ود مولانا..!!
ود مولانا..!!


03-21-2015 10:49 PM
حسن اسماعيل سيد احمد

1/ مشكلة الصراع السياسي فى السودان أكبر مماتتخيلوا .. أكبر بكثير
2/ الواقع الآن مثل حلبة سكارى .. كل واحد منهم يهرطق بعبارات لايدرى هو نفسه من وضعها على فمه
3/ فى الساحه الآن .. مصطفى عثمان يريد أن يصبح نافع .. ونافع يريد أن يصبح عمر الجزلى وكده ...
4/ تنظر الى الرؤوس فتجد أن الطواقى من فوقها ليست هى الطواقى .. كل شخص خاطف طاقية الآخر
5/ محمد الحسن الميرغنى دخل حلبة خطف الطواقى دى ...
7/ قال للصحف أن السكن فى الفنادق خمسة نجوم لن يحل مشكلة السودان
8/ كدى
9/ ... وانت ساكن ويييييين؟ فى مرزوق ؟
10/ حتى لمه تجى السودان بتنزل فى برج الفاتح ؟؟؟
11/ مطلوب منا نحن الجماهير أن ندخل الحلبة .. ونضع لكل سياسي رأسه وطاقيته جيدا بين أكتافه وبعداااااك نقعد نشوف مشاكلهم شنو
12/ أحد قادة الإتحاديييين قال لى ضاحكا .. اولاد مولانا ديل ماف واحد فيهم دخل كافتريا طلب سندوتش ولادخل بقالة قال عايز سكراتش ...وجايين يحلوا مشاكل البلد
13/ يااااا ود مولانا .... كدى ألبس لينا طاقيتك سيب الفوضى دى
14/ قال فنادق خمسة نجوووم


تعليقات 8 | إهداء 0 | زيارات 3920

التعليقات
#1232236 [خالد عزو]
0.00/5 (0 صوت)

03-22-2015 04:40 PM
لم نرا في السودان اي واقع ملموس للاحزاب الساسيه الاتحاد الدمقرطي هو الازهري ومعاونوه فقط
اما الذين نراهم الان في الساحه فهم فكت سياسة وان جاز التعبير سوي المرغني او نجله او كوادر الحزب
بالله عليكم هل رايتم يومااي من راساء الاحزاب الموجودة الان في الساحة السياسية يفتتح مشفي جديد
باسم حزبه ماذا قدمت الاحزاب للسودان سوي الجدل البيذنطي
اما نجل المرغني لا يدرك شي عن السودان جقرافيا سوي حلة حمد ودخوله القصر ترضيا لحزبه ليس الا
كما نعلم جميعا سياسة الموطمر الوطني وهذه هي السياسة في السودان تقدم الولا لمن يقول نعم ويجيد فن
مسح الحزاء

[خالد عزو]

#1232213 [saif]
0.00/5 (0 صوت)

03-22-2015 03:46 PM
انتو السبب يااولاد سيدى سيدكم القاعدين تشربو موية الضوء بتاعتو وتشيلو جزمتو ياوهم اسمعو كلام امهاتكم كويس ياوهم

[saif]

#1232173 [الدهابي]
0.00/5 (0 صوت)

03-22-2015 02:50 PM
ياخوي عمر ابوظبي البعيش المشاكل هو بالعرف حلها لا انت عايش بينا لا زولك دا عايش معانا بعدين طريقه الكيزان دي في الكلام حقو تبقو عرفتو نهايتا شنو , حاول اقبل الاخر تحياتي

[الدهابي]

#1231997 [حسكنبت]
0.00/5 (0 صوت)

03-22-2015 10:51 AM
باقى ليكم الزول المتمر دا بكون لعب شدت

[حسكنبت]

#1231766 [هيكل]
5.00/5 (1 صوت)

03-22-2015 06:16 AM
والله كلام عجيب تتكلموا في ود مولانا السيد الشريف الناير ابوجضوم المرتاح بمال ابوه عاطل عشان كده قاعد يحل في مشاكل البلد مرهق من السفر عشانكم وبعد ده تتكلموا في ود الساده الاشراف انتم منو ياكم البشيلا التراب البنمشي فيهو ياكم الشغالين اعمال هامشيه معلمين وموظفين وخضرجيه تجو تتكلموا في حماده ودمولانا

[هيكل]

#1231758 [عودة ديجانقو]
4.69/5 (5 صوت)

03-22-2015 05:31 AM
موديل 2015 من جيل المراغنه الجدد الان بالاسواق بعد ان اجتازوا الامتحان العملى والنظرى بتفوق من جامعة سراى الميرغنى فى كيفية ركوب المريدين وابناءهم وابناء ابناءهم لكى يظلوا عبيدا مفنقسين طوال السنه.
والله يا المدعوا الحسن حظكم رمامكم فى السودان لأنه جدكم المضروب لغم ارضى اختاره لكم بعنايه لأنه لقاهوا مليان هبل ودراويش ومجانين.

[عودة ديجانقو]

#1231739 [AbuAhmed]
0.00/5 (0 صوت)

03-22-2015 02:22 AM
المفسدون ما انكشفوا للشعب وهو يفكر كيف يكون العقاب
الولد ده ديونه ثقيلة من البنوك لذلك ما استغربنا لموقفه و تصرفاته
نهايتهم بوفاة والدم حتمية

[AbuAhmed]

#1231706 [عمر عثمان أبوظبي]
3.49/5 (12 صوت)

03-21-2015 11:19 PM
هههههههههه أسلوبك ضحل و تفكيرك في غاية السذاجة و فهمك في الحضيض يا كاتب المقال ,,, لو كنت بتفهم ,, الناس البيحلوا مشاكل السودان هم الناس العينهم مليانة و أيديهم نضيفة و نفوسهم عفيفة,,, ويا ليت الأيام تصفو لأهل السودان ليكتمل الهناء بتولي السادة الأشراف سدة الحكم في البلد,,,, و ليذهب المفسدون بلا رجعة

[عمر عثمان أبوظبي]

ردود على عمر عثمان أبوظبي
European Union [سوداني] 03-22-2015 10:11 AM
من يهون يسهل الهوان عليه ..ياالهوان الاسمك عمر افيق من الانت فيه ده .. عليك الله بنقاليك ده قدم للسودان شنو غير سرقة اراضي الناس واموالهم وشغلتوا شنو ماعندوا اي مهنة

United States [صالح عام] 03-22-2015 08:20 AM
يا ولد يا عمر عثمان انت اكيد من النوع البيشيل الجزم بتاعتم انشر الصوره بتاعتك تكون انت زاتك الشايل الجزم جزمه انت ومولاك وولده

European Union [زول] 03-22-2015 08:15 AM
اولا سادة منو؟ ديل والله ما يستاسدو على غنم وتيوس
وتانيا اشراف شنو؟ ياخي الشرف ده كلمة مطاطة ولو عايز تقول لي من ال البيت خلينا نقول ليك انه ابو جهمل من اهل البيت وكل صعاليق العرب معغمهم من ال البيت، وحتى لو كانو اولاد عم النبي زاتو حريقة فيهم وفي الميرغني الكبير.
ديل حرامية جدهم معرص الانجليز قبض الثمن زمااااان جنيهات استرلينية من الملك جورج الخامس ومعاه عبد الرحمن المهدي، الملك الكتل ابوه هو مشى ليه وفنقس قدامه وقبض هو كمان الثمن.

وانت ليه قاعد في ابو ظبي؟ ما ترجع ما دام السادة ديل في السودان؟ والا انت شايل جزمهم في اباطك وجراي وراهم؟

[اب احمد وعشة] 03-22-2015 02:45 AM
ومن اين امتلأت أعين السادة الأشراف ؟
جهل البسطاء جعلهم سادة.
و أنصاف المثقفين واشباه الرجال يمهدون لهم الطريق ليصبحو اّلهة.

[Mohammed Osman Abdalla] 03-22-2015 01:48 AM
السادة. ولا بي لبن سادة بالنسبة ليك يا. اخونا. كلهم. ما بعرفو معني. كلمة. معنأة .
ثم تانيا يا اخونا من ابوظبي لما تكون خارج السودان وتتفلسف وانت اصلا بائع القضية. انت. زيهم واحد. لما تكون بتركب. مواصلات وساكن في بيت ايجار وروحك طالعة فلذلك. لو سمحتا لو انت منقاد. وبتبوس. الايادي. خليك معاهم. وماهم منزلين من عند الله لا اهم. ولا مولانا بتاعك دا. حريقة في. الاتحاد لمن بيقادي. يا مغترب

United States [muslim] 03-22-2015 12:57 AM
"ويا ليت الأيام تصفو لأهل السودان ليكتمل الهناء بتولي السادة الأشراف سدة الحكم في البلد,"
ويا ليتك تبقى في ابوظبي ياعمر وتحرمنا من تعليقاتك الذليله هذه.
الشريف هو من يعمل بيده والرسول الاكرم كان يعمل بيده ويأكل من عرقه اما من يأكل من عرق الغلابه ويسخرهم في جناينه ويستولى على اموالهم على قلتها باسم الدين والنسب النبوي فهم ابعد الناس عن الشرف.
الناس البيحلوا مشاكلنا نحن الغلابه وابناءنا الغلابه واخواتنا الغلابه ولاعزاء للطائفيه والكيزان.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة