الأخبار
أخبار إقليمية
ديوان الزكاة يوقف جباية أموال التمباك
ديوان الزكاة يوقف جباية أموال التمباك
ديوان الزكاة يوقف جباية أموال التمباك


05-03-2015 10:42 PM
الخرطوم: صديق رمضان

أصدر ديوان الزكاة قرارًا قضى بإيقاف جباية أموال التمباك، وكشف أمين الديوان بولاية شمال دارفور، حامد أحمد حامد جبارة عن تنزيل القرار على أرض الواقع عقب إصداره في الثالث والعشرين من شهر أبريل الماضي.

وأشار إلى أن القرار جاء لقفل "الباب البجيب الريح"، مبيناً أن الديوان كان يتحصل رسومًا بواقع سبعة جنيهات على قنطار التمباك بواسطة موظف لا يتبع للديوان، مشددًا على أنها لم تكن جباية بل هي رسوم تذهب لعلاج المرضى ولا تدخل ميزانية الزكاة السنوية، معتبراً هذا تأكيداً على عدم إدراج أموال الرسوم المتحصلة ضمن فروع جباية الزكاة، وقال: "إن علاج المرضى سيتم من أموال أخرى لا علاقة لها بالرسوم التي يتم تحصيلها من التمباك"، موضحاً أن ديوان الزكاة الاتحادي وبعد صدور فتوى تحرم زراعة وتجارة وتعاطي التمباك أصدر قراراً مماثلاً يقضي بإيقاف جباية أموال منه.


الصيحة


تعليقات 16 | إهداء 0 | زيارات 3650

التعليقات
#1259793 [عونكوليب]
1.00/5 (2 صوت)

05-04-2015 07:03 PM
يا سلام يا حامد احمد حامد وأنت تدعي أنك تحارب في الحرام وتعالج المرضى من جباية التمباك. عندكم في علاج ؟ إذا كان الخرطوم تعاني نقص العلاج !! وكان تضيف في كلامك بتقيم الليل وتصل الارحام. الظاهر عليك إنت ما مؤتمر وطني أصلي. اين وجدت هذه الامانة وسيدك الترابي أكبر نصاب في السودان . أخجل وإستحي على عينك فأنت منافق ووقح. داهية تاخدكم,

[عونكوليب]

#1259526 [التاج محمد احمد]
1.00/5 (2 صوت)

05-04-2015 12:01 PM
لا لا شيلوها وارقدوا قفا حاجات زي دي نحنا ما بنعاتبكم فيها هو اصلا انتو بتحسو عشان نعاتبكم وحاولوا المواسم الجايه تزرعوا المشاريع نص تمباك ونص حشيش

[التاج محمد احمد]

#1259427 [موجوع شديد]
1.00/5 (2 صوت)

05-04-2015 10:34 AM
( اذا لم تستحي ففعل ما تشاء )

[موجوع شديد]

#1259400 [الحقيقة المرة]
1.00/5 (2 صوت)

05-04-2015 10:08 AM
الموظف دا بشيل الزكاة وليها ناس بياكلوها زي الجرجير يا اخوانا هناك تماسيح البر مليان تماسيح والله ياكلوا ناقة سيدنا صالح والله اقرب دقن اقاسمهم مع اي موظف .

حاميها حراميها العمارات والاستثمارات التي مع الكيزان دي من حلال اشك بل ابصم بالعشرة انها حرام بدون شك لانها زيادة عن الحد القانوني معظم الكيزان كانوا فقراء شديد قبل الثورة فمن اين اتت لهم تلك الاموال الآن؟

واستغفر الله العلي القدير .

[الحقيقة المرة]

#1259330 [جنو منو]
0.00/5 (0 صوت)

05-04-2015 08:59 AM
عقبال ايقاق السف !!

[جنو منو]

#1259298 [محمد علي]
5.00/5 (1 صوت)

05-04-2015 08:25 AM
والضريبة...صلحو بها المجاري والصرف الصحي ..
وكمان ...
تمباك ..تمبااااااك..تمباك
أنا شايف شلوفتك ممدوة هناك
وسنونك صفر وريالتك تابعاك
يا خي سيب السفة وخليهاكفاك
تمباك تمباك..تمبااااااك

[محمد علي]

#1259294 [ودالعمدة]
0.00/5 (0 صوت)

05-04-2015 08:23 AM
يا خساره البنت "الزكاة" طلعت بت سف ......يا ربي صعوط السنجك ولا العربي !!!!

[ودالعمدة]

#1259272 [عبدو]
0.00/5 (0 صوت)

05-04-2015 07:59 AM
زودت ليهم الربح يعني

[عبدو]

#1259264 [أبو سهـــم]
0.00/5 (0 صوت)

05-04-2015 07:53 AM
الصاروووووخ الفوق ده بيوزعو تبع الزكاة؟؟!!!

[أبو سهـــم]

#1259262 [خرطوش أسود]
0.00/5 (0 صوت)

05-04-2015 07:51 AM
(بواسطة موظف لا يتبع لي ديوان الزكاة مشددا أنها رسوم تذهب لعلاج المرضي وليس جباية) جاء قال (علاج المرضى سيتم من أموال أخرى لا علاقة لها من من أموال رسوم التنمباك) تناقض غريب ولا كمان صدر قرار تحريم جباية من التنمباك ،طيب ياحرامية ليه جايبين موظف معاكم يتحصل رسوم التنمباك شنو خاتين ليهو سست يغسلا ليكم والله انتوا فوقتو سوء الظن العريض

[خرطوش أسود]

#1259223 [بدر السماء]
0.00/5 (0 صوت)

05-04-2015 06:57 AM
كان يتم التحصيل بواسطة موظف لا يتبع للديوان !!! كيف دي ؟

[بدر السماء]

#1259212 [mohd]
5.00/5 (1 صوت)

05-04-2015 06:43 AM
سوف اكتب على بيتى بيت التمباك منعاً للعوايد وجميع اعمالى سوف اسميها تمباك بل سوف اسمى نفسى الاستاذ/ تمباك وبرضو ان شاء الله نسلم من الجبايات- الدول التى تاخد ضرايب من المواطن تقدم له السكن والعلاج والماكل عند بلوغه سن التقاعد وليس من اجل توزيعها على خليفة المسلمين واتباعه-----

[mohd]

#1259208 [farok]
0.00/5 (0 صوت)

05-04-2015 06:39 AM
غريبة !!! ده كلو عشان تجار التمباك دعموا حزب البشير اثناء الانتخابات بكم مليون أو

مليار ماعارف ,,, لكن الغريب في الموضوع انو حزب البشير ده بشكل عام لايعرف جميلا

او يشكر مساندا ولا عندو ريحة ( الذوق ) ,, دي عملوها كيف ؟؟؟ وبعدين حنك انو دي

اموال خبيثة وكده الكلام ده ماعاد ينطلي على المواطن السوداني هو انتو في اخبث منكم؟؟

[farok]

#1259187 [كوكو البلة]
0.00/5 (0 صوت)

05-04-2015 05:21 AM
ياناس الزكاة عمر بن عبد العزيز فى سنتين الزكاة ما عرفوا يودها وين انتو 26 سنة الزكاة والحج لدعم المجهود الحربى هدمتوا الدين لكن العذاب راجيكم انشاء الله

[كوكو البلة]

#1259186 [Almisahir fi izallail]
0.00/5 (0 صوت)

05-04-2015 05:10 AM
علاج المرضى ما كويس يكون من قروش التمباك ليييه! حصل ليهم شنووو! لآزم جرّبوا السف واتحالا ليهم ! وتكونو شعرتو بمضايقتهم ليكم!
* قالو "الرسوم السبعه جنيه على القنطار كان بيتحصّلا موظف لا يتبع لديوان الزكاه!" كيف *ومنو الاداّهو النور الاخضر ؟ والقروش دى كان محتفظ بيها وين وبيصرفا فى شنووو! وكيف!
* ما شاء الله .. همّة عاليه! وسرعة فى التنفيذ.. اوقفت الجبايه فورا بتنزيل قرار وقفها الى ارض الواقع حال صدور القرار يوم 23 ابريل! تمام!

[Almisahir fi izallail]

#1259155 [fatmon]
0.00/5 (0 صوت)

05-04-2015 01:27 AM
وماذا عن أخذ الزكاة بطريقة غير إسلامية
الزكاة في الإسلام معروف والزكاة تأخذونها بربطها بكل التراخيص التجارية
وديون الربا من الدول الأخرى مع العلم إنها كمان من دول غير إسلامية وغير دينية أحيانا ملحدين وكفرة ؟ هل الدين منهم حلال؟ إذا كان السؤال لا يخصك حوليه لبرلمانكم الذي يجيز ويمرر فقط على هوى الجماعة لا للشعب ولا من حيث الحلال والحرام ياربي بديتوا خلاص تشوفوا الحلال وين عشان كان بديتوا حتجيبوا ناس من وين لان ناس حزبكم كلهم حرامية وطبعا ده ما كلامنا كلام واحد منكم وفيكم قال لو عايزين ندخل الفاسدين السجن كنا حندخل الحزب كله السجن أها كيف عاد تحلوا المعضلة دي ولا أقول ليك واصلوا في الحرام عشان الحلال ما بشبهكم أصلا

[fatmon]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة