لا يعلم كثيرا مما يعملون !! واستمر مسلسل جريمة التمكين واحلال الصالح بالطالح حتى صار للطحالب ارجلا تمشي بها بين الناس !! وعندما ظنت الجماعة الارهابية ان الامر استتب لها بعد ربع قرن او يزيد من الزمان وان الشعب تم مسح كلمات المقاومة والرفض والعزة والكرامة من مفردات قاموس وجوده بدا لهم انهم وصلوا الى مرحلة عين اليقين بما تراه عيونهم الرمداء ولا تبصره !!
ولهذا وجد ياسر في نفسه الشجاعة التي لا يملكها ليصف الشعب السوداني باراذل القوم ويجد من يدافع عنه بكلمة لا يستطيع ان يفعلها وان كان (سكرانا) (البيمد ايدو حنكسرها له) ترديدا لمفردات قالها رئيس الجماعة الارهابية المجرمة متفضلا على اهل الحق بالفتات في مناسبات كثيرة واحداث شهيرة رمى به شعبا تنسب اليه الفضيلة والعديلة والرجولة والفحولة والامانة والعفة والاخلاق النبيلة واعتذر عن الكلمة ولكن الشئ بالشئ يذكر !!! ويخاطب المرء ما يفهمه من مفردات !!
وبعين اليقين تم اعطاء الضوء الاخضر الى مرشح رئاسة الجمهورية المستقل حمدي حسن أحمد ليكيل لحزب المؤتمر اللاوطني من (الاتهامات) التي يعلم القاصي والداني من الشعب السوداني انها الحقيقة والواقع الذي يعيشون فيه وانها جرائم مرتكبة ضد الانسانية في كل انحاء السودان وتكفي جريمة التفريط في وحدة السودان دليلا ومثلا !! وتزداد ظهورا في الذين دفعتهم الجماعة الارهابية لحمل السلاح ليتم استئصالهم تحت مسمى الخروج على الدولة !! وباسم الدين والقانون !! وحقيقة اعطاء الضوء الاخضر لحمدي الذي لم يسمع به سابق ولا لاحق للتشرح لرئاسة جمهورية الكيزان او بالمعني الاصح مستعمرة الكيزان !! ان كل الاسماء التي ظلت ربع قرن من الزمان تمثل وتتداول الادوار على خشبة المسرح السياسية اصبحت كروتا محروقة واستنفذت اغراضها ولم تعد تقنع احدا بالتهديدات الصبيانة من كسر اليد الى لحس الكوع !! فقد كسرت يد الشعب السوداني بالفعل وتتم محاكمة ابنائه الشرفاء وكاد ان يلحس الشعب كوعه !! وهذا قناع اخر يتخفى في اشواق (وهذه من مفردات المسيرة الفاسدة) المحرومين في كل السودان شماله وجنوبه وغربه وشرقه ووسطه في الحياة المترفة التي يعيشها روابض الجماعة ولا اقول الكريمة لانها ليس كذلك !!
والسبب الخفي وراء هذه الدعوة المريبة التي تكاد ان تقول خذوا قائلي !! هو الحرص على ان يظل كل الشعب السوداني معتقلا في سجن كبير اسمه سجن العاصمة المثلثة !! ولتسرح الجماعة الارهابية وتمرح ثعالبها في بيع وتاجير كل المساحات التي سيتم تفريغها من اهلها وساكنيها وهم لا يعلمون ان الوطن مكان ميلاد وطفولة ومراتع صبا تحن اليه النفس مها بعدت وتشرئب اليه الروح ما تغربت وذكريات لا تنفك تعاود النفوس النقية والقلوب الزكية وحيث انهم لا علاقة لهم بالوطن كجماعة ارهابية عالمية لا وطن لها الا مصلحتها الخاصة !! اتت دعوة هذا المريب ظنا منه انها تلامس اشواق المحرومين وتحقق اهداف المجرمين !!

[ابو محمد]

#1225140 [ابومحمد]
0.00/5 (0 صوت)

03-11-2015 11:36 AM
بتخرف تقول ايه معروف منو الوراك ويابشير الشعب خبرك وخبر العيبك والعيب عصابتك الشعب هو اللي بيجيب اللي عاوزه وما جايين الانتخابات ونقولها داوية ارحل ارحل يابشير انت وعصابتك

[ابومحمد]

#1225115 [Durang]
0.00/5 (0 صوت)

03-11-2015 11:18 AM
لا تثقوا في الكوز يوما ليس للكوز دينا من دقنو وافتلو دا ما بني كويز ذاته عاينوا ليهو شكله كيف الله يلعنكم يا كيزان

[Durang]

#1225106 [محمد الحسن سهلة القاضي]
5.00/5 (1 صوت)

03-11-2015 11:12 AM
هذا الرجل واضح أنه من زمرة المؤتمر اللاوطني . ودفعوا به إلى هذا المنحى حتى يجعلوا لما أسموه انتخابات ( توم وشمار ) ليظهر للمراقبين أن هناك قناعة بهذه الانتخابات المزعومة . ويظهر من برنامجه المطروح أنه قد رُسم له هذا الخط ليسير فيه وهو كلام غير منطقي ولايقنع الطفل , وهو حقيقة كلام أطفال . ولكن أطفال ليس لهم أدب ويحتاجون إلى تأديب . وهذا الطفل من هذه الشاكلة . اعتقد أنه من عضوية المؤتمر اللا وطني . ومن الخبثاء الصامتيتن الذين قتلون القتيل ويشيعون جنازته . فكره لايؤيده منطق . كيف تصادر الأراضي ؟ وكيف تستطيع إسكان كل السكان في مساحة ضيقة في ثلاث مدن ؟ إنه تفكير يجافي الحقائق وينقصه الفهم . من أين أتى هذا الشاب . ليس هناك ما يدل على أنه معجزة . ما الإعجاز في برنامجه . اقترح أن تعدل إلى . (الشاب المهووس ) . أو ( الرجل المخبول) أو ( الولد المأجور ) . حيث يتضح من برنامجه أنه مدفوع له مبلغ من المال ليمثل هذه المسرحية الهزيلة . إنه الجبان الذليل . نرجو ممن يعرفه أن يفيدنا بسيرته الذاتية . ولكم الشكر . وأرجوم من الإخوة المعلقين عدم اللجوء إلى الألفاظ التي تخدش الحياء ، وتقدح في الأخلاق ، و ولا خير يأتي منورائها . والسلام عليكم .

[محمد الحسن سهلة القاضي]

ردود على محمد الحسن سهلة القاضي
United States [abo ali] 03-11-2015 05:31 PM
دمت ي ابومحمد لا السياط بتهز يقين لا سجون العتمة بتودر طريق الكادحين."


#1225104 [اخير نضحك بدل نموت بالغم]
4.88/5 (4 صوت)

03-11-2015 11:10 AM
هههههههههههههه ياخي والله دا كلام عجيب جابت ليها دواعش مرشحين رئاسة هي ناقصة
انا ما عارف لكن الزول دا انا شايفة لو ما اخاف الكضب كان في منسقية خدمة وطنية يالله يالله يالله تزكرني كدي اتزكرو معاي هههههههههههه......

[اخير نضحك بدل نموت بالغم]

#1225082 [سيف الله عمر فرح]
3.50/5 (2 صوت)

03-11-2015 10:50 AM
مين زيك يا طفل يا شاطر ، خلاص ، بقيت مرشح رئاسى سابق ! . من الآن شوف لك برواز وعلق شهادتك فى صالون منزلك ! . وعمر البشير رح يحبك اووى اووى ! . والشعب السودانى سيلعن تصرفك ويلعن تصرف أمثالك ! .

يا أمة ضحكت من جهلها الأمم ..........! .

لا وألف لا للإنتخابات المقدودة والأونطة .

أعـــوذ بـالـلـه ،،،،،،،،،

[سيف الله عمر فرح]

ردود على سيف الله عمر فرح
[حسن] 03-11-2015 12:16 PM
اووي اووي اووي ؟؟؟؟؟؟
من وين ده جبتها يا رمة
فيه سوداني بيقول اووي اووي
تهوهو كلب يا سليب


#1225081 [عمار]
3.00/5 (1 صوت)

03-11-2015 10:49 AM
الطفل المعجزة ابو دقينة

[عمار]

#1225080 [ود عدلان]
5.00/5 (7 صوت)

03-11-2015 10:47 AM
أنا مش عارف العالم ديل بيطلعوا لينا من وين وكانوا وين قبل كده يعني واحد زي دا عمرنا ما شفناه و لا سمعنا بيه خاص فاجأتن( دي حقت الفاتح جبرا) كدة يطلع ليك مرشح رئاسي بسم الله ما شاء الله وممكن يكون اول وظيفة يتأبطها رئيس جمهورية في بلد العجايب التي لا تنتهي
الهم لا نسألك رد القضاء و لكن نسألك اللطف فيه

يا ولد جيب كسي الحبوب و حول علي قناة National Geographic

[ود عدلان]

#1225078 [ود عدلان]
1.00/5 (1 صوت)

03-11-2015 10:45 AM
أنا مش عارف العالم ديل بيطلعوا لينا من وين وكانوا وين قبل كده يعني واحد زي دا عمرنا ما شفناه و لا سمعنا بيه خاص فاجأتن( دي حقت الفاتح جبرا) كدة يطلع ليك مرشح رئاسي بسم الله ما شاء الله وممكن يكون اول وظيفة يتأبطها رئيس جمهورية في بلد العجايب التي لا تنتهي
الهم لا نسألك رد القضاء و لكن نسألك اللطف فيه

يا ولد جيب كسي الحبوب و حول علي قناة National Geographic

[ود عدلان]

#1225064 [محمد عبد المنعم عمر]
0.00/5 (0 صوت)

03-11-2015 10:30 AM
والله ايام يازمان ببكي واتحسر عليك وين انت ي احزاب من الجريمه البتحصل دي بس تنالوا شرف المشاهده

[محمد عبد المنعم عمر]

#1225058 [A.Obayda]
0.00/5 (0 صوت)

03-11-2015 10:25 AM
قصدكم الطفل المنغولي

[A.Obayda]

#1225056 [باكاش]
5.00/5 (1 صوت)

03-11-2015 10:20 AM
تفل معجزة يها..
حلايب كييييييييييف.
تفل معجزةيها..
كلامك دا قولوا ل زول ما اندوا هديدة.
تف عليكم كيزان عمر 26 سنة.

[باكاش]

#1225041 [أصلي]
4.00/5 (5 صوت)

03-11-2015 10:09 AM
دا وافد من غرب افريقيا تاني برضو داير يورينا درامات برضو زي شعيب وياسر ابكرونا ولا شنو ؟
انتو شعب مسكين وطيب وبتصدقو كل حاجة والوافدين ديل استغلو صفاتكم دي وهسه حكموا السودان
مما جوا بدوا يتوالدوا بطريقة ممنهجة ويتغلغلو في كل مجتمع ، وهم الان غواصات للنظام واغلب التاييد للحكومة دي جاي من جحورهم واعشاشهم ويندر تلقا فيهم واحد معارض ،حتى لو اتظاهر بكدا بكون منافق وغواصة زي ما اكتشفنا كثير من زملائنا ايام الجامعة كانوا عاملين مناضلين بعد التخرج اتضح انهم مصادر للجهاز .
اولاد ستات الدكوة وخدم المنازل العندهم احقاد اجتماعية وعقد نفسية رهيبة على كل مواطن اصيل اليوم هم الحكام بفضل انقلاب الترابي ،عشان كدا ما تتعجبوا لكل هذا الحقد والتدمير
نتمنى من كل واحد بعرفهم يكتب ويعلق ويورينا معلومات عن كل واحد بعرفو عشان الناس تعرف حقيقتهم

[أصلي]

ردود على أصلي
[واحد مهموووووووووم] 03-11-2015 11:29 AM
وانت من وين يا اصلي ،،، فاقد للمنطق وعنصري كمان
تفووووووووووووو عليك
تكون غواصة متنكرة


#1224998 [ابوبشير]
0.00/5 (0 صوت)

03-11-2015 09:43 AM
شكلو بتاع افلام كرتون وبلاى استيشن

[ابوبشير]

#1224987 [john mohamed]
2.50/5 (4 صوت)

03-11-2015 09:30 AM
ياالوهم فى اسمك دى كرهنا فيه(حسن واحمد)

[john mohamed]

#1224980 [انقاذي سادر في فساده]
2.94/5 (6 صوت)

03-11-2015 09:24 AM
ايها الكويز من اين تأتي العمالة لمشاريعك الوهمية يركبو المواصلات ويمشو من الخرطوم للجنينة او كسلا .
ويسهل غزو السودان فى المستقبل وستحاصر مدينتك من كل الجهات بعد ان تترك بلادك مكشوفة للاعداء
كيف لشخص كهذا ان يحلم بالترشيح ومن اين وجد العدد المطلوب لترشيحه ام انها محن كيزانية

[انقاذي سادر في فساده]

ردود على انقاذي سادر في فساده
European Union [Tash Ma Tash] 03-11-2015 11:42 AM
شكلوا عاوز يكمل المسيرة

ويبيع ما تبقي من السودان

عشان كدة عاوز إسكن كل الشعب في ثلاثة مدن ..


#1224976 [حرية]
4.50/5 (2 صوت)

03-11-2015 09:18 AM
والله حلم جميل ولكن أي مرشح يترشح في ظل وجود واستمرار المؤتمر الواطي في الحكم يعتبر مشارك رسمي في جرائم المؤتمر الواطي لأنه يساهم في توفير غطاء يستطيع أن يزور ويخج نتيجة الانتخابات

[حرية]

#1224970 [kalaka]
3.00/5 (3 صوت)

03-11-2015 09:14 AM
ياخي نحن ناقصين جن كلكي .... هما بيطلعوا إمتى

[kalaka]

#1224962 [غسان بابكر]
3.00/5 (5 صوت)

03-11-2015 09:07 AM
والله الزول فسوه بس ..

[غسان بابكر]

#1224960 [غسان بابكر]
0.00/5 (0 صوت)

03-11-2015 09:06 AM
والله الزول دا جداده ساكت..

[غسان بابكر]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة