الأخبار
أخبار إقليمية
اهالي البسابير جنوب شندي يطردون الرأس الدبلوماسي والوزير يضطر للهروب.. (شاهد الفيديو)
اهالي البسابير جنوب شندي يطردون الرأس الدبلوماسي والوزير يضطر للهروب.. (شاهد الفيديو)
اهالي البسابير جنوب شندي يطردون الرأس الدبلوماسي والوزير يضطر للهروب.. (شاهد الفيديو)


بهتافات داوية : نحن نأيد حزب السيد..عاش أبو هاشم ..عاش أبو هاشم
04-19-2015 11:38 PM
الراكوبة - الخرطوم الشرطة ضربت حوله طوقا أمنيا لحمايته من الجماهير الغاضبة

قابل اهالي البسابير جنوب شندي؛ زيارة وزير خارجية النظام علي كرتي الى منطقتهم؛ بإمتعاض شديد؛ وقاموا بطرده ووفده المرافق؛ وسط هتافات حادة؛ تمجد الحزب الاتحادي (الاصل) وتنادي بسقوط نظام حزب البشير.
واظهر اهالي المنطقة تماسكا كبيرا؛ وقوة كبيرة في مواجهة افراد الشرطة الذين حاولوا استخدام القوة للحيلولة دون طرد علي كرتي. قبل ان يتراجعوا امام هتافات الجماهير الهادرة رفضت الإذعان لمطالب الشرطة؛ الامر الذي اضطر افرادها الى ضرب طوق امني حول عربة علي كرتي والعربات الاخرى التي ترافقه؛ لمنع جماهير المنطقة من الوصول إليهم.
ومع تراجع افراد الشرطة تصاعدت هتافات الاهالي الذين ينتمي غالبيتهم الى تيار الممانعة والمعارضة داخل الحزب الاتحادي الديمقراطي (الاصل)؛ الذي يرفض المشاركة في انتخابات حزب البشير .
ورددت الجماهير هتافات تدعو الى التمسك بالحزب الاتحادي؛ وترفض الاستجابة الى الاغراءات التي يقدمها حزب البشير لشراء عاطفة وولاء الناخبين.
وجراء الهتاف الداوي؛ اضطر علي كرته ووفده المرافق الانسحاب؛ تشيعه ضحكات الجماهير الذين لم يتمالكوا أنفسهم؛ وما كان من احدهم الا ان صاح باعلى صوته (شردوا)؛ في اشارة الى هروب علي كرتي ومجموعته من منطقة البسابير؛ تحت ضغط المواطنين.
وجاءت زيارة وزير الخارجية علي كرتي الى منطقة البسابير لمساندة مرشح حزبه؛ والضغط على المواطنين للتصويت في "اليوم الثاني" للانتخابات، عقب مقاطعتهم الكبيرة لها.
وكان الرأس الدبلوماسي ينوي استعطاف المواطنين "بالوسائل المتاحة للحزب" إلاّ أنهم امتنعوا وهددوه بتحطيم سيارته إذا تجوّل في البلدة.
الجدير بالذكر أن الدائرة "7 الجنوبية شندي" تنافس فيها "4" بينهم مرشح حزب البشير "تاج الدين المهدي" أحد الشركاء في فضيحة ال"5" مليار دولار المتعلقة بوكيل وزارة الدفاع السابق.

.


تعليقات 25 | إهداء 0 | زيارات 21513

التعليقات
#1251497 [ود الكوتش]
0.00/5 (0 صوت)

04-21-2015 01:10 PM
بكره كرتي يقول ما شردت

[ود الكوتش]

#1251384 [الشحمان مغسة]
0.00/5 (0 صوت)

04-21-2015 11:03 AM
عاش ابو هاشم لو كان طاشم

[الشحمان مغسة]

#1251332 [نني]
5.00/5 (1 صوت)

04-21-2015 10:11 AM
عاش توفيق الدقن عاش توفيق الدقن عاشت الطائيفية عاشت الرجعية عاشت الفتة

[نني]

#1250810 [ابو الشيماء]
4.00/5 (4 صوت)

04-20-2015 03:13 PM
انتو لسع عايشين في الزمن الغابر داااااك . نحن نؤيد حزب السيد .. واليابا السيد يبقي عتيد ,, يعني تصغير عتود ؟؟؟؟

[ابو الشيماء]

#1250796 [ميت من الضحك]
4.50/5 (4 صوت)

04-20-2015 02:51 PM
عجيب والله يؤيدوا حزب السيد والسيد نفسه بقى كوووز وما داسيها وتيار الممانعة داخل الحزب الإتحادى بقى زى الاطرش فى الزفة ماعارف يعمل شنو حتى كاتب المقال رائح ليهو الدرب فى الموية عايز يلمع فى حزب سقط فى امتحان الوطنية وبقى كوز اكثر من الكيزان انفسهم ودماء شهداء سبتمبر لم تحرك فيه ساكناً لكى يتراجع عن مشاركته فى سفك دماء الشعب .

[ميت من الضحك]

#1250751 [ابو مهند]
4.00/5 (3 صوت)

04-20-2015 01:41 PM
اولا لاخير في الاسلاميين ولاابوهاشم كلهم ام الكلب بعشوم ولكن يعيش نضال الشعب السوداني البطل فئه نتنه من الاسلاميين دمرت كل السودان من شرقه الي غربه ومن شماله الي جنوبه سابقآ وحاليآودمرت إنسانه ولايصح ان يقول البعض إ، الشمال قد سلم من دمار الاسلاميين والله لم يسلم منهم ابدآدمرو كل البلد وربنا يعدل الحال ويولينا من يخاف الله فينا وفي ارضنا وثرواتنا

[ابو مهند]

#1250744 [ابو ابراهيم]
4.00/5 (3 صوت)

04-20-2015 01:21 PM
من أبو هاشم الذي يهتف له هؤلاء القوم؟؟ اليس من دعى للإشتراك في الانتخابات وقبل عطية المؤتر الوطني له من الدوائر؟؟ أليس من فوض إبنه لطرد القيادات المقاطعة للإنتخابات؟؟ والله حيرتونا يا بتاعين أبو هاشم لأول مرة اسمع وأشاهد أناس يشجعون لاعباَ دون أن يعرفوا أين يشوت

[ابو ابراهيم]

#1250738 [النذير]
0.00/5 (0 صوت)

04-20-2015 01:15 PM
اسة وينه كرتي في الفيديو ده ؟

[النذير]

#1250727 [الداندورمي]
5.00/5 (1 صوت)

04-20-2015 01:01 PM
يا،،،حليلك ياوطن من ناس أبوهاشم
يصنعون الأصنام ويعبدوها والله لو،،،ده الفهم
الله يرحم الوطن .إلي يوم القيامه ما،،،حنطور ونبقي زي البشر.

[الداندورمي]

#1250706 [عمر عبد الله عمر]
5.00/5 (1 صوت)

04-20-2015 12:36 PM
عشان كدا حقو أخواننا في الهامش الذين درجوا على إدانة كل ما هو شمالي أن يكبحوا جماحهم و يعرفوا أن الشعب السوداني متوحد ضد الإنقاذ هذه و مافي حاجة إسمها جهات كاملة ضد جهات كاملة. أفراد يحاولون خلط الأشياء و لكن هيهات. هذا الشعب عبقري و دونكم الإنتخابات الأخيرة

[عمر عبد الله عمر]

#1250653 [فكرى]
0.00/5 (0 صوت)

04-20-2015 11:38 AM
فئه تحدثوا عنها كثيرا بل وذهب بعض الكتاب لإستحالة قيام إنتفاضة بدونهم (المغيبون) وهو ما أثبتته التجارب على أرض الواقع ومعلوم أن شعبنا العظيم تتعدد ولاءته لزعماء الأحزاب من أقصى اليميين لاقصى اليسار وحان وقت الإصطفاف للهدف السامى والنبيل إسقاط الحركة الإسلاموية بكل مسمياتها بما فيهم ضباط (البيعة) داخل الموؤسسة العسكرية وبناء سودان جديد ..
كسرة ..
فى بعض المواضيع التى تتناول الأحزاب بصفه عامة والأمة والإتحادى والجمهورى بصفة خاصة يتحفنا الجداد بتعليقات صحيحة بنسبة كبيرة إلا أنها تغفر فى سبيل إنقاذ النساء والأطفال فى جبال النوبة وجنوب كردفان والنيل الأزرق ..

[فكرى]

#1250629 [عادل حمد]
0.00/5 (0 صوت)

04-20-2015 11:11 AM
تيار الممانعة و المعارضة داخل الحزب الإتحادي الديمقراطي الأصل الرافض للمشاركة في إنتخابات البشير , يهتف : نخن نؤيد حزب السيد !! الذي كتب هذا الخبر غير متابع للأحداث .. لذا جاء خبره زاخراً بالتناقضات

[عادل حمد]

#1250569 [ابو احمد]
5.00/5 (2 صوت)

04-20-2015 10:08 AM
معقول ان يكون بديل البشير هو السيد

كويس ما السيد كان فى السلطة سنه 89

فكاها ليه

خازوق جديد

بعدين منو القال ليكم انو داخل العربية هو كرتى

ما ممكن يكون سحلول

الفيديو دليل على نزاهة الانتخابات وحماستها

[ابو احمد]

ردود على ابو احمد
European Union [ودالباشا] 04-20-2015 11:02 PM
موظفين المراكر النايمين ديل ضاربم هيم


#1250543 [عثمان]
5.00/5 (2 صوت)

04-20-2015 09:49 AM
الخير في اولاد جعل انه فيهم رجال يتبرأون من هؤلاء الحثالة التى يعملون على تقسيم الوطن على اساس إثني,وان كان للطائفية خير فهي قوميتها التى لاتزكي العنصرية.

[عثمان]

#1250539 [نجم السعد]
5.00/5 (1 صوت)

04-20-2015 09:46 AM
هدا هو الوجه الحقيقى اجماهير العملاق ..الحزب الاتحادى الديمقراطى الاصل ...بغد 25 عاما من محاولات الكيزان واغراتهم لاتزال الجماهير على وغدها وتمسكها بالحق والعدل والديمقراطية ..التحية لكم ياشرفاء بلادى... وياقلب الحزب الاتحادى النابض ...

[نجم السعد]

ردود على نجم السعد
European Union [سلم تسلم] 04-20-2015 10:24 AM
الاتحادي قلبو ميت وسيدكم هو القلب الذي تذلل للبشير واودع ابنه امانة في القصر الجمهوري ,, الاتحادي لازم يكون وطني اتحادي بدون سادة ومخلفات استعمار ,, ليهو حق يفتري عليكم لانكم بتشيلو جزمو يا قطيع ياوهم ,, قال شريف قال ,, شريف يتذلل للعساكر ويسمع كلامهم بتاع سلم تسلم اصحوا ياحملة الجزم وطلاب البركة يامتخلفين


#1250538 [abdelrahman ali]
5.00/5 (2 صوت)

04-20-2015 09:44 AM
يعني نحن تعبانين نقلع البشير وزمرتة الخونة تقولوا عاش ابو هاشم؟
ابو هاشم اقال د.ابوحريرة هو والصادق المهدي عشان اتخذ قرار لمصلحة المواطن في ميناء بورتسودان؟
اهتفوا للسودان والدمقراطية وبس.

[abdelrahman ali]

ردود على abdelrahman ali
[أبوقرجة] 04-20-2015 11:17 AM
كلامك صح ميه ميه ... وأتذكر أبو حريره جيداً هذا المناضل العظيم .... وأتذكر شالوا الوزارة كلها علشان يشيلوا أبو حريره منها .. وكلهم وقفوا ضده لانه عمل لصالح الشعب وضميره ...

United States [أب احمد 2] 04-20-2015 11:15 AM
أبوحريرة "رحمة الله عليه" تمرد على قرار مجلس الوزراء حيث منع تخليص مواد أنتاجية وتجارية بملايين الدولارات بحجة عدم قانونية أستيرادها، بينما المصانع فى أنتظار هذه المواد الانتاجية لتشغيل مصانعهم وأنعاش السوق، لكن أبو حريرة لم يلتزم بقرار مجلس الوزراء ولا بقرار حزبه وأصر على قرارة ووجد مساندة كبيرة من المعارضة حينها بقيادة الحزب الشيوعى.
تسبب تمسك أبوحريرة بقراره فى أتلاف كثير من الخامات والبضائع المستوردة تقدر بملايين الدولارات كما تسبب فى أعلاق بعض المصانع وتشريد العاملين فيها كما تسبب أبوحريرة فى فقدان السودان لاكبر سوق له(السعودية) للمواشى ،عندما منع تصدير الماشية، مما أتاح الفرصة لدول أخرى (نيوزيلاند/أستراليا)
لدخول السوق السعودى.
كان أبوحريرة رجلا نزيها ومواطنا غيورا وناجحا فى مهنته(المحاماة)، ولكن أنطبق عليه المثل "الدبة التى قتلت صاحبها".
الف رحمة على "ابوحريرة" ولقد لقى ربه نزيها عفيفا.
أرجو من المعلق abdelrahman ali] أن يوضح لنا هذا القرار " اتخذ قرار لمصلحة المواطن في ميناء بورتسودان؟" ليطلع عايه القراء وتعم الفائدة ويترك الحكم للقراء.

[سلم تسلم] 04-20-2015 10:26 AM
كلامك صاح 100 بالمية مين يطلع ابو هاشم ده ,, جبة متحركة لاتفقه اي شي في اي شي ,,القطيع ده لازم يزول معاهم ,,


#1250510 [بن الحق]
0.00/5 (0 صوت)

04-20-2015 09:06 AM
يستحق الطرد وزير الخارجية السوداني على أركــــي وفعلا أركي وليس كرتي .. ونقول إنهم شجعان أهل البسابير وكثر الله أمثالهم في السودان وبالفعل جعليين صح ...

[بن الحق]

ردود على بن الحق
[بن الحق] 04-20-2015 03:46 PM
ردك لا معنى له بنسبة لي موضوعي لا فيها شمالية وتعليمهم وثقافتهم أنا بقول كرتي مثل الأركي أفلهم المعنى وتكلم يا أركي ...

European Union [امين الخذينة] 04-20-2015 10:56 AM
السر موسى لاتتحدث عن الشمالية واهلها بهذه الطريقة لان الشمالية التي تتحدث عنها ايضا فيها رجال نهضوا بهذا السودان ثقافيا وعلميا واذا اردت ان تعرف اكثر ارجع الى بداية التعليم والهجرة وتقلد ابناء الشمالية بكل طوائفهم والشمالية هنا تعني كل المنطقة شمال كوستي وحتى حلفا القديمة وحتى بورتسودان بمافيها ولايات الشرق انسانها واحد وعاداتهم واحدة ويتشابهون في كل شي واذا كانت مجموعه كبيرة من الجعليين بقيادة الدكتاتور البشير وعصبة من اهل قبيلته وساندهم بعض الشوايقةوالنوبيين الدكتاتوريين فهذا لايعني بان تتكلم عن شمال السودان هكذا ولتعلم ان ابناءهم قاادوا الفكر والادب العالمي ولن اضرب لك مثال على ذلك وتقلدوا مناصب مهمة في الدول الاوروبية وفي الوليات المتحدة الامريكية لذلك ارجوا ان تبعد بفكرك الضال وتقدم منشور مهم بعيد عن القبلية التي اوصلت السودان الى هذا المنعطف الخطير ارجوك لاتخلق هوة بينك وبين الشمال حتما ستخسر بفكرتك واخير من السهل ان يتزوج اهل الولايات الشمالية من الجزيرة والقضارف وسنار الخرطوم ونهر النيل والشمالية وكسلا وكردفان هم الاوائل ي التعليم باشكله والسياسة والفكر والادب والثقافة والرياضة والفن والمعارضة وان كان السودان قد تاخر فانت تعلم من هم السبب وارجو ان تكون شجاع في ذلك وان عدتم عدنا.

European Union [سلم تسلم] 04-20-2015 09:54 AM
شجعان لوماشالو جزم الميرغني واولادو ابواغ الانقاذ هههههههه !! حزب السيد الآن جزء من الحكومة يعني انتو كدة ايدتوا الحكومة برضو ياجهلة ,, سيدكم واولادو عبيد للانقاذ والبشير , عشرين سنة بقول سلم يسلم ومؤملين فيهو في النهاية جاء راسو في الارض وسلم ولدو للبشير ,, سيدكم اقطاعي ومن اجل الاراضي والمال يبيع ملايين ذيكم ياقطيع شيلوا الجزم وانتظروا البركة,,

[السر موسى] 04-20-2015 09:49 AM
اغرب حاجه الناس الدمرو السودان كلهم من الشماليه
احزاب
نخب سياسيه
وزراء
رؤساء
سفراء
عساكر
ضباط
كلو كلو الشماليه حسبى الله ونعم الوكيل عليهم


#1250504 [جنو منو]
0.00/5 (0 صوت)

04-20-2015 09:00 AM
هذا جهل مقنن ..هذا شعب فى عالم اخر لايعرف الصالح من الطالح ... لك الله ياوطنى

[جنو منو]

ردود على جنو منو
[السر موسى] 04-20-2015 01:58 PM
منو القال ليك الترابى من الجزيره

European Union [وليد دارفور] 04-20-2015 10:35 AM
بس أكبر قاعدة جماهيرية مؤيدة للانقاذ والاسلاموييين المنتفعين معظمهم من الجزيرة ويكفي رأس الحية وملك النفاق منذ الستينات الشيخ الترابي ,, والدليل دمار مشروع الجزيرة من اهل الجزيرة نفسهم


#1250466 [المشروع]
0.00/5 (0 صوت)

04-20-2015 08:25 AM
كرتي دباب من الذين ازكوا حرب الجنوب بالنار وساعد في فصل الجنوب عن الشمال واختارته الحركة الاسلامية لقيادة كتيبة الدبابين غير العسكريين لتنفيذ سياسة الجبهةالقومية الاسلامية بتحويل حرب الجنوب الى حرب دينية مما سارع في فصل الشمال عن الجنوب..وتاج الدين المهدي كادر اخواني عمل في اليمن قبل ان يتم اختياره رئيسا لديوان المغتربين حيث ساعد في تمكين بعض المحاسيب في الجهاز بالاضافة الى بعض المهوسيين بالخارج.

[المشروع]

#1250460 [أبوقرجة]
3.00/5 (2 صوت)

04-20-2015 08:18 AM
هذه هو الشعب السوداني الأصيل والعظيم ..... شعب معلم... يعطي الدروس للعالم في محاربة الطغاة والظالمين مهما كانت قوتهم .... قريب ستزول هذه الطغمة الفاسدة وستذهب إلى مزبلة التاريخ ... هذه الأيام النظام يعكف على إتمام باقي مسرحيته سيء السيناريو والأخراج والممثلين..... لكي يقول أن الانتخابات ناجحه والصوتوا أكثر من 75% .... لكن كلامهم مردود عليهم من الأن .. وخلاص الشعب السوداني قرر نهاية المهزلة .... غنوا معاي ( الشعب بأسره اندلع وحرر مساجينه وطلع وقرر نهاية المهزلة ..... الله يرحمك يا محجوب شريف ويا محمد وردي) ..


الله أكبر .. الله أكبر ... الله أكبر ... على تجار الدين ..

[أبوقرجة]

#1250436 [عبدو]
3.00/5 (2 صوت)

04-20-2015 07:54 AM
ايوه كده
اطردوا الحرامي الوسخ

[عبدو]

#1250434 [زول]
3.00/5 (2 صوت)

04-20-2015 07:52 AM
كلو سجم في سجم

[زول]

#1250429 [سراجا الدين الفكى]
0.00/5 (0 صوت)

04-20-2015 07:49 AM
كرتى اهههه كرتى قال. والله قال كرتى, ده وزير داة.. داة... تاجر السيخ والاسمنت بسوق السجانة وزير وكمان وزير الخارجية, وزير خارجية شنو دة انجليزى مابعرفو, وزير قال...
ولا حتى كارزمة وزير ماعندو, وشليق وطيرة انت ياوزير الغفلة الموديك البسابير شنو؟؟؟؟؟؟؟؟؟؟؟؟؟؟؟
اهو وروك قيمتك تمام, لكن كلكم برئيسكم الرقاص ده اصلكم وش مهزلة واحتقار وزلة ومهانة واضهاد, فقط محصنين عن الناس, لكن ولتعلموا ياسفلة المؤتمر الوطنى كلكم ماتسوا شئ, ولاقيمة لكم عند اى سودانى, والكل ينظر لكم بعين الاحتقار والمزلة والمهانة.
كرتى قال... تاجر السيخ والاسمنت, كرتى قال...... " الله يكرك من رجليك ويرموك فى الكوشة, يانتن" انت وزير ولاشبة وزير ياحسالة المجتمع ومضهودها, اهو شفت براك ما تساوى نكلة فى البسابسر, ماشى تتكلم فيهم اه اه اه , وروك انت شنو, وبعدين انت قاموا فيك بس جريت, طيب لما تقع الطامة الكبرى ووقتها مافى طريقة للجرى, ساعتها حتعمل شنو, انت شفت حاجة, ياما تشوف وتشوف ومافى اى مخارج وقتها, الحساب جاى ورا ياجبان يارعديد ياحسالة ياوهم يلغافل, باكر بجى الخريف وكل كرت المؤتمر الوطنى تفيف, وزى ماقالوا اولاد اهلك "حتارف هاجة امك لامن تقتنع"

[سراجا الدين الفكى]

#1250395 [عمار]
5.00/5 (1 صوت)

04-20-2015 06:30 AM
شئ جميل ومفرح ان نوثق للحداث صوت وصوره...نتمني ان يهتم الناس بالحس الاعلامي واكيد التقنيه الحديثه سهلت الامر كثيرا...الى الامام شعبي

[عمار]

#1250378 [wad albalad]
3.00/5 (7 صوت)

04-20-2015 04:58 AM
لا خير في هذا و لا ذاك ... ضحك علي الجهل و العقول ... ربنا يعينك يا سودان

[wad albalad]

ردود على wad albalad
[قيردون] 04-20-2015 10:03 AM
نعم ربنا يعين السودان..هو ابوهاشم لسه عايش؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة