الأخبار
منوعات سودانية
الحلنقي يقاضي قناة النيل الأزرق
الحلنقي يقاضي قناة النيل الأزرق
الحلنقي يقاضي قناة النيل الأزرق


04-16-2015 11:13 PM
الخرطوم : معاوية محمد علي

شرع المستشار القانوني للشاعر إسحق الحلنقي ، الاستاذ نادر محمود في مقاضاة قناة النيل الأزرق الفضائية مطالبا بمبلغ مائة الف جنيه لبثها مجموعة من أغنياته دون أن تمتلك القناة الحق القانوني الذي يتيح لها ذلك .

وقال الحلنقي أن القناة ومنذ نشأتها ظلت تقدم الكثير من أغنياته دون تنازل منه ، بالإضافة إلي أخري يقر بأنه تنازل عن حقه في بثها ، وأضاف أن ما جعله يتخذ هذه الخطوة هو هضم حقوقه عندما بثت له القناة في سهرة قبل عدة أيام أغنيتين للفنانة ندي القلعة ، وقام مدير عام القناة الأستاذ حسن فضل المولي بالتصديق له بحقه في الأغنيتين ولكن مسؤولاً آخر رفض أن يصرف له التصديق ،وهو الذي تعود من إدارة القناة من قبل بتسليمه حقوقه معززاً مكرماً وقبل أن يطالب بها ، وقال الشاعر الكبير أن أكثر ما آلمه هو ما حدث مع الملحن عماد يوسف صاحب حق اللحن في الأغنيتين ، الذي ذهب لصرف إستحقاقه فقال له ذات المسؤول أنه تنازل عن حقه ، في الوقت الذي لم يحدث فيه شيئا من هذا القبيل ، لأن التنازلات تتم وفق رؤية قانونية واضحة وليس بشئ سواها .

وتأسف الحلنقي في ختام حديثه للصحيفة لإتخاذه هذا الإجراء الذي قال أنه أجبر عليه .

اخر لحظة


تعليقات 7 | إهداء 0 | زيارات 3930

التعليقات
#1250082 [اصيرم]
0.00/5 (0 صوت)

04-19-2015 03:11 PM
البقول حقي غلب

[اصيرم]

#1249361 [زول طيب]
0.00/5 (0 صوت)

04-18-2015 01:22 PM
كلام فارق وعدم موضوع إن كان النيل الازرق او الشاعر اغاني شنو وشعر شنو غير افسدو الشباب ما حصدنا منهم شي الكل مسؤل من الحاصل دا . يا اهل الاغاني والشعر والهوي ارحمو الشباب يرحمكم الله نحتاج شباب معافي من الهوي شباب يسابق للخير شباب يحمل هم الأمة والوطن لا شباب اغاني واغاني

[زول طيب]

#1248885 [سالم]
0.00/5 (0 صوت)

04-17-2015 04:19 PM
الحلنقي أفلس ماديا وأدبيا..
هو من زمان يقابض ويساوم المغنين!!!
حليل الشعراء النوابغ ناس عتيق وعبدالرحمن الريح الذين ملؤوا الدنيا واسعدوا الناس بأشعارهم الخالدة ثم ذهبوا عنها ولم نسمع أحدهم يناكف الاذاعة او التلفزيون أو المرتزقة امثال ترباس وكدباس

[سالم]

#1248836 [السفير]
0.00/5 (0 صوت)

04-17-2015 02:31 PM
والله فضيحة يعنى الواحد لو داير يجيب حقو الا بمحامين ووكلاء نيابة ومستشارين قانونيين...ما فى حاجة بتبقى بأخوى وأخوك ؟ 100 الف جنيه مبلغ هزيل جدا والمفروض يضعوه فى مظروف ويمشوا للشاعر الكبير فى البيت ويسلموه ليه بكل ادب واحترام تقديرا لابداعه....يعنى المستشار لما ياخد اتعابه كم سيبقى فى المبلغ ؟ 100 الف جنيه مضاعفة عدة مرات ندى القلعة بتاخدها فى قعدة على الطاير....والله مهازل يا السودان .

[السفير]

#1248801 [الرقراق]
0.00/5 (0 صوت)

04-17-2015 01:05 PM
تحياتي للراكوبة

والله انا حقيقة اتفجأت عن المبلغ وأنو التلفزيون بيدفع بالطريقة دي للشعراء والمغنين وعلى كده العازفين ويكون برضه للمثلات والممثلين والحكاية فيها تنازلات وحاجات قانونية. وطيب علي مهدي عايز تاني مننا شنو؟؟ عايز الدولة تقطع من لحمنا وتدي ديل معاشات؟؟ وسؤال بريء هل الفنانين اللي بيستلموا الملايين في ساعتين ديل بيدفعوا ضرايب؟؟

الحاجةالتانية انا كنت ضيف في كثير من حلقات تلفزيون النيل الأزرق وتلفزيون ولاية الخرطوم والتلفزيون القومي زي برنامج أقبل الليل وغيره من البرامج وطوال مدة مشاركاتي من 1997 ولحدي سنة 2010 ما استلمت مليم أحمر واحد بل أن بعض هذه البرامج كانت تبث حية بعد منتصف الليل وأنا أسكن الكلاكلة واستعمل سيارتي الخاصة - ما في زول كشكر حتى بجالون بنزين. يكونوا معدي البرامج يارب بيتصرّفوا؟

لو طالبت اليوم بحقوقي حيحصل شنو؟؟ شايف الناس كلها رافعة قضايا - لو كسبت قضيتي وعد 50% للراكوبة - وبالمناسبة دي حقو الراكوبة تفتح باب مساهمات أو تبرعات - هذه الراكوبة الظليلة تستاهل - مش؟؟

[الرقراق]

#1248672 [الأزهري]
0.00/5 (0 صوت)

04-17-2015 05:13 AM
ومال انت فاكيها ليه؟ عشان يغنوها ليك في بيتكم؟ وقناة النيل الأزرق تكون قابضة كم من وراء أغانيك دي؟ يبدو انو محاميك دا فلس وعاوز يخلق ليهو موضوع؟؟ بلا نيل أزرق بلا نيلة

[الأزهري]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة