الأخبار
أخبار إقليمية
فاطمة عبد المحمود تختتم حملاتها الانتخابية بحي مايو بالخرطوم
فاطمة عبد المحمود تختتم حملاتها الانتخابية بحي مايو بالخرطوم
 فاطمة عبد المحمود تختتم حملاتها الانتخابية بحي مايو بالخرطوم


في طريقها لاكتساح البشير
04-11-2015 09:28 PM
الخرطوم (سونا) - اختتم حزب الاتحاد الاشتراكي الديمقراطي حملاته الانتخابية لتدشين الحملة الانتخابية لترشيح البروفيسور فاطمة عبد المحمود لرئاسة الجمهورية مساء اليوم بحي مايو بالخرطوم .
وأكدت فاطمة عبد المحمود خلال مخاطبتها لجماهير الحزب بان برنامجها يهدف إلي إعلاء وضع المرأة والارتقاء بها في شتى المجالات والاهتمام بتعليمها .
وامتدحت صمود ودعم مواطني الحزب بحي مايو مؤكدة بأنها ستسعي في حال فوزها للنهوض بالمجتمع في شتي المجالات والعمل على تحقيق المساواة بين كافة قطاعاته والاهتمام بالمواطنين.
وأكدت فاطمة ان برنامجها يرتكز على تحقيق السلام وحل قضايا الحركات المسلحة في دارفور وكردفان والنيل الأزرق ، مؤكدة بان ذلك لا يتم إلا بعلاقات خارجية ثابتة مع الدول الكبرى والمتقدمة اقتصاديا وتكنولوجيا، ومع دول مجلس التعاون الخليجي، وعبر هذه العلاقات يمكن إيجاد الحل الاقتصادي والسياسي والاجتماعي.


تعليقات 24 | إهداء 0 | زيارات 3812

التعليقات
#1245629 [hamid]
0.00/5 (0 صوت)

04-13-2015 07:52 AM
بخت ناس الكاملين كان زمان أيام الشباب الأن ناس الكاملين ما عايزين يشوفو أي حاجة

[hamid]

#1245545 [adil a omer]
0.00/5 (0 صوت)

04-13-2015 01:51 AM
يللا يا اخوانا ساعدونا ولعوا الحفره وسخنوا الدلوكه وشدوا الصناديق

[adil a omer]

#1245433 [على]
0.00/5 (0 صوت)

04-12-2015 08:19 PM
كومبارس يعنى شنو الفرق يالطيرتى الحمامة قبل الرئيس ومعروفة انتى بانتهازيتك وعدم المسئولية منذ ان كنتى طالبة فى موسكو ولاتنسوا حلايب سودانية للغافلين عن قضايا الوطن

[على]

#1245269 [Froed]
0.00/5 (0 صوت)

04-12-2015 02:43 PM
Dementia and politics tow bad combinations

[Froed]

#1245260 [سام بخت]
0.00/5 (0 صوت)

04-12-2015 02:24 PM
كفى بالموت واعظا يا ايتها المايوية الانتهازية وبدلا من هذا خير لك التزام المنزل تمهيدا للضريح

[سام بخت]

#1245257 [ابومحمد]
0.00/5 (0 صوت)

04-12-2015 02:19 PM
العلاقات بالدول خاصة المقتدرة ماليا وتكنولوجيا امر مطلوب ولكن ليس العامل الرئيسي للنهوض بالسودان وكان المفروض ان ترفعي شعار العمل والاخلاص واستغلال الموارد الطبيعية والاقتصادية امثل استغلال للتهوض بالاقتصاد والدولة

[ابومحمد]

#1245202 [باب المندب]
0.00/5 (0 صوت)

04-12-2015 12:45 PM
اتذكر قولة ابيل الير الشهيرة :
فاطنة ده مسافر طوالى رجل فى الخرطوم ورجل فى مدنى
ورد زين الشباب الأشهر :
فى الحلة دى حظ ناس الكاملين ههههههههههههههههههههههههههههههههههههههههههههههههههه

[باب المندب]

#1245116 [حاج نور]
0.00/5 (0 صوت)

04-12-2015 11:07 AM
نتمني من الله رجل يتقي الله ف الشعب واعلم جيدا ان قوات الشرطه اصدروا لها تعليمات اى شخص لازم يرشح البشير بالتعليمات

[حاج نور]

#1245115 [جنو منو]
0.00/5 (0 صوت)

04-12-2015 11:06 AM
غايتو ياحاجة فاطمة محنتينا جنس محنة .. كمان مشيتا طقيتها لمايو .. ده طبعا بذكرك بثورة مايو
الخالدة الظافرة ابدا باذن الله .. على الاقل.. انما الذكرى تنفع المؤمنين..

[جنو منو]

#1245109 [خفاش]
0.00/5 (0 صوت)

04-12-2015 10:56 AM
الصمغ في الشجر الكبار

[خفاش]

#1245091 [كلام في كلم]
5.00/5 (1 صوت)

04-12-2015 10:32 AM
سبحان الله الله المرا دا مابسمع عنها الا في ايام انتخابات البشير كل مره

يارب دافعين ليها كم ؟

[كلام في كلم]

#1245069 [الحجاج]
0.00/5 (0 صوت)

04-12-2015 10:03 AM
الشعب السوداني يريد وجوها جديدة للحكم المرتجى ، على شعبي الفضل عليكم ان تختاروا اي شخصية متعلمة فقط آن لان تكون قد حكمت السودان من قبل ليه ما نجرب شخص لم يحكم من قبل ؟


كفاية ازلام مايو وازلام البشير ، عايزين وجوه جديدة ياناس .

وانت يا اختنا فاطمة المجرب لا يجرب وقد بلغت من العمر عتيا وشكلك بقول انك تعبانة وليس في العمر بقية من خلال صورتك ولكن الاعمار بيد الله ، لكن الطبيب بيعرف لانه طبيب متى يموت الانسان وذلك ليس تدخلا في ارادة الله لكنه يدري حالة الانسان الذي قرب اجله من خلال المعطيات الطبية له وهي تقول انك لست على ما يرام عليك بالصلاة والذكر فقط وكفاية تجربة حكم السودان .

خلونا نشوف وجوها لم يرها السودانيون من ذي قبل. هيا نجرب هيا نجرب شخص جديد رئيس جديد يا شعبي الفضل .

[الحجاج]

#1245068 [مالك الحزين]
0.00/5 (0 صوت)

04-12-2015 10:03 AM
والله ياحبوبه فامه الحراميه ديل ولابتقدرى عليهم ولاحاجه , البلد بقت كلها نصابين وسماسره ,,وناس الانغاذ غيروا أخلاق الناس ,, أخوك في البيت لو لقى طريقه يسرقك عديل
غايتو الله يعينك

[مالك الحزين]

#1245054 [على حمد ابراهيم]
5.00/5 (1 صوت)

04-12-2015 09:50 AM
لا حول ولا قوة إلا بالله . هذا زمانك يا مهازل فامرحى .
اللهم انا لا نسألك رد قضائك فى السودان وفى شعب السودان ولكننا نسألك اللطف فيه . آخر اعمارنا عدنا القهقرى الى زمن الاتحاد الاشتراكى . انا معذور لأننى صديق لحبيبى السفير الحاردلو اشعر بخمة نفس كلما ارى هذه المرأة القديمة جدا . ولا اغفر لها ما فعلته فى الحاردلو ، ذلك الشئ الذى يعرفه السفراء زملاء الحاردلو - الحاردلو وكيل وزارة عندك = يجمع اوراقه ويترك العمل معك ! يحمل نفسه ويغادر الى نيويورك منقولا ولكنك تعيدينه الى السودان فى ظرف ساعات ! لقد كنت جبارة بحق . رحل الحاردلو عن الفانية وسوف نرحل جميعا ولكن ىتبقى المظالم التى عملناها ضد الآخرين . الحاردلو الضحاك البسام الشاعر المرهف كان يستحق التقدير ولا يستحق الاساءة . زملاء الحاردلو لن يغفروا لك . والحاردلو سيقاضيك امام الحكم الاعدل . هل تعرفين هذا يا فخامة رئيسة جمهورية الوهم !

بعدين قالوا الكبر حسنات انتى لسع هايمة مع الشمولية باللفة ، تسخنى ليهم المناقد والنيران باللفة . ولا قايلة قنابيرنا ما زالت طويلة

[على حمد ابراهيم]

#1245039 [السوداني]
5.00/5 (1 صوت)

04-12-2015 09:31 AM
عليك الله بلا تكتسح البشير بلا كلام فاضي إمراه وكمان دايره تحكم السودان ...هو الرجال قادرين علي السودان ده لمن تمسكوا مره

[السوداني]

ردود على السوداني
[علموني] 04-12-2015 10:37 AM
يا المسمي نفسك السوداني ,هي الحكاية بالعقل والحكمة والعلم ولا بالعضلات.. يا ناس بطلوا إهانة للنساء ..المرأة هي نصف المجتمع.مافي مجتمع سيتقدم وهو يزل ويحتقر النساء.


#1244988 [الكردفاني العدييييييييييييييييييييييييييييييييييييييل]
0.00/5 (0 صوت)

04-12-2015 08:43 AM
مبروووووووووووووك ..... الفوز ... مقدما .... كان عندكم 16 سنة ..... كم تريدون الان ..... لاصلاح الحال المايل ..... (( ناس ...... ابوكم ........ مين ........ )) كم ... دفعوا لكم ... لتجميل .... ركب الرقاص ............

ما اكثر صور ...... الاستعلاء ... والادعاء ..... الفارغ ..... ماعارفين ..... من اين يأتينا البلاء .... من الكاكي .... ام الطائفية .... ام من السدنة..... ام الارجاس .....

ان المؤكد.... الذي لا خلاف عليه .....ان العسكر في بلادنا ....اصبحوا مطية لليسار .... واليمين....

[الكردفاني العدييييييييييييييييييييييييييييييييييييييل]

#1244977 [مدحت عروة]
0.00/5 (0 صوت)

04-12-2015 08:38 AM
يا بروفسير فاطمة عبد المحمود العلاقات مع الدول الكبرى والمتطورة تكنولوجيا ومع دول الخليج مرغوبة ومطلوبة حتى نستطيع ان ننهض بوطننا العزيز فى شتى المجالات لكن الا تتفقى معى ان الحوار الوطنى والوفاق والتراضى على كيف نحكم بلدنا ونتخذ من الديمقراطية والحرية وفصل السلطات وحرية الاعلام فى ظل سيادة القانون والدستور المتراضى عليهما من جميع اهل السودان ولو فى الحد الادنى من الوفاق هو اهم لان الاستقرار السياسى والتراضى والوفاق الوطنى هم البيجيبوا العلاقات الخارجية الحسنة لتطوير بلدنا !!!!
كسرة: بدون حل المشكلة السياسية والحروب الخ الخ الكلام عن تنمية وعلاقات خارجية حسنة وانتخابات الخ الخ يبقى حرث فى البحر وما بيحل المشكلة السودانية الحل يبدأ من الداخل وليس من الخارج لان اى دولة ما بتساعد دولة مضطربة سياسيا وامنيا يا بروفسيرة يعنى باختصار الاولوية لحكومة قومية محايدة تشرف على وقف اطلاق النار ومؤتمر قومى دستورى لكيف يحكم السودان وهذا الكلام كان حاصل قبل انقلاب الحركة الاسلاموية فى 30 يونيو 1989 !!!!

[مدحت عروة]

#1244966 [باكاش]
0.00/5 (0 صوت)

04-12-2015 08:28 AM
يا حبوبة حتشبسوت ...ما بقولوا الدول الكبرى والمتقدمة.
بقولوا المجتمع الدولى يا حبوبة..
you need update granma.

[باكاش]

#1244925 [القرضة]
0.00/5 (0 صوت)

04-12-2015 07:51 AM
هل نسيتي آخر خطاب لنميري ايتها السادنة (البياكل ثلاثة وجبات ياكل وجبتين و البيكل اتنين ياكل واحدة ... اركبو عجلات .. مرتي مرة نجار )

[القرضة]

#1244879 [abuleila]
0.00/5 (0 صوت)

04-12-2015 04:51 AM
غايتو جنس محن.......يا فاطنة ما كفاكى ياخ....الشيوعيين بعتوكى فى بعثة لجامعة الصداقة بموسكو عام 1960....قبل 55سنة هسع عمرك كم....حقو تعطى الشباب فرصة ياخ

[abuleila]

#1244847 [ابو عابد]
5.00/5 (3 صوت)

04-12-2015 01:30 AM
يا حجة فاطمة أعقلى !!!بعد كدا إنتى المفروض حجة وتوبة وحسن الخاتمة ، أحسن ليك من المسرحيه الإنقاذية مع الحرامية ... اه اه يا وطـن ما ليك وجيـــــع ....

[ابو عابد]

#1244832 [ود عمّك]
5.00/5 (2 صوت)

04-12-2015 12:39 AM
و إنما كومبارس رخيص ... أما آن لهذه الحيزبون أن تترجل ... لقد أنفقت عمرها في تسويق الدكتاتوريات و حرق البخور لها ... ولم تتأنّي في جعل سوء خاتمتها إنقاذية ... عليها لعنة شعب كامل .. بمثلما عاني!

[ود عمّك]

#1244820 [حمد]
5.00/5 (2 صوت)

04-12-2015 12:00 AM
يا حبوبة انت لسا ما تبتي
من ايام نميريما فضل ليك كتير
و لسا عمايلك ياها زاتا
اختكم فاطمة بنت عبد المحمود
توبي عليك اله و استغفري

[حمد]

#1244796 [ابولاكومة]
4.00/5 (3 صوت)

04-11-2015 10:34 PM
الصياح في الفلاة

[ابولاكومة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة