الأخبار
أخبار إقليمية
د. مصطفى عثمان إسماعيل : وديعة استثمارية خليجية كبيرة تخفِّض أسعار الدولار بالسودان
د. مصطفى عثمان إسماعيل : وديعة استثمارية خليجية كبيرة تخفِّض أسعار الدولار بالسودان
 د. مصطفى عثمان إسماعيل : وديعة استثمارية خليجية كبيرة  تخفِّض أسعار الدولار بالسودان


سباق "كذب " محموم من أجل رفع قيمة الجنيه
04-29-2015 10:56 PM
وديعة استثمارية تخفِّض أسعار الدولار بالسودان
كشف وزير الاستثمار السوداني د. مصطفى عثمان إسماعيل عن وديعة استثمارية خليجية كبيرة يشهدها السودان. وتوقَّع أن تنعكس الوديعة الاستثمارية قريباً إيجاباً على انتعاش أسعار العملة الوطنية، وانخفاض أسعار العملات الأجنبية بالسوق الموازي.

وأعلن، عن قرب توقيع عدد من المشروعات الاستثمارية مع شركات سعودية بالسودان في مجالات استثمارية مختلفة.


وأكد قيام ملتقى الاستثمار السوداني الإماراتي بمدينة أبوظبي، برعاية من الحكومة الإماراتية، وبترتيب من غرفة تجارة وصناعة أبوظبي.


وأضاف: "الوزارة ستقدِّم في الملتقى أكثر من 80 مشروعاً في مجالات استثمارية مختلفة".


ووصف إسماعيل تصريحات وزير المالية والإقتصاد الوطني بدرالدين محمود حول الوديعة الاستثمارية الخليجية بالمبشرة.


وأشار إلى أن الوديعة ستنعكس إيجابا على مناخ الاستثمار في السودان بصفة عامة، وانتعاش أسعار العملة الوطنية مقابل الأجنبية.


شبكة الشروق


تعليقات 40 | إهداء 0 | زيارات 8176

التعليقات
#1257575 [ابو راس]
5.00/5 (1 صوت)

04-30-2015 06:05 PM
تعرفوا يا كيزان عشان كذبكم دة انا عندي مية دولار من سنة 2011 من الانفصال ابيت افكها كلو كلو

[ابو راس]

#1257505 [الحاج]
5.00/5 (1 صوت)

04-30-2015 02:53 PM
شوف يا مصطفى استهبال والعصابة المعاك

وديعة دي اصلا ما بتسوي شي ولا بتحسب من ضمن الامور الاقتصادية اللهم الا توفر عملة صعبة والوديعة مععروف اجلها ومتى ترد

ثانيا اي اموال خارجية من الخليج لا يعلن عنها الخليجيين انفسهم في قنواتهم الاعلانية مثل ما يحدث مع مصر فهذا كله في نظرنا كذب واحتيال ونفاق

انت واحد **** حقير

[الحاج]

#1257498 [ابوبشير]
5.00/5 (3 صوت)

04-30-2015 02:36 PM
كذاب ثم كذاب لسبب واحد لم يسمى الدوله او الدول الخليجية خايف بكره الدوله تنفى قام خلاها عايمة كده ( خليجية) عشان كل دوله تقول ده امكن الدوله التانية. اسلوب **** وبايخ وسمج ..

[ابوبشير]

#1257484 [المهندس سلمان إسماعيل بخيت على]
5.00/5 (3 صوت)

04-30-2015 02:12 PM
يا دكتور ضروس مصطفى حشوات إسماعيل البارح القريبة دى الريال السعودى يعادل 2500 جنيه والدولار 9375 جنيه ومازال على قنواتكم الفضائية فى قائمة أسعار العملات الأجنبية الريال 1565 جنيع والدولار 5869 جنيه
ياراجل إختشوا وبطلوا تصريحات واللى زيكم مفروض البشير يدعوهم لحفل عشاء بحدائق القصر يضم كل عضوية المؤتمر الوطنى عدا العساكر ويكلم بكرى وعبد الرحيم ومحمد عطا يعشوهم بنفس الوجبة التى أطعم منها المك نمر ابن محمد ود نمر الجعلي السعدابي اسماعيل باشا محمد علي باشا حيث يحاط الحضور من كل الجهات بكومة قصب ناشف وبراميل بنزين وأن يكون فى مقدمة المدعوين شيخهم حسن الترابى وعلى عثمان وكل الجماعة وبهذا يكون البشير قد كفر عن كل الأخطاء التى أرتكبت فى سنوات حكمه الـ 25

[المهندس سلمان إسماعيل بخيت على]

#1257479 [مدحت عروة]
5.00/5 (3 صوت)

04-30-2015 02:04 PM
البينعكس ايجابا على الاستثمار هو ليس الوديعة يا سيد مصطفى البينعكس ايجابا على الاستثمار هو الاستقرار السياسى والدستورى ووقف الحروب واشاعة الامن والسلام وسيادة القانون فى ظل وضع ديمقراطى يحكم بفصل السلطات وسيادة القانون والدستور والمؤسسات ويتداول الحكم فيه سلميا!!
يا ناس الراكوبة عليكم الله شوفوا جنس الناس الحاكمين السودان وبالمناسبة كلامى ده كلام زول عادى جدا ولا خبير ولا متخصص فى السياسة او الاقتصاد ولا حول ولا قوة الا بالله العلى العظيم !!

[مدحت عروة]

#1257469 [ابو الهول]
5.00/5 (2 صوت)

04-30-2015 01:48 PM
في ذمتك ايها الطفل المعجزة ...هسع الشحاتين منو؟ نسيت انك وصفت الشعب السوداني الابي بانهم كانوا شحاتين قبل حضوركم...الشعب السوداني الذي دفع مال الكرامة للقذافي ...الآن انت تتباهى بي شوية ريالات وتقول وديعة ..(اودعك الله نار جهنم ..)تفوووووووووو...الا تختشوووون....تاتون يوم القيامة وليس في وجوهكم المكتنزة بالسحت وجضومكم الملظلظة ..تاتون وليس فيها مزعة لحم ...

[ابو الهول]

#1257455 [فكوووووووووها يا حسين خوجلي]
5.00/5 (2 صوت)

04-30-2015 01:28 PM
الناس ديل تجار سوق أسود بس, فاكرين نفسهم بلعبوا بعقول الناس, يخس علي دي حكومة , وديعة خليجية قال, فين انتاجكم ووين اقتصادكم وسياستكم الاقتصادية البتخفض سعر الدولار وترفع سعر الجنيه السوداني يا وزير يا وهم .... يا هو ده نجاحكم ... بعدين دي مش وديعة خليجية دي أموال الشعب السوداني المسروقة والمنهوبة من قبلكم وتسموها متل ما تسموها... وديعة خليجية كبيرة دي ملطشةفارغة وما فائدة الافادة ... حكومة نهب ونهابين ... الله ينتقم منكم.

[فكوووووووووها يا حسين خوجلي]

#1257441 [Alrikaby]
5.00/5 (2 صوت)

04-30-2015 01:14 PM
ماهو دور وزراء القطاع الاقتصادي في ايقاف تصاعد سعر صرف الدولار ؟ اهملتوا الزراعه والثروه الحيوانيه والصناعه وهي العمود الفقري الرئيسي لاقتصاد البلد ،كل مجهودكم القدرتوا تعملوه جبتوا الوديعه الخليجيه والله بلدنا مامحتاجه للخليج لو فيها عقول بتعرف تفكر بطريقه صحيحه ومشكلتنا الكبري في الاداره ووضع الرجل المناسب في المكان المناسب يا عالم معطم الوطائف الاداريه الكبري في الخليج يشغلها سودانيين .... راعي الضان في الخلا يدري ان الانتاج بطرقه المختلفه والتصدير لفائض المنتجات هو الحل للتحكم في سعر صرف العملات الاجنبيه وليس باستجداء اهل الخليج لينعموا علينا بودائعهم كم وديعه منحتنا لها حكومه قطر والحال ياهو نفس الحال ...... نسال الله سبحانه وتعالي اللطف بالبلاد والعباد...

[Alrikaby]

#1257401 [ميمان]
5.00/5 (5 صوت)

04-30-2015 12:07 PM
عشان تعرفوا كذب هذا الطبيب الفاشل انا بحاول يومين ارسل فلوس للسودان عن طريق الصرافة التي اعتدت التعامل معها إلى قبل شهر فقط والإجابة كانت لقد تم منع التعامل مع السودان. يا مصطفي نحن قروشنا ما قادرين نرسلها لأهلنا بسبب المقاطعة الخليجية وانت تقول لي في وديعة؟ اودعك الله في جهنم انت والبشير

[ميمان]

ردود على ميمان
[فكوووووووووها يا حسين خوجلي] 04-30-2015 01:33 PM
آمين يارب


#1257375 [RABSO]
5.00/5 (2 صوت)

04-30-2015 11:36 AM
أكبر طبال ومنافق وبتاع مصالح ومستعد يبيع نفسه من أجل حفنة دولارات هو مصطفي عثمان أسماعيل " مصطفي كومشن " .

[RABSO]

#1257344 [ود الشريف]
4.50/5 (7 صوت)

04-30-2015 10:39 AM
حقا انت الطفل المعجزة يا خى استحو هو فى وديعة بتحسن اقتصاد دولة مع انه مافى دولة خليجبة وعدت بى وديعة حبل الكذب قصيييير يا دكتور مصطفى انتم فاشلون ولانكم فاشلون فلن ينصلح حال الاقتصاد والجنيه الشغلة عايزة تدوير عجلة الانتاج ومراجعة الضرائيب والجبايات لتشجيع الاستثمار من السودانى قبل الاجنبي بس مين يفهم انتو مجموعة من العصابات تنقسم لمراحل من اللجنة الشعبية مرورا بالمحليات والمحافظات والولايات والحكومة المركزية وكل جهة تخم بي فهما وتجنيب وعمارات تقوم وعربات فارهة وووووو ولا احد يبحث عن حلول للاقتصاد المتهالك ده نتاج فشلكم

[ود الشريف]

#1257332 [احمد المسيري]
4.94/5 (7 صوت)

04-30-2015 10:28 AM
والله لو السماء امطرت ودائع الحال ياهو الحال . والودائع في النهايه حاتحول ارصده في ماليزيا وسويسرا . احنا علاقتنا شنو بالخبر ده؟؟؟

[احمد المسيري]

ردود على احمد المسيري
[فكوووووووووها يا حسين خوجلي] 04-30-2015 01:45 PM
يا ناس الله السودان ده طلع فيه البترول وكب جررررررررررررررررر واصدر وما شفنا حاجة والدهب كشكش... والناس هرعت للقعب ... وين الاقتصاد وين السودان لسع ... في السجم مع حكومة السجم دي.. يا ناس شركة فرنسية وااااااحدة شغالة في السودان في زمن وجيز أصلحت من الاقتصاد الفرنسي في لحظة .... طالما ديل موجودين السودان ما بغنى ولا حاله حيصلح .... يا ناس قوموا سااااااااي على الحرامية الكلاب ديل.


#1257329 [بت حبوبتها]
4.82/5 (6 صوت)

04-30-2015 10:24 AM
انت عايز العرب يدعمو الاخوان ؟؟؟؟؟!!!!!!
ماعندنا قنابير وكده

[بت حبوبتها]

ردود على بت حبوبتها
European Union [زول نجيض] 04-30-2015 01:09 PM
فعلا بت حبوبتك ...وكان ادوهم تمن الانبطاحة بدوهم حاجة من اللسان ماتلحق المصران ...تمن مشاركتهم في عاصفة الحزم ثمن بخص لم يتعدي فتح البنوك للتحويلات


#1257325 [أبوالكجص]
5.00/5 (5 صوت)

04-30-2015 10:22 AM
أنا زول عنقالي ساكت وما بفهم في الإقتصاد لكن كذبكم الكتير خلانا نفهم في الإقتصاد وأريد أن أطرح السؤال الآتي على مصطفى عثمان:
الوديعة الدايرين يدوكم ليها عشان تقويم مشاريع إستثمارية أم هبة عشان تختوها في البنوك وتتاجروا بها؟ إذا كانت لمشاريع إستثمارية فهذا يعني أنها سوف تُصرف على هذا المشاريع ولن تُضخ في السوق لكي يكون لها أثر على العرض والطلب أما إذا كانت هبة نتيجة شحدة(ياشحاد)، وأنا أستبعد ذلك، فهذا يعني أنها سوف تروح في الباي باي كمثيلاتها وفي الحالتين الأمر سيان ... وديعة شنو ياوش الفقر.

[أبوالكجص]

#1257321 [شبتاكا]
5.00/5 (1 صوت)

04-30-2015 10:20 AM
يا لبلب(بدر الدين بتاع الماليه) كم فى الخط ...امانة عليك تقطع اضنيك بموسا ليك ما اربعة مليارات....دى بس الناقصة الطفل المعجزة يرددها وهو يلعب مع الشفع فى مستواه الذهنى وبعد اكثر من ربع قرن من الزمان قضاها فى روضة اخوات نسيبه وتدرج فيها من الصداقة الشعبيه الى الخارجيه مستوزرا ومكثرا من التجوال الخارجى وحاصدا اصفارا عظيمة ومنتهيا الى سمسرة الاستثمار التى يتفيا فى ظلالها الان وحاصدا ايضا اصفارا جديده لم تنعش جثة اقتصاد عصبته المتمكنة....ومنطق الاشياء يطرح سؤالا مشروعا وين مشاريع النهضة العايزين تستكملونها وفقا لمشروعيتكم المستمده من اكتساحكم لانتخابات الخج التى لم تنقح سجلاتها كما صرحتم وليه بقى غاية طموحكم الاقتصادى ان تتصدق عليك السعوديه ودول الخليج بدربات ودائع بنكيه لانعاش اقتصادكم الميت.
طفلنا المعجزة صدقنى الغلط ما فيك لكن الغلط زمان عمله كباركم من امثال شيخك الماسونى وتلميذه الخبيث لما ختوكم فى مراكز اكبر من قاماتكم وبالمناسبة تهافتكم البليد ده لاستحلاب دول الخليج ح يجيب نتائج عكسيه ويخليهم يترددو فى تشحيدكم وبس حيفيد فى حاجة واحده وهو الخفض الوهمى لسعر العملات الصعبه اسبوعين تلاته ويستفيد من الشغله تجاركم بتاعين العملة..........

[شبتاكا]

#1257304 [مسطول]
5.00/5 (2 صوت)

04-30-2015 09:59 AM
قال وديعة قال
يا ربي يكون قاصد (وديعة) النقادية جارتنا

[مسطول]

#1257300 [ود الكوتش]
5.00/5 (5 صوت)

04-30-2015 09:52 AM
اها وبعد داك ؟!! حتاكلوها وتاني الدولار يطلع
المره دي ما حددت الدوله يعني ، بس خليتها خليجيه عشان ما يكذبوك زي سعادة السفير السعودي لمن نشر غسيلكم ، عامل فيها شاطر وصدقت انك معجزه يا بليد

[ود الكوتش]

#1257293 [150150]
5.00/5 (4 صوت)

04-30-2015 09:44 AM
الزول ده ماعنده فهم ولا لباقة -- وللأسف الشديد شغل ذات يوم منصب وزير خارجية السودان- ومايعرف يفرق بين الودائع - ... عربنتود وهم

[150150]

#1257287 [koze kaddab]
5.00/5 (3 صوت)

04-30-2015 09:37 AM
الطفل المعجزة بقول ليكم وديعة استثمارية، ولا يقصد وديعة مالية، ثم
ذكر بان ٨٠ وديعة استثمارية في الطريق. فسوف يكون هناك مشروع
زراعة مليون شجرة مسكيت لانتاج الفحم ومشروع استخراج اللبن من
شجر العُشر ومشروع العمد الممددة لانتاج الكهرباء من بول الحمير..الخ مما سيؤدى لتقوية سعر الجنيه السودانى بالنسبة للدولار
واليوان الصينى، مما سيسمح لكافة الوزراء بالسفر المتواصل وعلاج
اسنان السيدة الاولى التى تذهب بطائرة خاصة لمقابلة دكتور ح. ع.
بالسعودية.
قمت بالاتصال بمصطفى اسماعيل فأكد لى بانها وديعة استثمارية
وليست وديعة كاش ولكن مشروم العمد الممددة تقرر استخدام البول
البشرى بدلآ عن الحمير وسوف تقوم شركة بولكو بامداد المواطنين
باوعية خاصة بسعر ١٣ دولار فقط لجمع البول.

[koze kaddab]

#1257275 [jafal]
5.00/5 (6 صوت)

04-30-2015 09:21 AM
خلاص يعنى قصيتو ظهرنا ما محولين هللة واحدة واعتقد دا رأى الجميع ما عدا الضرورى جدا جدا

[jafal]

#1257254 [خاطره]
5.00/5 (4 صوت)

04-30-2015 09:11 AM
ده اقتصاد وهمي زيك كده يا وهم انت .بالله في دول العالم دي كلها شاهدت دوله وحده تنتظر الوديعه عشان الدولار ينزل ؟ .اقتصاد قائم على وهم .الوديعه جات ما جات .تقعدوا عمركم كله تقضوه كده .اها وبعد الوديعه دي تجي وينزل السعر وتجاركم يدسوا الدولارات كلها عشان السعر يزيد تاني .تقوموا تنظروا تدور حرب في مكان ثاني وتساندوا السعوديه ويقوموا يدوكم وديعه تانيه .ده تخلف يا طفل يا منقولي .

[خاطره]

#1257244 [fatmon]
4.88/5 (5 صوت)

04-30-2015 08:59 AM
يا أخوانا السودان عجايبه ديل عاملين زي ناس السيرك والله ناس الخبوب اللاوطني ديل الغجر الزمان بتاعين السيرك بتحاوموا يقيموا خيمهم من مدينة لمدينة وعندهم حياتهم الخاصة وقوانينهم الخاصة لكن ناس السيرك ما ببلطوا نحنا ديل بلطوا في الخط وما زحوا جاي ولا جاي وإستلموا كل شيء ودمروا كل شيء جميل وعنده قيمة وبقوا كل يوم يطلعوا بشيء والغريبة الفلسفه الشديدة واحد درس طب وما نجح فيه يعني في مجال دراسته يعتبر فاشل ولقى الفرصة البلد سايبها وراجالها زهدوا في المناصب المعطوبة وبقى يتسلق ويسرق يتسلق ويسرق لحدي ما سوى ليه جدوم وبعد داك صدق نفسه أنه شخص مهم والله وتالله كل الخبوب حكومتهم كلها على بعضها بي برلمانها ما يساوي ضفر راجل واحد سوي وعاقل ورشيد
والأقتصاد عنده رجاله والسوق والبزنس مابرتفع بالقرعة الممدودة والاقتصاد برفعه إنتاج الدولة ما تسولها وعمره الجنية السوداني ما حتقوم ليه قائمة ولا حيرتفع سعره طالما أنتم القائمون بالأمر لأنكم لا تعرفون غير الفساد والتسول وديل ما ممكن ما ممكن خالص يصلحوا حال والحال حينصلح اللحظة التي تاخدوا في جزاءكم على يد الشعب الصابر الأبي الشامخ وقريبا وبأذن الله يمهل ولا يهمل يمهل ولا يهمل
والسفير السعودي وراكم موقف بلاده لن يدفعوا مليما واحدا وقالها صراحة لأنهم لم يأجروا مرتزقة سمعت ولا نقول ليك الكلام ده تاني يا فاشل

[fatmon]

#1257243 [جنو منو]
5.00/5 (5 صوت)

04-30-2015 08:59 AM
الناس ديل مابخجلوا عديل كده .. قاعدين على باب الله .. لا خطط تنميه .. بس مادين اياديهم وبس !!

[جنو منو]

#1257213 [جركان فاضى]
5.00/5 (4 صوت)

04-30-2015 08:33 AM
الاقتصاد السودانى عندو ضغط....الحكيم قال عاوز ليه تلاتة حبات وديعة يوميا عشان يخف الضغط...حبة وديعة واحدة ما كافية...الجنيه بدا ينبرش امام الدولار فى وقت تعانى البلد فيه من شح شديد من دقيق الخبز والغاز...سوف تشهد الايام القادمة صفوف طويلة للخبز....فيما سوف تختفى صفوف الغاز تماما لانه لن يوجد غاز اصلا

[جركان فاضى]

#1257191 [حاتم]
5.00/5 (4 صوت)

04-30-2015 08:13 AM
اقتصاد عموده الفقري واعتماده على الشحدة والاشاعات
لدعم عملته الوطنية ورفع ارصدتها امام العملات الجره يا لبؤسه
ويا لنذالة القائمين عليه

الطفل المعجزة العربي البروس الشحاد
انت طول عمرك شحاد وستظل
قبحك الله يا متسول

[حاتم]

#1257170 [خليوت بعانخى]
5.00/5 (5 صوت)

04-30-2015 07:47 AM
يا اخوانا فيه حاجة اتعس من كده؟ ان يظل وزير المالية ووزير الاستثمار يشيعوا بالكذب ان هنالك وديعة استثمارية.. الودائع الاستثمارية تكون فى الدول التى يرجى من الاستثمار فيها هل يمكن ان تحفظ وديعة استثمارية فى دولة تطلق الاشاعات لتخفيض سعر الدولار فى السوق المحلى لتشتريه البنك المركزى لتمويل شراء دقيق القمح من الخارج ؟ ويقول مصطفى ان الوديعة سيكون لها اثر يعنى فى المستقبل حتى لوكان بعد يومين ..اذا كانت هنالك وديعة سيكون اثرها لحظيا لان الحكومة ستكف عن الشراء فى السوق الموازى وفى ساعات قليلة يهبط سعر الدلار..اصحاب الوديعة الوهمية قالوا ليست هنالك وديعة وهل هم من العبط وعدم المعرفة لوضع اموالهم فى اوعية لا يرجى منها ؟

[خليوت بعانخى]

#1257127 [خرفان الكيزان]
5.00/5 (11 صوت)

04-30-2015 04:02 AM
انا اشك ان هذا الطفل الشحاد من عائلة مشتهره بحكاية لله يا محسنين. لان هذا الرجل هو وزير شحده و شئون لله يا خليجيين
المحزن دوله السودان لا تمتلك مقومات دولة محترمة. اقتصادها يعتمد على اقتصاد لله يا خليجيين لا بترول و لا صناعة و لا زراعة و لا سياحة و لا حتى علاقات مع دول تساهم تنمية اقتصادها و كل شئ لله

[خرفان الكيزان]

#1257126 [العطار]
4.96/5 (7 صوت)

04-30-2015 03:50 AM
بخت الحس ساي وينو دولارت تنميه الشرق واهم من ظن إن للثعلب دين انت من علم دراويش الفته فنون اللحس المنظم

[العطار]

#1257119 [burram]
4.94/5 (7 صوت)

04-30-2015 02:46 AM
حلم الحرامى مال الغير والمال العام !!! السودان كان يسمى ! سلة غذأ العالم!! نهبوا البلد وشغالين شحده حرامية بلا كرامه عيونهم قويه وأنحنا لاحقنا رأس السوط ، بسبب هولإ المسخ سمعة السودان فى الحضيض ،

[burram]

#1257116 [Atef]
5.00/5 (11 صوت)

04-30-2015 01:58 AM
الألسنه مغاريف القلوب...

ياناس...!!! عيل تايه يا ولاد الحلال...زفر أللسان , كريه ألرائحة, لص, فاشل, غبي, ألرجاء من يتعرف علية ألإتصال بدول ألخليج.......إحترامي

[Atef]

#1257115 [kaka]
4.85/5 (6 صوت)

04-30-2015 01:47 AM
تعريفة حمرا ما حتشوفها هسه ! انا قايل الحكاية لعب ! المرة دي السفير السعودي برسل انت عديل و يلكشرك

[kaka]

#1257108 [عبير حسام الغالى]
5.00/5 (10 صوت)

04-30-2015 01:10 AM
كان خلوه جوه السودان سرق ..وكان سفروه بره السودان شحد .. واحد شاطر يورينا دا منو؟؟

[عبير حسام الغالى]

#1257101 [توفيق عمر]
4.92/5 (8 صوت)

04-30-2015 12:26 AM
هذا الرجل صاحب الوجه المعوج من كثرة الرمرمة وشفط السحت هل يظن انه وحيها رغم ما نراه نحن

[توفيق عمر]

#1257091 [صلاح صالح]
4.68/5 (9 صوت)

04-30-2015 12:06 AM
لم ولن ينصلح حال الاقتصاد والفساد ينخر جسده

[صلاح صالح]

#1257090 [ود احمد]
4.92/5 (8 صوت)

04-30-2015 12:06 AM
لا بالودائع والمنح يبنى يبنى اقتصاد ياوقح
لا نريد مشاريع جديدة زراعية بس اعملوا معروف وصلحوا الخربتوه في سنوات الضياع اللا انقاذي
السكة حديد
سودانير
الجزيرة
الرهد الزراعية
ساق النعام
خور ابو حبل طوكر خشم القربة جبال النوبة مؤسسة الشمالية الزراعية مشروع الكتياب الزراعي مشروع المكابراب الزراعي
لو صلحتو دي تكونوا ما قصرتو الله يقصر عمركم
مشاريع النيل الابيض الزراعية

[ود احمد]

#1257085 [عدو المنافقين والظالمين واللصوص]
4.99/5 (9 صوت)

04-29-2015 11:53 PM
هذا العاطل عديم الاخلاق عايش على السرقة داخليا وعلى الشحدة خارجيا...
فى انحطاط اكتر من كده؟؟؟ والله العظيم هذا السفيه لا كرامة له واصبح كالانعام بل اضل.ياخى اقطع وشك غور بلا يخمك الى جهنم.

[عدو المنافقين والظالمين واللصوص]

#1257077 [كنياتا]
4.99/5 (9 صوت)

04-29-2015 11:43 PM
دي بقت عليهم حكاية محمود الكذاب الذي كان يرعى بغنم أهالي القرية وكم مرة كدا كان بطلع الجبل بغنمه ويصيح النمر النمر هجمني النمر أكلني النمر ويجوا ناس القرية جارييييين ويلقوا نصيح ويضحك عليهم وفي ذات مرة هجمه ظهر نمر حقيقي وبدا يصيح ويكورك النمر النمر يا جماعة النمر أكلني ولا واحد ما اشتغل بيهو وفي نهاية اليوم مشوا لقوا النمر أكله جد جد ،،، أها أخواننا ديل بعد دا مافي زول بشتغل بيهم الشغلة دي ويا تجار العملة ما تصدقوا الناس ديل خلااااص بقوا ماشين على عجل الحديد وغير الكضب ما عندهم أي شيء والكضب ذاته انتهى بقوا بكرروا اسطوانة واحدة بس

[كنياتا]

#1257068 [Majican]
4.96/5 (7 صوت)

04-29-2015 11:25 PM
عليك الله ماتخجل يا ابو درش وديعه خليجية تعمل فيكم كده وبكل بجاحه الوديعة الخليجية
سوف تنعكس ايجابا علي مناخ الاستثمار في السودان تفوووووو عليكم حرامية اولاد جزم
(ان شاء الله ماتفضحونا مع الوديعة وتعملو نايمين)

[Majican]

#1257067 [كاسـترو عبدالحـمـيـد]
5.00/5 (6 صوت)

04-29-2015 11:22 PM
مؤشر أداء اى اقتصاد لدولة هو المعادلة بين الأنتاج والتصدير وعليه ينعكس ذلك على سعر العملة. اما فرية " وديعة " وما شابه ذلك وبأن الأقتصاد سوف يتعافى والعملة سوف تتحسن فهذا كلام لا يقوله حتى واحد سكران . انتو فاكرين بتضحكوا على منو ؟ ناس جهلة ولصوص وعديمى الضمير والأخلاق .

[كاسـترو عبدالحـمـيـد]

#1257063 [المتحير]
4.93/5 (9 صوت)

04-29-2015 11:14 PM
و الله حيرتونا دا اقتصاد و لا ختت عريس ...تفرحونا بى قروش ما من طين البلد ...ما اهو القطريين اول ما زعلو من السيسى سحبو الوديعة

[المتحير]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة