الأخبار
أخبار إقليمية
وصول 27 حاوية محملة بالمعدات الخاصة بالميناء البري والمجمع التجاري بمدني الجديد
وصول 27 حاوية محملة بالمعدات الخاصة بالميناء البري والمجمع التجاري بمدني الجديد
وصول 27 حاوية محملة بالمعدات الخاصة بالميناء البري والمجمع التجاري بمدني الجديد


03-31-2015 11:11 PM
مدني (سونا) وصلت إلي مدينة ود مدني الجديدة اليوم سبعة وعشرين حاوية محملة بالمعدات الخاصة بالميناء البري والمجمع التجاري المكون من 53 عمارة سكنية وثمانية متنزهات ومستوصف طبي ومسجد كبير وأثنين محطة وقود .
هذا وقد وقف دكتور محمد يوسف علي والي الجزيرة والمهندس الصادق محمد علي الشيخ وزير التخطيط العمراني بالولاية والأستاذ إبراهيم سليمان معتمد ود مدني الكبرى على وصول المعدات بالموقع .
وأعلن والي الجزيرة في تصريح / لسونا / أن العمل سينتهي بهذا المشروع في فترة أقصاها خمسة عشر يوم بكلفة تقدر 40 مليون جنيه وأن مساحة المخطط تبلغ 330.054 كيلو متر مربع منها 9000 كيلو متر مربع للميناء البرى .
وأكد أن هذا المشروع يعد من أكبر المشروعات المعمارية علي مستوي السودان ويجئ ضمن مشروعات نهضة الجزيرة ومستقبل السودان التي تنفذها حكومة الولاية علي مراحل وثمن والي الجزيرة المجهودات التي تبذلها وزارة التخطيط العمراني لإنجاح مشروعات نهضة الجزيرة .
وقال أن الميناء البري ومدينة ود مدني الجديدة تعتبر نقلة للمنطقة وتسهم بقدر كبير في تحقيق تنمية مستدامة بالولاية وتخدم العديد من الولايات المجاورة مشيداً بالشراكات الذكية بين الولاية والشركات العاملة في مشروع نهضة الجزيرة مستقبل السودان مؤكداً أن هذا العمل يضيف إلي الولاية ومدينة ود مدني جماليات حقيقية تمثل متنفسا للمدينة العريقة .


تعليقات 11 | إهداء 0 | زيارات 3787

التعليقات
#1239127 [ٍمرفود]
0.00/5 (0 صوت)

04-01-2015 09:53 PM
يا ناس الراكوبه ياخى انتو ماتحكوها كده ماتفهمو الحاصل اول الجماعه ديل اختصرو ليكم المشروع الضخم ده فى خمستاشر يوم عشان ماتوجعو راسكم فى الفاضى الجماعه ديل المرحله الاولى انتهو منها مسبقا هى ميزانية انشاء المشروع ده اتقسم بحمد لله وانتهى اما الخمستاشر يوم دى مخصصه لبيع محتويات السبعه وعشرين حاويه يعنى مفاوضات مع الزبائن المشترين وتفريغ واستلام كاش وتقسيمو كده بالظبط خمستاشر مظبوط كده حساب ولى كوار ليه داقين جرس طيب ماتفهمو شويه

[ٍمرفود]

#1238945 [ودالفاضل]
0.00/5 (0 صوت)

04-01-2015 02:41 PM
انه نفاق وكذب والموضوع من الاخر كده عشان الانتخابات قربت ويرغب حرامية الانقاذ في مشاركة اهل الجزيره في الانتخابات المقبله , ناس الجزيرة ليس لهم الا هدف واحد هو اعمار وتعمير مشروع الجزيره واذا كانوا هم جاديين في ذلك الهدف لماذا لم يبدأ منذ فتره حتي يضمن مواطنو الجزيره ان حرامية الانقاذ صادقون في مسعاهم , مهما بلغت درجه ( حمورية ) من ( حمار ) سكان الجزيره فلا احد يصدق ذلك . وكفاية ضحك علي عقول الناس .

[ودالفاضل]

#1238793 [جنو منو]
0.00/5 (0 صوت)

04-01-2015 10:55 AM
الجماعة ديل ما شغالين بأحدث ما توصلت الية التكنولوجيا فى العالم ..قال انو كل هذة المشاريع سوف
تنتهى فى خمسة عشر يوما .. الظاهر جابو معاهم الة طباعة المبانى 3D البتبنى العمارة فى عشرين ساعة

[جنو منو]

#1238789 [ياليت قومي يعلمون]
0.00/5 (0 صوت)

04-01-2015 10:49 AM
شكلها دي حاويات البنقوا وصلت برضوا ماكذبوا عليكم تسطلوا ياهل مدني و تشوا مدني ذي سانفرانسيسكوا و نيوا يورك اندر قراوند و حدائق كلفورنيا فعل الحاويات و صلت التحية لك اخوي الفرق اول ونائب الرئيس بكري حسن صالح و بالتوفيق الى الامام لا لدنيا قد عملنا نحن للدين فدا

[ياليت قومي يعلمون]

#1238782 [ياليت قومي يعلمون]
5.00/5 (1 صوت)

04-01-2015 10:43 AM
ذا احد المشاريع العملاقة فين ناس ناشونال جقرافك تعالوا شوفو الوالي الكنا راجنوا التحية لبلال موسى الضحك شرطني سبعة حاويات ومساحة المشروع 330.054 كيلو متر سوبر مان دي شكلاها من المادة الجديد تتنفش وتطور الجزيرة التحية لعبد الرحيم حسين ومن ثم وداد بابكر واخرا ليس اخر سيدنا عمر البشير وكافة ناس حوش بانقا وجميع الجعلين في جميع الولايات و بلاد الغربة وناس الجزيرة فين انتوا صاحين ولا نايمين ما فيها صهاريج ببسي و لا كولا لاهل العوض لا حياة لمن تنادي المؤمن صديق مشروع الجزيرة سوف نعيدوا الى سيرتهوا الاولى عارفين المقصود شنوا سيرتوا قبل الانجليز مايجوا لمن كان سهلة ساي الناس ديل ماكذبوا عليكم بس انتوا مخكم مشى بعيد انتوا صاحين ولا عاوزين موية باردة اشان تصحوا برضوا مدني مانتوا القلتوا في مدني ياخواني لي محبوب جفاني ليه زعلانين

[ياليت قومي يعلمون]

#1238761 [مصباح]
0.00/5 (0 صوت)

04-01-2015 10:21 AM
إنتو مش في أول ابريل !؟
طيب الكلام دا يبقى شنو!؟

[مصباح]

#1238756 [ابوبشير]
0.00/5 (0 صوت)

04-01-2015 10:15 AM
كله كوم والعمل ينتهى فى خمسة عشر يوم ده ماقادر اقول فيها حاجة

[ابوبشير]

#1238755 [خليل]
0.00/5 (0 صوت)

04-01-2015 10:15 AM
معقولة!! فاتت عليكم!؟

كـــــــــــــــــــذبة أبريــــــــــــــــــل.

ههههههة

[خليل]

#1238694 [الكوز الفى الزير التحت الراكوبه]
0.00/5 (0 صوت)

04-01-2015 09:09 AM
ههههههههههههههههه وتانى هههههههههههههههههه ياخى بالغتو الخبر ده كتبه صحفى وله مسطول رامى جمل ؟؟؟؟

[الكوز الفى الزير التحت الراكوبه]

#1238544 [Former Sudanse]
0.00/5 (0 صوت)

04-01-2015 01:38 AM
I feel sorry for the place I was born
Wad Medani is becoming worse and worse every year
Thats due to the neglect of the current government
Also how come a big project like this ll be finished in 15 days?
Is this guy under drug?
Iam sure he dont know what he is talking about
I feel sad sad for Sudan

[Former Sudanse]

ردود على Former Sudanse
[abu ahamed] 04-01-2015 09:28 AM
YOU ARE OUT OF MINE


#1238527 [ابولاكومة]
0.00/5 (0 صوت)

04-01-2015 12:45 AM
إقتباس :
"مدني (سونا) وصلت إلي مدينة ود مدني الجديدة اليوم سبعة وعشرين حاوية محملة بالمعدات الخاصة بالميناء البري والمجمع التجاري المكون من 53 عمارة سكنية وثمانية متنزهات ومستوصف طبي ومسجد كبير وأثنين محطة وقود
هذا وقد وقف دكتور محمد يوسف علي والي الجزيرة والمهندس الصادق محمد علي الشيخ وزير التخطيط العمراني بالولاية والأستاذ إبراهيم سليمان معتمد ود مدني الكبرى على وصول المعدات بالموقع .
وأعلن والي الجزيرة في تصريح / لسونا / أن العمل سينتهي بهذا المشروع في فترة أقصاها خمسة عشر يوم بكلفة تقدر 40 مليون جنيه وأن مساحة المخطط تبلغ 330.054 كيلو متر مربع منها 9000 كيلو متر مربع للميناء البرى...."

ياخوي ارقامك دي جبتها من وين ؟؟ يعني الميناء بتاعك دا المساحته 9 ألف كيلومتر مربع حيكون اوله في مدني وآخره في سوبة الخرطوم وبهذا الحجم فما في داعي للبصات للانتقال من مدني إلى الخرطوم وبالعكس - لانو حتكون مواصلات داخلية - داخل الميناء البري.
بعدين ياتو مجمع تجاري في باقي المساحة البالغة 220 كيلومتر مربع: ديل عمارات لأاهلنا قوم عاد وللا شنو؟ ناطحات سحاب ولا سافّات تراب؟ تقول لي 53 عمارة و8 منتزهات ومستوصف طبي ومسجد في مساحة 330 الف كيلومتر مربع؟؟ يعني البناية الواحدة تحتل زي 6 كيلومتر مربع دي إلا العمارة طه (مكررة 53 مرة) - وأنت بهذا السخاء في مساحة قطع الأراضي بخيل غاية البخل ومقتر في التكلفة - فلو حسبنا العمارات فقط - ال 40 مليون جنيه دي ما تبني ليك أكثر من 5 عمارات عادية من دورين - إلا كرتي يتبرع ليك بالحديد والأسمنت وحينئذ ما حتقدر تبني 12 عمارة.

أما انو العمل سينتهي في فترة أقصاها خمسة عشر يوم (حرفيا" - ياتو عمل بينتهي في 15 يوم في السودان وكمان بناء 53 عمارة ومسجد؟؟ بالغتوا - باين إنتو حستسقفوا على القريد بيم!

وبناءً عليه سونا
والدكتور محمد يوسف علي والي الجزيرة
والمهندس الصادق محمد علي الشيخ وزير التخطيط العمراني بالولاية
والأستاذ إبراهيم سليمان معتمد ود مدني الكبرى
كلهم أما كذابون أو مجانين أومساطيل - وأنا أرجح الأخيرة.

[ابولاكومة]

ردود على ابولاكومة
European Union [أبو مـنير] 04-01-2015 07:10 AM
هاهاهاهاهاهااهاهاهاهاهاهاهاهاها

ما في كلام تانى يتقال



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة