الأخبار
أخبار إقليمية
بعد أن أحرقت المعروضات.. المحكمة تبرئ المتهمين في قضية حاويات المخدرات
بعد أن أحرقت المعروضات.. المحكمة تبرئ المتهمين في قضية حاويات المخدرات
بعد أن أحرقت المعروضات.. المحكمة تبرئ المتهمين في قضية حاويات المخدرات


03-26-2015 11:18 PM
الراكوبة - بورتسودان في خطوة مفاجئة، برأت محكمة بورتسودان المتهمين في قضية حاويات المخدرات الشهيرة، وأمرت بالإفراج عن المتهمين فورًا، وقالت في حيثيات الحكم، إن المتهمين كانوا يباشرون أعمالهم العادية في التخليص الجمركي وتحويل مبالغ التخليص، ولم يثبت للمحكمة أنهم على علم بأن الشحنة تحمل مخدرات.

وكانت السلطات قد ضبطت بميناء بورتسودان في أبريل الماضي خمس حاويات تتبع لشركة سودانية، إحداها تحوي شحنة مخدرات، تصل كمياتها لحوالي ثلاثة عشر مليوناً وخمسمائة واثنين وخمسين ألفاً وخمسة وعشرين حبة من مادة الكبتاجون المخدرة.

وكشفت النيابة عن تورط خمسة متهمين سودانيين، بجانب متهمين أجنبيين بعد ورود معلومات شحنة حاويات المخدرات للسلطات السودانية عبر الانتربول. وعرضت خلال المحكمة المستندات المعضدة للاتهام، وهي عبارة عن بوليصة شحن الحاويات من لبنان إلى السودان ومرفقاتها وتقرير اللجنة الأمنية المكلفة بالكشف على الحاويات، وتقرير إدارة الأدلة الجنائية يوضح نوع الحبوب المخدرة موضوع البلاغ، وتقرير يوضح وزن الحبوب المضبوطة والذي يصل لحوالي 2456 كيلو جرام في 47 جوالاً. بجانب استعراض خطاب المسجل التجاري، الذي يوضح تاريخ وملكية الشركة المستوردة بحسب البوليصة، وكذلك خطابات متبادلة مع شركة الشحن الجوي، وإفادة من وزارة الزراعة عبارة عن إذن للشركة باستيراد (100) طن ذرة مقروش. وكانت المحكمة قد أمرت بإبادة المخدرات في منتصف الشهر الجاري.




تعليقات 18 | إهداء 0 | زيارات 7807

التعليقات
#1236153 [الكردفاني العدييييييييييييييييييييييييييييييييييييييل]
0.00/5 (0 صوت)

03-28-2015 01:30 PM
زيتنا في بيتنا ..........

[الكردفاني العدييييييييييييييييييييييييييييييييييييييل]

#1236021 [مسطول مرشح]
0.00/5 (0 صوت)

03-28-2015 10:04 AM
يا إخوانا خلونا من موضوع البراءة دى حتى كنا متاكدين منها ...بس انا ما ما مصدق انو حرقو 2.5 طن بدون ما تخلى الناس تتخبط والواحد فى المواصلات يضحك براهو وفى الشوارع يدندن ويرقص .. راجعوا معلوماتكم عن حريق المحتويات دى والا لو عملو بيها إعادة توزيع والله ود الامين والموصل إلا يفتشوا ليهم مستمعين جدد؟😲

[مسطول مرشح]

#1236016 [ابومحمد]
0.00/5 (0 صوت)

03-28-2015 09:58 AM
قصه واقعية حصلت في خرطومنا عندمنا تم قبض كميات كبيره من الدجاج الفاسد في الخرطوم وتم الحكم عن طريق المحكمة بحرقه خارج الخرطوم خلا امدرمان ؟؟؟

وبعد ماقامات حاكومة البشير بحفر حفره كبيره وتغليف الدجاد في اكياس بلاستك كبيره محكمة الاغلاق للاباده وتم دفن الدجاج في حفرة كبيره هكذا تتم الابادة والله المستعان تعال شوف الفضيحة والطامة الكبري ؟؟؟؟؟
لايتي بعدها الجماعه المتفق معهم لاستخراج الدجاج من الحفره ويتم يجهيزه وبيعه للمواطن باغالي من سعر السوق بسعر الدجاجه 40جنيه قال اباده قال الله المستعان وحسبنا الله ونعم الوكيل ده حاكومه ده قال يحكم بشرع الله انتووو بتعرف الله ياتجار الدين الله المستعان

[ابومحمد]

#1235856 [nagatabuzaid]
0.00/5 (0 صوت)

03-28-2015 12:57 AM
سلام عليك يارانيا اها جاء الخبر اليقين ان الحاوية حرقوا محتوياتها ويبدو ان الناطق الرسمى بتاع الجيش كان حاضر الحريقة لانه بيانه عن مشاركة السودان فى عملية ضرب الحوثيين فى اليمن كانت فى جهة والحدث فى جهة يكون اثر عليه دخان الحريق . حرقوها لاخفاء ادلة اجرامية
سلامى لابنك الصغير وقولى له انت سلامتك من جهنم وبئس المصير جهنم منتظره ناسها منهم المساطيل مستوردى هلاك الانسان اقرائى تعليق الكريم الحقيقة مرة لتعرفى خطورة من يحكموننا
مع تحياتى

[nagatabuzaid]

#1235744 [طارق]
1.00/5 (1 صوت)

03-27-2015 07:02 PM
علاقة المخلصين شنو .. وين الشركه المستورده.. (انتو قلتوا بتاريه ولا بتانيه ؟!!)

[طارق]

#1235732 [الداندورمي.]
5.00/5 (2 صوت)

03-27-2015 06:35 PM
والله حاقدين حقد ليه ماكلمتوني
بمواعيد الحرق الشم ده،،،حاسدننا فيه.

[الداندورمي.]

#1235718 [الممكون]
0.00/5 (0 صوت)

03-27-2015 05:51 PM
يحيا العدل...

[الممكون]

#1235685 [AburishA]
5.00/5 (2 صوت)

03-27-2015 03:40 PM
**وأين هي الشركة صاحبة البضاعة "المخدرات"؟!!! ان وكيل الشحن في دولة المنشأ..لا بد ان يكشف على لبضاعة وضرورة مطابقتها نوعا وكما ببوليصة الشحن..
** المعلوم ان تجارة المخدرات وبهذه الكمية..لايقوم بها فرد أو أفراد..بل تقوم بها "عصابة" ولكل دوره..من الشراء..الشحن..المتابعة..التخليص..التفريغ..التخزين..التوزيع..غسيل الاموال الناتجة عنها..صدقوني ان المخلصين المبرأين هم على علم بالامر.. ولهم حق معلوم في مثل هذه العمليات وده شغلهم..وفي العموم لا يمكن ان يحاكم الفاسد نفسه.. يعني تم اكتشافها..العملية فشلت..حرقوها وكان الله يحب المحسنين..

[AburishA]

ردود على AburishA
[fatmon] 03-27-2015 08:42 PM
وناس أبوعيسى في السجن


#1235666 [ابو عرب]
0.00/5 (0 صوت)

03-27-2015 02:57 PM
ممكن تكون مكيدة خارجية مافي سوداني بيعمل كده اكيد مكيدة خارجية

[ابو عرب]

#1235650 [ابوكديس الغميس]
4.86/5 (7 صوت)

03-27-2015 01:56 PM
يا سبحان الله والله العظيم السودان بتاعنا دة اغرب بلد فى العالم تخيلوا تتم تبرئة تجار المخدرات فى محاكمة سريعة بينما شيوخ السودان الابطال الشرفاء ناس ابوعيسى وصحبه الكرام يجرجرون بالمحاكم الهزلية مع انو كل طوب الارض يعرف براءتهم الا انهم لايزالون بالمعتقل ايو شعب نحن و ايو بلد هذه و ايو طينة من البشر الكيزان الملاعين اولاد الحرام ؟؟؟؟

[ابوكديس الغميس]

ردود على ابوكديس الغميس
United States [nagatabuzaid] 03-28-2015 12:43 AM
لانه الحكومة تاجرة مخدرات زما عندها ثيم ولا اخلاق وناس ابوعيسى ما تجار مخدرات واولاد ناس وقيم شوف قاضى بورتسودان الجلد ام الايتام كبيرة السن وامر العسكرى يستمر فى الضراب الى ان يامر هو اها زى فى رايك زول طبيعى ؟؟ وقس على ذلك من يحكم قضية المخدرات ولا ننسى سيطرة الامن على وزارة العدل والقضاة اصلا هى بايظة يا ابو كديس اوعى تكون من كدايس بورتسودان علشان تادب لينا نوعية هذا القاضى


#1235649 [adil a omer]
5.00/5 (5 صوت)

03-27-2015 01:56 PM
فى زول شافه حرقوها !!!

[adil a omer]

ردود على adil a omer
[مسطول بى كرت] 03-28-2015 11:25 PM
انت زول سااااااااااال خلاص يااخى اي حاجة بتتحرق بس بالنار عاااالم يفك الربطة من الراس؟؟؟؟؟ !!!!

[مسطول بى كرت] 03-28-2015 11:20 PM
هههههههههههه انا والزول الفى الصورة دى بنعرف وين حرقناها!!!

[Rebel] 03-27-2015 04:37 PM
* و هل حرقوها كلها بالنار؟ و ألآ "اعادوا تصديرها"!! و ألآ جزء "إتحرق شفط"!!
* دوله متفرده فى الإجرام!!


#1235598 [خليفة احمد]
5.00/5 (4 صوت)

03-27-2015 10:16 AM
ياناس الراكوبة عندو ليكم لوم شديد!!! ليه لم يجي خبر عن المخدرات تلصقو صورة سيادتو بكري ؟؟؟؟؟ الراجل ليس له علاقة بالبلاوي والمصائب البستوردوها ويعيدوا تصديرها مافيا اخوان الشيطان مثل الحشيش الافغاني والهيروين والحبوب وهلم جرا....!!!!! الراجل بسيط وبتاع بنقو وقمشة بس !!!! وخليك سوداني !!!!!!!!!!

[خليفة احمد]

#1235597 [الدرب الطويل]
5.00/5 (2 صوت)

03-27-2015 10:08 AM
الموضوع من البداية منغمس ومدغمس.. واااااضحة انو فى ......... كبار ورا الحكاية دي..
معقولة تاجر مخدرات يجازف بكمية كبيرة زى دي وتبلغ قيمتها ملايين الدولارات لو ما ضامن؟
حكومتنا عبارة عن عصابة جريمة منظمة.. غسيل أموال ومخدرات وسلاح وما خفي اعظم..

[الدرب الطويل]

#1235588 [ود النيل تمساح]
5.00/5 (2 صوت)

03-27-2015 09:30 AM
تسرقوا وتجيبوا قاضيكم يحاكمكم
تهربوا وتجيبوا قاضيكم يحاكمكم
تكذبوا وتجيبوا مشايخكم يفتوا ليكم
يعني زيدكم في بيتكم
لكن يمهل ولا يهمل عارفين الكلام ده ؟
يومكم اسود من وجوهكم
اتزكروا عود القزافي صاحبكم
لابسكم لابسكم لا محاله منه ابدا
ماتغركم الجماهير الحواليكم ديل
بكره حتشوفوا

[ود النيل تمساح]

#1235568 [alwatan]
0.00/5 (0 صوت)

03-27-2015 08:21 AM
الله شاف لناس الدعم السريع كان هسى اكلوه مع الفتة وشوف ليك جنس جقلييب

[alwatan]

#1235522 [الحقيقة مرة]
4.88/5 (5 صوت)

03-27-2015 03:26 AM
الفينيثايلين او كما يعرف تجاريا بالكبتاقون هو في الحقيقة ليس بمخدر زي البنقو مثلا بل منبه قوي جدا اقوى من الامفيتامين العادي حبة منو تخلي الواحد صاحي يومين قبل ان ينهار من الاعياء بزوال مفعوله اخترعه الالمان في الستينات لعلاج حالات معينة ويقال انه اخترع اصلا لجنود النازية وتنتج انواع مقلدة منه من قبل جماعات مسلحة في لبنان وسوريا تبيعه مقابل السلاح هذه الايام ولذلك الكيزان احرقوا الادلة

[الحقيقة مرة]

#1235520 [سكران لط]
4.50/5 (2 صوت)

03-27-2015 03:08 AM
فشل ما بعده فشل للنيابة والجهاز المتحري واجهزة الامن التي فشلت في الوصول للجناة وتلك علامة قوية على فشل الدولة في تامين مواطنيها من اختراقات مافيا المخدرات لم يعد سرا ما يتعرض له شباب السودان من تدمير في ظل فشل الدولة فلاحتم بس في قبضنا كم قندول حشيش او عقاب سيجارة خدرة ! الشحنة دي ذاتا لولا الاخطار المبكر من الشرطة الدولية الانتر بول وامانة رجالها في السودان كانت مرت عادي .

[سكران لط]

ردود على سكران لط
[باكاش] 03-27-2015 11:37 AM
هم لم يفشلو فى الوصول الى الجناة ..هم برئوهم باغرب نص لم تسبقه سابقة قضائة فى التاريخ ..قاليك لم يثبت لدى المحكمة انهم على علم بان الشحنة تحوى مخدراتو ..يعنى المحكمة هى الدفاع .يعنى معقول ح يحاكموا بكرى ونافع .مااتعلمو من الايرانيين يستعملو قروش المخدرات فى حماية النظام.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة