الأخبار
أخبار إقليمية
فيصل قاسم يسخر من انتخابات البشير
فيصل قاسم يسخر من انتخابات البشير
فيصل قاسم يسخر من انتخابات البشير


04-27-2015 08:12 PM
على صفحته بفيسبوك كتب الإعلامي المشهور بقناة الجزيرة الدكتور فيصل قاسم:

أردوغان ارتقى بتركيا إلى واحدة من أقوى عشرين اقتصاد في العالم، ولم يحصل إلا على 51% من أصوات الشعب التركي. أما عمر البشير فأعاد السودان خمسين عاماً إلى الوراء وتسبب بعشرات الحروب الداخلية وتقسيم البلاد، ثم حصل على 94% من الأصوات.
خووووووش ديمو خراطية


ثم ما لبث أن أضاف:

شو كان صار لو ان الرئيس السوداني عمر البشير طلب من المخابرات تخفيض تسعيرة نتائج الانتخابات من 94% الى 60% مثلاً. تنزيلات موسمية، وبيظل ربحان.


تعليقات 34 | إهداء 0 | زيارات 12816

التعليقات
#1256364 [نبيل حامد حسن بشير]
0.00/5 (0 صوت)

04-29-2015 12:46 AM
علي الأقل انت حاسي بينا، شكرا يا دكتورز

[نبيل حامد حسن بشير]

#1256128 [redwan]
5.00/5 (1 صوت)

04-28-2015 02:08 PM
والله فيصل قاسم ختفه من خشمي

[redwan]

#1256018 [عادل الزعيم]
5.00/5 (1 صوت)

04-28-2015 11:33 AM
إدمان سف التنباك ادي الي تسوس امخاخ السودانيين و بالتالي وصلوا الي هذه الحالة

[عادل الزعيم]

#1255985 [شبتاكا]
0.00/5 (0 صوت)

04-28-2015 10:52 AM
الاصم فى انتخابات 2010 خجاها لمن عكرت المره دى قرر يخليها حلوه ويلعب حبة شفافيه قام شال سجله القديم وما نقحه بشهادة الطفل المعجزة وهو بزكائه خلى اسماء الجنوبيين والموتى احتياطى لعملية الخج لو فرضا باظت الامور.. الشعب السودانى باغتوه باالاجازة فى اليوم الاول قام صهين وبقى كل زول جارى فى حاله ...وزادو له ساعات الاقتراع وعزبو موظفين المفوضيه المشرورين وما جاهم زول بالغلط ومددو لليوم الرابع وفى قرى الجزيره لليوم الخامس ولحد الساعه اتناشر بالليل فى فرقان وكنابى مضلمة وما حايم فيها غير الكلاب بشقيها الحيوانى والادمى من منسوبى اجهزة النظام ... ونسبة ابوسانجو بتاعت ال35 فى الميه ما رضت الشريف بدر ورهطه قامو حمرو له شويه وطبعا زولنا حنكوشه وما بيحمل الهبباى لقى شغلة الفات مخرج ما كله ضاربنو بالفات اش معنى الانتخابات ما يكون عندها فات.....اخونا الاصم لقى الحل قام اداها المره دى كوز 17 فى الميه قيمه مضافة وفقا لاحكام ضرائب جمهورية السودان الانقاذيه ...يعنى نسبة ابوسانجو فى محلها لكن الفات رفع الشغلةالى 46.4 فى الميه
الشعب الطيب وبادب شديد يا سيدنا الاصم وبشهادة مراكز انتخابات الخج الفارغة الا من موظفى المفوضيه ومرتزقة المؤتمر البطنى والموثقه بصور فضائياتكم قال وبنسبة اكتر من 90 فى الميه للدكتاتور السفاح والمطارد جنائيا بجرائم ضد الانسانيه ارحل.........ومن الطرائف ان الحاجة فاطمة بتاعت الاتحاد الاشتراكى العظيم الوعاء الجامع لاهل السودان حلت فى المركز الثالث وهى مبسوطة جدا ومنتظره هسع تقبض التعويض و حق قومة النفس من ناس غندور بتاع اقوى حزب فى افريقيا والعالم العربى وهى معزورة لانها باعت عقار عزيز لتمويل حملتها الانتخابيه اغتنمته ايام ايام الصفاء وهى تنعم بالرضى الرئاسى على عهد الرئيس القائد امل الامه والكان بيفوز بنفس النسب فى انتخاباته الشهيره و الذى للاسف القاه الشعب الطيب فى مزبلة التاريخ فى انتفاضة سته ابريل المجيده

[شبتاكا]

#1255967 [ود الفنكوك]
5.00/5 (2 صوت)

04-28-2015 10:34 AM
لابد من لاهاي وإن طال الرقيص .

[ود الفنكوك]

#1255963 [ناصح]
5.00/5 (1 صوت)

04-28-2015 10:34 AM
يا شعب السودان راجعوا انفسكم وعلاقتكم بربكم ، كيفما تكونوا يولى عليكم

[ناصح]

#1255952 [ناصح]
5.00/5 (3 صوت)

04-28-2015 10:24 AM
واااافضيحتاه ,,, بعد ان كنا ملهمي الشعوب النضال ومعلمي الناس الحقوق ، اصبحا مسخرة للعالم ومادة دسمة للسخرية ،، لعل شعب السودان قد قتل معنويا، ماذا دهاكم اين العقلاء اين الرجال ،،

[ناصح]

#1255899 [الكردفاني العدييييييييييييييييييييييييييييييييييييييل]
5.00/5 (2 صوت)

04-28-2015 09:26 AM
بس متحيرين ..... في 6 % ..... كان يقول فوق ... 100% لان عضوية المؤتمر الوطني ..... لها ثقل خاص ....

بس نعتب على قناة الجزيرة ..... التي ... لا تسلط الاضواء على مآسي السودان كما يجب .... بل هي متماهية مع تيار الاخوان ..... السوداني والعالمي .....

[الكردفاني العدييييييييييييييييييييييييييييييييييييييل]

#1255894 [جنو منو]
5.00/5 (3 صوت)

04-28-2015 09:19 AM
ديمكراسى كما قال الهالك القذافى !!

[جنو منو]

#1255892 [بنغالي جوازو رايح]
5.00/5 (1 صوت)

04-28-2015 09:17 AM
قناة الجزيره بما فيها من المتأسلمين و المتأسلمات صاحبات السيقان العاريه و الشعر العجري المجنون امام الكاميرات و الواحده شغاله تنبح في السيسي و تقشقش دموعها علي الاخوان. نحنا في زمن النفاق لما عاهرات الاعلام يشتغلن باسم الاسلام و ينافقن بالدفاع عن المسلمين المضطهدين!!!
قناة الجزيره قناة نفاق و هي ذراع قطري اخواني ماسوني و ليس لها اي حق علي الاقل اخلاقيا ان تنتقد حكومة الانقاذ و هي يا لفضيحتها امام مشاهديها باعت اخلاقها المهنيه حين اشاحت بوجهها عن احداث سبتمبر ٢٠١٣ التي ذبح فيها النظام ما لا يقل عن ٢٤٠ شهيد من اطفال المدارس و الشباب الواعي، و التي لولا قناة العربيه و بعض الاصوات الحره لما سمع بها العالم.
بصراحه انا مندهش جدا من تصفيق الناس و اثناءها علي كلام القاسم و الكريشان و بقية عقد النفاق الجزيري حينما يرمون لنا بفتات مشاعرهم الانسانيه علي طرقات الفيسبوك و تويتر و غيرها ليلتقطها السيارة العطشي و الجوعي في تناسي مقيت لما كانت و ظلت تفعله بنا امهم اللعينه قناة الاخوان المسلمين.
نحنا شعب مسكين، ناس وهم زي ديل يسفهونا العمر كلو ما نقول بغم، و يومهم اليقولو كلام صحيح نصفق ليهم؟؟؟ لا يا ناس اصحو ..... ما هكذا تورد الابل و الاعلامي يحمل ذنبه علي رقبته الي ان يكفر عنه و ما هكذا تغفر ذنوب السلطه الرابعه.

[بنغالي جوازو رايح]

ردود على بنغالي جوازو رايح
European Union [بنغالي جوازو رايح] 04-28-2015 02:26 PM
الغاليه بت اب زيد سلام كتير، و حبابك الف.
بالنسبه لاصحاب الحظوه و اولادهم ما تنسي كمان شنطه فيها زي سبعه مليون دولار كده بالميت, او كما فعلها الكيروسين ود الجاز!!
بالنسبه لفيصل القاسم، احترم وجة نظرك، لكن بصراحه الانقاذ بتفطرنا و تغدينا و تعشينا علي النفاق ليها ٢٦ سنه، مجبورين دي بلدنا لكن الجابرنا علي نفاق الاجانب شنو؟؟
علي فكره كلامو ميه الميه و يعبر عن افكاري في احسن الحالات ...... لكن انا اكره ما اكره في حياتي النفاق، و فيصل القاسم لو بلع رايو حفاظا علي وظيفتو في قلعة الاخوان يبقي هو ما جدير باحترام اي واحد فينا.

سلام

[nagatabuzaid] 04-28-2015 11:44 AM
الكريم بنغالى لك التحية شخصيا مقاطعة قناة الجزيرة تماما ولا حتى الوثائقية وكل ما ذكرته انت صحيح ولكن احتمال د فيصل القاسم يعبر عن وجهة نظره الشخصية فى تغريداته بينما قناة الجزيرة موجهة من الدولة وما عليهم الا التنفيذ ويجد نفسه فى موقعه الخاص والله اعلم

اها جوازك لسه رايح ؟؟ غيرتك على وطنك تجعلك تستحق جواز سفر خاص . شايفة اولاد المخلوقات السجم واقاربهم ومحسوبيهم يحملون جوازات سفر خاصة ويسافرون عن طريق ال VIP وبعضهم بالعربية من البيت لسلم الطيارة هملة يا السودان


#1255877 [(صلاح بلال)]
0.00/5 (0 صوت)

04-28-2015 08:56 AM
لا يا اخ راجع برنامج الاخ فيصل القاسم في الاتجاه المعاكس قبل سنه قال ليهم وش منتظرين من البشير وواضع الشعب غطاء علي حساب المواطن سلموه للمحكمه واخلصوا منه وقال البشير شرد المبلييين من ابنا شعبكم وقسم البلد وصائر علي تقسيم الباقي قريبا ويش منتظرين منه شي ....

[(صلاح بلال)]

#1255841 [ضل الضحى]
5.00/5 (2 صوت)

04-28-2015 08:28 AM
تزوير فى شهادة الأساس ...... تزوير فى الأنتخابات ...... تزوير فى الأراضى ..... تزوير فى مكتب والى الخرطوم تزوير فى كلام الصوارمى ....
الحمد لله على كل شىء , هذا ابتلى ومصيبة وعين اصابت السودان

[ضل الضحى]

#1255820 [ظلال النخيل]
5.00/5 (1 صوت)

04-28-2015 08:09 AM
يا فيصل القاسم ويا قناة الجزيرة آلآآآآآآآآآآآآآآآآآن عرفتم البشير وكذبه وحزب المؤتمر الوطني وضلاله والطغمة الحاكمة وفسادها لقد كنتم تزينون لهم اعمالهم وتقفون معهم وسخرتم اعلامكم في قناة الجزيرة لتبييض وجوههم الكالحة وبدل ان تقفوا في جانب الشعب وقفتم مع الطاغية وبعد 26 سنة تجي تقول خوووووووووووووش ديموقراطية ....حرام عليكم 26 سنة ضاعت من عمر السودان وعمر الشعب السوداني في حروب وتقتيل وتعذيب وبيوت اشباح وسرقة ونهب والغاء لدور الجيش وانهاء للخدمة المدنية

[ظلال النخيل]

#1255805 [quickly]
5.00/5 (1 صوت)

04-28-2015 07:51 AM
دي في الانكل يافيصل القاسم,,, عفيت منك!

[quickly]

#1255756 [mohd]
0.00/5 (0 صوت)

04-28-2015 06:48 AM
ما قال لينا فيصل القاسم النسبة التى تحصل عليها بشار الاسد فى الانتخابات السورية الاخيرة علما ان بشار كان المنافس الوحيد لبشار- السوريين كمان فين شافو الانتخابات عشان يتكلمو عنها - على الاقل يكون الشخص البتكلم عن نزاهة الانتخابات من دولة حكمت ولو مرة واحدة فى تاريخا ديمقراطياً- هذا مع كراهتى للاخوان المسلمين اكثر من كراهنى لاى تنظيم فى العالم بما فى ذلك تنظيمات اليهود

[mohd]

#1255734 [التاج محمد احمد]
5.00/5 (3 صوت)

04-28-2015 04:01 AM
انا عكس فيصل القاسم نفسي اعرف وين راحت ال6% الباقيه لا تكون اتلهفت
خووووش كلام علي قول الكوايته

[التاج محمد احمد]

#1255707 [داوودي]
0.00/5 (0 صوت)

04-28-2015 12:41 AM
وناس الانقاذ علاقتن شنو بتركيا ، ولا يكون قصدك عشان هم تنظيم اخوان ، ما كلموك البشير ما باع الاخوان وقال نحنا ما تبع التنظيم الدولي .

[داوودي]

#1255705 [هارون]
5.00/5 (2 صوت)

04-28-2015 12:37 AM
طالما ان النتيجة لن يعترف بها سوي الحزب الذي قام بتنظيمها فلماذا يجعل النسبة 60%؟!

[هارون]

#1255699 [استخبارت عسكرية]
0.00/5 (0 صوت)

04-28-2015 12:07 AM
لماذا لم يعلق حزب المؤتمر الشعبى على هذه المهزلة التى قاطعها بفهم معروف ولماذا يسكت كمال عمر الذى عرف بكثرة التصريحات ويبدو ان الثعلب الماكر خليفة وحفيد ابليس فى الارض لديه مخطط اجرامى جديد ويا الجبهة الثورية ورينا حاجة وشغلك عارفنو يلا يا اشاوس يا نشامى الرقاص تانى ما يخدعكم بالحوار بس دواس حتى النصر وقد قال الشعب كلاما صامتا فى مهزلة الخج والهج

[استخبارت عسكرية]

#1255695 [المهندس سلمان إسماعيل بخيت على]
5.00/5 (5 صوت)

04-27-2015 11:58 PM
أحد الظرفاء قال لو أن البشير أحرز 94% فى الشهادة السودانية كان اليوم طبيب إستشارى أو مهندس إستشارى مغترب وريح واستراح ولكن هذه اقدار الله لا حديث لنا يؤتى الملك ممن يشاء وينزع الملك ممن يشاء بيده الملك وهو على كل شىء قدير
قد تكون اقدار الله بتولى البشير حكم السودان لـ 30 عام متتالية عقاب لنا أو قد يكون هذا العقاب قد صرف به الله عنا ما هو أسوا من ذلك
بحثت عن هذا الأسوأ وتخيلت حال أهلى فى سوريا واليمن وليبيا وحتى مصر والعراق فحمدت الله
اللهم أرفع غضبك ومقتك عنا وأعفو عنا وارحمنا يا علام الغيوب

[المهندس سلمان إسماعيل بخيت على]

#1255685 [ماسورة]
5.00/5 (2 صوت)

04-27-2015 11:33 PM
انا مندهش من اخوانا العرب لا بعجبهم العجب ولأ هيثم مصطفي !
النسبة دي اكبر دليل علي المصداقية و التواضع وانكار الذات لو تزكروا ان اب شلوفة كان بينافس نفسو .

[ماسورة]

#1255648 [العتباني]
4.50/5 (5 صوت)

04-27-2015 09:53 PM
*قبحك الله يا أبوشلاليف فضحتنا قدام العالم الله يفضحك دنيا وآخرة .
*الدنيا كلها شافت وسمعت وعرفت وإتيقنت إنو نسبة 50% ما حيلم فيها صاحبنا (فرانكنشتاين) ده إلا بعد ما يزيدوها موية ويخجوها ويسوطوها ويعوسوها عواسة (الآبري) !!.
*وطبعا اكتر المتفائلين من قبيلة (بني كوز) ما كان حيحلم ب60% بتاعت فيصل القاسم دي ! لكن نقول شنو , قدرنا وقعنا في أشرِّ خلق الله .
*حرامي عنيد و عينو قوية ينغرز فيها عود كبريت .

[العتباني]

#1255635 [karkaba]
5.00/5 (8 صوت)

04-27-2015 09:26 PM
كلامك حقيقة ياسيد فيصل نرجو ان تعمل حلقة في الاتجاة المعاكس عن مهزلة الانتخابات في السودان

[karkaba]

#1255630 [awad]
5.00/5 (7 صوت)

04-27-2015 09:21 PM
امسك قوي يا البشير ناس الجزيرة دايريين يركزوو معاك..

[awad]

#1255624 [خليوت بعانخى]
5.00/5 (6 صوت)

04-27-2015 09:13 PM
واحد ناخب فى مركز من مراكز قرى حلفا الجديدة دخل الى المركز وقبل ان يدلى بصوته فى لحظة التاكد من اسمه فى كشف الناخبيين لاحظ ان اسم والده الذى توفى قبل اربع سنوات مؤشر عليه ضمن الذين ادلوا باصواتهم فظل يصيح حرام عليك حرام عليك يابا تجى لغاية هنا وما تزورنا؟؟؟ واحد واسمه يحي ادلى بصوته 27 مرة بالتمام والكمال _..واحد تانى قال انه ادلى بصوته خمس مرات على كل راس قبض عشرين جنيه ..عادى المسجلين مائتين والذين ادلوا باصواتهم 700 و 800 .. نسبة التصويت بين الميتين 100% ونسبة التصويت بين المقاطعين خاصة فى اليوم الرابع اكثر من 90%..هنيئا لكم فانتم لا تستمتعون الا باكل الحرام ولبس المحرم واعتلاء المنبر الحرام والصلاة على على فروة من جلد الذئاب .. لو كانت الانتخابات نزيهة ما كانت ستليق بكم لا تتالقون الا فى الكذب والغش والخداع لو لم تغشوا كنتم ستكونون منا ولما حق قول النبى عليكم( من غشنا ليس منا )

[خليوت بعانخى]

#1255620 [عبد الرحمن الطاهر]
4.75/5 (6 صوت)

04-27-2015 09:04 PM
خووووووووش ديمو خرائية ...

[عبد الرحمن الطاهر]

#1255619 [زول ساي]
5.00/5 (5 صوت)

04-27-2015 08:59 PM
لكل ظالم نهاية .........ويلك من غضب الشعب يا راقص يا كذااااااااااااااااااااب

[زول ساي]

#1255618 [الفكي]
5.00/5 (9 صوت)

04-27-2015 08:57 PM
94% ومعاها رقصة ...

[الفكي]

#1255613 [عصمتووف]
4.88/5 (4 صوت)

04-27-2015 08:48 PM
ي عم البشير مستعد لرقع السقف الرسمي للاقتراع اكثر من ذلك لكنة لتواضعة الجم واحتراما لمشاعر المعارضة والشعب الغير وفي لاصابتهم ب الصدمة قرر هذا الاكازيون رافة بنا

[عصمتووف]

#1255610 [ابن الشذاذ الأفاق]
0.00/5 (0 صوت)

04-27-2015 08:43 PM
ما بيصير شي يا القاسم،
ده يعني أنه الشعب السوداني يعشق الحروب وبيحب الدماء علشان كده اختار بحرية رئيس دموي،
انت ما بتعرف ناسنا نحب الموت وما نهابه، ونحب القتال وما نحب الظل
نحب مشاهد القتلى والدماء ونركب الدبابات ما الخيول
يا زول احنا سفاكين دماء عدييييل
تقولي انتخبوا البشير

[ابن الشذاذ الأفاق]

#1255607 [العطار]
5.00/5 (3 صوت)

04-27-2015 08:37 PM
يافيصل ياقاسم يامن فصل وقسم العرب عمر البشير من المفترض ان يحصل علي 100% لان الذين صوتو هم فقط اعضاء المؤتمر الوطني وعددهم لا يتعدي ربع المسجلين في دفاتر الحكومه 13 مليون ولاتستقرب يامدلل موزه

[العطار]

#1255605 [ابومناسك]
5.00/5 (4 صوت)

04-27-2015 08:36 PM
هذه هى ديمقراطية الانظمة الاستبدادية في اى زمان ومكان ...لاجديد في ان يفوز عمر البشير بنسبة 94% او 99.5% ..

[ابومناسك]

#1255604 [atif]
5.00/5 (3 صوت)

04-27-2015 08:36 PM
يا داب صحيت؟ مؤخرا صحيت من نومك !

[atif]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة