الأخبار
أخبار إقليمية
قال إنه دخل الى دار الفنانين برجله اليسرى..فنانو السودان ينفذون وقفة احتجاجية ضد الامين العام لمجمع الفقه الاسلامي
قال إنه دخل الى دار الفنانين برجله اليسرى..فنانو السودان ينفذون وقفة احتجاجية ضد الامين العام لمجمع الفقه الاسلامي
قال إنه دخل الى دار الفنانين برجله اليسرى..فنانو السودان ينفذون وقفة احتجاجية ضد الامين العام لمجمع الفقه الاسلامي


03-21-2015 03:03 AM
الراكوبة – ام درمان نفّذ الفنانون السودانيون وقفة احتاجاجية بدارهم بمدينة ام درمان، ضد التصريحات غير المسؤولة التي تفوّه بها الأمين العام لمجمع الفقه الاسلامي البروفيسور عبد الله الزبير، في حق الفنانين، وهو ما وجد حالة من الاستنكار في اوساط الشعب السوداني.

وكان الأمين العام لمجمع الفقه الاسلامي البروفيسور عبد الله الزبير، قال (ذهبت ذات مرة لإلقاء محاضرة في دار اتحاد الفنانين، وقلت في نفسي هل ادخل الدار برجلي اليمنى ام اليسرى، وبعد ان خيّرت نفسي في ذلك اخترت الدخول برجلي اليسرى).

وانتابت الفنانين حالة من الامتعاض جراء حديث الأمين العام لمجمع الفقه الاسلامي البروفيسور عبد الله الزبير، وهو ما دفعم لتنفيذ وقفة احتجاجية بدار اتحاد الفنانين بام درمان للرد على التصريحات المسيئة التي اطلقها الرجل.

وشارك في الوقفة الاحتجاجية عشرات الفنانين السودانيين، على اختلاف ميولهم السياسية، ونددوا بالتصريحات المسئية، واعتبرها سقطة كبيرة كونها صدرت ممن يُحسب على المؤسسات الدينية.

وفي محاولة لتطيبب الخواطر، وإنهاء الازمة، سجل رئيس المجمع الاسلامي الدكتور عصام احمد البشير زيارة الى دار اتحاد الفنانين بام درمان، وتبادل اطراف الحديث مع الفنانين، وقدم له الاعتذار عما بدر من الامين العام لمجمع الفقه الاسلامي عبد الله الزبير.

وقال الدكتور عصام البشير لن نترك فرصة للمتربصين بإحداث الفتنة والنيْل من اللحُمة الوطنية

image

image


تعليقات 42 | إهداء 0 | زيارات 11905

التعليقات
#1232446 [الكجور]
0.00/5 (0 صوت)

03-22-2015 11:57 PM
لم نفق من زفارة اراذل القوم لنصدم بنتانة الرجل اليسرى للأمين العام لمجمع الفقه الاسلامي البروفيسور عبد الله الزبيرقبل دخوله دار السودان الخالد.
منذ وصول الاسلاميين كل منابرهم تحرم الغناء وتكفر كل مبدع بل تجاهد كل صادح في عقر السودان النابض بوجدان الشعب.
واستشهاد فنان الشباب خوجلي خير دليل, ليأتي هذا المأفون لمجمع الفقه الاسلامي بحذائه النتن فوق سجادة دم الشهيد ليفترى علي الملأ بترهاته والاستاذ عبدالقادر سالم امامه.
هذا هو الأمين العام لمجمع الفقه الاسلامي كنود علي السودان وميراثه
هذه هي عقلية دواعش السودان.

[الكجور]

#1232095 [حزين جداً]
0.00/5 (0 صوت)

03-22-2015 12:39 PM
قالوا زمان في دار فور تم جمع تبرعات بمكبرات الصوت بدار فور

وتم جمع التبرعات بالعون الذاتي ...وبمكبرات الصوت ويقولون العون الذاتي ...العون الذاتي

وفعلا تحمس أهل دار فور وتم جمع التبرعات بالعون الذاتي وتم بناء المدارس والشفخانات .....

وبعد فتره كان في زياره لدارفور وزير الشئون الدينيه والأوقاف دكتور / عون شريف قاسم ...

وبمكبرات الصوت عون شريف قاسم ....عون شريف .... يزور دارفور ... عون شريف ...

وناس دارفور قالوا عون الذاتي دا عرفنا ... كمان عون شريف دا شنو !!!؟؟

كمان علماء السودان ديل عرفناهم ، علي مهدي دا شنو ؟؟؟

هذا المتأسلم ... شال أخضر وتصوف وفن ... يا هيك ...يا هيك يا علي مهدي ...

وعلى مهدي لا يمت لأهل الفن بصلة . لم نعرف عنه غير مسرحية : هو وهي ...وبس .

فضلاً يا على مهدي أترك المجال لغيرك وخليك في أملاكك وممتلكاتك...

[حزين جداً]

#1231886 [khaled mohamed]
0.00/5 (0 صوت)

03-22-2015 09:35 AM
لاااااااااااااااااااااااااااااااااااااااااا!!!
ما ممكن تجرحوا وتقطعو في شيخ زي ده ..
أنا جاني مره فيديو واحد - مقطع- في االواتس ليهو ما بكيت قبل كده زي ما بكيت من كلامو ووصفو للرسول صلى الله عليه وسلم ...
ما ممكن نسئ لي ناس يحفظو القرآن وسنة الرسول علشان غناء ..

[khaled mohamed]

#1231870 [زول]
0.00/5 (0 صوت)

03-22-2015 09:15 AM
اااااااااااااااااه يا بلد يا خريانة ااااه الناس في شنو وانتو في شنو
هريت اتغسل كيف؟ بيدي اليمين والا الشمال؟
بالله انتو بشر انتو خسارة حياتنا جينا في زمن وسخ ومن شعب قلوط

[زول]

ردود على زول
European Union [ودالبلد] 03-22-2015 12:06 PM
ها ها ها ها ....أنت بتكتب من جوا (المُستراح) ؟؟


#1231720 [عبد الرحمن]
3.00/5 (2 صوت)

03-22-2015 12:43 AM
الشيخ البروفسيور عبد الله الزبير ..
عالم نحسبه من الصالحين ،بل إني موقن بأن يحفظ بلدنا بمثله ...
يا جماعة أنا أتابع الشيخ على اليوتيوب وقابلته فيقريب وكنت ممن حضر الندوة والشيخ ما قالها إلا مزاحاً.. ومع ذلك فأنتم في داركم لكم الحرية وهو حر بما يقول .. والموضوع ما خطير ..
ولا تنسوا أن الله تعالى يقول :((ياأيها الذين إذا جاءكم فاسق بنبأ فتبينوا أن تصيبوا قوماً بجهالة فتصبحوا على ما فعلتم نادمين )) هو قال ذلك لكن ما كان قصده إلا المزاح ...
فرجاءً "ما تعملو من الحبة قبة" .. واحترموه وما تسيئو ليهو فهو لا علاقة له بالسياسة والأحزاب ..
وما أختاروه في هذا المكان إلا لمكانته وعلمه :فهو من علماء وأساتذة الجامعة الإسلامية بالمدينة المنورة ومن حفظة كتاب الله ..
كفاية انو نجرح في المشايخ والعلماء ...

[عبد الرحمن]

ردود على عبد الرحمن
[سوداني] 03-22-2015 09:51 AM
قدر لرجلك قبل الخطو موضعها،خروج الشيخ عن النص و لو مزاحا ليخفف دمه ادى لمهاترات نالت من الكثيرين الابرياء ،و جنحت بمن يخالفوه عن جادة الصواب في فضاء يعج بالزوابع ،لذا يتحتم على من يتولون شانا عاما توخي الحذر في الوقوع في اخطاء لا يمحوها اعتذار ...


#1231681 [ساهر]
0.00/5 (0 صوت)

03-21-2015 10:26 PM
من المعروف حسب الأحاديث النبوية الشريفة المتواترة، أن من آداب دخول المرحاض، والخلاء، والحمامات، أن يدخل المسلم برجله اليسري ويقول: (اللهم إني أعوذ بك من الخبث والخبائث). لقد شبًه الرجل دار اتحاد فناني السودان بالمرحاض. فإذا رجعنا قليلا للوراء وتذكرنا قصة الإمام الذي (طرد) الفنان فوفور عضو مراحيض السودان، لأدركنا عمق الأزمة وسوء الثقة بين ( رجال الدين في السودان)وبين الشعب. وضعت كلمة رجال الدين في السودان بين قوسين، لأن الدين في السودان يطبق بطريقة سودانية بعيدة كل البعد عن الدين. يكفي فقط رقيص النساء والرجال سوياً أثناء تأدية المدائح النبوية... ويكفي.... ويكفي..... الدين في السودان غير الدين الذي نعرفة، ورجال الدين في السودان غير رجال الدين الذين نعرفهم............

يا رجال دين السودان، من كان منكم يحمل صكوكاً لدخول الناس للجنة فليسلفني صكاً بفائدة أو بدون فائدة.

[ساهر]

#1231669 [كوكى قرفان]
0.00/5 (0 صوت)

03-21-2015 09:57 PM
ده كان فنان مشهور اخد ليهو شاكوش من امو فنا الطمبور وقلب كوز طوالى اسالوا اهل السكوت عنه.

[كوكى قرفان]

#1231635 [ابو الهول]
0.00/5 (0 صوت)

03-21-2015 08:37 PM
انا بس عايز اعرف الجاب علي مهدي دا شنو ؟ وعلاقتو شنو بالمهن الموسيقية ؟...اعوذ بالله ناس عجيبة ...يعني يا دوبكم عرفتو موقف النظام المتأسلم من الفن ؟؟...اقرأوا التاريخ خخخخخخخخخخ خ خ خ خ خ خ

[ابو الهول]

#1231589 [اسامة الكردي]
5.00/5 (3 صوت)

03-21-2015 06:26 PM
الموسيقى هي الجمال المسموع لغة الشعور يا عديم الشعور

[اسامة الكردي]

#1231579 [سيف الدين الجميلى]
5.00/5 (1 صوت)

03-21-2015 06:13 PM
البروفيسور عبد الله الزبير، قال (ذهبت ذات مرة لإلقاء محاضرة في دار اتحاد الفنانين، وقلت في نفسي هل ادخل الدار برجلي اليمنى ام اليسرى، وبعد ان خيّرت نفسي في ذلك اخترت الدخول برجلي اليسرى).
القاء محاضرة يعنى كلام الله والرسول.ماشى تقولوا فى حمامات انت بتاع سفلى وبعدين عصام البشير لودخل بالرجل اليمين يبقى انتو مجمع مختلف فى الاراء ولو دخل يالشمال وجاء يعتذر يبقى فقة تقيه

[سيف الدين الجميلى]

ردود على سيف الدين الجميلى
[الحقاني] 03-21-2015 09:45 PM
ياسيف شيخ عصام تلب برجليه الاترين كمان دي حاجه تغلب الكيزان


#1231575 [حضرس]
5.00/5 (1 صوت)

03-21-2015 06:06 PM
ﻻ تطييب. خواطر وﻻ عصام البشير وﻻ غيرهم يجي هو نفسو ويعتذر علي الملأ وإﻻ فتحتوا ﻻنفسكم أبواب كل من هب ودب

[حضرس]

#1231564 [القال الروب]
0.00/5 (0 صوت)

03-21-2015 05:33 PM
بما ان ما يسمى بمجمع الفقه الاسلامى هذاكيان يتبع للمؤتمر الوطنى وامينه العام هذا مؤتمر وطنى اذا اى فنان يشارك في مناسبات المؤتمر الوطنى فهو قذر وعلى الشعب السودانى اجتنابه

[القال الروب]

#1231557 [ماسورة]
5.00/5 (1 صوت)

03-21-2015 05:17 PM
عصام احمد البشير مرسال النظام لدار الفنانين لتهدئة النفوس
وترطيب الاجواء وتقديم واجب الاعتذار للمغنين (المطاليق) داخل ديارهم (النجسة) ! وعصام فصيح ونضام ويجيد الدخول برجله اليمني واليسري حسب ما يقتضي ( النظام)
وفي الختام فرح اهل المغني بزيارة الامام واعتبروها تقديرآ ووسام وخرج عصام مصحوبآ بالثناء والسلام واحتفل الجميع في الحمام (عفوآ) الدار وغنوا :
دخل دارنا بشمالو ... ياناس مالكم ومالو .

[ماسورة]

#1231556 [طارق الكسلاوي]
0.00/5 (0 صوت)

03-21-2015 05:15 PM
الاخ لسان العرب

ليس بعد الضمير دائما مرفوعا ، فقد يأتي منصوبا عند النصب على الاختصاص : مثل : نحن مسلمي العالم نؤدي فروضنا
نحن السودانيين نكرم الضيف

[طارق الكسلاوي]

#1231553 [ود الشريف]
0.00/5 (0 صوت)

03-21-2015 05:10 PM
الله يرحمك وردى ومصطفي سيداحمد هذا زمان حمد الريح وعبدالقادر سالم هولاء رضو الذل والهوان والانبطاح واها جاءكم عصام احمد البشير وبقي عليكم المثل البيقول دق الاضيني واعتزرلو نقول لاتحاد الفنانين ابقو الى جانب الشعب واعتزار عصام لايرفع عنكم الظلم وانتم ادري بهذا النظام الذى قتل كل قيمنا وعادتنا وتقاليدنا ويمحو فى هويتنا فماذا تنتظرون اكثر من ذلك ننتظر من الشرفاء مواقف واضحة لا ملتبسة

[ود الشريف]

#1231543 [mohamed said ahmed]
0.00/5 (0 صوت)

03-21-2015 04:52 PM
الزول الاسمو عبد الله الزبير دا والدارعليهو لقب بروفسير فى شنو ما تعرف معروف فى منطقتنا السكوت زمان كان بيغنى وكان زول طشما عرقى وغيرو

[mohamed said ahmed]

ردود على mohamed said ahmed
European Union [abdalrahman] 03-21-2015 11:00 PM
ماشاء الله تبارك الله عليهو ولو كان كده زمان فالله هداه وهو أخسن من ناس عايشين في اسر ملتزمة ودينهم ضعيف ...
الشيخ عبد الله الزبير إلتقينا به واحتككنا معه أبدله الله بالغناء القرآن الكريم والعلم النافع وهو من علماء وأساتذة الجامعة اﻹسلامية بالمدينة المنورة ..
ونحن السكوت نعتز بيهو وما صح نذمر ماضي شخص تاب إلى ... ولو ربنا غفر للقتل 100 نفس وتاب عليهو كيف ما يتوب على شخص مثل هذا


#1231526 [Rebel]
5.00/5 (2 صوت)

03-21-2015 04:18 PM
* جميل جدا و انا مبسوط: "الدواعش" البلهاء يألبون عليهم شرائح الشعب السودانى الواحده تلو الأخرى!! حتى تلك التى "تغنى" لها بعضهم!! اها بى مويه و كملت!!
* علي الطلاق الثوره جايه مولوله!!

[Rebel]

#1231520 [ابوعديلة المندهش]
5.00/5 (3 صوت)

03-21-2015 04:06 PM
ما فارقا يا شيخنا بأى قدم دخلت دار اتحاد المهن الموسيقية , فكلتا قدميك الواحدة منهن أنجس من الأخرى .

[ابوعديلة المندهش]

#1231475 [تينا]
0.00/5 (0 صوت)

03-21-2015 02:55 PM
اولا الأمين العام كلامو ما جميل ومافى داعى له ... وبصراحة انتوا كمان يا الفنانين عشواءيين ومزعجين ! نحن جيران داركم دى متضرريين من ازعاجكم الليل كلو حامننا النوم بسبب الصخب والضجيج ! قلنا ما مشكلة لكن الأفظع انتوا مسمين داركم دى (((دار))) اتحاد المهن الموسيقية لكن سايبنها وقاعدين فى دار الطرق الصغيرة الجنب الدار ومنتشرين فيها بصورة سخيفة وهاك يا شراب شاى عند ستات الشاى وهاك يا سجاير وشيشة ! لدرجة جيران الدار اذا كانوا بالخارج بصعوبة بدخلوا بيوتهم ! مادام هى داركم الزموها وكونوا منظمين بدل الفوضى العاملنها فى الطرق دى لدرجة ناس الحى ماعاجبهم الوضع دا وبكدا انتوا براكم بتجيبوا لأنفسكم الكلام !

[تينا]

#1231456 [لسان العرب]
0.00/5 (0 صوت)

03-21-2015 02:05 PM
نعم الصحيح نحن فنانو وليس فنانى (لان نحن ضمير رفع وما ياتى بعده يكون مرفوعا

[لسان العرب]

ردود على لسان العرب
United States [teacher] 03-21-2015 05:59 PM
فناني ,, اسم منصوب علي الاختصاص
لا يوجد خطأ

[الجوكر] 03-21-2015 03:48 PM
الصواب نحن فناني،وهذا ما يسمي في اللغة العربية بالنصب علي الاختصاص


#1231445 [دكتوره عوضيه دخان]
5.00/5 (1 صوت)

03-21-2015 01:42 PM
بما لدىمن قدرة على تحليل الشخصية السوادنية الى عواملها الاولية بحكم عملى فى مركز الدراسات الاسنراتيجية بالاسكندرية قسم السودان.

فانى ارى أن الريس السيسى رايح الخرتوم ليقول كلمتين يا توقفو الهبل ديه او السوط فوق جتتكم...

رحم الله الخديوىعباس ... فلقد نصح مديره الجديد لمديرية بربر (خدلك سوط جامد وياك... علشان يفهموك)

وهاهو التاريخ يعيد ادراجه......

[دكتوره عوضيه دخان]

#1231441 [سودانى بحب بلده]
5.00/5 (1 صوت)

03-21-2015 01:35 PM
من اين جاء هؤلاء النكرات بروف شنو دا الدكتوراة بتاعته دى عملها فى(ما يخرج من بين السبيلين)ولا عملها فى فقه التحلل ولا عملها فى الخج ولا (فى مثنى وثلاث ورباع)ولا ولا يكون دا صاحب المؤلف الشهير ( الحاقد الموتور للصلاة بمجمع النور الكائن فى كافورى)
بالله يا جماعة ما تعظموا شأن هولاء الاجلاف الحاقدين على كل القيم والمثل الجميلة التى جبل عليهاهذا الشعب الطيب المغلوب على امره ولكن يا اولاد الهرمة جاييكم يوم وان ذاكرة الشعب تختزن كل ما فعلتموه بنا ليوم ... ترونه بعيدا ونراه قريبا.انتهى

[سودانى بحب بلده]

#1231405 [أبو التاج]
0.00/5 (0 صوت)

03-21-2015 12:36 PM
أين الإدارة التي تمرر عليها التعليقات؟ وما فائدة تمريرها عبركم ؟
ليعلم الإخوة المعلقين أننا أحياناً قد لا نقرأ كل الموضوع ... عجلةً منا للإستمتاع بتعليقاتكم .. لذا يجب علينا إحترام بعضنا البعض ،،، فالراكوبة مظلتناجميعا نتبادل فيها آراءنا بكل أدب وإحترام للرأي الآخر .. فلنكن صادقين في أقوالنا وأفعالنا ونحترم عقول بعضنا بعدم الإساءة أو التجريح للغير - بغض النظر عمن هو ؟؟؟ فالمسلم ليس بطعان ولا لعان ولا فاحش ولا بذيء ....

[أبو التاج]

#1231395 [sayedelmuiz]
0.00/5 (0 صوت)

03-21-2015 12:20 PM
عبد الله الزبير، كتن فنان وصعلوق، ومعروف لدينا فى منطقة السكوت فى الشماليه

[sayedelmuiz]

#1231393 [بابكر عوض الشيخ]
0.00/5 (0 صوت)

03-21-2015 12:18 PM
يعني يا بروف إحتراماً لأهل الفن إعتذر وقول (( أقصد دخول حمامهم بالرجل اليسرى )) يعني لحن الإعتذار

[بابكر عوض الشيخ]

#1231391 [الناهة]
5.00/5 (2 صوت)

03-21-2015 12:08 PM
الحمد لله الذي امات فنان افريقيا الاول محمد عثمان وردي قبل ان يشهد هذا اليوم ويسمع مثل هذا الكلام
حقيقة فقد اهان بعض الفنانين لزملائهم من حيث لا يعلمون وذلك لانتمائهم لحزب المؤتمر الوطني وذلك لهثا وراء المنافع الشخصية المقيتة مما جعل اولئك ينظرون الى الباقون بنفس المنظار فلم يتورعوا من توجيه اكبر اهانة وجهت للفنانين والفن السوداني منذ التاريخ
هذا مايسمى بالمولانا شبه دار الفنانين بالمرحاض تماما
والذي نفسه بغير جمال لا يرى في الوجود شيئا جميلا
واجزم لكم لو اقترب احدكم من هذا المولانا سيشتم منه ما يشتم ما انف اشتمت من قبل ولا من بعد ومثل هذا لن تجد فيه رائحة طيبة ولا كلمة طيبة ولا خلق طيب
انها فونقة السلطة والمال
وهل يجرؤ الفنانون على رفع دعوة قضائية لرد اعتبارهم
لا احسب ذلك ابدا
فالانكسار والخنوع قد ضرب الشعب السوداني كما ضربه الفساد تماما

[الناهة]

#1231382 [نداء الوطن]
0.00/5 (0 صوت)

03-21-2015 11:53 AM
الكلب كلب سوى دخل برجله اليسرى او اليمنى

[نداء الوطن]

#1231353 [ابو محمد]
0.00/5 (0 صوت)

03-21-2015 10:49 AM
رد على الرويبض (كسار الثلج) !! في تسحيل فيديو يشهد على قائله وحاضرية بصفة ذات حدين !!

شعب
يتسمى زورا
بالشعب
يتنزل
ايات نفاق
كالشهب
يلبس
رداء الدين
وسمات التقوى
للنصب
يرقص
رقصة النذالة
ونقص الرجالة
وعدم الاصالة
لزري من
الكسب
كسر
الربابة
دنس الخطابة
سحق الغلابة
شان الصحابة
بالكذب
سرق
الكباري
طفحت مجاري
عوالق من ضواري
تبسم في خساسة
تشرب في شراسة
من دم الشعب
الرئيس
شباب
من روابض
مسلوب الصريمة
مغيب العزيمة
معدوم الشهامة
مسحوق الكرامة
لا يخشى الملامة
في نصرة
الخسيس
يعلو المنابر
جهولا مكابر
مقيد الارادة
فاقد السيادة
يحذو مسليمة
في الدس
البئيس
ظلموا فسادوا
نهبوا وكادوا
سرقوا فشادوا
طظ في الجماعة
وطظ في الكديس !!!

[ابو محمد]

#1231339 [صابر الصابر]
3.00/5 (2 صوت)

03-21-2015 10:28 AM
والله لو دخلت بي جعبتك الشمال يا وقح هم اشرف من اي كوز مقدود وحرامي....

[صابر الصابر]

ردود على صابر الصابر
United States [غصن الشوك] 03-21-2015 11:04 AM
الاخ صابر لابد ان تعلم للراكوبة قراء و معجبين من كل الاعمار من الجنسين فنتمنى ان تكون دقيقا في اختيار الالفاظ و الابتعاد ان الالفاظ النابئة و لتعلم ان الراكوبة متنفس ومنبر حر يستقبل كل التعليقات و لكن لا بد ان تحترم متابعيها و القائمين عليها بأن لا تخدش حيائهم ,,,,


#1231338 [nagatabuzaid]
0.00/5 (0 صوت)

03-21-2015 10:26 AM
ولا يهمكم يا الفنانيين والموسيقيين ده اسمه مجمع علماء الخيبة السودانى وهذا تصريح خائب من جاهل خائب هو ليس اكثر اسلاما من علماء السودان المعروفين قبل الانتكاسة ان السودان هو ارض العلماءوالعلم والفقهاء والفقه والدين ولم يتعرضوا بالتجريح للفنانين وما الذى جعل هذا الخائب يذهب الى دار الفنانين لينجسها ويدنسها بدخوله كل من له عقدة وخيبة فى حياته اصبح ينفث عنها باسم الدين ليدارى فضائحه الاسرية والشخصية كدى هسع افتينا فى فضيحة غسيل الاموال عبر الحدود السودانية الغانية برعاية وزارة الدفاع بالنظر العبد الرحيم كبير الريحيمية وكدى افتينا فى مناسبة العرس الكيزانية بحى المطار الطه سليمانية المختلطة ورقيص الحريم الكيزانية واكيد تكون قااااعد ومبسوط وافتنا فى صحبة رئيسكم فى حملته الانتخابية للصبية والصبيات الفنانين المنتسبين للفرق الموسيقية وبرعاية رئاسية خلينا من الفنانين انت تانى اوعك تمشى تنجس دارهم ويا الفنانين غسلوا داركم بالموية 7مرات تطهيرا وتعقيما مخلوقات خيبة علماء لسودان ديل عدوتهم اخطر من الايبولا
يا كافى البلاء كلهم ما بعرفوا يتكلموا كويس بلا يخمهم

[nagatabuzaid]

ردود على nagatabuzaid
[الهادي] 03-22-2015 10:58 AM
يا نجاة يا بتي اتقلي شوية ،انت انسانة محترمة ،،،،،،


#1231328 [مالك]
0.00/5 (0 صوت)

03-21-2015 10:07 AM
انا من الذين حضروا هذا اللقاء وفعلا كان حديث صادم وجارح وقبيح وللحقبقه ان السيد علي مهدي في نهايه اللقاء تصدي لهذا الرجل ودافع عن الفن والفنانين وقد اثار حديث هذا الرجل استنكار كل من كان بهذه الندوه

[مالك]

#1231306 [عادل السناري]
2.00/5 (1 صوت)

03-21-2015 09:30 AM
هذا من شأنه تدعيم حملة ( ارحل ) و لابد من استغلال هذه الفرصة التي اتت علي طبق من ذهب و اسبمالة كل الفنانببن و اصحاب المواهب و العقول المستنبرة لفضح نظام داعش فرع السودان --
سبق و ان اوقفت الحكومة الغناء و الموسييقى 6 سنوات متواصلة ( من 1989 الي 1995 ) و لم تطلق سراحهما الا بعد ان تورطت في المحاولة الفاشلة لاغتيال الرئيس المصري الاسبق ( حسني مبارك ) --- و كانت تحتاج للاحتماء بالشعب السوداني من سوء ما اقترفت يداها الملطخة بالدماء ---
علي كل الفنانيين التوحد خلف قوى نداء السودان و حملة ارحل و بركان الغضب القادم لاقتلاع الدواعش من ارض السودان ----
لينعم بالحرية و السلام و العدالة كبقية شعوب العالم الحر .

[عادل السناري]

#1231293 [ود الطيب]
3.00/5 (2 صوت)

03-21-2015 09:14 AM
هذا الداعشي المتطرف الجاهل كمثل الحمار يحمل أسفاراً مثله كمثل الكثيرين ممن يحفظون نصوصاً لا يتدبرونها!! كان الأجدر أن تستكمل هذه اللافتة بعبارة نحن في وجدان الشعب السوداني فأين موقعك أنت ومن معك من النكرات سارقي قوت الشعب!!!

[ود الطيب]

#1231278 [جركان فاضى]
4.88/5 (4 صوت)

03-21-2015 08:51 AM
السؤال:هل دخل عصام احمد البشير الدار برجله اليمنى ام باليسرى؟
من لم يسمع لرقيق الاشعار ...تتلى برنين الاوتار....فهو جلف الطبع حمار

[جركان فاضى]

#1231275 [ابومحمد]
0.00/5 (0 صوت)

03-21-2015 08:47 AM
الصحيح أن تكتبوا ( نحن فنانو ) وسؤال لعصام البشير بأى رجل دخل دار الفنانين ؟ ولماذا لم يذكر ذلك للفنانين ؟

[ابومحمد]

ردود على ابومحمد
[عبدالله ود جبارة] 03-21-2015 09:34 AM
نحن فناني أيضا صحيحة لغويا. حسب رأيك هي مبتدأ وخبر وفي الثانية نحن اعني فناني السودان واعني فعل مستتر


#1231274 [جنقولي]
0.00/5 (0 صوت)

03-21-2015 08:47 AM
سبحان الله والحمد لله .لأول مرة في الشئون العامة تترجل قيادات لمحو اثار واعتراف باخطاء اصابت فئة من المواطنيين.نتمني الامر يشمل بقية الحاجات.

[جنقولي]

ردود على جنقولي
European Union [A. Rahman] 03-21-2015 09:18 AM
لا يا عزيزي جنقولي، ديل الايام دي محتاجين لشبية فنانين من إياهم لزوم الغناء للانتخابات عشان يرقصوا ليهم خادم الله اللي انت عارفها ديك، فالاعتبار لم يأت من فراغ.


#1231268 [ود النيل تمساح]
0.00/5 (0 صوت)

03-21-2015 08:34 AM
ههههههه هو لو دخل برجله اليمين او الشمال بيمثل شنو
ماتخلقوا للزول مكانه من عدم
لانو الدار دي اشرف منه ومن تنظيمه كله
لكن بالوقفه الاحتجاجيه دي حيخلق لنفسه مكانه وسط الشرفاء
نقول له هذه الدار اشرف منك بمليون مره
عشان كده احتار يدخل باليمشن ولا الشمال
غزر

[ود النيل تمساح]

#1231263 [مدحت الهادي]
0.00/5 (0 صوت)

03-21-2015 08:26 AM
بالله عليكم من هو الذي يدخل على الآخر برجله اليمنى أو اليسري الفنانيين أم الحرامية الذين نهبوا أموال الشعب وتركوا الشعب يتسول الليل والنهار إن لم يكونوا في داخل السودان ففي خارجه هؤلاء .. ليسوا ببشر وإنما هؤلاء كلاب نعم كلاب وملاعين أينما ذهبوا لا صلة لي بالفنانيين وغيرهم ولكن الفارق كبير بين الفنانيين وبين لصوص المال العام المنهوب من خزانة الدولة من المفترض إذا دخل أي فنان إلى منزل أو مكتب أي واحد من الحكومة أن يدخل برجله اليسرى وهذا هو الحل لمثل هؤلاء الناس إن كانوا ناس ...... لا يستحون من أكل أموال الناس لا يهتمون بمن هم مرضى ولا يقولون لهم أحسن الله عزاكم فيما هم فيه من فقر ومن ضنك ..اللهم أجعل كيدهم في نحرهم هؤلاء الفسق الخونة ماكلي حقوق الشعب وماكلي وناهبي أموالهم والله اكبر عليهم ولا نامت أعين الجبناء الخونة ......

[مدحت الهادي]

#1231228 [KKambalawi]
5.00/5 (2 صوت)

03-21-2015 06:44 AM
عصام البشير هذا آخر من يتكلم عن العفة والأخلاق. الفنانين السودانيين أشرف وأطهر من كيىزان السودان جميعاً. وتكفي فضائحه الأخلاقية, وممارسة الجنس في مكتب وزارة الأوقاف, وتصميمه لغرفة نوم في حرم وزارة مهمتها الشؤون الدينية.

[KKambalawi]

ردود على KKambalawi
[أب احمد 2] 03-21-2015 02:46 PM
حرام عليك يا [KKambalaw !!!!!!!!!!!!!!!!


#1231226 [ali]
0.00/5 (0 صوت)

03-21-2015 06:24 AM
الفنانين عطروا ليالينا وانتم طولتم ليالينا ارحلو ارحلو ارحلو واللة دى قوة حرامى وعينو قوية اللة لا كسبكم عافية انا ماعارف الناس ديل مافيهم واحد بيعرف يزن كلامو حاجة غريبة ان شاء اللة يا الزبير رجلك فى الجحيم

[ali]

#1231223 [السهم]
5.00/5 (1 صوت)

03-21-2015 06:07 AM
من أين اتي هؤلاء

هذا الرجل متطرف بدرجة بروفسير وفات ولا يصلح ان يكون فقيهاً ومتنطع وطالما ان الامر في نفسه فلماذا يقوله الآن
وهو انسان محرج للآخرين والاسلام يحافظ على مشاعر الناس بل حتى مشاعر الدواب والطيور فإذا كان الرسول صلى الله عليه وسلم يكنى ويقول ما (بال اقوام يفعلون كذا)..

وفي الاسلام حددت بيوت معينة لدخولها باليسرى والخروج باليمني والعكس.. وبقية الاشياء سكت عنها المشرع من غير نسيان وفي ذلك رحمة للإنسان.

والحقيقة لم نسمع بشخص قال مثل كلامه هذا مما خلقت الدنيا ولا اعتقد يجي انسان محرج مثله والمثل يقول (دارهم ما دمت في دارهم )
غايتو الحكومة دي ابتلنا بي ناس (من أين اتى هؤلاء)

[السهم]

ردود على السهم
European Union [محمد أحمد الجعلي] 03-22-2015 12:50 AM
وفي الإسلام مكانة العلماء وحفظة كتاب الله كبيرة .. ومن أين انت علشان تحدد ينفع فقيه ولا لأ ... فما ممكن من لفظة عادية تعملو منو ما ينفع
فكيف لييك انت تتكلم فيهو وتصفو بالتطرف بدون سبب وتفتري براك أسباب ..
والموضوع ده ما خطير بس ما عندكم موضوع جيتو تجرحو في البحفظو دينكم ...


#1231204 [salah]
5.00/5 (1 صوت)

03-21-2015 03:57 AM
الفنانين فى وجدان الشعب و إنهم أرفع وأنبل من هؤلإ المتطرفين والذىن جعلوا من الدين مصدر رزق وثرإ حرام ونفاق وإن إعتزارهم هو مجرد مظاهر ودجل المصيبة هى فى عقولهم المريضه لتحريمهم للفن بكل أنواعه و أنه بدعه و حولت المؤساسات الدينيه فى عهد الكيزان الى ماكينة لتفريخ للمتطرفين والمشعوذين والمجانين بقيادة حسبو ختان واللص عصام البشير هذه الشرذمه مكانهم السجون لما إرتكبوهو من جرائم وتسميم عقول الشباب بإسم الدين لعنة الله عليكم

[salah]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة