الأخبار
أخبار إقليمية
توقيع عقد إنشاء مدينة البشير الطبية مع شركة سعودية
توقيع عقد إنشاء مدينة البشير الطبية مع شركة سعودية
توقيع عقد إنشاء مدينة البشير الطبية مع شركة سعودية


الدكتور كمال عبدالقادر مدير عام المشروع
04-26-2015 11:07 PM
الخرطوم:
تم توقيع عقد تمويل مشروع مدينة البشير الطبية مع شركة "أم دي اتش" السعودية، وقال الدكتور مصطفى عثمان اسماعيل وزير الاستثمار عقب التوقيع، إن هذا العمل يأتي في اطار الجهود التي تبذلها الدولة لإنشاء المزيد من الاستثمارات الصحية بالبلاد، وقال ان المشروع يعتبر من المشروعات الاستراتيجية يهدف إلى تقديم خدمات طبية وعلاجية بمستوى متطور، وابان أنه تم تحديد مدينة الباقير كموقع للمدينة، وهي تتكون من مستشفى بسعة 700 سرير وعشرة مراكز علاجية في كل التخصصات العلاجية المختلفة ومستشفيات إقليمية وعدد 30 مركزاً بكل ولايات السودان، بجانب مراكز للتدريب التقني، واضاف ان المشروع تم فيه ارفاق وحدة سكنية متكاملة الخدمات تسع كافة العاملين، كما تضم المدينة عددا من مصانع الادوية والمستهلكات الطبية، مثمناً الاستثمارات السعودية بالسودان، وقال ان السعودية تعتبر اكبر شريك استراتيجي بالبلاد.

وقال الدكتور كمال عبدالقادر مدير عام المشروع إن المشروع اكتملت دراساته بإشراف متخصص من داخل وخارح السودان، وقد اختيرت منطقة الباقير لقيام المشروع، بحانب المواقع الاقليمية الاخرى في اكثر من 30 مدينة في السودان.

وأضاف أن تنفيذ المشروع سوف يستغرق 3 سنوات، وتوقع الدكتور كمال عبدالقادر مدير المشروع أن المشروع سيحدث نقلة نوعية في مجال الصحة في السودان ودول الجوار

التغيير


تعليقات 19 | إهداء 0 | زيارات 5818

التعليقات
#1255873 [زول]
0.00/5 (0 صوت)

04-28-2015 08:54 AM
والله ربنا سلط علينا البشير عشان نحنا شعب حرامي ومتناقض
بنصلي وناكل قروش غيرنا
بندعي الكرم ونحنا اكبر انانيين
بنقول نحنا نزهاء ونحن اكبر مختلسين

يعني البشير الوسخ ده طلع من وين هو وشلة الحرامية المعاهو ديل
ما مننا

[زول]

ردود على زول
[ناصح] 04-28-2015 10:30 AM
معليش نحن لسنا هكذا ، فينا الشريف النظيف ولكن سلط الله علينا اولئك المأفونين من اين اتى هولاء


#1255639 [kaka]
0.00/5 (0 صوت)

04-27-2015 09:36 PM
د. كمال عبد القادر الذي ينادونه قديما بكمال الشين ترك وظيفته ببريطانيا وجا يحصل المال السايب ! من ناحية كوز فهو كوز كبير من ناحية نهّاب ايوة اتعلم لكن بفن ! مخلص لاهله وقروباته بتاع واسطات خصوصا للجكس فهنيئا لجميلات وزارة الصحة السبوبة الجديدة

[kaka]

ردود على kaka
[ناصح] 04-28-2015 10:31 AM
اللعنة على كل ظالم


#1255595 [risha]
0.00/5 (0 صوت)

04-27-2015 08:02 PM
هههه. كمال عبد القادر . اكبر حرامي في تاريخ وزارة الصحة. عامل شركة بي اسم اخوه اسمها شينكو. عملت عمايل في مستشفي بحري. ود اختو الحرامي بتاع المستشفي الصيني ما قصر في مشتريات المستشفي بي علم كمال. ازيدكم كانو مشاركين شركة صينية لغفو 150 مليون من غير ما يوردوا اجهزة لي م. بحري. دا كوم ومشتريات م شرق النيل كوم التاني. ام اولادو بتاعين مشروع التوطين ناس د اشرف العبيد دا فساد تالت. والله دا من افسد الشخصيات في الانقاذ. حلو لسان قليل احسان.

[risha]

#1255353 [adil a omer]
5.00/5 (1 صوت)

04-27-2015 01:39 PM
ودى حيعالجوا فيها قعونجات !!!

[adil a omer]

#1255308 [من زمان]
5.00/5 (1 صوت)

04-27-2015 12:58 PM
ان شاء الله بعد ان تكتمل يكون البشير في السجن قولوا امين

[من زمان]

ردود على من زمان
[مواطن] 04-27-2015 06:13 PM
قول قبل أن تكتمل !!


#1255247 [RABSO]
5.00/5 (1 صوت)

04-27-2015 11:40 AM
والله لو سموها مدينة "حوه الطقطاقة" لأشرف وأنبل ، وحوة الطقطاقة يرحمها الله أول امرأة أرتدت العلم السودان كثوب لها ، وهي جديرة بتخليد أسمها بدلا من الأسم المذكور الذي يذكرنا بأن السودان أزداد سوادنا.

وبعدين البشير ديه ما بشبع !!!! ما كفاية علية مدينة حوش بانقا الأسرية ، الله يرحم أبوك يا البشير لو كان عايش وشاف بلاويك كان تبراء منك .

ومصطفي أسماعيل وزير الكومشن وطبال البشير شخصية دنيئة تخيلوا وآحد يشوته البشير ويخلعه من وزير الخارجية وتصل الدناءة بهذا الشخص ويرضي بأن يكون وزير أستثمار من وزير خارجية لو لم تكن هنالك مصلحة بهذا المنصب .

وكمال عبدالقادر جاتو هبشه تاني ، أنشاء الله بالساحق والماحق عليه .

هذه ثورة الدمار .... الغني يزيد غني والفقير يزيد فقرقا ... وهي لله .

[RABSO]

#1255183 [Dr Abdelwahab Yousif Babiker]
5.00/5 (2 صوت)

04-27-2015 10:41 AM
I think somebody must speak to the Saudis about this project!

[Dr Abdelwahab Yousif Babiker]

#1255165 [كلام في كلم]
5.00/5 (1 صوت)

04-27-2015 10:29 AM
وتوقع الدكتور كمال عبدالقادر مدير المشروع أن المشروع سيحدث نقلة نوعية في مجال الصحة في السودان ودول الجوار
هل دول الجوار محتاجه ليكم ؟موضوع الصحه والاكل والشرب انتهي عندهم من زمان الن بفكرو في خلق الوظايف زانشاء شبكات المترو للمواصلات في اثيوبيا وكينيا يعني الصحه دي كانت اول شي وانته منها

شوفو موضوع تاني احسن
مستشفي بي 700 سرير بس ؟المرضي بالالاف

[كلام في كلم]

#1255132 [ABU JANDAL OSMAN]
0.00/5 (0 صوت)

04-27-2015 09:56 AM
د/كمال عبدالقادر لمن لايعرفة كان وكيل وذارة الصحة من ابناء الحصاحيصة رجل نشط نزية قدم مجهودات كبيرة لترقية الخدمة الطبية ومستشفى شرق النيل قام فى عهده لكن كعادتنا نفلح فى تكثير كل من يريد ان يقدم شى واحسن مهنه عندنا ان تجيد الهدم ود/كمال لثقة القيادة استلم الجهاز الاستثمارى للضمان الاجتماعى فى المجال الطبى يعمل بصمت وسيرى الشعب السودانى نتاج مجهوداته والله يكسر من امثالة ويكفينا شر كل من لايريد خيرا لهذا البلد ظننا منه ان كل خير خصم عليه لانه معارض

[ABU JANDAL OSMAN]

ردود على ABU JANDAL OSMAN
European Union [بنت الناظر] 04-27-2015 02:47 PM
للا أصدق أن شخص نزيه ممكن أن يضع يده فى يد هذه العصابة المجرمة !!!! بعدين إنت براك قلت الله يكسر من أمثالهم ...إنشالله مش يتكسروا ..إنشالله بى بشيرهم يدشدشوا حته حته كان دشدشوا البلد وخربوها ...

European Union [امير] 04-27-2015 02:32 PM
بعد زوال الانقاذ سوف تسمى مدينة البشير الطبية مدينة الباقير الطبية . اما بالنسبة لكمال فسوف تتم محاسبة كل شخص في الانقاذ المذنب يدان ويعاقب والبريء يخلى سبيلة . اما بالنسبة للراكوبة ونشر الايجابيات والسلبيات أعتقد ان الايجابيات قليلة جدا مقارنة بالسلبيات لذلك تجد السمة الغالبة سيئة . وبصفة عامة سوى كانت الحكومة انقاذ او غيرها من واجبها ان تحقق انجازات للبلد وهذه هي مهمتها ووظيفتها وواجبها الذي تحملته بدون من او أذى واذا لم تستطع ان تحقق ذلك عليك التنحي

European Union [حسن الترجمى] 04-27-2015 12:46 PM
اول مرة تسمح ادارة تحرير الراكوبة لكلمة ايجابية ومنصفة فى حق احد قيادات العمل الصحى الذين عملوا باخلاص فى فترة ما مع الانقاذ ؟؟ والمشروع المذكور اضافة حقيقة للعمل الصحى بالسودان سيتسفيد منها الجميع وليست مصنع اسلحة او مستودع للصورايخ ؟
اتمنى ان نرى هذا النهج من ادارة الراكوبة مستقبلا حتى تكسب الصحيفة بعض المصداقية وتنفى تهمة الفجور فى الخصومة مع كل من عمل تقوم به الانقاذ وان كان مسجدا او مستشفى او مدرسة ومع كل شخص مخلص ونزيه له صلة ولو بعيدة بالانقاذ وان كان نبيا مرسلا !!!!

European Union [خطري] 04-27-2015 10:38 AM
كمال يا عمك وزع أراضي الضمان الاجتماعي بمربع مستشفى مكة لاهله واصحابه ... شقيقه بتاع بنك السودان اساله لقى القطعة الساكن فيها دي وين .. وضرب قروش توطين العلاج بالخارج يفتل ويغزل فيها هو وبقية اخوانه


#1255124 [aboha]
0.00/5 (0 صوت)

04-27-2015 09:49 AM
يا اخوانا انتو زعلانين ليه؟ البشير دا يعني اقل من الملك عبدالله العندو مدينة جامعية وللا شيخ خليفة العندو مدينة طبية؟. بعدين المطبلاتية ديل ناس مصطفي ضروس وكمال (الباع لي مستشفي سوبا اجهزة عملية الولادة اول ما جاء من بريطانيا واكتشفوا بعد داك انها هدية للمستشفي) بيفهمو البشير انو هو اسد العرب واذا الملوك والشيوخ عملو مدن الأولي هو. الباقير دي موية تشربا ما لاقية تقول لي مدينة طبية.صدق الله ومن اصدق من الله قيلا (وبئر معطلة وقصر مشيد)

[aboha]

#1255095 [المهاجر]
0.00/5 (0 صوت)

04-27-2015 09:25 AM
يا شباب جان بس عند كمال عبد القادر ما كل الناس شغاله ....÷م ....جب ....بلع......هبر

[المهاجر]

#1255071 [المتغرب الأبدي]
5.00/5 (1 صوت)

04-27-2015 09:02 AM
لماذا حشر اسم البشير فيها ؟؟
هل هي من جيبه ؟؟

إن شاء الله سنغير اسمها إلى مدينة شهداء سبتمبر الطبية ..

[المتغرب الأبدي]

#1255038 [واحد داقس]
0.00/5 (0 صوت)

04-27-2015 08:36 AM
الدوله تستثمر في مرض المواطن وقالان المشروع سيحدث نقله نوعيه لمنو يا دكتور اكيد للحراميه امثالك وامثال مصطفي عثمانبعدين شنو حكايه مدينه البشير الطبيه ولا دي لزوم ال000000 ما كان تسموها مدينه السودان الطبيه

[واحد داقس]

#1255008 [عون الشريف دفع الله]
5.00/5 (1 صوت)

04-27-2015 07:58 AM
سموه مدينة البشير الطبيه او مدينه وداد او حاجه هديه الطبيه
وسنقوم بتغيير الاسم بعد اقتلاعكم ومحاكمتكم الي مدينة الشعب السوداني الطبيه
مافي اى مشكله اصلا يامصطفي ياشحات .!!

[عون الشريف دفع الله]

#1254993 [Karti New]
0.00/5 (0 صوت)

04-27-2015 07:43 AM
ماذا تعرف عن الجهاز الإستثماري للضمان الإجتماعي؟
هل نما لعلمها أن هذا الجهاز يعمل كمملكة خاصة في الهواء الطلق؟
هل تعلم مايدور في هذا الجهاز أم لا تعلم وفي الحالتين أرباب المعاشات يدفعون الثمن ومعهم الوطن وصلابة عود الفساد؟ ماهي حدود مسئولية الوزارة في هذا الفساد؟
هل يعمل هذا الجهاز وفق قوانين الخدمة المدنية ولجنة الإختيار التي تحكم المؤسسات العامة أم أن أهل الحظوة والتمكين وأولاد المصارين البيض هم أهله؟
كما قال شبونة هذا الجهاز يجلس علي تلة من الفساد قد تصبح جبلا ولكن نقول ربما هذا هو جبل الجليد الذي يطفو فقط عشره فأين بقية التسع أعشار.


أسأل عنها د. كمال عبدالقادر يا قنات

[Karti New]

#1254989 [Gagood]
5.00/5 (1 صوت)

04-27-2015 07:39 AM
أقبض كمال عبدالقادر الحرامي جااااكم ثااااني .. ده لص محترف سرق قروش وزارة الصحة كلها ومشى بي فضيحة .. باع أراضي الصندوق مربع مستشفى مكة ووزعه على اخوانه واصحابه .. راجيك يوم يا لص

[Gagood]

#1254956 [ود يوسف]
5.00/5 (1 صوت)

04-27-2015 06:52 AM
هل هو جزء من مشروع توطين العلاج بالداخل أم أنكم تخجلون من ذكر ذلك المشروع طيب الله ثراه ؟؟؟

[ود يوسف]

#1254906 [حقاني]
5.00/5 (2 صوت)

04-27-2015 03:16 AM
كمال عبدالقادر وكيل الصحة الحرامي تاااااني .. الزول ده ضرب قروش توطين العلاج كلها باسم شركة شينكو للمعدات الطبية .. واخوانو زي إخوان الرئيس من عطالة بقوا مليونيرات معروفين .. الإنقاذ دي ما بتختشي اصلا

[حقاني]

#1254893 [أبو عكاز]
5.00/5 (2 صوت)

04-27-2015 02:32 AM
الدكتور كمال عبدالقادر مدير المشروع؟؟؟ يا النبى نوح،، دة مش بتاع الإمدادات الطبية ولا واحد تانى؟؟

خلاص قاموا للسفسفة،، ما تروقوا المنقة شوية.

[أبو عكاز]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة