الأخبار
أخبار إقليمية
الدقير: سنمنح الحركات المسلحة كافة الضمانات للمشاركة في الحوار الوطني
الدقير: سنمنح الحركات المسلحة كافة الضمانات للمشاركة في الحوار الوطني
الدقير: سنمنح الحركات المسلحة كافة الضمانات للمشاركة في الحوار الوطني


04-10-2015 09:40 PM
مدني (سونا)- أكد د. جلال يوسف الدقير الأمين العام للحزب الاتحادي الديمقراطي، أن حزبه سيمنح الحركات المسلحة في دارفور وجنوب كردفان والنيل الأزرق كافة الضمانات للحضور للخرطوم والمشاركة في الحوار الوطني. معلناً رفضهم عقد جلسات الحوار في نيروبي، وأديس أبابا.
وجدد الدقير خلال مخاطبته جماهير الحزب بقرية عوفينا الشيخ عوض الجيد بمحلية جنوب الجزيرة أمس، تأكيده أن قيام الانتخابات لا يعتبر إغلاقاً للباب أمام الحوار الوطني الذي قال إن نتائجه التي سيخرج بها ستكون نافذة على الحزب، داعياً الأحزاب المعارضة لإعلاء مصلحة الوطن فوق المصالح والعصبية الحزبية، لتجنيب السودان تداعيات الأزمة السياسية وما يتبعها من أزمات اقتصادية. مؤكداً أن الحوار الوطني هو المخرج الوحيد لقضايا هذه الأمة.
وقال إن البرنامج الانتخابي للحزب الاتحادي الديمقراطي موجه لتغطية كل الاحتياجات الخدمية، وتطوير المنظومة الاقتصادية بتعزيز الاهتمام بالتصنيع الزراعي بمشاريع الجزيرة، والرهد، والحرقة نور الدين. لافتاً إلي أن زيارته لقرية عوفينا الشيخ عوض الجيد تحمل مدلولات الوسطية والاعتدال في وقت يعج فيه العالم بالتطرف والفكر التكفيري. مؤكداً خلو السودان من أي حرب مذهبية ، وقال إنهم لن يسمحوا بهذا وسيعملون على إطفاء بؤر التوتر القبلية. مضيفاً " على عاتق الحزب يقع الكثير من الإصلاح الاجتماعي، وإصلاح أمر الدولة، وتطوير العملية الاقتصادية والاجتماعية والعدلية، فضلاً عن حراسة برنامج إصلاح الدولة في محاوره المختلفة" . وأعاد الدقير التأكيد بأن السودان يسمو فوق الحزبية والمصالح الشخصية، ويمر بوضع جديد يشمل السياسة الخارجية السودانية، وعمليات إنفراج يقودها رئيس الجمهورية تتضمن كثيراً من البشريات ومن بينها عودة البلاد إلي الصف العربي.
وكان الأمين العام للحزب الاتحادي الديمقراطي المهندس الفاتح أحمد الفكي قد أكد أن مشروع الجزيرة يعد من أولى أولويات الحزب بما يضمن إعادته لأفضل مما كان عليه عبر التصنيع الزراعي.


تعليقات 15 | إهداء 0 | زيارات 1713

التعليقات
#1244939 [المشروع]
0.00/5 (0 صوت)

04-12-2015 08:08 AM
ما خليت للناطق الرسمي للانقاذ حاجة ..كلمكم مفسدين ومشاركين في ذبح الوطن بسكين ميتة.. الكلام دا كان تقولوه قبل تسريبات الراكوبة التي اوضحت بجلاء كيف يفكر الكيزان وكيف يخدعون الشعب بما يعرف بالوثبة والحوار والانتخابات..

وغندور قال بالحرف الواحد نكون ماسكين بلف الحوار نخفضه ونرفعه حتى الوصول الى الانتخابات .. يعنى الحوار دا زي قميص عثمان ظل يرفعه معاوية ويطالب بدم عثمان وقتل قتلة عثمان ولما جاء الحكم نسى الموضوع خالص.

نحن عارفين نفس اشكالكم دي (احمد بلال - اشراقة - الدقير) سوف تعود مرة اخرى كأن حزبكم الديمقراطي دا ما في الا هؤلا الأشخاص .. شاهت الوجوه

[المشروع]

#1244786 [محمد س]
0.00/5 (0 صوت)

04-11-2015 09:45 PM
خلاص علموكم إنتو كمان الكضب و الدهنسة يا احزاب الفكة ؟؟
هل فى داعى لكلام انت نفسك شايفو كلام إستهلاكى لا بودى لا بجيب ؟؟

يعنى انت عارف انك لا تستطيع تنفيذ كلامك دة و برضو مُصِر تقولو !! سبحان الله .
و ماذا قدمت أنت وحزبك من فائدة تُذكر للسودان ؟؟ سوى الكمية الهائلة من الشركات و العقارات التى تمكنت من إنشاءها بقدرة قادر بعد ان كنت مُعدما عند دخولك مع الانقاذ ..

[محمد س]

#1244590 [سكران لط]
1.00/5 (1 صوت)

04-11-2015 01:12 PM
انت يازول وكتين فضولك الداره وبملولك صناديقا وكمان جيبك ما تمسك خشمك عندك البوديك تهابش في سلطات البشير شنو؟ قال نمنح الحركات المسلحة ! حقو الواحد ينادي ليك ناس الامن

[سكران لط]

#1244567 [عبدالمنعم العوض]
1.00/5 (1 صوت)

04-11-2015 12:24 PM
بالله انت منو يادقير؟
تمنح واللا ما تمنح!!!!
اقدر امنح نفسك نسمة واحدة من حرية فانت مكبل باطنان من حديد التسليح الانقاذي

[عبدالمنعم العوض]

ردود على عبدالمنعم العوض
United States [جنوبي] 04-11-2015 12:46 PM
كيفن هو منو ؟ ما ياهو المزيّن حق الحيكومة !!
عطية مزيّن !!


#1244564 [الناهة]
0.00/5 (0 صوت)

04-11-2015 12:20 PM
قال الدقير شيئا ولكنه لم يقل اي شئ ابدا
الازمة ازمة ثقة مترسخة تماما
من المؤكد ان الحركات المسلحة لن تقدم على الحوار داخل السودان لاسباب عديدة ومعروفه
بدلا من تسويق الوقت في التصريحات والمواقف غير البناءة
ارى ان تكسر الحكومة حاجز عدم الثقة المنيع هذا وتعلن بصورة مباغته قبولها للحوار السوداني بمنتجع هايدلبرج الالماني تلبية لدعوة الاتحاد الاوربي تحت رعاية دول الترويكا والاتحاد الاوربي والامم المتحدة وذلك انتشالا للسودان من دوامة الحروب الاهلية والقفز نحو الاستقرار ووضع لبنات مواد دستور دائم للسودان ينهي الحروب ويرسخ حقوق وواجبات المواطنة

[الناهة]

#1244489 [الحجاج]
0.00/5 (0 صوت)

04-11-2015 09:57 AM
يا الدقر : الحركات المسلحة قالت بترمي السلاح الآن وكل الفصائل التي تحارب الوطن وستوقف نزيف الدماء السائل من جرح الوطن إلا بعد تكوين حكومة تضم كل المعارضين والمتحاربين وبذلك تكون انطوط صفحة الحروب ، وتوقف نزيف الدم والخراب والدمار الذي حل بالسودان منذ الاصتقلال وحتى الآن فهل بامكان الحكومة القيام بذلك حتى بعد الانتخابات ؟ رحمة بهذا الشعب الفضل يا الدقر نامل ذلك وان تكون تلك الحكومة القومية ايضا بالانتخابات ولا يستثني منها اي سوداني مهما كان لونه السياسي؟

[الحجاج]

#1244486 [الحلومر]
0.00/5 (0 صوت)

04-11-2015 09:53 AM
لسان حال الدقير يقول انا ما كمبارس ،انا ترس ورأس ،انا الدقير ،انا بجيب ليكم لبن الطير ادونا اصواتكم علينا جاي ، علينا جاي ، الصوت بعشرة جنيه وعشرة أصوات بمية جنيه وما زاد عن العشرة أصوات فهناك حوافز وجوائز قيمة واكثر من ذلك سوف نحجز لك تذكرة بباص الجنة مع ناس القضارف الجنة رأس ..انا ما سمسار ولا كمبارس ،انا الدقير ،انا ترس ورأس....
قوم لف بلاش دقير بلاش لبن طير
الريس ما صرف ليك شوية مكارم اخلاق يا كذاب انت لمكارم اخلاق من عند الريس
حبة عند اللزوم وحبة عند معاشرة المدام وحبة عند النوم شايفك املس ناعم انت ابعد عن هموم الشعب والوطن .... خليك في المصنع بتاع الحديد والصلب النهبتوه انت واخوك من عرق الشعب انشاء الله شغال كويس

[الحلومر]

#1244467 [habbani]
1.00/5 (1 صوت)

04-11-2015 09:22 AM
الدقير ماكنة من مصنع البشير للماكينات المقدودة .يالفافنوس يالغليظ البوص إنت لا تملك ان تعطى ضمانات ... إنت مجرور بالنصب والإحتيال ومرفوع بالسرقة الظاهرة على اوله واخره . مثلك لا يفتقد عند غيابه ولا يستشار عند حضوره فقط كلب راقد فى ظل عفن البشير .

[habbani]

#1244431 [ود ابراهيم]
1.00/5 (1 صوت)

04-11-2015 08:45 AM
يا جماعة الخير الزول ده قاعد ساااى بدون شغل
وهو عارف نفسه تمامة جرتق بس عاوز يعمل حركات
عشان يقول لناس الموتمر انا شغال
قال مساعد رئيس قال ,,,, عجبي

[ود ابراهيم]

#1244413 [سوداني]
1.00/5 (2 صوت)

04-11-2015 08:08 AM
من انت لتوزع الضمانات هل انت ضمنت موقعك والله تخلص الدولارات تكون بر والجوغه

[سوداني]

#1244392 [salah]
5.00/5 (1 صوت)

04-11-2015 06:45 AM
الدقير ده أكتر واحد الحكومه أدتوا قروش عشان يطبل ليهم لاعب بين الحبلين نط نط ترانى بنط ، لحسوك كويس يعنى الجيب مليان ومفتكر الناس عبطه ، الوطنيه يادقيره هى نقأ و تجلى و نكران الذات من أجل الوطن الزيك ده مجرد زبالة و كلو بحسابوا ،حتورينا كم دفعوا ليك ولا حتنتظر محكمة الشعب من أين لك هذا ؟؟؟؟ زى صاحبك محتل أراضى كافورى حنسألوا نحن قبل نكير.....

[salah]

#1244351 [fatmon]
4.50/5 (2 صوت)

04-11-2015 12:46 AM
وعمليات إنفراج يقودها رئيس الجمهورية تتضمن كثيراً من البشريات ومن بينها عودة البلاد إلي الصف العربي.



يعني فلاحه وسياسه من البشير ما جروه من أدانه وقالوا ليه أعمل حسابك أصحابك الشيعة ديل عاملين لينا شوشرة في الحدود فبكل أدب حتشارك مشاركة صوريه لانه أصلا نحنا الموضوع ده ما غالبنا بسلاحنا وقروشنا ومعانا الأمريكان ومعانا كثير من الدول ما محتاجين ليك إلا عشان ندي إيران رسالة إنها تبعد عن اللعب بالنار وإستعمال السودان ذريعة تساعد بيها ناسها في اليمن يا ناس يا وهم الناس بقت عارفه كل شيء وكاشفه كل شيء وإنشاء الله الحصل لمندور من الحماداب كلكم يصيبكم ويخليكم تمشوا حفايا يا وهم يا تجار الدين

[fatmon]

#1244341 [معاويـــــــــــــــــــــــــــــــة]
1.50/5 (2 صوت)

04-10-2015 11:55 PM
ههههههههههههههههههههههه والله يا الدقير بقيت اخطر من ناس الوطنى زاتم بس صدق الشاعر قال علمته الرمى فلما اشتد ساعده رمانى يعنى ناس المؤتمر الوطنى بقو مدرسه عديل تخرج كل اصناف الدجالين والقوقائين والمتملقين والحادبين على مصلحتهم الشخصية قبل كل شيى خاصة انو المعلمين السابقين بهذه المدرسة بقيادة الكمبارسون شخبتات او بالاحرى سبدرات واسمايل الحاج موسى كبير المعلمين فى مجال التدليس والعهر السياسى وتنافسهم المره ام شفايفن حمر بدريه مستشارة الوجع والالم فى قصر الساده نسال الله ان يجمعكم كلكم فى فى ويل جهنم يا منجطين تفو عليكم ......................................ززززززززززززززززززززززززززززززززززززززززززززززززززز

[معاويـــــــــــــــــــــــــــــــة]

#1244331 [AburishA]
2.50/5 (2 صوت)

04-10-2015 11:06 PM
كلام انتخابات لا بودّي لا بجيب....

[AburishA]

ردود على AburishA
[مجموعة الاحباء] 04-11-2015 02:43 PM
ياسلام عليك كلام فى الصميم ومختصر ومفيد
وهذا ان دل على شىء انما يدل على حنكتك وخبرتك وباعك الطويل فى دروب السياسة وتزين وتلوين ريشتك البتضعها فى الفيون
ثورة ثورة حتى النصر


#1244313 [التلب]
1.50/5 (2 صوت)

04-10-2015 10:35 PM
ياسيد الدقير ارجو ان تكون على علم انت وبقية الكمبارس ﻻتملكون الضمانات حتى تمنحونها !!
شوف شغلك كان عندك شغل ومعك بقية الكمبارس !!

[التلب]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة