الأخبار
أخبار إقليمية
قائدا العمليات العسكرية "كردفان" يتستران خلف إحالة الضباط للتقاعد
قائدا العمليات العسكرية "كردفان" يتستران خلف إحالة الضباط للتقاعد
قائدا العمليات العسكرية
الفريق أحمد علي عثمان قائد العمليات بجنوب كردفان


04-08-2015 11:08 AM
محمد صديق

تناولت وسائل الإعلام الالكتروني ووسائط التواصل الاجتماعي خلال الأيام الماضية إقالة (16) ضابطاً من القوات المسلحة وفق قرار ممهور بتوقيع اللواء كمال عبد المعروف وتاريخ 30 مارس.

هذا القرار كان خلفه (الفريق أحمد علي عثمان قائد العمليات بمنطقة جنوب كردفان ومساعده اللواء عز الدين ود الصحافة) بعد أن فشلوا في وعدهم لـ "البشير" باستعادة كاودا وأم سردبة وأم دوين وبقية المناطق في جنوب كردفان من الحركة الشعبية خلال هذا "الصيف الحاسم 2" الذي ينتهي في شهر مايو (5) لهطول الأمطار، وهما المعروف عنهما ضعفهما وتواضع كفاءتهما في القوات المسلحة، ولفشلهما في قيادة العمليات بجنوب كردفان، وبما أن مجموعة من هؤلاء الضباط ناصحوهما في بعض الأخطاء الفادحة والقاتلة (سنأتي لها لاحقاً) لم يقبلا، وهو ذنب هؤلاء الضباط الذي اقترفوه ليضعهما الفريق محمد علي عثمان واللواء عز الدين ود الصحافة في كشف يطالبا القيادة بإقالتهم ليسترا خيبتهما خلفه.

المعلومة المؤكدة أن هؤلاء الضباط كانوا بمناطق العمليات في جنوب كردفان، ومشهود لهم بالكفاءة ، تم سحبهم من وحداتهم لـ "الصيف الحاسم" بينهم عقيدان معلمان الأول في كلية القيادة والأركان المشتركة يشهد له ضباط درسوا بين يديه في السودان، السعودية، الكويت، الأردن، الكويت، مصر، لبنان ووو؛ والثاني بمعهد المشاة في جبيت يشهد له من درسهم من الضباط. وبقية الضباط كانت لهم سيرة طيبة في عملهم. (كما أن هناك معلومة عن تناول هذا الموضوع في عدد من مجموعات التواصل الاجتماعي لضباط القوات المسلحة عبروا عن غضبهم وانتقادهم القرار والعقلية التي تدار بها القوات المسلحة وما وصل إليه حالها، سنأتيكم بما دار فيما بعد حتى تنجلي بعض الأمور).

ونقول لهؤلاء الضباط هنيئاً لكم شرف شموخكم، فلم يتبقى في قيادة القوات المسلحة إلا المتردية والنطيحة وما أكل السبع، وسنواصل وللحديث بقية.

موضوع ذا صلة:

قيادة العمليات العسكرية تتستر خلف إقالة ضباط للتقاعد


تعليقات 9 | إهداء 0 | زيارات 13624

التعليقات
#1243942 [سيدا]
1.00/5 (1 صوت)

04-10-2015 12:57 AM
يكون دي من الوسخانين الإسمهم (وسخ بارات) عليك الله في راجل ود رجال بشتغل في استخبارات البشير دي كلها هناي قال وهناية قالت وفلان عملت وفلانة عملت .. اي واحد يقول ليك انا شغال في الاستخبارات تعرفه وسخ

[سيدا]

#1243726 [ود نفاش]
1.50/5 (2 صوت)

04-09-2015 03:55 PM
الوهم دا لو عنده كفاءة رتبته فريق يستلم (عمليات جنوب كردفان) واللواء دا قول ليهو الالوياء الكويسين بكونوا قادة فرق ..
فعلاً ضباط تعبانين وشكلهم قذرين كمان

[ود نفاش]

#1243307 [جداد الكتروني]
0.00/5 (0 صوت)

04-09-2015 04:41 AM
ديل كيزان السعودية والخليج ومصر برسلم التنظيم العالمي وبدربوهم في السودان واحتمال ذاتو ما كانو مجندين لكن بعد تدريبم يعينو بواسطة كوادرم القيادية في تلك الجيوش دي خطة مارسا التنظيم اولا في السودان وبعد نجحت عمما على الجيوش العربية الاخرى لخلق كادر مسلح ييسعو به لتغيير الانظمة لصالحهم

[جداد الكتروني]

ردود على جداد الكتروني
[زنقار] 04-09-2015 09:47 AM
كلية القيادة والاركان لتعطي الضباط ماجستير علوم عسكرية والطلبة فيها ضباط رتبة مقدم وعقيد ودا نظام شعال من زمن نميري ضباط سودانيين يدرسوا عندهم وهم يرسلوا ضباط يدرسوا في السودان ياجداد مجمد


#1243147 [عودة ترنتي]
3.00/5 (1 صوت)

04-08-2015 06:03 PM
في جلسة سمر جمعت بعض المرافيد من ضباط الجيش و بعض الاسلاميين النافذين في عزومة عشاء في احدى المناسبات الاجتماعية في احد احياء امدرمان الطرفية ---
كان معظم الحديث يدور عن تدهور الاوضاع المعيشية و اسباب فشل انقلاب جماعة ود ابراهيم الاسلامية ---
تحدث احد الحاضريين بغضب و قال : ( الانقاذ اخر انقلاب في السودان و جيش تاني بيعمل انقلاب مافي --- الجيش انحنا نتفنا ريشو و خليناه بقى زي الجدادة الضاربا سمير --- و التمرد انحنا بنعرف نحاربو كيف )--
واضح انها استراتيجية دولة ظهرت في زلة لسان و في لحظة غضب و في تقديري انها صادقة
يا نس الجيش الفضل انتفضوا لكرمتكم اولا ثم لكرامة الشعب و كرامة الوطن
لو انتظرتوا شوية كلكم حا تبقوا جداد مظعمط فقط لا غير .

[عودة ترنتي]

#1243143 [محارب,محب لوطنه بكل ارجائه]
5.00/5 (1 صوت)

04-08-2015 05:55 PM
اذا لم يتم ابعاد السياسة من الجيش, والتسيس ,فلن ينصلح حاله بل حال البلد, اذا لم يتم ابعاد الهوي, والجهوية, والعنصرية,التي دخلته و فلن ينصلح الحال,الجيوش موسسة قوميةو لابد ان يشارك فيها كل ابناء البلد باختلاف مشاربهم,الوانهم, اثنياتهم, وان تكون توجهات افراداه قومية, تومن بوحدة الوطن, ووحدة ترابه, والتضحية, بالروح, والموت في الدفاع عنه, وحمايته من العدوان الخـــارجي,,,,,كل من يتاجر في الجيش, او يستثمر فيه, او يصنع بدائل غيره, او يشكك في مقدرته وقوته, وولاءه لتراب السودان, فهو لايعرف تاريخ الجيش السوداني,ونضاله المسطر عبر التاريخ والممهور بالشجاعة, والاستبسال, والتضحية, وشرف الجندية, والمجازفة بالروح وتقديمها رخيصة في سبيل الوطن, فقط, ليس غيره, منذ عصر الدولة السودانية في كوش, الاسرة12/ بعانخي/تهراقا,, ثم عكوفا علي استبسال الممالك النوبية, وبسالة اولباب الشرق, البلوو والبجة, ورماة الحدق, الذين وقفوا سدا منيعا في وجه ابي السرح, ولولا انتفاق البقط, او القبط,لما وجد الاسلام طريقا للسودان سالكا,فالحمد لله علي نعمة الاسلام, وحكمة ابي السرح,مرورا ببسالة دولة الفونج وعمارة دنقس وجماع وجنودهما, والمهديةو وما ادراك ماالمهدية, ودقنة الجسور, وجنودهما,ثم مجاهدات قوة دفاع السودان واستبسالها, في الحرب العالمية, حتي شهد ببسالة الجندي السوداني, الاعداء قبل الاصدقاء, ووالله انني منز صغري وجدة في بيتنا, مسدس جدي, ستة ملي, بكرةو وهو من الابطال الذين , في الهجانة, قوة دفاع السودان, وكان امباشا, في نقطة سنكات, في عشرينيات وثلاثنياتو واربعينيات هذا العصر, وشارك مع القوة التي ذهبت من السودان لتحرير, كرن,ضد الطليان, وكان اول شخص دخل كرنو وحررها, وغنت لهم الفلاتية, يجوا عايدين, وبالفعل رجع لسنكات ومات ودفن, فيها, هذا الارث جعلنا نختار عرين الابطال ومصنع الرجال, ونترك فرصة دراسة الطب, وبعد ان عملنا بجد وشرف وامانةو ابطالا للحرب والسلام, طالتنا, ايدي العصابة الجائرة, في الاحالة للمعاش, ونحمد الله علي ذلك, لان الارزاق بيد الله,ونحمل في كل العرفان والجميل لزملاءنا في الجيش السوداني, الذين ينطلقون من حب الوطن فقط ليس غيره,ولكن هنالك الدخلاء علي هذة الموسسة,لايعرفون تاريخهاو ولا ارثها, وموروثاتها, تحركهم مصالحهم الضيقة, هم من يسئون لانفسهم اولا, يحملون معاول الهدمو ولكن هيهات, هيهات, الوحش يقتل ثائر والارض تنبت الف ثائر, ياكبرياء الجرح لو متنا لحاربت المقابر, اتمني ان ترفع كل بندقية في وطني في وجه الاعداء الخارجيين, وان لا يقتل السوداني اخوه السوداني,(السوداني كل من ينتمي لهذا الوطن,عجمي كان او خليط من العروبة والزنجية, لافرق بين قمحي فية او اسود, مسيحي اومسلم او لاديني) نصيحة للكل اتمني ان اري السودان الذي احببت واحب, خالي من الفساد والمفسدين,,,اميييييين

[محارب,محب لوطنه بكل ارجائه]

#1243084 [ود المتمة2]
4.00/5 (3 صوت)

04-08-2015 04:05 PM
والله عجبني ليهم ديل فاضين من تجارة الحطب والفحم والله بقترح ارسال بصات سياحية و يشحنو الجيش الموجود في جنوب كردفان ويخلوا السلاح والعربات للامن الوطني و الدفاع الشعبي والمجاهدين انشاء الله في اسبوع الحكومة حتستلم جنوب كردفان كركور كزكور

[ود المتمة2]

ردود على ود المتمة2
[ود نفاش] 04-08-2015 06:20 PM
ياخ أمن وطني شنو ودفاع شعبي شنو خلو الدعايات الفارغة دي .. الأمن وفق الدستور شغله شنو؟ .. ديل كلهم مرتزقة وعبيد مال والله يوم يتغير النظام دا تلقاهم قلبوا مع النظام الجديد


#1242987 [كونترا]
5.00/5 (1 صوت)

04-08-2015 01:22 PM
كذابين ،،، ما في عقيد درس علي يديه ضباط من السعودية ،، متى كان هذا الكلام ،، العسكريين السعوديين لو مادرسوا في أمريكا و أوروبا بيدرسوا في الأردن و باكستان و المغرب ،، عندهم راي حتى في الجيش المصري يجوا كمان يدرسوا في الجيش السوداني ،،،
،، مين يصدق إنو عقيد في جيش عبدالرحيم الخايب يقوم بتدريس ضباط من مصر و الأردن ، اختشوا

[كونترا]

ردود على كونترا
United States [زيزو] 04-08-2015 03:48 PM
اديك الزيت اسي في كليه القياده والاركان في ضباط من السعوديه وبدرسهوم مقدمين كمان ولا عقيد زاتو


#1242930 [ود نفاش]
2.25/5 (3 صوت)

04-08-2015 12:03 PM
الفخبر دا صحيح 100% وما عندهم علاقة بنافع

[ود نفاش]

#1242910 [كلام لكن]
5.00/5 (5 صوت)

04-08-2015 11:44 AM
ياناس الراكوبه الحاصل شنو ماقلتو ديل اولاد نافع قبل يومين نصدق ياتو خبر حسي ؟

[كلام لكن]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة