الأخبار
أخبار إقليمية
ارتفاع أسعار العقارات في الخرطوم وأزمة السكن تتعمق
ارتفاع أسعار العقارات في الخرطوم وأزمة السكن تتعمق
ارتفاع أسعار العقارات في الخرطوم وأزمة السكن تتعمق


03-11-2015 10:36 AM
الخرطوم: سعاد الخضر
شهدت أسعار العقارات في الخرطوم ارتفاعاً كبيراً في مجالي التمليك والإيجار، وتراوح سعر شراء المنزل من طابق واحد بين 2 إلى 4 مليارات جنيه، والعمارة بين 12 إلى 20 مليار جنيه حسب عدد الطوابق.
وكشفت متابعات (الجريدة) أمس أن سعر القطعة السكنية في الثورة الشنقيطي بأمدرمان على الشارع الرئيسي مليار ونصف المليار جنيه، ويتراوح سعر العمارة بين 5، 6، 7 مليارات جنيه حسب عدد الطوابق، فيما تراوح سعر منزل الجالوص بين (650 و700) ألف جنيه في ذات المنطقة، بينما وصل سعر المنزل غرب الحارات الى (550 و 650) ألف جنيه، ووصل سعر قطعة الأرض (300 متر) غرب الحارات بين (350 ـ 400) ألف جنيه.
وتراوح سعر قطعة الأرض في الحارة (14) بالثورة ما بين (380 إلى 400) ألف جنيه، وبلغ سعر القطعة في الواحة بأم درمان بين (700 إلى 800) ألف جنيه، والقطعة في الثورة بالنص على الشارع الرئيسي مليار ونصف المليار جنيه، وبلغ سعر قطعة الأرض في الحارة (55) على الشارع الرئيس مليار و200 ألف جنيه، وبلغ سعر منزل الجالوص فيها بين (650 الى 700) ألف جنيه.
وحول قيمة الإيجارات طبقاً للمتابعات فقد بلغ سعر إيجار الشقة ما بين 1500 إلى 2000 جنيه للشهر في الخرطوم، وبلغ إيجار المنزل الكامل (سايفون) (4) آلاف جنيه، بينما قفز إيجار الغرفة الواحدة في غرب الحارات إلى (600) جنيه.
واشتكى بشرى أبوزيد - صاحب وكالة - من ارتفاع أسعار العقارات وإيجاراتها، وأكد حدوث زيادة وصفها بغير المبررة، وكشف عن أزمة سكن نعتها بالطاحنة بأم درمان بسبب زيادة عدد الأجانب الوافدين من دولة مجاورة، ونفى وجود ضوابط لأسعار الإيجارات، وقال لـ(الجريدة) إن الإيجار يتم بالتراضي بين المالك والمؤجر وصاحب الوكالة، وليس هناك قانون يحمي المواطنين من طمع وجشع الملاك، وأكد أن ذلك يتوقف على ضمائرهم فقط.

الجريدة


تعليقات 28 | إهداء 0 | زيارات 26057

التعليقات
#1359555 [ام زين]
0.00/5 (0 صوت)

10-24-2015 01:00 PM
السلام عليكم
افيدونى لدى قطعة ارض 250م اريد بناء بيت استثمار نظام دورين اربعة شقق كم يكلفنى هذا وبما تنصحونى هل هذا مشروع ناجح
وشكرا

[ام زين]

#1225731 [صلاح قاسم]
5.00/5 (3 صوت)

03-12-2015 08:18 AM
بالله يا جماعة ما تشتموا السودان العندو انتقاد ينتقد الحكومة المعارضة ينتقد نفسه على كيفة
وبرضو الداير يشتري شقة في مصر و لا مانشستر زي صاحبنا المرطب هناك برضو على كيفو و المغترب و ماقادر يبني عشان ما قادر يوفر دي مشكلته اما دخلو ضعيف أو قاعد يبعزق و يرسل في الدلاقين و الموبايلات و يتبوبر ساكت بالله واحد مغترب اربعين سنة و ما قادر يبني دا كلام دا يا اخي انت قايل كل الناس الساكنين في الخرطوم اشترو بالمليارات ناس عاديين و بسطاء بنوا وساكنين في امان الله و الحكومة وزعت اراضي للمستحقيين و بنت الاف المساكن ووزعتها للمواطنين بالتفسيطز
... و اذا انتو المغتربين دايرين الحكومة تبني ليكم تحلمو شدو حيلكم و لمو ريالاتكم و ابنو شوية شوية سيبو النقة الما بتقدم و لا بتاخر

[صلاح قاسم]

ردود على صلاح قاسم
European Union [عمار] 03-13-2015 04:15 AM
هههههههه منو قال ليك انا مرطب , احكمها براك انا لو مرطب بشتري بيت في الخرطوم ولو زول امكاناياتي محدودة بشتري بيت في لندن او نيويورك , لانو البيت في الخرطوم بيجب ليك 3 او 4 بيوت خارج لندن

[جني] 03-12-2015 09:36 AM
اديلهم صح لسانك كلامك كله منطق وواقع


#1225707 [محمد]
0.00/5 (0 صوت)

03-12-2015 07:56 AM
ضمير يعني ابني واتعب واجي ااجرة بي تراب القروش والمستاجر يقعد يتمتع وادفع لي ملاليم وانا اقعد اشحد ولاشنو تكية هي

[محمد]

#1225596 [الحقاني]
5.00/5 (1 صوت)

03-11-2015 11:40 PM
اشتريت قطعة ارض درجة اولى سنة 2006 ب 42 مليون واتخيلت ان السعر مناسب وبعد شويه اكتشفت ان هذا المبلغ يشتري لي ضعف المساحة في العاصمة اللبنانية بيروت وشقتين مناح بالقاهرة

[الحقاني]

ردود على الحقاني
European Union [زول] 03-12-2015 08:19 AM
والله الله يعوضك لكن برضو على الاقل عندك قطعة واطة نحنا نقول شنو بس


#1225559 [مالك الحزين]
5.00/5 (1 صوت)

03-11-2015 10:10 PM
القروش دي ارقام سااااي.. الدوﻻر بكم.. وبعدين دي امدرمان يعني المناظر تعالوا شوفوا الخرطوم... الرياض واخواتها.

[مالك الحزين]

#1225557 [hijazee]
5.00/5 (2 صوت)

03-11-2015 10:09 PM
يا جماعة ما تنحتوا مخكم كثير . هذه عملية غسيل اموال وما دايره ليها درس عصر.

[hijazee]

#1225556 [عمار]
5.00/5 (6 صوت)

03-11-2015 10:06 PM
يا سودانيين ما تتغشو اوعكم تشترو منزل او ارض في الخرطوم , والله والله والله والله العظيم ممكن بي مليار ومائتين سوادني تشترو بيت جاهز بي 3 غرف وصالتين وحمامين ومطبخ وحديقة صغيرة في مدينة ما نشستر في بيرطانيا , في زول عاقل بيدفع اكتر من 2 مليار في يت ارضي في الخرطوم !!!!!!!ههههههههه وليه بس تتضيعو فلوسكم في السكن وبعدها تتعبو في الموية والغاز والكهرباء والخريف والباعوض والعلاج الي بقو يسافرو ليه ,احكموها بالعقل , اشترو بيوت في الخارج لو في أديس او القاهرة او بيريطانيا ووفرو باقي فلوسكم وعيشو آمنيين ومطمئنين مع اولادكم واحجزو مكان تتدفنو فيه بعدين في السودان فقط

[عمار]

ردود على عمار
[جني] 03-12-2015 09:37 AM
والبوصلنا مانشستر شنو ؟


#1225540 [ود الجار سوطو]
4.38/5 (4 صوت)

03-11-2015 09:26 PM
يا ناس العالم دي بتجيب المليارات دي من وين ؟؟؟؟ ليً عشرون سنة مغترب وشغال مستشار قانوني في شركة عالمية , ومرتبي كله مصاريف للأهل في السودان ... والله لي هسة ما قدرت أحوش مائة مليون ... كيف الدبارة ؟؟؟ ووين أسكن بعد أرجع ؟؟؟ والله إلا اضرب الخلاء ... الخلاء ولا الرفيق الفسل

[ود الجار سوطو]

ردود على ود الجار سوطو
United States [سامي] 03-12-2015 10:22 AM
فاعل المعروف لايقع واذا وقع وجد متكأ يتكي عليه

European Union [زول] 03-12-2015 08:21 AM
الله يعينك ياخي والله صحي السودان مصيبة كبيرة كبيرة جدا ياخي وتتشرد وتتعذب عشرات السنين ولما ترجع تتبهدل وتموت زي الكلب المشرد

[الحلو] 03-12-2015 06:09 AM
يا اخوي مستشار لشركة عالمية راتبك ما يقل عن 10 الف ريال
طيب لمن تصل ال 60 ويوقفوك من الشغل اهلك ديل حا يصرف عليهم منو
نحنا مشكلتنا كسودانيين مبارين النسوان والمرا شورتها خايسه ومدمره ..
المفروض لو قالت ليك نمشي يمين تجري شمال
انتا شكلك بتغير التساب والدهب كل سنة
اركز وركز عشان ما تتبهدل


#1225522 [ملتوف يزيل الكيزان]
5.00/5 (1 صوت)

03-11-2015 08:37 PM
قانون الاسعار : يرخص الانسان يغلأ العقار.

[ملتوف يزيل الكيزان]

#1225436 [محتار]
5.00/5 (2 صوت)

03-11-2015 06:11 PM
غريبة أن الناس عندها الرغبة تشترى أراضى وتبنى بأسعار فلكية فى بلد عبارة عن مكب للنفايات والاوساخ بألطول والعرض ولا توجد أدنى الخدمات الضرورية, ظاهرة تستحق التأمل والدراسة النفسية للمتأثرين بها.

[محتار]

ردود على محتار
[بت السودان] 03-12-2015 03:50 AM
انا برضي فكرت في نفس الموضوع دا وما لقيت جواب شافي لكن تبريري
1.انو الناس البتبني دي هم ناس الحكومة وطبعا هم الوحيدين العندهم ملاييييييين ومافي بلد في العالم بترضي بيهم
2. اقلية وهم التجار وبعض اصحاب المهن من مهندسين واطباء ومحامين ودي بتبني لزوم التباهي الاجتماعي


#1225386 [fatmon]
1.00/5 (1 صوت)

03-11-2015 05:03 PM
من خلال الراكوبة لو ناس الراكوبة سمحوا لينا ممكن المقايضة والبيع والعرض والطلب يكون مع لأشخاص خارج الدولة والأستلام خارج الدول تحصل عليها دولارات كما يحول المغتربين أو المهاجرين بعضم مهاجر ولكن يحلم بالرجوع يوما ما

[fatmon]

#1225378 [ودنافع]
0.00/5 (0 صوت)

03-11-2015 04:47 PM
مساء الخير شباب حبيت اسال عن تكلفة بناء بيت لودبيرنق
مساحة 400متر
عدد الغرف 4
تكون في حدود كم تكلفة بناء

[ودنافع]

ردود على ودنافع
European Union [samisuh] 03-11-2015 09:27 PM
اعتقد فى حدود 1.5 - 2 مليار حسب الفينشين


#1225360 [ناقش]
0.00/5 (0 صوت)

03-11-2015 04:03 PM
ارى ان هذه الاسعار مبالغ فيها
هل معقول انه بيت جالوص ب 700 الف جنيه و ايجاره السنوي حوالي 20 الف جنيه ,ده يعني عاوز ليك خمسة و ثلاثين سنة عشان تجيبه تكلفته

[ناقش]

#1225347 [::: بـيكـو :::]
0.00/5 (0 صوت)

03-11-2015 03:41 PM
قال:
(وتراوح سعر شراء المنزل من طابق واحد بين 2 إلى 4 مليارات جنيه، والعمارة بين 12 إلى 20 مليار جنيه حسب عدد الطوابق)

رخيسة خلااااااس ههههههه

[::: بـيكـو :::]

ردود على ::: بـيكـو :::
European Union [عمار] 03-11-2015 09:53 PM
والله العظيم بي سعر بيت واحد بي 4 مليارات انا اشتري 4 بيوت في مانشستر اي بيت فيهو 3 غرف


#1225340 [الكجور الأسود]
5.00/5 (1 صوت)

03-11-2015 03:29 PM
جنيه؟بالله بالقديم ولا بالجديد؟

[الكجور الأسود]

ردود على الكجور الأسود
[ابوعبدالله] 03-11-2015 07:42 PM
سؤالك دا ياالكجوري سؤال زول مفلس رسلت المصاريف ولا لسع


#1225334 [قرعم]
5.00/5 (1 صوت)

03-11-2015 03:19 PM
ما اصلا كل شيء غالي انا بنيت شقتين علي مساحة 300 متر م يعني 150 متر م للشقه كلفت كل شقه 600 الف ريال سعودي من غير سعر الارض ولسه ما انتهوا والقروش تحويشة العمر بعد 40 سنه غربه كملت. آمال دايرين أجر الشقه بكم؟ بس عشان نرضي كاتب المقال
مع العلم لما بديت كان المقدر نصف المبلغ لكن الأسعار كل يوم طائره السماء وبعد سنتين الأمر لا يصدق الفرق اكثر من مرتين في سعر كل المواد وكل شيء مسجل بالجنيه وما يعادله بالريال وقت الشراء الفلوس كلها جبايات ماشه لحرب داعي ضد الشعب

[قرعم]

ردود على قرعم
European Union [زول] 03-12-2015 08:24 AM
قرعم ياخي ما تزعل كوكاب ما كان قصده يقول انك كذاب ولكن خانه التعبير كان عايز يقول ده مبلغ كبير، لكن ولا يهمك ياخي

[الحلو] 03-12-2015 06:25 AM
يا كوكاب
انتا شكلك العصر متابع الدوري الانجليزي والمغرب متابع الدوري الاسباني والليل دوري السودان
يا زول الناس العندها الملايين كتار والله
والله السعودية دي بس تقوم من سريرك وتبطل الفارغة بسهولة تعمل قروش
الهنود كل واحد عندو 10 بقالات تصفي 30 hgt vdhg بالشهر
البنقالة المغاسل يصفو نفس المبلغ
ابو يمن في التريلات
المصريين في اسواق الاثاث
الا السودانيين فالحين في الدجه والغلاط والسياسة

European Union [قرعم] 03-12-2015 02:40 AM
الحمدلله رب العالمين انا ما بكذب ولا في داعي أن اكذب حبيت فقط أنصح الاخوه من التورط زي يا كوكاب. إذا أنت ما بتقدر توفر في أربعين سنه مبلغ زي دا في ناس انا يعرفهم بيو فروا أضعاف المبلغ في أقل من مدة اغترابي وانا اعتذرت لأنه كان في خطأ قبل ما تصفني بالكذب
بس كونك تصفني بالكذب من غير ما تعرفني دي بالغت فيها وانا اول مره اكتب في الراكوبه الأسبوع الفات.

European Union [قرعم] 03-12-2015 12:51 AM
اسف الشقه كلفت 300 الف ريال سعودي اي الشقتين كلفت 600 الف ريال سعودي اساس ل 3 طوابق

United States [كوكاب] 03-11-2015 11:02 PM
تكلفة الشقة ستمائة الف ريال سعودي كذاب . يعني الشقتين مليون ومائتين الف والله لو مغترب مائة وخمسين سنة وما بتصرف من راتبك ولا هللة ما تقدر توفرها كلنا مغتربين وعارفين البير وغطاها بلاش كذب ونفاق


#1225326 [وحيد]
0.00/5 (0 صوت)

03-11-2015 03:10 PM
غسيل الاموال ... اموال شحنات المخدرات و تجارة السلاح و المنهوبة من البلد بترول و ذهب و اثار و ضرائب .... ابحثوا عن جماعة الحزب الحاكم!

[وحيد]

#1225323 [نصر الدين حسن]
4.07/5 (5 صوت)

03-11-2015 03:05 PM
معقول بس اغلا مدن العالم ارضا وافقرها سكاننا الله يجازي الكان السبب حسبي الله علي كل ظالم

[نصر الدين حسن]

#1225285 [ياسر حريرى]
0.00/5 (0 صوت)

03-11-2015 02:17 PM
تشاد بس

[ياسر حريرى]

#1225259 [ود يوسف]
3.00/5 (1 صوت)

03-11-2015 01:47 PM
وحدوا العملة عشان تسهل المقارنة ( المليارات بالقديم والآلاف بالجديد ) !!

[ود يوسف]

#1225258 [جنو منو]
5.00/5 (8 صوت)

03-11-2015 01:47 PM
والحالة لاتوجد بنية تحتية .. لاصرف صحى .. لاشارع ظلط ذو مواصفات عالمية .. لاخطوط تلفونات لا انترنت
لامجارى لمياة الامطار لا خطوط للغاز ولا حدائق ولا مراكز تسوق وخدمات صحية وتعليمية ولا .. ولا...

[جنو منو]

#1225197 [سوداني]
3.50/5 (3 صوت)

03-11-2015 12:33 PM
يالخرطوم يا العندي جمالك جنة رضوان واسعار عقاراتك لهيب نيران

[سوداني]

#1225159 [سعد بركات]
3.50/5 (2 صوت)

03-11-2015 11:49 AM
بالله ورينا اسعار العقارات في الخرطوم بقت كيف خصوصاً في الديم وكم هي تكلفة البنيان عشان نعمل حسابنا

[سعد بركات]

#1225148 [ابومحمد]
5.00/5 (1 صوت)

03-11-2015 11:41 AM
الدولة تنوم في العسل

[ابومحمد]

#1225114 [Ahmed Hassan]
5.00/5 (3 صوت)

03-11-2015 11:18 AM
حلوة يتوقف على ضمائرهم دي

الضمير دخلو شنو بالموضوع دا

يعني الملاك يبنو بالمليارات ويأجروا مثلا بي 500 الف كدا يكون عندهم ضمير ؟

انتو قايلنهم فاتحين تكية المهدي

Please talk sense

[Ahmed Hassan]

ردود على Ahmed Hassan
[جركان فاضى] 03-11-2015 08:14 PM
كلام صحيح...مافيش بيع بالضمير والطلب...كل البيع بالعرض والطلب


#1225112 [مجا هد]
4.00/5 (3 صوت)

03-11-2015 11:17 AM
الواحد امشى ابيع منزلة واشترى 10 شقق فى مصر او فى لندن اكيد فى شى خطاء فى الحكومة

[مجا هد]

ردود على مجا هد
[جركان فاضى] 03-11-2015 08:16 PM
اوافقك الرأى....بس خوفى عليك من العقاب الثورى...تكون ماشى فى الشارع تقابلك قنبلة توديك فى داهية

[واحد قرفان جدا] 03-11-2015 04:23 PM
بروسلي كيفك .... حكاية تحويل الفلوس ساهلة ... الكيزان دا شغلهم ... وهم غير تجارة العملة عندهم شغل ... البلد أصبحت كلها سمسرة في سمسرة ما في تنمية ما في انتاج بس بيع عملة وغسيل أموال .

[السر موسى] 03-11-2015 03:10 PM
اى والله ماعارف الناس العاجبه فى الخرطوم شنو
عاوسخ عاصمع فى العالم

Russian Federation [بروسلي] 03-11-2015 12:09 PM
والله بفكر بي نفس طريقتك يا مجاهد ، بس كيف نحول العمله دولار ونخارجها خارج السودان؟
دي الحاجة الصعبة، بعدين لو سعر الصرف إتغير كتير - نزولاً -بعد عملية البيع مباشرة ، برضو حتكون مشكلة.. إفتونا يا ناس.


#1225101 [المتجهجه بسبب الانفصال]
5.00/5 (2 صوت)

03-11-2015 11:09 AM
جنيف

[المتجهجه بسبب الانفصال]

#1225092 [gamal]
5.00/5 (3 صوت)

03-11-2015 11:00 AM
باريس

[gamal]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة