الأخبار
أخبار إقليمية
​رئيس نادي المريخ يتنازل عن مديونياته على النادي
​رئيس نادي المريخ يتنازل عن مديونياته على النادي
​رئيس نادي المريخ يتنازل عن مديونياته على النادي


03-22-2015 11:23 PM
كووورة-
إعلن مسؤول تنفيذي رفيع بنادي المريخ السوداني أن رئيس النادي جمال الوالي قد تنازل عن مديونياته للنادي والت تبلغ عشرات الميليارات جنهيات سودانية جاء ذلك خلال الجمعية العمومية لنادي المريخ والتي إنعقدت مساء اليوم الأحد بإستاد المريخ بمدينة أم درمان.

وقد حضر الجمعية التي إنقعدت محاولتين فاشلتين في اليومين الماضيين, 160 عضوا عند بداية الجلسة بإشراف مفوضية هيئات الشباب والرياضية بولاية الخرطوم برئاسة د. الفاتح حسين المفوض وفيها.

وقد تمت إجازة خطاب الدورة والميزانية بعدد 115 صوت و معارضة 29 صوت وامتناع صوت واحد فقط وتحث خطاب دورة عمل المجلس الحالي أعمال ناجحة تم إنجازها منها الهيكل التنظيمي للنادي للعاملين, مع إنجاز ملف ترخيص النادي كنادي محترف وحصل الفريق في العام الماضي على بطولة سيكافا للاندية وكأس السودانولم يخسر في الدوري الممتاز العام الماضي.

وذكر الخطاب أن المريخ يتطلع الىن لدخول عالم الإحتراف بصورة منهجية وإستراتيجية علمية وإدارة تنفيذية متطورة.

الأمين العام لنادي المريخ الفريق طارق عثمان الطاهر قال في خطاب الدورة أن الجمعية العمومية هي السلطة الأعلي فى نادي المريخ حسب النظام الأساسي، وأكد بان المريخ اول هيئة رياضية فى ولاية الخرطوم تعقد جمعية عمومية عادية ليثبت المريخ بانه نادي رائد وقائد.

مضيفا بأن إقامة الجمعية العمومية تأتي بناء على النظام الأساسي لنادي المريخ وبالإتفاق مع السيد مفوض مفوضية هيئيات الشباب والرياضية بولاية الخرطوم والذى إنعقد فى 16 سبتمبر بقاعة الاجتماعات باستاد المريخ وقد تقرر ان تناقش الجمعية تقرير الاداء السنوي لمجلس الادارة واجازت الميزانية لعامي 2011 و 2012 و اجازت الميزانية التقديرية للعام 2015

وكان الأمين العام لنادي المريخ عرض المحاور الرئيسة لاعضاء الجمعية وهي محور الرياضية، البناء المؤسسي، الاداء التنفيذي، البنية التحتية والمنشاءات، التسويق الرياضي , الوضع المالي.

وقدم المدير المالي لنادي المريخ السيد عبدالحي احمد العاقب تنويرا عن الوضع المالي فى النادي وميزانيتي 2011 و 2012 التى تم اعتمادها من قبل ديوان المراجع العام .

واستعرض جملة الايرادات والمنصرفات, وأكد بأن نادي المريخ اول نادي رياضي قام بعمل نظام محاسبي على الكمبيوتر منذ العام 2001 .

وأشار الى ان رئيس النادي السيد جمال الوالي يقوم بالتنازل سنويا عن مديونيته لدي النادي التى جاوزت 32 مليار جنية فى السنوات الاربعة الماضية.

وأجازت جمعية المريخ العمومية بعد ذلك الميزانية بعدد 102 صوت ومعارضة 22 صوت.


تعليقات 14 | إهداء 0 | زيارات 4685

التعليقات
#1232866 [Salah ALDeen P]
5.00/5 (2 صوت)

03-23-2015 12:24 PM
سيدنا العارف عزو مستريح
شفت صورتك قلت لازم احييك ،، تحياتنا

[Salah ALDeen P]

ردود على Salah ALDeen P
[جنرال زمان] 03-23-2015 02:07 PM
يا سلام يبدو الصلاح على محياهـ هذا العارف، ولم لا وهو من يؤلف مثل هذه الكلمات (العارف عزو مستريح)... بعدين دي قروش أبوك ولا تعبت فيها يا حرامي


#1232782 [محمد]
0.00/5 (0 صوت)

03-23-2015 11:12 AM
ياجماعه الحقد شنووو الزول ده نجييض عمل قروووش ولمه قروش كيف دي في علم الغيب والعندهم مليارات في السودان عدد شعر الراس لانو الليله البيت العادي بي مليار والعربية الكروزر بي مليار ونص والبوكس اخر موديل الدفع الرباعي بي 700مليون يعني قروشنا هي التعبانه ومليار الليله مامليار 2006او 2008 فرق السماء والارض والناس العندهم مليارات في البلد دي مابتعدووو اقل تاجر في عمارة الدهب او في السوق عندوو المليارات دي واقل وااحد في سوق ليبيا البضاعه الفي دكانوو ومخازنووو بتعمل مليارات قروشنا هي التعبانه الكلام ما في المليارات

[محمد]

#1232781 [وطن اصابه العفن أوسخ مافيه عايش واجمل ما فيه اندفن]
0.00/5 (0 صوت)

03-23-2015 11:10 AM
وضاع شعب السودان؟؟ دا لو اصلا في شعب

32 مليار جنية فى السنوات الاربعة الماضية. ياترى كم كان سوف تعمل مستشفى أو مدرسة أو بثر يشرب منها المعدومين والفاقه والمساكين وكما كان سوف تبني مسجد أو خلوه وكم كان لو صرفت لدعم اسرة بشراء ما يعينهم على الحياة.

معلومة معروفة: المال لما يكون الزول ما داقي فيه طورية بصرفوا بدون حساب.

[وطن اصابه العفن أوسخ مافيه عايش واجمل ما فيه اندفن]

#1232756 [عبدو]
5.00/5 (2 صوت)

03-23-2015 10:46 AM
ما داقي فيها حجر دغش

[عبدو]

#1232675 [يوسف محمد احمد]
5.00/5 (2 صوت)

03-23-2015 09:17 AM
جماتل الوالي يدير استثمارات جهاز امن البشير - - - فلوس البلد ضايعة واهلنا جعانين من اقصى غربنا لاقصى شرقنا ومن شمال الوطن الى جنوبه

[يوسف محمد احمد]

#1232667 [إبراهيم دفع الله]
5.00/5 (1 صوت)

03-23-2015 09:12 AM
ياجماعة المسألة بقت فيها بجاحة و قوة عين قال أنتازل عن 32 مليار قال!!!!!!!!!!!!
هى السرقه و الفساد دا عايزنو يظهر أكتر من كدة .
دا شكلو عندوا ماكينة طبع فلوس فى بيتو و مش فلوس بس إصدار جنسية و جواز ( تجنيس على قفا من يشيل .
لا غرابة دا عهد الإنقاذ دا شغال كروة و شيخو شغال رقيص و هذا زمانك يا مهازل فأمرحى
لكن ربنا أقوى وسوف يظهر الحق لا محال .

والله السودان لم يكن يستاهل دا ناس نازحين و مشردين فى الداخل و ناس يكابدوا فى الغربة بغبن و هوان و الريا ل السعودي بقى 2500 جنية و دا لسة بيعرض .
هل هناك هوان أكثر من حوامة رئيس السودان بدول الخليج و مصر و الذى يعلم تمام العلم أنه غير مرغوب فى زيارته لهم . يا جماعة عليكم الله إذا قسناها على المستوى الفردى هل ممكن تفرض نفسك و تحشرها فى مكان أنت غير مرحب بك فية؟ و بالأخص أنت تمثل رئيس السودان شئنا أم أبينا.
إنشاء الله ربنا يقلع شجرتك . شجرة الزقوم التى نبتت و ترعرعت منذ مجىء الإنقاذ.

[إبراهيم دفع الله]

#1232605 [زول]
5.00/5 (1 صوت)

03-23-2015 08:24 AM
جمال الوالي دع شغلتة انه يأجر الطيارات للبشير الاهبل ويقبض عمولتة، ومن دبي تحديدا بيقوم بالتعرصة دي، ولو البشير عايز يشتري اي شي ده بيجيبو ليهو ولمرتو وداد كمان وكله بتمنه، عامل فيها رجل اعمال، ولو صحي رجا اعمال كان عمل مصنع والا مؤسسة تستفيد منها البلد، لكن شغلة كله تعرصة في تعرصة وعمولات.

[زول]

#1232594 [sidiqali]
5.00/5 (2 صوت)

03-23-2015 08:12 AM
قول تتنازل عن قروش الشعب يا مقطع انت لغاية منتصف الثمانينات كنت لافي في الخليج بتبث عن شغل عايز الليلة تقول عندك مديونيات بالمليارات ؟؟؟ هذا مال سحت و سوف ترى اثاره في نفسك و عيالك قريبا.

[sidiqali]

#1232585 [الجن الاحمر]
0.00/5 (0 صوت)

03-23-2015 08:06 AM
تعلبمات من وداد

[الجن الاحمر]

#1232580 [حنتوب]
5.00/5 (2 صوت)

03-23-2015 08:00 AM
ده واحد حرامى طلع فيها كانو من رمز السودان من زمن حنتوب بنعرفك لمن كنت فى داخليه المك نمر وبعد داك مشيت مصر وجيت راجع لاشغل لامشغله ولمن جيت جده المهم تاريخك كالاتى

1- صديقك وقريبك عادل يسن من فداسى الذى غرق فى فى ماليزياويقال ان اقتيل من قبل cia
2- مشيت اشتغلت مع بن لادن فى مشتل قنب بالقرب من الحصحيصا وكان طبيعه عملك تمشى السوق والملجه تجيب الخضار والاغراض يعنى مراسله
3- بعد ان هرب بن لادن سرقت الدولارات الكانت موجوده فى الفله فى مشتل قنب بالقرب من الحصحيصا الدولارات تتبع للبنك العراقى المركزى وانت نصيبك كان عدد 2 دينا مليانه دولار
4- البيت الساكن فيه الان كان ملك لمنظمه الدعوه الاسلاميه انت سجلت باسمك


جمال والى جميل ولذيذ كمال بيبى للصحه مفيد

[حنتوب]

#1232502 [fatmon]
5.00/5 (1 صوت)

03-23-2015 03:46 AM
هو رئيس السجم حتى نادي الكورة عايز يحدد رئيسه ده فرعون ذاته يتعلم منه

[fatmon]

#1232486 [بركل بدر]
5.00/5 (1 صوت)

03-23-2015 02:11 AM
البيضة من الفرخة أم الفرخة من البيضة؟

النادي من قروشك أم قروشك من النادي؟

[بركل بدر]

#1232468 [ود احمد]
5.00/5 (1 صوت)

03-23-2015 01:07 AM
32 مليار من اين اك هذا
اسال نفسك با العارف عزوا مستريح من اين اكتسبت هذا المال والا فانتظر غضب وعذاب الواحد القهار
وبعدين هي من الشعب والي الشعب

[ود احمد]

ردود على ود احمد
[hesham] 03-23-2015 07:28 AM
انت الاتهام وانت القاضي وياريت تزكر يايها اللذين امنو ان جاءكم فاسق بنبا الخ

[fatmon] 03-23-2015 04:00 AM
البتنازل من ٣٢ مليار معناها عنده ٣٢٠ مليار براحه
وبكل بجاحه وعلى العلن ولا داسي ولا مختشي صحي الإختشوا ماتو
يا حليل السودان الازهري مشى يدين ١٠ جنية عشان يدفع ماهية السواق والطباخ وهو رئيس البلد ونحنا السودان ده كان الغنيانين بالحساب وأسماءهم معروفه للناس كلها لأنهم تجار وتوارثوا أعمالهم التجارية أبا عن جد ما فجأة كالنبت الشيطاني كل نكره له من المال ما لا يتوافر للبنوك والحكومات السيدة التانية تشتري بيت بأكثر من ٦ مليون دولار وهذا الذي يتنازل من ٣٢ مليار وواحد عشرة مليون دولار شوية فكة شايلها ولده في المطار ده غير واحد قدر فجأة شال ليه ٩٠٠ ألف دولار وما خفي أعظم فهذه أكيد ملاليم عندما يقرأون هذا أكيد سيضحكون لأن بيت قوش وأملاكه والجاز وأملاكه وكرتي ومدنه وأخوان فرعون وممتلكاتهم وأراضيهم كلها أشياء تعتبر ولا شيء قصاد الفساد المخفي والمخزن والمرسل خارج البلاد وبعد ده كله صوتوا لمن يخاف الله والبصوت للشجرة ينال رضا الله
والله الناس دي بالجد فقدت البوصلة وبالجد ما عارفين هم ماشين على أي محنه يوم ١٠شهر أربعة سنة ٢٠١٥



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة