الأخبار
أخبار إقليمية
معتمد محلية الخرطوم : منعنا بيع الفول بالبقالات حماية للمواطن
معتمد محلية الخرطوم : منعنا بيع الفول بالبقالات حماية للمواطن
معتمد محلية الخرطوم  : منعنا بيع الفول بالبقالات حماية للمواطن
فول


04-25-2015 10:26 PM
الخرطوم: معاوية عبد الرازق
دافع معتمد محلية الخرطوم اللواء عمر نمر عن القرار الذي أصدرته المحلية مؤخراً بمنع بيع الفول في البقالات، وقال ان المحلية تطبق قانون الصحة والبيئة وقانون المجلس التشريعي والقوانين المحلية، وأضاف أن الهدف من الخطوة حماية المواطن من الأضرار الصحية والبيئية، وأشار الى أن القرار سيتم تطبيقه في الشوارع الفرعية في المرحلة القادمة، نافياً وجود اتجاه لفرض رسوم اضافية على أصحاب البقالات ، وكشف عن انشاء ثلاث محاكم للمخالفات الصحية والبيئية ووعد بمساعدة المتضررين من القرار ووضع معالجات لهم بعد دراسة الحالة.
والجدير بالذكر أن القرار وجد استنكاراً من المواطنين وأصحاب البقالات

اخر لحظة


تعليقات 25 | إهداء 0 | زيارات 6573

التعليقات
#1255123 [ابو التيمان]
0.00/5 (0 صوت)

04-27-2015 09:48 AM
عايزين تخلصو علي الغلابة ... ابشركم ببداية النهائة

[ابو التيمان]

#1254719 [ابو رياض]
0.00/5 (0 صوت)

04-26-2015 03:39 PM
العاجبنى فى الموضوع انو الصوره دخلت التاريخ والمكان اللى نقعد فيه نتسامر .... الكثير اكيد ماعارفين الصوره دى محلها وين وفى ياتو ولايه ..... وحتى الدكان.

دا حال البلد فى كل ربوع السودان الناس صفوف وادوات الاكل صفوف وكل شى فى البلد دى صف طابور صفا عسكريه بس.

[ابو رياض]

#1254693 [حسكنبت]
5.00/5 (1 صوت)

04-26-2015 03:01 PM
الود خلاص جهز ليكم مطاعم نضيفة ومحترمة
الواحد إشتغل طلبة فى الشجرة وإمشى إفطر فى السوق المحلى

[حسكنبت]

#1254628 [ابو محمد]
5.00/5 (1 صوت)

04-26-2015 01:05 PM
الموضوع ببساطة ممكن يكون بعض اصحاب المطاعم المتضررين من انصراف الزبائن الي هذه البقالات نسبة لفارق السعر فاشتروا هذا القرار من المحلية وهذا من مظاهر الفساد في البلد من يدفع اكثر يكسب اكثر والله اعلم

[ابو محمد]

#1254627 [حضرس]
0.00/5 (0 صوت)

04-26-2015 01:03 PM
خلاص بقت الصحة وسلامة البيئة في قدرة الفول دي.. ما البلد مليانة بالكوش واﻻوساخ

[حضرس]

#1254605 [قائل حق]
0.00/5 (0 صوت)

04-26-2015 12:26 PM
والله يانمر عملت العجب لكن .......
من متين بديتوا تهتموا بصحه المواطن ؟؟
منعتوا الاكياس فى الولايات بحجه الصحه فى النهايه عملت محاكم لجمع الغرامات ....
ياهو نفس السيناريو برضو هاتعملو محاكم للفول لان الشعب اصبح غلبان الا رجع للفول .....
يظهر واضح أيامكم قرّبت ............

[قائل حق]

#1254567 [Garfan]
0.00/5 (0 صوت)

04-26-2015 11:45 AM
والله ده ما حصل وما سمعنا به .بس بقت علي الفول
الخرطوم من اوسخ عواصم العالم . لاتوجد سلات لرمي الاوساخ حتي في قلب العاصمه . ناهيك عن تكدس الاوساخ في الاسواق والشوارع العامه واركان الشوارع في الاحياء والازقه . فإذا كان كل ذلك لا يؤثر في صحه البيئه فهل يؤثر عليها صحن فول ؟؟؟؟؟
مشكله هذه الحكومة انو اي واحد يصحي الصباح يقوم بإتخاذ قرار لا يعرف عواقبه .ولامجلس تشريعي ولا يحزنون.
لعل هذا آخر ماتوصلت إليه عبقريه الإنقاذ في اذلال الشعب السوداني بعد ان فعلت فيه الافاعيل واخرما فكرت فيه الان منع البقالات من بيع الفول وبهذا يكون آخر مسمار يدق في نعش المواطن المغلوب علي امره. ولكن يبقي هنالك سؤال ؟؟؟ من المستفيد من هذا القرار؟؟؟؟؟ يا سعاده النمر ؟؟؟؟

[Garfan]

#1254563 [حزين جداً]
0.00/5 (0 صوت)

04-26-2015 11:41 AM
أصلاً هذا القرار بليد ... ويضر بجميع قطاعات الشعب ...

اي أخت في الحي أو رجل أو والده بتأخذ جكها أو الصحن أو أي إناء لإحضار فول الفطور من

أي بقالة مجاورة ... ومنذ أن نشأنا لم نسمع بمثل هذا القرار الغبي ...ويدل على غباء المعتمد

كثير من الأسر السودانية سوف تتضرر من هذا القرار المجحف ... أتمني أن لا تضايق حكومة الإنقاذ

الشعب أكثر من كدا ...والسؤال أين إنقاذكم للشعب ؟؟؟؟

ولا هذا شعاااار قارغ من مضمونه ...

إتقوا الله في الناس ... إتقوا الله في الشعب السوداني ...

يعني قصدكم نساء وبنات الأسر تركب مواصلات عشان تفتش عن أين قدرة الفول ...قلنا نفتش الغاز

كمان جابت ليها فول مصري ؟؟؟

أنصح جميع الأخوات والأمهات بعمل الفول داخل المنازل ... وكل أسرة ممكن تشد في حلة صغيرة

أو قدرة صغيرة ((ننو )) لتكفي حجة الأسرة فقط ...وحتي ينقلع عنا هذا النظام الفاشي ...

في حياتنا لم نجد وضع في غاية السوء مثل هذه الحكومة العشوائية ...

نسأل الله أن يزيل عنا هذا الكابوس ... قولوا آمين ...

[حزين جداً]

#1254536 [ود الامام]
0.00/5 (0 صوت)

04-26-2015 11:03 AM
مرحبا بالقرار اذا كان بيع الفول يتم بطريقة غير حضارية وغير لائقة بنا كشعب كما يظهر في الصورة
والقراء لا شك قد لاحظوا ان بعض اصحاب البقالات لا يكتفون ببيع الفول فقط كما هو معروف من زمان بل قد تجاوزا الحدود وتجد صاحب البقالة يمتلك مجموعة من الصحون وتاتي مجموعة من الناس وتطلب فول يجهزه لهم صاحب البقالة في الصحن ثم يجلسوا امام الدكان او البقالة في قارعة الطريق وعلي الارض بدون ترابيز وكراسي وقد يكون امام البقالة خور او مياه راكدة غير الغبار والاتربة الناتجة من لعب مجموعة من الصبية او الاطفال امام البقالة مع مرور الناس والدواب والسيارات فهل هذه طريقة جيدة ومثالية ان تصبح البقالة مطعما . اخي الكريم اذا ذهبت الي اي دولة فسوف لن تري هذه الفوضي
بدواعي كسب الرزق .يمكنك ان تكسب رزقك لكن ينبغي عليك ان تحترم الناس وتوفر لهم المكان اللائق وتحترم كذلك قوانين الصحة والبيئة لان غيرك يفتح محلا مؤهلا ومجهزا ومرخص كمطعم وانت محلك ليس فيه هذه المواصفات وتريد ان تربح وتكسب نفس النسبة هل هذا مستقيم ومنصف . اعتقد ان القرار لا يمنع بيع الفول كما هو متعارف عليه في السابق ان تاتي الي البقالة ومعك اناءك مثلا بستلة وتشتري الفول وتذهب الي منزلك وتاكله هناك علي كيفك هذا لا شئ فيه . لكن ان تتحول البقالة الي ما يشبه المطعم فهذا غير لائق

[ود الامام]

ردود على ود الامام
[khalid] 04-26-2015 04:09 PM
ياخ طلب الفول بكم فى هذه المطاعم التى تتحدث عنها نديك امثلة ( مطعم الكشافه الطلب 10 جنيه - مطعم جاد 10 - 12 جنيه - المونليزا 10 جنيه- وفى مطعم بالسجانه 25 جنيه - وهكذا ) هل يكفى الراتب

من الدكان ممكن فول ب3 جنيه يأكلك انت والاولاد فى البيت

European Union [Garfan] 04-26-2015 02:21 PM
والله يا ود اللمام أظنك ما عايش في السودان ......مطاعم شنو النظيفه ؟؟؟؟ اظن عندك مطيعم وحتستفيد من الخرمجه دي ....كدي أسأل نفسك ولحدي ما بقيت توعظ هسي كنت بتفطر بشنو ومن وين ؟؟؟ من المطاعم ......اتق ألله ....

[حزين جداً] 04-26-2015 12:13 PM
يا ود الإمام مالك ياخي إنت ...

نحنا عايزين نعيش طبيعيين من غير تكلف ...

ما عايزين بهرجة ...

عاوزين نفطر في صحن بوش كبير ... في حلة ... في أي شئ المهم الفطور يكون مظبط وحر بلا قيود

وبرتكولات ... وحتي ولو قعدنا على صناديق البيبسي ....

وخلينا ناخد راحتنا ونفطر بمزاجنا الله يخليك لا نفسدوا علينا حياة حريتنا ... بل حرية

حياتنا البسيطة وبدون رتوش ...

الله يهديك بس ....


#1254530 [راجع للوطن]
5.00/5 (1 صوت)

04-26-2015 10:58 AM
أكيد هم لايعرفون عمى جبران وعمى مثنى هم الذين تربى عمر البشير على فولهم لوكان مضرا بالصحة لكنا ننعم بالديمقراطية والحرية والكرامة.

[راجع للوطن]

ردود على راجع للوطن
European Union [حضرس] 04-26-2015 12:54 PM
والله دا اجمل وابلغ تعليق


#1254508 [Sudani]
0.00/5 (0 صوت)

04-26-2015 10:38 AM
لأن القرارات ارتجالية وسائبة وما لاتعلمه الحكومة ان البقالة التي ليس فيها قدرة فول لاتغطي تكاليفها .. كما ان وجود الفول في البقالة يشكل ساتر امني للاسرة حيث ان المرأة والطفلة والولد يمكنه الذهاب للبقالة في طرف الشارع ويحضر الفول .. مما يجعله بعيدا عن حوادث المرور وزحمة المطاعم .. ( ولا هي يعني المطاعم نضيفة ) اكاد اجزم ان الفول الفي البقالة انظف من اي فوال لديه مخزن مليان صراصير وفيران ..
بعدين يا فالح العمال الببنوا في البيوت وسط الاحياء دي فطورهم الاساسي الفول والبقالة بتكون قريبة كده انت بتأخر الشغل وبتعمل زحمة في المطاعم والمواصلات .. والمطاعم اصلا وسخانة حا تزيد وسخ .. غايتو جنس غايتو هو
انت خلاص خلصت على اكوام القمامة ودكاكين الصعوط عشان تقبل على فول البقالة الله يقبلوا عليك كلاب لهب بتعرفهم ؟؟؟ وجه غاضب مكفهر

[Sudani]

#1254455 [جنو منو]
0.00/5 (0 صوت)

04-26-2015 09:56 AM
يعنى الفاتح جبرا تانى يشيل جك الفول ويمشى يجيبوا من وين .. ؟غايتو ياجبرا اعمل ليك كسرة جديده
وتانى الناس تاكل طعميه بس ...!!

[جنو منو]

#1254437 [ناصح]
0.00/5 (0 صوت)

04-26-2015 09:40 AM
حماية المواطن هههههههه كدي ورونا شحنة المخدرات اخبارها شنو الهروين والكوكايين ... قوم بلى يخمك يا سجم ياقذر

[ناصح]

#1254435 [أبو النوم]
5.00/5 (1 صوت)

04-26-2015 09:39 AM
هي البقالات أصلا البهمنا فيها شنو غير قدرة الفوول ومستلزماته

[أبو النوم]

#1254432 [ود احمد]
5.00/5 (1 صوت)

04-26-2015 09:36 AM
اديكم معلومة زمان نجيب الفرل بحاجة اسمها البستلة ونتعشى بالفول والصباح اقوم جعان الحس باقي القول في البستلة بدون ثلاجة وله نكهة طيبة فول سليم طبعا
فيا معتمد الهنا حاربوا كونتينرات المخدرات وحاربوا الفساد بعدين تعالوا حاربوا حبيب الشعب الفول اضمن وجبة تاكلها وانت مطمئن لا مغص ولا وجع بطن وحتى اليايع لو متجول كمصر وانا اعرف ناس يذهبون سياحة من دول اخرى ليأكلوا فول من المتجولين لنكهته الخاصة ومذاقه الجميل

[ود احمد]

#1254401 [عشنا وشفنا]
4.00/5 (1 صوت)

04-26-2015 09:02 AM
انها حملة لتجويع الشعب . ولكن .... على الباغى تدور الوائر ..

[عشنا وشفنا]

#1254399 [ام كرتبو]
5.00/5 (1 صوت)

04-26-2015 08:58 AM
طبعا حرقتني شديد عبارة حماية المواطن وزي ما بقولو الشماسة ..اكلت معاي جنبة شدييييييييييد..اظنها هذه عقوبة اهل الانقاذ للشعب السوداني لمقاطعته الانتخابات ....لذلك تفتقت عبقرية الخدر علي سادية جديدة الا وهي الحكم بالموت علي الشعب بحرمانه من آخر طوق نجاة ظل ممسكا به منذمجئ الانقاذ ...متبقي فقط استيرلد عدادات الاكسجين والمخالفات المرورية للراجلين ..ولسة في الخمسة السنين الجاية يا ما تشوفوا عجايب ...

[ام كرتبو]

#1254336 [حنفي]
5.00/5 (1 صوت)

04-26-2015 08:01 AM
العمال العاملين في المباني وغيرهم يعتمدون على فول البقالات في الفطور .لو فكر المعتمد لعدد الساعات المفقزدة من عمل هؤلاي العمال وهم يبحثون عن الفول في المطاعم التي لا تتواجد في أماكن العمل لما اصدر هذا القرار ولكن التفكير قاصر ..

[حنفي]

#1254291 [bluenile]
5.00/5 (2 صوت)

04-26-2015 06:28 AM
الله ينتغم منك ومن الجابك انت وحكومتك الله ينتغم منكم دنيا واخره
معتمد محليه الخرطوم شطح ونطح الناس تاكل الفول منذ الالا ف السنين من بائع بقاله او دكان او كشك او حتى صاحب كاروا لم نسمع من قبل انه سمم او سبب ضرر لاى مواطن
اصحاح البيئه والصحه صححوا انفسكم قبل تصحيح الاخرين
الجوع والمرض والجريمه والعطاله من يعالجها
اللهم عجل برحيلهم اللهم هولائى المنتفعين مصاصى دماء المواطنين مص دمائهم احرقهم في بيوتهم ومكاتبهم عاجلا يا الله لقد وقع بنا الضرر ولا منجى غيرك يا الله
اللهم لا منجى ولا قويا امينا جبارا قادرا عليهم غيرك يا الله
ان شاء الله يا نمر انت وحكومتك النمر الى يعدمكم الواحد يارب

[bluenile]

#1254242 [متسكع]
5.00/5 (2 صوت)

04-26-2015 12:05 AM
يا فاشل
يافاسد
الفول من البفوليات
ويكون ساخن عند شراءه
اذا كنت تبحث عن صحة الناس
الفول لا يسبب اي مرض
ولكن انت وامثالك قصدكم تجوعوا الناس
وتحرموها من ابسط عذاء يستطيعون شراءه
حتي ولو وجبه واحدة
ما سمعنا ولا حدث من قبل طول عمرنا بان
هنالك مواطن قدم شكوي في حبيب الشعب
الفوال انشاء الله يكرمكم الصحة والعافية
زي ما حرمتو حتي الطعام من الناس

[متسكع]

ردود على متسكع
[jafal] 04-26-2015 09:02 AM
الفول عماد شغل البقالات على كدا معظمها حبغلق أبوابه وحتى أنت كان الفول افطارك كما العالمين فى السودان ابه جد ؟ وبالمناسبة كان الفطور المفضل للرئيس نميرى بس مع الجبن .والا عندكم النية تلحقوه بالهوت دوق الانقازى؟


#1254238 [ابو الهول]
5.00/5 (2 صوت)

04-25-2015 11:46 PM
اتحداك يا معتمد الهنا والذي يريد حماية صحة المواطنبن ان تذكر لي واحد تسمم او تضرر من الفوووووول انه اضمن وجبة ممكن بتناولها الشخص وهو متاكد 100 في 100....يا كيزان ما تبطلو الكضب ...انتو ناسين يوم السؤال ...اعود بالله منكم ...



[ابو الهول]

#1254227 [من زمان]
4.50/5 (3 صوت)

04-25-2015 11:14 PM
حماية المواطن ترفعوا ايديكم منه

[من زمان]

#1254225 [اخ تقرصوا ميرم الكضابة]
4.75/5 (7 صوت)

04-25-2015 11:10 PM
"دافع معتمد محلية الخرطوم اللواء عمر نمر عن القرار الذي أصدرته المحلية مؤخراً بمنع بيع الفول في البقالات، وقال ان المحلية تطبق قانون الصحة والبيئة"
شوفوا الواطى الحرامى ابن الكلب السودان كلوا بياكل فول من دكان الحلةوحتى ولو بايتى ماسمعنا يوم بوباء ولا مرض اللهم الا مرضكم ياوهم الخلاكم تتدخلوا حتى رزق شفع الدردقات وبدل ماتمنعوهم عشان يمشوا المدرسة كان قصدكم احتكاركم لدخلها وانا متاكد بكون فى كوز ود حرام كاوش على كل محصول الفول بتاع السنة دى وداير يصرفوا
اصبر لتشوف بام عينك ياواطى ثورة الجياع

[اخ تقرصوا ميرم الكضابة]

#1254223 [f]
5.00/5 (8 صوت)

04-25-2015 10:58 PM
مع العلم بأنه الدخل الوحيد لصاحب الدكان والغذاء الوحيد المتوفر للمواطن الذي أصبح يلاحق في لقمته التي ما فتئت الطغمة تضيق الخناق عليه في كل شيء حتى في موية الفول التي أصبحت الغذاء الرئيسي لعموم الشعب الفضل

[f]

ردود على f
European Union [خالد ابوحمد] 04-26-2015 12:48 PM
طبعا الجماعة قبلوا على الفول اخر حاجة بعد ما انتهو من نظافة الشوارع والمستشفيات والمدارس والمطاعم وكل حاجة بقت تمام وخاصة المجارى والصرف الصحى والعلاج المجانى والتعليم طبعا من الخوف على الموطن والحرص على حياتة وصحته والتى هى من اولوياتهم طبع مشكورين ماقصرو

[fatmon] 04-26-2015 01:32 AM
في الوقت الذي نجد ان هناك مطعم الحوش_ أم درمان بتكلفة ١٠ مليون دولار مفارقات لا أول لها ولا آخر


#1254222 [المتألم حتى العضم]
5.00/5 (5 صوت)

04-25-2015 10:57 PM
انت يا النمر ما بتشوف اكشاك التمباك الفى كل ركن من العاصمه؟؟؟؟؟؟؟

[المتألم حتى العضم]

ردود على المتألم حتى العضم
European Union [متألم آخر] 04-26-2015 08:06 PM
المحلية عندهم التمباك و السجاير صحي اكتر من الفول .
مصر القريبة دي تاكل فول علي الكارو . ناس لابرحموا ولا بخلوا رحمة ربنا تنزل علينا.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة