الأخبار
منوعات سودانية
نظرة إلى موبايل تسبب أزمة
نظرة إلى موبايل تسبب أزمة



03-29-2015 11:21 PM
مصعب محمد علي

تحولت نظرة رجل تبعاً للعادة- كما سماها البعض- أو تلصصاً وفقاً لإصرار رجل على هاتفه من قبل جاره، الى مشادة ونقاش حاد بين الطرفين كاد ينتهي بالضرب.. لولا تدخل الركاب.. الواقعة كانت في إحدى المركبات العامة- مواصلات الصحافة شرق- فبينما كان الشاب الثلاثيني منهمكاً في قراءة رسائله الخاصة في الفيس بوك- لاحظ أن جاره في المركبة يتابع معه مشدوداً بطريقة استفزت صاحب الهاتف الذي اغلق هاتفه وبدأ ينظر الى جاره نظرة غاضبة.. وقال له «يا أخي أنت صاحبي!!.. مشاركني في الموبايل دا!! ايه السخف دا»



عندها حاول أن يبرر الرجل الآخر فعلته فقال له: «انت عندك شنو داسيهو يعني»

«بالله شوف الزول دا ادس شنو يا اخي دا موبايلي أنا، ما ملك عام.. دا حاجة خاصة انت بتفهم الكلام دا»

عندها تدخلت أطراف أخرى.. فقال أحدهم:

ما من حقك تعاين في موبايل الزول دا.. وهنا استغل رجل آخر الفرصة وبدأ يتحدث عن الخصوصية، ونبه الى خطورة عدم احترامها، ونصح صاحب الموبايل بأن يقرأ هاتفه في مكان سري، في حال أصرَّ مثل جاره على عدم إدراك معنى الخصوصية. هذه الحالة ليست الوحيدة التي تعبر عن عدم احترام الخصوصية.. (آخر لحظة) سألت عدداً من الناس حول التصرفات المزعجة والتي تعبر عن عدم احترام الآخر لخصوصيتهم مصطفى حسب الله قال: عدم طرق الباب عادة مشطوبة في حياة بعض السودانيين.. نهى عزالدين يزعجها أن ينادي الناس لبعضهم بصوت عالٍ ما يسبب إزعاجاً لدى آخرين لا علاقة لهم بالطرفين.. أما الصحفي محمد الجزولي يرى أن السؤال حول المرتب أمر مزعج.. وينم عن الفضول (مرتبك كم؟) سؤال يدعو لاستغراب محمد الجزولي.. الفاتح سعد عانى الأمرين- كما حكى لنا- بعد زواجي وجدتني محاصراً بسؤال (اها حا تبقوا 3متين) هذا السؤال سبب لي حرجاً وازعاجاً، أوصلني لمرحلة الشك.. السؤال صدر من المقربين لي ولزوجتي.. وبعد ما بقينا 3 الأسئلة مستمرة اها ضابحين ليهو كم.. السماية فطور ولا كرامة ساي.. وبعد ذلك اها ما عايزين تخاوهو.. الفاتح تمنى أن تنتهي مثل هذه الأسئلة حتى لا تتعقد حياة بعض الناس.
آخر لحظة


تعليقات 2 | إهداء 0 | زيارات 2893

التعليقات
#1237592 [quickly]
0.00/5 (0 صوت)

03-30-2015 02:31 PM
يوميات كمساري الحافلة
الناس ديل من شدة ما انفصلو عن العالم زهللو
البشير يحكمكم تاني 26 سنة يجيب آخركم

[quickly]

#1237315 [كافو]
5.00/5 (1 صوت)

03-30-2015 08:23 AM
دي طبيعة السودانيين وماشيين بيها كده والسلا!!!!!!

[كافو]

ردود على كافو
[بيكانتو] 03-31-2015 06:13 AM
ايوا سودانيين وحقك حقى ، ما شفت قال ليهوا انت داسى فيهوا شنوا !!

عادى زمان الجريده بيقرأها الباص كلوا لمن تكون مسافر

[tamro] 03-30-2015 11:54 AM
لكن ما طبيعة رخيصة يا كافو لا بد من المراجعة والتعديل للسلوك وابداء الملاحظات والنصح للاحسن عشان نحن بشر مكرمين و كمان مسلمين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة