الأخبار
أخبار إقليمية
عنترة ينتخب (منع من النشر)
عنترة ينتخب (منع من النشر)
عنترة ينتخب (منع من النشر)


04-16-2015 03:19 PM
الفاتح جبرا

أخذ (عنترة) يتقلب في فراشه وهو يستمع إلى أصوات تنطلق من الشارع (صوتك في الإنتخابات أمانة أيها المواطن) .. (أيها المواطن سارع بالذهاب وأدل بصوتك)
- ما هذه الجلبة يا عبلة !
- ويحك أنسيت يا عنترة أن اليوم هو يوم الترشيح
- لقد نسيت يا عبلة .. (الما بنسينا شنووو)
- هل ستذهب يا عنترة للإدلاء بصوتك ؟
- بلي .. قومي وجهزي لي بعض الشاي
- لا يوجد بالبيت شاي
- إذن ففنجان من القهوة
- لا يوجد بالبيت بن وللا سكر ذاااتو
- إذن أبعثي الجارية لتأتينا ببعض البن والسكر والشاي
- أنتا نسيت يا عنتر أنو الليله يوم تلطاشر في الشهر ؟ و(الخيمة) عدمانة المليم ؟
بدأ عنترة في إرتداء ملابسه وقام بإمتشاق سيفه وتوجه نحو (فرسه) يجهزها فيما بادرته عبلة :
- إلي أين تذهب يا عنترة؟
- إني ذاهب للإدلاء بصوتي
- إنتظرني لأذهب معك
- هل جننتي يا إمراة .. لا يحق التصويت للنساء !
- والله إنتا الجنيت .. فاطمة إبنة عبدالمحمود مرشحة عديييل .. خليني أنا العاوزة أصوت
- أهذا صحيح يا عبلة ؟
- بلى يا عنتر (والعلماء ساكتين ساااااااي)
- إذن إركبي هودجك وأتبعيني
عنترة يسير وسط شوارع (متسخة) ومغطاة (بالحفر) حتي إذا ما وصل حيث تقع (لجنة إنتخابات بني عبس) أناخ راحلته ثم انزل عبلة من هودجها قائلاً لها :
- الشوارع دي فاضية كده مالا؟ أنكون قد أخطأنا المكان؟
- لا لا لم نخطئ المكان يا عنترة .. ياهو مركز الإقتراع ما شايف البوليس (النايم في الكنبة داااك)
- إذن فلندخل لندلي بصوتينا
يدخل عنترة إلى خيمة التصويت .. يتوسط الخيمة صندوقان كبيران من الخشب أمام كل منهما يوجد شخص ذو لحية كثيفة و(عمامة خضراء) وبين الصندوقين توجد منضدة كبيرة يقف خلفها شاب يرتدى فوق ملابسه (مريلة بنية) مكتوب عليها .. (لجنة إنتخابات بني عبس)، إقترب نحوه عنترة بخطوات ثابتة :
- مرحباً
- أهلاً يا أخ العرب
- أهذا مكان الإقتراع والتصويت يا هذا؟
- بلى
- مالي ارى المكان خالياً ؟ أين بنو قحطان ؟ أين بنو طئ بل أين بنو القعقاع؟؟
- ديل كووولهم مقاطعين !
- وأي القبائل لم تقاطع ؟
- بنو (كوز) بس !
- ولماذا لم ياتو ليصوتو؟
- ما ضامنين وكده
- إذن نريد أن ندلي بصوتينا
- ما إسمك ؟
- عنترة بن شداد العبسي
يقوم الموظف بالإمساك بقطعة من الجلد عليها أسماء المقترعين وهو يتابع بسبابته ... عنترة ... عنترة ... عنترة ثم يرفع راسه مخاطباً عنترة :
- الظاهر إسمك ده (سقط) !
- (وقد تطاير الشرر من عينيه) : ويحكم ؟ كيف يسقط إسمي من الكشوفات - ثم يستل سيفه ..
- يا عنترة ياخ أهدأ في مرشحين رئاسة عدييييل .. أسمهم سقط خليك إنتا
- هذه فوضي .. هذا عبث .. أين رئيس هذه الديار !
- إنتا قاصد الأصم ؟
- أصم؟ مكر؟ مفر؟ مقبل معاً .. هذا لا يعنيني دعوني أصوت وإلا أعملت سيفي هذا فيكم !
- (وهو يرتجف من الخوف) ) سمعاً وطاعة .. خذ قائمة المرشحين هذه واختر منها الشخص الذي تريد التصويت له وضع علامة صح داخل الدائرة التي أمام إسمه ! (يناوله قطعة جلد) مكتوب عليها أسماء ورموز المرشحين ...
- (بعد أن يقرأهم) : قل لي من هؤلاء فإني لا أعرف أحداً منهم؟
- ديل المرشحين للرئاسة ؟
- وهل هم من عبس؟
- والله هم من (عبس) بس في واحدين عندهم (جنسيات) تانية !
- وإن قامت الحرب مع من سوف يحاربون ؟
- يا عنترة يااخ ما تصعب الحكاية .. المفوضية سمحت ليهم !
- لن أعطي صوتي وصوت عبلة لأي منهم لأننا لا نعرفهم !
- خلاس صوت للبتعرفو
- أتقصد (الشجرة) !
- يعني بقصد (الحماداب) ؟
- (هنا .. تتداخل عبلة) : شجرة شنووو يا راجل عنترة ده شاي الصباح ما شربووو !!

كسرة :
قيل أن عنترة قبل أن يغادر (مركز الإقتراع) أخرج من جيبه (علبة ضمنة) وناولها للموظفين قائلاً :
- إتسلو بدل قاعدين كده سااااكت !!

- كسرة ثابتة (قديمة) :
أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+و+(و)+(و)+و+و
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(و)+(و)+و+و

[email protected]


تعليقات 49 | إهداء 1 | زيارات 22569

التعليقات
#1249944 [سودانى وطنى]
5.00/5 (3 صوت)

04-19-2015 11:37 AM
لله درك ياجبره

[سودانى وطنى]

#1249802 [جنو منو]
5.00/5 (2 صوت)

04-19-2015 09:10 AM
واستل الفاتح بن جبرا قلمه واعمله فى جذع الشجرة فخرت واصبحت خاويه على عروشها .. واصبح قومها
يندبون حظهم ويتلاومون بما فعل بهم بن جبرا من قبيلة السوادنه ..!!

[جنو منو]

#1249334 [موجوع وصابر]
5.00/5 (2 صوت)

04-18-2015 12:22 PM
قال انتخابات قال بغشوا في نفسهم ويصدقوها لا حول ولا قوة الا بالله

[موجوع وصابر]

#1249230 [dougokoper]
5.00/5 (2 صوت)

04-18-2015 09:35 AM
هذه هي حقيقة انتخابات الأبالسة ب ضبانته ... ربنا يمتعك بالصحة والعافية أستاذ/ الفاتح.

[dougokoper]

#1249218 [الكردفاني العدييييييييييييييييييييييييييييييييييييييل]
5.00/5 (4 صوت)

04-18-2015 09:13 AM
ان قامت الحرب سوف ..... يتقاتل ..... الارجاس لوحدهم .... ويفنوا بعضهم ... اليس لكم في حروب الافغان عبرة ..... اليس لكم في الفصائل السورية .... تجربة .....

اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك ....
اللهم علييييييييييييك ..... بعصابات الرقاص ..... اقطعهم ... تك ....

[الكردفاني العدييييييييييييييييييييييييييييييييييييييل]

#1249044 [ahemd]
5.00/5 (2 صوت)

04-17-2015 09:59 PM
(انتخابات الاشباح)

[ahemd]

#1248971 [amani]
5.00/5 (4 صوت)

04-17-2015 07:01 PM
والله ياجبرة دائما تتحفنا وتضحكنا وتزرع البهجة في قلوبنا برغم القرف والهم بتاع الكيزان دة لا اسكت الله لك حسا

[amani]

#1248844 [SomeOne]
5.00/5 (2 صوت)

04-17-2015 02:44 PM
CREATIVITIY IN ITS EXCELLENCE..!!! Ah

[SomeOne]

#1248797 [hassan ahmed]
5.00/5 (2 صوت)

04-17-2015 12:51 PM
يلعبو الضمنه تحت الشجرة (شجرة الزقوم) يا حي با قيوم.

[hassan ahmed]

#1248789 [الفاضل التجاني]
5.00/5 (5 صوت)

04-17-2015 12:38 PM
الله يكتر من امثالك يا جبرة.

[الفاضل التجاني]

#1248767 [Heron]
5.00/5 (4 صوت)

04-17-2015 11:00 AM
لله درك يا بن جبرا

[Heron]

#1248750 [موجي]
5.00/5 (3 صوت)

04-17-2015 09:59 AM
والله ياجبرا دي قوييييييييية بقوة مليار حصان هههههههههههه

[موجي]

#1248733 [جبران]
5.00/5 (3 صوت)

04-17-2015 09:20 AM
بإجبرا معقول انت من شواذ آفاق

[جبران]

ردود على جبران
European Union [alazza bit wad almsaad] 04-18-2015 01:14 AM
مالك يا أخا العرب ؟؟؟؟
هو ليس من شواذ آفاق / بل قل - قاتلك الله ( شذاذ آفاق ) وأسأل عن معناها / الراقص الفال / ولا تتوقع منه الإجابة /// لأن شجرة الزقزم قد شيعت إلى مثواها الأخير وبقى منها الصفق


#1248719 [حسن القوصي]
5.00/5 (5 صوت)

04-17-2015 08:40 AM
والله يا جبرا فشيتنا وضحكتنا وعكست واقعنا المرير بالسخريه ـــ أين بني كوز فاليخرجوا لي لأقاتلهم لعنكم الله

[حسن القوصي]

#1248718 [zaino]
5.00/5 (1 صوت)

04-17-2015 08:38 AM
ما هكذا تورد الابل ياجبرا فعنترة اشتهر بالفروسية وعفة النفس ونصرة المظلوم وحيي على النساء
اما سمعت قولة .... واعف عند المغنم

[zaino]

#1248697 [ود امدرمان]
5.00/5 (2 صوت)

04-17-2015 07:09 AM
ابداع يا جبرة ود أمدرمان صحي صحي

[ود امدرمان]

#1248652 [adel]
5.00/5 (2 صوت)

04-17-2015 02:16 AM
والله ابداع لاقصي درجه وربنا يمتعك بالعافيه ياستاذ جبرا

[adel]

#1248621 [السماني]
5.00/5 (3 صوت)

04-17-2015 12:30 AM
والله تهانينا يا عمو جبرا..
اول مرة الكيزان يمنعوا ليك مقال من النشر.. دي عملتها كيفن؟!!!

[السماني]

#1248618 [ابوايمان]
4.75/5 (3 صوت)

04-17-2015 12:16 AM
ابداع ياجبرا

[ابوايمان]

#1248604 [السندباد]
5.00/5 (6 صوت)

04-16-2015 11:29 PM
متعك الله بالصحة والعافية استاذ جبرا.. والله انت فى قمة الجدية والسخرية والذكاء. .لقد اجملت و اوفيت حكاية الانتخابات السودانية ولو اعطيت مقالك هذا لمخرج ومنتج لصنعوا لنا فلم من اعظم الاعمال السودانيه................الله يجازيك صحة وعافية قلت لى ضمنة ههههههههههههههههه

[السندباد]

#1248600 [ود البجا]
5.00/5 (3 صوت)

04-16-2015 11:12 PM
بالغت عديل كدا يا أستاذ جبرا .
داير كلام زي دا ينشروه ليك ، لو وافق البشكير ذاتو ناس الرقابة ما بينشروه ، الكلام دا بيجيب ليهم الهوى اليومين ديل ، الحمى عندهم مرتفعة .
إلا قولي إنت حقوا تصوت للمسكيتة ، يمكن في الدورة الرئاسية الجديدة صاحبك الدعول المسميه رئيس يمكن بقول يمكن يتناول ملف هيثرو البتسأل منو طوالي ويريحك .

[ود البجا]

ردود على ود البجا
[ابوعبدالله] 04-17-2015 02:04 PM
تسلمي يابت ابوزيد هذا والله ماكنانقصدونقو لاخوناودالبجاحاول دائما" التريث في جميع الامور وربنايديكم الصحة والعافية تعليقاتك التي بمثابة مقال افتقدناها كثيرا" اخت نجاة


#1248593 [ابوعبدالله]
5.00/5 (2 صوت)

04-16-2015 10:49 PM
البجنني الجماعة ديل عامليهم شنو ولافاكرنك ...............لاسمح الله

[ابوعبدالله]

ردود على ابوعبدالله
[nagatabuzaid] 04-18-2015 08:11 PM
تسلم يا ود البجا ولك الشكر على كلماتك الجميلة ومتعك الله بالصحة والعافية

European Union [ود البجا] 04-18-2015 10:51 AM
المعذرة أخي أبو عبد الله على حكمي الخاطئ على كلامك ، لأني يبدو قريتو بالمقلوب ، وشكراً للأخت [nagatabuzaid] على التوجيه فعلاً الحماس كان زايد ، وكلمات حبيبنا الأستاذ جبرا ، كانت منعشة في الجو المزكم داك الكله يأس وإحباط .
على العموم لكم العتبى حتى ترضوا ، وأكرر شكري يا أستاذة نجاة أبو زيد .

[nagatabuzaid] 04-17-2015 10:35 AM
يا ود البجا السلام عليكم يبدو لى انك لحماستك بارك الله فيك فهمت تعليق ابو عبد الله خطاء غايتوا حسب فهمى ان ابو عبد الله معجب بجبرا وبستغرب انه المخلوقات ديك ما عملت فيه البعملوا فى كل من يعارضهم رغم انه مثلما قلت فى تعليقك يواجههم بعوراتهم وما بخلى لهم جنبا يرقدوا عليه ويبدو ان استغراب ابو عبد الله ناتج من معرفت للمخلوقات دى انهم لا يفرقون بين من يناضل بقلمه وفكره وبين المناضل بالسلاح جننننهم اختف اعتقل اضرب احرق زعمط لا مخلين راجل لا مرة والله اعلم ارى ان هذا ما يريده ابو عبدالله
اها اديتوا جبرة عين لاول مرة تمنع رائعة من روائعه من النشر الله يحفظك اخونا جبرة وجمعة مباركة للجميع

European Union [ود البجا] 04-17-2015 01:40 AM
والله يا أبو عبد الله ، الله عالم بالسرائر والضمائر ، لكن حكم الناس على الأستاذ جبرا وحبهم نابع من أنه بيخرج الكلام المالي جواتهم ، يا ريتك شفت يوم أفحم ليك الحرامية الكبار ، سمسار شركة عارف الكويتية الحرامي ود بدر ، والداهية زعيم المافية الأب الروحي ل علي عثمان ، الحرامي يس الحاج عابدين . والله أسكتهم بغزارة المعلومة وقوة الحجة والأسئلة المباشرة دون خوف ولا وجل .
لذا عندما تستغرب لإعجاب الناس بالأستاذ / الفاتح يعني أنت من إياهم ومنتفع من الأرجاس ويبدو أنت من آكلي فتات الموائد . وعندها بالتأكيد كلام الأستاذ بيأذيك وبيأذي أسيادك .
الله يطول في عمرك يا أستاذ جبرة ، ما رأيك إن مناشداتك بخصوص خط هيثرو قد طالت ، ما تبخ الجبخانة على الحرامية ، لكن بأسلوبك الممتع ، السهل الممتنع ، وخاصة الخرتيت العجوز مقرر لجنة تحقيق خط هيثرو الحرامي العجوز يس الحاج عابدين ( حاميها حراميها) ، وخاصة اليومين ديل الغطاء مكشوف نسبياً بإنشغال ولدو علي عثمان محمد طه بنفسه .
والله دا مش حرامي دا مافية عديل كدا.


#1248590 [abdelrahman ali]
5.00/5 (3 صوت)

04-16-2015 10:43 PM
الفاتح جبرا دا يمثل كل مابداخل الشعب السوداني من ثورة وغبن من اكل المال العام بوابسطة حكومة العساكر

[abdelrahman ali]

#1248587 [هميم]
5.00/5 (3 صوت)

04-16-2015 10:34 PM
البشير دفع شبابنا إلى الهجرة إلى إسرائيل وندفع ثلث رواتبنا لنشتري الخبز فقط وبأموالنا نشتري التعليم والعلاج وكل ما تقدمه الحكومات الرشيدة لرعاياها برسوم ضئيلة وبعد ده كلو تجوا تقولوا لينا انتخبوا البشير؟ في المشمش

[هميم]

#1248581 [هميم]
5.00/5 (2 صوت)

04-16-2015 10:31 PM
روعة!

[هميم]

#1248573 [هجو نصر]
5.00/5 (2 صوت)

04-16-2015 09:57 PM
زمان كانوا بقولوا لمحمد توفيق صاحب "جمرات رحمه الله انه لا بد ان يكون " بارما قوية" بل اتهموه ببلع الافيون قبل الكتاية ! بالله هسة حياتنا دي دايرة الحاجات دي ؟ والله دي نسطل من شمر للصلاة ثيابه

[هجو نصر]

#1248563 [nagatabuzaid]
5.00/5 (2 صوت)

04-16-2015 09:30 PM
متعك الله بالصحة والعافية يا جبرة روائعك دائما طالعو من بيت الكلاوى وتسبب انفجار كلاوى ناس تانين

كسرة من كسراتك ياجبرة : شفت حلااااااااااااتو الايام دى قابض الجو كيف ؟؟؟؟

[nagatabuzaid]

ردود على nagatabuzaid
[nagatabuzaid] 04-18-2015 08:15 PM
ابو عبد الله تسلم ومن منا يسلم من اللغط والاهم وما جعلنى اوضح اسلوبكما المهذب مع بعضكما انت وابو عبدالله ولك تقديرى واحترامى على كلامك الطيب تحياتى

[ابوعبدالله] 04-17-2015 06:03 PM
مشكورة على توضيح اللغط الغير مقصود من ودالبجة ودمتي لينا اخت كبيرة تفضي النزاعات


#1248529 [الدرب الطويل]
5.00/5 (9 صوت)

04-16-2015 08:07 PM
وهناك وفي مكانٍ آخرٍ من أطراف السودان، مرَّ عنترة واخاه شيبوب بمضارب احدى القبائل. وما إن إقتربا من خيمة الإقتراع المهجورة (لا صناديق لا يحزنون) حتى لفت إنتباههما عسكري على رأسه (الكدمول) ويمتشق الجيم3..
عنترة: من هذا (المتبلم) زي قطاعين الطرق؟ اهو من بني كوز؟
شيبوب: لا، بل من بني (جنجا)..
عنترة: اهو الدواس إذن! فقد سمعنا أن زعيمهم أرغى وأزبد وحلف طلاق ألّا تُقام إنتخاباتٌ في هذه النواحي..
شيبوب: انت الظاهر هيامك (بإبنة مالِكٍ) ماخد وقتك كلو وما جايب خبر.
................................

شعر عنترة بالجوع فقال لشيبوب ممكن نغشى الفرن وناخد شوية رغيف.. وعندما إقتربا شاهدا غباراً كثيفاً لتدافع الناس وظن عنترة انها حرب (داحس والغبراء) فكرب صلبه واخذ ينشد: هلّا سألتِ الخيل يا...
فقاطعه شيبوب: تعال عافر معانا هنا..

وبجانب بتاع الفول وجد عنترة (الجككة والبستلات) مرصوصة لمنتصف الفسحة.. وفى الركن الآخر للفسحة انابيب الغاز.. وتذكر أن خيمتهم لم توقد فيها نار منذ إستلام المرتب.. أحس بغبنٍ شديدٍ وهو يرى البؤس والشقاء في ربوع موطنه.. ومحبوبته عبلة صابرة وقانعة ولكن إلى متى؟..

امتطى عنترة صهوة جواده (كُمَيْت) وإستلّ سيفه (المهند) وأقسم ألّا يعود الى ديار عبلة إلّا بعد أن يقتلع تلك (الشجرة) الخبيثة!!..

[الدرب الطويل]

ردود على الدرب الطويل
United States [sas] 04-17-2015 11:47 PM
قال جبرا قال ده مبدع

[Sudanese] 04-17-2015 05:32 AM
جبرا2


#1248523 [sulieman]
4.00/5 (4 صوت)

04-16-2015 07:51 PM
Man you have the best WEED in the city can I have some

[sulieman]

#1248519 [وطن الجدود]
5.00/5 (1 صوت)

04-16-2015 07:35 PM
قولولو ما شاء الله ولا قوة الا بالله للمبدع جبره
يعني ماتطقوهو عين
ربنا يحفظك ويبعد عنك اولاد الحرام
ويخليك للبلد يا اخر المبدعين

[وطن الجدود]

#1248511 [خليفة احمد]
5.00/5 (2 صوت)

04-16-2015 07:19 PM
الحماداب ؟؟؟؟ وفردة الجزمة الناصعة البيياض من غير سوء !!!!!!! دي المنعت المقال من النشر زائد علبة الضمنة !!!!!!!!!!!!!!!!!

[خليفة احمد]

#1248505 [ابولاكومة]
5.00/5 (1 صوت)

04-16-2015 07:06 PM
جميلة يافاتح

[ابولاكومة]

#1248484 [Osama Elkhalifa]
5.00/5 (2 صوت)

04-16-2015 06:06 PM
(قيل أن عنترة قبل أن يغادر (مركز الإقتراع) أخرج من جيبه (علبة ضمنة) وناولها للموظفين قائلاً :
- إتسلو بدل قاعدين كده سااااكت !!)
ههههههههههههههههههههههههههههههههههههههههههههههههااااااااااااااا

[Osama Elkhalifa]

#1248453 [quickly]
5.00/5 (3 صوت)

04-16-2015 05:13 PM
دا موضوع عن عنتر وعبلة ياجبرة منعوا ليك من النشر لييه؟؟

[quickly]

#1248441 [بت البلد]
4.88/5 (7 صوت)

04-16-2015 04:47 PM
هههها عبلة تناديني والانقاذ تقاويني وسوف لا أعطي صوتي للشواطين لأنهم منعوا نشر موضوعي أمام أعين المقاطعين

[بت البلد]

ردود على بت البلد
[nagatabuzaid] 04-16-2015 09:25 PM
قوية يا بت البلد . تحياتى


#1248439 [أبو مريام]
5.00/5 (5 صوت)

04-16-2015 04:46 PM
قوية .... قوية يا جبرا
فرقت مني الهم ووجع الضرس ...... ولسة نغني وبكرة أكيد تخضر الأرض النشفت ....
موعدينا فجر كاسح كالكرب كما قال : شاعر الشعب محجوب الله يرحمو

[أبو مريام]

#1248429 [murtada eltom]
5.00/5 (1 صوت)

04-16-2015 04:38 PM
Thanks so much Mr Fatih.....what you write is is becoming now ,,the only remedy and treatments for our daily misrable, and dark life,,,May Allah grante you healthy long life

[murtada eltom]

#1248427 [ودعمر]
5.00/5 (3 صوت)

04-16-2015 04:38 PM
هههههه متعك الله بالصحة والعافية فقد ازلت عنا جزء من هذا الاستقراش الدائم من خلال اجبارك لنا علي الضحك في زمن البكاء

[ودعمر]

#1248426 [الداندورمي.]
5.00/5 (2 صوت)

04-16-2015 04:37 PM
ههههههههههه والله لو،،،روحي مرقت وأنا بضحك
سبب موتي إنته ربنا يديك الصحه والعافيه بقدر إسعادك لنا .

[الداندورمي.]

#1248423 [Wad alfa7al]
5.00/5 (3 صوت)

04-16-2015 04:35 PM
ههههههههههههههههههه..ساخر جد
ههههههه

[Wad alfa7al]

#1248422 [قرن شطة]
5.00/5 (5 صوت)

04-16-2015 04:34 PM
والله ياجبره دى سيريالية ورمزية خالص والتشبيه ذاتو موفق..حكاية غريبة...تحياتى يامبدع

[قرن شطة]

#1248414 [عبدالماجد قنديل]
5.00/5 (3 صوت)

04-16-2015 04:25 PM
بالفاتح جبرا ... جهــز شنطتك وماتنسى حبوب الضغط والسكر والذي منه الله يعينك

[عبدالماجد قنديل]

#1248407 [انقااذي سادر في فساده]
4.75/5 (4 صوت)

04-16-2015 04:12 PM
جوز كوتشينة وحريق بدل القعدة الساكت والشخير فضحتونا مع اجهزة التواصل

[انقااذي سادر في فساده]

#1248404 [ودالحاجة]
5.00/5 (3 صوت)

04-16-2015 04:08 PM
تسلم يا أستاذ يا رائع .. يا مبدع ..

[ودالحاجة]

#1248399 [القريش]
4.88/5 (4 صوت)

04-16-2015 04:00 PM
مبدع حد التشبع ياجبرا

[القريش]

#1248392 [حاج علي]
5.00/5 (6 صوت)

04-16-2015 03:57 PM
بصراحة دي قصة تاريخية
يجب ان تضاف الي منهج وزارة التربية
عبقري يا جبرا
ياخي انت من وادي عبقر زاتو

[حاج علي]

#1248391 [كاره الكيزان محب السودان]
5.00/5 (4 صوت)

04-16-2015 03:54 PM
لا لا لا أنت ما ساخر أنت مبدع عديييييييييييييييييييييييييييييييييييييييييييييييييييل كدة والله.

[كاره الكيزان محب السودان]

#1248382 [hijazee]
5.00/5 (5 صوت)

04-16-2015 03:48 PM
أقطع دراعي ياود جبرا اذا انت ما ضربت ليك حاجةقبل ما تكتب هذا المقال الرائع الذي اضحكنا وفرق عنا الهم والغم الذي يحيط بنا من كل جانب إحاطة السوار بالمعصم. الله يجازي شيطانك كما يقولون. ونرجو المعذرة ونستغفر لاتهامك بما ليس فيك

[hijazee]

ردود على hijazee
European Union [Takawai El Balawi] 04-16-2015 04:40 PM
يا حجازى الأنسان كان ضرب حاجة بيكتب كلام جميل زى دا ؟ كان كدة كلنا نشوف لينا حاجة باااااااردة ( بالطبع لا ببسى لا كولا لا سبعة فوق لا ميراندا ) نضربها عشان نمرق من الهم و الغم العلينا.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة