الأخبار
أخبار إقليمية
وزير الداخلية: لا علاقة للحكومة بالإخوان المسلمين ومكتب الإرشاد العالمي
وزير الداخلية: لا علاقة للحكومة بالإخوان المسلمين ومكتب الإرشاد العالمي
وزير الداخلية: لا علاقة للحكومة بالإخوان المسلمين ومكتب الإرشاد العالمي


04-17-2015 11:56 PM
الخرطوم- صباح

جدد الفريق عصمت عبد الرحمن، وزير الداخلية، وزير الداخلية موقف السودان الثابت من عدم ارتباط الحكومة بجماعة الإخوان المسلمين ومكتب الإرشاد العالمي، وقال إن الحكومة السودانية إسلامية مستقلة تطبق شرع الله بعيدا عن التنظيمات الإسلامية المختلفة.

وعلى صعيد آخر قال الوزير إن الطيارين الروسيين المختطفين في دارفور يتمتعان بصحة جيدة، وأكد أن الخاطفين طلبوا فدية للإفراج عنهما إلا أن الخرطوم وموسكو رفضتا، تأكيدا لموقف عدم التفاوض مع الإرهابيين، ولم يقدم الوزير مزيدا من التفاصيل.

وكانت مجموعة مسلحة قد اختطفت اثنين من الطيارين يحملان الجنسية الروسية يعملان لحساب البعثة المشتركة بين الأمم المتحدة والاتحاد الأفريقي بدارفور "يوناميد"، نهاية يناير الماضي، من قلب مدينة زالنجي عاصمة ولاية وسط دارفور، غرب السودان، على ظهر سيارة ذات دفع رباعي أثناء توجههما من السوق إلى مقر البعثة، وفروا بهما إلى جهة غير معلومة.

واتهم وزير الداخلية بعض الفصائل المسلحة في دارفور بالمشاركة في القتال مع الفريق خليفة حفتر، قائد الجيش الليبي، مؤكدا موقف السودان الداعم للحوار في ليبيا، وعدم دعم أي طرف على حساب طرف الآخر

اليوم التالي


تعليقات 25 | إهداء 0 | زيارات 4670

التعليقات
#1249516 [عصمتووف]
0.00/5 (0 صوت)

04-18-2015 06:51 PM
كيف ي وزير الداخلية علمت بان الحكومة لا علاقة للحكومة بالإخوان المسلمين ومكتب الإرشاد العالمي ف حين هم يعترفون بلسانهم الزفر لو قصدك حارجيا هم اذيالهم وهنا ف الداخل علبهم العلب المسلمين بدلا من الكيزان وبعدين انت حديث عهد ب الوزارة ولا تعرف بطنهم الغريقة وكنت ضابطا ب الجيش وحين تم ترقيتك للاركان ليس حبا فيك بل ف ضعف شخصيتك واهتزازها انت لا بتحل ولا بتربط وجعيرك كان من اجل منصب ف الجكومة القادمة دي مشكلتك ولو مبيتون النية بطرد العلب الاخوان بعد الفوز وبيعهم كما تم بيع الاخرين ف المشكلة تظل قائمة قائمة

[عصمتووف]

#1249502 [ابن الدار 5]
0.00/5 (0 صوت)

04-18-2015 06:22 PM
اعتقد ان أي نفي في تلك الاحوال يعنى شبهه او واقع حقيقى للجماعة والا لماذا ينفى علاقتهم بالاخوان .. في زول سألك عن ذلك
اعتقد ان كل بلاوي العالم العربي هذه الايام دي جاية من قبلة اخوان السودان ... الجماعة
التحت 0 المخطط الاستراتيجي اى ( المجلس الاربعيني المعروف ) ناس د عبد الرحيم على وطه وما شابه ذلك
واعتقد ان كلام وزير الداخلية لا يجدي نفعا مع وضع اخوان السودان الذين
استضافوا الغنوشى ( من تونس ) وكذلك الاحمر والزندانى ( اليمن ) القرضاوي
واخرين كثيرين .. كان رأسهم شيخهم الترابي الم تروا رجع ليهم تانى في الصف
الاول وشكرا

[ابن الدار 5]

#1249429 [Rebel]
5.00/5 (2 صوت)

04-18-2015 03:52 PM
* الله اخيبك..دليس و رخيص!

[Rebel]

#1249280 [العجب]
0.00/5 (0 صوت)

04-18-2015 11:14 AM
بعد انقلاب الكيزان والقسم المغلظ وكلام الترابي للبشير لزوم التتويه اذهب للقصر رئيس وانا للسجن حبيس تاني مين بيصدقكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟والله لوحسن البنا قام من قبرو وقال الجماعة دى وهم مش يبعي برضو ما بنصددددددددددددددددددددددقكم.

[العجب]

#1249265 [YAHIAKAMAL]
0.00/5 (0 صوت)

04-18-2015 10:46 AM
ياوزير الداخلية مابلاش ياكمبارس مابلاش ياقبورة بعدين انتو بطبقوا شرع الله ياقبورة بتكذب على منو عليك الله ياراجل انت الظاهر عليك تعيش اجواء يعلم بيها الله انتو بعيدين كل البعد من شرع الله الله ينتقم منكم يامنافقين

[YAHIAKAMAL]

#1249214 [karkaba]
5.00/5 (2 صوت)

04-18-2015 09:09 AM
ههه واللة مايكن اي علاقة ب الاخوان المسلمين بالغت يا صيصة الحلبية

[karkaba]

#1249209 [مواطن]
0.00/5 (0 صوت)

04-18-2015 09:03 AM
لا ادري من نصدق ،،،،،،،
حديث السيد الرئيس في برنامج العاشرة مساء بقناة دريم المصرية قبل ايام ،،،،،فقد قال ردا على سؤال الاعلامي وائل الابراشي له ( نحن الاخوان المسلمين السودان ) ،،،،،،،
ام نصدق كلام السيد الفريق عصمت النافي لهذا الانتماء ،،،،،
امر آ آخر ورد في حديث السيد الوزير ،، قوله ان هناك افراد من الحركات تقاتل الى جانب خليفة حفتر ،،،،
ترى هل يعتقد السيد الوزير ان المواطن الليبي العادي وفي مثل هذه الظروف التي تمر بها ليبيا يستطيع ان يميز بين السوداني التابع للحركات المسلحة والمواطن الذي يجري وراء لقمة العيش ،،،،،
الا يعتقد الا احد يمكنه الخروج بنتيجة من هذا التصريح سوى التحريض على كل السودانيين بليبيا ،،،،
كيف نفهم قول حكومتنا انها تحترم خيار الشعب الليبي ولا تتدخل في شانه الداخلي وخليفة حفتر هوقائد الجيش الليبي المعين الحكومة الشرعية والمعترف بها دوليا ،،،،،
الا تهدم مثل هذه العبارة القصيرة ما تبنيه وزارة الخارجية في اعوام ،،،،،
استاذن استاذنا الفاتح جبرة متعه الله بالصحة والعافية ( بكسرة ) ،،،،،
ما سبب همة ونشط قناة الجزيرة في كل هذه التغطية ،،،

[مواطن]

#1249205 [العطار]
0.00/5 (0 صوت)

04-18-2015 08:58 AM
الظاهر عمنا الوزير كان مع الجماعه الضبطو مصنع المخدرات وشال حاجه في جيبو وماعرفناك انت وزير ام مقرر الحكومه تتكلم عن حاجات اكبر منك وخليك عارف انو نحن مسلمين يعني شرع الله مطبق فينا اوتومتكي اما شريعه الحكومات انت ولا رئيسك بتقدر تطبقو لانو في بلدك لا امن لا امان والفقر ضاربنا طول وعرض ولو في شريعه في البلد انت ما كان جابوك من الشارع وفي ناس احق منك لهذا المنصب في السعوديه بتاع المخدرات بيعدمو في الشارع وين ذول الباخره وين السوري وانت كوزير للداخليه امشي بيوت الرعايه عشان تعرف نسبة الزني في بلدك وامشي مر علي السجون كم مظلوم في السجن اما عن الاخوان البشير كذب علي الخليجيين عشان يلقي ليه شوية ريالات ونحن عندنا شنو تكذبو علنيا وتاكد انو الاخوان لو حسو بانكم جادين والله يوم واحد ماتقنب في كرسيك ده

[العطار]

#1249180 [صادميم]
5.00/5 (1 صوت)

04-18-2015 08:14 AM
يعني انت بتفهم اكتر من عمر البشير الذي قال انه كان عضوا في الاخوان المسلمين وان والده بايع حسن البنا

[صادميم]

#1249168 [أبوعلي]
5.00/5 (5 صوت)

04-18-2015 07:53 AM
خبروني عن وزير الغفلة هدا
هل هو صناعة سودانية أصلية
أم تقليد تايواني فالصو ؟

[أبوعلي]

#1249155 [زول الخلا]
5.00/5 (2 صوت)

04-18-2015 07:09 AM
الحلبي دا بي صحو جنا ولا شنو...مسكين مسكين يا أبيض اللون..ياإما منافق ودي واردة ولا مغيب.

[زول الخلا]

ردود على زول الخلا
European Union [جنرال زمان] 04-18-2015 07:30 PM
هو يا سامي دا لقبه كدا (عصمت الحلبي) وهو عارفه ولا يمانع

[سامي] 04-18-2015 09:20 AM
انت حاقد على اللون الابيض ام علي الكيزان شكلك غراب اسود.ماتزعل انا برضو اسود زيك .. لكن لا للعنصرية واللون .


#1249150 [Shah]
5.00/5 (3 صوت)

04-18-2015 06:34 AM
اخوان مسلمين؟ ... منو ديل؟ ... نحنا؟ ... برى برى ... برى برى.

[Shah]

#1249149 [احمد]
5.00/5 (1 صوت)

04-18-2015 06:33 AM
كذاب يا وزير الداخلية الحكومة حكومة كيزانية بحتة اسسها الترابي ويديرها الان على عثمان ونافع والجاز وتديرها ما تسمي بالحركة الاسلامية التي يرأسها الزبير احمد حسن امثال قطبي المهدي ومحمد الحسن الامين وكمال عبيد وامين حسن عمر على كرتي وكبار دهاقنة الكيزان هم اعضاء في التنظيم الدولي للأخوان المسلمين يؤيدون مرسي ويكرهون السييسي ويتعاملون مع السيسي تعامل تقية وخداع.

كبار رجال الجيش والامن ووكلاء الوزراات والامناء العامين في كل الوزارات وكل السفراء بالخارج وزارة الخارجية بأكملها والامن الشعبي والدفاع الشعبي وخريجي الكلية الحربية وكلية الشرطة منذ 25 عاماً هم نتاج لثورة التمكين .اتحاد الطلاب واتحاد المرأة واتحاد نقابات عمال السودن واتحاد الاطباءواتحاد المحامين كلهم كيزان ينتمون للتنظيم الدولي للأخوان المسلمين

[احمد]

#1249140 [باكاش]
5.00/5 (2 صوت)

04-18-2015 05:22 AM
قسما بالله يا قراا الراكوبة جادى..
هسه دا وزيرداخلية مصر ولا السودان??????

[باكاش]

#1249122 [saleh]
5.00/5 (4 صوت)

04-18-2015 02:58 AM
تطبق شرع الله ؟؟؟؟؟؟؟؟؟؟؟؟
والله البتعملوا فيهو ده افتراء علي الله اعملوا ما بدا لكم وأبعدوا عن الله ..
( قل هل ننبئكم بالأخسرين اعمالا . الذين ضل سعيهم في الحياة الدنيا وهم يحسبون انهم يحسنون صنعا . أولئك الذين كفروا بآيات ربهم ولقائه فحبطت اعمالهم فلا نقيم لهم يوم القيامه وزنا . صدق الله العظيم

[saleh]

#1249120 [عوض الله الكنانير .. شنوووو]
5.00/5 (1 صوت)

04-18-2015 02:26 AM
للاسف وزير الداخليه ومدير الشرطه شخصيات باهته لا يمكن الاعتماد علي تصريحاتهم وايضا جميع المتنفذين والمسترجلين جميعهم لا يستطيعون الكلام الا بعد الاستئذان حتي المتغندر التركي والولد المعجزه جميعم شخصيات باهته وحتي اهل المشروع اصبحو لا يدرون الحاصل شنو ف البلد دي وخايفين تماما وهم يرون ان مشروعهم يتمرمط ولا يستطيعوا ان يحركوا ساكنا احيانا امثال المتورك هذا يدخل الخنجر في خاصرتهم وهم في صمت الاموات وعطا وغيرو وغيرو كلهم يرتعدون من الخوف وضيعت حليمه خلخالها

[عوض الله الكنانير .. شنوووو]

#1249112 [burram]
5.00/5 (2 صوت)

04-18-2015 01:33 AM
واحده من أثنين ،،أما الشعب السودانى مجنون أو وزير الداخليه بسلامتو سموك عصمت مجنون،،،، كل أعضأ الحكومة و تاريخهم وإعترافاتهم بأنهم كيزان تجى إنت تمحيهوا فى جمله واحدة وعايز الشعب يصدقك يا تمبل ، ديل كيزان نكره و هم من ينفذ مؤمرات التنظيم الدولى للإخوان فى دول الجوار بمدهم بالسلاح لنشر فكركم الفاسد وزعزعت الأمن بإعترافهم فى إجتماعاتهم ده كلام طلع من روؤس الثعابين الحاكمه السودان ،وكل الشعب والعالم على علم بذلك بالبراهين والدلائل ،فيا وزير داخلية الكيزان القرد ما بلد غزال وبلاويكم حتخموها إنتوا يوم قيامتكم وكل شاة معلقه من عصبتها ، نصيحتى ليك أقلع الكاكى و قوم صوف

[burram]

#1249111 [محمد فضل علي ادمنتون كندا]
0.00/5 (0 صوت)

04-18-2015 01:24 AM
"جدد الفريق عصمت عبد الرحمن، وزير الداخلية، وزير الداخلية موقف السودان الثابت من عدم ارتباط الحكومة بجماعة الإخوان المسلمين ومكتب الإرشاد العالمي، وقال إن الحكومة السودانية إسلامية مستقلة تطبق شرع الله بعيدا عن التنظيمات الإسلامية المختلفة."

السيد الوزير الامر جد لا لعب وهذه قضية تتعلق بمصير امة ووطن الاسلام كقيمة ورسالة لاوجود له في حياة الناس وواقع السودان المعاش جملة وتفصيلا.
وماتقوله في هذا الصدد افتراء علي الله وعلي دينه والبلد علي ابواب فتنة نتمني ان تصحوا قبل فوات الاوان وقبل ان يتحول السودان الي عراق وسوريا اخري.

[محمد فضل علي ادمنتون كندا]

#1249110 [الحق ابلج]
4.88/5 (4 صوت)

04-18-2015 01:12 AM
التركى ده ماناقش حاجه لقا الجماعهربكصبو قال نكضب زيهم . مافى حد احسن من حد .
لو عايز تعرف اسأل هاشم مدير الشرطه السفاح بتاعك البيحضر اجتماعاتم السريه ويخليك مقنطر يبتاع التركيه السابقه انت .

[الحق ابلج]

ردود على الحق ابلج
[سامي] 04-18-2015 09:23 AM
الراجل شكله كويس مفروض يكون وزير خارجية وكرتي داخلية . رايكم شنو. ان الطيور علي اشكالها تقع


#1249105 [ابوانوار]
4.50/5 (4 صوت)

04-18-2015 12:55 AM
كـــــــــــاذب وأشــــــــــــــــــــر

[ابوانوار]

#1249104 [الداندورمي]
4.50/5 (4 صوت)

04-18-2015 12:49 AM
نكرتوهم حطب.

[الداندورمي]

#1249101 [الأزهري]
4.00/5 (3 صوت)

04-18-2015 12:41 AM
آسف، يدير ظهره للكيزان

[الأزهري]

ردود على الأزهري
United States [باكاش] 04-18-2015 05:27 AM
وين يا ازهرى ..العرور دا يقدر يصرف براهو ويلفظ الاخوان ..
يمين يغتالو ضحى ..
دا تقسيم ادوار ليس الا ..لكن وين شغل حسن البنا وحسن الترابى دا ما اتكشف.


#1249100 [الأزهري]
1.00/5 (1 صوت)

04-18-2015 12:40 AM
خلاص البشير ضمن الانتخابات وبدأ يدير ظهره عن الكيزان ويقلب لهم ظهر المجن في المرحلة القادمة.

[الأزهري]

#1249098 [ود نفاش]
4.50/5 (4 صوت)

04-18-2015 12:37 AM
هو انت فاهم ايه؟ كنت مجرد عسكري رفدوك ورجعوك

[ود نفاش]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة