الأخبار
أخبار إقليمية
ضبط مصنعاً لصناعة الحبوب المُنشطة ينتج خمسة ألف حبة فى الساعة - شاهد الصور
ضبط مصنعاً لصناعة الحبوب المُنشطة ينتج خمسة ألف حبة فى الساعة - شاهد الصور
ضبط مصنعاً لصناعة الحبوب المُنشطة ينتج خمسة ألف حبة فى الساعة - شاهد الصور


يُديره فلسطينى وبلغارى وسورى
04-14-2015 11:11 PM
الراكوبة - الخرطوم ضبطت ادارة مكافحة المخدرات مصنعا متكاملا لصناعة الحبوب المنشطة المحرمة دوليا، باحدى المزارع بمنطقة "اﻻدية" بمحلية جبل اولياء.

وقالت مصادر مقربة من الشرطة، إن المصنع ينتج اكثر من خمسة الف حبة فى الساعة تقريبا، وهو ما يعني ان المصنع يعتبر من اكبر المصانع المنتجة للحبوب المحرمة دوليا.

لكن مراقبون تخوفوا من ان يتم تسوية الملف كما حدث في قضية حاويات المخدرات الشهيرة، التي طويت دون توقيع اي تهم او عقوبات على المتورطين في الفضيحة.

واكدت المصادر ان السلطات ألقت القبض على ثلاثة المتهمين "فلسطينى وبلغارى وسورى"، واشارت الى ان هذه الحبوب من اخطر ما أنتجته عصابات المخدرات الدولية.

ولفتت المصادر الى ان المتهمين يستخدمون مزرعة باحدى قرى محلية جبل اولياء، كما ان لديهم "شقة بشارع الستين"، تُستخدم كمعمل لخلط المواد الكيمائية.

واكدت المصادر ان عملية انتاج الحبوب بواسطة الماكينة "التى تظهر فى الصور" شبيهة بمفرمة (اللحوم) وهى من احدث ماكينات انتاج الحبوب.

image
image
image
image
image
image


تعليقات 32 | إهداء 0 | زيارات 9862

التعليقات
#1247637 [Rebel]
5.00/5 (2 صوت)

04-15-2015 07:01 PM
* سمعت تحت تحت, قالوا الأجانب اعترفوا على شريك سودانى الجنسيه اسمه بكرى!!
* سالوهم!..بكرى "منو"..البلغارى قال: "نهن ما نأرف"!
* طيب بكرى ده شكله كيف؟..قال ليهم: "بكرى ده تويييله!..و اريده!..و إيده كبييير..و جزمه بتاؤا كبير!"
* اها..قال ليك ناس الامن ودوا الحبوب المعمل!..و اثبت المعمل انها ما مخدرات!!..دى حبوب حساسيه!..و واحدات ضد الآلم, يعنى "Pain Killer" ساى!!
* قال ليك غرموهم 1000جنيه لعدم حصولهم على التصديق من وزارة الصحه مسبقا, و وجهوهم إمشوا إطلعوا التصديقات للمصنع من جديد..و إنقلوهوا لحته محترمه شويه!!

[Rebel]

#1247458 [المطلع]
5.00/5 (2 صوت)

04-15-2015 02:29 PM
واكدت المصادر ان السلطات ألقت القبض على ثلاثة المتهمين "فلسطينى وبلغارى وسورى"، واشارت الى ان هذه الحبوب من اخطر ما أنتجته عصابات المخدرات الدولية.


قولوا نعم للبشير لمزيد من التدمير......... امة بلا حس

[المطلع]

ردود على المطلع
[Gehadelectroni] 04-15-2015 05:36 PM
يا جماعة الخير دى حبوب منشطة يعنى فياقرا واخواتها وليس مخدرات
صناعة الحبوب المخدرة مكلفة جدا لسوق مثل السودان الفيهو البنقو والشاش واخواتها


#1247439 [adil a omer]
5.00/5 (4 صوت)

04-15-2015 02:10 PM
والكفيل السودانى منو يا ربى ما عرفتو !!

[adil a omer]

#1247406 [مغبونه]
4.50/5 (3 صوت)

04-15-2015 01:30 PM
انتو ياخوانى رئيس هيئة مكافحة المخدرات هو مش دكتور الجزولى دفع الله؟ قاعد يعمل فى شنو والبلد اتملت مخدرات اوعى يكون مشغول مع الانتخابات بس.

[مغبونه]

ردود على مغبونه
[Rebel] 04-15-2015 06:39 PM
* و الجزولى ده رئيسه منو!! مش بكرى!!..و تيييب!!
* لالالالا..يا بت..إنت "مغبونه" من الجزولى ده ساكت!!..و دايره تضيعيه ساكت!!


#1247393 [COUR]
0.00/5 (0 صوت)

04-15-2015 01:20 PM
الجماعة ديل فى الاصل هم طلاب دراسات عليا بجامعة افريقيا العالمية .والمواد المضبوطة هى نتائج بحوثهم فى الكمياء والصيدلةو البيوكمسترى لقد ظلمتم العلماء بجهلكم ياسودانين . اتركو العلماء يقومون بعملهم وكلة من اجل نهضة الامة السودانية . عاش المشير مات السفاح

[COUR]

#1247347 [bluenile]
5.00/5 (4 صوت)

04-15-2015 12:39 PM
اكيد دخلو مستثمرين والمسؤل عنهم الطفل المعجزه مصطفى عثمان اسماعيل

[bluenile]

#1247338 [المنجلك]
5.00/5 (1 صوت)

04-15-2015 12:31 PM
مؤشرات محزنة الى أن السودان اصبح مركز لتصنيع وترويج المخدرات عالمياً وداخلياً ونحن نعلم جيداَ سهولة شراء المسؤولين وربما لا يخرج هذا الأمر من وجود أيادي حكومية اعتادت على الثراء الحرام بكافة الوسائل وشتي الطرق التي تجعل ابليس نفسه يقر بأنه متواضع أمام هذه الجهنمية وشجرة الانقاذ الشيطانية

[المنجلك]

#1247310 [عباس محمد علي]
5.00/5 (1 صوت)

04-15-2015 12:10 PM
هذه عصابات (أخوانية) لإمداد مليشياتهم الإرهابية المحلية والعالمية بها وإفساد الشباب و جني الأرباح الطائلة من ترويجها داخل وخارج البلاد ، يجب أن تضاف هذه الجريمة لجرائم البشير و عصابته المجرمة لدى المدعي العام في محكمة الجنايات الدولية حتى يناولوا القصاص العادل !!!

[عباس محمد علي]

#1247308 [كوكاب]
5.00/5 (1 صوت)

04-15-2015 12:10 PM
انا والله لو كنت مكان الزول الشايل الكلاش ده كان مليتهم رصاص وخليتم زي النملي والبحصل خلي يحصل اللهم ارنا في عمر البشير وزمرته والاحوان المسلمين وعلى راسهم الترابي لعنة الله عليه اينما حل يوما اسودا لم تريه لاحد يا رب

[كوكاب]

#1247292 [اب جيقة]
5.00/5 (3 صوت)

04-15-2015 11:51 AM
اول شئ اولاد الهرمة ديل خلوهم يتجرعو من الكاس
خليهم يستعملوا مخدراتهم دي
لمن يدمنوا و بعد داك
الجز

لكن بيني و بينكم ديل معاهم ناس كباااااار


الخواجة بيطلع منها بكرة دي
الباقين ديل عرب
افو - اولاد العرب ديل كمان في زول بيقدر عليهم

[اب جيقة]

#1247243 [YAHIAKAMAL]
5.00/5 (2 صوت)

04-15-2015 11:12 AM
مصنع قدر كدى يابكرى كدى النقول ليكم الحقيقة هذا المصنع لم يتم عمله الا بمعرفة كل الجهات المعنية والممول الرئيسى لهذا المصنع من افراد الحكومة ويكفى دليل على الكونترات التى تم قبضها فى ميناء بورتسودان وين القضية هل سمعتم عنها لا والف لا نفس الشىء هذا المصنع للتشهير والقضية منتهية ولا يحاكموا ولا حاتسمعوا عنها هذا الموضوع بعد اليوم كل مافى الامر عايزين ينظفوا نفسهم من كل الشبهات بعد الرحيل حتى لا تكثر فضائهم بس دى كل القضية وكل البيحصل دى مفتعل ومقصود وبكرة تشوفوا

[YAHIAKAMAL]

#1247224 [أبوقرجة]
5.00/5 (2 صوت)

04-15-2015 10:45 AM
فتحوا البلد لكل من هب ودب يدخل السودان حتى بدون تسجيل أو بيانات...

[أبوقرجة]

#1247201 [عثمان]
5.00/5 (5 صوت)

04-15-2015 10:16 AM
لاتحلموا بعالم سعيد ,ولمن يسأل عن دور مكافحة التهريب فليسأل أصحاب المخابز من أين يحصلون على بروميد البوتاسيوم ويسأل المتعاطين من أين لهم بالحشيش أن أزمة هذا الوطن في مسئوليه فلا مؤهل ولاأخلاق .

[عثمان]

#1247197 [جنو منو]
5.00/5 (2 صوت)

04-15-2015 10:11 AM
وماخفى أعظم .. لك الله يابلادى ..!!

[جنو منو]

#1247168 [jas]
5.00/5 (2 صوت)

04-15-2015 09:49 AM
اهل المركز عندهم مشكلة عروبة والفلسطيني ممكن يلعب دور العروبي مع السوري وده موضوع في السودان عادي والبلغاري يفكو السودان لانو خواجة المسالة محسومة بدون منازع ولا مقارع كلام فاضي المنشطات دي ادو لناس البشير وبكري يعني صادرتو الحكومة علي قول المثل

[jas]

#1247165 [صوت من المهجر]
5.00/5 (2 صوت)

04-15-2015 09:48 AM
بس ورونا كيف بيتم استقدام الاجانب للعمل في البلد الهاملة دى؟؟؟؟؟؟؟؟؟؟؟؟؟
وهل هناك ضوابط واجراءات رسمية لاستقدام وعمل الاجانب في بلد العطالة فيها على قفا من يشيل واي مهنة
يشتغلها الاجنبي هم يشتغلوها احسن منه ؟؟؟
والسودانيين خارج بلدهم خبراء وعلماء واطباء وعمال مهرة منتشرين في كل انحاء العالم .......
ليه ما تستقدموهم للعمل في بلدهم معززين مكرمين بدل ( الهبل) اللي بتعملوا فيهو دة ؟؟؟؟؟؟؟؟؟

[صوت من المهجر]

#1247151 [ود اللحوين]
5.00/5 (2 صوت)

04-15-2015 09:36 AM
السوال المهم ؟هل هم جاوا مستثمرين
ولا كيف دخلوا البلد
مين الدليل السهل لهم وقام بتاجير المزرعه

[ود اللحوين]

#1247149 [مالك الحزين]
5.00/5 (5 صوت)

04-15-2015 09:35 AM
في السعوديه ,, لو قبضوك تحمل 5حبات من المخدر ,, تعدم في الحال وبالسيف ,, لان هذا إفساد في الارض ,,, طيب الجماعه ديل عندهم مصنع عديل كده ,, يعنى ده مش إفساد ,, ده تدمير لكل شباب السودان ,, فماذا أنتم فاعلون بهم ؟؟؟ أكيد حيكون هنالك مسؤول نافز له صلة بهذا العمل ,, وسوف تطوى القضيه كما طويت جريمة الحاويات في بورسودان ,, ولاحول ولاقوة الابالله
والله ليس فيكم خيرا لو ما أعدمتموهم وأعدمتم كل من شاركهم حتى لو كان وزيرا ,, وأمام الملا ,, ليكون لكم مصداقيه لتحملكم الامانه وإلا فأرحلوا قاتلكم الله

[مالك الحزين]

#1247125 [محمد]
5.00/5 (7 صوت)

04-15-2015 09:10 AM
ماكينة صغير تشوفي باخرة كبير تنسي :)

[محمد]

#1247117 [الخالدى]
5.00/5 (4 صوت)

04-15-2015 08:59 AM
الاعدام مباشرة عقوبة تعزيرية . وتحزير لغيرة

[الخالدى]

#1247103 [عبدو]
5.00/5 (4 صوت)

04-15-2015 08:44 AM
الاعدام
الاعدام
الاعدام
الاعدام
الاعدام

[عبدو]

#1247102 [ابو السرح]
5.00/5 (3 صوت)

04-15-2015 08:43 AM
السودان في عهد الكيزان اللذين اتو بشعار الاسلام عاش به كارلوس وبن لادن من المجرمين المطلوبون للعدالة الدولية والان صار ماوي للفلسطينيين المشردين والسوريين والمصريين والبنغال من اخطر واجرم البشر علي الارض ومنهم من نال الجنسية وهذه المصيبة الكبري وهذا من بلاويهم واضيف من الشعر بيت(متخصصين في الدعارة واللواط)(تابعوا الشقق المفروشة - تابعوا من يعملون في الكافتريات والمطاعم) وما خفي اعظم...اللهم دمر الكيزان اين ما وجدوا وخلص بلادنا منهم اللهم انزل عجائب قدرتك
والمسئول الاول عمر البشير اللهم عجل به اليوم قبل الغد آآآآميييين.

[ابو السرح]

#1247084 [Locolo]
5.00/5 (2 صوت)

04-15-2015 08:17 AM
بكرى الما صالح ده نسبتو كم فى العملية ؟؟!!

[Locolo]

ردود على Locolo
European Union [الأزهري] 04-15-2015 10:25 PM
بكون جهز ليهم التصديق مقابل تزويده بالعينات - ذواقة يعني


#1247072 [حسبنا اللة ونعم الوكيل]
5.00/5 (2 صوت)

04-15-2015 08:09 AM
وكيف دخلت هذة المواد السامة وبهذة الكميات والماكينات واين شرطة الجمارك وشرطة مكافحة التهريب لابد ان هناك من سهل لهم الدخول للبلد وادخال ماكيناتهم والمواد السامة حسبنا اللة ونعم الوكيل

[حسبنا اللة ونعم الوكيل]

#1247071 [زول]
5.00/5 (2 صوت)

04-15-2015 08:07 AM
عرفنا الانتاج
طيب تصريف وتسويق الانتاج ده بيتم كيف ولمنو وفي البلد والا بره البلد ومن المتعاون معاهم ومنو البيسهل ليهم يدخلو مواد التصنيع ومن وين بيجيوبها ومنو المؤجر ليهم المزرعة اكيد في كم سوداني في الحكومة معاهم

[زول]

ردود على زول
European Union [ود الركابي] 04-16-2015 01:52 AM
تفتكر اذا ماوراهم ضهر قوي . اجانب ممكن يتجرءوا ويعملوا مصنع ضخم زي ده . وكيف دخلت المكائن دي والمواد من الجمارك .. ياصاحبي اكيد وراهم كوز كبير . بلد فوضي ..


#1247066 [زول]
5.00/5 (5 صوت)

04-15-2015 08:05 AM
اكيد حيدفعو قروش ويطلعو يعمل معمل تاني في منطقة تانية
بلد فاكة الاجانب لافين ساي زي ما عايزين وبيعملو قروش باي طريقة
ديل اسجنوهم مع مساجين صقور مسقرطين وخلوهم يعرسوهم ويجيبو منهم اولاد مخلوطين

[زول]

#1247064 [المتجهجه بسبب الانفصال]
5.00/5 (2 صوت)

04-15-2015 08:01 AM
ردي أول أمس على مقال عبدالباري عطوان ما وقع واطة،، ووصفي للشوام بأنهم كارثة وينظرون للغير بانهم أدنى منزلة مهما أدعوا الاحترام:

#1245616 [المتجهجه بسبب الانفصال]
5.00/5 (3 صوت)

04-13-2015 07:37 AM
كل ما قلته عن البشير صحيح بل أكثر وما خفي عنك أعظم،،، ولكن لإحقاق الحق يجب ان تقيم الديكتاتور المستهبل الآخر علي عبدالله صالح الذي لايهمه أن يحرق هو كذلك اليمن عن بكرة أبيه بتسليم السلاح لمليشيا متخلفة لا تعرف النظام أو السياسة،، إذ أنني تابعت لقاءاتك التي استضافتك فيها قنوات موالية لإيران تتناول فيها موضوع اليمن بشكل حانق على السعودية ودول الخليج وربما يرجع ذلك لاعتقادك بأن ايران هي الامل في تحرير بلادك والحوثيون ذراع لها لذا يأتي تعاطفك معهم فحكمت العاطفة على العقل فمثل هذه الجماعات صنعتها الانقاذ كذلك عندنا ليوم كريهة بل هم من قتلوا شباب سبتمبر وعددهم مئتان ونيف ،،، لا أعتقد أن الكاتب المحترم كان سيكتب هذا المقال لو أن البشير لم يفك الارتباط مع ايران ويشارك في عاصفة الحزم،، فالمتابع جيدا لعبدالباري عطوان يجده يكره السعودية تلميحاً في تحليلاته وكأنه يلومها من طرف خفي على عدم تسيير جيوشها لتحرير فلسطين ،،، بل حتى مصر التي خاضت حربين بجيشها لا تسلم أحياناً كثيرة من سهام حقده،،، وفي الحقيقة الكل يساوم بالقضية الفلسطينة والكل بسببها يتهم الاخر بالخيانة والعمالة لاسرائيل حتى الفصائل الفلسطينية مع بعضها البعض،، أعتقد أن دول الخليج وجدت نفسهقد أضاعت مالا وزمنا كثيرين في موضوع القضية الفلسطينية ولبنان،، فالشوام هؤلاء منذ موقعة صفين والجمل والحروب المتوالية لا يعرفون العرفان ويعتقدون أنهم صفوة المنطقة العرقية وهي نفس الحالة التي تنظر بهم اليها اسرائيل وإيران فالاولى شعب الله المختار والثانية سلالة الجنس الآري ،،، ولكن متى تدرك دول الخليج أن شمال افريقيا وافريقيا جنوب الصحراء هي الشعوب التي تحفظ العرفان فتتجه لدعمها بدلا من دول الشام هذه ،، أنظر الى القنوات التلفزيونية اللبنانية كيف انها نسيت الدعم السنوي بالمليارات الذي تقدمه لهم دول الخليج وعلى رأسها المملكة العربية السعودية وكل مشاريع اعادة البناء التي تقوم بها السعودية ودول الخليج كلما دخلوا في حرب او مشكلة،، الشام معروف هو رأس الفتنة في المنطقة منذ زمن بعيد ،،، هذه منطقة ميئوس منها ومليئة بالاستهبال السياسي منذ العهد الاموي والعباسي والبشير وحركته استوردوا هذا الاستهبال من تالتاريخ السياسي لهذه المناطق يحسبونه حكما اسلاميا في حين المفروض العكس،، لو قال سوداني لعبدالباري عطوان أن أحد ملوك النوبة حرر فلسطين من الاشوريين في التاريخ الغابر الا ترى أن عبدالباري سيضحك حتى يستلقي على قفاه،،

السودان هذا المستضعف الذي اصبح مسخرة بسبب الفكر الاسلاموي الوافد من منابع النفاق والشقاق سيعود الى تاريخه الصحيح ويبني نفسه بنفسه بعد زوال هذه الطغمة بالارتكاز على ارث انساني قديم كان متقدما لدرجة أن من يسئ معاملة حصان في دولة أخرى يؤدب وتسير له الجيوش فما بالك باحترام الانسان وقتذاك ،، هذا الارث البعانخي كان الاسمى لو بنى عليه السودانيون تسيير الحياة المدنية ،، والنسى قديمو تاه وجاء أمثال عبدالباري واللبنانيين الناكرين للجميل وتطاولوا عليه،،،

[المتجهجه بسبب الانفصال]

#1247051 [دوشكا]
5.00/5 (2 صوت)

04-15-2015 07:48 AM
لاحول ولاقوة إلا بالله مصنع مخدرات وكمان اجانب هذا في غاية المهزله وبصراحة البلد بقت بوابة للاجانب كل من هبه ودبة يجي يعمل ذي ماهو داير وليس لدينا جيش ولا امن ولا شرطة كلهم تجارة مخدرات والله بصراحة الواحد خايف تصبح الصبح نجي نلقي البلد مستعمر لاحول ولاقوة إلا بالله البلد بقت خاوية على عروشها نداء لكل المواطنين الملحمة الكبري للاسقاط النظام الغاشم الفاسد المجرم وكنس هؤلاء لمزبلة التاريخ

[دوشكا]

#1247047 [osman]
5.00/5 (2 صوت)

04-15-2015 07:36 AM
هناك اجانب كثر في هذا البلد ومعتادي اجرام - اذكر حادثة قبل سنين في مطاعم مؤمن بشارع المطار ضبط على مدير المطعم وهو مصري الجنسية بجرائم كثيرة منها اغراء الفتيات وتصويرهم بعد عمل الفاحشة معهن ،، ويتفاخر بهذه الصور وسط زملاذه المصريين فما بها ضبطته الشرطة وجلد ودفع غرامة وابعدوه من السودان فما بها بعد شهر نجده مي السودان مزاول مهنته .. دخل كيف والدخلوا منو الله اعلم - هذه هي حال البلد هاملة لكل مجرم-

[osman]

#1247017 [mohd]
4.50/5 (4 صوت)

04-15-2015 06:21 AM
بكرة يجو الاخوان المسلمين من فلسطين وسوريا وحزب الله وقطاع غزة ويقولو نحنا المخدرات دى بنجاهد بيها بنوزعها على اليهود والكفار عشان ندمرهم بيها وهذا النوع من الجهاد معروف لدى السلف ويسمى جهاد السترة- صراحة نحنا كرهنا الفلسطينيين اكثر من اليهود بمراااااااااااااحل

[mohd]

#1247016 [القانوني1]
5.00/5 (4 صوت)

04-15-2015 06:13 AM
زي ديل لما تشوف الواحد منهم - زي المئات الذين تعج بيهم شوارع الخرطوم - راكب اللاندكروزر في وسط البلد تفك ليه الشارع بحكم انو إما دبلوماسي ضيف يمثل بلد يستحق الاحترام وحق الضيافة ومحل الإيثار او خبير اجنبي موجود ليساعد البلد فتحترمه - وأهو بعد الكشة تكتشف انو مجرد واحد أمي جاهل ومجرم معفن وفي بلده ما يسوى بصلة - جاي بلدنا تحت رعاية وكفالة عصابات المافيا أو احد مجرمينا الكبار ليغتني هو ومن يكفله على حساب شعبنا ويجلب علينا ويلات الإتهامات الدولية والإقليمية بتصدير الجريمة المنظمة فنصبح هدفاً للعقوبات ونقبع إلى الأبد في ذيل قائمة الدول المتخلفة.

[القانوني1]

#1246959 [ود الركابي]
5.00/5 (7 صوت)

04-15-2015 01:06 AM
هم اجانب مجرمين زي ديل بيعملوا شنو في بلدنا وكيف سمحتوا ليهم بالدخول للبلد من اساسه . بلد فوضي . زي ديل في اي بلد محترم العقوبة الاعدام بدون اي تردد . علشان اي اجنبي يفكر 100 مرة قبل مايرتكب اي جريمة خصوصأ مرطبتة بالمخدرات ..

[ود الركابي]

ردود على ود الركابي
[abubaker] 04-15-2015 06:52 AM
مسكين ياود الركابي انت -صدقت الكلام دا فبركة امنية لتغطية الفشل والخج الذي سيحصل - تصدق هذه العملية ممكن تكون مصنع خمور



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة