الأخبار
أخبار إقليمية
خبير : العقوبات الأميركية تكلف السودان 55 مليار دولار
خبير : العقوبات الأميركية تكلف السودان 55 مليار دولار
خبير : العقوبات الأميركية تكلف السودان 55 مليار دولار


04-29-2015 04:49 PM
قال خبير في القانون الدولي، إن العقوبات الآحادية القسرية التي تفرضها الولايات المتحدة الأميركية على السودان كلفت الخرطوم حوالى 55 مليار دولار، كان يمكن أن تستغل لتنمية كثير من القطاعات، داعياً لتحرك قوي من أجل رفعها.


وقال عضو معهد لندن لممارسة القانون الدولي د. ناجي إدريس، في ندوة أقامتها نقابة المحامين السودانيين في الخرطوم ليل الثلاثاء، إن الأموال الضائعة بسبب العقوبات كان يمكن أن تستغل في قطاع التنمية لإحداث طفرة تنموية غير مسبوقة.


وتفرض الولايات المتحدة عقوبات من جانب واحد على السودان منذ العام 1997، وتمدد العقوبات سنوياً بزرائع وحجج مختلفة.


وقال إدريس إن العقوبات أثرت على تطور قطاعات حساسة في البلاد مثل التكنلوجيا ووسائل التعليم، إضافة إلى العلاقات الأكاديمية والفنية والموارد البشرية ذات الارتباط الخارجي.


مبادرات فردية

ودعا إدريس إلى ضرورة تحرك المؤسسات والمنظمات لعرض أثر العقوبات وتقديم مبادرات فردية لإخراج البلاد من دائرة الحظر وتخفيف آثارها المعنوية.


من جهتها، بينت عضو أمانة حقوق الإنسان وفاء محمد عثمان، أن التنمية حق أصيل من حقوق الإنسان وعندما تمس فإن ذلك يعد خرقاً لسيادة الدولة.


وقالت إن القوبات الاقتصادية الآحادية ذات تأثير مباشر على المواطنين وبصورة أخص قطاع المرأة والطفل.


وطالبت بأهمية إجراء بعض الإصلاحات الداخلية لتتواءم مع بعض التعاملات الخارجية في هذا الشأن مع الدول الأخرى.


ودعت إلى ضرورة وجود السودان في كل محافل المنظمات الدولية لعرض أثر العقوبات الاقتصادية الآحادية على البلاد.


ويرى خبراء سياسيون وقانونيون، أن هناك أسباباً سياسية دائماً ما تلجأ إليها الإدارة الأميركية لمواصلة عقوباتها على السودان.


شبكة الشروق


تعليقات 12 | إهداء 0 | زيارات 4168

التعليقات
#1257448 [المهاجر]
0.00/5 (0 صوت)

04-30-2015 01:21 PM
هذه دولة كوبا محاصره منذ السينيات ورغم ذلك نهضت بعزيمه قويه وركزت على الزراعه والصناعه واستغنت عن دولة سام اما نحن لم ننجح فى لا الزراعه ولا النفط ...بسبب سوء الاداره والخرطوم اغلى عواصم العالم فى الاكل والشرب والسكن والعقار .......

[المهاجر]

#1257373 [RABSO]
0.00/5 (0 صوت)

04-30-2015 11:32 AM
تمنينا أن ننذل للأمريكان عشان يرفعون عنا المفاطعة ويقبضوا علي البشير ويضعوه في قفص الجنايات ، خيرا من أن ننذل من الكيزان والمؤتمر الوطني وعلي قدر خيرات البلد الموجوده يدخلوها جوه بطونهم .....
فأيهما الأشرف أن نحب الأمريكان ويحببوننا أم يحبون الكيزان بعضهم البعض ويكرهون من هم ليس من جلدهم ....

[RABSO]

#1257130 [العطار]
4.00/5 (1 صوت)

04-30-2015 04:08 AM
الحس كوعك يا ادريس عينك في الفيل وتطعن في الضل قول الدولارات اللابسها وداد في يدينها قول الصرف في منظمات وداد وفاطمه وشركات اهل البشير الوهميه وانت اسمك العالم الثالث في داعي تطول لسان علي امريكا 0 اتكلم عن الفساد والنهب المنظم اتكلم عن الوارد الخاشي البلد بدون جمارك والمصانع الموصل الكهربا بدون عداد وضرائب وجمارك ومحليه اتكلم عن عربات الحكومه اللافه ليل ونهار وبالذات يومي الجمعه والسبت في مشاوير خاصه وعلي حساب الدوله يا ادريس انت حسع اخدت كم المحاضره دي محاضره وهميه اخذت حقك بالدولار

[العطار]

#1257065 [عودة ديجانقو]
4.25/5 (3 صوت)

04-29-2015 11:18 PM
يا السيد الخبير الما ورونا إسمك بالله عليك عشان ما تسفه عقولنا اولا هى ليست عقوبات عشان تضع الحكومه فى خانة الحمل الوديع...ولكن هى مقاطعه إقتصاديه يعنى بعربى جوبا الأمريكان ما عايزين معاكم اى معامله تجاريه.. ويعنى لا نرسل ليكم بضائع ولا ترسلوا لينا.
المقاطعه العربيه وبالأخص السودانيه مع دولة اسرائيل هل ممكن نسميها عقوبات ام مقاطعه..والشئ المعروف إنه السودان ما عنده اللى يضغط بيهوا تجاريا مع دول كبيره زى دى.
تعرف يا الخبير اى دوله محترمه عايزه تستثمر فى دوله او لا بتشوف هل هناك وجود امريكى فى تلك الدوله وإذا فى ده معناه هناك استثمار لأن هذا يعنى هناك إستقرار ولا خوف على الأستثمار.

[عودة ديجانقو]

#1256999 [الجقود ود بري]
0.00/5 (0 صوت)

04-29-2015 08:25 PM
هل الملام هنا امريكا ولا المتسلطين علي البلاد والعباد ؟ اذا كان في مثقال ذره من الحب للبلاد ومثقال ذره من الايمان لتركوا الحكم لينعم الشعب بقليل من الحريه ويشبعوا من الجوع ويتعالجوا من المرض ويتعلموا من الجهل
الا لعنة الله علي الظالمين المنافقين الفاسدين المفسدين الكاذبين القتله الحراميه اولاد الكلب

[الجقود ود بري]

#1256977 [kabouash khalid]
5.00/5 (2 صوت)

04-29-2015 07:06 PM
كيزان البشير يكلفون السودان 70 مليار دولار ... سرقوها الكيزان وبنوا بيها العمارات وامتلكوا بها السيارات وتزوجوا بها مثننى وثلاث ورباع وراحوا يغسلوا ما تبقى منها بمشاريع في الأمارات وماليزيا ودبي وربما في إسرائيل نفسها

[kabouash khalid]

#1256962 [ابو جاكومه]
4.00/5 (3 صوت)

04-29-2015 06:24 PM
لا يا د/ ناجي ادريس هده ليست الحقيقه . الحقيقه انت والكل يعرفها السبب في هده العقوبات هؤلاء القوم الدين يحكموننا بشرع الله الدى طبقوه بالمقلوب ويسلبوننا حياتنا ...حياتنا وليست امريكا اوالغرب او الشرق او حتى الشعب السوداني المكلوم . لمادا لم تقول الحقيقه واضحه بالفم المليان عندما احضرت من مدينة الضباب . ام انك من الجماعه اياها جماعة النفاق والعياد بالله منه . اقسم بالله العيم لو كانت خصال النفاق مائة خسله لانطبقت مجتمعه في كل مسئول في الحكومه السودانبه الحاليه من الرئيس الى الخفير . اللهم لا تعاقبنا بما فعل السفهاء منا

[ابو جاكومه]

#1256950 [Bedr]
0.00/5 (0 صوت)

04-29-2015 06:08 PM
هكذا صار قدر السودان ليحكم اللصوص و المطاريد من بنى كوز

[Bedr]

#1256945 [Khalid Hassan]
5.00/5 (1 صوت)

04-29-2015 06:05 PM
If this sanction was lifted where would that money goes
The answer is clear that it would go into big fish's belly's, so it is pointless asking lifting it as long as the corrupted government is there,you should point your arrows towards corruption , petrol`s money where did it goes more than 70 billion dollars disappear just like that, not invested on agronomy - healthcare-education

[Khalid Hassan]

#1256933 [عدو المنافقين والظالمين واللصوص]
5.00/5 (3 صوت)

04-29-2015 05:37 PM
المعوق الاساسي لتنمية وتطور بلادنا او سودانا الحبيب هو وجود حكومة الفجار على سدة الحكم وليس العقوبات الامريكية. تبا لكم ايها الكيزان

[عدو المنافقين والظالمين واللصوص]

#1256931 [بت البلد]
5.00/5 (2 صوت)

04-29-2015 05:36 PM
لو سلمتو البشير كل شئ بيمشي عديل

[بت البلد]

ردود على بت البلد
United States [بت البلد] 04-30-2015 07:00 AM
ههههههاي يالهميم : انت قايلني جدادة مهيمة أبرأ واستبرأ ؟؟؟أنا أكتر زول واقفة للبشير في حلقو شكلك فهمتني غلط يا ولدي ... أنا بقصد لو سلمتو البشير للعدالة في لاهاي زي ما قالت ليكم بنسودا كل شئ بيمشي عديل ... أنا كل يوم بشحد الله يغتس حجرو ويريحنا منو ... ما لك عليا مشوه صورتي ؟؟؟ أرجو حذف هذا التعليق فورا, لأنو فيهو اساءة لي ولكل زول بيعرفني ياخي مالك علي ؟!أكون جنيت لو بس فكرت بس انو نسلم ليهو البلد انت عايز تجردني من الانسانية زيو ؟؟؟ ياخي زوجي أول من جرد من منصبو كعميد لكلية الزراعة بجامعة الجزيرة ومن الذين أعتقل بليل واقتيد بواسطة جهاز الأمن المدجج بالسلاح وتم ترويع أطفالي حراااااااااااااااااااااااااااااااااااااااااااااام عليك تفها من خشمك

[هميم] 04-29-2015 07:25 PM
البلد ماهي ماسكها البشير المجرم وجماعتو الأكثر جرماً منه من 25 سنة وهي ماشة من سيء إلى أسوأ ... أعتقد أن المفترض يمشي عديل هو إنتي مش الشعب السوداني يسلمها للبشير الذي استلمها بالتزوير قريب ده وبكره لما تمشي تشحتي في الشارع حتدعي الله إنو يغطس حجر البشير وحتذكري أنك فاكره البشير بني آدم


#1256925 [murtada eltom]
4.25/5 (3 صوت)

04-29-2015 05:20 PM
Scanctions,,Can never,and will never be lifted in Sudan where,its govenment,is vague ,not leagally elected ,,not recognised worldwise,,President wanted by ICC ,,more over ,the regime is not applying the international standarrd of democraratic free practicng,,,,..NO freedom of speasch,,NO freedom of press,,NO freedom Of assembly ,,,NO freedom of Democratic Election

[murtada eltom]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة