الأخبار
أخبار إقليمية
بالصور: جانب من نبض السودانيين في مواقع التواصل الاجتماعي، وتطبيقات الجوال
بالصور: جانب من نبض السودانيين في مواقع التواصل الاجتماعي، وتطبيقات الجوال
بالصور: جانب من نبض السودانيين في مواقع التواصل الاجتماعي، وتطبيقات الجوال


04-13-2015 04:31 PM
يبدو أن انتخابات البشير تماثل تماماً عمر السلطة، التي دون شك دخلت مرحلة الشيخوخة والخمول .. فالأقبال الجماهيري ضعيف جداً.. وهو ما أكدته الصور التي تداولها النشطاء الإعلاميين في شبكات التواصل الاجتماعي وفي تطبيقات الهاتف كالواتس آب.

سجالات كثيرة، اطلعت عليها الراكوبة من خلال محرريها ومراسليها.. فإليكم جانب من هذه الحوارات:

image

image
- بورتسودان المراكز خالية

- كمال عمر لاسكاي نيوز يقر بضعف المشاركة في الانتخابات ويقول لا خيار الا الثورة الشعبية

- عاجل جهاز الامن يبعث برسائل للصحف بسبب ضعف المشاركة في الانتخابات
السيد رئيس تحرير صحيفة ......
السلام عليكم ورحمة الله
نرجو ان نلفت انتباهكم للأتي
اولا . عدم نشر اي مانشيت او صور سالبة عن الانتخابات او ضعف الاقبال عليها
ثانيا .

التركيز الايجابي وابرازه طوال ايام الاقتراع

- دا توجيه اليوم من الامن للصحف

- في قريه مبروكه في الجزيره افادتنا احدى موظفات المفوضية: "حتى الساعه واحده ما جا زول حايم"!! وحتى قالت فطور ما جابوه ليهم، مافي غير ينوموا

- حتى اللحظه لم تصل صناديق الاقتراع ومستندات اللجان الانتخابيه في كل المراكز بمحليه ام برو في شمال دارفور.

- انباء عن تعرض كادوقلي لإطلاق صاروخ كاتوشيا في منطقة الدلنج من يؤكد الخبر!

- المراكز خالية من المرشحين ...الكلام ده في الدروشاب بحري شمال

- أكد لي منذ قليل أحد الكيزان (ويسكن أحد أحياء الخرطوم الراقية) بأن هنالك أقبال شديد على الانتخابات في مركز الأقتراع المجاور لمنزلهم، فطلبت منه أن يصور المركز للتأكيد، فوافق...
وجاء بعد قليل ليقول لي: - أنا ما مصوِّر ياخي..
بعدين بتشوف كل شيء في التلفزيون.

image
- ده مركز فداسي الانتخابي

image
- بعض المراكز تبدو شديدة الزحام بسبب كثافة الاقبال

image
- خلو بالكم

فايز السليك في صفحته بفيسبوك كتب:
قصة حقيقية، لما قريبي صوت باسمي.
أحد أقاربي جاني يضحك شديد، كـأنه طالع من مسرح كوميدي
، قال لي
- يا استاذ أنا صوت ليك.
صوت لي أنا؟
- أيوة.
- وين؟ ومتين؟
- في الحلة ياخي، أم مرحي، أنا صوت باسمك. دخلت مرتين، مرة باسمي ومرة باسمك.
لم أغضب من قريبي، بل ضحكت لأن الحكاية كلها مسرحية فوق مسرح العبث، وهذه قصة حقيقية حدثت لي، في انتخابات 1996، كنت وقتها في الخرطوم. ودي أول مرة يكون فيها صوتي دخل في صندوق اقتراع، وهسة ياربي صوتي ح يعمل شنو؟


image
صفحة حمد ابوادريس بالفيس
بحري الشعبية شمال و جنوب
وصف مراسل فضائية السودان ما يحدث خلفه في مركز الانتخابات بأنه (تدافع)، وهو ما أكدته صورة السيدة المندفعة نحو صناديق الانتخاب.

وكان الطيب المرضي مراسل قناة الجزيرة قد وصف الأقبال على صناديق الانتخاب بأنه ضعيف جداً، حيث ظل واقفاً دون أن يرى مقترعاً، لمدة ساعة أمام مركز مهم يفترض أن يصوّت فيه 4000 مواطن.

image
- بعد دقيقتين قال اﻻقبال متوسط و لما اعاد المذيع سؤاله عن حجم اﻻقبال قال له اﻻقبال كبير. ..
قبيل كنت مصدق المراسل محمد الزبير...و لكن لما اخفى الصف الذى كان وراءه عرفت اللعبة بتاعت الكيزان .

image
حمة شديدة خلاص .. ههههههههه
اوﻻد ال(لذينا) يا الكيزان تاني تجوا الحفلة

image
الكراسي ستقترع و تختار القوي اﻻمين المواطن البشير

image
الزولة فضيحة قالت الناس بصوتوا و بمشوا عشان كدي مافي ناس
مركز ودالياس محلية شيكان

image
الزول ده قال هو مندوب المفوضية متضايق ان محلية شيكان مشاركتها ضعيفة و معظم الناخبين من النسوان

image
الزول الكضاب ده قال النأس صوتوا و مشوا
مركز ودالياس باﻻبيض

صفحة سيد الطيب بفيسبوك
image
- بدل النومة دي يا عمك كان قمت اديت الصندوق دا خجة خجتين ما احسن .

image
- ارزقية الانتخابات: بعد شوية حا يكوركو علينا جاي علينا جاي

image
- النومة دي بتريحو شوية

image
دي محطة الوطن الكبير
ناس عطبرة ما حانقول ليكم مشيتو وين لكن بنسأل من ناس المركز دا مشو وين ؟
وين شرطة حماية المركز الانتخابي ؟
وين مناديب مفوضية الانتخابات ؟
وين الصناديق وين الناس ؟
اجازة سعيدة ياعطبرة
السيد مختار الاصم رئيس مفوضية انتخابات الخج والرقص والهز ناس المركز ديل اتخارجوا بدري وبقدرة قادر صناديق عطبرة حتوصلك مليانة ومخجوجة ابشر

image
الفتيحاب الشقلة مركز الانتخابات مسجد الشيخ ثابت
الكيزان بندهوا على ناس الحلة بي مكرفون الجامع ، زول عبرهم مافي
المتوقع : يتم تصوير القادمين لاداء صلاة الظهر ، العصر ، المغرب ، العشاء على انهم قادمين للمشاركة في الانتخابات .
ياريت يا ناس الشقلة اليوم دا بالذات تمشوا تصلوا في اي مسجد تاني ونخلي ليهم المسجد العملوه مركز اقتراع ده .
ـــــــــــــــ
الشقلة في سبتمبر 2013 قدمت الشهيد بابكر ابشر طالب الثانوي المحبوب المهذب واليوم قدمت درسا قاسيا لرخيصي الثمن.


image
أحمد سليمان - فيسبوك
ﻓﻲ ﺍﻧﺘﺨﺎﺑﺎﺕ ﺣﺰﺏ ﺍﻟﺒﺸﻴﺮ .. ﺍﻟﺼﻮﺭﺓ ﺃﻋﻼﻩ ﺍﻟﺘﻘﻄﺖ ﺍﻟﻴﻮﻡ ﻭﻫﻲ ﻟﻤﺮﻛﺰ ﻣﺪﺭﺳﺔ ﺍﻟﺨﻨﺴﺎﺀﺑﻤﺪﻳﻨﺔ ﺍﻟﻤﺘﻤﺔ ﻭﺍﻟﺴﻤﺎﺳﺮﺓ ﻓﻘﻂ ﻣﻦ ﻳﺤﻴﻄﻮﻥ ﺑﺎﻟﻤﺮﻛﺰ


موفق الصادق - فيسبوك
وتتواصل حملة النوم في انتخابات الخج ههههههههه
نهر النيل .. ابوحمد ..


image
محمد حسن المهدي
سلامات جميعا ...
اين تسهر هذا المساء ..
* يمكنك ان تصحو متأخرا .. لا شئ مهم في الصباح الباكر ..
* ممكن تمشي شغلك عادي لو ما موظف حكومة .. لو قطاع خاص .. او من قطاع الخدمات .. !
* ممكن تقعد في البيت .. وتشوف كرتونة تكتب فيها ..مقاطعون ولاداعي للاحراج ..وتعلقها في باب البيت .. اظرف من الورقة المطبوعة ..!
* لو حبيت تفرّق شوية من قعدة البيت .. ممكن تمشي علي اقرب مركز تصويت .. بالله صورة واضحة كدا ..يكون ظاهر فيها اسم المركز ...وممكن تتونس مع العساكر الحارسين بره ديل ..بكونو زهجانين .. وارفع لينا التسجيل ..صوت وصورة ..!
*ممكن تحوم في الشوارع .. و تصوّر ... كل المدن السودانية هادئة اليوم .. وكسلي ومتثائبة ... صورة صورتين من حتتك الانت فيها ما بطالة ..!
* ممكن تقعد قدام التلفزيون .. بس كلو حوثيين وقصف وبتاع ..اخير اللمّة ..
*تاني الزول ممكن يعمل شنو في اليوم دا ..?!


محمد أحمد - فيسبوك
طيب ..
أول أمس .. أعتمدوا (سونا للأنباء) المصدر الوحيد لمتابعة أخبار الأنتخابات ..
وتم تنوير كل وكالات الأنباء الأجنبية بالكلام ده في منبر سونا ..
وردني قبل قليل .. أنه في مشاورات تحت تحت .. أنهم يغتسو حجر الأنترنت .. بطريقه فنيه .. إن ما قطع تام .. على أقل تقدير يتقل أكتر مما هو تقيل .. للحد من أنتشار صور وأخبار المقاطعة ومراكز التصويت الخالية ..
عليه ..
السادة / رباطة الجهاز .. ناس المعلوماتية وغيرهم ..
السادة / الهيئة القومية للأتصالات ..
السادة / شركات الأتصالات ..
السادة / وزارة الأعلام ..
السادة / سونا للأنباء ..
السادة أي زول عندو علاقه بالمؤامرة دي ..
كدي ختو يدكم في الأنترنت ده ولو 10 دقائق ..
تقنعو طوااااالي من موقع (سونا للأنباء) ..
موش هو المصدر الوحيد للأخبار .. بلحقو ليكم أمات طه ..
والحشاش يملا شبكتو ..

عبدالغني كرم الله - فيسبوك

نكتة، شئ يحزن أعماق، أعماق القلب، أموال تهدر، أكاذيب ترددها الصحف والاذاعات، أغاني وطنية، شئ لا يصدق، هذه التزوير والكذب الصراح، ما يسمى انتخابات، وحرة، ونزيهة، يكاد القلب ينفطر من نسيم تلوث بالكذب وأثير يكاد يتسمم، رفقنا بنا، إن الله لا لن يترك هذا الكذب، هذا التلفيق الوطني، هل وصل بنا الحال، بعد 25 عاما، أن نصنع قبة مثل السماء، منسوجة من التضليل، والصلف، ونغطي بها وجه الوطن، ونحجب عنه شمس الفكر والحرية والخلق..

image
محمد خليفة - فيسبوك
اخخخخخخخخخخخخخخخخخ ...لو مافي زول جاك يصوت

image
يوسف حسين
صورة تلخص انتخابات الخج النسخة الثانىة 2015 :حملة انتخابية كرست لها ميزانية مفتوحة و الصحف وائمة الجوامع والتلفزيون وكل المرتزقة من نظار وشيوخ ومثقفين ..قادها البشير بنفسه نثر الوعود بالمياه والكهرباء والمستشفيات والرخاء ووصل به الامر الامر ان وعد الناس بالجنة فى القضارف ...هاهم اليوم يتسولون المارة للتصويت ...رد المواطنين للمشير انت وحزبك والاصم بتاعكم ال 11 مليون بطاقة الطبعتوها موصوها وقرطعوا مويتها _


image
صفحة يوميات البشير - فيسبوك


image
صفحة سودانيون غاضبون على قناة الجزيرة الأخبارية
الجزيرة الإخبارية تعترف
إقبال ضعيف باقتراع السودان والمعارضة تصعد دعوتها للمقاطعة
مركز انتخابي في الخرطوم لا يوجد فيه إلا الموظفون والعاملون فيه (الجزيرة نت)


تعليقات 12 | إهداء 0 | زيارات 15465

التعليقات
#1246638 [مجا هد]
0.00/5 (0 صوت)

04-14-2015 12:45 PM
الان لو المعارضة دى اتكاتفت وقالت بسم اللة ما كانت فا زت على العجل دة صدقونى انتم

المخلين العواليق ديل يا كلوا فى لحمنا ربنا ما يوفقكم0

[مجا هد]

#1246559 [بنت الناظر]
0.00/5 (0 صوت)

04-14-2015 11:02 AM
هل تصدقوا إنه فى ناس ماعارفين وين مكتب الإقتراع فى الحى الساكنين فيه حتى سواقين التاكسى والرقشات ماعارفين اماكن المراكز ...
الله الله على الشعب السودان فى الداخل الصابر على بلاويهم لقد لقنهم درسا لن ينسوهوا .. ولو جوهم جماعة الشتات ونحنا منهم لكانت صفعة الحسم التى ستطير منهم سكرة عاصفة الحزم والوديعة السعوديةالتى يحلم الكلاتا كيف يتقسمونها فيما بينهم بعد أن ينفض مولدالإنتخابات المهزلة ..

بالله فى بؤس أكثر من منظر مراكز الإقتراع الكئيبة ؟؟ وهذا وحده دليل لكل من لديه عقل من المراقبين أن يرى وجه الإنقاذ القبيح الحقيقى من خلال كآبة المراكز و منظر بؤس العاملين فيها لماذا يصوت الناس إذن ؟؟هل لمزيد من البؤس والضنك ؟؟...لك الله ياوطن ...

[بنت الناظر]

#1246465 [ود الفنكوك]
0.00/5 (0 صوت)

04-14-2015 09:42 AM
إنهم يفوقون سوء العريض

[ود الفنكوك]

#1246456 [habbani]
0.00/5 (0 صوت)

04-14-2015 09:24 AM
وين صفوف الملائكة يا علماء السودان ول الملائكة بحاربوا مع المجاهدين فى جنوب كردفان ..

[habbani]

#1246336 [nice_lunch]
5.00/5 (2 صوت)

04-14-2015 07:14 AM
والان في تصويت عبر موقع البالتوك الاجتماعي هناك سودانيين انتخبو انفسهم روئساء على النت هههه اعتقد ان جزء(لو لا الاغلبيه) من الشعب السوداني وصل مرحلة مابعد الجنون ...الله يكون في العون فقد جنن البشيرالمجانين زاتو

[nice_lunch]

#1246189 [المتغرب الأبدي]
5.00/5 (4 صوت)

04-13-2015 10:27 PM
وين العشرة مليون كوز وكوزة يا ربيع عبد العاطي ؟؟

[المتغرب الأبدي]

#1246143 [Rebel]
5.00/5 (6 صوت)

04-13-2015 08:35 PM
* طيييب!..عرفنا حملة "ارحل"!!..
*و طبعا عارفين انه "احزاب المعارضه" اعلنت مقاطعتها للإنتخابات قبل إنعقادها بفتره طويله!!..
* و متأكدين جدا ان الشعب السودانى "قرفان" و "زهجان" و "كرهان" الأخونجيه اللصوص الدجالين, دنيا و آخره!!..

++ السؤال البديهى: وين ال 10 مليون ناخب الذين يمثلون عضوية "المؤتمر الوطنى", و التى صرح بها ناس غندور و ناس مصطفى بتاع الأسنان!!..الملايين دى مش "قابضه و لاغفه و ناهبه" يا ناس!!..
++ على الطلاق يا غندور الثوره جايه..و على الطلاق المره الجايه مش " حا تجرى حفيان"!!..المره الجايه حا تخلى (لبا...)!!

[Rebel]

#1246103 [عصمتووف]
5.00/5 (4 صوت)

04-13-2015 07:23 PM
قلل الأمين العام لمجلس الأحزاب الأفريقية القيادى بالمؤتمر الوطني د. نافع على نافع من أهمية عدم إعتراف الإتحاد الأوربي بالإنتخابات ، وقال : ( مقاطتهم تزيد الإنتخابات عزة وقيمة ، والذين يتبعون إلى هؤلاء فنحن لا نأبه برأيهم )

-* اين العزة والقيمة واضيف ليك المجد والخلود ي نافع ي دووووب ح تعرفوا حجمكم الطبيعي ف ال3 ايام المقبلة هو عدم اعتراف بكم وب شريعتكم وب بشيركم الملهم

حنقدم في وش الريح ونتقدم
ونهدم سد ونرفع سد
سجـّل والقسم مكتوب
بحد السيف وخط اليد
باسم الوقفوا قالوا الجد
وهدوا كتف عدوهم هد

[عصمتووف]

#1246086 [محمد احمد تربيع]
5.00/5 (4 صوت)

04-13-2015 06:47 PM
كل المؤشرات تنبئ بان الهدوء يسبق العاصفة

هذه اقوي ضربة للكيزان حقو تخجلو من نفسكم

انتخابات تاني تاني بي اسم الله كضبة

الغضب جوانة فاير حتي اللهيب

مجرد شروط للثورة وتكتمل الرؤية

[محمد احمد تربيع]

#1246082 [AburishA]
5.00/5 (2 صوت)

04-13-2015 06:46 PM
اتصلت على احد المعارف وهو مرشح في دائرة..واستفسرته عن صحة خلو المراكز من الناخبين.. فقال لي بنبرة تكسوها الاسى..صاح الاقبال كان ضعيف جداً لا يتعدى 3%..مبررا ذلك بان الحكومة أخطأت وأدت الناس اجازة..والناس قعدت في بيوتها !! واضاف لكن بكره بجوا... فقلت له مواسيا الله يحيينا لبكرة وأضفت:المفروض الحكومة تودي لكل ناس وزارة ومصلحة صناديق في أماكن عملهم..بدل الجرجرة.. فقال لي:المفروض كده..

[AburishA]

#1246047 [جركان فاضى]
5.00/5 (2 صوت)

04-13-2015 05:53 PM
انا شايف احسن طريقة كل واحد يصوت يدوه انبوبة غاز....كدا والله الصفوف تشتغل صاح

[جركان فاضى]

#1246046 [ابو محمد]
3.00/5 (2 صوت)

04-13-2015 05:48 PM
نظرت الى الصورة فلفت نظري عدد 234000 اجمالي الاصوات التي حصل عليها تشارلز كينج في ليبريا حيث ان المسجلين والذين لهم حق التصويت 15000 !! وهذا ما سيفعله الكيزان جيث سيتم الانتخابمنوواقع سجلات سنة 2010م !! ولم نسمع بلجان تسجيل للانتخابات في المهجر !! الا ان تكون كروت الدعوة كانت خاصة بالحبايب !! وهذا سيعطى الجماعةالارهابية الاستعمارية التزوير على راحتهم !! انابة عن عدد المواطنين المسجلين لدى سفاراتها !! ولا يهم موقع مدينة العمل والسكن المهم الحصول على الاسم وتزوير التوقيع والانتخاب بالغيب حتى تكون النتيجة 75% وهي نسبة كافية للفوز وكافية لاقناع المجتمع الدولي ان الشعب السوداني راضي عنهم كما هم راضون عنه !! وان هناك نسبة 25% من الاصوات توزعت بين ارجل ام اربعة واربعني !! والواضح ما فاضح والبيرقص ما بيغطي دقنه !!

[ابو محمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة