الأخبار
أخبار إقليمية
حركة العدل والمساواة السودانية : بيان بخصوص المعارك الفاصلة مع مليشيات النظام
حركة العدل والمساواة السودانية : بيان بخصوص المعارك الفاصلة مع مليشيات النظام



04-26-2015 11:38 PM
بسم الله الرحمن الرحيم
حركة العدل والمساواة السودانية
بيان بخصوص المعارك الفاصلة مع مليشيات النظام
في إطار معارك الحسم مع مليشيات نظام الإبادة الجماعية التي ظلت تعبث بحياة المدنيين طوال الشهور الماضية تمكنت قوات حركة العدل والمساواة السودانية اليوم الموافق 26/04/2015 من إحكام سيطرتها على موقع قوات ومليشيات النظام غرب منطقة تلس في ولاية جنوب دارفور بعد معركة فاصلة ولت فيها مليشيات النظام هاربة من أرض المعركة، وقتل قائدهم المدعو / جوده والمقدم / حماد حسب الله حمدون، وعشرات القتلى مازالوا في العراء، فضلا عن المئات من الجرحى في صفوف مرتزقة المؤتمر الوطني وما أدل على ذلك مما تعج به مستشفيات النظام في نيالا والضعين والمناطق الأخرى، كما تمكنت قوات الحركة من الاستيلاء على عدد كبير من الآليات الحكومية من عربات وأسلحة وزخائر ومواد تموينية ومازالت قواتنا مسيطرة على الموقع الحكومي.
أما فيما يتعلق بإدعاءات الناكر الرسمي لمليشيات النظام التي ادعى فيها الاستيلاء على إعداد هائلة من العربات فهذا ما لم تتمكن مليشياتهم من فعلة طوال تاريخ الثورة ولن يحدث ابدا وإنما كان القصد التغطية على الهزيمة النكراء التي منيت بها قواتهم ورفع روحه المعنوية.
تعلن حركة العدل والمساواة إنتشارها الشامل في دارفور وإحكام سيطرتها على جنوب وجنوب غرب ولاية جنوب دارفور، ونؤكد مواصلتنا مطاردة مليشيات النظام أينما ذهبت، وستشهد الأيام القادمة المزيد من الضربات الموجعة جدا لنظام المؤتمر الوطني بعد عملية خج الانتخابات.

الجنة والخلود لشهدائنا الأبرار
وعاجل الشفاء للجرحى وأنها لثورة حتى النصر
جبريل آدم بلال
أمين الإعلام الناطق الرسمي
26/04/2015






تعليقات 24 | إهداء 0 | زيارات 21384

التعليقات
#1255934 [ابوشهاب]
5.00/5 (1 صوت)

04-28-2015 10:06 AM
الله اكبر الله اكبر امس وصلتنى رساله ان جبريل ابراهيم من كثره البكاء على فقدان اعداد كبيره من مقاتلى العدل والمساوه الذين تلقوا تدريبا من الخبراء الاسرائيلين والخسائر الكبيره التى منى
بها من قبل قوات الدعم السريع ادخلت الراجل فى هستريا حتى نقل الى احدى مستشفيات العاصمه البريطانيه

ده دليل على كذب ادعاءتكم وبياناتكم دى موصوها واشربوا مويته وسوف يظل الجيش وقوات الدعم السريع لكم بالمرصاد اينما حللتم

الله اكبر والعزه للسودان والنصر لقواتنا المسلحه اضربوا على كل من تسول له نفسه العبس بمقدرات الشعب الشعب بيد من حديد والنصر والعزه للسودان ولا نامت اعين الجبناء

[ابوشهاب]

#1255711 [ابو مهند]
0.00/5 (0 صوت)

04-28-2015 12:56 AM
ربي اجعل هذا البلد آمنآ ومستقرآهذه الحرب لا يوجد فيها رابح بل الكل خسراااان حكومه وحملة سلاح

[ابو مهند]

#1255638 [عمر الحاج حلفاوي]
0.00/5 (0 صوت)

04-27-2015 09:30 PM
اتمني ان يسكت صوت البنادق وان يعلا صوت العقل والحوار -الطرفين هم ابناء السودان -السودان الذي يحتاج الي كل قرش لتوفير الحياة الكريمة لابنائه-ان اي انتصار لطرف في هذه المعارك فقد نفس سوداني من هنا او هناك وتدمير لممتلكات الشعب الفقير -الذين يجلسون في الفنادق باوربا او امريكا او لجوء سياسي 5 نجوم-وحكام الداخل الذين يسكنون القصور ويعيشون الحياة المرفهة دمروا سوداننا الجميل-

[عمر الحاج حلفاوي]

#1255349 [sudani]
5.00/5 (2 صوت)

04-27-2015 01:33 PM
امبارح ناس الجبهه الثوريه اختوا علقه كاربه امشو جهزوا نفسكم وتعالوا تاني للعلقه التانيه ههههههههههاي

[sudani]

ردود على sudani
[abubaker] 04-27-2015 04:16 PM
علقتك وين ياحبيبي


#1255295 [فيلا]
0.00/5 (0 صوت)

04-27-2015 12:43 PM
الان http://www.skynewsarabia.com
اللجنة العليا للانتخابات السودانية تعلن فوز البشير بولاية رئاسية جديدة بعد حصوله على أكثر من 94 % من الأصوات

[فيلا]

#1255290 [ود نيالا]
1.00/5 (1 صوت)

04-27-2015 12:34 PM
يا جماعة باختصار انا من جنوب دارفور و هاااكم الحقيقة:

عسكرت قوات التمرد منذ اسبوعين جنوب منطقة البرام ( السيسبان ) و تقدر وفق المواطنيين الذين شاهدوهم بحوالي تسعمائة سيارة منقسمة إلى مجموعتين .. و فعلا قام الانتنوف الحكومي بطلعات ليلية في يومي 14 و 15 ابريل و كل من يسكن نيالا شاهد ا سمع صوت الانتنوف متجهة إلى جنوب نيالا ليلا ,,, فى يوم الخميس الماضي قدمت مجموعة من الحركات لسوق برام و اشترت تموين بقروشهم و لم يتعرضول لاحد .. و لم تتعرض لا الجيش و لا الشرطة الموجدة لهم مع العلم ان في برام حامية عسكرية .. تحت تحت ( الناس بتقول ان الهبانية إستنجدوا بالعدل المساواة بعد حربهم قبل اسبوعين مع الرزيقات و التى شاركت فيها الدعم السريع سندا للرزيقات) و هذا غير مؤكد ..
يوم السبت قدمت قوة من الحركات إلى سوق التومات و في طريقهم طلبوا من جميع المواطنيين جمع شرائح الموبايل و جمعوا كمية من الشرائح وضعوها في كيس و في نهاية اليوم سلموها لاحد الشباب و يدعى ( الصادق) صاحب محل شحن و طلبوا منه ان يوزعها لاصحابها الاصليين بعد ان اخذوا منه قسما غليظا بذلك.... و غادروا السوق اتجاه معسكرهم دون ان يتعرضوا لاحد.
قامت قوات من الدعم السريع متمركزة فى معسكر دمسو ( بين تلس و نيالا) بالتحرك الى منطقة التومات لكن قوة من الحركات نصبت لها كمينا بين تلس و التومات و قتلت قائد المتحرك و هو المقدم ( ج او) ق د س: حماد حسب الله و قد وصل بعض افراد القوة على ارجلهم إلى تلس ,,, بعدها تحرك قائد ثاني الدعم السريع المدعو ( جودة ) من ام ضو بان ( حلة السيد حسبو نائب الرئيس) و إشتبك مع الحركات فى منطقة نخارة في معركة استمرت نصف ساعة فر بعدها قوات الدعم السريع ( قدس) إلى كتيلا ( 20 كيلو من تلس) و طاردتها قوات الحركات و هنالك اخبار بان قائدهم ( المدعو جودة ) قد مات
امس منذ الساعة العاشرة صباحا إستقبلت مستشفى نيالا العسكري 132 جريحا من الدعم السريع و قد شاهدت عربات اللاندكروزر تنقل الجرحى من المطار إلى مستشفى و هنالك معلومات بنقل بعض الجرحى إلى الضعين للتستر على الخسائر.
جيراننا فى حي الرياض بنيالا نصبوا اكثر من ستة صيوان عزاء هذا الصباح و هنالك عويل شديد مما يدل على فقدان الدعم السريع لقادة كبار .

[ود نيالا]

ردود على ود نيالا
[الراصد كل شئ] 04-27-2015 12:48 PM
هههههههههههههه احبك علي كيفك واللي حصل كل السودانيين عارفين . ذبحوكم ذبح الشاة والسيارات ما عندها عدد


#1255231 [ود تلس]
5.00/5 (2 صوت)

04-27-2015 11:23 AM
ياخي بيانكم داء بلوه واشربو مويتو انا من تلس و الجيش و الله دحركم دحراً و الحي منكم جاري بي كرعيه و عرباتكم خليتوها وجريتو واساراكم يشهدوا بذلك وموتاكم في الميدان وعرباتكم مافضلكم حاجو الا كتابة الكضب كضبو علي الناس بلا جبهة ثورية بلا عفن انتم نهابين ليس الا ما عندكم اي رسالة

[ود تلس]

ردود على ود تلس
United States [كنياتا] 04-27-2015 12:31 PM
كرررر يكرك الدابي، قال من تلس ، أنت كوز متطفل بس وعمرك ما شفت تلس ولا عارف اتجاهها وين


#1255199 [دفع الله البدوي]
0.00/5 (0 صوت)

04-27-2015 10:55 AM
نسال الله الكريم رب العرش العظيم ان يشفي الجرحي من الطرفين لانهم ابناء وطن واحد وتراب واحد ونسال الله ان ينصر القوات المسلحة ويقويها لحماية السودان وشعبه النبيل الصابر .

[دفع الله البدوي]

#1255197 [العدل والمساواة]
0.00/5 (0 صوت)

04-27-2015 10:54 AM
العدل والمساواة دحرتكم ياماجورين وغدا سيكنسگم داخل الخرطوم ياكلاب

[العدل والمساواة]

#1255167 [صلاح حامد]
5.00/5 (2 صوت)

04-27-2015 10:31 AM
والله جنس كذب الجيش ضربكم ضرب شديد وهذا لا يفرحنا لانكم ايضا سودانيين لكن انتم تعملون
على الزعزعة وترهيب الغلابه ولابد للجيش ان يحمى الشعب وقد فعل لذلك نقول لرجال الجيش
البواسل شكرا على الدماء التى تذرفونها من اجل الوطن والمواطن

[صلاح حامد]

#1255159 [ود شندي]
0.00/5 (0 صوت)

04-27-2015 10:22 AM
جودة في خبر كاااان واااااي يمة وااااااي ,,, عقبال حميرتي يا جداد زوروا مستشفي نيالا العسكري تعرفوا الحقيقة


اول مرة اعرف إنو الصوارمي دا برا الشبكة

[ود شندي]

#1255118 [عطيتو محمد على]
5.00/5 (1 صوت)

04-27-2015 09:46 AM
اسال الله العلى القدير ان يديم نعمة الامن والامان فى كل ربوع السودان . وان ينصر القوات المسلحة مهما تامر المتامرون ومهما حاول الماجورين زعزعة الاستقرار . اللهم ولى علينا خيارنا واكفينا شرارنا يا كريم .

[عطيتو محمد على]

#1255104 [badr]
5.00/5 (4 صوت)

04-27-2015 09:34 AM
هذا البيان لا يصدقة عقل ادمي قد يصدقة صغار العقول والبلهاء من الناس الجيش عرض الغنائم صورة وصوت واسراكم بالاسم والصورة

[badr]

ردود على badr
European Union [ود شندي] 04-27-2015 10:32 AM
أمشي مستشفي نيالا العسكري و تشوف عيال العوين الجرحى بعييينك ,,,, 900 عربة من العدل و المساواة منتشرة جنوب نيالا و المليشيات هربت عديييييل يا اخوي ,,, بكرة الوالي حيسافر خرطوم و سوق نيالا مغلق من امس


#1255101 [الحجاج]
0.00/5 (0 صوت)

04-27-2015 09:31 AM
انتما حكومة ومعارضة مسلحة لعنكم الله ودمركم تدميرا يشهده اهل الارض وملائكة السماء انتم السبب في الدمار والخراب المستمر لمتى يعقل الطرفين وتضع الحرب اوزارها بصورة نهائية رحمة بهذا الشعب الذي فضل بالله انتم فيكم رجال لمتى ستظل في حروب هنا وهناك ولصالح من؟ ايها الاغبياء انتم فقط سبب هلاك اهل السودان اليوم .

آلا تنظرون للغلاء والدمار الحاصل للمواطن ؟ متى يعقل اهل السلطة والمعارضة المسلحة لماذا لا تتنازلوا من اجل ايقاف تلك الحروب التي هلكت الشعب منذ استقلاله ليومنا هذا.

والذين يقتلون هم اخوتكم واهليكم والمنتصر منكم هو خاسر وعلى اي شيء تتقاتلون وسط هذه الحروب هلك المواطن وانتم مسئولين امام الله منهم جميعا حكومة ومعارضة لمتى سيظل السودان وشعبه في ضيق لضيق ؟ دون سائر شعوب الدنيا نحن كلما تشرق شمس البلد والمواطن راجعين لوراء وتدمير مستمر لكل شيء .

متى تعقلوا يا حسالة الامم المدعية ويا حثالة البشرية ؟

[الحجاج]

#1255028 [زول]
4.50/5 (4 صوت)

04-27-2015 08:25 AM
حركة السلب والنهب يا حرامية يا لصوص

[زول]

ردود على زول
European Union [ود شندي] 04-27-2015 10:29 AM
حرامية هم كلاب الدعم السريع ,,, الذين نهبوا مواطن دارفور و حرقوا دياره لعنهم الله اينما كانوا و اللهم إنتقم لنا منهم ,,,,, حماد فطيس و جودة فطيس ,,, و شان تعرفوا قيمتكم شوفوا الحكومة تجيب ليكم شنو في الكرامة ( باقة زيت + جوال سكر + و جوال بصل) ,,,,


حميرتي وين ؟


#1254999 [ود المتمة2]
0.00/5 (0 صوت)

04-27-2015 07:50 AM
يومين فقط حنعرف الكضاب منو

[ود المتمة2]

#1254986 [سودانى]
0.00/5 (0 صوت)

04-27-2015 07:36 AM
والله القتلى من الطرفين أهل وسودانيين مافى لزوم للبحصل ده صونوا عقولكم وارجعوا الى الحق وأتركوا الدمار ده والسودان واسع وخيراته كثيره والسلطه سرطان والشيطان لاتجعلوه بينكم

[سودانى]

#1254983 [القريش]
5.00/5 (1 صوت)

04-27-2015 07:34 AM
هسى نصدق منو؟الصور فى عصر الانترنت والواتس خير دليل والا نتعتبر الاثنين شغالين حرب اعلاميه على الهواء وشكرا ياجبريل وياصوارمى

[القريش]

ردود على القريش
[ود المتمة2] 04-27-2015 09:15 AM
غايتو يا قريش الجماعة ديل اتزنقوا في الجنوب حسب علمي اصبحوا غاب قوسين او ادنى من الهلاك لذا فكروا في هذا التسلل الانتحاري واكد لك لم تقم لهم قائمة بعد اليوم


#1254968 [abubaker]
0.00/5 (0 صوت)

04-27-2015 07:14 AM
والله ياناس حيرتونا مين نصدق الحكومة ولا انتو لو صادقين جيبوا لينا الدليل - موت جودة لو كان صحيحا تعد خسارة كبيرة للسودان

[abubaker]

ردود على abubaker
European Union [ود شندي] 04-27-2015 10:25 AM
خسارة على السودان ؟؟؟؟؟ جودة دا واحد نهابي مرتزق و حرامي بياكل فى اموال اليتامى

الحمد لله الذي إنتقم لنا منهم ( النهب السريع و الله جاريين زي شفع الحلة لمن يلقو كلب جهمان

هههههههههههههههههههههههههههههه فوق فوق عدالة فوووووووق


#1254942 [mamkoon]
5.00/5 (1 صوت)

04-27-2015 06:31 AM
هذه البيانات المتناقضة تربكنا!!. نود أن نرى الصور والدلائل المادية كما حدث من قبل

[mamkoon]

ردود على mamkoon
European Union [حسن الترجمى] 04-27-2015 12:37 PM
الاقرار بالهزيمة فضيلة ولاداعى للحديث عن بطولات ذائفة واكاذيب عبر بيانات تافهة لاتسوى الحبر الذى كتبت به ،، العدلة والمساواة تلقت ضربة هائلة من قوات البشير والصور منشورة للجميع والسبب فشل القيادة السياسية والعسكرية خلال سنوات طويلة وماحدث نتيجة طبيعية لتخبط حركة جبريل وعدم وجود هدف سوى الاستمرار فى القتال والتدمير


#1254936 [ali murtey]
0.00/5 (0 صوت)

04-27-2015 06:18 AM
لا تضيعوا جهدكم فى الفيافى والجبال راس الحية واطرافها هنا فى الخرطوم اضربوا راس الحية كسبا للوقت والجهد

[ali murtey]

#1254910 [mohammed]
3.00/5 (3 صوت)

04-27-2015 04:01 AM
التحية لكل الابطال وناصري الحق والحرية ولكن يا جبريل قول الجبهة الثورية دائماً االتفرقة ماكويس ناس ماشين لم الصف الثوري

[mohammed]

#1254881 [من تل ابيب]
1.00/5 (1 صوت)

04-27-2015 01:32 AM
تجنيد اجباري لكل من يقدر حمل السلاح

[من تل ابيب]

ردود على من تل ابيب
[سالم مراد] 04-27-2015 11:31 AM
كدي افضي لينا من مهامك الكتيرة دي بعد تعال نمشي يا ارذل الخلق

[دنقر شيل] 04-27-2015 10:18 AM
لما تفضى من غسيل الحمامات والذله فى تل ابيب تعال نتجند سوا

Russian Federation [زاهر حسن] 04-27-2015 09:48 AM
وانت بتسوي شنو في تل ابيب يا وسخ....ما تجي تحارب عشان تعرف حاجة يا جبان يا كلب يا هارب. قال تجنيد قال.....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة