الأخبار
أخبار إقليمية
صحفي يتعرض لمحاولة إغتيال لشجاعته في نشر قضايا فساد حكومة النيل الأبيض - صور
صحفي يتعرض لمحاولة إغتيال لشجاعته في نشر قضايا فساد حكومة النيل الأبيض - صور
صحفي يتعرض لمحاولة إغتيال لشجاعته في نشر قضايا فساد حكومة النيل الأبيض - صور


04-25-2015 12:14 PM
ود البلد

نشر نشاطون علي مواقع التواصل الاجتماعي التي تهتم بنشر قضايا ولاية النيل الابيض وخاصة قضايا فساد حكومة الشنبلي خبرا عن فشل محاولة اغتيال رئيس مجلس ادارة صحيفة المستقلة والكاتب الصحفي علي حمدان الذي تناول علي مدار اكثر من شهر قضايا فساد تورط فيها بشكل كبير والي النيل الابيض يوسف الشنبلي ورئيس لجنة الخدمات بالمجلس التشريعي الصادق النصيبة وخضر اسماعيل رئيس الهيئة البرلمانية ومهدي الطيب رئيس المجلس التشريعي وقيادات اخري في المؤتمر الوطني، ونشرت المستقلة علي مدار اكثر من شهر سلسلة مقالات اطلق عليها الكاتب علي حمدان (عجائب الشنبلي) وهي عبارة عن حلقات من الفساد كان اخرها فساد المدير العام لوزارة المالية فتح الرحمن موسي مساعد، وسبقت محاولة اغتيال علي حمدان التي تمت في الحادية عشر والنصف كما ذكرت مواقع التواصل الاجتماعي محاولة اغتيال النائب بالمجلس التشريعي ياسر زين العابدين الذي يتهمه الشنبلي بالوقوف وراء الحلقات بجانب اتهام الصحفي مراسل صحيفة الراي العام راشد أوشي بقيادة الحملة الصحفية الناجحة التي كشفت عمق تورط الشنبلي والمذكورين الاخرين في قضايا الفساد خاصة اقاربه مثل وزير الصحة حامد علي ومحمد صالح وجيلا واسماعيل هارون، وسبق لقوة من مكافحة المخدرات مكونة من (15) عسكري مسلح داهموا منزل الصحفي راشد اوشي في ينارير الماضي بزعم وجود مخدرات في المنزل قبل ان تخرج القوة بعد ساعات من التفتيش الدقيق بتعليمات مباشرة من مدير الشرطة بولاية النيل الابيض قرشي صالح الذي كون لجنة للتحقيق مع افراد تيم المكافحة وقد فرغت اللجنة من التحقيق ورفعت توصياتها لمدير الشرطة الذي احال التقرير للادارة القانونية، وذكرت مواثع التواصل الاجتماعي ان الكاتب الصحفي علي حمدان تعرض لمحاولة اغتيال امام باب منزله اثناء اجراءه محادثة هاتفيةقبل ان يتمكن الجناة من ضربه علي راسه من الخلف بطوبة بلك ومحاولة طعنه، ولاذ المعتدين الاربعة الملثمين الذين كانوا يمتطون عربة تويوتا بوكس بالفرار من موقع الحادثة فيما هرعت ادارة رفيعة من الشرطة وجهاز الامن لمستشفي الشرطة للاطمئنان علي صحة الاستاذ علي حمدان.

image

image




تعليقات 21 | إهداء 0 | زيارات 15237

التعليقات
#1254504 [سراجا الدين الفكى]
1.00/5 (1 صوت)

04-26-2015 10:35 AM
لا تعليق لى واذهاب اكثر من تحدث الصورة المصاحبة للتقرير المرير, فقط اسجل كلمات حقيقيات وموعودات بالنصر, وعمرو الدم المسكوب لا يضيع هكذا او بقولة "عفا الله عما سلف".
فان للدماء المسكوبة ليوم, وللارواح المقتولة ليوم,للنساء المرملات ليوم, وللاطفال اليتامى ليوم, وللاغتصابات ليوم, ولتجويع الخلق ليوم, وللفساد ليوم, وللجبروت والتسلط ليوم, وللمحسوبية ليوم, والله اكبر لهم ليوم.
علينا ان نلتفت للتاريخ قليلا ولنشهد بما تم فى امر كل من تقلظ وسفك دماء الخلق وتكبر وتجبر عليهم, ولتنظروا الى تلك النهايات المؤلمة لمرتكبيها.
على الجميع ان لا ينسوا الله فينسيهم انفسهم, ومن ثم يدور عليهم الدائرة, وان انتقام ربك لشديد, واخذ ربك باخذه العزيز المقتدر لا قبل لاحد ولا طاقة لة بة. واللع ولى الامر والتدبير. وكفى ...............

[سراجا الدين الفكى]

#1254491 [K. S. Khalid]
0.00/5 (0 صوت)

04-26-2015 10:30 AM
امر غريب علي المجتمع السوداني ولو بدت عملية التصفيات مابتقيف وياما رؤوس وروس بتجز والغبائن والضغائن معشعشه في القلوب والصدور مليانه.. والنار لو ولعت مابتنطفي

[K. S. Khalid]

ردود على K. S. Khalid
[مدحت عروة] 04-26-2015 11:34 AM
اتفق معك تماما فى تعليقك هذا وهذا نتيجة لغياب الديمقراطية وحكم القانون واذا الحكاية رجالة وامور عصابات اقسم بالله اى زول يقتل ليه زول تانى لو ماشى الحمام فى بيته الا تحرسه كتيبة كاملة وما يقدر يمشى فى الشارع او يخطب فى العلن امام الجماهير لان اهل القتيل ممكن اى واحد منهم يفرتق مخه ويرديه قتيلا زى الكلب!!!!!! وفعلا القتل بيجر القتل واى زول عنده اولاد واهل وقبيلة وعصبة ومافى زول ارجل من زول !!!!


#1254423 [الحجاج]
0.00/5 (0 صوت)

04-26-2015 09:23 AM
قول تم نشر كل شيء سييء عن امثاله في كافة ولايات السودان ماذا سنفعل له منو البقدر عليه ، هؤلاء طغاة جميعا اهل المؤتمر اللاوطني هؤلاء ، اللهم انزل عيهم بأسك؟

الشغلة عاوزة تضحيات جسام من كل اهل السودان وثورة على الطريقة المصرية؟ لكن دون تدمير للوطن؟

[الحجاج]

#1254397 [جاد الرب]
0.00/5 (0 صوت)

04-26-2015 08:58 AM
نحن اصبنا في زمن العجائب ولكن المهم في الامر وان كنا بعدين عن الساحة في الولاية المذكورة إلا ان المتفق عليه ان بني كوز شرذمة واحدة لا اختلاف بينهم فمن كان في الخرطوم مثل الخضر لا يختلف عن الشنبلي في النيل الابيض في اكل اموال الدولة وهذا مادفع بعض الاقلام للكتابة عن فساد الرجل فالشنبلي لا يملك المؤهلات التي تنصبه علي النيل الابيض لو لا ولائه للحزب الحاكم وطالما كان هذا هو سنده الرئيس عليه لم يتورع لتطوير البلد وتنميتها بل كان يدرك منذ الوهلة الاولي انه جاءلنهب الاموال والله المستعان

[جاد الرب]

#1254255 [Almisahir fi izallail]
0.00/5 (0 صوت)

04-26-2015 01:10 AM
يا جماعة الخير الشنبلى دا اذا صحّت رواياتكم عنّو والكلام البتقولو فيهو دا كووللو الشنبلى غاتس فيهو.. العيّنوه ما علرفنّو يعنى؟ وعارفين البيميزو عن ألآخرين ومخلينو الى اليوم قاعد فى كرسيهو ! .. وهو يعنى الشنبلى دا براهو المشنقل الريكه. هل عندكم ادلّه وبراهين ولآ بعدين البسويها الشنبلى دا فيكم الغاشى والماشى يتفرج! وتكوسو للوسطا يحنّسوه للتنازل من ضهركم..
ها ناس كل زول يتلم ويمسك لسانو .. دا اسمو "الشنّب لى" بكره لما يعاد تعيينو تشوفوه "يشنّب ليكم كووولكم" خاصة اذا اضيف ليهو لقب ال "BULL DOZER" حقّكم راح!!!

[Almisahir fi izallail]

ردود على Almisahir fi izallail
[متوكل عبد الله] 04-26-2015 09:58 AM
انته بتقول في شنو يازول !!!!!


#1254168 [جادو]
0.00/5 (0 صوت)

04-25-2015 08:17 PM
الحمد لله على سلامته ، نرجو من صحيفة الراكوبة إعادة نشر سلسلة مقالات ( عجائب الشنبلي ) ....

[جادو]

ردود على جادو
European Union [محمد العربي] 04-26-2015 09:58 AM
اكتب في قوقل عجائب الشنبلي وشوف البلاوي .... انا اول مرة اعرف اقراء عجائب الشنبلي لاني علاقي صفر مع الصحافة السودانية ... الان الكل سمع بعجائب الشنبلي .... شفت الفضيحة دي متخلف يسرق عينك عينك ( من امن العقوبة اساء الادب )


#1254143 [ابو مهند]
3.25/5 (3 صوت)

04-25-2015 07:02 PM
السلام عليكم اخوتي واخواتي القراء بصراحه الواحد مرات بتخيل نفسو عايش برا السودان ولا بشاهد في فليم هندي طويل السناريو ومعقد الخييوط هل البيحصل ده حقيقي انو البقول الحق واو يكشف عن مجرم مصيرو الموت؟ والناس المؤجرين ديل او المرتزقه هم سودانين ومسلمين والله كلام عجيب الله اكبر علي الانقاذ وزمرتها ادخلو لينا حاجات ما كنا نعرفها ولم نشاهدها الا في الافلام حيث لا قانون يحكم به القوي ياكل الضعيف ربنا يستر والغريق لي قدام

[ابو مهند]

#1254115 [متشتهي الفول]
2.25/5 (3 صوت)

04-25-2015 05:35 PM
لا حول ولا قوة الا بالله ديل كتاين كتلة من اين اتى هؤلاء ما تقول لي من الانقاذ

[متشتهي الفول]

#1254113 [كوستاوى]
4.75/5 (7 صوت)

04-25-2015 05:28 PM
السيد الشنببلى والى ولاية النيل الابيض يتعامل مع كل الولاية بعقلية تاجر الاقطاعيات الثرى يقوم بتوزيع الثروات على اقرب الاقربين ثم الاقرب التروات دى طبعا الوزارات كمثال وزارة الصحة فيها بن اخته ... اما بقية العقد الفريد من الحرامية على وزن بيت ابزك كان خرب شيل ليك منو عود النيل الابيض ولاية غنية جدا لكن الشنبلى وزمرته اغتنى منها وافقرا جدا ليك يوم ( ناس كوستى الذباب نهارا والباعوض ليلا ) مياه غير ملاثمة لشرب الحيوان ناهيك عن الانسان تعليم صفر

[كوستاوى]

#1254096 [بت البلد]
3.63/5 (5 صوت)

04-25-2015 04:43 PM
لا حول ولا قوة الا بالله انفلات أمني ليس له مثيل اللهم عليك بالفاسدين الظالمين

[بت البلد]

ردود على بت البلد
[ابوشهاب] 04-26-2015 10:55 AM
ماعايزين ندخل فى اسجابه المولى عز وجل للدعوه لان من شروط قبول الدعوه صفاء القلب وان يكون ملبسك وماكلك حلال ولا اجزم بان دعوتك مجابه ولكن فى راى ان دعوتك مردوده اليك لانك تقذفون الناس وكلامكم نفاق وقلوبكم غير صافيه لا اقول تجاه عمر البشير ولكن تجاه وطن يحوى بين ذراعيه ملايين البشر التعبانه المغلوب على امرها اين انتم من معانه شعب هل بالاساءه الى فرد من افراد هذا الشعب حتى حزب المؤتمر الوطنى اطلقتم عليه اسم حزب البشير

نحن ضد الظلم وضد القهر ويجب ان نقف صفا واحد ولكن انتم من اصناف البشر ( مش البشير ) الذين تقف معهم فى صف واحد تتراجعون وتكونون صفا اخر صف عدم الوطنيه والمسئوليه والحقد والنفاق

اذا كانت هذه كل صفاتكم يابت البلد وامثالكم HUSSAM وغيره عشان كده اقولها لك

دعواتكم غير مستجابه اللهم عليك بالحاقدين المؤجورين المخربين اعداء الدين الخونه

وانا عارفكم حتقولوا انا مؤتمرنجى لكن انا سودانى قلبى على بلدى ولانى اقابل الاحسان بالاحسان وكلما تسول له نفسه الاساءه الى فانا سوف ارد الصاع صاعين كفاكم والله ازيدكم


#1254052 [سخنت]
3.75/5 (6 صوت)

04-25-2015 03:29 PM
كش ملك

[سخنت]

ردود على سخنت
[ابوشهاب] 04-26-2015 11:04 AM
CHANGE KING

نفترض اننا عملنا كش ملك رشحوا لنا الملك القادم قبل عمليه الكش لكن تمهلوا شويه بعد 5 سنوات من غدا ويمكن 5 اخرى يعنى ان شاء الله فى 2025 وحتى هذا التاريخ ربنا يحينا يكون البشير دخل موسوعه جنس كا كثر رئيس عمر فى ملاعب الحكومات التى تعاقبت على السودان


#1254051 [ود خالك]
4.46/5 (11 صوت)

04-25-2015 03:27 PM
يجب على اى مواطن ان يحمل مسدس ليحمى نفسه و كلاش ليحمى اسرته لان الحكاية صارت القوى ياكل الضعيف


قانون الغاب

[ود خالك]

#1254043 [مكيك]
4.57/5 (9 صوت)

04-25-2015 03:12 PM
اسلوب جبان من حكومة النيل الابيض وواليها الفاسد المفسد....ولايه منهاره من جميع الخدمات الضروريهَ

محسوبيه عمياء بمساندة المركز ..ألا لعنة الله على الظالمين...

[مكيك]

#1254032 [عمر عابدين - الدوحة]
4.43/5 (11 صوت)

04-25-2015 02:43 PM
تحية واحتراما ....
اللهم رد كيدهم في نحرهم ....
ربنا لطيف بالشعب السوداني ....
الحمد لله الشعب السوداني يراقب المشهد فقط ... وتظل التصفيات بينهم بعيدا عن الشعب المغلوب على امره ...
يا اخوانا والله الحكومة دي زي لوح التلج لو استخدمتو بيكمل ولو ما استخدمتو برضو بيكمل ...
حوالينا ولا علينا
والله لطيف بعباده..

[عمر عابدين - الدوحة]

#1254017 [salah]
4.50/5 (8 صوت)

04-25-2015 02:19 PM
وتتواصل محاولات عصابة المافيا لقتل كل من يفضحهم و يعريهم ده إسلوب مافيا الكيزان بيلهطوا فى قروش البلد على عينك يا تاجر والبيفتح خشموا يدبروا ليهو خطه لتصفيته جسديا منهم من قضى نحبه ومنهم من ينتظر عندهم قائمه طويله بأسمأ الشرفأ الذين يكشفوا حقائق هذا النظام الدموى و ده كلو بمباركة جهاز الأمن و المخابرات ديل هم التماسيح الكبار

[salah]

#1253983 [ود الركابي]
3.75/5 (7 صوت)

04-25-2015 01:57 PM
الف حمدلله علي السلام ونتمني من الله ان يحفظك مادام بتحارب في الفساد . برضه اعمل حسابك الجماعة ديل كتالين كتله وعصابات عديل كده كلهم مصالحهم مرطبته مع بعض كبار وصغار . ويومأ ما الشعب بيحاسبهم علي دائر المليم ولا تقلق الدوام لي الله وحده ..

[ود الركابي]

#1253980 [الحلومر]
4.38/5 (8 صوت)

04-25-2015 01:51 PM
عصابة + سلطة = الفوضة الناتج = اغتيال الشرفاء وتهجير من بقي علي قيد الحياة قصراً خارج الوطن
حزب الشيطان لا وازع ولا ضمير لا ذمة لا اخلاق

[الحلومر]

#1253963 [علي أحمد]
4.57/5 (9 صوت)

04-25-2015 01:16 PM
مؤشر خطير
والله المستعان

[علي أحمد]

#1253960 [الكلس]
4.16/5 (9 صوت)

04-25-2015 01:13 PM
كيزان في بعض ودي تصفية حسابات بينهم

[الكلس]

#1253957 [التلب]
3.69/5 (7 صوت)

04-25-2015 01:06 PM
كدى يا اخوانا وعشان القصه ما تتلخبط علينا ساكت .. هل الناس ديل مسلمين ؟؟ وهل الدين اﻻسﻻمى ا سترخص دماء الناس لهذه الدرجه ؟؟ وهل الجماعه ديل سودانيين ؟؟ وهل هنالك سودانى يقتل زول من قضية شخص آخر ؟؟ وهل هنالك سودانى ممكن يؤجر شخص آخر ليقتل له شخصا هو على خﻻف معه ﻻى سبب من اﻻسباب ؟؟ وهل هنالك سودانى ممكن ان يكون قاتﻻ مأجورا ؟؟
ﻻاعتقد ان فى تاريخ السودان حصل مثل هذا ..!! صحيح حصلت قضايا قتل كثيره فى انحاء متفرقه من السودان وﻻسباب مختلفه ولكن كلها لها عﻻقه سواء بالقاتل او الضحيه ... اما ما يحدث اﻻن فﻻ نملك اﻻ ان نردد مع راحلنا الطيب صالح .. ( من اين جاء هؤﻻء بل من هم هؤﻻء .. الم ترضعهم اﻻمات والخاﻻت والعمات .. )

[التلب]

#1253941 [mustafa seory]
4.79/5 (11 صوت)

04-25-2015 12:32 PM
عثمان مرغنى ثم حمدان ويا ربى الدور على منو ؟؟؟
فيصل ام الطاهر ساتى ؟؟!!!

[mustafa seory]

ردود على mustafa seory
[ود الفادني] 04-25-2015 05:46 PM
وعثمان ميرغني شيوعي يا ود البشيري؟

United States [ود بشيري] 04-25-2015 01:03 PM
الطاهر ساتي الحبة ما بتجيهو، ياخ الول دا جوة الجوة ززز دا انقاذي لا يشق له غبار...والخبر دا له ذيول وملابسات لم ترد هنا... ساحاول ان اجلبها انهم كلهم في الهم كيزان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة