الأخبار
أخبار إقليمية
مرشح بالجزيرة يشتكي من سقوط اسمه ورمزه من القوائم ويطالب بإعادة الانتخابات
مرشح بالجزيرة يشتكي من سقوط اسمه ورمزه من القوائم ويطالب بإعادة الانتخابات
مرشح بالجزيرة يشتكي من سقوط اسمه ورمزه من القوائم ويطالب بإعادة الانتخابات


04-22-2015 10:25 AM
الخرطوم: سعاد الخضر
اشتكى مرشح حزب أقم في الدائرة الولائية رقم (18) بأم القرى بولاية الجزيرة، الهادي عبد الرحيم من سقوط اسمه ورمزه من قوائم الترشيح، وطالب بإعادة انتخابات الدائرة.
وأقرت اللجنة العليا للانتخابات بولاية الجزيرة حسب مستند - بأن عبد الهادي عبد الرحيم مرشح في الدائرة (18) بأم القرى.
وقال المرشح عبد الهادي إنه تفاجأ عند بداية الانتخابات بسقوط اسمه ورمزه من قوائم الترشيح، وشدد على ضرورة إعادة الانتخابات في الدائرة، وانتقد ما وصفه بتضارب تصريحات المفوضية القومية للانتخابات لإعلانها تارة قفل باب الطعون في السادس والعشرين وتارة أخرى بعد إعلان النتيجة في السابع والعشرين من الشهر الجاري وأضاف (شعرت بالحيرة ولم أدرِ الى أية جهة ألجأ لتبت في شكواي بعد أن طلبت منا المفوضية بالولاية التوجه للمفوضية القومية للانتخابات).

الجريدة


تعليقات 5 | إهداء 0 | زيارات 3197

التعليقات
#1252462 [عادل كوستي]
0.00/5 (0 صوت)

04-22-2015 05:56 PM
بالله عليكم هل هذه ورقة لانتخابات رسمية يعول عليها في تحديد من سيقود البلاد ؟؟؟
و الله فضحتونا وشلتوا وشنا !!!

[عادل كوستي]

#1252292 [سراجا الدين الفكى]
0.00/5 (0 صوت)

04-22-2015 12:44 PM
( بإعادة انتخابات الدائرة )
يعيدوها بالله, انت اذا ما اصلك موهوم ووهم واهم وموهم ومضلل كبير ما كان من الاساس دخولك فى الشيمة الممجوجة دى , وتعرف انتوا كلكم المنافسين للضليل مرتكبين اكبر جرم سياسى فى حق الشعب السودانى, تعرف لية ياموهوم؟؟؟ لانكم بقبولكم الترشيح لانتخابات الرئاسة, وعلى حسب زعمهم من خموكم, انكم بمناقستكم دى اعطيتوا شرعية للضليل الاكبر, " سجين ومسجون السودان"
انتوا تستاهلوا الجلد على قفاكم ياطير, المؤتمر الوطنى يمنيكم بالرئاسة ويغشوكم ويضحكوا عليكم, وبعد ماتنتهى الانتخابات ماتساوا نكلة للمؤتمر الوطنى.
اى "عوير" وسبهلل وطير وابلة وموهوم, زيكم يتحمل كل العواقب. اهو ناس المؤتمر الوطنى "سففوكم التراب فى حشمكم" ياجرزان.
يعيدوها قال.يعيدوها قال...يعيدوها قال ياطيرة. وكفى .........................

[سراجا الدين الفكى]

#1252194 [سالم]
0.00/5 (0 صوت)

04-22-2015 11:11 AM
تلاحظ في القائمة وجود تعديل في الارقام باستعمال الكوريكتر و عدم وجود توقيع امام كل تعديل
تلاحظ كذلك ان مجموع عدد الاصوات (162+4+1+2+12+3+7+1+1=192)في حين ان عدد الناخبين الذين شاركوا في الاقتراع كما ورد هو 209 ...هناك فرق 16 ....كل هذا يوضح ان القائمة مزورة و مكلفتة
اخيرآ رغم الطبخة فان نسبة المقترعين للمسجلين بلغت 17 في المية فقط

[سالم]

#1252189 [أبو محمد]
0.00/5 (0 صوت)

04-22-2015 11:03 AM
مستحيل ان يكون هذا الخط ، خط إنسان متعلم ، هذا خط مبتدأ ، بالإضافة الى أنه فى الرقم (2) والرقم (12) و16) كتب كلمة حرب ، إن شاء حرب يجي يدمركم أيها الانتهازيين الفسدة .
حسبنا الله ونعم الوكيل .

[أبو محمد]

#1252176 [ابوشهاب]
0.00/5 (0 صوت)

04-22-2015 10:48 AM
عذرا يا خونا جرب حظك المره القادمه فى الانتخابات يمكن حظك يضرب بعدين كيف يعيدوها هى كده تمت بقدره قادر وكان عادوها الا تمشى تصوت لنفسك لحالك وتعلن نتيجه فوزك فى مسجد قريب منكم

بعدين كده كده كنت بتحلم انك تفوز اظنك ياخونا مشتهى ليك لاندكروزر و 10 مليون راتب بس يختوا ليك رقم قدامك فى البرلمان ويجيك القرار جاهز بس ما عليك الا ترفع اصبعك

عالم بتاع مصالح

[ابوشهاب]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة