الأخبار
أخبار إقليمية
محمد النصري : غنيت لقوش لأنه صديقي
محمد النصري : غنيت لقوش لأنه صديقي
محمد النصري : غنيت لقوش لأنه صديقي


لا علاقة لي بحزب البشير
03-15-2015 05:07 PM
مروي – آدم
قال الفنان محمد النصري إن غناءه في حملة صلاح قوش في مروي جاء امتثالاً لصداقته مع (قوش) ولا علاقة له بالمؤتمر الوطني كحزب، وكشف عن أنه غنى في حملة قوش في العام 2010م، ولم تكن هي المرة الأولى التي يحدث فيها ذلك. وأضاف : "أنا غنيت لحميد لأنه وطني وكذا قوش وأنا زول وطني أدعم الوطن"، ونفى النصري أداءه أي أغنيات في الحملة تمجد قوش أو النظام، وزاد: "بعض الأغنيات التي أديتها ضد النظام وهي قديمة.

اليوم التالي


تعليقات 46 | إهداء 0 | زيارات 7820

التعليقات
#1228488 [ودالباشا]
0.00/5 (0 صوت)

03-16-2015 10:41 PM
دمرت حياتك الفنية وانتحرت وكفى

[ودالباشا]

#1228291 [khalid]
0.00/5 (0 صوت)

03-16-2015 03:34 PM
الله يرحمك يا النعام آدم لم يغنى لملك طيلة حياته

سألوه ليه ماتغنى للحكام تعرفوا قال شنو
قال مابغنى لراجل زى

لكن يالنصرى ما بالغت عديل فى حميد

[khalid]

#1228275 [شايقي]
0.00/5 (0 صوت)

03-16-2015 02:57 PM
يا خسارة عيشنا الاكله الجداد

[شايقي]

#1228178 [kashoma]
5.00/5 (1 صوت)

03-16-2015 12:06 PM
أدائة لنصوص حميد ومفرداته هى اضافة له وليس لحميد
واختيار الفنان للنص هو الذى يحدد مدى انتمائة واين يقف وانحيازه لمن
حميد شاعر الثورة السودانية مثقف منتمى مرتكز على مبادئ ومنهج محدد ومارس دوره من خلال المفردة الثوريه للتغير السياسى والأجتماعى والأقتصادى والثقافى
الفنان قيم واخلاق وانتماء لمعانات شعوبة انتماء الى آلامه عذاباتة وأفراحة والفنان واحد من مثقفى الشعوب وهداى
حميد فى شعرة بيتكلم فى واحده من همومه حول الثورة السودانية عن دور المثقف اتجاه شعوبة عودة حميد الى الريف وبلوره نصه حول مثقفى المركز حول لغة المركز ومحاولة التقليل من لغات الأطراف وهنا تنبوء حميد من فترة طويلة قبل ظهور ثقافة المركز والهامش وسلطة المركز والهامش وتاتى عودته من الغربة بالمعنى الواسع للوطن العودة للبيت القديم ودوره كمثقف ثورى منتمى لعدد من الثقافات التى مورس ويمارس فيها القتل والردم فأهتم بالمفردات الكوشية القديمة فى محاولة لأحيائها وتحفيذ لدور المثقف وتنبيهه لصراعات الثقافات ومحاولة هيمنة الثقافة العروبوية الاسلامية ودورها فى طمس الهويات الأخرى
بكاهو رادي الدندهوب الغادي
وأم درمان تنوني
حبيبي اهـ وودادي وين وحبيبي أوب
والباقي كلو مقابلات ....
ضد القوانين البديلة
مع القوانين البديلة
البيسوى مابيسوى الفضيلة
ولا ختا في بالن الحال الكدر
ما علمن سيل الجبال الشال مواريث القبيلة مع الحجر
لا حكمة البحر الكسر ....
ما ليهو مسلم لا الكفر

وبلدك .... متل كمين بلاد
بدت الدقون فيها الختا
نجس تراها المترفين
كترت مواعين الفساد
كان كلمة الإسلام غتا .

الحيطة وكتينا التقع تقع ألف وجعة على الضلع
دخانها يمرق في السمي ....
اهاتو تنزف في الأرض
بحر الصبر والاحتمال
بيناتو ينقطع ترع
لا يلقى يربط لا يحل

يالمصاحف والصحيحات
المجخسنة فى الزبل
رافعين دواليبن بعيد ...
طابلين خوازيقن طبل
لا حولة حال مابتنقبل .... ما بتنقبل
ما بتنقبل يا مسلمين ؟؟؟؟

بالدين .... بالطين .... بالنسب
بالمكرفونات بالخطب
بالبنطلونات بالرتب .... فرق تسد
تاخد قناديلك تفوت ....ينكتلو فى حزمة قصب
يوم التعد تلقى البيوت فى ازيارها باني العنكبوت
والجزمة شاهد فى الترب
يا شارع الثورة القصاد اهلى المسالمين البعاد
يا بندقيتو ..... هنا المحك
أقوى البحر والا المطر ؟
اووووووو الرياح بتصحى في الجو الجراح
الضو بكى ....
بكى ما بكى ....
بكاهو حس الطائرات
بكاهو قدرتو تنتهي
بكاهو يرجى المعجزات
البنية التحتية البنية التحتية لا تشيد عبثاً أو ملهاة ولاعبر الخطب الدينية ولاالحماسية ولاندوات ولامؤتمرات هي محكومة بالتخطيط الوظيفي للخدمات والأولويه التي تهم المواطن، ولاتبدأ الا بالتعليم ورفع الجهل وليس بتدمير التعليم وتجفيفه التعلم حق الزامى للجميع ولكل الشعوب السودانية حتى تتوحد وتنمية متساوية للجميع والسوق التى تحكم قوانينها الدولة وهذا هو مرتكز لوحدة الشعوب السودانية
وهّدن عندنا خمسة دقائق
قدمنالو كتاب الله
درقة وسيف .. تبروقة هدية
قفة تمودة .. وفاس دهبية
وكنا قبل بيّتنا النية
وبين بنتين علّينا اليافطة
اليافطة ام زيق الدمورية
وانعبينا هتافاً واحد :
الجابرية تحي الثورة
دايرين بوسطة ومدرسة وسطى
والشفخانة وسوق منضبطة

[kashoma]

#1228153 [مصباح]
0.00/5 (0 صوت)

03-16-2015 11:41 AM
غايتو الزول دا عوق نفسو جنس تعويقة!!
والشباب ماقصروا ردموه تمام

[مصباح]

#1228123 [kimo]
0.00/5 (0 صوت)

03-16-2015 11:08 AM
الفنان عندما يصبح نجما يصبح محكوما بقيود يجب عليه إحترامها ، كنت سأحترم النصري لو قال أنه غنى في حملة قوش لأنها قناعته الشخصية وإنتماؤه السياسي ، ولكن إن كانت مجاملة فمجاملة المعجبين كانت تفرض عليه عدم الغناء إن كانت يحترمهم وعائش وسطهم ويعرف نبضهم .

[kimo]

#1228101 [التلب]
5.00/5 (1 صوت)

03-16-2015 10:41 AM
انا انصحك يا نصرى ان تنحنى للعاصفه علها تمر وان تلزم الصمت ثم تبدأ فى عمل حفﻻت تسميها اﻻعتذار و صحيح سوف تجد عزوف الناس عن المشاركه - ولكن معليش تقل دمك شويه - زى جماعة قوش - ( عارفين الناس بتكرهم ومع ذلك فارضين نفسهم عليهم ) واذا كان قوش ده فعﻻ صديقك مفروض يجد ليك العذر ويكلم جماعتو مايضايقوك !!

[التلب]

#1228084 [ابو احمد]
0.00/5 (0 صوت)

03-16-2015 10:19 AM
طيب انتو النظام دا مادام بتكرهوه كل الكره دا لماذا لا تخرجون عليه وتزيلوه

[ابو احمد]

#1228077 [ماسورة]
5.00/5 (1 صوت)

03-16-2015 10:14 AM
لم نكن نعلم انك تصادق القتلة واللصوص واعداء الحرية ..
الآن علمنا .
كيف سؤلت لك نفسك ان تجمع بين قوش اللعين وبين الانسان الشريف العفيف الجميل الحر النضيف الراحل المقيم حميد !!
يا حامل الطمبور
شايف في راسنا قمبور ؟

[ماسورة]

ردود على ماسورة
[العطبراوي] 03-16-2015 10:31 AM
بالله يا ماسورة حميد كان شريفا عفيفا جميلا حرا - اجب بلا او نعم ؟


#1228074 [أم شلوخ]
5.00/5 (1 صوت)

03-16-2015 10:12 AM
لو كان عرست ندى القلعة كان ح نعتبرك ما زلت عندك شرف

[أم شلوخ]

ردود على أم شلوخ
[الصعب] 03-17-2015 01:33 PM
لك التحية يا أم شاوخ


#1228048 [kashoma]
5.00/5 (1 صوت)

03-16-2015 09:45 AM
ردت الشاعره الأستاذه/ نجاة عثمان

عميان مغمّض.بالغبا..
مين شال على شعبو السلاح..
عذّب فسد..أصبح وبا...
مين عاث.وفي جسد الوطن
فوق الجثث صفا وانتبا.
مين تاه.بكامل إنتباه
والبنتاجون.المندبة
مين يالي إسمك بالنصر
وإنت بتقايض..ملعبة..
هل يوم عرفت..الإعتقال..؟؟
طعم العذاب والمسغبة؟؟
شنو يا بليد الفن يكون..
لو ما عليت في المرتبة
زي ما رفع سهمك..شعر..
تنزل..كفاك المأدبة..
نوراي وكت حميد يقول.
وجدانو..شايلة.الحب صبا..
نوراي..حمامك..ماهدل..
ما لاح.ضيا قمرك خبا..
نوراي..حرام ..ماكنت يوم..
غير بت عزاز ومأدّبة..
مالك غفيتي مغ الصباح.
يارملة حميد فيك حبا..
خبرك مع قوش..لوم وشوم..
والمتلو في نيلك كبا..
نوراي.ولادك..نزفو دم..
ما قالو لى قوش مرحبا..
فضيهو يانصري الرصاص.
نغمة طنابيرك ربا..
وأطرح..من الجمع القبيل..
ما بتستحق تحكي الإبى..
يانصري..
هي الوظنية كيف؟؟
كيفن ..
هي آسن مشربها..؟؟
يانصري..
حميد كان وطن..
مفتوح كتاب في المكتبة.
حميد.رسم لينا الصراط..
ما كان بفتّش مكسبا..
يانصري..والمعنى إنهزام..
والشعب..بيصدقك النبا

[kashoma]

#1228030 [هو حر في غناءه وفي اجتماعياته]
0.00/5 (0 صوت)

03-16-2015 09:19 AM
معظم التعليقات سلبية جدا وغريبة ليس إلا ان النصري كعادة وفهمنا للفنان بانه ليس ملكا لاحد فهو يغني لكل وجدان،،

انا شخصيا ورغم كرهي والله للانقاذ لا أرى بأنه فعل جرم،، فمبررات الرجل أن تغنى في حملة تدشين قوش لانه تربطه به صداقة واجتماعيات ونحنا لا نعرف مدى وقوة الصداقة،، فعلاقة الصداقة والمعرفة والجيرة تحكمها امور كثيرة فالرجل نفى أنه تغنى للانقاذ تغنى فقط من مبدأ اجتماعي ودا مبرر مقبول جدا،، فكلنا تربطنا الاجتماعيات وكلنا نعرف وتربطنا مع بعض اهل الانقاذ (ليس ناس الحكومة) ولكن من يديرون برامج الانقاذ اجتماعيات والله نذهب لهم في اتراحهم وافراحهم ولكننا نختلف معهم في مبادئهم.
طيب ما الذي يجعلنا أن نحلل هذا الحق لانفسنا ونحرمه على النصري،، فقط لان النصري يعتبر علم فني واجتماعي،، فلكن لا ننسى بأنه انسان وانسان اجتماعي..


فهو حر في غناءه وهو حر في اختياراته وهو حر لمن يغني ولمن لا يغني فقط نتفق أو نختلف في غناءه وفنه ولسنا مسئولين من اجتماعياته وحياته الخاصة.. يعني هي بقت على النصري بس.

[هو حر في غناءه وفي اجتماعياته]

ردود على هو حر في غناءه وفي اجتماعياته
[سوداني بس] 03-16-2015 01:05 PM
لو كان الحفل خاص ( زواج - طهور - خطوبة ) عائلي , كان يمكن للصداقة التي إدعاها النصري أن تكون مبرر مقبول - ولكن الحفل (( انتخاب )) انتخاب يا رجل للسيد قوش رجل الأمن وبيوت الأشباح ! قوش المؤتمر الوطني !!! قوش الزنازين المظلمة - قوش التعذيب - قوش السجّان المجرم سافك الدماء - قوش الذي أعان سفاحين الانقاذ ورسّخ سلطانهم ونكّل بكل صوت معارض حر شريف - ( سعيد بن جبير وهو في سجن الحجاج , سأله حارس في السجن : هل أنا يا شيخ من أعوان الظلمة ؟ فأنا فقط حارس ومضطر لهذا العمل !! فما كان رد سعيد بن جبير ؟ ابتسم وقال له : أنت لست من أعوان الظلمة - أنت من الظلمة ) .

سقطت أيها النصري في مستنقع ووحل الانقاذيين الظلمة ولن تنفعك صداقتك لقوش ( صداقتك للشعب السوداني كانت ستنفعك ) قوش نفسه لم تنفعه صداقته وخدمته للظلمة !!! يا النصري : اسأل القيقم الذي كان صبح مساء ( يجعّر ) في ميكرفونات الانقاذ ! أين هو الآن ؟؟؟

European Union [ود الريس] 03-16-2015 10:27 AM
نسيت تقول جملة مهمة (والله يا جماعة أنا لا كوز ولا مؤتمر وطني,, أنا مع الحق)


هههههههههها لعبة جداد إلكتروني معروفة , بس أظنك لسة تعيين جديد

[kashoma] 03-16-2015 10:07 AM
(تغنى في حملة تدشين قوش لانه تربطه به صداقة واجتماعيات)

ده مناسبة طهور
انت بتفتكر الفنان صفقة ورقيص أى فنان فى اى مجال منتمى حتى لو الى احقر انواع الانتماءات مثل انتماء قوش للحركة الأسلامية وبدشن حملته الانتخابية يعنى انتماء سياسى أثبت انه عدو للوطن
وبدون خجلة ينشر ود النصرى أنه ساهم فى حملة انتخابية لقوش عدو هذا الشعب

كيق يستقيم الكلام ده
الفنان قيم واخلاق وانتماء لمعانات شعوبة انتماء للألامه وعذاباتة وأفراحة والفنان واحد من مثقفى الشعوب اما ان يكون منتمى لشعبة أو خائن له

حميد فى شعرة بيتكلم فى واحده من همومه حول الثورة السودانية عن دور المثقف اتجاه شعوبة
حميد فى شعرة يتحدث عن خيانة المثقف لشعبة

انتوا النصرى فاهم كان بيغنى فى شنو ولاساكت والله الكلام ده مااستهتار بصوته بس لو كان فاهم لماذا اختار نصوص ومفردات حميد ماكان قال ولا كان شارك فى الجرم الفاضح القاله ده ده سقوط مريع والله نحزن له

European Union [كلام غريب جدآ جدآ] 03-16-2015 09:57 AM
الحفل لم يكن حفلآ اجتماعيآ ، عرس ، طهور ، عيد ميلاد
كان حفل تدشين حملة انتخابية يا سيدي الفاضل !


#1228026 [امير]
0.00/5 (0 صوت)

03-16-2015 09:16 AM
صديقك !!!!!!!!!!!!!!!

قريتو سوا في الروضة

[امير]

ردود على امير
United States [أم شلوخ] 03-16-2015 10:04 AM
ههههههههههههههههههاى


#1228011 [كمال الهدي]
5.00/5 (1 صوت)

03-16-2015 09:06 AM
تباً لك.. حميد الرجل الجميل المرهف الوطني فعلاً لا قولاً تضعه في نفس مكانة قوش!!! وبرضو مثل هذا يجد شعبية في سوداننا الذي صار غريباً! أي فن هذا بالله عليكم.. استح يا رجل فهل نفهم من ذلك أن كل صديق للنصري ستطلع أغنية باسمه!!

[كمال الهدي]

#1228001 [Mohamed]
3.50/5 (3 صوت)

03-16-2015 08:56 AM
يا أيها النصرى.. لقد سقطت سقوطا لا قرار له.. انت حرقت نفسك تماما..
وشن جاب قوش العفن للشاعر البطل حميد..
إنت وهمان ولا شنو...
قوش الأعور.. جلاد قاتل مجرم
وحميد.. شاعر فحل.. عليه رحمة الله ورضوانه.

[Mohamed]

#1227972 [غربة وقهر وفراق اصحاب واهل]
4.00/5 (3 صوت)

03-16-2015 08:28 AM
عجبت لأمر رجل يختار جنة الدجال الاعور ويترك جموع الغلابة من الشعب السوداني الذين اختاروه ورفعوا من شأنه حتى صار نجماً لانه غنى للغلابة فإذا به يختار دجالاً وترك رجالاً

[غربة وقهر وفراق اصحاب واهل]

#1227967 [جنو منو]
5.00/5 (1 صوت)

03-16-2015 08:22 AM
تانى شوف كان ندى القلعة تبارى حفلاتك وتغنى وترقص مع كمال افرو .. قال قوش صاحبى ..!!

[جنو منو]

#1227966 [dougokoper]
0.00/5 (0 صوت)

03-16-2015 08:21 AM
لقد تحامل المعلقون على النصري وأشعر بتشفي في تعليقاتهم وكأنهم كانوا ينتظرون أي هفوه على النصري ليمطروه بهذه التعليقات الغير موضوعية فالنصري فنان في زمن قل فيه الفنانين وأما مشاركته لقوش فقد أوضح علاقته الشخصية معه ولا علاقة له بجرائمه والنظام.

[dougokoper]

#1227951 [Abdu]
3.00/5 (1 صوت)

03-16-2015 08:00 AM
بلا نصري بلا اعور كلكم وسخ وخبوب الله ياخدكم

[Abdu]

#1227950 [الحقيقة المرة]
0.00/5 (0 صوت)

03-16-2015 07:57 AM
لم يترك الاخوة المعلقون شيئاً ولكن أقول إنه السقوط الكبيييييييييييير. كيف بالله عليك يا النصري يتساوى الشاعر الصنديد حميد مع القاتل الرعديد قوش ..لعنة الله عليك وعلي امثالك وكل يتغني من أجل حفنة جنيهات بائعاً قضية وطن .قاطعوا النصري يا شباب ...

[الحقيقة المرة]

#1227939 [ضروس]
4.00/5 (1 صوت)

03-16-2015 07:40 AM
ما شايقي عشان كدة

[ضروس]

ردود على ضروس
European Union [بت القضارف] 03-17-2015 10:19 AM
محمد النصري ما شايقي للمعلومية


#1227934 [شاهد اثبات]
5.00/5 (1 صوت)

03-16-2015 07:10 AM
وردي الله يرحمه غنا لمايو 1969-1971
الكتلت الازهري والامام الهادي ومسخت العلم الشعار والتعليم ولخدمة المدنية بالتطهير والاقتصادبالتاميم مع خفة اليد الثورية وكل مخازي القوميين واليسار موثقة

مالكم ومال النصري ده زول فن وليس سياسة وهو ما طارح نفسه سياسي من الاساس
وهل السودان الجايط ده فيه سياسة فعلا غلفا وشايلة موسا تطهر
شيوعي ولى ناصري ولا كوز تاني ينقنق في الراكوبة دي مافي
وما قادرين تفرقو لحدي 2015ايهماافضل نيفاشا ودستور 2005 وبين نداء السودان
او ايهما اذكى
جون قرنق ولى ابو عيسى

***
ذكر في الاثر،الذى لنا فيه العظات والعبر...في كتاب اخبار من غبر...انه احد اهلنا الكبار مصاب بحالة مزمنة من البواسير جعلته يشد الرحال للعلاج من هذا المرض المحرج في بلاد العرب والعجم من مصر المهيمنة الى دوحة العمر الظليلة ومورقة لبلاد الكفار خلف بحر الظلمات دون جدوى...وعندما اعيته الحيلة وهده المرض استشار احد الاقرباء من اصحاب الخيال الواسع كما يقول عليهم محمد موسى اي المساطيل...فاعطاه مسحوق ابيض...وتحققت المعجزة وتماثل للشفاء التام في وقت وجيز وجاء مستبشرا لطبييه العبقري
- لقد تماثلت للشفاء والحمدالله بفضل مسحوقك العجيب
- الحمد لله والشافي هو الله
- ما هذا المسحوق العجيب
- عظام ضفادع مسحوقة
- يا سلام .. ولكنه علاج ناجع
- تمهل قليلا حتى ياتي الخريف ...لنرى ان كان له اعراض جانبية مزعجة!!!
وذهبت مثلا.....
****تفاقية نيفاشا المعجزة التي تقاصرت دونها الرقاب من نخب المركز وادمان الفشل ومنذ ان تم توقيعها لم تقف ضفادعم عن النقيق
منهم من جلس يعيرها ويشبهها بالجبنة احيانا وذبح بقرتها باتفاق التراضي...منهم من جلس في منتصف المسافة عصا نائمة وعصا قائمة ومنهم من اساء فهمها واستخدامها ايضا...بعد ان اصابه الرعب الشديد بانها ذات قوة ثلاثية للابادة وستقضي على السودان القديم برمته وليس الانقاذ وحدها


قال النصري قال
مقاس الوطنية البتفصلو مقاسكم الضيق ياهل الايدولجيات البادئة لن يجدي "وطنية " ده اسم سينما ونوع من "الشري" زمن البلد بي خيرا ومن جوز الحمام ثلاثة فردات
انقرعوا الله لا تاجركم ولا غذا فيكم بركة

[شاهد اثبات]

#1227898 [النورس]
5.00/5 (1 صوت)

03-16-2015 03:21 AM
صديقك ياأرزقي!
طبعا انت عارف الزيك ده الناس بقولوا عليه شنو
بقولوا عليه ....................

[النورس]

#1227878 [ود الكرسني]
5.00/5 (3 صوت)

03-16-2015 01:16 AM
انت وقوشك تتفشخلوا وعاملين فيها شوايقة ولكن لاتمتوا لنا بصلة غوروا يا مقاطيع نزلتوا سمعتنا في الحضيض

[ود الكرسني]

ردود على ود الكرسني
[مسافر] 03-16-2015 08:24 AM
طيب الشيء اللي بيخليوهم هم ما شوايقة وانت شايقي شنووووو وبعدين نزلوا سمعتك في الحضيض ليه،، والله رغم انني لست بشايقي ولكن لا اعتبر بوش ولا النصري بانه ساهموا في نزول قبيلتك التي نسبتك لك والغيتها عنهم في الحضيض.. إلا لشيء في نفسك،،،


#1227863 [فكري]
5.00/5 (3 صوت)

03-16-2015 12:26 AM
عادتا لا ألوم أصحاب (الجلود التخينه) المحبين لأنفسهم والناظرين لأسفل وهم كثر ومنهم علي سبيل المثال لا الحصر ..
المنتفعين
المتملقين
محاسيب الطغاة
أرباب المصالح
الأنانيين
المتكبرين
من به نقص
الجبناء
البائعيين لأهلهم وأوطانهم
خلتك نخله سامقة أيها النصري فوجدتك (مسكيت) لا يسلم من ضرره حتي الأؤكسجين "

[فكري]

ردود على فكري
United States [Abu] 03-16-2015 06:37 AM
Utterly Fabulous.........Thank you


#1227862 [كاره العنصرية]
5.00/5 (1 صوت)

03-16-2015 12:24 AM
السودانيين وضعوا انفسهم والفنانيين مثل النصري في هذا الوضع حيث اصبحت الحياة فن الممكن
مصطفى سيد احمد غير وزمن النصري غير وكل واحد فيهم حسب امكاناته ونتمنى ان ينضج الشعب لينضج النصري

[كاره العنصرية]

#1227858 [alazza bit wad almsaad]
5.00/5 (2 صوت)

03-16-2015 12:13 AM
يا خي حرام عليك / تجمع بين صداقة قوش وحميد //// بئس الصديق أنت / أنا كنت بحترمك وبسمع غناك ... لكن من اليوم أنت مع شلة / مغنيي البشير / جاتك البلا في هبلك

[alazza bit wad almsaad]

#1227855 [sulieman]
4.94/5 (7 صوت)

03-16-2015 12:07 AM
I used to love u but not any more

[sulieman]

#1227831 [عصمتووف]
4.75/5 (5 صوت)

03-15-2015 10:27 PM
حتي لو كان ابوك للاسف سقطة عموديا واندك او اندق عنقك ف حرقت طنبورك وذهبت اغانيك مع ريح الانقاذ العب غيرها توجد حالات ينكر الخل خليلة ف كاش المؤتمر بقلل النقاش ف العداد هو المهم ف نظركم لا مبادئ ولا قيم تحملووها انت وصبيان قدور ف ارجع لمقال الاخ مولانا القاضي تده فوق هو عبر عن حالاتنا ب المناسبة المؤتمر مثل الحرمة سيئة السمعة من تابعها انحرف

[عصمتووف]

#1227790 [كوكاب]
4.88/5 (7 صوت)

03-15-2015 08:19 PM
والله شقي الحال يسقط زي سقوطك ده مع الوقت بدل الضايع يا شقي تاني ناس الاعلام لم يجوا يسالوك قولهم ما بتكلم الا في حضور المحامي بتاعي عشان انت بتعميها زياده وثانيا عيب عليك تركب حميد في سرج واحد مع قوش القاتل ياخي حميد ده كل سلاحه شرفه وقلمو تجي تمسكو كلاش ويبقي قاتل مع قوش . اها ما عندك خيار يا الضنيقيل الوطنيين الاشراف اهو هنا استفتو ورفضوك امشي بكلياتك وارتمي ف احضان المؤتمر الوطني كمل انتهازيتك للاخر . والله نحنا سليناك سلة سريحة من الضفر اصلو كان حميد موكرك جوانا اسي خلاص زفرناك
واي فنان كوز واي شاعر كوز نحنا كمان عندنا مشاعر واحاسيس تاني انتو ما بتمشو فوقا اياخي من يومين بس لو انت زول مفتح من يومين 2 ياسر رزيه شتمك وشتم كل الضناقيل وقال الشعب ده ارزل القوم ياخي نحنا موجوعين من النظام ده للاخر وجاي تخت حميد مع قوش الله يقشكم بلا يخمكم انت وحاتم اولبرايت والكوز الانتهي منكم خالد شقوري

[كوكاب]

#1227778 [ود الجروف]
4.00/5 (4 صوت)

03-15-2015 08:00 PM
كده تكون كتبت على نفسك الفناء بغناءك لقوش المجرم الحقير . الظاهر عليك شبعت وعايز تلعب بالنار ، فلعبت بك. تماما كما صرح فرفور بأنه من أفراد الامن ، فكرهته الامة السودانية قاطبة وإنهالت عليه باللعنات التي أصابته وسحقته .

[ود الجروف]

#1227772 [دفن الليل ابكراعاً برا]
4.87/5 (10 صوت)

03-15-2015 07:54 PM
ياالنصري كلامك يضحك حد البكاء
ياخي قالو ليك غناك جميل ما تخلي الغرور يعميك , انت قائل الناس دي قشيمين والله ايه عشان تحاول تقنع الناس و تقول حميد وطني وقوش وطني ( وهل يجتمع الثري مع الثرية )
ودي هدية ليك عشان تصحا يااابريش

ودونا لي ضابط ..
كالعادة وانكفرن
قال وين أوديهن
والعندي ما قادر بالموية أكفيهن
والعسكر أدوناسوطين وفكونا
كالعادة يا اخونا .. حيكومة مربوشة
دايرين شغل .. مافيش
غير نغسل العربات غير نضرب الاورنيش
عتالة .. جرسونات .. شغلاً ما يوكل عيش
وبالحالة دي الكشة
بلدية والبوليس ... مرات يجيك الديش
ما يقبضوا الباعوض .. ما يقبضوا الضبان الما بدور فتيش ..
الارزقي السمسار .. إشمعنى نحنا وليش
إحنا الحرامين ولا البدسو العيش





الزول يخاف يكفر .. يرجع يقول معليش

[دفن الليل ابكراعاً برا]

#1227770 [Ema]
5.00/5 (1 صوت)

03-15-2015 07:52 PM
كيف انت فنان تصادق مثل قوش ولا فنانين الزمن ده طفيليات تصادق طفيليات ونكرات

[Ema]

#1227765 [الشامي العفنة]
5.00/5 (4 صوت)

03-15-2015 07:40 PM
وسقط محمد النصري سقوطا مدويا ومبروووك ليك قوووش والشينة منكوره يا النصري وهنيئا لك الانضمام الي زمرة فرفور ووليد زاكي الدين واسرار بابكر وعاصم البنا وحمد الريح وود الصادق وقيقم وغيرهم الذين دخلوا بامتياز نتن في مزبلة التاريخ .................

[الشامي العفنة]

#1227754 [ود النيل تمساح]
5.00/5 (2 صوت)

03-15-2015 07:22 PM
الطشاش في بلاد العمي شوف
تعال ياانت ومال قوش ده لوما الحكومه دي انت حتغني لجماله
ياعالم خلوا النفاق ده حبه اعوزبالله من الدجل والنفاق
طيب ماكان تغني للطيب حمد جار ناس عمك الضي محمد احمد مش برضو دفعتك ودفعة قوش
ولابس عشان ماعنده حاجه لاحكم لامال زول علي قدر حاله

[ود النيل تمساح]

#1227753 [ابو طارق]
4.88/5 (4 صوت)

03-15-2015 07:22 PM
تف عليك وتانى تف عليك يا حكامه

[ابو طارق]

#1227745 [جمل الشيل]
5.00/5 (4 صوت)

03-15-2015 07:15 PM
قوش صديقك ؟؟؟
والله (خسئت) .

[جمل الشيل]

#1227743 [النعام]
4.88/5 (6 صوت)

03-15-2015 07:14 PM
والله كان احسن يكون ليك علاقة مع حزب البشير وما تكون ليك علاقة بقوش ده .

[النعام]

#1227729 [السهم]
5.00/5 (4 صوت)

03-15-2015 07:00 PM
خلاص امش غني لمسار ونهار وكلهم يبقوا اصدقاءك وامش في دائرة الأمير وغني للفاتح عز الدين قال صاحبي قال .. في حدي يصاحب قوش ؟

[السهم]

#1227717 [زوقاء اليمامة]
4.94/5 (9 صوت)

03-15-2015 06:38 PM
حميّد وطني ... وقوش وطني وانت بتدعم الوطن ؟؟؟
حليل الوطن الإتساوى فيهو شاعر زي حميّد بسفّاح ومجرم حرب .

[زوقاء اليمامة]

ردود على زوقاء اليمامة
European Union [كمال الدين مصطفى محمد] 03-15-2015 08:28 PM
كفيت ووفيت ولم تترك لهذا النصري " جنبة " ينام عليها ..لقد كنت احترم هذا النصري قبل هذا الحديث الغث .. ولكنه صدمني .. كيف يساوي بين قوش " السفاح " وحميد
" الانسان"لا توجد علاقة البته بين الاثنين .. لم يحالفك التوفيق ايها النصري فقد خلطت بين الحابل والنابل وقدمت الغث والسمين على مائدة واحدة فابحث لك عن مخرج من هذا المأزق الذي حشرت نفسك فيه .. يا ليتك لزمت الصمت .


#1227710 [usman]
4.75/5 (6 صوت)

03-15-2015 06:31 PM
تأسفت بأني جلست معاك يوم أيها النصري الرخيص. هل تعرف من هو قوش يا....؟

[usman]

#1227709 [الزول الوسيم]
5.00/5 (2 صوت)

03-15-2015 06:31 PM
جا يكحّله (عماها) .

[الزول الوسيم]

ردود على الزول الوسيم
[messi] 03-16-2015 07:12 AM
لو سكت كان احسن .. قال صديقي قال


#1227697 [ود الشرق]
4.75/5 (13 صوت)

03-15-2015 06:06 PM
وقوش دا أنت غنيت له في عرسه ولا في طهور أولاده ؟

داأسمه أنتحار فني يا وهم

يلا باي باي

[ود الشرق]

ردود على ود الشرق
European Union [quickly] 03-16-2015 07:25 AM
فعلاّ اصبح واحد من مرتزقة وسقط من نظر الجميع

[جركان فاضى] 03-15-2015 07:28 PM
شكرا ود الشرق تعليق كافى ووافى ...لكن ليت هذا الابله يعرفه


#1227696 [A. Rahman]
4.50/5 (7 صوت)

03-15-2015 06:06 PM
نقل عن شيخ العرب، و لعله الشيخ عوض الكريم ابو سن، انه قال "الزول الما بيعرف يتكلم، كان سكت، بيلوموه؟" فيا النصري لا يمكن بحال ان تقارن شخصا "ملء هدومه" كحميد بشخص مافون منحط مثل قوش الذي تلطخت يداه بدماء السودانيين الشرفاء من كل أنحاء السودان قتلا و تعذيبا و تشريدا، بل كان مستمتعا بذلك. اما كونه صديقك فتلك كذبة بلقاء فلم تجمعكما بلد و لا مهنة و لا مراحل دراسية، اما اذا كان اعجابه بغنائك أمرا يسرك، فمن الواجب أيضاً ان تحركك مشاعر من دمرهم ذلك القوش هم و ذويهم. و اذا كان توضيحك هذا من اجل إصلاح خطا، فعليك ان تعلم ان هناك أخطاء يصعب تصحيحها، و لا ادري ان كنت ستتابعه و ترافقه خلال تجواله ناشرا اكاذيبه على أهلنا بمنطقة مروي التي لم يسلم ابناؤها من افاعيل قوش و رهطه و على راسهم الشهيد اللواء عثمان ادريس بلول الذي احضروه من المعتقل ليعدم ضمن ال 28 شهيدا، و هناك كثيرون، و منهم من كتب عليه الاعتقال و التشريد مثل "صديقك الوطني حميد". قوش و حميد؟ معقول؟ هل يعقل ان يكون بيننا من لا يفرق بين قوش و حميد حتى الان؟ اذا مت بحسرتك يا حميد، و كمان موتوا بغيظكم يا قدال و يا ازهري و بقية العقد الفريد.اااااه يا بلد. الان هناك موقفان لا ثالث لهما، اما ان تستمر في دعم قوش و اما ان تكون في خندق "ارحل"، لعل و عسى.

[A. Rahman]

ردود على A. Rahman
United States [Abu] 03-16-2015 06:56 AM
Lad, splendid undoubted what you have written. Your remarks indeed did reflects out all our thoughts in a straightforward manner. Thanks for speaking aloud. The problem will this moron understands what you have written? Sad we lived that long to witness such low caliber!!!

[جركان فاضى] 03-15-2015 07:30 PM
يا عبدالرحمن يا عزيزى كأنك تخاطب فى زول فاهم....يا اخى دا عنقالى بلغتنا السودانية...راسو فاضى فلا تشغل بالك بالرمم


#1227695 [ودالعمدة]
4.00/5 (9 صوت)

03-15-2015 05:58 PM
يا زول انت غنيت لحميد الشاعر الانسان كلماته لا تحتاج لمغنواتي مثلك يغنيها هي نابعة من معاناة ووجدان وضمير الامة السودانية المقهور ,اما تمجيدك وغناك للاعور الدجال معذب ومغتصب رجال ونساء السودان في بيوت الاشباح لو كنت انا من ورثة حميد لن اسمح لك بغناء اغنيه واحده من شعره اللذي نظمه ضد طغاة السودان وخنته بتمجيدك لقاتل لص عذب السودانين .......النعلة عليكم من اشباه فنانين متملقين متسلقين عبدةللمال من اجله تمجدون قتلة لصوص

[ودالعمدة]

ردود على ودالعمدة
[جركان فاضى] 03-15-2015 07:32 PM
نعم يا حبيبى ود العمدة...شعر حميد ارفع من ان يغنى بصوت هذا الطرطور...لا للاعتداء على شعر حميد من الجهلة المطبلين


#1227679 [معاويــــــــــــــــــــــــــــــــــــــــــة]
4.00/5 (3 صوت)

03-15-2015 05:37 PM
ده مستجد فى كل شيى يعنى بيعرف قوش من وين كان معاهو فى جامعة الخرطوم والله فى تنظيم الاخوان روح بس بلا يخمك ويخم قوش معاك انت ما عارف انو قوش اكبر مجرم يعنى والله شنو

[معاويــــــــــــــــــــــــــــــــــــــــــة]

ردود على معاويــــــــــــــــــــــــــــــــــــــــــة
Russian Federation [imam] 03-15-2015 06:07 PM
ياريت لو تذكر لينا حسنه واحده لقوش بلا يقوشك معاهو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة