الأخبار
أخبار إقليمية
الطفل المعجزة يُشكِّك في السجل الانتخابي ويلجأ للدستورية
الطفل المعجزة يُشكِّك في السجل الانتخابي ويلجأ للدستورية
الطفل المعجزة يُشكِّك في السجل الانتخابي ويلجأ للدستورية


03-31-2015 11:47 PM
كشف المرشح الرئاسي المستقل حمدي حسن أحمد، في مذكرة دفع بها للمفوضية القومية للانتخابات بالسودان الثلاثاء، عن خلل في السجل الانتخابي، وطلب توضيحاً من المفوضية حول ذلك، وقال إنه يعتزم التقدم بشكوى رسمية للمحكمة الدستورية الأربعاء.


وقال المرشح الرئاسي، في مذكرته إنه تفاجأ بإدراج المئات من أسماء وكشوفات الناخبين المسجلين، من سكان منطقته (الصداقة) القريبة من الحصاحيصا بولاية الجزيرة، بما فيهم أفراد من عائلته، لدى دائرة مغايرة، وهي الدائرة القومية رقم (4) تحديداً لدى مركز اقتراع بمنطقة (ود ساوي 28).


وأضاف أن معظم المسجلين لدى مركز (ود ساوي) هم من سكان الصداقة، وأن هذا المركز أبعد ما يكون لمنطقته بنحو 30 كلم.


سلامة السجل
وأوضح حمدي أنه لا توجد علاقة بين المسجلين وبين المنطقة المعنية، مشيراً إلى أن عدد المسجلين من سكان منطقته في المركز المعني يتجاوز الـ 2000 شخص.


وقال "إن هذه الحالة أكدت لي شكوك الكثيرين حول سلامة السجل الانتخابي"، مبيناً أنه لا يستبعد حدوث مشكلات مماثلة في السجل الانتخابي في مناطق السودان المختلفة، مطالباً مفوضية الانتخابات بإجراء تحقيق عاجل في "هذا الموضوع الخطير".


وجدَّد المرشح الرئاسي، مطالبته للمفوضية، باستبدال نظام الأحبار (المشكوك) فيه بنظام تقليم الأظافر أو أي نظام آخر يتفق عليه، واعتماد يوم واحد للاقتراع والفرز وإعلان النتيجة بالمركز عبر زيادة عدد المراكز، بجانب وضع الصنادق في مكان مفتوح لتتم مراقبتها من الجميع وليس المناديب فقط، وفتح باب الاقتراع للجميع دون التقيد بالسجل الانتخابي.


شبكة الشروق


تعليقات 12 | إهداء 0 | زيارات 6087

التعليقات
#1239593 [اللندي]
1.00/5 (1 صوت)

04-02-2015 02:38 PM
هههههه… هذا زمانك… قال معجزة.. انت اهبل ..ساذج.. ذليل..

[اللندي]

#1238975 [جزيرابي]
1.00/5 (2 صوت)

04-01-2015 03:33 PM
يا جماعه انتو ما خادين الحكاية جد ولا شنو؟ ده واحد من عندو التكتح داير يظهر بس وهو زاتو كوز درس سكرتارية في جامعة السودان ومن عينة الجماعة البمشو يتكلوا في جامعة جوبا ويجي يقول كنا في الجهاد

[جزيرابي]

#1238971 [Abu albnat]
1.00/5 (2 صوت)

04-01-2015 03:25 PM
سلام
يا ناس الراكوبة شيلوها من المرشح دا الاسمو حمدي كوز خريج جامعة السودان

[Abu albnat]

#1238947 [حران أحمد]
1.00/5 (2 صوت)

04-01-2015 02:49 PM
تعبان فى الفاضى تمومة الجرتق ....

[حران أحمد]

#1238938 [alhwaty]
1.00/5 (1 صوت)

04-01-2015 02:25 PM
الطفل المعجزه بقيت تعرف تتكلم وتعارض ياخ ماتمشي تشوف ليك بزه ترضعا ول كوره تلعبا قال في تزوير في السجلات ياخ الكيزان ديل زاتو مزورين واولاد كلب لمن سمحو للزيك ينزل انتخابات وينافس انت انسان جاهل لابعد الحدود

[alhwaty]

#1238898 [حزين جداً]
1.00/5 (1 صوت)

04-01-2015 01:24 PM
السيد / حمدي حسن أحمد . الغرباوي الأصل ...

أفكارك غريبة وعجيبة ...تقول نجمع جميع شعب السودان في المدن الثلاث ...هو يا عمك الناس تفكر

في تفريغ العاصمة وتشجيع الزراعة والإنتاج بالريف ...وإنت تجمع المزارعين والرعاه بالعاصمة

وتقول تجمع جميع الأبقار على ضفاف النيل لأن السماد مصدر للعملة الصعبه...

وأخيراً تقول يقلموا أظافر الناس !!!؟؟؟

إيه الكلااام الفارغ دا ...ويا حمدي ود حاجه نفيسه كان فزت في الإنتخابات دي أحلق شنبي

وبالمقلوب كماااان ....

وبعدين شنو الدقينة العجيبة دي !!!؟؟

يا ناس إتقوا الله في الشعب السوداني المسكين المغلوب على أمره ,,,

والذي يكافح بشق الأنفس عشان يعيش ...

قال إنتخابات قال ... هو النتيجه معروفه سلفاً ....تعب ع الفاضي ومضيعة وقت ومال ...

مال الشعب الجائع المسكين ...

الله يهديكم بس ....

[حزين جداً]

ردود على حزين جداً
European Union [Bebo] 04-01-2015 05:21 PM
"السيد / حمدي حسن أحمد . الغرباوي الأصل ..."

غرباوي الاصل دي في داعي ليها.

يا اخي قول رايك فى الراجل و كان الله يحب المحسنين.

اّذا كنت عاوز تنفي نسب الراجل للمنطقة(الجزيرة), ياخي قول والراجل دا ما مننا و اقوالو مابتشبهنا ولا بتمثلنا.

ياربي تكون عاوز تقول انو الراجل دا خير مثال للرجل "الغرباوي" مع تحفظى على الكلمة نفسها.

تفكير نمطي غريب او عنصرية قبيحة.

[freedomfighter] 04-01-2015 04:21 PM
الغرباوى الاصل دى ماليها لزوم يا حزين. اثبت انك انت الجاهل الغرابة اسيادك ورجال مابتقدر تعاين ليهم فى عيونم .


#1238832 [جركان فاضى]
1.00/5 (1 صوت)

04-01-2015 11:40 AM
هناك منافسة حادة وشرسة بين البشير وشعيب!!!!!!...دنيا اخر زمن

[جركان فاضى]

#1238717 [omer salih]
1.50/5 (2 صوت)

04-01-2015 09:25 AM
الاستحوا ماتو
اظافر شنو يازول الماسكه لينا كم اسبوع وانت داير تجي تحكم السودان بهذا التخبط الذي يفوق تخبط الاخوان ... طيب نحن مغيرنهم ليه .. عشان التغيير بس .. ياخي شيل القريشات الادوك ليها عشان ترشح نفسك وانسحب أفضل لنا ولك .. خلي اصواتك تمشي للبارودي ول لي بنت عبد المحمود وكلو عند العرب صابون .. أظافر قال .. ولو اظافري اصلا مقطعه يرجعوني يقولو ليه انتي صوته .. ول اربيهم من الان
.. والعجب قال شنو؟ قال الانتخاب بدون تسجيل .. كيف يعني؟ تفتح باب اللعب علي مصرعيه .. ما حصلت في العالم يا مخترع وقال شنو الانتخابات والفرز كلو يتم في يوم واحد ويعني يوم 13 /4 ويوم 14/4 انت رئيسنا (ابشر ياريس)

[omer salih]

#1238662 [الحجاج]
0.00/5 (0 صوت)

04-01-2015 08:23 AM
للاسف البلد الحقيقة فيه ضائعة ، والسبب انت وانا وغيرك لاننا فاقدي تربية وطنية ، وليس لدينا غيره على السودان واهله للاسف الشديد وذلك سبب المشاكل التي لحقت بالسودان واصبحنا في ذيل قائمة الشعوب المتدهورة الفقيرة فهل من مخرج؟

يا شعبي الفضل .

[الحجاج]

#1238578 [salah]
5.00/5 (1 صوت)

04-01-2015 05:31 AM
ياتو محكمة دستوريه ما تكون طفل معجزة والعقل فطيره الدستور دستورهم وهم مدسترين ليهم زمن وقائد الدسترة بشه و كلو بجرة قلم فلا تحلم بالمحال ديل فايزين فايزين ,نافع قالها من غير تخفى سنحاور المعارضه بعد الإنتخابات شئ مسلم به أنهم حيحكموا تانى ،، لو إشتكيت حيضحكوا عليك وكريت للبيت،،الإنتخابات شوربه مطبوخه من غير عناية وما بتهمهم الفضيحه ما دام هناك عائد مادى لملإ كروشهم و جيوبهم و طز فى السودان هولإ هم الكيزان قلع عديل و بدون حيأ

[salah]

#1238541 [خرطوش اسود]
0.00/5 (0 صوت)

04-01-2015 01:33 AM
أنا من رأي أن أراد الشعب السوداني التخلص من الطاغية أن يتكتل وراء أي من المرشحين المجهولين ديل حتى يسقطوا الجاثم على الصدور الحربوية وبعد ذلك أن نفع أي واحد المجاهيل ديل تمام منافع يطلعوا في مظاهرات ليسقطوه مدام جاء بالانتخاب بكون على الأقل هو عارف وصل الحكم عن طريق الشعب مش بي دبابة ،ولا الرأي شنو ..

[خرطوش اسود]

ردود على خرطوش اسود
European Union [خرطوش اسود] 04-01-2015 03:25 PM
ياتاشيرة خروج خلى كوزنتي بعيد أن وجدت ،رأيك في الفكرة شنو وبي أمانة مافي كوز بتمنى غير الديكتاتور .أهو حل أخف من الطاقم القديم ..

[تأشيرة خروج] 04-01-2015 12:33 PM
الرأي انك كوز عامل فيها مفتح..المرشحين ديل كلهم قابضين مقدم عشان يحللوا المسرحية دي.. أي زول مشارك لا يقل في نظري سوءا عن البشكير نفسه

[العاطفي] 04-01-2015 10:07 AM
والله فكرة يا اخوانا ما بطالة ، كدي النمرق من كترة بين


#1238537 [salah]
5.00/5 (1 صوت)

04-01-2015 01:24 AM
أخيرا الطفل المعجزة إكتشف عجينه الإنقاذ وإختلاط الحابل بالنابل ،ما قلنا الكلام ده من زمان بأنها مخجوجه بمزاجهم يعنى مواطن من أم دفسو يطلع إسمو فى حى الرياض وأخيرا شهد شاهد من أهلهم ولسع ياما حنشوف العجب و الموضوع حيكون نتن جدا خصوصا بشه أسهموا طالعا فى الخليج ومنتظرين الدولارات لزوم اللحسة الأخيرة وأعصابهم متوترة من كلمة أرحل أرحل أرحل زى الدنان فى أذنيهم،، مبروك الطفل المعجزة دى تستحق عليها جائزه

[salah]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة