الأخبار
أخبار إقليمية
التفاصيل الكاملة للقبض على مرتكب جريمة عطبرة البشعة
التفاصيل الكاملة للقبض على مرتكب جريمة عطبرة البشعة
 التفاصيل الكاملة للقبض على مرتكب جريمة عطبرة البشعة


القاتل يمثل الجريمة.
04-24-2015 11:55 PM

عطبرة ــ الخرطوم: سوزان خير السيد

في أقل من " 72" ساعة على وقوع الجريمة البشعة التي هزت أركان مدينة عطبرة والتي راح ضحيتها الشابة (ماجدة عثمان عيسى) أوقفت الشرطة القاتل الذي ذبحها بسكين في وضح النهار داخل البوتيك ويدعى (مبارك آدم) الذي كان مختبئاً بمنطقة العبيدية وهو من أبناء مدينة نيالا جاء إلى المنطقة بقصد العمل في مناطق التنقيب عن الذهب وامتهن مهنة بيع الموبايلات في الدامر وعطبرة وقال القاتل في التحريات الأولية أنه الذي قتل المجنى عليها لأنها فاجأته أثناء محاولته سرقة بوتيكها حيث كانت بالداخل ولم يرأها حينما تسلل خلسة الى البوتيك ليسرق ما خف وزنه وغلا ثمنه ومثل القاتل الجريمة بمسرح الجريمة البوتيك الموجود قرب موقف المواصلات بالسوق وسط حضور كثيف من مواطني الولاية وضربت الشرطة سيفاجأ أمنياً حول مسرح الجريمة لمنع التفلتات

تمثيل الجريمة.

وبعد القبض على القاتل تم عرضه ومتعلقات الجريمة والسكين على الكلب البوليسي الذي تعرف عليه وحاول تمزيق ثيابه وقام القاتل بتمثيل الجريمة منذ وصوله الى البوتيك حتى ذبح القتيلة.

تهنئة للشرطة

وتدافع عدد كبير من المواطنين صوب رئاسة الشرطه مهنئين الشرطة بانتصارها على الجريمة واستقبلهم مدير شرطة الولاية اللواء حقوقي حسين نافع محمود مهنئين على انجاز هذه المهمة في وقت وجيز وتجمهرت أعداد كبيرة من السكان أمام رئاسة شرطة الولاية بعطبرة مباشرة بعد نبأ توقيف القاتل، الأمر الذي دفع مدير شرطة الولاية اللواء حسين نافع للخروج ومخاطبة المتجمهرين، مؤكداً أن الجريمة كانت مستفزة وألقت على الشرطة التزامات كبيرة وشدد على أن إلقاء القبض على الجاني حسم كل الروايات المتداولة بمواقع التواصل الاجتماعي التي شككت في قدرات الشرطة وقال إن شرطة الولاية رفعت تقريرها لرئاسة الشرطة وقدمت تنويراً لمجلس وزراء الولاية حول الجريمة ومجهوداتها في القبض على المتهم، ويؤكد أن ما حدث سيقود الشرطة لمراجعة خططها الأمنية وتطوير أساليبها لإحكام بسط الأمن ورأى اللواء نافع أن الجريمة كانت دخيلة على مجتمع الولاية، وأن الخيط الرئيسي الذي قاد إلى الجاني كان هو الهاتف الجوال للقتيلة الذي سرقه الجاني.

معتمد عطبرة

وأكد معتمد عطبرة صلاح حسن سعيد أن المتهم ألقي القبض عليه في منطقة العبيدية حوالي 80 كلم شمالي عطبرة عبر رصد ومراقبة هاتف الضحية المحمول الخاص بانتصار أمني لشرطة المباحث وجهاز الأمن الوطني تمكنت قوه تابعة لشرطة مباحث ولاية نهر النيل من القبض على قاتل ماجدة عثمان عيسى مساء امس بمدينة العبيدية بعد تحديد موقعه بواسطة جهاز الأمن والمخابرات الوطني اثر استخدام الجاني لهاتف القتيلة في منطقة العبيدية وتم قبض واحضار الجاني إلى مدينة عطبرة وقام بتمثيل الجريمة والجاني من غرب السودان اسمه مبارك.
دخل الى البوتيك بقصد السرقة بعد متابعته للمحل واقتناعه بعدم وجود شخص بداخله حيث كانت القتيلة تجلس خلف كمية من الثياب والعبايات لم يتمكن من رؤيتها وعندما باشر في عملية السرقة هاجمته القتيلة بصورة مفاجئة فاستل سكينه وقام بتسديد خمس طعنات في أجزاء متفرقة من جسدها. وقام بالاستيلاء على هاتفها النقال. وذهب للمبيت بمنطقة خليوة وتحرك في اليوم الثاني لمدينة العبيدية. حيث تم القبض عليه هناك بعد استخدامه لجوال الضحية برقم آخر.
التحية والتقدير والاحترام لرجل المباحث والادلة الجنائية وجهاز الأمن والمخابرات الوطني بولاية نهر النيل وهم يقدمون درساً بليغاً في همة ومسئولية وسرعة الإنجاز ويلقون القبض على مرتكب جريمة القتل امس الاول وتم القبض عليه بمدينة العبيدية بالقرب من بنطون الباوقة وهو يحاول دخول الباوقة اثر كمين محكم من أفراد القوت النظامية، وقال إن المتهم أقدم على جريمته بغرض السرقة واعترف ومثل جريمته وأضاف المعتمد ان الجريمة كانت بدواعي السرقة وأن الأجهزة العدلية والقضائية تباشر عملها ومهامها في التحري مع المتهم في قسم عطبرة وأكد أن توقيف القاتل أدى لارتياح كبير عبر عنه أهالي المدينة.

الصيحة


تعليقات 45 | إهداء 0 | زيارات 36453

التعليقات
#1254547 [ركاب]
5.00/5 (1 صوت)

04-26-2015 11:21 AM
يا اخي مادام انت راجل وبتقتل ما تمشي لي ناس الذكاه عندهم ملايين اخذوه بدون حق ويتم صرفها عليهم ان قتلتهم يكتب في ميذان حسناتك وان قتلت فأنت شهيد
لكن ياخساره

[ركاب]

#1254496 [ابوهاني]
0.00/5 (0 صوت)

04-26-2015 10:33 AM
لها الرحمة والمغفرة وأن يدخلها فسيح جناته مع الصديقين والشهداء ويجب أن يشنق ويقيموا عليه الحد لأنه مجرم قاتل نفس بريئة القصاص ثم القصاص ونهنئ الأجهزة الأمنية بولاية نهر النيل على المجهود الذي بذلوه في كشف الجريمة والقبض على المجرم القاتل .

[ابوهاني]

#1254386 [Hafiz]
0.00/5 (0 صوت)

04-26-2015 08:52 AM
قاتل عوضية عجبنا مصيرو شنو هسع. لو عندو ضحر في الحكومة بطلع منا هسع. لكن هو من الغرب.

[Hafiz]

ردود على Hafiz
European Union [زول] 04-26-2015 04:45 PM
ضحر يا غجر
ظهر وبالدارجي ضهر
حريقة فيكم وفي اليوم اللمانا معاكم

European Union [حسن فضل] 04-26-2015 03:07 PM
لومن الشرق او الغرب هو مجرم ويستحق العقاب قصدك لو عندو ضهر موش ضحر ضهرك بي التقوصو ليك

[من زمان] 04-26-2015 01:15 PM
يا اخي اتق الله

[yassir_sudan] 04-26-2015 10:28 AM
شنو التخلف بتاعك دة__في داعي لنشر العنصرية البغيضة __شكلك تشادي موهوم


#1254374 [زول]
0.00/5 (0 صوت)

04-26-2015 08:42 AM
الليلة اركز
امانة ما حتمشي ليها عديل قدام الله
بعد ما تتعلق في حبل المشنقة
عامل عيونك المنططات ديل زي كديس الخلاء

[زول]

#1254288 [ابو شورة]
5.00/5 (1 صوت)

04-26-2015 06:08 AM
والاشكال دى غير الاجرام والسرقة عندهم شئ تاني؟؟

[ابو شورة]

#1254257 [هاني]
3.75/5 (4 صوت)

04-26-2015 01:23 AM
هسي لو كان اجنبي ماكان ذكرو انو من ياتو دولة بس كان قالو اجنبي بس لٲنو سوداني من غرب السودان لازم يذكرو التفاصيل كاملة و بالصورة كمان

[هاني]

ردود على هاني
[الجمر الحارق] 04-26-2015 11:59 AM
يا ثور . وانت عايزهم يطلقوا سراحه عشان من الغرب؟؟ زول قاتل انسانة بريئة وعايز تدافع عنه؟؟والمفروض انت ذاتك يضبحوك معاهو

[yassir_sudan] 04-26-2015 10:29 AM
تعليق متخلف كصاحبه__كل الولايات فيها الصالح والطالح __احلف انك حتى ما سوداني _غرب يشق راسك

[غرابي] 04-26-2015 08:41 AM
ليه ناس غرب السودان** انبياء ولا ذكروا في القران


#1254252 [امين الخذينة]
0.00/5 (0 صوت)

04-26-2015 12:44 AM
هو قاتل جبان يستحق الاعدام

[امين الخذينة]

#1254250 [ابو مهند]
0.00/5 (0 صوت)

04-26-2015 12:43 AM
ربنا يرحم القتيله ويعوضها الجنه ويلزم زويها الصير وحسن العزاء واتمني للمجرم القاتل الاعدام الفوري ياعيب الشؤم لما تكتل تكتل بت مسكينه وفي حقها كمان بس انت لو راجل ما كان تمشي تسرق من راجل وبالنسبه للمنتقدين كيف يقولو غرباوي ومن نيالا ايوه ينشروهو يفضحهوهو هو ما خاف ولاخجل من ربنا وكتل عديل وليه تقيفو مع مجرم قاتل لا يستحق الرحمه لانو خايب ورمه وكل صفه كعبه يستاهلها

[ابو مهند]

#1254219 [التور الكلالي]
0.00/5 (0 صوت)

04-25-2015 10:53 PM
إذا كان القاتل من نيالا أسألوا منه نافع علي نافع إنه من الجنجويد وهو أعلم بهم.

[التور الكلالي]

#1254140 [ابراهيم]
2.83/5 (10 صوت)

04-25-2015 06:57 PM
سوزان خير الله

دى صحفية معانا ؟؟؟

اوﻻ
نسال الله ان يرحم القتيلة رحمه واسعة و يلهم اهلها وذويها الصبر و حسن العزاء إنا لله و إنا اليه راجعون

ثانيا

بالنسبة للقاتل تاكد منطقته من نياﻻ و ذكر انه من غرب السودان
فيه إيحاءات القصد منها ابدا صورة نمطية مخلة
القاتل من غرب السودان
القاتل اسم مبارك ادم ابكر
من غرب السودان

فى كل جرائم القتل فى للعالم ﻻ يتم نشر تفاصيل عن القاتل بالطريقة المستفزة دى
انا شخصيا من نياﻻ حسيت باحساس مالذيذ

[ابراهيم]

ردود على ابراهيم
[ابراهيم] 04-26-2015 04:05 PM
شكرا لكم جميعا على المرور

الاخوة البقولو انا عنصرى
العنصرية هنا وين ؟؟؟؟؟

ياخ حيرتونى زاتو
الاخ البقول لانك عندك احساس بالدونية

يا اخى الكريم انا بقول من باب احترام الناس
انت شخص فاهم يااخ ياسر

كلامى بالنسبة لعامة الناس الغير مثقفين ، تاويل الكلام دا بالنسبة ليهم بثير نعرات ماف ليها داعى

لكم حبى

[بادي ابو شلوخ] 04-26-2015 01:45 PM
لك التحية أ. ابراهيم
كلامك سليم
وسنار انا ... والتاريخ بداء من هنا

[yassir_sudan] 04-26-2015 10:31 AM
لانك عنصري وعندك احساس بالدونية __كل العالم فيه الصالح والطالح

[شهنور] 04-26-2015 08:35 AM
وانا اكتفى بما قاله لك الاخ ابراهيم دفع الله .

European Union [زول] 04-26-2015 08:33 AM
لانك عنصري عشان كده زعلتة، حسي لو كان من قبيلة تانية كان زعلتة لو نشرو صورتة؟
اكبد كان فرحتة، لكن القاتل قاتل ولو كان من قبيلة النبي

United States [إبراهيم دفع الله] 04-25-2015 09:53 PM
يا ابراهيم من نيالا من سنار من كسلا من دنقلا كلو واحد و المجرمين فى كل حتة و الصالحين فى كل حتة . يجب ان لا ينتابك هذا الشعور و انا اعزرك ودا شعور طبيعى انك لا ترتاح لذكر منطقتك فى جريمة ذى دى و انت من خلال كتابتك شخص كريم وذو احساس و هذا لا يقدح فى نيالا الخير و الاصالة كمنطقة و القتل فى كل مكان فى العالم حتى مكة المكرمة.

ابراهيم ( من منطقة سنار ) مقيم بالسعودية


#1254138 [alwatani adeel]
1.50/5 (2 صوت)

04-25-2015 06:46 PM
الحمدالله يم ايداء المجرم السجن والشكر للشرطة وشركات الاتصالات ولكن انا ليس من انصار ان الشرطة تكشف الوسائل التى مكنتها من القبض على المجرم وبذلك ساعدة المجرميين الاخريين لتفادى وسائل الملاحقة وهنا عملية الاتصال والتى تكون الابراج المنتشرة لشركات الاتصالات التى تعرفة الشركة كمايعرف الوالدين ابنائهم

[alwatani adeel]

ردود على alwatani adeel
[جمال علي] 04-25-2015 08:41 PM
مهما كان الأمر لن يفلت المجرم من القبض في حالة يقظة رجال الأمن و نباهتهم.أما الإعلان عن إسم المجرم فليس فيه إستفزاز إذ يمكن أن يتصرف أي مواطن من أي مكان في البلد علي هذا النحو في حالة غياب العقل و الضمير. نسأل الله الستر و العافية لأمة محمد.


#1254127 [سوداني]
4.89/5 (8 صوت)

04-25-2015 06:19 PM
حدث في عطبرة
ابشع جريمة تشهدها عطبرة ..ﺃﻡ ﺗذﺑﺢ ﺍﺑﻨﻬﺎ ﻭﺗﻔﺼل ﺭﺃﺳﻪ ﻋن ﺟﺴدﻩ
اقتياد الصائغ الهلالي و ذبحه بواسطة مجهول
ذبح فتاة تعمل في بوتيك بعطبرة

كلها جرائم بشعة و دخيلة على المجتمع السوداني...و لكن لأول مرة ينسب الجاني إلى منطقته التي قدم منها، طوال حياتي لم أسمع و لا في الافلام عن امرة ذبحت ابنها من الوريد الى الوريد الا في عطبرة،
ثم ماذا بعد هذا، هل نقوم بطرد أبناء نيالأ من الشمالية حتى لا تتكرر مثل هذه الجرائم؟ و يقوم أهل نيالا بطرد الشماليين جزاءا بالمثل؟ أم نقوم فقط ببعض المضايقات لأهل الغرب حتى يقل عددهم من الشمال؟
سؤالي ما هي البدائل المطروحة للتصدي لمثل هذه الجريمة أو حتى منع وقوعها؟
أطفال المايقومامثلا هل نستطيع أن نحكم عليهم من أشكالهم؟ بشبهو ناس المنطقة الفلانية؟ إذن فأهل هذه المنطقة زُناة؟ لا و الله و العياذ بالله.
الشحاتين في المساجد إلى أي منطقة ينتمون؟ هل من شخص يفتخر بالشحت؟
الفاسدون في الحكومة إلى من ينتمون؟
المُخنثين و المخنثات؟
400 فتاة و فتى تم رصدهم في الامارات بتأشيرات سياحية من الخرطوم حسب أخبار الصحف، يمارسون الدعارة في تلك الدولة إلى أي جهة ينتمون؟
الراعي السوداني المشهور بأمانته...أنا شخصياً افتخر به حتى و لو يكن من منطقتي فهو سوداني و يشرفني ما قام به.

[سوداني]

ردود على سوداني
[من كل السودان] 04-26-2015 05:24 PM
الأخوة الكرام

يا سبحان الله يا لها من جريمة بشعة نسأل الله لها المغفرة والرحمة. ورغم انها جريمة جنائية من الدرجة الأولى قتل عمد فنسال الله الحكم العادل للجانى بثبوت كافة الأدلة.

درء الفتنة من الأشياء المهمة فى هذا الموضوع وسبحان الله جريدة الدار من الجرائد التى تعج بمثل هذه المواضيع ولكن بنوع من الأحترافية فى سرد القصة مثل ان تشير الى الشخص بألأحرف الأولى لأسمه الثلاثى أو تكون صورة الجانى بها خط أو عصابة سوداء تزيل المعالم الحقيقية الى حد بعيد.... لماذا يفعل ذلك يا ترى ؟؟

على ما اعتقد ان الغرض هو درء الفتنة بين فئات المجتمع ( ...) فتصريحات مثل المجرم أو الجانى هو فلان ابن فلان من قبلة( .... ) وترجع اصولو من مدينة( ....) هى تصريحات غير موفقة على الأطلاق وهى دعوة لأثارة الكراهية تجاه شريحة من الناس تعيش فى منطقة جغرافية معينة(.... ).

الخير والشر موجودان فى الدنيا وكذلك الجرائم البشعة موجودة فى كل مكان وليست حكرا على ناس جهة بعينهم وهى تجد الأستنكار من كل من له ضمير حى فارجو من الأخوة الأبتعاد عن كل من شأنه يجلب الفرقة والبغضاء.

أسأل الله الهداية للجميع.


#1254075 [ابوامين]
1.75/5 (3 صوت)

04-25-2015 04:13 PM
انا لاقلل مجهود الشرطة في القبض علي الجاني لكن تقنية اتباع المجرم من خلال الشريحة التلفونية هي تقنية بسيطة جدا ولاتحتاج لي اي مجهود فني لانه عن طريق الاقمار الاصطناعية بكل سهولة يمكن رصد ومتابعة الجاني ايمنا ذهب طالما ظلت الشريحة داخل الجهاز

وكل الشكر للجهود الشرطية ولكن بصراحة كثرات الجرائم في البلد بشكل مخيف وخصوصا في العاصمة الخرطوم ف القتل اصبح مباح وحمل السلاح الابيض اصبح امر عادي جدا فلذلك يجب علي الشرطة عدم الانتظتر لحصول الجريمة وذلك بي اتباع الوسائل الوقية لوقوع الجريمة وهنا يكمن مربط الفرس

[ابوامين]

#1254071 [alfrdawi]
4.54/5 (6 صوت)

04-25-2015 03:57 PM
لو كانت الشرطه بنفس الكفاه التي ذكرت فلماذا تنهب البلد والشعب البلد والشعب ليست من عملهم ام هم مصدر رزق لافراد الشرطه

[alfrdawi]

#1254069 [خليكم واعيين]
3.25/5 (3 صوت)

04-25-2015 03:54 PM
احتجاج آدم وموسى عليهما السلام‏
عن أبي هريرة، عن النبي صلى الله عليه وسلم قال:

« حاجَّ موسى آدم عليهما السلام فقال له: أنت الذي أخرجت الناس بذنبك من الجنة وأشقيتهم.

قال آدم: يا موسى أنت الذي اصطفاك الله برسالاته وبكلامه، أتلومني على أمر قد كتبه الله علي قبل أن يخلقني، أو قدره علي قبل أن يخلقني.

قال رسول الله صلى الله عليه وسلم: فحجَّ آدم موسى ».
فيا شباب قولوا يا مقلب القلوب ثبت قلوبنا على دينك....وأسألوا الله حسن الخاتمة.....وأستعيذو بالله من هذا النزعات الشيطانية....رفعت الأقلام وجفت الصحف....فهذه الأقدار مكتوبه كلها في اللوح المحفوظ. أسال الله ان يحفظنا جميعا....قولو امين

[خليكم واعيين]

ردود على خليكم واعيين
[سوداني بس] 04-26-2015 12:04 PM
يا رجل أتق الله ولا تتحدث عن ما لا تعرف ! من أين أتيت بهذا الكلام ؟؟؟ وتنسبه للرسول الكريم هكذا - أين التقي موسي بآدم ( عليهما السلام ) ومتي التقوا ؟؟؟؟؟ والفرق بينهما قد يكون ملايين السنين !!! في الأرض ؟ أم في السماء ؟ في البرزخ ؟ أم عالم الأرواح ؟ . ماهي الأقدار المكتوبة ؟؟؟ وهل هي مفروضة وجبرية ؟ ولو كانت كذلك فلم يعاقب عليها ؟ إذا كان القانون الوضعي لا يعاقب المكره والمجبور - فما بالك بالقانون السماوي ؟ . آيات كثيرة في كتاب الله توضح هذه المسألة , فلا تدخل نفسك أخي الكريم في مواضيع تجهلها فتوقع نفسك في الزلل .

[رئيس الجمهورية المرتقب] 04-25-2015 05:59 PM
يا سيدي الاقدار المكتوبة هذا لا يعني انها كتبت عليك لتعملها لا ولكن لعلم الله عز وجل بكل شئ قبل أن يحدث يكتبها عنده في علم الغيب ، بمعنى ان الإنسان يفعل فعلته بإختياره لكن الله يعلم بها قبل ان تقع وإلا فما معنى أن تحاسب على جريمتك .


#1254048 [الخرطومي]
4.19/5 (6 صوت)

04-25-2015 03:20 PM
دا من ناس حمتي ناس الدعم السريع ماعندهم غير القتل لعنة الله عليهم

[الخرطومي]

#1254033 [abin albad]
3.00/5 (2 صوت)

04-25-2015 02:44 PM
مافي أي دواعي لاثارة النعرات الجهوية في مثل هذه المشاكل و يقولوا المتهم القاتل من غرب السودان ( نيالا ) اقول لكم في المقام الاول هو سودانى ، واعتقد اننا كثيرا ما شاهدنا وقرأنا عن جرائم القتل التى ارتكبت بالخرطوم ومدنى والابيض وغيرها ولم يذكروا فيها ان القاتل من المكان الفلانى ..الم تذكروا جريمة طالبة أستديو التصوير مع الاجنبي بمدينة الابيض ولكن لم يذكر الناس مدينها وكل متهم يعاقب بفعل جرمه في القانون

[abin albad]

#1254029 [زول نصيحة]
4.60/5 (7 صوت)

04-25-2015 02:39 PM
يااخوان اولا الحمد لله ان تم القبض علي الوحش الادمي الخلقة والوجداني الوحشية .

ثانيا يااخوان مقدرة الشرطة والمباحث والامن ليس ينسب لحكومة وانما وبكل امانة وصراحة يرجع لثقافة الشرطي ورجل المباحث والامني نفسه . ليست لدينا ثقافة مباحثية او شرطية مهنية عالية الدقة والتميز وانما تخبط وانخراط وراء ثقافة ان رجل المباحث لازم يكونطول اليوم مع ست الشاي او في قرب امكان الخمر والسطل وهكذا مفهوم .

كل مانعرفه ان رجل المباحث يدوام صباحا بالتوقيع او الحضور ومن ثم يذهب لعمله الميداني الذي يبدأ بقهوة مع ست شاي تستقرق 4 ساعات علي الاقل ومن ثم يركب موتره او سيارته منطلقا نحو اي اشاعة في محيط دائرته لكتابة تقريره اليومي باي صورة كانت كذبا وتضليلا او كما فعل بالامس لاشي يذكر .
والامن مستتب .

يارجال المباحث بدولتي الحبيبة ارجو ان تتعلموا وتتطورا من الحولنا اقل شي من دول الخليج كيف ان مباحثهم متطورة لدرجة انك تحس رجل الاعمال هو رجل مباحث او لاعب كورة القدم هو مباحث .


تعلموا كيف تفككون العصابات وتفشلون المؤمرات وليس البحث عن مرتكبي الجرائم نرجو ان نصل لمثل هذا الفهم لرجل المباحث .

[زول نصيحة]

#1254027 [saif]
4.00/5 (4 صوت)

04-25-2015 02:38 PM
الفنان خوجلى عئمان بالظبط باناس يانايمة

[saif]

#1254015 [تينا]
2.50/5 (5 صوت)

04-25-2015 02:15 PM
عليك الله ياالجانى حسى ذى البنت المغدورة دى من رقتها الشفتها انا فى صورتها دى حتى لو باغتتك وظهرت ليك فجأة دى بخافوا منها ؟! دى بس اذا (((لزيتا))) ووقعت كنت سرقت سرقتك وهربت لا من شاف لا من درى ! بس قدرها الله يرحمها ويغفر لها ويجعل الجنة مثواها ...

[تينا]

#1253984 [جقود]
4.60/5 (7 صوت)

04-25-2015 01:57 PM
اليوم تتحدثون عن انجازكم بالقبض على القاتل.من قتل شهداء انتفاضة سبتمبر 2013 ؟ هم عناصر الامن والشرطة والرباطة ....

[جقود]

#1253971 [ابوامنه عبدالجليل]
3.38/5 (5 صوت)

04-25-2015 01:29 PM
ربنا يرحم ويغفر للبنت والصبر
وحسن العزاء لأهلها ؟
المجرم دخل دافع سرقه ولا
غير ياخد جزاءه الاعدام مادام قتل
؟؟ ومجرم الجزيره الذى ذبح الاطفال الاشقاء
الطفل الكبير 10 والطفل الصغير 7
سنين ذبحهم من الاذن الى الاذن
بقريه ام مرحى جنوب الجزيره
40 كيلو من مدينه مدنى ؟ وهرب
ولسه ما حدود هويه المجرم ولا
دوافع ذبح الاطفال الابرياء
ولسه زى ما بقولو جارى البحث
ونتمنى من ناس الراكوبه متابعه
هذه الجريمه البشعه

[ابوامنه عبدالجليل]

#1253925 [مغبون من الحماداب]
4.77/5 (7 صوت)

04-25-2015 11:44 AM
التحية لشركة الاتصالات التي قبضت علة الجاني

[مغبون من الحماداب]

#1253915 [sadco]
3.00/5 (5 صوت)

04-25-2015 11:27 AM
الشرطه لو لاتقنيه الاتصالات والمعلومات لما اجتهدت في تقفي اثر الجاني وتوقيفه بهذة السرعه الاف الجرائم مقيده ضد مجهول ولكن في هذه الجريمه تحديدا جوال المجني عليها من اسرع بكشف قاتلها بتحديد موقعه عن طريق الاقمار الصناعيه وابراج الاتصالات عندمااستخدم هاتفها وفي النهايه لاتوجد جريمه كامله.

[sadco]

#1253913 [الدماكي]
4.07/5 (5 صوت)

04-25-2015 11:20 AM
الجرائم يا اخوان يا كرام لا تعرف قبيلة او جنس . رحمة الله المجني عليها رحمة واسعة وربنا يصبر اهلها .

[الدماكي]

#1253904 [المهاجر]
4.07/5 (5 صوت)

04-25-2015 10:59 AM
ايه اللى وداك العبيديه يا كلب هذه المدينه نظيفه من القاذورات من امثالك ..

[المهاجر]

ردود على المهاجر
European Union [عماد عثمان - جدة] 04-26-2015 11:25 AM
كلامك مظبوط ... يجب تنظيف ولاية نهر النيل من هؤلاء المجرمين الحاقدين.


#1253901 [الدرب الطويل]
3.13/5 (4 صوت)

04-25-2015 10:48 AM
للقتيلة الرحمة والمغفرة..
اول مرة تنشر صورة القاتل مع اسمه الكامل.. على الأقل ظلل عيونو ..

[الدرب الطويل]

ردود على الدرب الطويل
[بادي ابو شلوخ] 04-26-2015 01:55 PM
السلام عليكم
الدرب الطويل ... كلامك سليم
لكن انت وقعت في نفس الخطأ بانك اطلقت عليه ( القاتل ) وهو لازال متهم,ولم يقدم للمحكمة بعد.
والمحكمة هي الجهة الوحيدة التي يمكن ان تطلق عليه هذه الصفة بعد الحكم.
حسب القاعدة (المتهم برئ حتي تثبت إانته)
الفقيدة نتمنى لها الرحمة ولآلها الصبر والسلوان
ولا حول ولا قوة الا بالله

[عشان شنو يظللوا عيونو] 04-25-2015 11:40 AM
ليه يظللوا عيونو** هل لو ما اختشى من ربو يختشي من الناس؟؟ خليهو عيونوا ظاهرات عشان يكون عظة وعبرة لغيروا


وانشاء الله بعد دا ما يطلع منها ويقوم ليهو محامي يدافع عنه،، ويطلع براءة أو ياخد ليهو سنة سنيتن سجن ويجي العفو العام ويفكوه

دا المفروض يشنق في مكان عام،، لان دا جريمة فعلا دخلية يقتل امراة بتعمل بضرعاها دا عايز ياكل من عرق الحريم

دا لو شال ليهو جركانتين بتاعت موية ولا طبق بتاع تسالي ولا اشتغل عامل بناء اي شغلة شريفة ممكن ياكل بالحلال،، لكن شخص يدخل من اجل السرقة وتسمح له نفس قتل نفس

ليه ما يشهروا بصورتو ولا يطلعوا ليهو فيديو عديل كدا


#1253900 [كلام غريب]
2.75/5 (3 صوت)

04-25-2015 10:46 AM
الحمد لله أنه تم القبض على الجاني .... ولكن السؤال! هو لماذا يوجد لصوص ولماذا لا يتم تأمين الطرق و الشوارع حتى تمنع الجريمة قبل حدوثها؟

[كلام غريب]

ردود على كلام غريب
[mahmoudjadeed] 04-25-2015 07:50 PM
أنت الكلامك غريب .. الجريمة بتحدث في العالم الأول تجي تقول لي يمنعوا الجريمة في بلد ما لاحقة العالم الثالث ذاتو ؟!! خليك منطقي .


#1253877 [محمد خليل]
4.19/5 (12 صوت)

04-25-2015 09:56 AM
صحيح أن الجريمة بشعة و القاتل يستحق الاعدام على جريمته و ما كان فى داعى لقتل البنت المسكنية حيث كان يمكنه الهرب و ترك المحل بدلا عن ارتكاب هذه الجريمة الفظيعة، و لكن بالمقابل على الشرطة أن لا تضخم انجازاتها و تدعى بطولات وهمية و انجازات خارقة للعادة، فما انجزوه شئ عادى و ليس خارقاً للعادة و هو من صميم عملهم فليكفوا عن كيل المديح لأنفسهم و الاشادة بقدراتهم و أنا متأكد أن هناك آلاف الجرائم البشعة التى قيدت ضد مجهول بسبب عدم كفاءة شرطتنا و عدم اهتمامها بالبحث عن المجرمين.

[محمد خليل]

#1253865 [ابوذر]
4.54/5 (6 صوت)

04-25-2015 09:33 AM
لاحول ولا قوة الا بالله اللهم اغفر لها وارحمها وسامحها .لابد من الاشادة برجال الشرطة وما قاموا به من عمل ولاكن لابد ايضا للدوله ان تقوم بواجبها لعدم الوقوع في الجريمة بتقنين عمل البحث عن الذهب وخلافه فليس الانتصار القبض علي الجاني ولاكن الانتصار الاعظم التخفيف من وقع الجرائم بالحد من مسبباتها.ونرجوا عدم الخوض في انه من مواطني كذا لعدم اثارة الفتنة ويكفي اسمه وعمله وتمليك المعلومات للراي العام والناس بعد كده بتعرف (اللبيب بالاشارة يفهم)

[ابوذر]

ردود على ابوذر
[؟] 04-25-2015 11:42 AM
الجريمة موجودة في اي مكان؟؟ بس لان الجريمة دخيلة على مجتمعهم؟؟ رجل يقتل امراة في محل عملها كتيرة شوية،، لا تتعاطفوا مع الحق،،


#1253851 [سامي]
3.88/5 (4 صوت)

04-25-2015 09:08 AM
رحم الله الفقيدة وينبغي للانسان وخاصة المرأة ان لاتعمل وحدها فى هذه الاماكن من الضروري ان يكون اقل شئ اثنين او اثنتان لكثرة الجرائم هذه الايام من هذا النوع . حليل زمن يكون البائع نائم فى دكانه ويحضر الزبون ليصيحيه من النوم ليشتري . والتحية لشرطة النيل العملاقة على قبضهم للمجرم واعتقد ان القصاص بالسيف اجدي وامام الناس لانه قتلها غيلة وغدرا وبالسكين . يجب ان يضرب عنقه بالسيف .

[سامي]

#1253848 [ضد الحكومه]
4.13/5 (7 صوت)

04-25-2015 09:05 AM
الموضوع ده لفت نظري لشي مهم وهو ان الجمهور تفاعل مع الشرطه وشكرهاعلي انجازهاوالشرطه كذلك خرج مديرها واستقبل الجماهير وحياهم ووعدهم ان يكونوا علي قدر المسئولية شوفوا الحاجه دي جميله كيف طيب ليه لمن الجماهير يكون عندها مطلب او استيضاح من الشرطة في شي ماء ما ممكن يكون الرد بنفس الاسلوب لكي يكون الاحترام متبادل مابين الشرطة والشعب والله رايكم شنو

[ضد الحكومه]

ردود على ضد الحكومه
[الحقيقة المرة .] 04-25-2015 10:26 AM
يا اخ ضد الحكومة : قالوا الكلب سالوه لماذا تنبح بهذه الصورة المزعجة وكان وقتها قطعا لذيول الكلاب التي لا تنبح فظل الكلب ينبح حفاظا على ذيله .

كذلك الحكومة تلك الجريمة تمسها مسا مباشرا وياخاف ذي السلطان تطبيقها عليه يوما وبالطريقة السرية التي فجعت اهل اعطبرة ان تطبق على اي منهم لذلك يحرصوا جدا على القاء الفاعل ليكون عظة لغيره وكل قرد اطلع شجرته. ولكن ليس لشيء اخر فمار أيك انت لكن هي عند النظام ولا شيء لان الحكومة لاي يهمها المواطن كان حي او مات كما نرى اليوم على مسرح الحياة في السودان والدولة بتكتل في الناس باشع الطرق منها الجوع المرض الفقر والرصاص ؟


وازل شيء في السودان اليوم المواطن والظروف التي يتعرض لها بالموت البطيء الناس بتموت بالجوع والمرض فهل اهانة اكثر من كدا يا شعبي الفضل؟

European Union [عادل حمد] 04-25-2015 10:07 AM
هذا تعليق مهم لأنه تناول العلاقة (بين الشرطة و الشعب) التي يشوبها قدر من الشد و الجذب ... هذه الحادثة و غيرها كثير تؤكد الدور المهم للشرطة و جهودها المقدرة , لكن يصاحب أداء الشرطة أحياناً تعسف مع المواطنين كما ظهر في قضايا تتعلق بالتعامل في الحراسات أو قضية الشهيدة عوضية .. لذا لابد ـ بعد التأكيد على تقدير دور الشرطةـ من معالجة ظواهر التعسف بلا مجاملة مثلما يتم الإشادة بالشرطة بلا نقصان .


#1253846 [ابن مردوية]
2.75/5 (5 صوت)

04-25-2015 09:04 AM
يقتل قتلا وبدون اي كلام وامام اهل المنطقة وفي ميدان عام ليكون عظة له ولغيره من الكلاب الضالة.

ودا ماود حلال ابن الحلال ما بعمل كدا ابدا ابدا.

رحم الله تلك الاخت وجعلها من اصحاب اليمين وانزلها منزلة الصديقين والشهداء .

[ابن مردوية]

#1253841 [سندباد في بلد السجم والرماد]
4.13/5 (8 صوت)

04-25-2015 08:54 AM
مرات جهاز الامن بعمل حاجات نافعة!
وياناس الجهاز والمباحث مافي داعي تشرحو كيف تم التوصل للجاني بالتفصيل ، ذكرتو انو تم القبض عليه بعد استخدام تلفون الضحية برقم اخر ، عليكم الله دا غباء شنو دا
تاني اي مجرم بعد ما يعرف الحصل ما حيستخدم تلفون مسروق
لحسن الحظ المجرمين بسطاء مابعرفو اسرار التكتلوجيا وطرق التعقب الالكتروني والا كان المسكينة دي وغيرها راح دمهم هدرا
السجمان الكتل البت دا صحي ما راجل زي ماذكروا بعض المعلقين ، لو كان راجل كان مشى في درب الرجال البكاتلو هناك ، والحيوانات الزيو البمشوا بشحدوا ويقلعو حق المساكين أو يحتالو ويبيعو شرفهم رخيص عشان القروش . لو كانوا بطعنو الفيل وبواجهوا الاتسببو في تشردهم وضياعهم يعني بالدغري كدا لو واجهوا الحكومة وقصدوا مجرمينها في بيوتهم وهددوا امنهم كانوا مشوا عديل وتابوا، لكن للاسف الضحايا كل غضبهم بفرغوه في ضحايا ضعاف زيهم
هسه الشقي لو كان جا ضبح واحد من المجرمين الكبار في الخرطوم وسرقوا كان مات بطل.

[سندباد في بلد السجم والرماد]

#1253835 [معقوله بسسسس]
4.60/5 (7 صوت)

04-25-2015 08:48 AM
الشرطة فاشلة في التعامل مع المواطن و فاقد تربوي و ليست هي فقط بل و شرطة المرور أيضاً هؤلاء فقط حمقي مرتشين

[معقوله بسسسس]

#1253834 [زايد سليمان زايد]
4.50/5 (4 صوت)

04-25-2015 08:47 AM
ماهو الدليل على إنه القاتل ؟؟؟الكلب البوليسي لا يعتبر بينة أمام المحكمة ،، لأنه حيوان و لن يقوم بأداء القسم بالطبع.
ياجماعة الشرطة السودانية السودانية فاشلة ،، و لا تبذل مجهود في الكشف عن الجرائم سوىى تعذيب الناس ، أرجو أن لا نتسرع في الحكم على الناس ، ولمن قال إن الحقد يبدو في عينيه أقول له بأي عين تنظر أنت ،، و لا أعتقد إن دافع السرقة يجعل شخص يقوم بمثل هذه الجريمة البشعة ،،
عموماً ،، كثير من التهم قالت الشرطة إنها قبضت على الجاني و قام بتمثيل الجريمة لكن المحكمة برأت المتهمين في تلك الجرائم.
و برضو كويس إنو الشرطة أصبحت تعتمد لى الكلاب أكثر من إعتمادها على أفرادها المرتشين الفاسدين عديمي الذمة والأخلاق

[زايد سليمان زايد]

ردود على زايد سليمان زايد
[mahmoudjadeed] 04-25-2015 07:58 PM
يا جماع الاعتراف سيد الالدلة .. الراجل اعترف ومثل الجريمة وجوال البت معاهو يعني يكون القاتل الحقيقي في ظرف 72 ساعة باعوا خليكم عندكم ذمة يا مجرمين . اكيد انتوا قتله ذيو تماماً .

European Union [ميمان] 04-25-2015 12:38 PM
أتفق معك، مدير الشرطة قال إن الجريمة شكلت تحدي للشرطة لذا كان لا بد من ايجاد ضحية لإثبات مقدرة الشرطة على ضبط الجرائم بعد أن فقد المجتمع ثقته فيه، وستمضي الأمور إلى نهايتهاالمنطقية، إدانة ثم إعدام.


#1253832 [عصام بشير]
4.19/5 (7 صوت)

04-25-2015 08:40 AM
نترحم علي الفقيدة ونعزي انفسنا واهلها .بس ما كنا نريد هذا الشحن الزايد والتحليل غير الوضوعي وشرح كثير من التفاصيل مثل طريقة القبض علي الجاني زاجعلوها ثقرة تفيد في المستقبل زبحث لا تخدم الجناة

[عصام بشير]

#1253820 [المسلمي]
4.07/5 (5 صوت)

04-25-2015 08:10 AM
الجاني ربنا ياخدو وياخد من ياويه عطبرة الحديد والنار قبل الذهب كانت لا تعرف الجرائم والان جاء من يحمل الحقد والكراهية فكيف لك ان تقتل امراة عيب عليك ياخي اهلنا كانو ما بياخدو من المراة العشر في الزراعة حتي ان كانت اغني من الرجال رحمة الله عليك يا بت ملوك النيل

[المسلمي]

#1253809 [ود الركابي]
2.50/5 (4 صوت)

04-25-2015 07:25 AM
مادام انت حرامي وفاجأتك البنت بالداخل قتلتها ليه وانهيت حياتها وحياتك ياغبي . احسن تأخذ لك كم شهر في السجن بجريمة السرقة ولاتأخذ اعدام . نحن في القرن 21 وبالرقم من التقنية والانتر نت والتقدم الرهيب لكن برضه عندنا اغبية بأعداد كبيرة جدأ .. نتمني لك الاعدام بسرعة علشان قلبتا يبرد ولخاطر البتت المسكينة دي النهيت حياتها في مقتبل العمر الله يرحمها ويعوضها الجنة .. غبي .

[ود الركابي]

#1253790 [عوضيين]
3.88/5 (4 صوت)

04-25-2015 06:26 AM
اولا نسال الله الرحمة والمغفرة للقتيلة وان يسكنها الله الجنة والتحيةلرجال الشرطة بمدينة عطبرهوهكذا هي الشرطة دائما تقف بالمرصاد لكل المجرمين وتوكد كل يوم انها قدر التحدي ومهما كان المجرمين علي درجة عالية من الذكاء فان عقول رجال الشرطة اذكي منهم وتستطيع فك طلاسم الجريمة وفي وقت وجيز التحية والتجلة لكل رجال الشرطة السودانية واخص بالشكر في هذا المقال شرطة نهر النيل ومديرها سعادة الاخ اللواء حسين نافع

[عوضيين]

#1253774 [خليكم واعيين]
3.13/5 (4 صوت)

04-25-2015 05:10 AM
لا حولة ولا قوة الا بالله

[خليكم واعيين]

#1253773 [القصاص]
4.57/5 (7 صوت)

04-25-2015 05:04 AM
الحقد يظهر في عينيه.. لم يستطع قتال الرجال... فقتل بنت بريئة في مقتبل العمر.. القصاص له ولأمثاله.. رحم الله البنت والهم آلها الصبر والسلوان..

[القصاص]

ردود على القصاص
[yassir_sudan] 04-26-2015 10:37 AM
يا اسمك كلام غريب يا بليد_هل ناس الغرب انبياء مثلا
ولا عشان من الغرب ماكان يمسكوه ؟؟؟
دع عنك العنصرية ي تشادي انت

[كلام غريب] 04-25-2015 10:48 AM
وهل كان من إغتصب الطفلة مرام من غرب السودان؟

[abubaker] 04-25-2015 08:20 AM
يا راجل اتق الله هذ سلوك فردي عادي لا تحرض يعني انت ارجل منه اسال العافية والمعافاة في الدين والدنيا هذا قدره وقدرها هي -


#1253766 [samy]
4.04/5 (6 صوت)

04-25-2015 04:21 AM
تاني إسم نافع دا ؟

[samy]

#1253764 [Ysrs]
4.65/5 (9 صوت)

04-25-2015 04:16 AM
المرحومة ربنا يغفر لها ويرحمه ويصبر اَهلها ، لكن فى ادعى لكتابه الجانى من غب السودان '. السودان ده عمرو ما يتقدم يظل يتراجع للخلف وينقسم للدويلات

[Ysrs]

ردود على Ysrs
[زول نصيحة] 04-25-2015 02:43 PM
ياخوي من الغرب من الغرب وين المشكلة اذا كان العسكر نصفهم من الغرب والمجرم واحد من الغرب

لااري ان هنالك مشكلة يعبر عن نفسه وليس الكل وانتساب الجهة او البلد لايعني ان كل اهلها كذلك بالعكس نيالا من ارجل واشجع الرجال .

ولكن التشهير بمثل هذه المواقف مطلوب حتي يكون عظة وعبرة لمن تسول له نفسه .

[انت زعلان عشان ذكروا منطقتو] 04-25-2015 11:18 AM
ما تبقى معقد يا (ysrs) بدل تعليقك الخائب دا المفروض كان تقول [ الله يرحمه القتيلة ويدخلها جناته]

المفروض كان تفهم ليه ذكر في التقرير[ بدليل أن منطقة عطبرة كلها كان محتشدة في امام البوتيك وامام مقر الشرطة،، لان هذه الجريمة باعتبارها دخلية على هذا المجتمع قتل امراة وفي محل عملها،، كان يعتقدون أن وراء هذه الجريمة سر غامض

لذلك من باب أن الجاني مواطن سوداني لكنه ليس من سكان عطبرة،، فالجريمة دخيلة وقذرة..


شاب في هذا العمر نساله الله له الهداية والمغفرة كان المفروض ياكل بعرق جبيبنو ما يسرق حق النسوان اللي بشتغلن بضراعنه،،


انت زعلان عشان ذكروا منطقتو من غرب السودان،، ياخي اضرب ضاااااااااااااااخ وطرشق وانقد

والله والله العظيم ليست علاقة بعطبرة ولا يوجد لا اهل بعطبرة للاسف،، لكن حبيت ادلي برايي،،

انسال الله الجنة للقتيلة

[جركان فاضى] 04-25-2015 09:23 AM
وهل كل من يأتى من الغرب غرباوى؟ نيالا دى فيها كل الاجناس


#1253751 [كاره العنصرية]
4.60/5 (14 صوت)

04-25-2015 02:44 AM
طالما من ارتكب الجرئمة لايعمل بجهاز الامن وعصابات الامن ، فالشرطة قادرة على القبض على الجاني وبكل يسر

[كاره العنصرية]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة