الأخبار
أخبار إقليمية
الحسن الميرغني يغادر البلاد على نحو مفاجئ
الحسن الميرغني يغادر البلاد على نحو مفاجئ
الحسن الميرغني يغادر البلاد على نحو مفاجئ
محمد الحسن الميرغني


الحزب رفض التمديد
04-16-2015 03:39 PM
الخرطوم: علي الدالي
على نحو مفاجئ، غادر رئيس قطاع التنظيم بالحزب الاتحادي الديمقراطي الأصل محمد الحسن الميرغني البلاد إلى القاهرة ليلة أمس الأول، ولم تكشف المصادر عن أسباب المغادرة المفاجئة. في سياق منفصل رفض الحزب الاتحادي الأصل تمديد أيام الاقتراع التي أعلنت عنها مفوضية الانتخابات، واتهم أسامة حسونة المفوضية بالتنصل عن التزاماتها واعتمدها أسلوب التسويف والمراوغة وقال : إن الحزب رفض التمديد حتى لا يصبح مداعة لأية تجاوزات محتملة من منافسهم حزب المؤتمر الوطني.

الجريدة


تعليقات 25 | إهداء 0 | زيارات 8990

التعليقات
#1249318 [بهاء الدين]
0.00/5 (0 صوت)

04-18-2015 11:52 AM
ياجماعة ماتتهمو الراجل ظلما وبهتانا نحن مانرضى هذا الكلام في الرجل الذي نراه نظيفا ولم يتلوث بحقوق الناس اتقوا الله ياجماعة وتتفوهو بهذا الكلام علما بان هذا الرجل من الاشراف ومامحتاج ياكل من الحكومة او غيرها

[بهاء الدين]

#1249087 [معاويـــــــــــــــــــــــــــــــة]
0.00/5 (0 صوت)

04-17-2015 11:53 PM
هههههههههههههههههههههه قبض حقو وزاغ ما اصلها عايره وما خده سوط

[معاويـــــــــــــــــــــــــــــــة]

#1249000 [Mat too]
0.00/5 (0 صوت)

04-17-2015 07:58 PM
الأخوه الاشقاء ،ألقوه الاتحاديه الحقيقيه الصابرون والقابضين علي الجمر تحيه لكم واليكم اخر المهازل
في فجر اليوم الثاني من الانتخابات المزعومه وعند الرابعه فجرا هرب الحسن المرغني بالطائرة المصريه
المتجه الي القاهره ،هرب رئيس الحزب بالانابة ويقول بعض العارفين او المغرضين والله اعلم معه حقيبه
مليئة بالدولار وتم ذلك بدون معرفة اقرب المقربين اليه ،لقد فوجئ الجميع بسفره الذي تم وبالتاكيد بعلم
ناس الموتمر الوطني ،لقد اختفي الرجل ومعه أموال الحزب التي جمعت،هذا الحسن هو رئيس لجنة
الانتخابات بالحزب ،واستلم تبرعات من رجال الحزب قد بلغت الخمسه مليار بالقديم و يكون قد صرف
منها حوالي المليار دون رقيب او حسيب ،،وذلك للعلم حتي تعرفون حجم الكارثه والي اي درجه قد
انحدرنا مع هذا الشخص العجيب وتلك الأفعال الدنيه وحب المال بشراهة بدون مراعاة لتاريخ ومكانة
حزب الوطنيه حزب السودان وصمام امانه وما خفي اعظم ولنا عوده للعلاقة المالية المشبوهه مع شياطين
الموتمر الوطني (لعن الله السفه والحوجه والطمع)..

[Mat too]

ردود على Mat too
[باكاش] 04-17-2015 10:53 PM
يا mat too.
نحن ما اتحاديين لكن لينا مصادرناونديك النجيضة..
الصفقة بين الحسن والموتمر الوطنى هى كانت 5مليون دولارواتوافقو على 4مليون شروط الحسن كانت يا جماعة انتو شايفيين الحاصل وانا ما بضمن ليكم حاجة..
كلام الموتمر الوطنى يا زول اى 87حاجة كويسة معانا وهو قال ليهم انا ما بضمن نفسى اتخارج اخر يوم الانتخابات وهم وافقو لكن هو غدر بيهم واتخارخ قبل اخر يوم ينتهى وطبق الدولارات عشان يختها فى حسابو فى لندن..نزيدك ولا كفاية.


#1248950 [على]
0.00/5 (0 صوت)

04-17-2015 06:17 PM
ماهو ماشى الحج ويلحق بالصادق عشان يشوفوا التعليمات الجديدة لاتنسوا حلايب سودانية رغم انف الذاهبين لزيارة الاهرامات

[على]

#1248790 [مغبون]
5.00/5 (1 صوت)

04-17-2015 12:38 PM
من هو محمد الحسن الميرغني!!!!!!!!!!؟؟!!؟؟؟؟؟؟

[مغبون]

#1248773 [رانيا]
0.00/5 (0 صوت)

04-17-2015 11:20 AM
طريق السلامة .

[رانيا]

#1248752 [علي تنجه علي]
5.00/5 (1 صوت)

04-17-2015 10:17 AM
انا حقيقه مبسوط من زوال الاتحادي من العمل السياسي في السودان لان وجوده بعبر عن اننا لازلنا نحترم الاستعمار وادواته حزب موسس ضابط اجنبي جاء مستعمرا للبلاد وثانيا حتي الان اسمه الاتحادي اي داير اتحد السودان مع مصر وخروجه من العمل السياسي وانشاء الانقاذ يتكتب ليها في ميزان حسناتها اذا حرقت هذا الحزب

[علي تنجه علي]

#1248744 [Njmy]
0.00/5 (0 صوت)

04-17-2015 09:47 AM
ماهم وصوهم قالوا ليهم ماتدخيلوا ايدكم في العصيدة الحارة! بعد ماتبرد بيرجعوا الاتنين،هكذا هم

[Njmy]

#1248679 [ام محمد]
5.00/5 (2 صوت)

04-17-2015 05:37 AM
الحزب الاتحادي اصبح من دون مبادي بل دميه في يد الانقلابيين...سبحانك يا رب العباد،والله السياسة اقزر من النخزير

[ام محمد]

#1248598 [ابو مصعب]
5.00/5 (2 صوت)

04-16-2015 11:08 PM
متعودة دائماً

[ابو مصعب]

#1248576 [عصمتووف]
4.75/5 (5 صوت)

04-16-2015 10:10 PM
غلام الميرغني نفذ توصية المؤتمر الوطنب لحرق الحزب التاجر حريص علي علي امواله يفكردائما كيف ينميها ف البقال الكبير الميرغني لم يتعظ بخسارة تجارتة عام 2010م واعاد فتح دكانة من جديد بعد ان سلمة للوريث الذي يدري او لا يدري لخبط الزيت مع الجاز والطحينية مع الفحم

[عصمتووف]

#1248556 [karkaba]
4.50/5 (4 صوت)

04-16-2015 09:09 PM
سياتي الى جناحة الفاخر بمبني الفور سيزون علي شاطي البحر الابيض ب الاسكندرية المصرية

[karkaba]

#1248541 [الدرب الطويل]
5.00/5 (7 صوت)

04-16-2015 08:30 PM
يعني رجع لمقر اقامة الاسرة الدائم..
قطر ودعجيب يودي ما يجيب..
بلاء ياخد عصمان الميرغني واولاده..
السودان ما ضيعة ابوكم.. روحوا شوفوا اصلكم وين..

[الدرب الطويل]

ردود على الدرب الطويل
United States [باكاش] 04-17-2015 04:15 AM
يالدرب الطويل...اتحداهم واتحدى جدهم الكبير لو يقدروا يقولوا اصلهم من وين..
غير حكاية الشماعة بتاعة نسب الرسول دى القادين بيها اهلنا البسطا.
ولو هم اولاد الرسول فعلا شايلين الجنسية السودانية الافريقية وحايمين بيها ل شنو??
الجزمة ابن الجزمة شاف الحكاية ما ظابطة رجع يمارس لعناتو فى منتجعاتوا.


#1248514 [عبدو]
4.50/5 (4 صوت)

04-16-2015 07:25 PM
شكلك ابو دمعة بتتكلم عن الفتة الباردة

[عبدو]

#1248513 [خليفة احمد]
4.50/5 (4 صوت)

04-16-2015 07:23 PM
فرتق الحزب ورجع الى قواعده سالما !!!! ياخيبة عشم الجماعة فيك !!!!!

[خليفة احمد]

ردود على خليفة احمد
[سلم تسلم] 04-16-2015 08:10 PM
قطر عجيب يودي مايجيب ,, انتو وين الميرغني الكبير ؟؟ وجودو ذي عدمو يمكن يفرق مع حملة الجزم والطالبين البركة ,, هذا زمانك يامهازل فامرحي !!! قال شريف قال !!!


#1248493 [سيف الدين الجميلى]
5.00/5 (3 صوت)

04-16-2015 06:23 PM
دا تكون تأشيرتو انتهت ماشى يجدد ويجىء راجع

[سيف الدين الجميلى]

#1248456 [كوكاب]
3.00/5 (2 صوت)

04-16-2015 05:18 PM
انتو صحيح الجماعة ديل من اسرة الرسول صلي الله عليه زسلم

[كوكاب]

ردود على كوكاب
United States [باكاش] 04-17-2015 05:56 AM
يا كوكاب..دي اسرة شيطانية ..جدهم الكبير ايرانى من مدينة عسقلان ..
قدم للعراق والحجاز ثم مرقند وفى رجوعه للحجاز جندته المخابرات البريطانية كضابط..
وغزو بيهو السودان كرجل دين لضمان انجاح الحملة..
ومن ديك وعييييييك لحدى ما هو مات وبقت ورثة..شوف شكل الحسن الفى الصورة ما يزكرك الايرانيين..
ولو لاحظت ما يشبهو ملك الاردن ولا المغرب وما عندهم اية علاقة بيهم ..هل سمعت اى واحد فيهم مشى الاردن ولا المغرب..?
دى اسرة بتعة قرووش وبس يشيلو ا من المسكين ويشيلوا من القوى الوسيلة ما مهمة ويتكاتلو فى بنض عشان القرووش.

United States [هارون] 04-16-2015 10:00 PM
الرسول صلى الله عليه وسلم اسرته الامة المسلمة الطاهرة الصادقة التي لا تداهن الفاسدين والكذابين ... الرسول بريء من هؤلاء والمنافقين.

[SSAAM] 04-16-2015 07:48 PM
ابو جهل عليه لعنة الله عم الرسول صلى الله عليه وسلم
ابو طالب والد علي كرم الله وجهه عم الرسول صلى الله عليه وسلم


#1248452 [محمد خليل]
5.00/5 (2 صوت)

04-16-2015 05:12 PM
و دا كمان مالو رجع؟ يكون قبض الفيها النصيب مكافأة له و لأبيه على مشاركتهم فى المهزلة المسماة انتخابات و اتخارج؟ و لا يكون الكيزان كعهدهم ما وفوا بالعهد و لم يتنازلوا له عن الدوائر الانتخابية المتفق عليها مع المؤتمر الوطنى و الشافع زعل و لحق بأبيه و أخيه؟

[محمد خليل]

#1248449 [البطريق]
4.94/5 (7 صوت)

04-16-2015 05:05 PM
نفس حركات ابوه لما تحصل الزنقه شووووو تلقاهو اتخارج منطق بالفان يا مان

[البطريق]

#1248447 [ود خالك]
2.97/5 (7 صوت)

04-16-2015 05:01 PM
ارى ان حال السودان موعود بكثير من التغيرات الاستراتيجية فى الاعوام القادمة وثورة لم تشهدها الدول سابقا كطوفان يوم الحشر
سياتى اناس اذا سمعوا من الحاكم كلمة تطبيع الاسلام او اسلام سيقتلعون عنقه عن جسده لانه سيزكرهم عهد الكيزان المتاسلمون و الزائل لغير رجعة
الدين لله والوطن للجميع

فقط انا سودانى
الله يكضب الشينة

[ود خالك]

#1248445 [جركان فاضى]
5.00/5 (2 صوت)

04-16-2015 04:53 PM
باع الجماعة...شال دولارتو وهرب وباع المؤتمر الوطنى...قبض الثمن ولم يؤدى العمل...كدى تعال تانى قول داير قروش

[جركان فاضى]

#1248412 [kurbaj]
5.00/5 (8 صوت)

04-16-2015 04:21 PM
يبدو ان (الفتة) التي كان يعتقد -CD - الحسن انها باااارده... فقد بدأ يتصاعد منها (.بوخ-دخان..)...لذا كان لابد من الهرولة لزوم الكر والفر حتى يستبين الامر ..؟؟!

[kurbaj]

ردود على kurbaj
[الختم] 04-16-2015 11:14 PM
متعوده .. دايمآ ... كما فعل أبوه بالهروب الي مصر عقب هبة سبتمبر المجيدة .

United States [الدكتور نائل اليعقوبابى] 04-16-2015 05:01 PM
حلووووووووووووه CD


#1248393 [علي ابوكلام]
5.00/5 (2 صوت)

04-16-2015 03:57 PM
ظللنا في الحزب الاتحادي دما نعيش علي نسق المفاجأت

[علي ابوكلام]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة