الأخبار
أخبار إقليمية
دعوة لتفعيل التشريعات المنظمة لاقتصاديات الهجرة والقفز بتحويلات المغتربين لتصل 6 مليار دولار
دعوة لتفعيل التشريعات المنظمة لاقتصاديات الهجرة والقفز بتحويلات المغتربين لتصل 6 مليار دولار
دعوة لتفعيل التشريعات المنظمة لاقتصاديات الهجرة والقفز بتحويلات المغتربين لتصل 6 مليار دولار


04-30-2015 11:55 PM
الخرطوم (سونا)
أمن المتحدثون فى ورشة مناقشة الخطة الاستراتيجية لاقتصاديات الهجرة للعام 2015- 2019 م على اهمية تفعيل التشريعات المنظمة لاقتصاديات الهجرة إضافة الى ايجاد صيغ ضمانات محفزة للمستثمرين ومقبولة لدى مؤسسات التمويل .
واكد المشاركون فى الورشة التى عقدت بجهاز تنظيم شئون السودانيين بالخارج على أهمية اقتصاديات الهجرة وأجمعوا على ضرورة اتخاذ عدد من الخطوات التى تسبق الاستراتيجية المتمثلة فى معالجة سعر الصرف واستقرار السياسات الاقتصادية والتصالح بين السياسة والاقتصادية ورفع الحس الوطني للسودانيين بالخارج والعمل على رفع العقوبات الاقتصادية المفروضة على السودان الى جانب استصحاب ادبيات اقتصاد الهجرة الحديثة .
وقال السفير حاج ماجد سوار الامين العام للجهاز ان الورقة المقدمة تعتبر إطارا للبدايات الصحيحة لتأسيس اقتصاديات الهجرة .
وأوضح ان الجهاز اأقام العديد من الورش عن علاقة الهجرة والتنمية ،مشيرا الى سعي الجهاز لاعداد استراتيجية لاقتصاديات الهجرة تتضمن مشروعات عملية للوصول فى نهاية الخطة الخمسية لاقتصاد هجرة مكتمل يسهم فى الاقتصاد الكلي والاهداف المرحلية لزيادة الانتاج وتخفيف حدة الفقر لدعم الموازنة العامة .
وكشف سوار عن مشروع شركة نقل بحري للمغتربين بمساهمة من عدد من المغتربين والقطاعين العام والخاص .
وقد ناقشت الورشة الخطة الاستراتيجية لاقتصاديات الهجرة والتى أعدها د. حسين سليمان الخبير الاقتصادي بالمنتدى الصيني الافريقي .
واستعرض معد الورقة واقع اقتصاديات الهجرة والفرص المتاحة ،مبينا أهمية الهجرة كمورد اقتصادى هام .
وأوضح ان تحويلات المغتربين تقدر ب6 مليار دولار سنويا والعجز الحقيقي فى الموازنة 3 مليار دولار يمكن ان يسهم اقتصاد الهجرة فى سده .
ودعا الى ايجاد آلية للاشراف والمتابعة والمراجعة حتى لا تفشل الخطط والاستراتيجيات الخاصة باقتصاديات الهجرة ،وفتح باب الهجرة للاستفادة من الخبرات والاحاطة بالتدفقات المالية وحجمها وربط الاقتصاديات باحتياجات المغترب .


تعليقات 13 | إهداء 0 | زيارات 1693

التعليقات
#1257969 [nagatabuzaid]
0.00/5 (0 صوت)

05-01-2015 07:53 PM
لو بتحلم فى منامك قل حولوا

سيبوه يحلم هو الحلم بقروش ؟؟؟؟؟؟؟؟؟ احلام مليانة كوابيس وهضربة مغترب واحد ما بحول لكم 6 قروش ديل جهد وعرق وغربة وشجن يحولوا قروشهم لحرامية ينهبوها ويشاركوا بتاجير طيارات لعمليات غسيل الاموال؟ قريب يومداك ومطول تاج الدين المهدى مشارك فى العملية القذرة لجلب الاموال من غانا من وين جاب القروش ما ياها قروش عرق المغتربين يسمكم مافى انتم جماعتكم الكيزان المغتربين ما بحولوا لكم مع انهم اولاد المصارين البيض

[nagatabuzaid]

#1257953 [كرم]
0.00/5 (0 صوت)

05-01-2015 07:05 PM
أمش شوف ليك أستاذ دقو .

[كرم]

#1257879 [ود الفاضل]
0.00/5 (0 صوت)

05-01-2015 03:41 PM
اطمئن ياماجد سوار المغتربيين لدغوا من جحار الانقاذ بدل مرة الف مرة !!!!! ولذلك فلا احد يتصرف بكامل وعيه ويقوم يفتح حساب جاري فى بنوك الهبرو ملو !!!!! الا قلة من المحسوبين على الحزب المولود من رحم جنازير الدبابات التي قتلت الديمقراطية واقامت على انقاضها نظاما لايشبه اهل السودان ولا ينتمي اليهم بصله ........ المغتربون يعملون فى دول تحترم الانسان وحقوقه ،والنظام المصرفي فيها مستقر ومامون على المليم الواحدة ( احد زملائي فى العمل فتح حساب فى احد بنوك امدرمان قبل سبعة سنوات اودع فيه خمسين الف ريا ل سعودي ، وعندما ذهب الى البنك قبل عام تقريبا سأل عن رصيد حسابه بالريال وجده ثلاثة عشر الف ريال سعودي) تخيلوا كيف ياكل هبوط العملة اموال الناس ....... فالمغتربون ليسوا بهذه السذاجة حتى يذهبوا للمحرقة بارجلهم ... قل لي بربك ياماجد سوار هل يوجد مواطن سوداني يعاني من الظلم والضيم والبهدلة والحقد اكثر من المغتربين ؟؟؟؟؟؟؟ تعال شوف بنفسك مثال واحد للاجراءات التي تتعامل بها قنصليات السودان فى الخارج ( وقنصلية الرياض وجدة كمثال ) هذه القنصليات عبارة عن سوق شعبي لاضابط فيه ولا رابط .... يزدحم المغتربون وعائلاتهم هذه الايام بالالاف بغرض استخراج الرقم الوطني مع بطئ الاجراءات وسخافتها .. مابين تقديم المغترب للرقم الوطني وبين استلامه يحتاج لشهرين على الاقل !!!!!! تصور يامجد سوار وذلك مع البهدلة والازدحام بين الرجال والنساء ، ولايوجد مجرد لافتات لارشاد المراجعين كيف يتصرفون ( زرائب غنم ) ... انتم فى حاجة لكورسات فى الخدمة المدنية لمدة عشرة سنوات حتى يحق لكم القيام بخدمة الجمهور !!!!!!
هذا بالنسبة لعذابات المغتربين خارج الوطن .. اما الحجيم الذي ينتظرهم فى جهاز المغتربين فذلك تم تخصيصه فقط للانتقام من المغتربين وليس لخدمتهم !!!!!
اذا كنتم ياماجد سوار حقا تبحثون عن ربع ولاء المغتربين عليكم الغاء تاشيرة الخروج من ذلك الجهاز لتعيس الكئيب واتركوا المغتربين يحصلون على تاشيرات خروجهم من وكر الظلام فى المنافذ الجوية والبحرية ... وقوموا بتطوير خدمات القنصليات حتى تتماشى مع حضارة الدنيا كلها . وفتشوا على السودانيين الذين تم احالتهم للصالح الخاص وليس الصالح العام عندما جاء انقلابكم المشئوم الئك الرجال هم العارفين بالخدمة الراقية حتى وان بلغوا من الكبر عتيا فهم افضل مليون مرة من صعاليك الانقاذ الذين تقذفون بهم الى سفارات السودان وهم لايعرفون تلت التلاتة كم فى الخدمة المدنية !!!!! ويجب ان تعلم ان الجواز الالكتروني فى سفارات الدنيا كلها فى الخليج يتم استلامه خلال اربع وعشرون ساعة . وذلك باستلام الجواز القديم وتسليم الجواز الجديد .... لانه لامعنى لبيانات جديدة لانسان يحمل جنسية وجواز السودان قبل خمسين عاما ، يدلف الى قنصلية بلده يسأله شافع فى عمر احفاده انت مولود وين وبياناتك ناقصة الشاهد . وبعض هؤلاء الموظفين اذا كانت اجابتك انا مولود فى ربك يقول ليك ربك دي تابعة لاي منطقة فى السودان ( ياحليل السودان ) الاصبح تحت حماية ناس حميدتي ....

[ود الفاضل]

#1257843 [اسلامي]
0.00/5 (0 صوت)

05-01-2015 01:48 PM
اين هي اقتصاديات الهجرة دي دا شغل هروب من البلد بالكوم من دون دخل انت نفسك عايش في الغربة براتب لايكفيك اكل وشراب وايجار شنو فضل للاقتصاديات دي تاني ؟ لاشئ عايد من الغربة لو عايز الناس تعيش صح اعطيهم نفس راتب الغربة وشوف هل تلقي سوداني مهاجر ؟الناس عايزة شنو من الطيران والسفر للمجهول دا

[اسلامي]

#1257827 [عون الشريف دفع الله]
0.00/5 (0 صوت)

05-01-2015 01:05 PM
ورفع الحس الوطني للسودانيين بالخارج .

ترفعوا الحس الوطني للسودانيين بالخارج كيف يعني ؟
ومنو القال ليكم انو المغتربين ماعندهم حس وطنى ياعديمي الاحساس والدم؟

المغتربين شدة مااحساسهم الوطنى عالي ياسفله ماهيحولوا ليكم سنت واحد من اموالهم
ومصاريف أسرهم في السودان بيحولوها من اماكنهم يعني بيسلموها لناس معينين هنا يقوموا
يسلموها لأهلهم في كل ربوع السودان وفي نفس اللحظه وبأعلي سعر ممكن وزياده.

وعلي فكره معظم الناس البحولوا القروش للسودانيين في دول المهجر لأهلهم في السودان كلهم
من الكيزان وكمان من أتفه وأوسخ نوع من الكيزان يعني لأ يقلوا وساخه وعفانه وتغاهه وسفاله
من حاج ماجد سوار اللي لي هسع موهوم انو صحي صحي سفير والسودانيين يعلمون هذه الحقيقه ولكنهم
يتحوطون بما فيه الكفايه.

[عون الشريف دفع الله]

#1257801 [الهادي]
0.00/5 (0 صوت)

05-01-2015 11:30 AM
حلم الجوعان

والله لو يبقى سعركم عشرين الف للدولار زول بحول لكم مافي شوفوا لكم مكان تاني اسرقوا منه يا لصوص

[الهادي]

#1257798 [mustafa seory]
0.00/5 (0 صوت)

05-01-2015 11:16 AM
يا اخوانا اى خطة او برنامج يخص المغتربين لازم يكون تحت الرعاية الكريمة للصافى جعفر والا سيكون الفشل حليف ما تخططون له.
عليكم بالصافى جعفر لان الزول سره باتع.

[mustafa seory]

#1257797 [shah]
0.00/5 (0 صوت)

05-01-2015 11:09 AM
لا يجب الكلام عن رفع الحس الوطنى بين المغتربين قبل أن يحس المغترب فى سفارته أنه مواطن محترم لا يهان و يعتدى عليه من قبل صعاليك الأمن الذين تكتظ بهم السفارات من غير عمل مجدى يؤدونه.

[shah]

#1257784 [الهمباتي]
5.00/5 (1 صوت)

05-01-2015 10:35 AM
علاقة المغترب بالدولة زي البنت الجميلة ذات الخلق الحسن ولكن والدتها تعمل في بار وتجبرها احيانا علي الحضور اليها في مكان عملها @@@@@@@@

[الهمباتي]

#1257763 [ود اب زهانه]
0.00/5 (0 صوت)

05-01-2015 08:55 AM
ورش واجتماعات انتم بحاجة الي استعادة ثقة المغترب اولا بثرارات علي الواقع يحسها ويلمسها المغترب في جيبه بعد داك فكروا في الاستقطاب لن يتم تحويل اي مبلغ عبر القنوات الرسمية فلا تتعبوا انفسكم

[ود اب زهانه]

#1257749 [خليوت بعانخى]
0.00/5 (0 صوت)

05-01-2015 07:34 AM
الافة الكبرى التى لم تتخلص منهاالنظام هى الكذب ذلك المرض الخطير الذى يجعل الشخص مكروها لدى الخالق والخلق هموا لن يستبينوا النصح حتى ضحى الغد .. كم كانت تحويلات المغتربين حتى ترفعوها الى 6 مليار دولار ايها الحالمون ابدا ؟ هل هنالك دولة تحترم نفسها وتقول ان اتحويلات او الايرادا (تقريبا) كذا ؟ من كلامك يا ماجد قوار يتضح ان الميزانية فقط 9 مليار وتحويلات المغتربين 6 وتريد ان ترفعها الى 9 لتغطى العجز البلغ 3 مليار .. يعنى وانت قاعد على صلبك المغتربين يغطوا ليك كل ميزانية الدولة.. ثم انك يا بسمارك السودان تقول تريد ان ترفع الحس الوطنى لدى المغتربين وكانهم لا وطنية لهم .. انت لوكان عندك حس وطنى كان يكون عندك حس الترابى ولكن كما قال فيكم رئيسكم الذى علمكم السحر وغدرتم به فى ليل بهيم اصلابكم على الكراسى وبطونكم مع نظام الافك فانتم عبيد لبطونكم يا اوسخ ملة

[خليوت بعانخى]

#1257733 [fatmon]
0.00/5 (0 صوت)

05-01-2015 06:41 AM
نت عشان قالوا سفير صدقت ولا شنو والله لو ما الخبوب الوطني إنت الطيارة ما يعرف يركبها خلي يشتغل وخارجية ومغتربين عشنا وشفنا كل من هب ودب عايز يتمنى ويحلم ويكتبوا ليه تاني يوم في الجرايد والإنتخابات ممكن تغيروا النتائج لكن دولارات المغتربين ولا في الاحلام ياواااااااااهم

[fatmon]

#1257726 [أرحـل]
0.00/5 (0 صوت)

05-01-2015 06:25 AM
سبحان الله ، لاحظوا إلى لون وجه هذا اللص .

[أرحـل]

ردود على أرحـل
[خالد فارس] 05-02-2015 09:24 AM
عامل ماسك من الكركم والزبادي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة