الأخبار
أخبار إقليمية
الاتحاد الأوروبي يرفض "مسبقاً" نتائج الانتخابات السودانية
الاتحاد الأوروبي يرفض "مسبقاً" نتائج الانتخابات السودانية
الاتحاد الأوروبي يرفض


لن نستطيع اعتبارها شرعية وتتمتع بالمصداقية.
04-09-2015 11:59 PM
بروكسل (9 نيسان/أبريل) وكالة (آكي) الإيطالية للأنباء
أكد الاتحاد الأوروبي على أنه لن يستطيع اعتبار الانتخابات الرئاسية السودانية، المقررة هذا الشهر، شرعية وتتمتع بالمصداقية.

جاء هذا الموقف، في بيان صدر اليوم عن مكتب الممثلة العليا للأمن والسياسة الخارجية في الاتحاد الأوروبي فيديريكا موغيريني، "إن ممارسات الخرطوم من قبيل استبعاد الجماعات المعارضة وتجاهل الحوار وانتهاكات حقوق الإنسان، أدت بنا إلى هذه النتيجة"، وفق كلامها.

وحملت موغيريني الحكومة السودانية مسؤولية الفشل في إطلاق الحوار الوطني، الذي تم الاعلان عنه قبل عام.

ووصفت المسؤولة الأوروبية الأمر بـ"إنتكاسة" للشعب السوداني، "الاتحاد الأوروبي يشعر بخيبة أمل لأن الحكومة السودانية فوتت فرصة التعاون مع الجهود التي بذلها الاتحاد الأفريقي"، كما جاء في بيانها.

وأثنت موغيريني على موقف العديد من الجماعات المسلحة والجماعات المعارضة السودانية ومنظمات المجتمع المدني التي كانت مستعدة للانخراط في الحوار الوطني.

وأعادت إلى الأذهان مواقف الاتحاد الأوروبي بشأن السودان، الصادرة عام 2014، والتي تحدثت عن ضرورة حل جميع الصراعات والنزاعات في البلاد، عن طريق حوار وطني يؤدي إلى عملية سياسية سلمية شاملة من شأنها اعادة الإستقرار والسلام. وعبرت عن تصميم التكتل الاوروبي الاستمرار في دعم جهود الاتحاد الأفريقي وباقي الشركاء لاعادة السلام للسودان

ـــــــــــــــــ
PRESS STATEMENT

DECLARATION BY THE HIGH REPRESENTATIVE ON BEHALF OF THE EUROPEAN UNION ON THE LACK OF A CONDUCIVE ENVIRONMENT FOR THE UPCOMING ELECTIONS IN SUDAN

بالنيابة عن الثمانية وعشرون دولة اوروبية وبموافقتهم اصدرت السيدة فريدريكا موغريني، الممثل الاعلى للسياسة الخارجية والشؤون الامنية بالاتحاد الاوروبي بيانا انتقدت فيه قيام الانتخابات في السودان في بيئة غير مواتية وقالت:



"أن الفشل في بدء حوار وطني حقيقي بعد عام واحد من إعلان حكومة السودان هو انتكاسة لرفاهية الشعب السوداني."



"أن توصيات الاتحاد الاوروبي لعام 2014 الصادرة من وزراء خارجية دول الاتحاد الاوروبي دعا الاتحاد الأوروبي فيها لإيجاد حل شامل للصراعات في السودان من خلال عملية سياسية شاملة من شأنها توفير السلام والرخاء للسودان."



"أن الاتحاد الأوروبي يؤكد على مواقفه. واصابته بخيبة الأمل لكون حكومة السودان تفقد الفرص من خلال عدم الاستجابة لجهود الاتحاد الأفريقي لجلب جميع أصحاب المصلحة معا."



واضافت الدبلوماسية الإيطالية "إننا نشيد بهؤلاء الممثلين من الجماعات المسلحة، والمعارضة السياسية والمجتمع المدني السوداني الذين كانوا موجودين في أديس أبابا، وعلى استعداد للمشاركة."



"انه وبتجاوز الحوار، واستبعاد بعض الجماعات المدنية وانتهاك الحقوق السياسية فأن الانتخابات المقبلة لا يمكن أن تنتج مع نتيجة شرعية ذات مصداقية في جميع أنحاء البلاد."



" إن شعب السودان يستحق أفضل."



"نحن اخترنا عدم المشاركة بالتالي في دعم هذه الانتخابات".



"أن الاتحاد الأوروبي سيواصل بذل الجهود لدعم اللجنة رفيعة المستوى للاتحاد الأفريقي فضلا عن الجهود الأخرى الرامية إلى إحلال السلام إلى السودان ".



خلفية

فريدريكا موغريني هي أعلى شخصية دبلوماسية في الاتحاد الاوروبي وهي نائب رئيس المفوضية الأوروبية والممثلة العليا للشؤون الخارجية وشؤون الأمن. وتعد تصريحاتها الصحفية بموافقة ونيابة عن الدول الثمانية والعشرين عضوا في الاتحاد الأوروبي.



لقد تولت الدبلوماسية الايطالية منصبها في الاتحاد الاوروبي منذ 1 نوفمبر 2014.وكانت فريدريكا موغريني تتولى منصب وزيرة خارجية ايطاليا من 21 فبراير 2014 حتى 31 أكتوبر 2014. وهي عضو في الحزب الديمقراطي الإيطالي وحزب الاشتراكيين الأوروبي


تعليقات 35 | إهداء 0 | زيارات 17620

التعليقات
#1244779 [كلام الببكيك]
0.00/5 (0 صوت)

04-11-2015 09:16 PM
الراجي امريكا والاتحاد الاوروبي يحلوه من الكيزان على عقله السلام

[كلام الببكيك]

#1244520 [المجنون]
4.50/5 (2 صوت)

04-11-2015 10:54 AM
هانت هانت هانت
لا تضيق الا لفرج

[المجنون]

#1244491 [الكرور الافندي]
5.00/5 (1 صوت)

04-11-2015 10:07 AM
اذا لم يعترف الاتحاد الاوروبي فالافريقي موجود وجامعة العرب في واحزاب الفكة والتوالي واهل المصالح موجودون وناس الدوحة وهلال والمؤلفة قلوبهم والمشري بثمن بخس موجود وشاكلة مولانا الجديد موجود....الخ

[الكرور الافندي]

#1244357 [هارون]
0.00/5 (0 صوت)

04-11-2015 01:05 AM
وصية الي الرئيس المنتخب الجديد
ارجو ان يعمل الرئيس المنتخب على انضمام السودان الي مجلس التعاون الخليجي والاتحاد الاوربي خلال الفترة الرئاسية القادمة.

[هارون]

#1244335 [سلوى]
0.00/5 (0 صوت)

04-10-2015 11:28 PM
هو دا النضال؟ منتظرين الفرج من المستعمر القديم؟ انتو جيل فاقد البوصلة والقيم الوطنية والاخلاقية. لما المستعمر الانجليزي في السودان أصدر قانون الطهارة الفرعونية وهو قانون صحيح وقف ضده الاستاذ محمود محمد طه ليس لانه غير صحيح ولكنه وقف ضده من باب أن فاقد الشئ لا يعطيه. المستعمر فاقد للاخلاق باسغلاله للشعوب وثرواتهم لذلك لا يصلح ان ينادي بالاخلاق ودخل محمود السجن وها نحن الان نشهد جيلا من الجهلة يريد أن يتعلم الاخلاق والقيم من أوروبا التي لا تملك من قيم الديمقراطية الا بمقدار محيطها الجغرافي. موقف الاتحاد الاوروبي مرفوض ولا يقبله عاقل. موقفنا من البشير لن يعمينا عن الحقيقة

[سلوى]

ردود على سلوى
European Union [Amin] 04-11-2015 01:57 PM
ليتنا نحظى بالديمقراطية ولو في محيطنا الجغرافي

[الحقيقة مرة] 04-11-2015 01:38 PM
خليك مع ديمقراطية بني كوز التاصيلية الاعدمو بيها محمود محمد طه انتي الظاهر عليك خرفتي يا حبوبة سلوى الجدادة الجمهورية وكتاباتك كلها زفارة زي واحد اخينا كدا هنا في الراكوبة عامل فيها كاتب لكن هو ما كاتب بس حركات رواتب واول حرف في اسمو حححححححححح.. سلام يا

United States [سامي علي] 04-11-2015 12:21 PM
تسلمي يا سلوي... المساكين دايرين يزيحوا البشير.. بالاستقواء بالاتحاد الاوربي .. المستعمر القديم الجديد.. فأهنأ بطول سلامة يابشير ...

[wudoof] 04-11-2015 11:17 AM
تعليقك كله متناقضات ..؟؟..ماهي او بالاحرى اين المرجعية في تطبيق الديموقراطية..؟؟..ماذا تسمين تعامل الحكومات الاوربية مع شعوبها ...؟؟..الحقائق لا تتلون حسب الرغبة والمزاج..!...اين نبحث عن النماذج المثالية للديموقراطية..؟؟.عند الافارقة والسودان ام عند الاعراب....؟؟..


#1244267 [بت البلد]
0.00/5 (0 صوت)

04-10-2015 07:53 PM
فلقتين في الرأس بتوجع قرار الاتحاد الأروبي والافراج عن المناضلين فاروق أبوعيسى وأمين مكي مدني ... وبارت الانتخابات المضروبة

[بت البلد]

ردود على بت البلد
European Union [الأزهري] 04-11-2015 04:50 AM
ما أصلو الإفراج جاء بضغط من الاتحاد الأوروبي ولما حصل مقلبوهم بالبيان دا عشان كده شايف الجقليبة دي من الحزب والحكومة وزارة الخارجية ورئاسة الجمهورية كلهم ينبحوا زي الكلاب وقالوا دا تشجيع للحركات المسلحة لتخريب الانتخابات!


#1244214 [بت البلد]
5.00/5 (4 صوت)

04-10-2015 05:30 PM
عجبني وسر بالي أجمل خبر قرأته في صباح اليوم الجمعة ... اللهم أجمع شملنا ويسر أمرنا وفك أسرنا... وشتت شمل الانقاذ وبدد أحلامهم ونكس أعلامهم وأطفئ نارهم وأسدل ستارهم ونعوذ بك من شرارهم ... اللهم انهم لا يعجزونك ولا حول ولا قوة الا بك ...انك أنت القادر القهار أقهرهم وانهرهم وسلط عليهم من لا يرحمهم انهم لا يعجزونك ... انهم لا يعجزونك ... انهم لا يعجزونك انك أنت الظاهر ليس فوقك شئ وأنت الباطن وكلنا دونك يا أرحم الراحمين أغثنا ... أغثنا ... أغثنا يا مغيث يا ودود يا حي يا موجود ياااا الله يا رب العالمين

[بت البلد]

ردود على بت البلد
[الحقيقة مرة] 04-11-2015 03:46 PM
هذه دعوة لله(الاب الابن الرةخ الفدس)
____

العمى عمى البصيرة يا اخ ابو جردل لكن برضو شوف ليك نضارة

[ABU JANDAL OSMAN] 04-11-2015 09:42 AM
هذه دعوة لله(الاب الابن الرةخ الفدس)


#1244209 [الحقيقة]
5.00/5 (2 صوت)

04-10-2015 05:16 PM
ومنتظرين تصريح الأمريكان أصلو الأوربيين دايما بنسقوا مع أمريكا في السياسة الخارجية

بعدين شهر 8 قرب لتجديد العقوبات الأمريكية على السودان وتقرير الدول الراعية للإرهاب والتى خرجت منها كوبا وبقت فيها 3 دول فقط السودان وإيران وكوريا الشمالية

وما في طريقة لإعفاء ديون السودان

غايتو حيفوز لكن سيظل منبوذا من القوى الغربية ووعوده بالتنمية سيبلها ويشرب مويتها هو فضلت أى ميزانية للتنمية؟

[الحقيقة]

ردود على الحقيقة
United States [التكي تاكا] 04-10-2015 07:43 PM
امريكا وبريطانيا والنرويخ يشعرون بخيبة امل لقيام انتخابات بدون مشاركة غالبية الاحزاب والقوي السياسية هذا معناه عدم اعتراف بنتائجها


#1244198 [Awad]
5.00/5 (1 صوت)

04-10-2015 04:58 PM
العالم الآن هو أمريكا والدول الأوربية فمن يجد الأشادة من هذه الدول فهو كامل الرضا له لأن الدول الأوربية تعمل بالنظم الديمقراطية والشفافية والعدل وسيادة القانون وحرية الفكر والرأى وللمواطن فيها دور كبير حتى فى تغيير الأنظمة بها.أفريقيا لا زالت بعيدة جدا عن النظم الغربية ولا زال العقل الديكتاتورى سائد فيها وخير مثال هو النظام السودانى الذى يصر على أجراء آحادى للأنتخابات فالفائز والخسران فيها هو نظام المؤتمر الوطنى الذى يسعى لشرعية مفقودة أصلا من يوم 30/6/89 المشئوم بكل الطرق وخصوصا الطرق الملتوية وخير مثال لذلك قول عبدالرحمن الخضر والى الخرطوم(بالأنتخابات سنحكم وبغيرها سنحكم) وهذا مايتم الآن بعد أقصاءهم لأكثر من ثلثى الوطن من المشاركة وأبعاد الأحزاب ذات الوزن الجماهيرى بأضعافها وأنهاكها وشراء بعض الأحزاب حتى تتوفر لهم مشروعية قيام الأنتخابات والمواطن المغلوب على أمره يعلم ذلك.حكومة المؤتمر الوطنى قد أشترت ذمم بعض الأشخاص فى الأتحاد الأفريقى وهذا شىء عادى جدا على من أدمن الرشى ولكن قد فات عليهم أن العالم اليوم هو(أمريكا والدول الأوربية)وغدا قد نسمع بعدم أعتراف أمريكا بهذه الأنتخابات وبذلك وزى مابقول المثل المصرى(فرحة ماتمت)فأهل المؤتمر الوطنى قد خاب ماكان يسعون له قبل بداية التمثيلية السيئة الأخراج التى أعدوها وصرفوا عليها المليارات من خزينة(محمد أحمد)الغلبان ويعد ذلك أنتصار للمعارضة بشقيها العسكرى والمدنى.غدا سوف نسمع (الجقلبة) والنواح والسب واللطم وشق الجيوب والردحى من كبارالحزب النازى.

[Awad]

ردود على Awad
[مواطن] 04-10-2015 07:06 PM
هل روسيا تسير في فلك الولايات المتحدة ؟
نحن مع حرية الشعوب بدون وصاية غربية أو غير غربية .. نظام عمر البشير أصلا
يسير وراء السياسة الغربية وهي سياسة لا يهمها مصلحة الشعوب أو رفاهيتها أو تقدمها ..
سياسة افقار الشعب نفذتها الانقاذ ( سياسة تحرير الأسعار واتباع صندوق النقد الدولي ) .
لم يبقى الا كنس هذا النظام العميل الخائن ..


#1244173 [alsudany]
4.94/5 (5 صوت)

04-10-2015 03:57 PM
بالنسبة للعالم الاول
مفهوم ان عمر البشير عسكرى انقلابى
واروبا كلها لا ترى فيها ضابط جيش
حايم بالزى الرسمى خليك يكون حاكم وكاذب
وقاتل و و و و ... هذا موقف طبيعى جدا جدا
من كل الدول ذات الفهم الواسع للتعاون بين الشعوب
الحرة

[alsudany]

#1244152 [الناهة]
4.88/5 (4 صوت)

04-10-2015 02:52 PM
ايضا الشعب السوداني يحس بذات خيبة امل الاتحاد الاوربي
المؤتمر الوطني سيقيم انتخاباته ويفوز بها ويحتفل بفوزه مع الاحزاب التابعه له
ثم بعد ذلك
على الشعب السوداني والمعارضة الذين قاطعوا الانتخابات عليهم انتظار نتيجه ما اقدموا عليه من بطش وقمع وجبايات

[الناهة]

#1244151 [دكتور/محمد عبد الرازق سيد احمد]
5.00/5 (6 صوت)

04-10-2015 02:48 PM
بسم الله الرحمن الرحيم


اعزائ شباب الراكوبه الشرفاء بني وطني الكرام ... السلام عليكم ورحمة الله .. وبعد.. والوطن في مفترق الطرق : اريد راشدا يقنعني :
1- اذا السيد / عمر البشير جاء للانقاذ وزمرته .. واستمر ( 25 ) سنة ولم يتم انقاذ .. بل دمار وحروب وثملي ويتام وفقراء ومحرومين وجوعي ونازحين ومهاجرين وعطالي ...وانهيار وتردي في كل شئ من السياسة الي الرياضة وفي مثل هذا الزمن كان يمكن ان يتحول السودان الي جنة لو البشير وحكوماته كانوا راشدين وصادقين ..( وامامنا تجربة ماليزيا .. ودول عديده )
2- بعد هذا يتم ترشيح البشير ويسانده بعض سدنة نظامه ويكيل الوعود وألاف السودانيين يسمعونه ويتقافزون كالدراويش .. الممسوسين .. وسيصوتوا له .. وسيزيدوها.. بالتزوير وستكون النتيجة هي الفوز بنسبة !!( يمكن اربعمائه في المائه ) .. ثم ماذا ؟؟؟ ستدور الساقيه في نفس مدارها ...
3- عند اعلان الفوز ودوران الساقيه في نفس مدارها ... ماذا سيحدث لرجال كنا نحسبهم وطنيين وعقلاء
امثال سوار الدهب ...

4- يابني وطني الكرام .. ان اق تنعتم بما اقول فقاطعوا الانتخابات .. او اقنعوني بأنني مخطئ وان البشيير وسدنته قوم صادقين لاتوجه واقترع . .. انني علي قتاعة بأن البشير قد كذب علي نفسه وعلي اهله وعلينا .. وعلي الله الذي خلقه واستحمر الاسلام وسخره والآن يستمر في كذبه .. ولا اعتقد انه يوجد عاقل في السودان بعد ان استمر 25 عاما وحصاده هشيم .. يمكن ان يصدقه ...

5- لذلك كله اعتقد جازما ان نهاية البشير اقتربت لان الله يمهل ولا يهمل .. فهو اما سيتم اغتياله .. اوتسقط به طائره او يأتيه قدر انتقامي .. لان نظامه عذب وشرد واحال للصالح العام وسجن وقتل واستبد وبدد وظلم واظلم .. وما الله بغافل عما يفعل الظالمون ...فالننتظر ولا نصوت ..لا له ولا لغيره .. وخير للسودان والسودانيين في رأيي تقووية الايمان بالله ووالانتظار حتي يفعل الله امرا كان مفعولا ..ليس لان الشعب السوداني غير قادر علي الفعل .. ولكن لانه لا يواجه البشير وحكومته انما يواجه مجموعة من المرتزقة والسماسرة والنفعيين والمرتشين والثعالب من بطانته كما انه قضي علي الجيش الوطني وقواه العسكريه بالثعلبة والتشريد والقهر والرشوة وكل اساليب الشياطين في الاغواء وتكوين الحواشي وعليه فالشعب السوداني قادر اذا خرج علي قهر الشياطين لكن كيف له ذلك وللشياطين اخوان ...هنا لذا يجب ان ننتظر القدر الرباني القادم واراه قريبا جدا ..لانه ونظامه يكذبون علي ربهم والله يعلم فجرهم وسيتولي امر حسابهم ولن يعجزوه حمي الله السودان وحماني واهلي وخفف عنهم عذاب الدنيا والآخرة وهو البصير السميع العليم .. آمين .

[دكتور/محمد عبد الرازق سيد احمد]

ردود على دكتور/محمد عبد الرازق سيد احمد
European Union [AburishA] 04-10-2015 07:03 PM
لك خالص التقدير بروف عبدالرازق..تعليق ينم عن وطنية صادقة..اما بخصوص المقاطعة الشعبية فهي قد بدأت منذ التسجيل للانتخابات..فكانت المراكز أخلى من فؤاد ام موسي.. مما اضطر النظام لان يقوم بتوزيع سجلات انتخابات العام 2010 وكان نصفها من أهلنا الجنوبيين الذين ذهبوا مع الانفصال..ضف الى ذلك الذين توفوا لرحمة الله..والذين هاجروا..والذين..والذين.... بحسب التقارير..وان الشباب الذي لم يصوت في الانتخابات السابقة لصغر السن..لم يسجل لهذه الانتخابات بعد مرور خمس سنوات وهو الان ناخب قانوني..الا انه لم يستطع التصويت لعدم التسجيل.. كما لاتوجد اي مظاهر انتخابات ولا حتى ملصقات مرشحين..وان الشعب مقاطع للانتخابات تلقائيا حتى بدون حملة ارحل وحملة يسقط..علما بان الشعب مقتنع بانها انتخابات صورية ونتيجتها محسومة سلفا ولا داعي للتعب.. عليه فلا مناص الا توحيد كل آليات المقاومة من اجل اسقاط هذا النظام الحقير الذي شردنا من أوطاننا رغم حاجة الوطن لنا لرد الدين المستحق على رقابنا.. لك خالص احترامي بروف..


#1244146 [sasa]
4.75/5 (3 صوت)

04-10-2015 02:40 PM
انا اكاد اصاب من بالجنون ويحيرنى الشباب السودانى ؟؟؟

فمنذ العام 1985 الى الان 30 سنة وهنالك الملايين من الاجيال السودانية المستنيرة وحملة الدرجات العلمية الرفعية فلماذا ولماذا ولما وليه وعشان شنو تسمحوا للبيتين الطائفيين الانصارى والبوهاشمى وبفروعهم المتوالية يحكمونكم !!!!!

لماذا ولما وليه وعشان شنو تسمحوا لتجار الدين الترابيين منهم والكافوريين بان يحكمونكم؟؟؟


لماذا ولما وليه وعشان شنو تسمحوا للعسكريتاريا المتسربلة بالدين كذبا وزورا وبهتانا ودجلا ان تتحكم فيكم وتحكمكم!!!

لماذا ولما وليه وعشان شنو تسمحوا للاحزاب العقائدية التى اكل الدهر وشرب عليها تتحكم فيكم


هبوا ياشباب فالزمن زمنكم والعالم عالمكم وقولوا ها نحن وليذهب الكهنوت والدجالين وانصاف الالهة الى الجحيم

[sasa]

ردود على sasa
[أب احمد 2] 04-11-2015 11:47 AM
ذى كلامك ده هو سبب البلاوى!!!!
سبب دمار السودان هو الافكار المستوردة من الخارج وغير سودانية لارتباطها بسياسات وقوى خارجية وغير سودانية والمتمثلة فى جماعة الاخوان المسلمين وتوابعها والبعثيين والشيوعيين والتاصريين وما يسمى بالقوميين العرب وجماعة الكتاب الاخضر والخ.
لو أجتمع السودانيون حول الاحزاب السودانية الاصل لاصبح السودان الان من الدول المتقدمة والمتحضرة والمحترمة مثل الهند، ولكن أنقلاب الاحزاب الدخيلة على السلطة أضاع السودان ووداه فى ستين داهية!!!!
يا [sasa] "البيتين الطايفيين الانصارى والختمى" هم سبب توحيد الشعب السودانى وان المنافسة بينهما كانت شريفة مهما أختلافا وأن هذه المنافسة كانت ستؤدى الى تقدم السودان وتطوره وأيضا الى تقدم وتطور الحزبين تلقائيا ولظهرت قيادات جديدة فى وجود الديمقراطية المستمرة.
"حزب الجزمة" لا يلتف حوله سوى الانتهازيين والنفعيين والمنافقين واللصوص والفاسدين والمنحرفين والشاذين وأصحاب العقد النفسية واللقطاء وأمثالهم.
رحم الله المحجوب والازهرى ورجال الزمن الجميل وأمد فى عمر من تبقى من الرموز الوطنية السودانية الصادقة الاصيلة ودمر كل من تسبب فى دمار السودان الوطن الجميل.

European Union [زول الخلا] 04-11-2015 01:00 AM
السيد ساسا

البيتين ديل لو تجيبهم الديمقراطية الحقيقية مرحبا بهم..وبعدين انت مالك شايلو معاهم فعلا هم حكام ولما كان أبواتنا وأجدادنا لا يعرفو أساسيات السياسة كانو هم من توصلو الي تقرير مصير السودان وكان هذا قبل 60 سنة او أكتر وتجي انت بعد هذه الدهور وتزحهم..شوف ليك شغلة تانية وركز علي دخلاء السياسة..وبعدين انت الظاهر مبتدئ في معلوماتك السياسية او من جيل الانقاذ اللي ترعرع علي الخواء والسطحية..قوم لف ما تعلنا اكتر مما معلولين.


#1244145 [Amin]
4.75/5 (4 صوت)

04-10-2015 02:40 PM
شكراً للمعارضة السودانية التي كسبت إحترام الجميع بتحركاتها السياسية والوطنية والتفاوضية والتكتيكية الذكية

بقيادة المايسترو

[Amin]

ردود على Amin
European Union [Amin] 04-10-2015 09:51 PM
يا أخي امين يابن الحاجة '' الخذينة''


أعمى من لا يرى المجهود والذكاء السياسي من وراء هذا القرار

وجاحد من يبخس الناس أشياءهم




وإذا نحن لم نقدر الكرماء فسنذل للسفهاء

[امين الخذينة] 04-10-2015 05:45 PM
مسكين انتا المستني المايسترو القديم يعزف ليك اللحن المايسترو ضعيف جدا وزمنو ولى ولن يعود اذا اردنا تغيير لن ياتي الا بالعزيمة والاصرار وبقيادة شباب هذه الامة من الاحرار لكن المايسترو دائما يعذف للعبيد من محبي الحان الديقراطية الكاذبة اللعينة التي جعلت السودان بين بيت السيدين وبين حكم العسكر الدكتاتوري
اذا يا امين لا معارضة نافعة ولا حكومة نافعة طال مانحن نعيش الفقر الفكري المبتزل


#1244135 [عثمان]
4.75/5 (3 صوت)

04-10-2015 02:16 PM
قرار سليم

[عثمان]

#1244131 [ود الفاضل]
5.00/5 (1 صوت)

04-10-2015 01:41 PM
الشيئ المؤسف ان تستلهم اوروبا روح الاسلام الحقيقية وهي العدل والرحمة والمساواة بين البشر فى الحقوق والواجبات وحكم الشورى( الديمقراطية) وماسمعنا بعسكري غبي متخلف دماغه مغسول انقض على حكم ديمقراطي فى اوربا كلها ... الانسان هناك محترم ولذلك يحترم النظام والقانون والديمقراطية . والعسكر يعرف ان مهمته هي فقط حراسة حدود الدولة من الغزو الخارجي والشرطة تعلم مهمتها فقط هي حفظ النظام والمساعدة فى تنفيذ الاحكام القضائية فى المجتمع...
قبل يومين تبادلت الوسائل الاسفيرية صورة للحدود بين هولندا وبلجيكا من داخل مدينة . يفصل بين هولندا وبلجيا شريط مخطط عرضه لايزيد عن متر حتى انه هذه الحدود مرت على منزل اصبح نصفه اليمين فى هولندا ونصفه الاخر فى بلجيكا حيث ان الحدود تخترق البيت من الباب تماما !!!!!!! عندما تتحصل على فيزا لدخول هولندا يمكنك الدخول بها الى دول الاتحاد الاوروبي مجتمعة مهما كانت جنسيتك ولونك ودينك تخيلوا الحضارة والرقي والفهم ياعالم .. ونحن حتى الان يصدق علينا ابيات قصيدة الشاعر امل دنقل : ان المدافع المنصوبة على الحدود لاتتطق طلقة الا حين تستدير الى الوراء !!!!!! يقصد رصاص الجيش والشرطة كمان فقط يطلق على المواطنين حينما يعترضون على حكم الطغاة امثال بشبش وزمرته الفارغة من الشعور الوطني والامانة و الفهم واللون والرائحة والطعم .... ومبروك نتيجة الانتخابات الفضيحة المدوية من الان .. ومافي داعي للبهدله والمصاريف والعربات واللجان والحراسات وخج الصناديق فالنتيجة معروفة سلفا حتى لكدايس مستشفى امدرمان !!!!!! تسعة وتسعين فى المائة وتسعة من عشرة تحصل عليها زعيم السودان الملهم البشير والكسر الفضل هو من نصيب احزاب سوق الناقة وسوق ابو جهل وسوف ابو حشيش وسوق الكلالة لفة لفة لفة ....وبقية احزاب اسواق الشمس والشماشة .. وهذه الانتخابات اسمها الحقيقي ( ام المهاذل) ودئي يامزيكه ورأصني ياقدع ......................................

[ود الفاضل]

#1244130 [adil mohyeddin]
5.00/5 (11 صوت)

04-10-2015 01:39 PM
image

[adil mohyeddin]

ردود على adil mohyeddin
[ودالباشا] 04-11-2015 05:18 PM
البهناااك دى زعلانه زعل شديد خالص

European Union [AburishA] 04-11-2015 11:06 AM
رهيب جدا يا عادل محي الدين.. تعليق معبر على الهواء مباشر.. تحياتي

[ابوعديلة المندهش] 04-10-2015 04:38 PM
لقطة تستحق عليها تعظيم سلام يا عادر امين .


#1244127 [الامدرمانى ودامدرمان]
4.50/5 (2 صوت)

04-10-2015 01:29 PM
اللهم نجى السودان واصلح حاله

[الامدرمانى ودامدرمان]

#1244103 [anwar]
0.00/5 (0 صوت)

04-10-2015 12:18 PM
أول بالأول اتحاد الأروبي انتم الأزمة بسبب تجارة الرقيق لكن ليكم زمن

[anwar]

ردود على anwar
European Union [AburishA] 04-10-2015 07:06 PM
اخسأ..أسكت الله حسك الى الابد يا بليد...

[مدحت عروة] 04-10-2015 02:16 PM
كاااااااااااااااااااااااااااااااااااااااااااااااااااااااااك وجاهل كمان ايه علاقةتجارة الرقيق بانتخابات الإنقاذ المضروبة واصلا الإنقاذ زى الحوثيين انقلبوا على الشرعية في 30 يونيو 1989 !!!!!


#1244078 [بنغالي جوازو رايح]
5.00/5 (11 صوت)

04-10-2015 11:05 AM
توقيت التصريح اهم من التصريح زاتو، احبك انا يا فيديريكا، قديتي ليهم بالونة الانتخابات قبل ما تتنفخ زاتو!!!
يا اخوانا انا قادي اوروبا رايكم شنو، البلاد دي بتحترم الزمن و التوقيت و التايم، ياخي التايم ده اهم شي، ياخي بدون تايم العربيه دي ما بتدور، انا شخصيا بحب التايم، تلقي ليك واحده زي فيديريكا دي تخت ليك تايم في حنانك لمن تعرف حاجه زاتو.
برسل ليكم كروت الدعوه في الراكوبه

يللا.... نايس تايم!!!

[بنغالي جوازو رايح]

#1244063 [nazzawy]
5.00/5 (3 صوت)

04-10-2015 10:04 AM
شنو يعنى اوباسانجو ماهو كان جنرال وحكم النيجيريين بالبندقية وهل يشذ عن بقية القادةالاتفارقة المرتشين - الذين كان يتلاعب بهم القذافى عن طريق الرشاوى ةوامبيطى هذا اكبر مرتشى - ىاقراوا ماذا تقول عنه تسريبات ناس النقاذ انفسعن هو وبن عمر - شكرا للاتحاد الاوروبى وتف على الاتحاد الاافريقى ىاما عرب المكبوس الله يكبسهم فى نار جهنم حميعا هم اكثر دكتاتورية من البشير وقديما قيل الطيور على اشكالها تقع

[nazzawy]

#1244049 [AburishA]
4.75/5 (9 صوت)

04-10-2015 09:00 AM
** الاتحاد الأوروبي يرفض "مسبقاً" نتائج الانتخابات الرئاسية السودانية..
** والشعب السوداني يرفض"مسبقا" نتائج الانتخابات الرئاسية..والقومية..والولائية..والنسبية..
** الشعب السوداني يرفض النظام النظام كله سواء بانتخابات او بدون انتخابات..

[AburishA]

#1244048 [Kori Ackongue]
0.00/5 (0 صوت)

04-10-2015 08:58 AM
I remember what the fox of the world politics,; the German Chancellor said at the time of the down fall of that star of Europe, causing the world wars to be so bitter Bismarck ( It started like a damp squib, amused the world and ended by making us look ridiculous). Although no any comparison here to state between the case of Sudan today and the case of Germany during the two world wars, yet, when the truth reveals itself on this well-known first class terrorists hostler and supporting government of Al Basher half way of new step of strealing democracy through such cooked un-ripen elections then the real down fall of the kingdom of everything bad in Sudan starts perfectly. Europe, of which part is Troika and USA plus the major world super politics and stability conservers when they talk and show grid positions based on knowledge-able facts then do not take this statement/s as a joke at all. The theatre is closed drastically. The question which will automatically be raised is that why it took all this long to let the super powers believe that the regime is the every worse within other three regimes in Africa??! Doing that insistently, he was, by acting in huge killing of the nation’s population in different formats of misusing the acclamations of sovereignty against these so poor and innocent citizens, especially throughout the war zone regions and even going beyond the borders to achieve his satanic goal of the mass destructions and keeping himself in the top thirst/lust of power gripping. After all, he is going to add new records of lies, thefts, rapping support ethics and cheating his nation and the world alike.

[Kori Ackongue]

#1244044 [kurbaj]
4.88/5 (6 صوت)

04-10-2015 08:45 AM
خيركم خيركم لاهله :-
الشعوب الاوربية هي فعلا شعوب عاقلة واستحقت بجدارة ان تكون عالم اول ثم.. تاتي الحثالات تباعا ..؟!..
ان الحكومات تقاس بمدى احترامها لشعوبها واحترم عقولها وانسانيتها وليست بالدعاية الرخيصة وبث الكراهية ...
ان اسرائيل العدو اللدود في الخيال العربي الاسلامي... لهي ارحم بالفلسطينيين مقارنة بحكومة الانقاذ بالسودانيين .....وهي اي اسرائيل- جزيرة ديموقراطية في بحر متلاطم الامواج من القهر والتسلط والديكتاتورية .

الديموقراطية هي حكمة اليوم... ومن لم ياخذ بها فهو نادم..؟؟!

[kurbaj]

#1244039 [quickly]
5.00/5 (6 صوت)

04-10-2015 08:20 AM
مكسب كبير للمعارضة السودانية الحرة وضربة قوية لنظام البشير

[quickly]

#1244016 [عادل الزعيم]
5.00/5 (4 صوت)

04-10-2015 07:17 AM
بعرسها البشير و تتحل المشكله

[عادل الزعيم]

ردود على عادل الزعيم
European Union [الحلومر] 04-10-2015 10:00 AM
مشوار واحد والراجل يروح في خبر كان ...هو عندو ليها قدرة او حيل ركب وساحت...علي الأقل يرحل بدون اسالة دماء... يمكن واحدة من الحريم داعية عليه يموت بين افخاذ النساء

[quickly] 04-10-2015 09:09 AM
ههههه اضحك الله سنك ياخي
لااستبعد انو البشير يفكر بهذة السذاجة لحل هذة المشكلة
لسبب بسيط انو حكم 26 سنة وماحل اي مشكلة غير مشكلته الشخصية,,,, دبل على مرتو الاولى
واضح جداً فهمه كله من الصرة ولي تحت


#1244012 [احمد]
5.00/5 (4 صوت)

04-10-2015 07:13 AM
الدول الاوروبية دول واعية ومتحضرة وهي اساس الديمقراطيات في العالم كما انها دول تتحرى العدل وحكم القانون في كل شئ حتى لو على انفسهم وهم يمارسون أعلى درجات الشفافية والحكم الرشيد وعندما يقول الاتحاد الاوربي كلمة يجب ان يستمع العالم لها اللهم الا من كان في قلبهم مرض او موتوراً او غير ذلك..
اعتقد ان الحكومة السودان وكل الحركات الاسلامية بل والاحزاب المشاركة في لعبة الانتخابات السودانية تعلم تمام العلم ان ما يجري في السودان ليست انتخابات وليست ديمقراطية وانما ضياع للوقت وهدر للمال وما يخدعون الا انفسهم وان حزب البشير ينافس نفسهم بالاضافة الى 44 شخصية اخرى أعطوا تسمية احزاب وهم اي احزاب الفكة عبارة عن مستنفعين ومرضى وجبناء يساعدون الظالم على ظلمه ويساعدون المؤتمر الوطني لمزيد من التمكين في الوقت الذي كان بإمكانهم اعلان انضمامهم للمؤتمر الوطني ولا حرج في ذلك كما انه لا فرق بأن تؤيد المؤتمر الوطني من الداخل او الخارج.

والمؤسف ان المؤتمر الوطني في سبيل بعض المناصب والوظائف رضوا بأن يكونوا مع الخوالف وان يستخدمهم المؤتمر الوطني طلاء للعملية غير الديمقراطية التي يسميها ديمقراطية وهؤلاء كالإنعام بل هم اضل سبيلاً

[احمد]

ردود على احمد
European Union [AburishA] 04-10-2015 11:17 PM
Well said Ahmed. Thanks

European Union [الحلومر] 04-10-2015 10:02 AM
لا يفتي ومالك بالمدينة

European Union [الحلومر] 04-10-2015 10:01 AM
لا يفتي ومالك بالمدينة


#1244010 [شاهد اثبات]
5.00/5 (1 صوت)

04-10-2015 07:11 AM
لان الشعب السوداني عالق في نخب مزمنة ومستلبة رفضت نموذج دول المؤسسات وديموقراطيةوست منستر-النموذج البريطاني واختارت نموذج دولة الراعي والرعية والريع والرعاع والون مان شو والضباط الاحرار- النموذج المصري والذى تشكل الانقاذ والمؤتمر لوطني اخر تجلياته المقبوحة
ضاعت 60 سنة من الاستقلال حاصل فارغ وهي تشكل مجموعة 15 حكومة وطنية ديموقراطية منتخبة
60÷4= 15 حكومة منتخبة
يجب على المعارضة السودانية الديموقراطية العلميةوليس الغوغائية ان تجهزالبديل الانتقالي من الان وب وبمرجعية واحدة بس يعترف بها الاروبيين "اتفاقية نيفاشا ودستور 2005"
1- تغيرا العلم و الشعار
2- تعين تسعة قضاة وطنيين في المحكمة الدستورية العليا
3- قومية المفوضية العليا للانتخابات او اشراف لامم المتحدة على الانتخابات بعد الفترة الانتقالية
4- استعادة الاقاليم الخمسة
5- تفعيل اتفاقية نافع /عقار 2011 في المنطقتين
6-تفعيل الحريات الاربعة مع دول جنوب السودان
واضح انه النظام وقع في فخ مجلس الامن وعدم الالتزام بالقرار 2046 وهذه لاشارة من الاتحاد الاروبي نذير شوم عليه وسيوضع تحت البند السابع
وحتى لا يخرج الناس الشارع وراسهم ما فيه خارطة محددة وشعارات غوغائية بتاعة اكتوبر 1964 او رؤية واضحة وحتى يعرف العالم رؤية محددة ويدعم لشعب السوداني والتغيير ركزوا على النقاط الستة الجوهرية دي اولا

[شاهد اثبات]

#1244002 [ashraf. ABDALLA]
5.00/5 (4 صوت)

04-10-2015 06:47 AM
هذا هو الموقف الأخلاقي المطلوب في هذه المرحلة الحرجة لإيقاف هذه المهزلة.الشعب السوداني قادر علي يضع حد لهذه التلاعبات وان غدا لناظره لقرب.
شكرا للاتحاد الأوربي.

[ashraf. ABDALLA]

#1243997 [مفجوع]
5.00/5 (4 صوت)

04-10-2015 06:41 AM
وماذا تتوقع الإنقاذ ..؟
أن تتم فرحتها بمباركة الإتحاد الأوروبي لإنتخابات الخج ..
إي دولة ديمقراطية لن تعترف بإنتخابات الدم القادمة .

[مفجوع]

#1243991 [الجن الكلكي]
0.00/5 (0 صوت)

04-10-2015 06:22 AM
ههههههههههههههههههههههههههه وانت كيف هههههههههههههههههههههههههههه يعني عملت شنو ههههههههههههههههه تعرف دي ذي عملية المسطول نائم في برنده عندها بابين والكهرباء قطعت قامت طيره دخلي بباب وعلي طول خرجت بالباب التاني المسطول قلها يعني عملتي شنو ههههههههههههههههه

[الجن الكلكي]

#1243979 [الحلومر]
5.00/5 (3 صوت)

04-10-2015 05:39 AM
ان خذلنا اخوة بالاتحاد الافريقي فها هم اخوتنا في الإنسانية من الاتحاد الأوربي ينصروننا ويتمنون لنا الحياة التي نستحقها... فاين اخوتنا العرب من نصرتنا؟؟!! والذين تربطهم معنا اللغة والعقيدة فهل هم مع الجلاد ام الضحية؟؟!!

[الحلومر]

#1243952 [سامى]
4.75/5 (6 صوت)

04-10-2015 02:00 AM
اها يا عمر البشكير , اباسانجو دا بلو واشرب مويتو , والفوق دا كلام واضح وحا ياكدوه ليك الناس بعد يومين بس . وشكلك كدا انت ما عايز تجيبها البر .

[سامى]

#1243939 [من تل ابيب]
5.00/5 (3 صوت)

04-10-2015 12:53 AM
الاحلى في الطريق

[من تل ابيب]

ردود على من تل ابيب
European Union [Usher] 04-10-2015 10:44 AM
يعني شنو وشنو في الطريق


#1243927 [الحقيقة مرة]
5.00/5 (9 صوت)

04-10-2015 12:24 AM
"إن شعب السودان يستحق أفضل."
_____

"رايت في اوروبا اسلاما بلا مسلمين، ورايت في بلدي مسلمين بلا اسلام." - الشيخ محمد عبده

[الحقيقة مرة]

ردود على الحقيقة مرة
[الحقيقة مرة] 04-11-2015 03:41 PM
دا مشروع التنظيم العالمي للاخوان المتمسلمين مسيطرين على المساجد والمؤسسات الدينية وعايزين يدمرواالديمقراطية في عقر دارها بتشجيع اتباعهم على التناسل البهيم كالدجاج لتحقيق الاغلبية الانتخابية خلال جيل او اثنين بحكم ان الاوروبيين لا يتناسلون بكثرة مشروع مزرعة دواجن اقرب منه الى مشروع صناعة الامة عايزين يسيطروا على اوروبا بكل طاقاتها ومؤسساتها العالمية العريقة ويشتروها ويبقوها مسلمين بلا اسلام مشروع الاسالم لاسياسي مشروع سلطوي تمكيني نفعي مادي طفيلي بحت واوهام الخلافة مجرد غطاء شرعي له عموما نحن كفاية علينا الخليفة بشة في السودان ما محتاجين لا البغدادي ولا السلطان قردوغان

European Union [atif] 04-10-2015 10:22 AM
الان اتملت مسلمين و بطالبوا بدولة الخلافة!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة