الأخبار
أخبار إقليمية
إلقاء القبض على رؤساء ثلاثة مراكز انتخابية وايداعهم السجن
إلقاء القبض على رؤساء ثلاثة مراكز انتخابية وايداعهم السجن
إلقاء القبض على رؤساء ثلاثة مراكز انتخابية وايداعهم السجن


على خلفية ضلوعهم في تزوير الانتخابات
04-18-2015 08:32 PM
الراكوبة - الخرطوم القت الشرطة القبض على عدد من رؤساء اللجان الانتخابية بالدائرة القومية (6) بولاية النيل الابيض، واودعتهم السجن بتهمة تورطهم في التلاعب بصناديق الاقتراع، على خلفية الاجراءات الجنائية التي حركها مرشحون في مواجهتهم. قبل ان تقوم النيابة بالافراج عنهم بضمانة مالية وقدرها 1000 جنيه، قبل تقديمهم للمحاكمة.

وكشف المرشح المستقل بالدائرة القومية (6) "أم رمتة" بولاية النيل الابيض د. حسن الأغبش الشيخ الحسن، عن تجاوزات في صناديق الاقتراع لعدد (5) مراكز، واكد الحسن في تعميم صحفي تلقته (الراكوبة) انه تقدم بشكوى قانونية وفتح بلاغات في محكمة الصوفي وسلمها خطابات بالتجاوزت، وعمليات تزوير للمراكز الخمسة التابعة للدائرة. مشيرا الي انه كان متقدما على منافسه مرشح المؤتمر الوطني بفارق اكثر من ستمائة صوت، ونوّه الي ايداع عدد من المتلاعبين حراسة قسم شرطة الصوفي.

من جانبه أكد عضو لجنة المفوضية بمحلية "ام رمتة" حبيب الله سلامة تلقيهم شكوي من عملية تزوير من قبل المرشح المستقل، مشيرا الي ان الامر شأن خاص بالقضاء.

وأكد مسئول المراقبة في الانتخابات عن منظمة الخلد للإعمار والتنمية عماد خليفة، عن حدوث خروقات في عدد من مراكز الانتخابات من بينها التصويت لعدد أكثر من 5 اشخاص متوفين واخرين بخارج السودان. وقال عماد ان سلطات المحلية القت القبض على مدير مركز الصوفي ومدير مركز العشرة ومدير مركز الشاطئ، واودعتهم الحراسة، مشيرا الي ان المفوضية بالمحلية رفضت تسليمهم نتائج الفرز واكدت على انها ستسلمهم لها بعاصمة الولاية ربك.


تعليقات 16 | إهداء 0 | زيارات 21438

التعليقات
#1250159 [صديق حسين]
0.00/5 (0 صوت)

04-19-2015 05:43 PM
انتخابات الموت جدي مات سنه 17 و اهو اسمو ظهر في لوائح الانتخابات و من بدري قالو ليكم و وصوكم لو ما صوتو الجماعه حا يستعينو بالمراحيم و بعدين مين قال الاحياء افضل من الاموات؟

[صديق حسين]

#1250126 [تقول]
5.00/5 (1 صوت)

04-19-2015 04:43 PM
انها انتخابات الخج والدم

[تقول]

#1250102 [الغريب عن وطنو]
4.63/5 (4 صوت)

04-19-2015 03:47 PM
الكلام ده تضحكو بيهو على الجهلاء المساكين ..
يعني عايزين تورونا انو انتخاباتكم نزيهة وانكم قبضتو على المزورين وح تحاكموهم؟
لا خلااااااااااااص صدقناكم
والشرطة البتقولو عليها دي ياها الشرطة العملت رايحة لما كنتو بتقتلو الناس في مظاهرات سبتمبر ولا غيرا؟
ما مشت علينا .. شوفو حاجة تانية

[الغريب عن وطنو]

#1249997 [كركر]
5.00/5 (4 صوت)

04-19-2015 12:37 PM
شوفو مزوره ما مزوره الشعب السودانى قال كلمته ولن نلتفت لمجادلة الارزقيه يعنى بلعربى الفصيح اتوكلو على الله

[كركر]

#1249896 [ابو عرب]
2.63/5 (5 صوت)

04-19-2015 10:38 AM
لا حول ولا قوة الا بالله عارفين ميزة بلدنا المحافظة عليها الشرطة شائيفة شغلها كويس احسن من الامن والجيش البلد الوحيد الشرطة لا يمكن غشها بنظرة يعرفوك حتئ النواب ممكن يتلاعبوا لكن الشرطة لا عارفين السبب شنو لانهم اولاد بلد اصيلين واحسرتاه علئ ما فرطنا في جنبكم يا جنابات واحسرتاه

[ابو عرب]

ردود على ابو عرب
[ودالباشا] 04-20-2015 01:57 AM
الصوت بركة بالعودة الراجل طارت ليهو فى راسو

[الصوت] 04-19-2015 12:43 PM
يا زول انت بجدك ولا محموم شوية ؟؟!!


#1249890 [الخازوق]
1.00/5 (1 صوت)

04-19-2015 10:34 AM
يحيا العدل
ده الكلام الصحيح
ناس خرقوا القانون فتم القبض عليهم وسيحاكمون وكل من له مظلمة سينصف
نتمنى ان تسير الامور هكذا كل من يخطيء يحاسب
ان شاء الله حنشوف سودان اخر
تفاءلوا بالخير تجدوه او كما قال .

[الخازوق]

ردود على الخازوق
European Union [دار الريح] 04-19-2015 04:36 PM
ده انت مجوعة خوازيق مش واحد ( اسم على مسمى ) ماشاء الله

European Union [حضرس] 04-19-2015 01:49 PM
انت شكلك كدا خازوك بالجد..عايز الناس تتفاءل بي شنو؟


#1249859 [سامي سيداحمد]
5.00/5 (3 صوت)

04-19-2015 10:06 AM
حال العصبة البتكشف فيهم يقدموا كبش فداء

[سامي سيداحمد]

#1249848 [خالد]
5.00/5 (1 صوت)

04-19-2015 09:54 AM
التصويت لعدد أكثر من 5 اشخاص متوفين واخرين بخارج السودان
هذا نموذج من وسخ المؤتمر اللاوطني حتى في التزوير اغبياء ؟؟ ميت خارج السودان ؟؟

[خالد]

#1249799 [حرية]
5.00/5 (1 صوت)

04-19-2015 09:07 AM
اللهم ألعن كل موتمر وطني لعنا كبيرا انهم لا يخافون من الله ولا دين الاسلام.

[حرية]

#1249782 [سعيد لورد]
4.75/5 (6 صوت)

04-19-2015 08:49 AM
مش لو ألقوا القبض على ثلاثة رؤساء مراكز انتخابية
لو قبضوا على قائمةالمطلوبين للمحكمة الجنائيةالدولية و على رأسهم البشير
برضو الانتخابات مزورة مزورة مزورة

[سعيد لورد]

#1249737 [Abo alkalas]
5.00/5 (3 صوت)

04-19-2015 07:48 AM
(مشيرا الي انه كان متقدما على منافسه مرشح المؤتمر الوطني بفارق اكثر من ستمائة صوت)
هههههههههههههههههههههههههههههههههههههههههههه

[Abo alkalas]

#1249719 [شفقان]
5.00/5 (10 صوت)

04-19-2015 07:04 AM
طبعاً زر للرماد عشان يقولو نعم حصلت بعض التجاوزات الطفيفة وتم التعامل معها قانونياً وتم إحالة المتلاعبين الى الجهات القانونية

[شفقان]

#1249689 [خليكم واعيين]
5.00/5 (4 صوت)

04-19-2015 04:59 AM
حيدوهم مكافئة....لأنو ادو والواجب المنوط بهم

[خليكم واعيين]

#1249674 [amaar]
4.99/5 (10 صوت)

04-19-2015 02:24 AM
هههههههه تمثلية بايخة من ناس عصابة المؤتمر الوطني عشان يقولو الشرطة قبضت علي كل المتلاعبين والمزورين هههههاي العبو غيرها وكفاية تعاملو الشعب زي الشفع الصغار ، اخجلو يا شيوخ

[amaar]

#1249646 [Almisahir fi izallail]
4.75/5 (3 صوت)

04-19-2015 12:24 AM
نطق "الاصم" عدلا وحكمة!!! تانى فى اى مجمجه؟ اثبت ليكم انه شهر رجب فيه الحزم وما قد وجب!
الراجل اللى عمل العمله وانقبض عارف الشغلانه كويس ومتعوووود من 2010.. وعااارف ان ناس النيل الابيض ما فى زول بيقدر يقولّهم تلت الفلاته كم!
* دى ولاية العلم والنور.. قبّال دا الشيخ اللى عمل للبنيّه المحايه والبخرات عشان تمر كل الامتحانات وحكمت عليه المحكمه "حضوريا" موش اطلق سراحو "توجها حضاريا"!
* يلآ قوموا على الحوار ..الانتخابات موش انتهت...
جاتكو داهيه قال تزوير قال.. راجل علط وصلّح علطتو فى حزّتا.. مرجوعه فى مسماها!
* بمناسبة ولاية النيل الابيض وبجامع "النيل" فى كل من النيل الابيض ونهر النيل.. مسؤولين من الخير " المهم جمال ابو عنجه يكون فاز؟ لآزمة يدخل دار ابو جلابيه فائز ,, ا

[Almisahir fi izallail]

#1249585 [مؤتمر وطني قال]
4.99/5 (9 صوت)

04-18-2015 09:31 PM
هذا فقط لزر الرماد في العيون فقط ،،،، لا تنطلي عليكم الخدعة يا أقاضل ،،، التزوير تم بليل بالمفتاح الثالث لطبل المراكز .

[مؤتمر وطني قال]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة