الأخبار
منوعات سودانية
(معاكسة الفتيات)... ثبات (العادة) وتغير (المفردات)!.
(معاكسة الفتيات)... ثبات (العادة) وتغير (المفردات)!.
(معاكسة الفتيات)... ثبات (العادة) وتغير (المفردات)!.


04-28-2015 11:41 PM
الخرطوم: سمية بشير
تحكي الطرفة أن مسجوناً كان يقف على نافذة السجن يتأمل في الشارع، فمرت إحدى النساء، فصاح بصوت عال: (وين ياتتي)..؟ هنا التفتت إليه المرأة وقالت بسخرية: (سجمي يايمة... انت مسجون هنا من زمن (التتي)؟!....) و ربما تقودنا تلك الطرفة إلى اختلاف طريقة معاكسة الفتيات ما بين الأمس واليوم، برغم اتفاق الكثيرين المسبق على عدم قبول الظاهرة مجتمعياً بشكل عام!.
شكوى مستمرة:
حول هذا الموضوع يقول الموظف عباس بله لــ(السوداني) أن المعاكسات باتت تنتشر في معظم المجتمعات حتى في أماكن العمل وأصبحت تشكو بعض الفتيات في الشارع العام من تلك المضايقات وأحياناً يشعرن بالإحراج، وأضاف عباس: (المعاكسات أصبحت تستخدم على شاكلة عبارات منها: انتي جميلة جداً - وابتسامتك تعجبني - وأشعر بارتياح عندما أتحدث معك - وأتمنى أن أرتبط بفتاة مثلك) حتى في نوع اللبس ووضع المكياج، وقد يمدح طريقة وضعه كذلك في بعض الأحيان، وفي السابق أيضاً المعاكسات بكلمات بسيطة تعبر عن أعجاب الشاب بنفس الفتاة مثال: (يا جميل - ياراقي انت) وكذلك من العبارات.
(غمزة) وصفارة:
من جانبها تقول الموظفة سعاد إبراهيم لــ(السوداني) أن المعاكسات تعتبر من الظواهر السالبة في المجتمع، ومن أسبابها الفراغ والبطالة والمعاكسات تقع على إثرها وقائع وحوادث أليمة، مؤكدة أن (غمز العين مع رفع الحاجب) من أشهر المعاكسات التي كانت تستخدم بالسابق، إلى جانب (الصفارة المتقطعة الشهيرة).
أساليب غريبة:
حول ذات الموضوع يواصل الطالب الجامعي حذيفة سيف الدين قائلاً لــ(السوداني) أن اختلاف الأزمان له تأثير واضح في اختلاف الثقافات واختلاف أشياء كثيرة منها حتى المعاكسات في السابق كانت تقسم مفاتن المرأة مثل: (يا اللونك أخضر – والطويل - فارع القوام)، أما المعاكسات مؤخراً فقد تحولت إلى أنماط أخرى وأساليب غريبة على المجتمع السوداني.
ثقافة الاقتحام:
الباحث الاجتماعي محمد الخليل أحمد أكد لـ(السوداني) أن حقبة الخمسينات والستينات شهدت الظهور الأكبر لمسألة (معاكسة الفتيات) وأضاف أنه وبرغم حفاظ المجتمع السوداني على العادات والتقاليد التي ترفض مثل هذا الأسلوب من التعارف، إلا أن هناك الكثير من العناصر التي تسللت خفية إلى داخل المنظومة المجتمعية الكلية، وأضاف الخليل: (مؤخراً استغنى الشباب عن ثقافة معاكسة الفتيات وباتوا يلجؤون لأسلوب آخر وهو (الاقتحام).

السوداني


تعليقات 5 | إهداء 0 | زيارات 5124

التعليقات
#1256877 [سوداني بس]
0.00/5 (0 صوت)

04-29-2015 03:42 PM
(( إشراقة الكتلتها الشلاقة )) !!!!!

واحد ( مسنوح ) قاعد في الشارع - 4 بنات ماشين - قال ليهم ( سنة ياااااا البلابل ) !!! إشراقة واحدة منهم قالت ليه : نحنا 3 يا بايخ !!! قال ليها : أنتي العدّاك منو ؟؟؟؟؟ .

[سوداني بس]

#1256717 [كسرة بي موية وعصيدة بي لبن]
0.00/5 (0 صوت)

04-29-2015 12:06 PM
اإذا كان عرضتوا لينا صورة فتاة جميلة تبع المقال،كنت وريتكم اخر كلمات الغزل.

[كسرة بي موية وعصيدة بي لبن]

ردود على كسرة بي موية وعصيدة بي لبن
[الخازوق] 04-29-2015 11:57 PM
يا الشافو خلو
دمرت الوليد
والله ده وديته برميل البلدية

[الشافو خلو] 04-29-2015 04:29 PM
اكل كسرتك بالموية دي وحلي بالعصيدة باللبن وادمدم نوم؟؟؟ تورينا شنو؟؟ ورينا فرائض وسنن الوضوء ومبطلات الوضوء

تلقاك من الجماعة بتاعين البناطلين الضيقة ومحذقة ديل،، ناس يااااااي جرحتني الكرتونة ولا فلقتني بالبسكويتة


#1256690 [؟؟؟؟؟؟؟]
5.00/5 (2 صوت)

04-29-2015 11:40 AM
اسه العفن الماسك بت الناس دا** مهما تكون براءة المسكة لو لقى اختو واحدة مساكها من ايدها وماشي حايكون موقفو شنو!!! حا يكون من العينة اللي بيقولوا عادي بالزبادي حياتها وحرة فيها** ولا بتعنتر ويعمل ليها انو راجل ونحنا شرفنا ما لعب وجبتي لينا العار..



حال السودان اصبح [ماتت النخوة والرجولة في الرجال** فانتحر الحياء وسط النساء]





اللهم احفظ بحفظك واسترنا بسترك ** وحسبنا الله ونعم الوكيل على من اوصل البلد لهذه المرحلة؟؟

بلد كثر فيها الزنا والمحن والفتن والقتل وقلة والمرؤءة والكذب وحلف اليمين والنميمة والحقد والحسد والجهوية واكل مال الناس،،


تغير الشعب كثيرا وتغيرت نفوس الناس

[؟؟؟؟؟؟؟]

#1256650 [ابو محمد]
5.00/5 (1 صوت)

04-29-2015 10:49 AM
من امن العقاب اساء الادب

[ابو محمد]

#1256599 [أبوقرجة]
5.00/5 (1 صوت)

04-29-2015 10:02 AM
تتي دي ما أغنية لكمال ترباس ...

المعاكسه تأتي من الفراغ وتأخر سن الزواج للشباب.. وعدم الأمل في الزواج أوالارتباط بإنسانه ... لانه الحياة بقت صعبه .... وكل زمن ليه معاكسه ... وكمان من الأساليب المستعمله زمان هي الكوميديا في الكلام مع البنات .. مثل ( يعني يكونوا بنتين ماشات واحد يسأل صاحبه الحلوه ياته فيهن .. فيرد صاحبه الفي النص ) ...

[أبوقرجة]

ردود على أبوقرجة
[البلولة ود بتول بت المبارك ود الحسن] 04-29-2015 04:39 PM
يا بابو قرجة** تلقاك ما عندك غيرها بتاعت الحلوة فيهن ياته

تلقاك شغالت بيها الواطة كلها لمان البنات حفظن المسرحية بتاعتك دي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة