الأخبار
أخبار إقليمية
ارتفاع مفاجئ في أسعار الزيوت والفول الجاهز بالخرطوم
ارتفاع مفاجئ في أسعار الزيوت والفول الجاهز بالخرطوم
ارتفاع مفاجئ في أسعار الزيوت والفول الجاهز بالخرطوم


04-15-2015 03:38 PM
الخرطوم: منى فاروق
ارتفعت أسعار الزيوت في ولاية الخرطوم، ولحق بها طلب الفول الذي أصبح بأكثر من ثلاثة جنيهات، فيما ظل رطل السكر على ما هو عليه بالرغم من اختلاف الأسعار بين الشركات والمنتج المحلي والمستورد.
وأرجع التاجر محمد يوسف ارتفاع طلب الفول في المحلات التجارية (الدكاكين) في الأحياء إلى ارتفاع طن الفول من (750) ج إلى ألف جنيه، وقال : إن أقل سعر من "القدرة" بـ (3) جنيهات، والذي كان يباع بجنيهين، فيما يتم بيع الطلب الجاهز بـ (10 ـ 14 ) ج، والذي كان يتراوح بين (5ـ 8) ج، وسادوتش الفول أصبح بـ (5 ـ9) ج، فيما كان يباع بـ (3ـ 5) جنيهات.
وأشار محمد إلى ارتفاع أسعار الزيوت حيث ارتفع رطل زيت الفول الفلت من (8) ج إلى (10) ج وعزاه إلى النقص الحاد في وارد الزيوت من المصانع، مرجحاً أن تكون المشكلة مرتبطة بمناطق الإنتاج، وقلة المحصول، فيما أشار إلى الارتفاع المفاجئ في أسعار زيت السمسم، الذي بلغ (20) ج للرطل، والذي كان يباع بـ (15) ج، فيما كانت الزيادة تقدر بثلاثة جنيهات في الزيوت المعبأة، متوقعا استمرار الارتفاع نسبة إلى قلة المخزون.
ونبه محمد إلى استقرار أسعار السكر عند (6) جنيهات للفلت، أما المعبأ فاستقر عند (7) جنيهات، بالرغم من اختلاف أسعار السكر بين الشركات حيث تراوحت الـ (10) كيلو بين (50ـ 60) جنيها، متوقعا استمرار الاستقرار بالرغم من اقتراب شهر رمضان، مؤكدا تراجع الطلب خلال اليومين الماضيين، فيما كانت الحركة التجارية نشطة في مطلع شهر أبريل، والطلب مزداد على مختلف السلع من السكر والزيت وصابون الغسيل والعدس والأرز.

التيار


تعليقات 10 | إهداء 0 | زيارات 8100

التعليقات
#1248022 [بروسلي]
5.00/5 (1 صوت)

04-16-2015 09:45 AM
بسيطة ... أكلوا باسطه.

[بروسلي]

#1247617 [babo]
5.00/5 (1 صوت)

04-15-2015 06:32 PM
وللأسف كان انتاج الفول المصري في الشمالية متدنيا وسيصل شوال الفول أكثر من 1500 جنيه قبل حلول شهر يونيو ...

[babo]

#1247613 [فكرى]
0.00/5 (0 صوت)

04-15-2015 06:24 PM
إعتاد المواطن على تأرجح وعدم ثبات أسعار .. السلع والدولار .. والأخير له صلة وثيقة بالأول ..!!
لذلك قام محمد أحمد بدمج العدد الموروث للوجبات وأختصرها فى واحدة يتناولها متى ماسنحت له الفرصة بذلك خلال 24 ساعة ..
والآن وبعد مهزلة (الخج) عازم محمد أحمد على إستعادت ماسلب منه بدءأ من الشرعية مرورا بالكوتة والوجبات وإنتهاءا بحديقة الحيوان ..

[فكرى]

#1247584 [مالك الحزين]
0.00/5 (0 صوت)

04-15-2015 05:29 PM
طيب ما كل واحد يطبخ الفول في بيته ,, ولاخلاص إتعوتوا على الركلسه ,, خاتين مواعينكم بالصف ,, إنشاء البشير يحكمكم مية سنه

[مالك الحزين]

ردود على مالك الحزين
European Union [الحقيقة مرة] 04-16-2015 04:02 AM
انت عارف يا جدادة طبخ الفول القوت اليومي للشعب بستهلك فحم وغاز وبياخد زمن قدر شنو ول انت بتاكل باقي الغدا ؟

[كلام في كلم] 04-15-2015 08:42 PM
كلامك صاح والله احنا الشعب دا استسلم للبشير خلاص

[اعطني الناي وغني] 04-15-2015 06:27 PM
كلامك هذا ذكرني قول الملكه نازك زوجة الملك فاروق(علي مااعتقد) وهي تنظر من البلكونه شاهدت مظاهره فسالت عن السبب للمظاهره فقيل لها هناك شح في الدقيق ومافي خبز فردت علي الفور طيب ماياكلوا (قاتوه).ياخي مالك معظم الاسر لا تملك ثمن صحن الفول حتي فكيف لها ان ان تشتري ملوة فول وفحم ووووو.الله يديك العافيه


#1247561 [مسطول]
5.00/5 (2 صوت)

04-15-2015 04:55 PM
مسكين الشعب : عشان ماصوت ليكم عايزين تتفشوا فوقو !!
هذه ردة فعل غاضبة من تجار بني كوز الملاعين ..

[مسطول]

#1247558 [AburishA]
5.00/5 (2 صوت)

04-15-2015 04:51 PM
(إن أقل سعر من "القدرة" بـ (3) جنيهات).. علما بان كمشة ال 3 جنيه اكبر من الملعقة قليلا..
** الزيت ممكن يباع بالسيسي.. بس محتاجين حقن فاضية..

[AburishA]

#1247543 [جركان فاضى]
5.00/5 (4 صوت)

04-15-2015 04:37 PM
برضو حركة...هذا يؤدى الى اختفاء صفوف الفول...وبعد شوية اختفاء المواطن من على وجه هذه البسيطة

[جركان فاضى]

#1247537 [اسلامي]
0.00/5 (0 صوت)

04-15-2015 04:33 PM
اكيد دا واحد من المعارضة اصلو الشعب دا حالكم عليهم تعارضوا الحكومة وترفعوا الاسعار وتقطعوا الموية والكهرباء نكاية بالحكومة وفي النهاية ياكلها الشعب هل يعقل حكومة تضيق علي المواطن عشان ينتخبها انتم جايين من وين دي غلطة الحكومة انها اشركتكم في النظام تعملوا الفساد وتشتكوا للمواطن الناس كاشفة لعبكم وعارفة انتو بتعملو في شنو ولانكم افلستم من عنادكم مع النظام ح تفرغوهو في الشعب خراب وقتل ونهب مسلح دي المعارضة المعروفة من الف سنة شغالة كدا تلقي نفسها خاسرة من الشعب تعاقبهم بالقتل والخراب وتضييق المعيشة

[اسلامي]

ردود على اسلامي
[الحقيقة مرة] 04-16-2015 06:06 AM
ما بعرفك كيفن ما انت الجدادة المسمية روحك اسلامي حتى لو غيرت اسمك بعرفك من اسلوبك المميز في البقبقة

[اسلامي] 04-16-2015 01:38 AM
وهل انت تعرفني عشان تصنفني انت شنو ؟ومنو اعطاك الحق تتحكم في الخلق بس اما الناس تمشي علي رايكم او لانعيش معكم لشنو انتم ماتبقوا زي الناس بس دائما مطلوب الناس تتنازل لكم ويبقوا زيكم والا كتب عليهم الشتم والشنق

[الحقيقة مرة] 04-15-2015 11:11 PM
اكيد دا واحد من المعارضة
_____

انت ما غبي ولا بريء ولا حقير انت مجرد لا مؤاخذة كوز

[اسلامي] 04-15-2015 11:01 PM
والانتخابات لو جابت او ماجابت انا بالنسبة لي عادي لاني ليس مهوس باحد الكلام انتو عندكم معضلة عقلية منها وانا الي الان في حياتي لم اذهب الي صندوق عشان كدا ما فارقة معاي في شئ لاتشيل همي الموضوع عندي واحد انت ابقي راجل وادخل الصندوق لاتقعد تقاطع وتخلق فوضي وتزعزع الامن وانت اصلا ما عندك جماهير علي شنو ؟

[ســـــــــــــــارى الــلـــيــــــل] 04-15-2015 07:49 PM
لم أقرأ لك تعليقا واحدا الا و انت تهاجم و تنافح و تدافع عن أخوان الشواطين و انت من المردة و من يصعد الى المنابر لسترق السمع و نحن لك بشهاب لازب ؟
هل أنت عايش وسط هذا الشعب المسكين المغلوب على أمره عانا و ما زال يعانى من هذا النظام الفاشستى الذى اوهم امثالك بالاسلام و جعلكم عمى صم بكم لا أحساس و لا رحمه ؟
اختشى على نفسك حبتين و اذكر الله و قول الحقيقه و لو مرة احده صدقنى باسلوبك الرخيص و دفاعك المستميت من أجل الهيمنه و السيطرة على وطن يسع الجميع و من حقنا أن نعارض و نتظاهر و نقاطع الانتخابات و نعمل الهوايل ؟
انها ايام مباركات و درس لن ينساه كل من تشيطن و تفرعن قال أنا فرعون زمانه ؟
الصمود الصمود و التوحد والامتناع عن الاقتراع فى انتخابات صوريه .
الايام التاليه سينكشف المستور و نترقب الفرز .

European Union [عون الشريف دفع الله] 04-15-2015 06:12 PM
جداده الكترونيه ****** علي الطريقه الاسلاميه
ياراجل اختشي علي دمك لو عندك دم حتى الفول
حق المساكين الساتر الناس ماديرين تخلوهوا
ليهم الله لاكسبكم ياولاد الزني يالفاقد التربوى

ارتفاع الاسعار دى بشاير فوز بشه رئيسكم السفاح
الارهابي البحلم بالشرعيه.

بس عشان الناس تعرف وتفهم انو السفاح الارهابي
كضاااااااااب وماهيعمل ولاهاينفذ أى شى قالو في
جولته الحام فوقا كل السودان يوزع كضبه شمال يمين
بس عشان الناس تديهوا صوتا.
ش
ياريت تفهم ياسفاح ياارهابي الرساله والصفعه التي
صفعتك ليها الجماهير والتي قاطعت انتخاباتك بشكل
نهائي ومشرف للمعارضه الشريف وياريت تفهم عبيدك وجدادك.!!

زول دايرك ماف حتى وداد هاتخلعك بعد الانتخابات لقناعتها
من خيرا فيك فأنت صباحا خايب وفاشل وبالليل أظرط .!!!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة